We have 135 guests and no members online

တောင်ကြီး မတ် - ၂၈

N009
ရှမ်းပြည်နယ်မီးသတ်ဦးစီးဌာန မီးသတ်တပ်ဖွဲ့ဝင်များမှ ခေတ်မီမီးငြှိမ်းသတ်ရေးနှင့် အဆင့်မြင့်ရှာဖွေကယ်ဆယ်ရေး စွမ်းရည် သရုပ်ပြခြင်းကို မတ်(၂၈)ရက် နံနက်(၉)နာရီက တောင်ကြီးခရိုင် မီးသတ်စခန်း တောင်ကြီး-ဟိုပုံးမြို့အထွက် (၂)မိုင်၌ ကျင်းပသည်။
ရှမ်းပြည်နယ်ဝန်ကြီးချုပ် ဒေါက်တာကျော်ထွန်းက ဖြစ်ပွားကြုံတွေ့ရသည့် မီးလောင်မှုများ လျော့နည်းကျဆင်းစေရန် ပိုမိုလုံခြုံစိတ်ချရသော နေထိုင်မှုပတ်ဝန်းကျင်ကောင်းများ ဖန်တီးပေးနိုင်ရန် နိုင်ငံတော်ဖွံ့ဖြိုးတိုးတက်မှုကို အနှောင့်အယှက် အဟန့်အတားဖြစ်စေသည့် မီးလောင်မှုကြောင့် ပျက်စီးဆုံးရှုံးမှုကို လျော့နည်းကျဆင်းစေရန် မီးသတ်တပ်ဖွဲ့ဝင်များအတွက် မီးငြှိမ်းသတ်ရေးလုပ်ငန်းများ ဆောင်ရွက်ရာတွင် ကြုံတွေ့ရနိုင်သည့် ဘေးအန္တရာယ်ကြုံတွေ့မှုများကို လျှော့ချနိုင်ရန် ခေတ်မီ မီးသတ်ပညာနှင့် ရှာဖွေကယ်ဆယ်ရေးပညာရပ်များကို စဉ်ဆက်မပြတ် လေ့လာလေ့ကျင့် ဆောင်ရွက်သွားကြရမှာဖြစ်ကြောင်း၊ ရှမ်းပြည်နယ်အစိုးရ ပြည်နယ်ဘဏ္ဍာရန်ပုံငွေမှ ၂၀၁၄ ခုနှစ်မှစပြီး ယနေ့အထိ မီးသတ်ယာဉ်စက်စုစုပေါင်း(၅၄၈)စီး ဖြည့်တင်း နိုင်ခဲ့ပြီး ၂၀၂၂-၂၀၂၃ ခုနှစ် ဘဏ္ဍာနှစ်မှာလည်း မီးသတ်ယာဉ်(၂၂)စီး၊ မီးငြှိမ်းသတ်ရေးနှင့် ရှာဖွေကယ်ဆယ်ရေးလုပ်ငန်းသုံး ပစ္စည်း ကိရိယာများကို ဆက်လက်ဖြည့်ဆည်း ဆောင်ရွက်ပေးသွားမည် ဖြစ်ပါကြောင်း ရှမ်းပြည်နယ်အတွင်း ၂၀၂၀ ခုနှစ်တွင် မီးလောင်မှု (၂၀၅) ကြိမ်၊ ဆုံးရှုံးမှု တန်းဖိုးကျပ် (၂၇၅.၉၂) သန်းခန့်ရှိပြီး ၂၀၂၁ ခုနှစ်တွင် မီးလောင်မှု (၁၇၃) ကြိမ်၊ ဆုံးရှုံးမှု တန်ဖိုးကျပ် (၂၇၅.၆၂) သန်းခန့် ဆုံးရှုံးခဲ့ပါကြောင်း ၂၀၂၀ ခုနှစ်နှင့် ၂၀၂၁ ခုနှစ် မီးလောင်မှု နှိုင်းယှဉ်ရာတွင် ၂၀၂၁ ခုနှစ်မှာ မီးလောင်မှု ကြိမ်ရေ ၃၂ ကြိမ် လျော့နည်းပြီး မီးလောင်ဆုံးရှုံးမှု တန်ဖိုးအနေဖြင့် ကျပ် (၁၀၀.၃) သန်း လျော့နည်း သက်သာခဲ့ပါကြောင်း၊ မီးသတ်တပ်ဖွဲ့ဝင် တစ်ဦးချင်းစွမ်းရည်မြင့်မားအောင် ကြိုးပမ်းနေခြင်းသည် တပ်ဖွဲ့တစ်ခုလုံး၏ဂုဏ်ကို မြှင့်တင်နေခြင်းဖြစ်သည့်အတွက် ခံယူထားကြပြီး ပြည်သူယုံကြည်အားကိုးအားထားပြုရသည့် မီးသတ်တပ်ဖွဲ့ဝင်ဖြစ်အောင် လေ့ကျင့်တည်ဆောက်သွားကြရန် ပြောကြားသွားသည်။
ဆက်လက်၍ မီးသတ်တပ်ဖွဲ့ဝင်များမှ Brave Heart တစ်ဦးချင်းစွမ်းရည်သရုပ်ပြသခြင်း၊ Dry Chemical Power (D.C.P) မီးသတ်ဆေးဘူးဖြင့် ဆီမီးလောင်မှုအား မီးငြှိမ်းသတ်သရုပ်ပြသခြင်း၊ 3D Nozzle ကိုအသုံးပြုပြီး ဆီမီးလောင်မှုအား သရုပ် ပြသခြင်း၊ Tank Fire စက်သုံးဆီသိုလှောင်ကန် မီးလောင်မှုအား သရုပ်ပြသခြင်း၊ အထပ်မြင့် မီးငြှိမ်းသတ်ရေးနှင့် ရှာဖွေ ကယ်ဆယ်ရေးစွမ်းရည် သရုပ်ပြသခြင်းများတို့ကို ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူတို့က ကြည့်ရှု အားပေးကြပြီး ခင်းကျင်းပြသထားသော မီးငြှိမ်းသတ်ရေးနှင့် ရှာဖွေကယ်ဆယ်ရေးပစ္စည်း ကိရိယာများကို ကြည့်ရှုကြ၍ ပြည်နယ်ဝန်ကြီးချုပ် ဒေါက်တာကျော်ထွန်းက မီးသတ်တပ်ဖွဲ့ဝင်များအား ဂုဏ်ပြုချီးမြှင့်ငွေ ပေးအပ်ရာ တာဝန်ရှိသူတစ်ဦးမှ လက်ခံရယူသည်။
ထို့နောက် ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူတို့သည် တောင်ကြီးတက္ကသိုလ်တွင် တက္ကသိုလ်ဝင်စာမေးပွဲ စာစစ်ဆရာ၊ ဆရာမများအတွက် ရေမီးအဆင်ပြေစေရန် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ တာဝန်ယူဆောင်ရွက်ပေးနေသော စက်ရေတွင်းဟောင်းမှ ရေထွက်ရှိနေမှုတို့ကို လှည့်လည်ကြည့်ရှု စစ်ဆေးကြပြီး တာဝန်ရှိသူ များကို လိုအပ်သည်များ မှာကြားခဲ့ပြီး တောင်ကြီးမြို့တွင် ကျင်းပမည့် မြန်မာ့ရိုးရာ မဟာသင်္ကြန် ပွဲတော်အတွက် ဆောက်လုပ်ရေးဦးစီးဌာနမှ တာဝန်ယူ၍ မဏ္ဍပ်တည်ဆောက်မည့်နေရာအား ကွင်းဆင်း ကြည့်ရှုကာ ပြည်နယ်ဝန်ကြီးချုပ်မှ လိုအပ်သည်များ ဖြည့်စွက်မှာကြားခဲ့ကြောင်း သိရှိရသည်။

ရှမ်းပြည်နယ်အစိုးရအဖွဲ့

တောင်ကြီး မတ် - ၂၈

N008
၁၃၈၃ ခု၊ ၂၀၂၂ ခုနှစ်၊ တောင်ကြီးမြို့ မြန်မာ့ရိုးရာယဥ်ကျေးမှု မဟာသင်္ကြန်ပွဲတော်ကျင်းပရေး လုပ်ငန်းညှိနှိုင်း အစည်းအဝေးကို မတ်(၂၅)ရက် ညနေ(၃)နာရီက တောင်ကြီးမြို့ ရှမ်းပြည်နယ်အစိုးရရုံး အစည်းအဝေးခန်းမ၌ ကျင်းပ သည်။
မြန်မာ့ရိုးရာယဉ်ကျေးမှု မဟာသင်္ကြန်ပွဲတော် ကျင်းပရေးဦးစီးကော်မတီဥက္ကဋ္ဌ၊ ရှမ်းပြည်နယ်ဝန်ကြီးချုပ် ဒေါက်တာကျော်ထွန်းက မြန်မာ့ရိုးရာမဟာသင်္ကြန်ပွဲတော်ကို တောင်ကြီးမြို့တွင် စည်ကားသိုက်မြိုက်စွာ ကျင်းပ ဆောင်ရွက်သွားမှာဖြစ်ပြီး သင်္ကြန်ပွဲတော်ကို ကိုဗစ်-၁၉ ညွှန်ကြားချက်များနှင့်အညီ ဆောင်ရွက်သွားမည် ဖြစ်ပါ ကြောင်း၊ မဟာသင်္ကြန်ပွဲတော် ကျင်းပရခြင်းမှာ နှစ်ဟောင်းမှ အညစ်အကြေးများအား အတာရေဖြင့် ဆေးကြော သန့်စင်ပြီး ဖြူစင်သန့်ရှင်းကောင်းမွန်သော အနာဂတ်ကို တည်ဆောက်ရယူခြင်းဆိုသည့် အစဉ်အလာနှင့်အညီ ဆောင်ရွက်ရခြင်းဖြစ်ပါကြောင်း၊ ယခုနှစ် မြန်မာ့ရိုးရာယဉ်ကျေးမှု မဟာသင်္ကြန်ပွဲတော်အား အဆင်ပြေချောမွေ့ စွာဖြင့် ပြီးမြောက် အောင်မြင်စေရန်အတွက် ကော်မတီဝင်များအားလုံးမှ မိမိတို့ဆောင်ရွက်ရမည့် လုပ်ငန်းကဏ္ဍ အလိုက် ဝိုင်းဝန်းဆွေးနွေးပေးကြစေလိုကြောင်း ပြောကြားသွားသည်။
ဆက်လက်၍ မြန်မာ့ရိုးရာယဥ်ကျေးမှု မဟာသင်္ကြန်ပွဲတော် ကျင်းပရေးဦးစီးကော်မတီ အတွင်းရေးမှူး၊ ပြည်နယ်အစိုးရအဖွဲ့ အတွင်းရေးမှူး ဦးစိုင်းသော်ဝင်းက သင်္ကြန်ပွဲတော်ကျင်းပရေးနှင့်ပတ်သက်၍ ဆွေးနွေးရှင်းလင်း ကာတက်ရောက်လာသည့် ပြည်နယ်အဆင့် ဌာနဆိုင်ရာများမှ လုပ်ငန်းကော်မတီအလိုက် တင်ပြဆွေးနွေးကာ အထွေထွေ ဆွေးနွေးကြပြီး မြန်မာ့ရိုးရာယဉ်ကျေးမှု မဟာသကြင်္န်ပွဲတော် ကျင်းပရေးဦးစီးကော်မတီဥက္ကဋ္ဌ၊ ပြည်နယ် ဝန်ကြီးချုပ် ဒေါက်တာကျော်ထွန်းက ကော်မတီများ၏ ဆွေးနွေးတင်ပြချက်များအပေါ် လိုအပ်သည်များ ဖြည့်စွက် ဆွေးနွေး၍ နိဂုံးချုပ်စကား ပြောကြားခဲ့ကြောင်း သိရှိရသည်။

ရှမ်းပြည်နယ်အစိုးရအဖွဲ့


တာချီလိတ် မတ် - ၂၂

N005
ပို့ဆောင်ရေးနှင့်ဆက်သွယ်ရေးဝန်ကြီးဌာန ရေအရင်းမြစ်နှင့် မြစ်ချောင်းများ ဖွံဖြိုးတိုးတက်ရေးဦးစီးဌာန၊ ရှမ်းပြည်နယ်ဦးစီးမှူးရုံး၊ တောင်ကြီးမြို့ တာချီလိတ်မြို့နယ်၊ မိုင်းဖုန်း(က) ကျေးရွာအုပ်စု ဆီဝန်းထောင်းကျေးရွာအနီး B.R.P-34 နှင့် B.R.P-31 အကြားတွင် မယ်ဟောက်ချောင်းကမ်းပြို ကာကွယ်ရေးလုပ်ငန်း ဆောင်ရွက်နေမှုကို မတ် (၂၂)ရက် နံနက်(၈)နာရီခွဲက အဆိုပါနေရာအား ရှမ်းပြည်နယ်ဝန်ကြီးချုပ် ဒေါက်တာကျော်ထွန်း၊ တြိဂံဒေသတိုင်း စစ်ဌာနချုပ် တိုင်းမှူး ဗိုလ်ချုပ် မျိုးမင်းထွန်း၊ ပြည်နယ်ဝန်ကြီးများနှင့် တာဝန်ရှိသူတို့က သွားရောက်ကြည့်ရှု စစ်ဆေးရာ လုပ်ငန်းတာဝန်ခံတစ်ဦးမှ ရှင်းလင်းပြီး ပြည်နယ်ဝန်ကြီးချုပ်က လိုအပ်သည်များ ဖြည့်စွက်မှာကြားပြီး မယ်ဟောက်ချောင်းတစ်လျှောက် လှည့်လည်ကြည့်ရှုကြကြောင်း သိရသည်။

N006
ဆက်လက်၍ တာချီလိတ်မြို့ ခရိုင်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပသော ပန်းခင်းစီမံချက်ဖြင့် အိမ်ထောင်စုလူဦးရေစာရင်း၊ နိုင်ငံသားစိစစ်ရေးကတ်ပြား ပေးအပ်ပွဲသို့ ရှမ်းပြည်နယ်ဝန်ကြီးချုပ် ဒေါက်တာကျော်ထွန်း တက်ရောက်၍ အမှာစကားပြောကြားရာ ရှမ်းပြည်နယ် (အရှေ့ပိုင်း) အနေဖြင့် ဆောင်ရွက် ပေးရန် လျာထားချက်(၅၄၀၆၃)ဦး ရှိရာမှာ ၂၀၂၂ ခုနှစ် မတ်လ(၁၃)ရက်နေ့ထိ (၄၇၄၃၀)ဦး ဆောင်ရွက်ပေးနိုင်ခဲ့ပြီး (၆၆၃၃)ဦး ဆောင်ရွက်ပေးရန် ကျန်ရှိနေပါကြောင်း၊ ပြီးစီးမှုရာခိုင်နှုန်းအနေဖြင့် (၈၇.၇၃) တွေ့ရှိရပါကြောင်း၊ ရှမ်းပြည်နယ် (အရှေ့ပိုင်း) ပန်းခင်းစီမံချက်ဖြင့် ယနေ့ပေးအပ်သည့် အခမ်းအနားမှာ ကတ်ပြားပေါင်း(၂၄၆၆)ကတ်နှင့် အိမ်ထောင်စု (၂၁၃)စုကို ပေးအပ်သွားမှာဖြစ်ပါကြောင်း၊ တာချီလိတ်ခရိုင်အတွင်း တာချီလိတ်မြို့နယ်မှာလည်း တာလေ၊ ကျိုင်းလပ် အပါအဝင် ရပ်ကွက်(၁၈)ရပ်ကွက်၊ ကျေးရွာအုပ်စု(၁၃)အုပ်စု၊ ကျေးရွာပေါင်း(၃၁၅)ရွာဖြင့် ဖွဲ့စည်းထားပြီး လူဦးရေ (၁)သိန်း(၉)သောင်းကျော် နေထိုင်လျက်ရှိပြီး တာချီလိတ်မြို့နယ်အနေဖြင့် စီမံချက် လျာထားဦးရေ(၆၅၈၁)ဦး ဆောင်ရွက်ပေးရမှာ ဖြစ်သော်လည်း သတ်မှတ်ကာလမတိုင်မီ (၁၁)လအတွင်း အိမ်ထောင်စုလူဦးရေစာရင်း(၆၁၀)နှင့် ကိုင်ဆောင်လက်မှတ်(၆၈၁၃)ထိ ရာနှုန်းပြည့်ကျော်လွန်အောင် ဆောင်ရွက် ပေးနိုင်ခဲ့ပါကြောင်း၊ ကိုဗစ်-၁၉ ရောဂါ မပြန့်ပွားရေးအတွက် ထုတ်ပြန်ထားသော ကန့်သတ်ချက်များနှင့် အခြားသော အခက်အခဲကြားမှ (၁၁)လအတွင်း စီမံချက် လျာထားချက် ရာနှုန်းပြည့်ပြီးစီးအောင်မြင်ရေးအတွက် အားသွန်ခွန်စိုက် ဝိုင်းဝန်းကြိုးပမ်းအားထုတ်ခဲ့တဲ့ ကျိုင်းတုံမြို့နယ်နှင့် တာချီလိတ်မြို့နယ် ရုံးဝန်ထမ်းများအား မှတ်တမ်းတင် ဂုဏ်ပြု ပါကြောင်း ပြောကြားသည်။
ဆက်လက်၍ ရှမ်းပြည်နယ်ဝန်ကြီးချုပ် ဒေါက်တာကျော်ထွန်း၊ တိုင်းမှူး ဗိုလ်ချုပ် မျိုးမင်းထွန်း၊ ပြည်နယ် ဝန်ကြီးများ၊ ပြည်နယ်ဥပဒေချုပ်၊ ပြည်နယ်အစိုးရအဖွဲ့ အတွင်းရေးမှူးတို့က အိမ်ထောင်စုလူဦးရေစာရင်းနှင့် နိုင်ငံသား စိစစ်ရေးကတ်ပြားများ ပေးအပ်ကြပြီး ဒေသခံတိုင်းရင်းသားများကိုယ်စား ပြည်သူတစ်ဦးက ကျေးဇူးတင် စကားပြောကြားကြောင်း သိရှိရသည်။

ရှမ်းပြည်နယ်အစိုးရအဖွဲ့

တောင်ကြီး မတ် - ၂၈

N007
ရှမ်းပြည်နယ်အစိုးရအဖွဲ့နှင့် တိမ်စင်ကြယ်ကုမ္ပဏီမှ လာရောက်တွေ့ဆုံ ရှင်းလင်းခြင်းကို မတ်(၂၅)ရက် နံနက်(၁၀)နာရီက တောင်ကြီးမြို့ ရှမ်းပြည်နယ်အစိုးရရုံး အစည်းအဝေးခန်းမ၌ ကျင်းပသည်။
ရှမ်းပြည်နယ်ဝန်ကြီးချုပ် ဒေါက်တာကျော်ထွန်းက ရှမ်းပြည်နယ်အတွင်း ရေအားလျှပ်စစ်ရရှိရေးအတွက် ရှမ်းပြည်နယ် အစိုးရအဖွဲ့၏ ကြီးကြပ်မှုဖြင့် ဆောင်ရွက်လျက်ရှိသော ရေအားလျှပ်စစ်စီမံကိန်း ရင်းနှီးမြှုပ်နှံမှု လုပ်ငန်းများအနေဖြင့် ဆောင်ရွက်သည့် ကုမ္ပဏီအရေအတွက်မှာ (၃၆)ခု၊ စီမံကိန်းအရေအတွက်(၅၀)ခု၊ ငှားရမ်း စာချုပ်(၈)ခု၊ နားလည်မှုစာချွန်လွှာ MOU (၃၃)ခုနှင့် သဘောတူစာချုပ် MOA (၁၃)ခုတို့ လက်မှတ်ရေးထိုး ဆောင်ရွက်ပြီး ဖြစ်ပါကြောင်း၊ ရှမ်းပြည်နယ်အတွင်း မီးရရှိရေးသည် အရေးကြီးသောအခန်းကဏ္ဍတွင် ပါဝင်ပြီး ယခုအခါ မိမိတို့ပြည်နယ်အတွင်း စာရင်းရှိ အိမ်ထောင်စမှာ(၁၁၆၉၅၆၉)စုရှိပြီး မီးသုံးစွဲလျက်ရှိသည့် အိမ်ထောင်စုမှာ (၆၁၄၅၁၅)စု၊ မီးရရှိရန်ကျန်သည့် အိမ်ထောင်စုမှာ (၅၅၅၀၅၄)စုဖြစ်သောကြောင့် ရာခိုင်နှုန်းအနေဖြင့် မီးရရှိသုံးစွဲ လျက်ရှိသော အိမ်ထောင်စုမှာ(၅၂.၅၄)ရာခိုင်နှုန်းနှင့် မီးရရှိရန်ကျန်သည့် အိမ်ထောင်စုမှာ (၄၇.၄၆)ရာခိုင်နှုန်း စိစစ် တွေ့ရှိရပါကြောင်း၊ ရှမ်းပြည်နယ်အစိုးရအဖွဲ့အနေဖြင့်လည်း ရင်းနှီးမြှုပ်နှံမှုများကို အစဥ်တစိုက် ဖိတ်ခေါ်လျက်ရှိရာ ယခုကဲ့သို့ ပြည်တွင်းလုပ်ငန်းရှင်များ၏ ရင်းနှီးမြှုပ်နှံမှုများကို နိုင်ငံတော်မှ သတ်မှတ်ထုတ်ပြန်ထားသည့် စည်းမျဥ်း များ၊ ပြည်ထောင်စုလျှပ်စစ်ဥပဒေနှင့် ပြည်နယ်အလတ်စား၊ အသေးစား၊ လျှပ်စစ်ဥပဒေများနှင့် လာရောက်တွေ့ဆုံ ရှင်းလင်းတင်ပြသည့် ရေအားလျှပ်စစ်ထုတ်ယူနိုင်ရေး ရှေ့ပြေးတိုင်းတာစမ်းသပ်မည့် လုပ်ငန်းကိုလည်း အောင်မြင်စွာ အကောင်အထည်ဖော် ဆောင်ရွက်နိုင်ရေး၊ ကုမ္ပဏီအနေဖြင့် အားသွန်ခွန်စိုက် ကြိုးစားဆောင်ရွက်သွားစေလိုကြောင်း ပြောကြားသွားသည်။
ဆက်လက်၍ ရှမ်းပြည်နယ်အစိုးရအဖွဲ့ ပြည်နယ်သယံဇာတရေးရာဝန်ကြီး ဦးစိုင်းလိတ်မှ ရေအားလျှပ်စစ်နှင့် ပတ်သက်၍ ရှင်းလင်းပြီး တိမ်စင်ကြယ်ကုမ္ပဏီတာဝန်ရှိသူများမှ ရှင်းလင်း၍တက်ရောက်လာကြသည့် သက်ဆိုင်ရာ ဌာနများမှ အထွေထွေဆွေးနွေးကြကြောင်း သိရှိရသည်။

ရှမ်းပြည်နယ်အစိုးရအဖွဲ့

တာချီလိတ် မတ်   -   ၂၂

N001

ရှမ်းပြည်နယ်ဝန်ကြီးချုပ် ဒေါက်တာကျော်ထွန်း၊ ပြည်နယ်ဝန်ကြီးများ၊ ပြည်နယ်ဥပဒေချုပ်နှင့် တာဝန်ရှိသူ များသည် မတ်(၂၁)ရက် နံနက်(၇)နာရီခွဲက ကိုဗစ်-၁၉ ရောဂါကာကွယ်ရေးအတွက် ကြိုတင်ပြင်ဆင်မှုအနေဖြင့် တာချီလိတ်ခရိုင်ရှိ Quarantine Center (ဝမ်လုံး) အဆောက်အဦအား သွားရောက်ကြည့်ရှုစစ်ဆေးရာ တာဝန်ရှိသူ များက ရှင်းလင်းကြပြီး ပြည်နယ်ဝန်ကြီးချုပ် ဒေါက်တာကျော်ထွန်းက လိုအပ်သည်များ ဖြည့်စွက်မှာကြား၍ အဆောက်အဦအား လှည့်လည်ကြည့်ရှု စစ်ဆေးကြကြောင်း သိရသည်။

N002
ဆက်လက်၍ ရှမ်းပြည်နယ်ဝန်ကြီးချုပ် ဒေါက်တာကျော်ထွန်း၊ တြိဂံဒေသတိုင်း စစ်ဌာနချုပ် တိုင်းမှူး ဗိုလ်ချုပ် မျိုးမင်းထွန်း၊ ပြည်နယ်ဝန်ကြီးများနှင့် တာဝန်ရှိသူတို့သည် ကျိုင်းတုံမြို့ နမ့်ခင်ချောင်းတစ်လျှောက် နေရောင်ခြည် စွမ်းအင်သုံးဆိုလာစနစ်ဖြင့် ရေတင်၍ ချောင်းဘေးတစ်လျှောက်ရှိ မြေများတွင် ရာသီသီးနှံ စိုက်ပျိုးထုတ်လုပ်သည့် တောင်သူများအား မျိုးစေ့ပေးအပ်ပွဲသို့ တက်ရောက်ပြီး ရှမ်းပြည်နယ်ဝန်ကြီးချုပ် ဒေါက်တာကျော်ထွန်းက ယာမြေ၊ လယ်မြေများရှိသည့်အတွက် နွေရာသီတွင် ရေအခက်အခဲများရှိသည့်အတွက် တင်ပြလာမှုကို သမဝါယမကျေးလက် ဒေသဦးစီးဌာနနှင့် ရှမ်းပြည်နယ်အစိုးရအဖွဲ့တို့ ပူးပေါင်း၍ လျှပ်စစ်မီးဝေးသောကြောင့် ဆိုလာစနစ်ဖြင့် ချောင်းထဲမှ ရေကိုစုပ်ယူ၍ ဆည်မြောင်းဦးစီးဌာန၊ စိုက်ပျိုးရေးဦးစီးဌာနမှ တာဝန်ယူပြီး ကွင်းဆင်းဆောင်ရွက်ရန် နိုင်ငံတော် အကြီးအကဲက မှာကြားလိုက်ပါကြောင်း ပြောကြားသည်။
ထို့နောက် နမ့်ခင်ချောင်းမှ ရေစုပြီး ဆိုလာစနစ်ဖြင့် ရေတင်၍ ရာသီသီးနှံစိုက်ပျိုးဆောင်ရွက်မည့် အခြေအနေ များအား ဆည်မြောင်းဦးစီးဌာန၊ ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ စိုက်ပျိုးရေးဦးစီးဌာနများမှ ရှင်းလင်း တင်ပြပြီး ပြည်နယ်အစိုးရအုပ်ချုပ်ရေးအဖွဲ့ (ရှမ်းအရှေ့) ဥက္ကဋ္ဌဦးရဲနိုင်က လိုအပ်သည်များ ဖြည့်စွက်ရှင်းလင်း၍ တက်ရောက်လာသူများ၊ တောင်သူများမှ အထွေထွေဆွေးနွေးကြကာ ရှမ်းပြည်နယ်ဝန်ကြီးချုပ် ဒေါက်တာ ကျော်ထွန်း၊ တိုင်းမှူး ဗိုလ်ချုပ် မျိုးမင်းထွန်းတို့က တောင်သူများထံသို့ မျိုးစေ့များ ပေးအပ်ခဲ့ကြသည်။

N003
၎င်းနောက် ကျိုင်းတုံမြို့ သီလဓမ္မကုန်းသာ တောရကျောင်းတိုက်၌ ကျင်းပပြုလုပ်သည့် ရှမ်းပြည်နယ် (အရှေ့ပိုင်း) ကျိုင်းတုံမြို့ ကျက်သရေဆောင် မဟာမြတ်မုနိဘုရား နှစ်(၁၀၀)ပြည့် အထိမ်းအမှတ် ရွှေထီးတော်သစ် တင်လှူပူဇော်ပွဲ မဟာမင်္ဂလာ အခမ်းအနားအောင်မြင်စွာ ကျင်းပနိုင်ခဲ့ခြင်းအတွက် လုပ်ငန်းကော်မတီ အသီးသီး တို့အား ရှမ်းပြည်နယ်ဝန်ကြီးချုပ် ဒေါက်တာကျော်ထွန်း၊ တိုင်းမှူး ဗိုလ်ချုပ် မျိုးမင်းထွန်း၊ ပြည်နယ်ဝန်ကြီးများနှင့် တာဝန်ရှိသူများက တက်ရောက်ကြပြီး ရှမ်းပြည်နယ်ဝန်ကြီးချုပ် ဒေါက်တာကျော်ထွန်း၊ တိုင်းမှူး ဗိုလ်ချုပ် မျိုးမင်းထွန်းတို့က ဝစီပိတ်ဆရာတော်အား အလှူငွေကျပ်သိန်း(၅၀) ဆက်ကပ်လှူဒါန်းပြီး အခမ်းအနားကို နမောတဿ သုံးကြိမ်ရွတ်ဆို ဘုရားကန်တော့၍ ဖွင့်လှစ်ကာ ဝစီပိတ်ဆရာတော်ဘုရားက သြဝါဒချီးမြှင့်၍ ဘဏ္ဍာငွေ ရှာဖွေရေးလုပ်ငန်းကော်မတီ ဥက္ကဋ္ဌမှ ငွေစာရင်းရှင်းတမ်းများ ရှင်းလင်းတင်ပြပြီး ရှမ်းပြည်နယ်ဝန်ကြီးချုပ် ဒေါက်တာ ကျော်ထွန်း၊ တိုင်းမှူး ဗိုလ်ချုပ် မျိုးမင်းထွန်းတို့က လုပ်ငန်းကော်မတီများအား ဂုဏ်ပြုမှတ်တမ်းလွှာများ ချီးမြှင့် ပေးအပ်ကြပြီး အခမ်းအနားကို ဗုဒ္ဓသာသနံ စိရံတိဋ္ဌတု သုံးကြိမ်ရွတ်ဆို ဆုတောင်း၍ ရုပ်သိမ်းလိုက်ကြောင်း သိရှိရသည်။

N004
ယင်းနောက် ပြည်နယ်ဝန်ကြီးချုပ်၊ တိုင်းမှူး၊ ပြည်နယ်ဝန်ကြီးများနှင့် တာဝန်ရှိသူတို့သည် ကျိုင်းတုံ တက္ကသိုလ် အဆောက်အဦ ဆောင်ရွက်နေမှုတို့ကို ကြည့်ရှုစစ်ဆေးရာ ကျိုင်းတုံတက္ကသိုလ် ပါမောက္ခချုပ်မှ ရှင်းလင်းပြီး ပြည်နယ်ဝန်ကြီးချုပ် ဒေါက်တာကျော်ထွန်းက လိုအပ်သည်များ ဖြည့်စွက်မှာကြား၍ ကျိုင်းတုံတက္ကသိုလ် ဘက်စုံဖွံ့ဖြိုးတိုးတက်ရေးအတွက် ထောက်ပံ့ငွေကျပ်(၁၀)သိန်း ပေးအပ်ရာ ပါမောက္ခချုပ်မှ လက်ခံရယူပြီး ကျိုင်းတုံ ဗုဒ္ဓဥယျာဉ်တော်အတွင်း ရေနုတ်မြောင်းများ၊ ရေကန်တော်များ စက်ယန္တရားကြီးများဖြင့် တူးဖော်ဆောင်ရွက်နေမှုကို ကြည့်ရှုစစ်ဆေးရာ ဆည်မြောင်းဦးစီးဌာနမှ တာဝန်ရှိသူများမှ ရှင်းလင်းရာ ပြည်နယ်ဝန်ကြီးချုပ်က လိုအပ်သည်များ ဖြည့်စွက်မှာကြားခဲ့ပြီး တာချီလိတ်မြို့နယ် တာလေမြို့ နားယောင်းကျေးရွာအုပ်စု ပါနော့ကျေးရွာရှိ တောင်သူ ဦးကျဟေး၏ မွေးမြူထားသော ဒေသနွား(၄၀၁)ကောင်၊ ကျွဲ(၃၁၃)ကောင်၊ မွေးမြူထားရှိမှုနှင့် ယိုးဒယားပျားလိမ္မော် ဧက(၃၀၀) စိုက်ပျိုးထားရှိမှုတို့ကို လှည့်ကြည့်ရှုကြပြီး ရှမ်းပြည်နယ်အစိုးရအဖွဲ့မှ ချီးမြှင့်သော စိုက်ပျိုးရေး၊ မွေးမြူရေး ထူးချွန် ဆုတံဆိပ်နှင့် ဂုဏ်ပြုမှတ်တမ်းလွှာများကို ပြည်နယ်ဝန်ကြီးချုပ် ဒေါက်တာကျော်ထွန်းက ဦးကျဟေးနှင့် ဇနီးတို့ကို ချီးမြှင့်ပေးအပ်ခဲ့ကြောင်း သိရှိရသည်။
ရှမ်းပြည်နယ်အစိုးရအဖွဲ့ရုံး

နောက်ထပ်သတင်းများဖတ်မည်