We have 139 guests and no members online

016

တောင်ကြီး ဇန်နဝါရီ-၂၆

ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်ဖလား အသက်(၂၅)နှစ်အောက်မြို့နယ်ပေါင်းစုံ မြန်မာ့သိုင်း ပြိုင်ပွဲ ဆုချီးမြှင့်ပွဲကို ဇန်နဝါရီ(၂၆)ရက် ညနေ(၃)နာရီခွဲက တောင်ကြီးမြို့၊ ပြည်နယ်လေ့ကျင့်ရေးအားကစားရုံ၌ ကျင်းပသည်။

ဆက်လက်၍ အမျိုးသမီး (၅၇-၆၁)ကီလိုတန်း ဗန်တိုလက်သိုင်းအတိုက်ပြိုင်ပွဲ၊ အမျိုးသား(၄၅-၅၀)ကီလိုတန်း ဓါးတစ်လက်အတိုက်ပြိုင်ပွဲနှင့် အမျိုးသား (၅၃-၅၇)ကီလိုတန်း ဗန်တိုလက်သိုင်းအတိုက်ပြိုင်ပွဲ ဗိုလ်ပွဲယှဥ်ပြိုင်နေမှုကို ပြည်နယ်ဝန်ကြီးများနှင့် တာဝန်ရှိသူတို့က ကြည့်ရှုအားပေးကြပြီး ဆုချီးမြှင့်ပွဲကျင်းပရာ အမျိုးသားအမျိုးသမီး (၄၅-၄၉)ကီလို ဗန်တိုအတိုက် တတိယ၊ ဒုတိယ၊ ပထမဆုရရှိသူများ၊ အမျိုးသား/အမျိုးသမီး(၄၉-၅၃)ကီလိုဗန်တိုအတိုက် တွင် ပူးတွဲတတိယ၊ ဒုတိယ၊ ပထမဆုရရှိသူများ၊ အမျိုးသား/အမျိုးသမီး (၅၃-၅၇)ကီလိုဗန်တိုအတိုက်တွင် ပူးတွဲ တတိယ၊ ဒုတိယ၊ ပထမဆုရရှိသူများ၊ အမျိုးသား(၅၇-၆၁)ကီလိုဗန်တိုအတိုက်တွင် ပူးတွဲတတိယ၊ ဒုတိယ၊ ပထမဆု ရရှိသူများကို မြန်မာနိုင်ငံသိုင်းအဖွဲ့ချုပ်မှတာဝန်ရှိသူများ ပြည်နယ်အဆင့်ဌာနဆိုင်ရာတာဝန်ရှိသူများမှ ဆုများချီးမြှင့် ပေး၍လည်းကောင်း၊ အမျိုးသမီး(၅၇-၆၁)ကီလိုဗန်တိုအတိုက်၊ အမျိုးသား(၆၁-၆၅)ကီလိုဗန်တိုအတိုက်၊ အမျိုးသမီး (၆၁-၆၅)ကီလိုဗန်တိုအတိုက်တွင် တတိယ၊ ဒုတိယ၊ ပထမဆုရရှိသူများကို ရှမ်းပြည်နယ်အစိုးရအဖွဲ့အတွင်းရေးမှူး ဦးစိုင်းသော်ဝင်းမှ ဆုချီးမြှင့်ပေး၍လည်းကောင်း၊ အမျိုးသား(၆၅-၆၉)ကီလို ဗန်တိုအတိုက်တွင် တတိယ၊ ဒုတိယ၊ ပထမဆုရရှိသူများ၊ အမျိုးသမီး(၄၀-၄၅)ကီလို ဓါး(၁)လက်အတိုက်ပြိုင်ပွဲတွင် တတိယ၊ ဒုတိယ၊ ပထမဆုရရှိသူများ၊ အမျိုးသား(၄၅-၅၀)ကီလို ဓါး(၁)လက်အတိုက်ပြိုင်ပွဲတွင် ပူးတွဲတတိယ၊ ဒုတိယ၊ ပထမဆုရှိသူများကို ပြည်နယ် ဥပဒေချုပ် ဦးစိုင်းကျော်ဇံမှ ဆုများချီးမြှင့်ပေး၍လည်းကောင်း၊ အမျိုးသမီး(၄၅-၅၀)ကီလို ဓါး(၁)လက်အတိုက်ပြိုင်ပွဲ တွင် တတိယ၊ ဒုတိယ၊ ပထမဆုရရှိသူများ၊ အမျိုးသား (၅၀-၅၅)ကီလို ဓါး(၁)လက်အတိုက်တွင် ပူးတွဲတတိယ၊ ဒုတိယ၊ ပထမဆုရရှိသူများ၊ အမျိုးသမီး(၅၀-၅၅)ကီလို ဓါး(၁)လက်အတိုက်တွင် ဒုတိယ၊ ပထမဆုရရှိသူများကို တိုင်းရင်းသားရေးရာဝန်ကြီး ဦးအောင်ကြည်ဝင်းမှ ဆုချီးမြှင့်ပေး၍လည်းကောင်း၊ အမျိုးသား(၄၅-၅၀)ကီလို ဓါး(၂) လက်အတိုက်ပြိုင်ပွဲတွင် ပူးတွဲတတိယ၊ ဒုတိယ၊ ပထမဆုရရှိသူများ၊ အမျိုးသမီး(၄၅-၅၀-၅၅)ကီလို ဓါး(၂)လက် အတိုက်တွင် ဒုတိယ၊ ပထမဆုရရှိသူများ၊ အမျိုးသား(၅၀-၅၅)ကီလို ဓါး(၂)လက်အတိုက်တွင် တတိယ၊ ဒုတိယ၊ ပထမ ဆုရရှိသူများကို ပြည်နယ်လမ်းပန်းဆက်သွယ်ရေးဝန်ကြီး ရဲမှူးချုပ်တင်ကိုကိုမှ ဆုချီးမြှင့်ပေး၍လည်းကောင်း၊ အမျိုးသား(၅၅-၆၀)ကီလို ဓါး(၂)လက်အတိုက်ပြိုင်ပွဲတွင် တတိယ၊ ဒုတိယ၊ ပထမဆုရရှိသူများ၊ (၃)ဦးတွဲစွမ်းရည်ပြ (၆၃)မောင်းပြိုင်ပွဲတွင် တတိယ၊ ဒုတိယ၊ ပထမဆုရရှိသူများကို ပြည်နယ်စီးပွားရေးရာဝန်ကြီး ဦးခွန်သိန်းမောင်မှ ဆုချီးမြှင့်ပေး၍လည်းကောင်း၊ စွမ်းရည်ပြဓါး(၂)လက်အပြပြိုင်ပွဲတွင် ဒုတိယ၊ ပထမဆုရရှိသူများ၊ စွမ်းရည်ပြ ဓါး(၁)လက်အပြပြိုင်ပွဲတွင် ဒုတိယ၊ ပထမဆုရရှိသူများနှင့် စုပေါင်းတံခွန်စိုက်ရရှိသွားသော လင်းခေးမြို့နယ်အား တံခွန်စိုက်ဖလားတို့ကို ပြည်နယ်လူမှုရေးရာဝန်ကြီး ဦးအောင်မြင့်က ဆုများသီးသီးချီးမြှင့်ပေးကြကြောင်း သိရှိရသည်။

ရှမ်းပြည်နယ်အစိုးရအဖွဲ့

တောင်ကြီး ဇန်နဝါရီ - ၂၁

015
ရှမ်းပြည်နယ်(တောင်ပိုင်း) တောင်ကြီးမြို့၊ ရှမ်းပြည်နယ်အစိုးရရုံး အစည်းအဝေးခန်းမ၌ ဇန်နဝါရီ(၂၀)ရက် နံနက်(၁၀)နာရီက စာရင်းအင်းဥပဒေ၊ နည်းဥပဒေများ အသိပညာမြှင့်တင်ရေးဆွေးနွေးပွဲ ကျင်းပသည်။
ရှမ်းပြည်နယ်အစိုးရအဖွဲ့ ပြည်နယ်စီးပွားရေးရာဝန်ကြီး ဦးခွန်သိန်းမောင်က နိုင်ငံဖွံ့ဖြိုးတိုးတက်ရန် အမျိုးသား စာရင်းအင်းစနစ် ခိုင်မာအားကောင်းရန် အထူးလိုအပ်ပါကြောင်း၊ ပြည့်စုံမှန်ကန်ပြီး ယုံကြည်ကိုးစားနိုင်သည့် စာရင်းအင်း အချက်အလက်ရှိမှသာ နိုင်ငံအတွက်လိုအပ်သည့် လူမှုရေး၊ စီးပွားရေး မူဝါဒများ၊ စီမံကိန်းများ ချမှတ်သည့်အခါ မှန်ကန်သော ဆုံးဖြတ်ချက်များ ချမှတ်နိုင်မည် ဖြစ်ပါကြောင်း၊ ပြည့်စုံမှန်ကန်ပြီး ယုံကြည်ကိုးစားနိုင်သည့် စာရင်းအင်း အချက်အလက်များ မူဝါဒချမှတ်မည့်သူတွေသာ လိုအပ်တာမဟုတ်ဘဲ သုတေသနပြုလုပ်သူများ၊ ရင်းနှီးမြှုပ်နှံသူများ၊ ကျောင်းသားများအတွက်လည်း အထူးလိုအပ်ပြီး ပွင့်လင်းမြင်သာ၍ တာဝန်ယူမှု၊ တာဝန်ခံမှုရှိသည့်အစိုးရတစ်ရပ်ဖြစ်ရန် တိကျမှန်ကန်သည့် စာရင်းအင်း အချက်အလက်များကို အချိန်နှင့် တစ်ပြေးညီ ထုတ်ပြန်နိုင်ရန် လိုအပ်ပါကြောင်း၊ ရှမ်းပြည်နယ် ဗဟိုစာရင်းအင်းအဖွဲ့၏ အခြားလုပ်ငန်းတာဝန်များဖြစ်သည့် မွေးဖွားမှုနှင့် သေဆုံးမှုစာရင်းများ စုစည်း တင်ပြခြင်း၊ ကျေးလက်ဒေသဖွံ့ဖြိုးရေးနှင့် ဆင်းရဲနွမ်းပါးမှုလျော့ကျရေးဆိုင်ရာ အညွှန်းကိန်းများ စုစည်းတင်ပြခြင်း၊ လူမှု စီးပွားဆိုင်ရာ စာရင်းအင်းများ စုစည်းတင်ပြခြင်းနှင့် စစ်တမ်းကောက်ယူခြင်း လုပ်ငန်းများတွင်လည်း ရှမ်းပြည်နယ် အတွင်းမှာရှိသည့် အထွေထွေအုပ်ချုပ်ရေးဦးစီးဌာန အပါအဝင် ဌာနဆိုင်ရာများ အားလုံးက ဝိုင်းဝန်းကူညီ ဆောင်ရွက် ပေးကြရန်နှင့် ယနေ့ကျင်းပသည့် စာရင်းအင်းဥပဒေနှင့် နည်းဥပဒေ အသိပညာမြှင့်တင်ရေး ဆွေးနွေးပွဲကို ရှမ်းပြည်နယ် (တောင်ပိုင်း)ရှိ ဌာနများကိုသာ ဖိတ်ကြားနိုင်ပြီး ရှမ်းပြည်နယ်(မြောက်ပိုင်း၊ အရှေ့ပိုင်း)ကို မဖိတ်ကြားနိုင်သောကြောင့် ရှမ်းပြည်နယ် (တောင်ပိုင်း)ရှိ ဌာနများက အပြည့်အဝနားလည် သဘောပေါက်နိုင်သည့် အနေအထားတွေ့ရပါကြောင်း၊ စာရင်းအင်းဥပဒေ၊ နည်းဥပဒေများကို မိမိတို့သိသင့်နည်းတူ ရှမ်းပြည်နယ်(မြောက်ပိုင်း၊ အရှေ့ပိုင်း)ရှိ ဌာနဆိုင်ရာ ဝန်ထမ်း များလည်း သိသင့်ပြီး ရှမ်းပြည်နယ်(တောင်ပိုင်း)ရှိ ဌာနများကလည်း ဖြန့်ဝေသတင်း စကားပေးရန် ပြောကြားသည်။
ဆက်လက်၍ စာရင်းအင်းဥပဒေနှင့် နည်းဥပဒေများအား ဗဟိုစာရင်းအင်းအဖွဲ့၊ နေပြည်တော်(ရုံးချုပ်) ဒုတိယ ညွှန်ကြားရေးမှူးချုပ် ဦးသန်းဇော်မှ ဆွေးနွေးရှင်းလင်းပြီး အခမ်းအနားသို့ တက်ရောက်လာသည့် ဌာနဆိုင်ရာများမှ ပြန်လည်ဆွေးနွေးကြကာ ပြည်နယ်စီးပွားရေးရာဝန်ကြီး ဦးခွန်သိန်းမောင်က စာရင်းအင်းဥပဒေနှင့် နည်းဥပဒေများပါ အချက်အလက်များကို အခြေခံပြီး မိမိတို့ဌာနအသီးသီး၏ စာရင်းအင်းဆိုင်ရာ လုပ်ငန်းစဥ်များနှင့် ပတ်သက်ပြီး ဆောင်ရွက်ရာတွင် အဆင်ပြေချောမွေ့ပြီး အရည်အသွေးပြည့်ဝသော ယုံကြည်စိတ်ချရသည့် စာရင်းအင်းများ ရရှိနိုင် လိမ့်မည်ဟု နိဂုံးချုပ်စကား၌ ပြောကြားကြောင်း သိရှိရသည်။

ရှမ်းပြည်နယ်အစိုးရအဖွဲ့

တောင်ကြီး ဇန်နဝါရီ - ၁၁

013
ပြည်နယ်လယ်ယာမြေစီမံခန့်ခွဲမှုအဖွဲ့ အစည်းအဝေး အမှတ်စဥ်(၁/၂၀၂၂)နှင့် ပြည်နယ် မြေလွတ်၊ မြေလပ်နှင့် မြေရိုင်းများ စီမံခန့်ခွဲရေးကော်မတီ အစည်းအဝေးအမှတ်စဥ်(၁/၂၀၂၂)ကို ဇန်နဝါရီ(၁၁)ရက် နံနက်(၁၀)နာရီက တောင်ကြီးမြို့၊ ရှမ်းပြည်နယ်အစိုးရရုံး၊ အစည်းအဝေးခန်းမ၌ ကျင်းပသည်။
ပြည်နယ်လယ်ယာမြေ စီမံခန့်ခွဲမှုအဖွဲ့ ဥက္ကဋ္ဌ၊ ပြည်နယ်မြေလွတ်၊ မြေလပ်နှင့် မြေရိုင်းများ စီမံခန့်ခွဲရေးကော်မတီ ဥက္ကဋ္ဌ၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာကျော်ထွန်းက နိုင်ငံတော်စီမံကိန်းများတွင် ပါဝင်သွားသည့် လယ်ယာမြေများအတွက် နစ်နာကြေးနှင့်လျော်ကြေးရထိုက်ခွင့်ရှိသည့် လယ်ယာမြေလုပ်ပိုင်ခွင့်ရရှိသူအား နစ်နာကြေးနှင့် လျော်ကြေးပေးချေနိုင်ရေး၊ မြို့နယ်နှင့်ခရိုင် လယ်ယာမြေစီမံခန့်ခွဲမှုအဖွဲ့မှ အမြန်ဆုံးစိစစ်တွက်ချက်တင်ပြလာမှသာ ပြည်နယ် လယ်ယာမြေစီမံခန့်ခွဲမှုအဖွဲ့မှ စိစစ်ထောက်ခံပြီး ဗဟိုလယ်ယာမြေစီမံခန့်ခွဲမှုအဖွဲ့သို့ တင်ပြနိုင်မှာဖြစ်သည့်အတွက် မြန်မြန် ဆန်ဆန် တင်ပြရန် လိုအပ်မှာဖြစ်၍ မှာကြားလိုကြောင်း၊ ရှမ်းပြည်နယ်အတွင်း မြေလွတ် မြေလပ်နှင့်မြေရိုင်းများ စီမံခန့်ခွဲရေး ကော်မတီအနေဖြင့် ပြဌာန်းထားသည့် ဥပဒေ၊ နည်းဥပဒေများနှင့်အညီ လုပ်ပိုင်ခွင့်၊ အသုံးပြုခွင့် လျှောက်ထားလာသော အမှုတွဲ များတွင် သက်ဆိုင်ရာဝန်ကြီးဌာနများမှ ဥပဒေနှင့်အညီ စီမံခန့်ခွဲသော မြေနှင့်လွတ်ကင်းသော ဧရိယာများကိုသာ စိစစ်ခွင့်ပြု ပေးလျက်ရှိပါကြောင်း၊ မြေလွတ်၊ မြေလပ်နှင့် မြေရိုင်းများစွာ ပေါကြွယ်ဝသည့်အတွက် ဒေသနှင့် ကိုက်ညီသော စိုက်ပျိုးရေး၊ မွေးမြူရေးလုပ်ငန်းများကို ခွင့်ပြုပေးနေသည့်အတွက် ဒေသခံပြည်သူများ အလုပ်အကိုင်အခွင့်အလမ်းများရရှိကြပြီး ဒေသနှင့် ကိုက်ညီမည့် ကော်ဖီ၊ လက်ဖက်၊ လိမ္မော်၊ မက္ကဒေးမီးယား စသည့် နှစ်ရှည်ပင်များနှင့် ဆီထွက်သီးနှံများကိုလည်း ထပ်မံတိုးချဲ့ စိုက်ပျိုးနိုင်ရန် စိုက်ပျိုးရေးဦးစီးဌာနမှ မျိုးကောင်းမျိုးသန့်များ ဖြန့်ဖြူးဆောင်ရွက်လျက်ရှိကြောင်း ပြောကြားသွားသည်။
ဆက်လက်၍ အစည်းအဝေးဆုံးဖြတ်ချက်များကို ရှမ်းပြည်နယ်လယ်ယာမြေ စီမံခန့်ခွဲမှုအဖွဲ့ အတွင်းရေးမှူး၊ ပြည်နယ် မြေလွတ်၊မြေလပ်နှင့်မြေရိုင်းများ စီမံခန့်ခွဲရေးလုပ်ငန်းကော်မတီ အတွင်းရေးမှူး၊ လယ်ယာမြေစီမံခန့်ခွဲမှုနှင့် စာရင်းအင်း ဦးစီးဌာန ညွှန်ကြားရေးမှူး ဦးသန်းဝင်းက လယ်ယာမြေစီမံခန့်ခွဲရေးလုပ်ငန်းအဖွဲ့ အစည်းအဝေး အမှတ်စဥ် (၆/၂၀၂၁) ဆုံးဖြတ်ချက်များ၊ မြေလွတ်၊ မြေလပ်နှင့် မြေရိုင်းများစီမံခန့်ခွဲရေး ကော်မတီ အစည်းအဝေးအမှတ်စဥ် (၆/၂၀၂၁) ဆုံးဖြတ်ချက် များအား ဖတ်ကြားအတည်ပြုပြီး ပြည်နယ်လယ်ယာမြေစီမံခန့်ခွဲမှုအဖွဲ့ အစည်းအဝေးအမှတ်စဥ်(၁/၂၀၂၂) တင်ပြချက်များနှင့် ပြည်နယ်မြေလွတ်၊ မြေလပ်နှင့် မြေရိုင်းများ စီမံခန့်ခွဲရေးကော်မတီ အစည်းအဝေးအမှတ်စဥ် (၁/၂၀၂၂) တင်ပြချက်များအား ဆွေးနွေးဆုံးဖြတ်၍ အထွေထွေဆွေးနွေးကြကာ ပြည်နယ်လယ်ယာမြေစီမံ ခန့်ခွဲမှုအဖွဲ့ ဥက္ကဋ္ဌ ပြည်နယ် မြေလွတ်၊ မြေလပ်နှင့် မြေရိုင်းများစီမံခန့်ခွဲရေးကော်မတီ ဥက္ကဋ္ဌ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာကျော်ထွန်းက နိဂုံးချုပ်စကား ပြောကြားခဲ့ကြောင်း သိရှိရသည်။

ရှမ်းပြည်နယ်အစိုးရအဖွဲ့

တောင်ကြီး ဇန်နဝါရီ - ၁၉

014
ရှမ်းပြည်နယ် ဂုဏ်ထူးဆောင်လက်မှတ်နှင့် ဂုဏ်ထူးဆောင် ဆုချီးမြှင့်ခြင်းဆိုင်ရာ စိစစ်ရေးကော်မတီ ဒုတိယအကြိမ် လုပ်ငန်းညှိနှိုင်း အစည်းအဝေးကို ဇန်နဝါရီ(၁၉)ရက် နံနက်(၁၀)နာရီခွဲက တောင်ကြီးမြို့ ရှမ်းပြည်နယ် အစိုးရရုံး အစည်းအဝေးခန်းမ၌ ကျင်းပသည်။
ရှမ်းပြည်နယ် ဂုဏ်ထူးဆောင်လက်မှတ်နှင့် ဂုဏ်ထူးဆောင် ဆုချီးမြှင့်ခြင်းဆိုင်ရာ စိစစ်ရေးကော်မတီဥက္ကဋ္ဌ ရှမ်းပြည်နယ်အစိုးရအဖွဲ့ လူမှုရေးရာဝန်ကြီး ဦးအောင်မြင့်က ဆုတစ်ခုချင်းအလိုက်ဖြစ်သည့် လူမှုထူးချွန်ဆု၊ စီမံ ထူးချွန်ဆု၊ လုံခြုံရေးနှင့် တရားဥပဒေစိုးမိုးရေးဆု၊ စိုက်ပျိုးရေးထူးချွန်ဆု၊ မွေးမြူရေးထူးချွန်ဆု၊ ကျန်းမာရေး ထူးချွန်ဆုများ ဆုချီးမြှင့်နိုင်ရေးနှင့်ပတ်သက်၍ ရှင်းလင်းပြောကြားသည်။
ဆက်လက်၍ ရှမ်းပြည်နယ် ဂုဏ်ထူးဆောင်လက်မှတ်နှင့် ဂုဏ်ထူးဆောင် ဆုချီးမြှင့်ခြင်းဆိုင်ရာစိစစ်ရေး ကော်မတီဝင်များက ဆွေးနွေးကြပြီး အထွေထွေဆွေးနွေးကာ ရှမ်းပြည်နယ် ဂုဏ်ထူးဆောင် လက်မှတ်နှင့် ဂုဏ်ထူးဆောင် ဆုချီးမြှင့်ခြင်းဆိုင်ရာ စိစစ်ရေးကော်မတီဥက္ကဋ္ဌ လူမှုရေးရာဝန်ကြီး ဦးအောင်မြင့်က ဆွေးနွေး တင်ပြချက်များအပေါ် ဖြည့်စွက်ဆွေးနွေးကာ နိဂုံးချုပ်စကား ပြောကြားခဲ့ကြောင်း သိရသည်။
အဆိုပါ ရှမ်းပြည်နယ်နေ့အခမ်းအနားတွင် ဂုဏ်ထူးဆောင်လက်မှတ်နှင့် ဂုဏ်ထူးဆောင်ဆုချီးမြှင့်ခြင်းတွင် ပထမအဆင့် ရွှေချိန်(၈)ပဲနှင့် ငွေသားကျပ်၊ ဒုတိယအဆင့်တွင် ရွှေချိန်(၆)ပဲနှင့် ငွေသားကျပ်၊ တတိယအဆင့် ရွှေချိန်(၄)ပဲနှင့် ငွေသားကျပ်များ ဆုချီးမြှင့်သွားမည်ဖြစ်ကြောင်း သိရှိရသည်။

ရှမ်းပြည်နယ်အစိုးရအဖွဲ့

တောင်ကြီး ဇန်နဝါရီ - ၁၁

012
ရှမ်းပြည်နယ် ကိုဗစ်-၁၉ ထိန်းချုပ်ရေးနှင့်အရေးပေါ်တုံ့ပြန်ရေးကော်မတီလုပ်ငန်း ညှိနှိုင်းအစည်းအဝေးကို ဇန်နဝါရီ (၁၀)ရက် ညနေ(၃)နာရီက တောင်ကြီးမြို့ ရှမ်းပြည်နယ်အစိုးရရုံး အစည်းအဝေးခန်းမ၌ကျင်းပသည်။
ရှမ်းပြည်နယ်(ကိုဗစ်-၁၉) ထိန်းချုပ်ရေးနှင့် အရေးပေါ်တုံ့ပြန်ရေးကော်မတီ ဥက္ကဋ္ဌ ရှမ်းပြည်နယ်အစိုးရအဖွဲ့ ပြည်နယ် ဝန်ကြီးချုပ် ဒေါက်တာကျော်ထွန်းက ရှမ်းပြည်နယ်အတွင်းရှိ မြို့နယ်များတွင် ကာကွယ်ဆေးထိုးနှံရန် အကျုံးဝင်သူ လျာထား ဦးရေ ပြည်သူ(၃,၂၀၉,၈၄၄)ဦး၊ ကျောင်းသားကျောင်းသူ(၁၄၆,၀၂၆)ဦး၊ စုစုပေါင်း(၃,၃၅၅,၈၇၀)ဦးအား ကာကွယ်ဆေး ထိုးနှံ ဆောင်ရွက်ပေးခဲ့ရာ ၂၀၂၂ ခုနှစ် ဇန်နဝါရီလ(၉)ရက်နေ့အထိ တစ်ကြိမ်ထိုးနှံပြီးသူ (၂,၀၂၄,၃၄၉)ဦး၊ နှစ်ကြိမ်မြောက် ထိုးနှံပြီးသူ (၁,၅၅၆,၃၁၅)ဦး ထိုးနှံပြီးစီးခဲ့ပြီး တစ်ကြိမ်ထိုးနှံပြီးစီးမှုအပေါ်တွင် ရာခိုင်နှုန်းအားဖြင့် (၆၀.၃၂%) လွှမ်းခြုံထိုးနှံနိုင်ခဲ့ပြီး ကျောင်းသားကျောင်းသူများအနေဖြင့် လျာထားမှုအပေါ်တွင် (၈၈.၈%) ထိုးနှံဆောင်ရွက်ပြီးစီးပြီဖြစ်ပါကြောင်း၊ ရှမ်းပြည်နယ် အတွင်းရှိ မြို့နယ်များတွင် ရောဂါဖြစ်ပွားမှုအနေဖြင့် ၂၀၂၁ ခုနှစ် ဇန်နဝါရီလ(၉)ရက်နေ့အထိ ရှမ်းပြည်နယ်(တောင်ပိုင်း)တွင် (၃၇၀၇၂)ဦး၊ မြောက်ပိုင်းတွင် (၂၉၁၁၈)ဦး၊ အရှေ့ပိုင်းတွင် (၁၆၇၉၅)ဦး၊ စုစုပေါင်း(၈၂၉၈၅)ဦး ဖြစ်ပွားခဲ့ပြီး သေဆုံးသူ (၂၃၂၇)ဦး၊ ရောဂါပိုးပြန်လည်ကင်းစင်လာသူ (၇၉၉၃၃)ဦးရှိခဲ့သဖြင့် ရောဂါဖြစ်ပွားမှုအား ကာကွယ်၊ ထိန်းချုပ်နိုင်ခဲ့ကြောင်း ပြောကြားသည်။
ဆက်လက်၍ ရှမ်းပြည်နယ် ကိုဗစ်-၁၉ ထိန်းချုပ်ရေးနှင့် အရေးပေါ်တုံ့ပြန်ရေးကော်မတီ အတွင်းရေးမှူး၊ ရှမ်းပြည်နယ် အစိုးရအဖွဲ့ လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးလှဦးမှ ကိုဗစ်-၁၉ ရောဂါပိုးကူးစက်မှုနှုန်းနှင့်ပတ်သက်၍ ရှင်းလင်းပြီး အစည်းအဝေးတက်ရောက်လာသည့် ပြည်နယ်ဝန်ကြီးများ၊ ကော်မတီအဖွဲ့ဝင်များက လုပ်ငန်းကဏ္ဍအလိုက် ဆွေးနွေးတင်ပြ ကြ၍ ကော်မတီဝင်များ၏ ဆွေးနွေးတင်ပြချက်အပေါ် ပြည်နယ်ဝန်ကြီးချုပ် ဒေါက်တာကျော်ထွန်းက လိုအပ်သည်များ ဖြည့်စွက် ပြောကြားကာ နိဂုံးချုပ်စကား ပြောကြားခဲ့ကြောင်းသိရသည်။

ရှမ်းပြည်နယ်အစိုးရအဖွဲ့

နောက်ထပ်သတင်းများဖတ်မည်