We have 133 guests and no members online

001

တောင်ကြီး ဇန်နဝါရီလ - ၃
ရှမ်းပြည်နယ်အစိုးရအဖွဲ့မှ PNO အသွင်ပြောင်းပြည်သူ့စစ်(ဌာနေ)အဖွဲ့သို့ အစားအသောက်ပစ္စည်းများ ထောက်ပံ့ပေးအပ်ခြင်းနှင့် ရှမ်းပြည်နယ်အတွင်း ကိုဗစ်-၁၉ရောဂါကာကွယ်ထိန်းချုပ်ကုသရေးလုပ်ငန်းများ ဆောင်ရွက် နိုင်ရေးအတွက် အသုံးပြုနိုင်ရန် ကာကွယ်ရေးသုံးပစ္စည်းများ ထောက်ပံ့ပေးအပ်ခြင်းကို ဇန်နဝါရီလ (၃) ရက်၊ နံနက်(၁၀) နာရီက တောင်ကြီးမြို့၊ ရှမ်းပြည်နယ်အစိုးရရုံး အစည်းအဝေးခန်းမ၌ ကျင်းပသည်။
ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်ဒေါက်တာကျော်ထွန်းက ရှမ်းပြည်နယ်အစိုးရအဖွဲ့မှ တတ်နိုင် သလောက် မိတ်ဖက်ညီအစ်ကိုသဖွယ်ကူညီစောင့်ရှောက်ပေးသည့် PNOအသွင်ပြောင်းပြည်သူ့စစ်ကို ထောက်ပံ့ရခြင်း ဖြစ်ကြောင်း၊ ရှမ်းပြည်နယ်၏ အေးချမ်းတည်ငြိမ်မှုတွင်လည်း PNO ပြည်သူ့စစ်မှ စောင့်ရှောက်မှုများလည်း ပါဝင် ပါကြောင်း၊ လုံခြုံရေးလုပ်ငန်းများတွင်လည်း ရှမ်းပြည်နယ်အစိုးရအဖွဲ့နှင့် အရှေ့ပိုင်းတိုင်းစစ်ဌာချုပ်တိုင်းမှူး၏ ကွပ်ကဲမှုဖြင့် ပူးပေါင်းဆောင်ရွက်ပေးသည့် PNO အသွင်ပြောင်းပြည်သူ့စစ်(ဌာနေ)ကို ကျေးဇူးတင်ရှိပါကြောင်း ပြောကြားသည်။
ဆက်လက်၍ အရှေ့ပိုင်းတိုင်းစစ်ဌာနချုပ် တိုင်းမှူး ဗိုလ်မှူးချုပ် နီလင်းအောင် က PNO အသွင်ပြောင်းပြည်သူ့ စစ်(ဌာနေ)အဖွဲ့ အထူးဒေသသည် ဖွံ့ဖြိုးတိုးတက်မှုအရှိဆုံးဒေသဖြစ်ပြီး ဖွံ့ဖြိုးတိုးတက်မှုရှိရန်နှင့် ဒေသတည်ငြိမ် အေးချမ်းမှု ရှိရန်အတွက် PNO အသွင်ပြောင်းပြည်သူ့စစ်(ဌာနေ)အဖွဲ့နှင့်တပ်မတော်တို့ ပူးပေါင်းဆောင်ရွက်သလို တစ်ဖက်တွင်လည်း ဒေသဖွံ့ဖြိုးတိုးတက်မှုရှိစေရန် ရှမ်းပြည်နယ်အစိုးအဖွဲ့နှင့် ပူးပေါင်းဆောင်ရွက်ပေးကြရန် ပြောကြားသည်။
ထို့နောက် ရှမ်းပြည်နယ်အစိုးရအဖွဲ့မှ PNO အသွင်ပြောင်းပြည်သူ့စစ်(ဌာနေ)အဖွဲ့များသို့ အစားအသောက် ပစ္စည်းများဖြစ်သည့် ဆန်၊ ဆီတို့ကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဒေါက်တာကျော်ထွန်း က ပေးအပ်ရာ PNOအသွင်ပြောင်းပြည်သူ့စစ်(ဌာနေ)အဖွဲ့မှတာဝန်ရှိသူများကလက်ခံရယူ၍လည်းကောင်း၊အရှေ့ပိုင်းတိုင်းစစ်ဌာချုပ် တိုင်းမှူး ဗိုလ်မှူးချုပ် နီလင်းအောင် က ငါးခြောက်များကို လည်းကောင်း၊ ကိုဗစ်-၁၉ရောဂါကာကွယ်ရေးသုံးပစ္စည်းများ သည့် mask အခုရေ(၃)ထောင်နှင့် လက်သန့်ဆေးရည်ဘူး(၁၀)လီတာ (၅၀)ဘူး တို့ကို ပြည်နယ်လုံခြုံရေးနှင့်နယ်စပ် ရေးရာဝန်ကြီး ဗိုလ်မှူးကြီး လှဦး က ပေးအပ်ရာ PNOအသွင်ပြောင်းပြည်သူ့စစ်(ဌာနေ) အဖွဲ့တာဝန်ရှိသူများမှ လက်ခံရယူပြီး PNOအသွင်ပြောင်းပြည်သူ့စစ်(ဌာနေ)အဖွဲ့ ဦးခွန်မြင့်အောင် မှ ကျေးဇူးတင်စကား ပြန်လည်ပြောကြား ကြောင်း သိရသည်။
ရှမ်းပြည်နယ်အစိုးရအဖွဲ့မှ PNOအသွင်ပြောင်းပြည်သူ့စစ်(ဌာနေ)အဖွဲ့သို့ ဆန်၊ ဆီ၊ ငါးခြောက်၊ စုစုပေါင်း တန်ဖိုး(၆,၇၅၀,၀၀၀)ကျပ်(ခြောက်ဆယ့်ခုနှစ်သိန်းငါးသောင်းကျပ်)နှင့်maskအခုရေ(၃)ထောင်နှင့် လက်သန့်ဆေးရည် ဘူး(၁၀)လီတာ (၅၀)ဘူးတို့အား ထောက်ပံ့ပေးအပ်ခဲ့ကြောင်း သိရသည်။

ရှမ်းပြည်နယ်အစိုးရအဖွဲ့

 တောင်ကြီး ဒီဇင်ဘာ - ၃၀

173

ရှမ်းပြည်နယ်အစိုးရအဖွဲ့ရုံးတွင် တာဝန်ထမ်းဆောင်နေသည့် ဝန်ထမ်းများအား စားနပ်ရိက္ခာနှင့်ထောက်ပံ့ငွေများ ပေးအပ်ခြင်းကို ဒီဇင်ဘာလ (၃၀)ရက်၊ မွန်းလွဲ(၂)နာရီခွဲက ရှမ်းပြည်နယ်အထွေထွေအုပ်ချုပ်ရေးဦးစီးဌာန အစည်းအဝေး ခန်းမ၌ ကျင်းပသည်။
ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဒေါက်တာ ကျော်ထွန်းက ယခုလို တာဝန်ထမ်းဆောင်နေသော အမှုထမ်း၊ အရာထမ်းနှင့် တွဲဖက်ဝန်ထမ်းများအား ထောက်ပံ့ပေးရာတွင်၂၀၂၂ ခုနှစ်၊ နှစ်သစ်ကို ကြိုဆိုသောအားဖြင့် တွဲဖက်တာဝန်ထမ်းဆောင်နေသော ဝန်ထမ်းများအား မိမိတို့ အစိုးရအဖွဲ့မှ တတ်နိုင်သလောက် ထောက်ပံ့ပေးသည့် အခမ်းအနား ဖြစ်ပါကြောင်း၊ ယခု (၈)ကြိမ်မြောက် ထောက်ပံ့ပေးမှုတွင် ဝန်ထမ်း(၃၇၂)ဦးကို ငွေသားကျပ် (၅)သောင်းနှင့် ကြက်သွန်နီ၊ ကြက်ဥ၊ ခရမ်းချဥ်သီး၊ ခေါက်ဆွဲ၊ ဆီ၊ သကြားတို့ကို ထောက်ပံ့ပေးသွားမှာ ဖြစ်ပါကြောင်း၊ မိမိတို့နှင့် လက်တွဲတာဝန်ထမ်းဆောင်သည့် ဝန်ထမ်းများအား တာဝန်ထမ်းဆောင်နေသည့်ကာလအတွင်း အရေးပေါ်ပြဌာန်းချက် နှင့်အညီ နိုင်ငံတော်မှ ပေးအပ်သည့်တာဝန်များကို အစိုးရအဖွဲ့နှင့် တက်ညီလက်ညီ ပူးပေါင်းဆောင်ရွက်သွားမည် ဖြစ်ကြောင်းနှင့် ပေးအပ်သည့်တာဝန်ကို မခိုကပ်ဘဲ မိမိတို့ အစိုးရအဖွဲ့ အနေဖြင့် တတ်နိုင်သလောက် ထောက်ပံ့ပေး သွားမည် ဖြစ်ပါကြောင်း ပြောကြားသည်။
ဆက်လက်၍ ရှမ်းပြည်နယ်အစိုးရအဖွဲ့ရုံးတွင် တာဝန်ထမ်းဆောင်နေသော အမှုထမ်း/ အရာထမ်းများ၊ တွဲဖက်ဝန်ထမ်းများကို ထောက်ပံ့ငွေနှင့် ထောက်ပံ့ပစ္စည်းများကို ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဒေါက်တာ ကျော်ထွန်းနှင့် ပြည်နယ်ဝန်ကြီးများမှ အသီးသီးထောက်ပံ့ပေးအပ်ကြပြီး ပြည်နယ်ဝန်ကြီးချုပ် ဒေါက်တာ ကျော်ထွန်းက နိဂုံးချုပ်စကားပြောကြားခဲ့ကြောင်း သိရှိရသည်။

ရှမ်းပြည်နယ်အစိုးရအဖွဲ့

တောင်ကြီး                ဒီဇင်ဘာ-၃၀

171

ရှမ်းပြည်နယ်အစိုးရအဖွဲ့နှင့် ရှမ်းပြည်နယ်တရားစီရင်ရေးဆိုင်ရာကိစ္စရပ်များပေါင်းစပ်ညှိနှိုင်းရေးအဖွဲ့တို့၏ လုပ်ငန်း ညှိနှိုင်းအစည်းအဝးကို ဒီဇင်ဘာ (၃၀) နံနက် (၁၀)နာရီက တောင်ကြီးမြို့ ၊ ရှမ်းပြည်နယ်အစိုးရရုံး အစည်းအဝေးခန်းမ၌ ကျင်းပသည်။

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဒေါက်တာကျော်ထွန်းက နိုင်ငံတော်အကြီးအကဲများ၏ လမ်းညွှန်ချက် အရ နိုင်ငံတော်စီမံအုပ်ချုပ်ရေးကောင်စီမှ ၂၀၀၈ခုနှစ်၊ ဖွဲ့စည်းပုံအခြေခံဥပဒေနှင့်အညီ အရေးပေါ်ကာလတွင် တာဝန်ယူ ဆောင်ရွက်ရသော အစိုးရဖြစ်သည့်အတွက် ထိုကာလအတွင်း ဖြစ်ပေါ်ခဲ့သော မှုခင်းများကို ပြီးပြတ်အောင် ရည်မှန်းချက်ထား ဆောင်ရွက်လျက်ရှိပါကြောင်း၊ တရားရုံးများတွင် စစ်ဆေးဆဲဖြစ်သည့်ပြစ်မှုဆိုင်ရာမှုခင်းများကို တရားမျှတမှုရှိစွာဖြင့် မှန်မှန်နှင့် မြန်မြန်ဆောင်ရွက်နိုင်ရေး၊ ဌာနဆိုင်ရာအချင်းချင်း မိမိတို့၏ ကဏ္ဍအလိုက် အလေးထားဆောင်ရွက်နိုင်ရေးနှင့် မိမိတို့ကဏ္ဍ အလိုက် ဆောင်ရွက်ရာတွင် အခက်အခဲ သို့မဟုတ် အားနည်းချက် တစ်စုံတစ်ရာ ရှိပါက ဌာနဆိုင်ရာအချင်းချင်း ချိတ်ဆက်၍ ဥပဒေ၊ လုပ်ထုံးလုပ်နည်းများနှင့်အညီ မှုခင်းများ၊ မှန်ကန်မြန်ဆန်စွာ ပြီးပြတ်အောင် ဆောင်ရွက်နိုင်ရေးတို့အတွက် နေပြည်တော်၊ တိုင်းဒေသကြီး၊ ပြည်နယ်တရားစီရင်ရေးဆိုင်ရာကိစ္စရပ်များ ပေါင်းစပ်ညှိနှိုင်းရေးအဖွဲ့များကို ၂၀၂၁ခုနှစ်၊ နိုဝင်ဘာလ(၈)ရက်နေ့ တွင် တရားရုံးစစ်ဆေးဆဲ ပြစ်မှုဆိုင်ရာမှုခင်းများ တရားစီရင်ရေးအထောက်အကူပြုအဖွဲ့၏ အမိန့်ကြော်ငြာစာအမှတ်၊ ၂/၂၀၂၁ဖြင့် ဖွဲ့စည်းထားရှိပါကြောင်း၊ ရှမ်း ပြည်နယ်တရားစီရင်ရေးဆိုင်ရာကိစ္စရပ်များ ပေါင်းစပ်ညှိနှိုင်းရေးအဖွဲ့ အနေဖြင့် တရားရုံးများ ရုံးချိန်း အတွင်း အပြည့်အဝ ရုံးထိုင်နိုင်ရေး၊ တရားစွဲတင်ရာတွင် သက်သေခံအထောက်အထားများ၊ သက်သေခံပစ္စည်းများ ပြည့်စုံစွာ တင်ပြစေရေး၊ သက်သေများ၊ ရုံးချိန်းရက်တွင် မပျက်မကွက်လာရောက် သက်သေခံနိုင်ရေး၊ ထုတ်ဆင့်ထားသည့် ဝရမ်းများကို စနစ်တကျ အတည်ပြုပြီး သတ်မှတ်ရက်တွင် တရားရုံးသို့ တင်ပို့နိုင်ရေးနှင့် အချုပ်တရားခံများ အချိန်မီ ရုံးရှေ့တင်ပို့နိုင်ရေးတို့ကို ပေါင်းစပ်ညှိနှိုင်းကြီးကြပ် ဆောင်ရွက်သွားရမှာ ဖြစ်ပါကြောင်း၊ ထိုသို့ဆောင်ရွက်ရာတွင် တရားစီရင်ရေးကို ဝင်ရောက်စွက်ဖက် သည့်သဘောသက်ရောက်သော ဆောင်ရွက်မှုမျိုးများ မရှိစေရေး သတိပြုဆောင်ရွက်ပြီး တရားရုံး၏ စစ်ဆေးစီရင်ခြင်းကို မထိခိုက် စေဘဲ တရားစီရင်ရေးဆိုင်ရာလုပ်ငန်းများတွင် အခက်အခဲများ ဖြစ်ပေါ်လာပါက ပြည်နယ်ပေါင်းစပ်ညှိနှိုင်းရေးအဖွဲ့အချင်းချင်း မိမိတို့ကဏ္ဍအလိုက် ပေါင်းစပ်ညှိနှိုင်းပြီး မှန်ကန်၊ မြန်ဆန်အောင် ဆောင်ရွက်ပေးသွားရမှာဖြစ်ပါကြောင်း၊ ရှမ်းပြည်နယ်အတွင်းရှိ တရားရုံးများတွင် စစ်ဆေးဆဲဖြစ်သည့် ပြစ်မှုဆိုင်ရာမှုခင်းများကို တရားမျှတမှုရှိစွာဖြင့် နိုင်ငံတော်စီမံအုပ်ချုပ်ရေးကောင်စီမှ သတ်မှတ်ထားသည့် ၂၀၂၂ ခုနှစ်၊ ဒီဇင်ဘာလကုန်အပြီး မှန်မှန်နှင့် မြန်မြန်အမှု လက်ကျန်မရှိ ပြီးပြတ်နိုင်ရေးအတွက် ပြည်နယ် ပေါင်းစပ်ညှိနှိုင်းရေးအဖွဲ့ဝင်များ အားလုံး အလေးထား လိုက်နာကြိုးပမ်းဆောင်ရွက်သွားကြရန် မှာကြားလိုကြောင်း၊ ပြောကြား သွားသည်။
ဆက်လက်၍ ရှမ်းပြည်နယ်တရားလွှတ်တော်ရုံးပြည်နယ်တရားသူကြီးချုပ်ဦးကြွယ်ကြွယ်မှဆွေးနွေးတင်ပြပြီး အရှေ့ပိုင်း တိုင်းစစ်ဌာနချုပ်၊ တိုင်းမှူး ဗိုလ်မှူးချုပ်နီလင်းအောင်က ရှမ်းပြည်နယ်တရားစီရင်ရေးကိစ္စရပ်များနှင့် ပတ်သက်၍ ကြန့်ကြာမှု မရှိစေရေးအတွက် ပေါင်းစပ်ဆောင်ရွက်သွားမည့်ကိစ္စရပ်များအား ဆွေးနွေးပြောကြားပြီး ရှမ်းပြည်နယ်ရဲတပ်ဖွဲ့မှူးရုံး၊ ပြည်နယ် ရဲတပ်ဖွဲ့မှူး၊ ပြည်နယ်လမ်းပန်းဆက်သွယ်ရေးဝန်ကြီး ရဲမှူးချုပ်တင်ကိုကို၊ ရှမ်းပြည်နယ်ဥပဒေချုပ်ရုံး၊ ပြည်နယ်ဥပဒေချုပ် ဦးစိုင်းကျော်ဇံတို့မှ ဆွေးနွေးတင်ပြကြပြီး ရှမ်းပြည်နယ်အထွေထွေအုပ်ချုပ်ရေးဦးစီးဌာန၊ဒုတိယညွှန်ကြားရေးမှူးချုပ်၊ ရှမ်းပြည်နယ် အစိုးရအဖွဲ့၊ အတွင်းရေးမှူး၊ ပြည်နယ်တရားစီရင်ရေးဆိုင်ရာကိစ္စရပ်များ ပေါင်းစပ်ညှိနှိုင်းရေးအဖွဲ့၊ အဖွဲ့ခေါင်းဆောင် ဦးနေလင်း က လုပ်ငန်းဆောင်ရွက်မှု အခြေအနေများအား ရှင်းလင်းတင်ပြသည်။
ထို့နောက် ပြည်နယ်တရားစီရင်ရေးဆိုင်ရာကိစ္စရပ်များ ပေါင်းစပ်ညှိနှိုင်းရေးအဖွဲ့၊ အဖွဲ့ဝင်များမှ ရှင်းလင်းတင်ပြ၍ တက်ရောက်လာသူများမှ အထွေထွေဆွေးနွေးတင်ပြကြကာ ရှမ်းပြည်နယ်ဝန်ကြီးချုပ် ဒေါက်တာကျော်ထွန်းက ဆွေးနွေးတင်ပြချက် များအပေါ် လိုအပ်သည်များ ဖြည့်စွက်ပြောကြား၍ နိဂုံးချုပ်စကားပြောကြားခဲ့ကြောင်း သိရှိရသည်။
ရှမ်းပြည်နယ်အစိုးရအဖွဲ့

တောင်ကြီး ဒီဇင်ဘာ - ၃၀

172

ရှမ်းပြည်နယ်ရင်းနှီးမြှုပ်နှံမှုကော်မတီ၏ (၅/၂၀၂၁)ကြိမ်မြောက် အစည်းအဝေးကို ဒီဇင်ဘာ(၃၀)ရက် မွန်းလွဲ(၂)နာရီက တောင်ကြီးမြို့ ရှမ်းပြည်နယ်အစိုးရရုံး အစည်းအဝေးခန်းမ၌ ကျင်းပသည်။
ရှမ်းပြည်နယ်ရင်းနှီးမြှုပ်နှံမှုကော်မတီဥက္ကဋ္ဌ၊ ရှမ်းပြည်နယ်ဝန်ကြီးချုပ် ဒေါက်တာကျော်ထွန်းက ယနေ့အစည်းအဝေး တွင်အတည်ပြုမိန့် လျှောက်ထားလွှာများ အဆိုပြုတင်ပြမှုမရှိသော်လည်း တည်ဆောက်ရေးကာလ သက်တမ်းတိုးလျှောက်ထား လာမှု(၂)ခုရှိသည့်အတွက် ဥပဒေ၊ နည်းဥပဒေ၊ လုပ်ထုံးလုပ်နည်းနှင့်အညီ စိစစ်ပြီး ခွင့်ပြုပေးသွားမည်ဖြစ်ပါကြောင်း၊ အတည်ပြု မိန့်အဆိုပြုလွှာများ လျှောက်ထားလာရေး၊ ရင်းနှီးမြှုပ်နှံမှုမြှင့်တင်ရေး ကြိုးပမ်းဆောင်ရွက်ကြသလို တစ်ဖက်မှလည်း ယခုလို ရင်းနှီးမြှုပ်နှံမှု လွယ်ကူချောမွေ့စေရေး ကူညီဆောင်ရွက် ပေးရမည်ဖြစ်ပါကြောင်း၊ ကိုဗစ် - ၁၉ ကူးစက်မြန်ရောဂါ၏ သက်ရောက်မှုကြောင့် ထိခိုက်ခဲ့ရသည့် စီးပွားရေးလုပ်ငန်းများ ကုစားရေးကိုလည်း ကျရာကဏ္ဍတွင် ပူးပေါင်းပါဝင်ဆောင်ရွက် ပေးရမည်ဖြစ်ကြောင်း၊ ရင်းနှီးမြှုပ်နှံမှုလုပ်ငန်းများ ပိုမိုဝင်ရောက်လာရေးနှင့် ရှိပြီးရင်းနှီးမြှုပ်နှံမှုလုပ်ငန်းများ အဆင်ပြေချောမွေ့ စေရေးအတွက် ရင်းနှီးကြီးကြပ်လုပ်ငန်းကိုလည်း အားထည့်လုပ်ကိုင်ပေးကြရန် တိုက်တွန်းပြောကြားသွားသည်။
ဆက်လက်၍ Hi Avocado ကုမ္ပဏီလီမိတက်၏ ထောပတ်သီး၊ သရက်သီး အစရှိသည့် သီးနှံများပြုပြင်ထုတ်လုပ်ခြင်း လုပ်ငန်းကို တည်ဆောက်ရေးကာလတိုးမြှင့်ခွင့် တင်ပြလာခြင်းနှင့် Mahar San 333 Co., Ltd. ၏ စက်အုတ်ထုတ်လုပ်ဖြန့်ဖြူး ရောင်းချခြင်းလုပ်ငန်းအား တည်ဆောက်ရေးကာလတိုးမြှင့်ခွင့် တင်ပြလာခြင်းတို့အား ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာန၊ ရှမ်းပြည်နယ်ဦးစီးမှူးရုံး၊ ညွှန်ကြားရေးမှူး၊ ရှမ်းပြည်နယ်ရင်းနှီးမြုပ်နှံမှုကော်မတီ အတွင်းရေးမှူး ဦးလေးနိုင်မှ ရှင်းလင်း တင်ပြပြီး တက်ရောက်လာသော ကော်မတီအဖွဲ့ဝင်အားလုံးမှ ဝိုင်းဝန်းဆွေးနွေးကြ၍ ရှမ်းပြည်နယ် ရင်းနှီးမြှုပ်နှံမှုကော်မတီဥက္ကဋ္ဌ၊ ရှမ်းပြည်နယ်ဝန်ကြီးချုပ် ဒေါက်တာကျော်ထွန်းက နိဂုံးချုပ်စကားပြောကြားခဲ့ကြောင်း သိရှိ ရသည်။
ရှမ်းပြည်နယ်ရင်းနှီးမြှုပ်နှံမှုကော်မတီအနေဖြင့် မြန်မာနိုင်ငံသားရင်းနှီးမြှုပ်နှံမှုလုပ်ငန်း(၁၂)ခု၊ ရင်းနှီးမြှုပ်နှံမှုပမာဏ ကျပ်သန်း(၂၈၅၀၉.၈၉)၊ အမေရိကန်ဒေါ်လာ (၅.၆၇၆)သန်းအပါအဝင်နှင့် နိုင်ငံခြားရင်းနှီးမြှုပ်နှံမှုလုပ်ငန်း(၅)ခု၊ ရင်းနှီးမြှုပ်နှံမှု ပမာဏ အမေရိကန်ဒေါ်လာ(၁၁.၀၀)သန်းတို့ကို ခွင့်ပြုပေးခဲ့ပြီး အဆိုပါလုပ်ငန်းများမှ ပြည်တွင်းလုပ်သား(၉၇၉)ဦးနှင့် ပြည်ပ လုပ်သား(၅၃)ဦးကို အလုပ်အကိုင်အခွင့်အလမ်းများ ဖန်တီးပေးနိုင်ခဲ့ကြောင်း သိရသည်။

ရှမ်းပြည်နယ်အစိုးရအဖွဲ့

တောင်ကြီး ဒီဇင်ဘာ - ၃၀

170
၂၀၂၁ခုနှစ်၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဖလား၊ ဌာနပေါင်းစုံ အမျိုးသားဖူဆယ်ဘောလုံး ပြိုင်ပွဲ ဆုချီးမြှင့်ပွဲကို ဒီဇင်ဘာ(၂၉)ရက် ညနေ(၄)နာရီက တောင်ကြီးမြို့ ပြည်နယ်လေ့ကျင့်ရေးရုံ၌ ကျင်းပသည်။
ရှမ်းပြည်နယ်ဝန်ကြီးချုပ် ဒေါက်တာကျော်ထွန်း၊ ပြည်နယ်တရားလွှတ်တော် တရားသူကြီးချုပ်၊ ပြည်နယ် ဝန်ကြီးများ၊ ပြည်နယ်ဥပဒေချုပ်၊ ပြည်နယ်အဆင့် ဌာနဆိုင်ရာများနှင့် အားကစားဝါသနာရှင်များက အမျိုးသား ဖူဆယ်ဘောလုံးပြိုင်ပွဲ နောက်ဆုံးဗိုလ်လုပွဲအဖြစ် ရှမ်းပြည်နယ်ရဲတပ်ဖွဲ့အသင်းနှင့် ပြည်နယ်လယ်ယာမြေ စီမံခန့်ခွဲ ရေးနှင့် မြေစာရင်းအင်းဦးစီးဌာနတို့ ယှဥ်ပြိုင်နေမှုကို ကြည့်ရှုအားပေးကြရာ ပြည်နယ်ရဲတပ်ဖွဲ့က (၄)ဂိုး၊ ဂိုးမရှိဖြင့် အနိုင်ရ ဗိုလ်စွဲသွားသည်။
ဆက်လက်၍ ဆုချီးမြှင့်ပွဲကျင်းပရာ ပြိုင်ပွဲဝင်ဌာနအသင်းများအား ငွေသားကျပ်(၁)သိန်းစီတို့ကို ပအိုဝ်း ကိုယ်ပိုင်အုပ်ချုပ်ခွင့်ရဒေသဦးစီးဥက္ကဋ္ဌ ဦးခွန်ရဲထွေးနှင့် ပြည်နယ်ဥပဒေချုပ် ဦးစိုင်းကျော်ဇံတို့မှ ဆုချီးမြှင့်ပေး၍ လည်းကောင်း၊ ပူးတွဲတတိယဆုရရှိသော မီးသတ်ဦးစီးဌာနနှင့် ပြည်နယ်အားကစားနှင့် ကာယပညာဦးစီးဌာနအသင်း တို့အား တစ်ဦးချင်း ဆုတံဆိပ်တစ်သင်းလျှင် ငွေသားကျပ်(၂)သိန်းစီတို့ကို ပြည်နယ်လမ်းပန်းဆက်သွယ်ရေးဝန်ကြီး ရဲမှူးချုပ်တင်ကိုကို၊ ပြည်နယ်စီးပွားရေးရာဝန်ကြီး ဦးခွန်သိန်းမောင်တို့မှ ဆုချီးမြှင့်ပေး၍လည်းကောင်း၊ ဒုတိယဆု ရရှိသော ပြည်နယ် လယ်ယာမြေစီမံခန့်ခွဲရေးနှင့် မြေစာရင်းအင်းဦးစီးဌာနအသင်းအား ဆုတံဆိပ်နှင့် ငွေသား ကျပ်(၃)သိန်းတို့ကို ပြည်နယ်လူမှုရေးရာဝန်ကြီး ဦးအောင်မြင့်မှ ဆုချီးမြှင့်ပေး၍လည်းကောင်း၊ အကောင်းဆုံး ဂိုးသမားဆုရရှိသူကို ငွေသားကျပ်(၅)သောင်းအား တိုင်းရင်းသားရေးရာဝန်ကြီး ဦးအောင်ကြည်ဝင်းနှင့် ပွဲစဥ် တစ်လျှောက် အကောင်းဆုံး အားကစားသမားဆု ရရှိသူများကို ငွေသားကျပ်(၅)သောင်းစီတို့ကို ပြည်နယ်လူမှုရေးရာ ဝန်ကြီး ဦးအောင်မြင့်တို့မှ ဆုချီးမြှင့်ပေး၍လည်းကောင်း၊ ပထမဆုရရှိသော ရှမ်းပြည်နယ်ရဲတပ်ဖွဲ့အား တစ်ဦးချင်း ဆုတံဆိပ်များကို ပြည်နယ်တရားလွှတ်တော် တရားသူကြီးချုပ် ဦးကြွယ်ကြွယ်မှ ဆုချီးမြှင့်ပေးပြီး ငွေသား ကျပ်(၅)သိန်းနှင့် ဆုဖလားတို့ကို ပြည်နယ်ဝန်ကြီးချုပ် ဒေါက်တာကျော်ထွန်းက ဆုချီးမြှင့်ပေးကြောင်း သိရသည်။

ရှမ်းပြည်နယ်အစိုးရအဖွဲ့

နောက်ထပ်သတင်းများဖတ်မည်