ရှမ်းပြည်နယ်သတင်းများ

ပြည်နယ်ဝန်ကြီး ဦးအောင်ကျော်ညွှန့်၊ သမဝါယမလုပ်ငန်းများ ဖွံ့ဖြိုးတိုးတက်ရေးအဖွဲ့ ညှိနှိုင်းအစည်းအဝေးကျင်းပ

တောင်ကြီး   မေ   ၁၀

 

 

2

 

1

 

   မေလ(၉/၁ဝ)ရက်နေ့များတွင် ရှမ်းပြည်နယ်သမဝါယမဦးစီးဌာနရုံးခန်း၌ ကျင်းပသော ရှမ်းပြည်နယ်ကျေးလက်ဒေသဖွံ့ဖြိုးရေး၊ ဆင်းရဲမှုလျော့ချရေးနှင့် သမဝါယမလုပ်ငန်းများ ဖွံ့ဖြိုးတိုးတက်ရေးအဖွဲ့ အစည်းအဝေးကို ရှမ်းပြည်နယ်အစိုးရအဖွဲ့၊ စီးပွားရေးနှင့် စီမံကိန်း ဝန်ကြီး၊ သမဝါယမလုပ်ငန်းများ ဖွံ့ဖြိုးတိုးတက်ရေးအဖွဲ့ ဥက္ကဌ ဦးအောင်ကျော်ညွှန့်နှင့် အဖွဲ့ဝင်များ တက်ရောက်ကြသည်။


    အစည်းအဝေးတွင် ပြည်နယ်ဝန်ကြီး ဦးအောင်ကျော်ညွှန့်မှ သမဝါယမလုပ်ငန်းများ ဖွံ့ဖြိုးတိုးတက်ရေး ဆောင်ရွက်ရာတွင် အဖွဲ့ဝင်များမှ နယ်မြေအလိုက် ကြပ်မတ်ဆောင်ရွက်ရန်လိုကြောင်း၊ အဖွဲ့၏ ရည်ရွယ်ချက်ဖြစ်သော ဆင်းရဲမှုလျော့ချရေးအတွက် တောင်သူလယ်သမား၊ ဆင်းရဲသားများ၊ ပြည်သူများ အရင်းအနှီးရရှိရေးအတွက် ချေးငွေ ချေးပေးရန်လိုကြောင်း၊ ရှမ်းပြည်နယ်အစိုးရအဖွဲ့မှ ထုတ်ချေးငွေကျပ်သိန်း(၅၁ဝဝ)အား သမဝါယမလုပ်ငန်းများ ဖွံ့ဖြိုးတိုးတက်ရေးအဖွဲ့မှ ရယူ၍ ထုတ်ချေးပေးသွားမည်ဖြစ်ကြောင်း၊ အဖွဲ့တွင် ပါဝင်သည့် အဖွဲ့ဝင်(၁၄)ဦးတို့မှ တာဝန်ယူ/ တာဝန်ခံ ဆောင်ရွက်ရမည်ဖြစ်ကြောင်း၊ ထုတ်ချေးရာတွင် ထုတ်ချေးမည့် မြို့နယ်အသင်းများအား ပြည်နယ်သမဝါယမဦးစီးဌာန၊ ရှမ်းပြည်နယ် သမဝါယမအသင်းစုချုပ်များ အပါအဝင် အဖွဲ့ဝင်များက ညှိနှိုင်းစိစစ်၍ သမဝါယမလုပ်ငန်းများ ဖွံ့ဖြိုးတိုးတက်ရေး အဖွဲ့အစည်းအဝေးတွင် တင်ပြပြီး အဖွဲ့၏ ဆုံးဖြတ်သဘောတူညီချက်ဖြင့် ဆောင်ရွက်သွားရန်ဖြစ်ကြောင်း လမ်းညွှန်မှာကြား ခဲ့ပါသည်။

 

    အစည်းအဝေးဆုံးဖြတ်ချက်အရ ရှမ်းပြည်နယ်အတွင်းရှိ မြို့နယ်(၂၂)မြို့နယ်မှ အခြေခံ သမဝါယမအသင်း (၉၅)သင်းသို့ ကျပ်သိန်း(၅၁ဝဝ)အား ထုတ်ချေးရန် ဆုံးဖြတ်ခဲ့ကြပါသည်။ ရှမ်းပြည်နယ်အတွင်း အခြေခံသမဝါယမအသင်းပေါင်း (၉၃၅)သင်း ဖွဲ့စည်းထားပြီး ၂ဝ၁၃ ခုနှစ်၊ မေလအထိ ထုတ်ချေးငွေ စုစုပေါင်းမှာ ကျပ်သိန်းပေါင်း (၃၃ဝဝဝ)ကျော်ထုတ်ချေးထားပြီးဖြစ်ပါသည်။

 

ပြည်နယ်မိခင်နှင့်ကလေး စောင့်ရှောက်မှုကြီးကြပ်ရေးအဖွဲ့ နာယက ဒေါ်ဖြူဖြူညွန့် ခြေလေးချောင်းနှင့် ထူးဆန်းစွာ မွေးဖွားလာသည့် ကလေးငယ်အား သွားရောက်ကြည့်ရှုအားပေး

တောင်ကြီး    မေ    ၁၀

 

 

4

 

   ရှမ်းပြည်နယ် မိခင်နှင့်ကလေးစောင့်ရှောက်မှု ကြီးကြပ်ရေးအဖွဲ့နာယက ပြည်နယ်ဝန်ကြီးချုပ်၏ ဇနီး ဒေါ်ဖြူဖြူညွန့်သည် မေ(၁၀)ရက် ညနေ(၄)နာရီတွင် တောင်ကြီးမြို့ အမျိုးသမီးနှင့် ကလေးဆေးရုံကြီး၌ ကုသမှုခံယူရန်အတွက် ရောက်ရှိနေသော ခြေလေးချောင်းနှင့် ထူးဆန်းစွာမွေးဖွားလာသည့် ကလေးငယ်နှင့် မိဘတို့အား သွားရောက်ကြည့်ရှုအားပေးစကားပြောကြားပြီး ထောက်ပံ့ငွေများပေးအပ်ခဲ့သည်။


  ဆက်လက်ပြီး ပြည်နယ်မိခင်နှင့် ကလေးစောင့်ရှောက်မှုကြီးကြပ်ရေးအဖွဲ့ နာယကဒေါ်ဖြူဖြူညွန့် နှင့်အဖွဲ့ဝင်များသည် ဆေးရုံအတွင်း တက်ရောက်ကုသမှုခံယူနေသော မိခင်များနှင့်မွေးကင်းစကလေးများကို လိုက်လံကြည့်ရှုအားပေးစကားပြောကြားပြီး ထောက်ပံ့ငွေပေးအပ်ရာ ဆေးရုံတာဝန်ရှိသူတစ်ဦးမှ လက်ခံရယူ ခဲ့သည်။


    အဆိုပါ ခြေလေးချောင်းနှင့် မအင်္ဂါနှစ်ခုဖြင့် ထူးဆန်းစွာမွေးဖွားလာသော ကလေးငယ်အား ရှမ်း တိုင်းရင်းသား မိဘများဖြစ်ကြသော ဖခင် ခွန်စံတွေး အသက်(၄၀)နှစ်၊ မိခင် နန်းနောင့်နောင့် အသက်(၂၆)နှစ် တို့မှ (၂.၂.၂၀၁၃) ရက်နေ့ နံနက်(၃)နာရီအချိန်တွင် လွိုင်လင်ခရိုင်၊ ပင်လုံမြို့နယ်၊ စလောင်းကျေးရွာအုပ်စု၊ လွယ်မွတ် ကျေးရွာနေအိမ်၌ မွေးဖွားခဲ့ခြင်းဖြစ်ပြီး ယခုတောင်ကြီးမြို့ အမျိုးသမီးနှင့် ကလေးဆေးရုံကြီးသို့ (၉.၅.၂၀၁၃) ရက်နေ့ည ( ၉ )နာရီအချိန်တွင် ရောက်ရှိလာခြင်းဖြစ်သည်။

 

   ဆေးရုံသို့ရောက်ရှိလာသည့် အချိန်မှစတင်၍ ဆေးရုံအုပ်ကြီး ဒေါက်တာ ဒေါ်သိင်္ဂီညွန့်၏ ကြီးကြပ်မှုဖြင့် ကလေးအထူးကုဆရာဝန်ကြီး ဒေါက်တာခင်မို့မို့ မှ လိုအပ်သည့် ပြုစုစောင့်ရှောက်ကုသမှု များကို ဆောင်ရွက်ပေးထားလျှက်ရှိပြီး ကျန်းမာရေးဝန်ကြီးဌာန၊ ပြည်ထောင်စုဝန်ကြီးနှင့် ရှမ်းပြည်နယ် ဝန်ကြီးချုပ်တို့၏ လမ်းညွှန်မှုဖြင့် လိုအပ်သည်များကို ဆက်လက်ဆောင်ရွက်သွားမည်ဖြစ်ကြောင်း သတင်း ရရှိသည်။

 

လားရှိုးမြို့တွင် သောက်သုံးရေ ပြတ်လပ်မှု မရှိစေရေး ရေပေးဝေလျက်ရှိ

တောင်ကြီး   မေ   ၀၅

 

1

 

လားရှိုးမြို့ပေါ်ရှိ ရပ်ကွက်များတွင် ရေတွင်းရေကန်များခမ်းခြောက်လာ သဖြင့် လားရှိုးမြို့ ပြည်သူများ သောက်သုံးရေ ရှားပါးမှု အခက်အခဲများဖြင့် ကြုံတွေ့လျက်ရှိကြောင်း “(၂၄-၄-၂၀၁၃) ရက်နေ့ Shan New သတင်းနှင့် (၂၅-၄-၂၀၁၃) ရက်နေ့ DVB ရုပ်သံသတင်း”တွင် ဖော်ပြထားကြောင်း တွေ့ရှိရပါသည်။

 

011

 

09

 

04

 

03

 

010

 

01

 

05

 

လားရှိုးမြို့နယ်စည်ပင်သာယာရေးအဖွဲ့မှ     လားရှိုးမြို့နေ ပြည်သူလူထုအတွက် အောက်ဖော်ပြပါအတိုင်း ရေပေးဝေဆောင်ရွက်လျက်ရှိပါသည်-


     (က)    ရေကန်တောင်ရေပေးဝေရေးတွင် ရေသိုလှောင်မှု ပမာဏမှာ ရေဂါလန်(၈၄၆)သိန်းတွင် လက်ရှိရေသိုလှောင်မှုမှာ (၄၂)သိန်းခန့် သိုလှောင်ထားရှိ။


    ( ခ)    နမ့်ကျန်ဆည်ရေပေးဝေရေးတွင် ရေသိုလှောင်မှု ပမာဏမှာ ရေဂါလန်(၉၅၆)သိန်းတွင်လက်ရှိရေသိုလှောင်မှုမှာ (၉၆.၂၂)သိန်း ခန့် သိုလှောင်ထားရှိပြီး၊ ၎င်းဆည်မှ နေ့စဉ် နံနက်(၈)နာရီမှ (၁၁)နာရီအထိ ရေဂါလန်(၈)သောင်းခန့် ဂိတ်ဘားထိန်းသိမ်း သည့် စနစ်ဖြင့် ရပ်ကွက်(၁၊ ၂၊ ၃၊ ၄၊ ၅)ရှိ စည်ပင်သာယာရေးအဖွဲ့ ပိုင် ရေတိုင်များသို့ အလိုအလျောက် စီးဆင်းသည့်စနစ်ဖြင့် ဖြန့်ဝေ ပေးလျှက်ရှိ ။


    ( ဂ)    နမ့်ဟူးဆည်ရေပေးရေးတွင် ရေသိုလှောင်မှု ပမာဏမှာ ရေဂါလန်(၅၅၀၄)သိန်းတွင် လက်ရှိရေသိုလှောင်မှုမှာ (၂၈၄၃.၂၅)သိန်းခန့် သိုလှောင်ထားရှိပြီး ရပ်ကွက်(၁၂)ရှိ မိုးလုံလေလုံအားကစားကွင်းရှိ ဈေးဆိုင်ခန်းများ၊ အိမ်တွင်းမှု သင်တန်းကျောင်း အရှေ့မြောက်တိုင်းစစ်ဌာနချုပ်သို့ (၁)ရက်လျှင် ရေဂါလန်(၃)သောင်းခန့် နေ့စဉ် အလိုအလျောက် စီးဆင်းသည့် စနစ်ဖြင့် ဖြန့်ဝေ ပေးလျှက်ရှိ ။


    (ဃ)    ကောက်ကွေ့ဆည်ရေပေးရေးတွင် ရေသိုလှောင်မှု ပမာဏမှာ ရေဂါလန်(၁၃၆၈၂)သိန်းတွင် လက်ရှိရေသိုလှောင်မှုမှာ (၁၀၆၇၉)သိန်းခန့် သိုလှောင်ထားရှိပြီး ရပ်ကွက်(၁)ရှိ အမြင့်ပိုင်း နေရာများနှင့် ရေကန်တောင်/နမ့်ကျန်ဆည်များမှ ပေးဝေသော ရေမရောက်ရှိသည့် နေရာများသို့ နေ့စဉ် ရေဂါလန်(၁)သောင်းခွဲ ခန့် တွန်းပို့ပေးလျှက်ရှိ ။


    ( င)    မြို့ဝမ်ရေပေးရေး လုပ်ငန်းသည် မြို့ဝမ်ရေထွက်မှရေများကို မော်တာနှင့်ပန့်ဖြင့် ရေဂါလန်(၁)သိန်းဆံ့ ရေစုကန်သို့ တွန်းပို့ပြီး အဆိုပါရေကန်မှတဆင့် ရပ်ကွက်(၁)ပါရမီလမ်းသွယ်များသို့ အလိုအလျောက်စီးဆင်းသည့် စနစ်ဖြင့်လည်းကောင်း၊ ရပ်ကွက်(၁၀)နယ်မြေ(၃၊ ၄၊ ၅၊ ၆၊၇)များသို့ နေ့စဉ် ရေဂါလန် (၁)သိန်းခန့် ဖြန့်ဝေပေးလျှက်ရှိ ။


    (စ)    အလှူရှင် စက်ရေတွင်း(၁၄)တွင်းမှာ ရေပေးဝေမှုတွင် နွေရာသီ ရေရှားပါးမှု မဖြစ်စေရေးအတွက် မြို့ပေါ် ရေရှားပါးသော ရပ်ကွက်၊ အများပြည်သူ ရေသုံးစွဲမှုများသော နေရာနှင့်ရေထွက် နှုန်းများရှိသော နေရာများတွင် စေတနာရှင်ပြည်သူများ၏ လှူဒါန်းမှုဖြင့် ရပ်ကွက်(၁)စက်ရေတွင်း(၄)တွင်း၊ ရပ်ကွက်(၂) စက်ရေတွင်း(၁)တွင်း၊ ရပ်ကွက်(၄) စက်ရေတွင်း(၁)တွင်း၊ ရပ်ကွက်(၉) စက်ရေတွင်း(၁)တွင်း၊ ရပ်ကွက်(၁၀) စက်ရေတွင်း (၁)တွင်း၊ ရပ်ကွက်(၁၁) စက်ရေတွင်း(၂)တွင်း၊ ရပ်ကွက်(၁၂) စက်ရေတွင်း(၁)တွင်း၊ မြို့မဈေးတွင် စက်ရေတွင်း(၁)တွင်း၊ ပြည်သူ့ဆေးရုံတွင် စက်ရေတွင်း(၁)တွင်း၊ ကုတင်(၁၀၀)ဆံ့ တပ်မတော်စစ်ဆေးရုံတွင် စက်ရေတွင်း(၁)တွင်း စုစုပေါင်း(၁၄) တွင်းမှ (၁)နာရီလျှင် ရေဂါလန်(၂၇၀၀၀)နှုန်းဖြင့် နေ့စဉ် ရေရယူ သုံးစွဲလျက်ရှိ။

 

    (ဆ)    နားမခေါ်ရပ်ကွက်တွင် မြို့နယ်စည်ပင်သာယာရေးအဖွဲ့အစီအစဉ် ဖြင့် နမ့်ကျန်းရေပေးဝေရေး ပိုက်လိုင်းဖြင့် တိုက်ရိုက်ပေးဝေပြီး နတ်ရေကန်ဘုန်းကြီးကျောင်းမှ ရေပေးဝေနေကြောင်း၊ သောက်သုံးရေ အခက်အခဲမရှိသော်လည်း ကျေးလက်ဒေသဖွံ့ဖြိုး တိုးတက်ရေးဦးစီးဌာနပိုင် တွင်းတူးစက်ဖြင့် ထပ်မံတူးဖော်  ဆောင်ရွက်လျက်ရှိ။

 

ထို့အပြင် နွေရာသီ သောက်သုံးရေခက်ခဲမှုမရှိစေရေး မြို့နယ်စည်ပင်  သာယာရေးအဖွဲ့ပိုင် ရေကားများဖြင့် ဖြန့်ဝေပေးလျှက်ရှိပြီး မြို့ပေါ်ရှိ ပြည်သူများ သောက်သုံးရေ ခက်ခဲမှုမရှိစေရေး ဌာနဆိုင်ရာများ  ပူးပေါင်းပြီး ဖြန့်ဝေ ပေးလျှက်ရှိကြောင်းနှင့် “လားရှိုးမြို့တွင် သောက်သုံးရေရှားပါးမှု အခက်အခဲနှင့် ကြုံတွေ့နေရ”သည်မှာ မဟုတ်မမှန်ပါကြောင်း အများပြည်သူသိရှိနိုင်ရန် ဖော်ပြအပ်ပါသည်။

 

07

 

06

 

02

 

012

 

08


2

 

3

 

အင်းလေးကန်ပတ်ဝန်းကျင်ရှိ ဟိုတယ်များနှင့် စပ်လျဉ်းသည့် တွေ့ဆုံပွဲကျင်းပ

တောင်ကြီး   မေ   ၀၈

 

2

 

   ရှမ်းပြည်နယ်၊ ညောင်ရွှေမြို့နယ်၊ အင်းလေးကန်ပတ်ဝန်းကျင်ရှိ ဟိုတယ်များနှင့် စပ်လျဉ်းသည့် တွေ့ဆုံပွဲတစ်ရပ်ကို ၂၀၁၃ ခုနှစ်၊ မေလ ၈ ရက်၊ နေ့လည် ၁ နာရီ၌ ညောင်ရွှေမြို့နယ်၊ မိုင်းသောက် ကျေးရွာအနီးရှိ Aureum Palace ဟိုတယ်တွင်ကျင်းပရာ ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန ပြည်ထောင်စုဝန်ကြီး ဦးဝင်းထွန်း၊ ဟိုတယ်နှင့် ခရီးသွားလာရေးလုပ်ငန်းဝန်ကြီး ဌာန ပြည်ထောင်စုဝန်ကြီး ဦးဌေးအောင်နှင့် ရှမ်းပြည်နယ်အစိုးအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်တို့က ဦးဆောင်ဆွေးနွေးပြီး အခမ်းအနားသို့တက်ရောက်လာသည့် သတင်းမီဒီယာများနှင့် အသင်းအဖွဲ့များက မေးမြန်းသည့် မေးခွန်းများကို ပြည်ထောင်စုဝန်ကြီးများ၊ ပြည်နယ်ဝန်ကြီးချုပ်နှင့် ဌာနဆိုင်ရာတာဝန်ရှိသူများက ပွင့်လင်းမြင်သာစွာ ပြန်လည်ရှင်းလင်းဖြေကြားသည်။


   အခမ်းအနားသို့ ရှမ်းပြည်နယ်အစိုးရအဖွဲ့ဝင်များ၊ ညောင်ရွှေမြို့နယ်မှ ပြည်သူ့လွှတ်တော်နှင့် ပြည်နယ်လွှတ်တော်ကိုယ်စားလှယ်များ၊ ပြည်နယ်အဆင့် ဌာနဆိုင်ရာများ၊ ပြည်တွင်းပြည်ပသတင်း မီဒီယာများ၊ ညောင်ရွှေမြို့နယ်ရှိ ဟိုတယ်လုပ်ငန်းရှင်များ၊ လူမှုရေးအသင်းအဖွဲ့များ၊ ဒေသခံပြည်သူ လူထုများ အင်အား(၁၅၀)ခန့်တက်ရောက်သည်။


      အခမ်းအနားအပြီးတွင် ပြည်ထောင်စုဝန်ကြီးများ၊ ပြည်နယ်ဝန်ကြီးချုပ်တို့သည် အခမ်းအနား တက်ရောက်လာသူများအား ရင်းနှီးခင်မင်စွာလိုက်လံနှုတ်ဆက်သည်။

 

တောင်ကြီးမြို့၊ ကုန်ခြောက်သားငါးစျေး အဆင့်မြင့်စျေးသစ်တည်ဆောက်ရေး တင်ဒါရွေးချယ်ပွဲ ကျင်းပ

တောင်ကြီး  မေ  ၀၃

 

1

 

2

 

   တောင်ကြီးမြို့၊ ကုန်ခြောက်သားငါးစျေး အဆင့်မြင့်စျေး သစ်တည်ဆောက်ရေး တင်ဒါရွေးချယ်ပွဲကို မေလ(၃)ရက် နံနက်(၉)နာရီက တောင်ကြီးမြို့တော်ခန်းမ၌ ကျင်းပရာ ရှမ်းပြည်နယ်အစိုးရ အဖွဲ့ဝင်၊ ပြည်နယ်ဘဏ္ဍာရေးနှင့် အခွန်ဝန်ကြီး ဦးခွန်သိန်းမောင်၊ ပြည်နယ်လမ်းပန်းဆက်သွယ်ရေးဝန်ကြီး ဦးစိုင်းနော်ခမ်း၊ ပြည်နယ်အဆင့် ဌာနဆိုင်ရာများ၊ တင်ဒါတင်သွင်းထားသည့် ကုမ္ပဏီများမှ တာဝန်ရှိသူများ၊ ဖိတ်ကြားထားသော ဧည့်သည်တော်များ တက်ရောက်ခဲ့ကြသည်။

 

    ရှေးဦးစွာ ပြည်နယ်ဘဏ္ဍာရေးနှင့် အခွန်ဝန်ကြီး ဦးခွန်သိန်းမောင်က အဖွင့်အမှာစကားပြောကြားပြီး၊ ပြည်နယ်စည်ပင်သာယာရေးအဖွဲ့ ညွှန်ကြားရေးမှူး ဦးစိုင်းထွန်းထွန်းက တင်ဒါရွေးချယ်ပွဲနှင့် စပ်လျဉ်း၍ ရှင်းလင်းတင်ပြသည်။

 

   ၎င်းနောက် တင်ဒါတင်သွင်းထားသည့် ကုမ္ပဏီ(၇)ခုကို စျေးတည်ဆောက်ရန်ကိစ္စ ရှင်းလင်းတင်ပြရန်အတွက် အစီအစဉ်နံပါတ်ရွေးချယ်မှုအား မဲစနစ်ဖြင့် ရွေးချယ်ပြီး ကုမ္ပဏီများမှ အဆင့်မြင့်စျေးတည်ဆောက်မည့် အစီအစဉ်များကို ရှင်းလင်းတင်ပြခဲ့ကြသည်။

 

ရှမ်းပြည်နယ်အစိုးရအဖွဲ့ အတွင်းရေးမှူး ဒေသဖွံ့ဖြိုးရေး ကွင်းဆင်းဆောင်ရွက်

တောင်ကြီး  မေ  ၀၅

 

A

 

  မေ (၀၄)ရက်နေ့တွင် ရှမ်းပြည်နယ်အစိုးရအဖွဲ့ အတွင်းရေးမှူး ဦးရဲနိုင်အောင်မှ ကလောမြို့နယ်အတွင်းရှိ အောင်ပန်းမြို့၊ သီခေါင်ကျေးရွာအုပ်စုနှင့် ဘော်နင်းကျေးရွာအုပ်စုများသို့ ဒေသဖွံ့ဖြိုးရေးကွင်းဆင်းဆောင်ခဲ့ရာ ကလော မြို့နယ်အုပ်ချုပ်ရေးမှူး၊ မြို့နယ်စည်ပင်သာယာရေးအဖွဲ့ အမှုဆောင်အရာရှိ၊ မြို့ဟောင်းရပ်ကွက်နှင့် မင်္ဂလာရပ်ကွက်တို့မှ ရပ်ကွက်အုပ်ချုပ်ရေးမှူးတို့ လိုက်ပါလျက် ဒေသဖွံ့ဖြိုးရေးလုပ်ငန်းများ ဆောင်ရွက်ခဲ့သည်။


  ထို့နောက် (၀၉၄၅)အချိန်တွင် အောင်ပန်းမြို့၊ မြို့ဟောင်းရပ်ကွက်နှင့် မင်္ဂလာရပ်ကွက်ရှိ အိမ်ထောင်စု(၂၅၀)ကို စည်ပင်သာယာရေးအဖွဲ့ပိုင် ရေသယ်ယာဉ်ဖြင့် ရေဂါလန်(၃၂၀၀)အား ရေပေးဝေနေမှုကို ကွင်းဆင်းစစ်ဆေးပါသည်။

 

B

 

C

 

D

 

     ဆက်လက်ပြီး (၁၂၀၀)အချိန်တွင် သီခေါင်ကျေးရွာအုပ်စုအတွင်း အင်းခေါင်းရေထွက်သို့ သွားရောက်ကြည့်ရှုပြီး ပတ်ဝန်းကျင်ရှိ သစ်တောများအား ထိန်းသိမ်းဆောင်ရွက်သွားရန် မှာကြားခဲ့ပြီး၊ (၁၂၃၀)အချိန်တွင် ဟဲဟိုး−ဘော်နင်းလမ်းတံတား အမှတ်(၂/၂) တည်ဆောက်နေမှုအခြေအနေကို ကွင်းဆင်းကြည့်ရှုခဲ့ပြီး ဒေသခံတောင်သူများ တင်ပြချက်အပေါ် တံတားတည်ဆောက်ရေး အထူးအဖွဲ့(၄)မှ ဒုတိယအင်ဂျင်နီယာမှူးကြီး ဦးဝင်းထွဋ်နှင့် အငယ်တန်းအင်ဂျင်နီယာ ဦးဝေဖြိုးတို့နှင့် တွေ့ဆုံညှိနှိုင်းဆွေးနွေးမှုများ ဆောင်ရွက်ခဲ့သည်။

 

ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ် CNPC South-East Asia Pipeline Company Limited မှ အထွေထွေမန်နေဂျာ Mr.Jiang Chang Liang နှင့်အဖွဲ့အား လက်ခံတွေ့ဆုံ

တောင်ကြီး  မေ   ၀၃

 

3

 

     ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်သည် CNPC South-East Asia Pipeline Company Limited မှ အထွေထွေမန်နေဂျာ  Mr.Jiang Chang Liang နှင့်အဖွဲ့အား မေလ(၃)ရက် နံနက်(၁၁)နာရီက ရှမ်းပြည်နယ် အစိုးရအဖွဲ့ရုံး၊ ဝန်ကြီးချုပ်ရုံးခန်း၌ လက်ခံတွေ့ဆုံခဲ့သည်။

       

   ထိုသို့တွေ့ဆုံရာတွင် သဘာဝဓာတ်ငွေ့ ပိုက်လိုင်းသွယ်တန်းရေး၊ ဓာတ်ငွေ့ ပိုက်လိုင်းဖြတ်သန်းရာဒေသရှိ ဒေသခံပြည်သူများ ဓာတ်ငွေ့ထုတ်ယူသုံးစွဲရန် လိုအပ်မှုရှိလျှင် ကုမ္ပဏီမှ ဓာတ်ငွေ့ဖြန့်ဝေရောင်းချပေးရေး၊ သီပေါမြို့နယ် ဘော်ကြို တဝိုက် ဆားလုပ်ငန်းဒေသများတွင် စဉ်ဆက်မပျက် စစ်ဆေးရေးကိစ္စ စီစဉ်ဆောင်ရွက်ရန်၊ နစ်နာကြေး လျော်ကြေးငွေများ မျှတမှုရှိစေရန်၊ သဘာဝပတ်ဝန်းကျင်ထိန်းသိမ်းရေး၊ ပညာရေး၊ ကျန်းမာရေး၊ လူမှုရေး၊ စီးပွားရေးနှင့် အကျိုးတူ ပူးပေါင်းဆောင်ရွက်ရေးကိစ္စရပ်များကို ရင်းနှီးပွင့်လင်းစွာ ဆွေးနွေးခဲ့ကြသည်။

 

   တွေ့ဆုံပွဲသို့ ရှမ်းပြည်နယ်ဝန်ကြီးချုပ်၊ ပြည်နယ်သစ်တောနှင့်သတ္တုဝန်ကြီး၊ ပြည်နယ်ဥပဒေချုပ်၊ ပြည်နယ်အစိုးရအဖွဲ့ အတွင်းရေးမှူး၊ ပြည်နယ်အဆင့်ဌာနဆိုင်ရာ တာဝန်ရှိသူများ၊ CNPC မှ  Mr.Jiang Chang Liang နှင့်အဖွဲ့ဝင်များ တက်ရောက် ခဲ့ကြသည်။

 

ကလောမြို့ မိုးသည်းထန်စွာရွာသွန်းပြီး လေပြင်းတိုက်ခတ်မှု ဖြစ်ပွား

တောင်ကြီး  မေ  ၀၅

 

   မေ (၀၂)ရက်နေ့(၀၁၃၀)တွင် ကလောမြို့ အနောက်ဘက်(၁၈)မိုင်ခန့်အကွာရှိ ရွှေမင်းဖုန်းအုပ်စု၊ ရွှေတော(ကေစီ−၄၀၉၈၈၃၂၁)ရှိ အာရှကမ္ဘာမြေစက်မှုနှင့် သတ္တုတူးဖော်ရေး ရွှေလုပ်ကွက် ပတ်ဝန်းကျင်အနီးတွင် မိုးသည်းထန်စွာရွာသွန်းပြီး လေပြင်းတိုက်ခတ်ခဲ့သဖြင့် နေအိမ်များ သစ်ပင်ပိရာမှ ဝန်ထမ်းအလုပ်သမား၊ အရပ်သား စုစုပေါင်း(၈)ဦး သေဆုံးပြီး၊ (၃)ဦးထိခိုက်ဒဏ်ရာ ရရှိခဲ့သည်။


    အဆိုပါ မိုးသည်းထန်စွာရွာသွန်းပြီး လေပြင်းတိုက်ခတ်မှု ဖြစ်စဉ်ကြောင့် သစ်ပင်ပိသေဆုံးသူ(၁)ဦး၊ အင်းအတွင်းပိတ်မိသေဆုံးသူ(၅)ဦးတို့၏ အလောင်းများကို ထပ်မံဖော်ထုတ်နိုင်ခဲ့ပြီး အင်းအတွင်း ပိတ်မိပျောက်ဆုံးနေသူ (၂)ဦးရှိနေကြောင်း သိရှိရပါသည်။ လေပြင်းတိုက်ခတ်မှုနှင့် မိုးသည်းထန်စွာရွာသွန်းမှုကြောင့် အာရှကမ္ဘာမြေစက်မှုနှင့် သတ္တုတူးဖော်ရေး ရွှေလုပ်ကွက်ပတ်ဝန်းကျင်၌ သေဆုံးသူစုစုပေါင်း(၁၄)ဦးနှင့် အင်းအတွင်း ပိတ်မိပျောက်ဆုံးနေသူ (၂)ဦးရှိကြောင်း သတင်းရရှိသည်။

 

ပြည်နယ်ဝန်ကြီး ဦးတူးမောင် တောင်ကြီးမြို့၊ ကုန်ခြောက်သားငါးစျေး အဆင့်မြင့်တည်ဆောက်ရေး တင်ဒါရွေးချယ်ပွဲကျင်းပရန် ညှိနှိုင်းဆွေးနွေးပွဲကျင်းပ

တောင်ကြီး  ဧပြီ  ၃၀

 

meeting

 

   တောင်ကြီးမြို့နယ်စည်ပင်သာယာရေးအဖွဲ့ပိုင် ကုန်ခြောက်သားငါးစျေးအား မြို့တော် အင်္ဂါရပ်နဲ့ အညီ အဆင့်မြင့်တင်တည်ဆောက်ရန်နှင့် တောင်ကြီးမြို့ဂုဏ်ဆောင် အဆောက်အအုံကြီးတစ်ခု ပေါ်ထွန်းလာစေရေးရည်ရွယ်၍ ယင်းကုန်ခြောက်သားငါးစျေးအား အဆင့်မြင့် တည်ဆောက်နိုင်ရန်  အတွက် လုပ်ငန်းလုပ်ကိုင်လိုသူ ကုမ္ပဏီများအား (၈-၁-၂၀၁၃)ရက်နေ့မှစတင်၍ တင်ဒါခေါ်ယူခဲ့ရာ တင်ဒါပိတ်သည့် (၂၈-၂-၂၀၁၃)ရက်နေ့ထိ Creation Myanmar ကုမ္ပဏီ၊ ရှမ်းရိုးမဆောက်လုပ်ရေး ကုမ္ပဏီ၊ Maroon Matrix  ကုမ္ပဏီ၊ သီဟကုမ္ပဏီ၊ တောင်ကြီးဆောက်လုပ်ရေးကုမ္ပဏီ၊ အိမ်တော်ကြီး ဆောက်လုပ်ရေးကုမ္ပဏီ၊ AMT ဆောက်လုပ်ရေးကုမ္ပဏီ စသည့် ကုမ္ပဏီပေါင်း(၇)ခုတို့မှ အဆိုပြု တင်ဒါများတင်သွင်းခဲ့ကြပြီး အာမခံအပ်ငွေ ကျပ်သိန်း(၅၀၀)စီကိုလည်း ပေးသွင်းခဲ့ပြီး ဖြစ်ပါသည်။


    အဆိုပါ ကုမ္ပဏီများအနက်မှ အကောင်းဆုံးဆောင်ရွက်နိုင်မည့် ကုမ္ပဏီအား အများပြည်သူရှေ့မှောက်တွင် စနစ်တကျ ပွင့်လင်းမြင်သာစွာရွေးချယ်နိုင်ရန် တင်ဒါရွေးချယ်ပွဲကို (၃-၅-၂၀၁၃)ရက်နေ့၊ နံနက် (၀၉:၀၀)နာရီအချိန်တွင် တောင်ကြီးမြို့၊ မြို့တော်ခန်းမ၌ ကျင်းပနိုင်ရေးအတွက် အကြိုညှိနှိုင်းအစည်းအဝေးကို (၂၉-၄-၂၀၁၃)ရက်နေ့၊ နံနက် (၁၀:၀၀)နာရီအချိန်တွင် ရှမ်းပြည်နယ် စည်ပင်သာယာရေးအဖွဲ့အစည်းအဝေးခန်းမ၌ ကျင်းပပြုလုပ်ခဲ့ရာ ရှမ်းပြည်နယ်အစိုးရအဖွဲ့၊ ပြည်နယ် စည်ပင်သာယာရေးဝန်ကြီး ဦးတူးမောင်မှ အဖွင့်အမှာစကား ပြောကြားခဲ့ပြီး အစည်းအဝေးသို့ တက်ရောက်ခဲ့သည့် ပြည်နယ်အဆင့်ဌာနဆိုင်ရာများ၊ မြို့မိမြို့ဖများ၊ မြို့နယ်ဖွံ့ဖြိုးတိုးတက်ရေး အထောက်အကူပြု ကော်မတီဝင်များ၊ မြို့နယ်စည်ပင်သာယာရေး ကော်မတီဝင်များ၊ စျေးအကျိုးတော် ဆောင်အဖွဲ့များက တင်ဒါစိစစ်ရွေးချယ်ရေးဆိုင်ရာများကို အကြံပြုဆွေးနွေးတင်ပြခဲ့ကြပါသည်။ အစည်းအဝေးတွင် တင်ဒါစိစစ်ရွေးချယ်ရေးနှင့် ပတ်သက်၍ စိစစ်ရေးအဖွဲ့များ ဖွဲ့စည်းပြီး စိစစ်ရမည့် အချက်များအပေါ် အခြေခံကာ အဆင့်သတ်မှတ်ချက်များပေး၍ ရွေးချယ်စိစစ်သွားရန် ဆုံးဖြတ် ခဲ့ကြပါသည်။


   ထို့နောက် ကုန်ခြောက်သားငါးစျေး အဆင့်မြင့်တင်တည်ဆောက်ရေးအတွက် တင်ဒါရွေးချယ်ပွဲတွင် တင်ဒါလျှောက်ထားသည့် ကုမ္ပဏီများအား အဖွဲ့(၈)ဖွဲ့ဖြင့် စိစစ်ရွေးချယ်သွားမည်ဖြစ်ပြီး၊ ယင်းအဖွဲ့(၈)ဖွဲ့မှာ −

(၁)    ကုမ္ပဏီများ ခိုင်မာမှုနှင့် တင်ပြသည့် အထောက်အထားများ ပြည့်စုံမှုစိစစ်ရေးအဖွဲ့
(၂)    စျေးအကျိုးအတွက် ကုမ္ပဏီမှ ဆောင်ရွက်ပေးမည့် အစီအမံများ စိစစ်ရေးအဖွဲ့
(၃)    ဆောက်လုပ်မည့် အဆောက်အဦ၏Design Structure နှင့် နည်းပညာစိစစ်ရေးအဖွဲ့
(၄)    ဆောက်လုပ်မှုအတွက် လိုအပ်သော အုပ်ချုပ်မှုဆိုင်ရာ ဖြည့်ဆည်းပေးမည့် အစီအမံစိစစ်ရေးအဖွဲ့
(၅)    သဘာ၀ပတ်၀န်းကျင်နှင့် ဘေးအန္တရာယ်စီမံခန့်ခွဲမှု အခြေအနေစိစစ်ရေးအဖွဲ့
(၆)    စျေးဟောင်းဖျက်သိမ်းခြင်းနှင့် ယာယီစျေးတည်ဆောက်ပေးမည့် အစီအမံစိစစ်ရေးအဖွဲ့
(၇)    စျေးသူစျေးသားများ၏ လိုအပ်ချက်ဖြည့်ဆည်းပေးမည့် အစီအမံစိစစ်ရေးအဖွဲ့
(၈)    အခြားစဉ်းစားသင့်သည့် အချက်များ တင်ပြလာမှုအပေါ်စိစစ်ရေးအဖွဲ့ တို့ဖြစ်ပါသည်။

 

လားရှိုးမြို့မဈေး တစ်ဝိုက်လမ်းပိတ်ဆို့မှု ရှင်းလင်းဆောင်ရွက်

တောင်ကြီး   မေ  ၀၅

 

a

 

   ရှမ်းပြည်နယ်စည်ပင်သာယာရေးအဖွဲ့ရုံးခွဲ(လားရှိုး)မှ ဒုတိယညွှန်ကြားရေးမှူး၊ လားရှိုးမြို့နယ်စည်ပင်သာယာရေးအဖွဲ့ ခေတ္တအမှုဆောင်အရာရှိ၊ အင်ဂျင်နီယာမှူး၊ မြန်မာနိုင်ငံရဲတပ်ဖွဲ့၊ ယာဉ်စည်းကမ်းလမ်းစည်းကမ်းထိန်းသိမ်းရေးအဖွဲ့နှင့် မြို့မဈေး အကျိုးတော်ဆောင်အဖွဲ့တို့ ပါဝင်သောအဖွဲ့သည် (၂၉-၄-၂၀၁၃)ရက်နေ့တွင် လားရှိုးမြို့မဈေးသို့ ကွင်းဆင်း၍ မြို့မဈေးပတ်လည်ရှိ သိန်းနီလမ်းနှင့် ဗိုလ်ချုပ်လမ်း တို့တွင် မော်တော်ယာဉ်နှင့် ဆိုင်ကယ်များ နှစ်ထပ်ရပ်တန့်မှု မရှိစေရေး၊ မြို့မဈေး ပတ်လည်ရှိ လမ်းဘေး၊ ပလက်ဖောင်းများပေါ်တွင်ကျူးကျော်မှုဈေးသည်များ ရောင်းချမှု မရှိစေရေး အောက်ပါအတိုင်း ဆောင်ရွက်ခဲ့ပါသည်-


    (က)    မြို့မဈေး သိန်းနီလမ်းရှိ ဆိုင်ကယ်ရပ်နားစခန်းတွင် ရပ်နားလျက်ရှိသော မော်တော်ယဉ်များအား ယာဉ်ကြောပိတ်ဆို့မှုမရှိစေရေးအတွက် လမ်းဘေး တွင် ရောင်းချလျက်ရှိသော ခေါင်းရွက်ဗျက်ထိုးဈေးသည်များအား ရှင်းလင်းခြင်း၊


    ( ခ)    မြို့မဈေး သိန်းနီလမ်းနှင့် ဗိုလ်ချုပ်လမ်းထောင့်ရှိ သစ်သီးအရောင်းဆိုင်  (၄)ဆိုင်မှ မူလလမ်းပေါ်သို့ ကျူးကျော်ခင်းကျင်း ရောင်းချခြင်းအား ရှင်းလင်းခြင်း၊


    ( ဂ)    မြို့မဈေး ဗိုလ်ချုပ်လမ်းရှိ မြို့မဈေးဘယ်ဘက်ခြမ်းတွင် ဆိုင်ကယ်(၂)ထပ် ရပ်နားသည့် နေရာအား (၁)ထပ်သာရပ်တန့်ရေးရှင်းလင်းခြင်း၊


    ယာဉ်ကြောပိတ်ဆို့မှုများဖြစ်ပွားရာ မြို့မဈေးပတ်လည်ရှိ လမ်းများဖြစ်သည့် သိန်းနီလမ်း၊ ဗိုလ်ချုပ်လမ်း၊ ဟံသာဝတီလမ်း၊ လမ်းမတော်လမ်းတို့အား ရေစီး ရေလာကောင်းမွန်ရေးနှင့် သန့်ရှင်းသာယာလှပရေးအတွက် (၁-၅-၂၀၁၃)ရက်နေ့ တွင် ရေမြောင်းများ ဆယ်ယူခြင်း၊ သန့်ရှင်းရေးများ ပြုလုပ်ခြင်းများ ဆောင်ရွက်ပါသည်။


     အဆိုပါ လမ်းများပေါ်တွင် ကျူးကျော်ရောင်းချနေသော သစ်သီးသည်များအား မြို့မဈေး ရွှေကံ့ကော်ရုံအပေါ်ထပ်သို့ ပြောင်းရွှေ့ရောင်းချရန် လားရှိုးမြို့နယ်စည်ပင် သာယာရေးအဖွဲ့ အမှုဆောင်အရာရှိ ဦးသက်ပိုင်နှင့် တာဝန်ခံအင်ဂျင်နီယာ ဦးဝင်းမင်းလတ်တို့မှ ဈေးမိ/ဈေးဖများ၊ ဈေးကော်မတီ၊ ဈေးသူ/ဈေးသားများနှင့် ညှိနှိုင်းထားရှိပြီး စည်းကမ်းတကျ ရှင်းလင်းဆောင်ရွက်ကြပါသည်။

 

ရှမ်းပြည်နယ်ဝန်ကြီးချုပ် မျက်စိခွဲစိတ်ကုသမှုခံယူမည့် ဝေဒနာရှင်များအားတွေ့ဆုံအားပေး

တောင်ကြီး  ဧပြီ  ၂၉

 

29.04.2013

 

 

   ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီး ဒေါ်ဖြူဖြူညွန့်(ပြည်နယ်မိခင်နှင့် ကလေးစောင့်ရှောက်မှုကြီးကြပ်ရေးအဖွဲ့၊ နာယက)၊ ပြည်နယ်လူမှုရေးဝန်ကြီး ဒေါက်တာမျိုးထွန်းနှင့်  တာဝန်ရှိသူများသည် ဧပြီ(၂၉)ရက် နံနက်(၁ဝ)နာရီက တောင်ကြီးမြို့ စဝ်စံထွန်းဆေးရုံ၌ ပြည်နယ်မိခင်နှင့် ကလေးစောင့်ရှောက်ရေးအဖွဲ့ နှင့် ပြည်နယ်ကျန်းမာရေးဦးစီးဌာနတို့ ပူးပေါင်း၍ အခမဲ့ခွဲစိတ်ကုသပေးမည့် မျက်စိဝေဒနာရှင်များအား သွားရောက်တွေ့ဆုံ အားပေးစကားပြောကြားပြီး ထောက်ပံ့ငွေများ ပေးအပ်ခဲ့သည်။


    ထိုသို့ သွားရောက်တွေ့ဆုံအားပေးစကားပြောကြားရာတွင် စဝ်စံထွန်းဆေးရုံအုပ်ကြီးနှင့် ကျန်းမာရေးဌာန တာဝန်ရှိသူများက လိုက်လံရှင်းလင်းတင်ပြကြသည်။ အဆိုပါ မျက်စိအခမဲ့ခွဲစိတ်ကုသမှုခံယူမည့် တောင်ကြီး၊ အေးသာယာ၊ ရွှေညောင်၊ ရပ်စောက်၊ ပင်းတယ၊ ရွာငံ၊ ဆီဆိုင်၊ ဟိုပုန်း၊ ကလောတို့မှ ဝေဒနာရှင်ပေါင်း(၆၂)ဦး ကုသမှုခံယူနေလျက်ရှိကြောင်း သိရှိရသည်။

 

More Articles...

  1. ပြည်နယ်ဝန်ကြီး ဦးတူးမောင်၊ မိုင်းယန်းမြို့နယ် ဒေသခံပြည်သူများနှင့် တွေ့ဆုံ
  2. အတိဒုလ္လဘတရ ဥပသမ္ပဒ ပဗ္ဗဇ္ဇသာမဏေရမင်္ဂလာနှင့် ဗုဒ္ဓဘာသာအဆုံးအမခံယူပွဲ နယ်စပ်တောင်တန်းဒေသ သာသနာနုဂ္ဂဟအသင်းဝင်ကတ်များပေးအပ်လှူဒါန်း
  3. ရှမ်းပြည်နယ် တောင်ကြီးမြို့၌ ကျပ်(၁၅ဝဝ)တန်ဖုန်းများ စတင်ထုတ်ပေး
  4. တောင်ကြီးမြို့၌ CDMA – 800MHz တန်ဖိုးနည်း မိုဘိုင်းဖုန်းများ မဲစနစ်ဖြင့် ထုတ်ပေး
  5. တန်းဖိုးနည်း မိုဘိုင်းဖုန်းဆင်းကတ်များ ရောင်းချရေးဆောင်ရွက်
  6. အောင်ပန်းမြို့တည် နှစ်(၁ဝဝ)ပြည့် အထိမ်းအမှတ် ရာပြည့်နာရီစင်ဖွင့်ပွဲကျင်းပ
  7. အောင်ပန်းမြို့တည် နှစ်(၁ဝဝ)ပြည့်အထိမ်းအမှတ် မြို့တည်ခေါင်းလောင်းဖွင့်ပွဲကျင်းပ
  8. ၁၃၇၅ ခု၊မြန်မာနှစ်ဆန်း(၁)ရက်နေ့၊ ရှမ်းပြည်နယ်အစိုးရအဖွဲ့မှ တတိယအကြိမ်မြောက် သက်ကြီးပူဇော်ပွဲနှင့် ဇီဝိတဒါန ငါးလွှတ်ပွဲကျင်းပ
  9. နိုင်ငံခြားသံတမန်အဖွဲ့များ ရှမ်းပြည်နယ်(အရှေ့ပိုင်း)၊ အထူးဒေသ(၄)၊ မိုင်းလားမြို့သို့ အလည်အပတ်ရောက်ရှိ
  10. နိုင်ငံခြားသံတမန်အဖွဲ့များ ကျိုင်းတုံမြို့သို့ အလည်အပတ်ရောက်ရှိ

မူလသို့

အစိုးရအဖွဲ့

လွှတ်တော်

သတင်းများ

ဆက်သွယ်ရန်

တိုင်းရင်းသား လူမျိုးများ

myaung-ziရှမ်းပြည်နယ်(အရှေ့ပိုင်း) မိုင်းခတ်နှင့် ရှမ်းပြည်နယ်(တောင်ပိုင်း) နမ့်စန်(ခိုလမ်)မြို့နယ်များတွင် အများဆုံး နေထိုင်ကြပါသည်။

We have 71 guests and no members online

Latest Updates