We have 64 guests and no members online

×

Warning

JUser: :_load: Unable to load user with ID: 43

လားရှိုး မေ - ၁၂

54
ရှမ်းပြည်နယ်စီမံအုပ်ချုပ်ရေးကောင်စီဥက္ကဋ္ဌ ဒေါက်တာကျော်ထွန်း၊ ပြည်နယ်ကောင်စီအဖွဲ့ဝင်များ၊ ပြည်နယ်အဆင့် ဌာနဆိုင်ရာများနှင့် တာဝန်ရှိသူတို့သည် မေ(၁၁)ရက် နံနက်(၉)နာရီက လားရှိုးမြို့ ပြည်နယ်ဒုတိယအထွေထွေအုပ်ချုပ်ရေး ဦးစီးဌာန၊ အစည်းအဝေးခန်းမတွင် တိုင်းရင်းသားစာပေ ယဥ်ကျေးမှုအဖွဲ့နှင့် တွေ့ဆုံသည်။
ရှမ်းပြည်နယ်စီမံအုပ်ချုပ်ရေးကောင်စီဥက္ကဋ္ဌ ဒေါက်တာကျော်ထွန်းက နိုင်ငံတော်၏ လမ်းညွှန်ချက်နှင့်အညီ ယနေ့ နိုင်ငံတော်သွားနေသည့် လမ်းကြောင်းများကို ချပြသွားမည်ဖြစ်ကြောင်း စာပေယဥ်ကျေးမှုအဖွဲ့များ မည်ကဲ့သို့ဆောင်ရွက်နေမှု နှင့်စာပေယဥ်ကျေးမှု မကွယ်ပျောက်အောင် မည်ကဲ့သို့ပူးပေါင်း ဆောင်ရွက်ကြမည်နည်း၊ ရှမ်းပြည်နယ်သည် တိုင်းရင်းသား ပေါင်းစုံများစွာနေထိုင်ပြီး မြေပြင်ပကတိအနေအထားသည် သွားရေးလာရေးခက်ခဲပြီး မြို့နယ်များကို သွားလာရေးမှာလည်း ခက်ခဲကြောင်း၊ မိမိတို့အဖွဲ့သည် ရှမ်းအလယ်ပိုင်းဖြစ်သည့် ကွန်ဟိန်း၊ ခိုလမ်သို့ကို သွားရောက်ကာ ပြည်သူ့စစ်အဖွဲ့နှင့် တွေ့ဆုံကာ ဘုန်းတော်ကြီးကျောင်းများကို ဆွမ်းဆန်တော်များ လှူဒါန်းပေးကြောင်း၊ ဌာနဆိုင်ရာ၊ မြို့မိမြို့ဖများနှင့်လည်း တွေ့ဆုံကာ ဒေသလိုအပ်ချက်များ တင်ပြမှုကို သိရှိရပါကြောင်း၊ ရှမ်းမြောက်သည် တိုင်းရင်းသားပေါင်းစုံရှိပါကြောင်း၊ စာပေ ယဥ်ကျေးမှုအဖွဲ့သည် ကိုယ်စီကိုယ်ငှာ ဥက္ကဋ္ဌနှင့် အဖွဲ့စည်းများရှိပြီး ပညာရှိသူဖြစ်ရမည်၊ လူရိုသေရှင်ရိုသေဖြစ်ရမည်၊ ရှမ်းပြည်နယ်တွင် (၉)မြို့နယ်ကို ညမထွက်ရ အမိန့်ထုတ်ထားခဲ့ရာမှ ယခုဆိုလျှင် (၃)မြို့နယ်ကို ည(၁၀)မနက်(၄)အထိ ဆောင်ရွက်ပေးနိုင်ခဲ့ပြီး လားရှိုးကိုလည်း ရရှိအောင် ညှိနှိုင်းတိုင်ပင် ကြိုးပမ်းဆောင်ရွက်ပေးနေကြောင်း၊ ဒေသန္တရအမိန့်ကို နောက်ဆုတ်နိုင်ရန် ကြိုးပမ်းနေချိန်တွင် စာပေနှင့်ယဥ်ကျေးမှု အဖွဲ့ကလည်း ပူးပေါင်းပါဝင်ပေးကြရန် ယနေ့နိုင်ငံတော် သွားနေသည့် လမ်းကြောင်းမှာ ကျေးလက်နှင့်မြို့ပြ ဆင်းရဲချမ်းသာ ကွာဟမှုမရှိစေရန် နိုင်ငံတော်စီမံအုပ်ချုပ်ရေးကောင်စီက ဆောင်ရွက်နေပါကြောင်း၊ ဒေသန္တရဖွံ့ဖြိုးရေးကို အစွမ်းကုန်ကြိုးစားနေချိန်တွင် စာပေယဥ်ကျေးမှုအဖွဲ့မှ ဝိုင်းဝန်းဆောင်ရွက် ပေးကြရန်၊ မကျန်ခဲ့အောင်လည်း ကြိုးစားပေးကြရန်နှင့် နိုင်ငံတော်စီမံအုပ်ချုပ်ရေးကောင်စီ မှာကြားချက်တွင် လျှပ်စစ်ကဏ္ဍ၊ လမ်းပန်း၊ ဆက်သွယ်ရေး၊ လူသားစွမ်းအားဖွံ့ဖြိုးတိုးတက်ရေး စသည်တို့ကို ဆောင်ရွက်ပေးရန်နှင့် စိုက်ပျိုးရေးကဏ္ဍ၊ မွေးမြူရေး ကဏ္ဍကိုလည်း ဦးစားပေးလုပ်ပေးရမည်ဖြစ်ကြောင်း၊ ယနေ့တွေ့ဆုံပွဲတွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ၏ လမ်းညွှန် မှာကြားချက်များကို ရှင်းလင်း၍ စာပေယဥ်ကျေးမှုအဖွဲ့ကလည်း မိမိတို့စာပေမြှင့်တင်ပေးရန်နှင့် ကျောင်းဖွင့်ကာလတွင် တိုင်းရင်းသားဘာသာအလိုက် စာပေများကို သင်ကြားပေးနိုင်ရန် ဆောင်ရွက်ပေးရမည်ဖြစ်ကြောင်း၊ မိမိတို့၏မျိုးနွယ်စုကို ထိန်းသိမ်းရင်း နိုင်ငံ၏မျိုးဆက်အနာဂတ်ကို ဝိုင်းဝန်းထိန်းသိမ်းရန် မှာကြားပြောကြားသွားကြောင်း သိရသည်။
ဆက်လက်၍ တက်ရောက်လာကြသည့် ရှမ်းစာပေနှင့်ယဥ်ကျေးမှုအဖွဲ့၊ တအောင်း(ပလောင်) စာပေနှင့်ယဥ်ကျေးမှု၊ ၀ စာပေနှင့်ယဥ်ကျေးမှု၊ ကိုးကန့်စာပေနှင့်ယဥ်ကျေးမှု၊ လီဆူစာပေနှင့်ယဥ်ကျေးမှု၊ လားဟူစာပေနှင့်ယဥ်ကျေးမှု၊ ကချင်စာပေနှင့် ယဥ်ကျေးမှု၊ မြောင်ဇီးစာပေနှင့်ယဥ်ကျေးမှုအဖွဲ့တို့မှ အိမ်ထောင်စုဇယား၊ မွေးစာရင်း၊ နိုင်ငံသားစိစစ်ရေးကဒ်ပြား၊ လယ်ယာမြေ ကိစ္စရပ်များကို အသီးသီးတင်ပြကြပြီး တင်ပြတောင်းဆိုမှုအပေါ် ရှမ်းပြည်နယ်စီမံအုပ်ချုပ်ရေးကောင်စီဥက္ကဋ္ဌ ဒေါက်တာ ကျော်ထွန်းက ပြန်လည်ဖြေကြား၍ နိဂုံးချုပ်အမှာစကား ပြောကြားခဲ့ကြောင်း သိရသည်။
ထို့နောက် ပြည်နယ်စီမံအုပ်ချုပ်ရေးကောင်စီဥက္ကဋ္ဌ ဒေါက်တာကျော်ထွန်းနှင့် အဖွဲ့သည် လားရှိုးတက္ကသိုလ် သွားရောက်ကာ ဘွဲ့နှင်းသဘင်ခန်းမ တည်ဆောက်နေမှုအား သွားရောက်ကြည်ရှု့ပြီး ဆရာ၊ ဆရာမများ ဝန်ထမ်းများနှင့် တွေ့ဆုံ၍ အဖွင့်အမှာစကားပြောကြားပြီး လားရှိုးတက္ကသိုလ် ပါမောက္ခချုပ်ဆရာကြီး ဒေါက်တာနေဝင်းဦးက ဆွေးနွေးတင်ပြ ကာ ရှမ်းပြည်နယ်စီမံအုပ်ချုပ်ရေးကောင်စီဥက္ကဋ္ဌ ဒေါက်တာကျော်ထွန်းနှင့် အဖွဲ့ဝင်များသည် လားရှိုးတက္ကသိုလ်ဆရာ၊ ဆရာမ များနှင့် ဝန်ထမ်းများကို ကြက်ဥ၊ ဆီ၊ ယူနီဖောင်းဝတ်စုံတို့ကို ထောက်ပံ့ပေးအပ်ရာ ပါမောက္ခချုပ်ဆရာကြီး ဒေါက်တာ နေ၀င်းဦးနှင့် တာဝန်ရှိသူတစ်ဦးက လက်ခံရယူကြောင်း သိရှိရသည်။

ရှမ်းပြည်နယ်စီမံအုပ်ချုပ်ရေးကောင်စီ