We have 154 guests and no members online

169
တောင်ကြီး ဒီဇင်ဘာ - ၂၉
ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာကျော်ထွန်း၊ ပြည်နယ်လူမှုရေးဝန်ကြီး ဦးအောင်မြင့်၊ ပြည်နယ် အဆင့် ဌာနဆိုင်ရာများနှင့် တာဝန်ရှိသူတို့သည် ဒီဇင်ဘာ(၂၈)ရက် ညနေ(၃)နာရီခွဲက စည်ပင်သာယာရေးဌာနမှ တာဝန်ယူ ဆောင်ရွက်နေသော တောင်ကြီးမြို့ အရှေ့မြို့ပတ်လမ်းအား ကတ္တရာကွန်ကရစ်လမ်းအဖြစ် အဆင့်မြှင့်တင်ခြင်းလုပ်ငန်း ဆောင် ရွက်နေသော ကျားခေါင်းလမ်း၊ တြိဂံကျွန်းမှ ဗိုလ်ချုပ်လမ်း စူဠာမုနိဘုရားအနီး BOC အထိ လမ်းနယ်တိုးချဲ့ခြင်းလုပ်ငန်း၊ ကတ္တရာ(၄၈)ပေ အကျယ်ခင်းခြင်းလုပ်ငန်း၊ ရေမြောင်းနှင့် ရေမြောင်းဖုံး ပလက်ဖောင်းပြုလုပ်ခြင်းလုပ်ငန်းများကို တာဝန်ရှိသူ တစ်ဦးမှ ရှင်းလင်းရာ ပြည်နယ်ဝန်ကြီးချုပ်က လိုအပ်သည်များ ဖြည့်စွက်မှာကြားပြီး ကတ္တရာခင်းနေမှုနှင့် ခင်းပြီးသား လမ်းများအား လှည့်လည်ကြည့်ရှု စစ်ဆေးကြောင်း သိရသည်။

ရှမ်းပြည်နယ်အစိုးရအဖွဲ့

တောင်ကြီး ဒီဇင်ဘာ - ၂၈

168
ရှမ်းပြည်နယ် အမျိုးသမီးကော်မတီနှင့် ရှမ်းပြည်နယ်အဆင့် ကလေးသူငယ်အခွင့်အရေးများဆိုင်ရာကော်မတီ လုပ်ငန်းညှိနှိုင်း အစည်းအဝေး (၁/၂၀၂၁)ကို ဒီဇင်ဘာ(၂၈)ရက် နံနက်(၁၀)နာရီက တောင်ကြီးမြို့ ရှမ်းပြည်နယ် အစိုးရရုံး အစည်းအဝေးခန်းမ၌ ကျင်းပသည်။
ရှမ်းပြည်နယ် အမျိုးသမီးကော်မတီ ဥက္ကဋ္ဌ၊ ပြည်နယ်ကလေးသူငယ်အခွင့်အရေးများဆိုင်ရာကော်မတီ ဥက္ကဋ္ဌ၊ ရှမ်းပြည်နယ်အစိုးရအဖွဲ့ ပြည်နယ်လူမှုရေးရာဝန်ကြီး ဦးအောင်မြင့်က ယနေ့အစည်းအဝေး ပြုလုပ်ရသည့် ရည်ရွယ်ချက်မှာ ရှမ်းပြည်နယ်အတွင်းရှိ အမျိုးသမီးများနှင့် အမျိုးသမီးငယ်များ အခွင့်အရေးနှင့် ရပိုင်ခွင့်များကို အပြည့်အဝရရှိ ခံစားနိုင်စေရန်နှင့် အမျိုးသမီးများ၏ ဘဝဖွံ့ဖြိုးတိုးတက်ရေး၊ ကျား၊ မရေးရာ တန်းတူညီမျှမှုရရှိ စေရေး၊ ကလေးသူငယ်များ အခွင့်အရေးရရှိစေရေးအတွက် ဝိုင်းဝန်းဆွေးနွေး အကြံပြုပေးနိုင်ကြရန် ဆောင်ရွက် ရခြင်းဖြစ်ပါကြောင်း၊ အမျိုးသမီးများ၏ အခွင့်အရေးများကို အသိအမှတ်ပြု နားလည်လက်ခံနိုင်စေမည့် စနစ်များ၊ ဥပဒေများ၊ နည်းဥပဒေများနှင့် လုပ်ထုံးလုပ်နည်းများကို ပိုမိုသိရှိနားလည် ဆောင်ရွက်နိုင်စေရန်လည်း ရည်ရွယ် ပါကြောင်း၊ ပြည်နယ်ကလေးသူငယ်အခွင့်အရေးများဆိုင်ရာ ကော်မတီဝင်များအနေဖြင့် ကလေးသူငယ်များ၏ ပညာရေး၊ ကျန်းမာရေးကဏ္ဍ၊ ကလေးသူငယ်များ၏ မွေးရာပါအခွင့်အရေးများ မဆုံးရှုံးစေရန်နှင့် ကလေးသူငယ်တိုင်း လက်လှမ်းမီ တန်းတူညီတူရရှိနိုင်ရန် တာဝန်ရှိသူများမှ သက်ဆိုင်ရာကဏ္ဍအလိုက် ဝိုင်းဝန်းပူးပေါင်း ဆောင်ရွက် ပေးကြရန် ပြောကြားသည်။
ဆက်လက်၍ ရှမ်းပြည်နယ် အမျိုးသမီးကော်မတီ အတွင်းရေးမှူး၊ ပြည်နယ် ကလေးသူငယ်အခွင့်အရေးများ ဆိုင်ရာ ကော်မတီအတွင်းရေးမှူး၊ ရှမ်းပြည်နယ် လူမှုဝန်ထမ်းရုံး ညွှန်ကြားရေးမှူး ဦးထွန်းဦးမှ ပြည်နယ်အမျိုးသမီး ကော်မတီနှင့် ပြည်နယ်ကလေးသူငယ် အခွင့်အရေးများဆိုင်ရာကော်မတီ၏ ဆောင်ရွက်ချက်များနှင့် ရှေ့ဆက် လုပ်ငန်းစဥ်များကို ပရိုဂျက်တာဖြင့် ဆွေးနွေးတင်ပြပြီး တက်ရောက်လာကြသူများမှ အထွေထွေဆွေးနွေး တင်ပြ ကြကြောင်း သိရသည်။

ရှမ်းပြည်နယ်အစိုးရအဖွဲ့

လားရှိုး ဒီဇင်ဘာ - ၂၀

166

ရှမ်းပြည်နယ်(မြောက်ပိုင်း) လားရှိုးမြို့ ရန်တိုင်းအောင် ဆုတောင်းပြည့်မြို့ဦးစေတီတော် လျောင်းတော်မူ ဗုဒ္ဓ ရုပ်ပွားတော်မြတ်ကြီး အုတ်မြစ်တော်စီ မင်္ဂလာနှင့် ဆောက်လုပ်ပြီးစီးသည့် စေတီတော်မြောက်ဖက်အဝင် မုဒ်ဦးကြီးအတွက် ရေစက်သွန်းချ အမျှပေးဝေခြင်း အခမ်းအနားကို ဒီဇင်ဘာ(၁၈)ရက် နံနက်(၉)နာရီက အဆိုပါ စေတီတော်၌ ကျင်းပသည်။

အခမ်းအနားတွင် ဆရာတော်၊ သံဃာတော်မြတ်ကြီးများနှင့် ရှမ်းပြည်နယ်ဝန်ကြီးချုပ် အမှူးပြုသော ဧည့်ပရိတ်သတ် များက နာမောတဿ(၃)ကြိမ် ရွတ်ဆိုဘုရားကန်တော့၍ နိုင်ငံတော် သြဝါဒါစရိယ မဟာဗောဓါရုံကျောင်းတိုက် ဆရာတော်ကြီး ထံငါးပါးသီလဆောက်တည်ကာ ဥပသကာများက ပရိတ်ပန်း၊ ပရိတ်ရေ၊ ပရိတ်ချည်နှင့် ပရိတ်သဲများကို သံဃာတော်များထံ ဆက်ကပ်ကြပြီး သံဃာတော်အရှင်သူမြတ်တို့ ရွတ်ပွားသရဇ္စျာယ်တော်မူသော သမန္တာမှစ၍ ပရိတ်တရားတော်များကို နာယူ ကြသည်။

ဆက်လက်၍ ပြည်နယ်ဝန်ကြီးချုပ် ဒေါက်တာကျော်ထွန်း၊ တိုင်းမှူး၊ ပြည်နယ်ဝန်ကြီးများက ဆရာတော်၊ သံဃာတော် များအား လှူဖွယ်ပစ္စည်းများ ဆက်ကပ်ပေးကြပြီး နိုင်ငံတော် ဗဟိုသံဃာ့ဝန်ဆောင် ဇမ္ဗူအေးအေတီတပ်ဦး ကျောင်းဆရာတော် ထံမှ စေတီတော်မြောက်ဖက် မုဒ်ဦးကြီး ဆောက်လုပ်လှူဒါန်းမှုအတွက် သာဓုအနုမောဒနာ တရားနာယူ၍ ရေစက်သွန်းချ အမျှ ပေးဝေပြီး ရတနာအုတ်မြစ်တော်များကို ပင့်ဆောင်၍ သတ်မှတ်နေရာများတွင် ဥပသကာများ နေရာယူပြီး ရတနာအုတ်မြစ် တော်စီသွင်းပူဇော်မည့် သက်ဆိုင်ရာနေရာများသို့ ပြည်နယ်ဝန်ကြီးချုပ် ဒေါက်တာကျော်ထွန်း၊ တိုင်းမှူး ဗိုလ်မှူးချုပ် နိုင်နိုင်ဦး ပြည်နယ်ဝန်ကြီးများနှင့် တာဝန်ရှိသူများက သတ်မှတ်နေရာတွင် နေရာယူကြပြီး အခမ်းနားမှူးမှ မင်္ဂလာအခါတော် စာတမ်း ဖတ်ကြား၍ မင်္ဂလာအချိန်တွင် တစ်ပြိုင်နက် ပြည်နယ်ဝန်ကြီးချုပ်နှင့် တာဝန်ရှိသူများက ရတနာအုတ်မြစ်တော်များ စီသွင်း ပူဇော်ပြီး သံဃာတော်များဦးဆောင်၍ ဇယန္တာဗောဓိယာမူလေအစချီသော ဇယမင်္ဂလာအောင်ဂါထာတော်များကို ရွတ်ပူဇော် ပေးကြပြီး နောက်ကောက်ညှင်းပေါင်း၊ ပေါက်ပေါက်၊ နို့စိမ်း၊ သောက်ရေသန့်များဖြင့် နဂါးစာကျွေး၍ အခမ်းအနားကို ဗုဒ္ဓသာသနံစိရံတိဋ္ဌတု သုံးကြိမ်ရွတ်ဆို ဆုတောင်းကာ ရုပ်သိမ်းလိုက်ပြီး ပြည်နယ်ဝန်ကြီးချုပ်၊ တိုင်းမှူး၊ ပြည်နယ်ဝန်ကြီးများ တို့က ဆရာတော် သံဃာတော်တို့အား နေ့ဆွမ်းဆက်ကပ်ပေးကြသည်။

ထို့နောက် ပြည်နယ်ဝန်ကြီးချုပ်၊ တိုင်းမှူး၊ ပြည်နယ်ဝန်ကြီးများက ရန်တိုင်းအောင်စေတီဘုရားရှိ စံကျောင်းတော်နှင့် ခြေတော်ရာကို သွားရောက်ဖူးမျှော်ကာ ပန်း၊ ရေချမ်း၊ ဆီမီးဆက်ကပ်ပေးကြသည်။ ၎င်းနောက် ပြည်နယ်ဝန်ကြီးချုပ် ဒေါက်တာ ကျော်ထွန်း၊ တိုင်းမှူးနှင့် တာဝန်ရှိသူများသည် အရှေ့မြောက်တိုင်း စစ်ဌာနချုပ်၊ ကုန်းမြင့်(၁) စိုက်ပျိုးရေးနှင့် မွေးမြူရေး စံပြ စခန်းရှိ ရှင်းလင်းဆောင်ခန်းမ၌ တာဝန်ရှိသူမှ ဘက်စုံမွေးမြူရေးနှင့်ပတ်သက်၍ ရှင်းလင်းပြီး ပြည်နယ်ဝန်ကြီးချုပ်၊ တိုင်းမှူးနှင့် တာဝန်ရှိသူများသည် နွားခြံ၊ ဆိတ်ခြံ၊ သားဖောက်ဝက် မွေးမြူရေးခြံနှင့် ဘက်စုံစိုက်ပျိုးရေး မွေးမြူရေး ဗဟိုစံပြစခန်းရှိ အစာစပ်လုပ်ငန်း အအေးခန်း ဥစားကြက်မွေးမြူရေးလုပ်ငန်းတို့ကို လှည့်လည်ကြည့်ရှုကြသည်။

အဆိုပါ အအေးခန်း ဥစားကြက်လုပ်ငန်းတွင် ကြက်အကောင်ရေ(၃၃၀၀) ထွက်ရှိလာသည့် ကြက်ဥများကို တပ်ဖွဲ့ဝင် မိသားစုများ၊ ရဲတပ်ဖွဲ့၊ ဝန်ထမ်းများတို့ကို တစ်လုံးလျှင်(၁၀၀ိ/-)ကျပ်နှုန်းဖြင့် ရောင်းချပေးကြောင်း သိရသည်။ ယင်းနောက် ပြည်နယ်ဝန်ကြီးချုပ် ဒေါက်တာကျော်ထွန်း၊ ပြည်နယ်ဝန်ကြီးများသည် ရှမ်းပြည်နယ်(မြောက်ပိုင်း) လားရှိုးမြို့ ဘာသာမရွေး လူမှုကူညီရေးအသင်းသို့ သွားရောက်၍ ကျောက်ကပ်ဆေးခန်း အစာအိမ်မှန်ပြောင်း စမ်းသပ်ခန်းတို့ကို လှည့်လည်ကြည့်ရှုပြီး အသင်းရုံးတွင် ပြည်နယ်ဝန်ကြီးချုပ် ဒေါက်တာကျော်ထွန်းက အဖွင့်အမှာစကားပြောကြားပြီး အသင်းရုံးအတွက် ရှမ်းပြည်နယ် အစိုးရအဖွဲ့မှ အလှူငွေကျပ်သိန်း(၁၀)သိန်းနှင့် အလှူရှင်များမှ လှူဒါန်းသည့် ငွေကျပ်သိန်း(၄၀)တို့ကို ပြည်နယ်ဝန်ကြီးချုပ် ဒေါက်တာကျော်ထွန်းက ပေးအပ်ရာ ဘာသာမရွေး လူမှုကူညီမှုအသင်း ဥက္ကဋ္ဌ ဦးမောင်မြင့်မှ လက်ခံရယူကြောင်း သိရသည်။

ရှမ်းပြည်နယ်အစိုးရအဖွဲ့

ညောင်ရွှေ ဒီဇင်ဘာ - ၂၀

167

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာကျော်ထွန်းနှင့် ဇနီး၊ ပြည်နယ်ဝန်ကြီးများ၊ ပြည်နယ် ဥပဒေချုပ်၊ အစိုးရအဖွဲ့ အတွင်းရေးမှူးနှင့် တာဝန်ရှိသူများသည် ဒီဇင်ဘာ(၁၉)ရက် နံနက်(၈)နာရီခွဲက ညောင်ရွှေမြို့ ကန်ကြီး ပရိယတ္တိစာသင်တိုက်၌ အဘိဓဇမဟာရဋ္ဌဂုရု သီတဂူဆရာတော် ဒေါက်တာ အရှင်ဉာဏိဿရအား သွားရောက် ဖူးမျှော်ကြပြီး လှူဖွယ်ပစ္စည်း၊ သင်္ကန်းနှင့် သီတဂူသာသနာပြုလုပ်ငန်းများ ဆောင်ရွက်ရန်အတွက် ရှမ်းပြည်နယ်အစိုးရအဖွဲ့မှ အလှူငွေကျပ် သိန်း(၅၀)ကို ပြည်နယ်ဝန်ကြီးချုပ် ဒေါက်တာကျော်ထွန်းက ပေးအပ်ရာ တာဝန်ရှိကပ္ပိယတစ်ဦးမှ လက်ခံရယူကာ ဆရာတော် ကြီးမှ သြဝါဒစကားနှင့် တရားရေအေး ဟောကြား၍ လှူဒါန်းမှုအစုစုအတွက် ရေစက်သွန်ချ အမျှပေးဝေကြကြောင်း သိရှိရသည်။

ရှမ်းပြည်နယ်အစိုးရအဖွဲ့

လားရှိုး ဒီဇင်ဘာ - ၂၀

165
ရှမ်းပြည်နယ်ဝန်ကြီးချုပ် ဒေါက်တာကျော်ထွန်း၊ ပြည်နယ်ဝန်ကြီးများ၊ ပြည်နယ်ဥပဒေချုပ်နှင့် တာဝန်ရှိသူများသည် ဒီဇင်ဘာ(၁၇)ရက် မွန်းလွဲ(၁)နာရီက လားရှိုးမြို့ သီရိမင်္ဂလာမန်ဆူရှမ်းကျောင်း မြို့နယ်သံဃနာယက အဖွဲ့ဥက္ကဋ္ဌ၊ အဂ္ဂမဟာ သဒ္ဓမ္မဇောတိကဓဇ၊ အဂ္ဂမဟာ ကမ္မဌာနာစရိယ ဒေါက်တာ ဘဒ္ဒန္တပုညနန္ဒအား သွားရောက်ဖူးမျှော်ကာ လှူဖွယ်ပစ္စည်းများ၊ သင်္ကန်းနှင့် သီရိမင်္ဂလာဓမ္မရတနာ သုံးထပ်ကျောင်းဆောင် ဆောက်လုပ်နေမှုအတွက် ရှမ်းပြည်နယ်အစိုးရအဖွဲ့မှ ငွေကျပ် သိန်း(၅၀)တို့ကို ဆက်ကပ်လှူဒါန်းပေးကြပြီး ကျောင်းဆောင်ဆောက်လုပ်နေမှုတို့ကို လှည့်လည်ကြည့်ရှုကြကြောင်း သိရသည်။

ရှမ်းပြည်နယ်အစိုးရအဖွဲ့

နောက်ထပ်သတင်းများဖတ်မည်