We have 58 guests and no members online

တောင်ကြီး ဇွန် - ၂၅

Untitled 4
ရှမ်းပြည်နယ်အထွေထွေအုပ်ချုပ်ရေးဦးစီးဌာန၊ စည်းရုံးရေးကော်မတီမှ COVID-19 ရောဂါ ဖြစ်စေမည့် ဗိုင်းရပ်စ်၊ ဗီဇပြောင်းမျိုးကွဲများအကြောင်း ဆွေးနွေးဟောပြောခြင်းကို ဇွန် (၂၅)ရက် ညနေ(၃)နာရီက ပြည်နယ်အထွေထွေ အုပ်ချုပ်ရေးဦးစီးဌာန၊ အစည်းအဝေးခန်းမ၌ ကျင်းပသည်။
ရှမ်းပြည်နယ်အထွေထွေအုပ်ချုပ်ရေးဦးစီးဌာန၊ ဒုတိယညွှန်ကြားရေးမှူးချုပ် ဦးနေလင်း က စည်းရုံးရေး ကော်မတီအဆင့်ဆင့်ကို ဖွဲ့စည်းရသည့် ရည်ရွယ်ချက်မှာ အင်အားတောင့်တင်းပြီး စွမ်းအင်ထက်မြက်သော တပ်ဖွဲ့/ ဌာန ဖြစ်စေရန်၊ တပ်ဖွဲ့/ဌာနများအတွက် ကျစ်လစ်ခိုင်မာသော စည်းလုံးညီညွှတ်မှုကို တည်ဆောက်ရန်၊ ဒို့တာဝန်(၃)ပါး ကို ကာကွယ်စောင့်ရှောက်ရန်၊ တပ်ဖွဲ့ဝင်/ဌာန ဝန်ထမ်းများ၏ မိသားစုဝင်များကို တပ်ဖွဲ့ဝင်/ဌာန၏ အရံအင်အားများ အဖြစ် ဆောင်ရွက်နိုင်ရန်၊ နိုင်ငံတော်တည်ဆောက်ရေးနှင့် ဖွံ့ဖြိုးတိုးတက်ရေးတို့တွင် ပါဝင်ဆောင်ရွက်ရန်တို့ ဖြစ်ပါကြောင်း၊ မိမိ၏ မူလတာဝန်များကို တာဝန်ကျေပွန်စွာ ဆောင်ရွက်ရမည့်အပြင် စည်းရုံးရေး လုပ်ငန်းတာဝန်များ ကိုလည်း တစ်ဘက်တစ်လှမ်းမှ အကောင်အထည်ဖော်ဆောင်ရွက်ပေးသွားမှာ ဖြစ်ကြောင်း၊ ပြည်ထဲရေးဝန်ကြီးဌာနမှ ပေးပို့လာသည့် ဆွေးနွေးရမည့် ခေါင်းစဉ်(၄)မျိုးအနက် (၂)မျိုးကို ဆရာဝန်ကြီးနှင့် ရဲမှူးတို့မှ ဟောပြောပေးသွားမှာ ဖြစ်ကြောင်း၊ ယခုအချိန်တွင် Covid-19 ရောဂါပိုးတွေ့ လူနာများလာသည့်အတွက် ကျန်းမာရေးနှင့် အားကစားဝန်ကြီး ဌာနက သတ်မှတ်ထားသော ဆောင်ရန်၊ ရှောင်ရန်များကို အလေးထားလိုက်နာ ဆောင်ရွက်သွားကြရန်နှင့် လုံခြုံရေးနှင့် ပတ်သက်၍ ရဲမှူးမှ ဟောပြောပေးမည့် အချက်များကိုလည်း အထူးဂရုပြု လေးစားလိုက်နာပြီး ဆောင်ရွက်ပေးကြ စေလိုကြောင်း ပြောကြားသွားသည်။
ဆက်လက်၍ ဒေါက်တာ သူရိန်ထွန်းမှ Covid-19 ရောဂါဖြစ်စေသည့် ဗိုင်းရစ်ပ်၏ ဗီဇပြောင်းမျိုးကွဲများ အကြောင်းနှင့် ရှမ်းပြည်နယ်ရဲတပ်ဖွဲ့မှူးရုံး၊ ဒုတိယ ရဲမှူး အောင်စိုးမှ မိမိနှင့်မိမိပတ်ဝန်းကျင် လုံခြုံမှု အစဉ်သတိပြု အကြောင်း ရှင်းလင်းပြောကြားသွားကြောင်း သိရှိရသည်။

ရှမ်းပြည်နယ်စီမံအုပ်ချုပ်ရေးကောင်စီ

တောင်ကြီး ဇွန် - ၂၅

Untitled 3
ရှမ်းပြည်နယ်စီမံအုပ်ချုပ်ရေးကောင်စီရုံးတွင် တာဝန်ထမ်းဆောင်နေသည့် ဝန်ထမ်းများအား စားနပ်ရိက္ခာနှင့် ထောက်ပံ့ငွေများပေးအပ်ခြင်းကို ဇွန်(၂၅)ရက်၊ မွန်းလွဲ(၂)နာရီက ရှမ်းပြည်နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပသည်။
ရှမ်းပြည်နယ်စီမံအုပ်ချုပ်ရေးကောင်စီ ဥက္ကဋ္ဌ ဒေါက်တာ ကျော်ထွန်းက ယခုလို တာဝန်ထမ်းဆောင်နေသော အမှုထမ်း၊ အရာထမ်းနှင့် တွဲဖက်ဝန်ထမ်းများအား ထောက်ပံ့ပေးရာတွင်၂၀၂၁ ခုနှစ်၊ ဖေဖော်ဝါရီလတွင် ဝန်ထမ်း (၃၆၄)ဦး ကို ဆန်၊ ဆီနှင့် ကြက်ဥထောက်ပံ့မှု တန်ဘိုး (၁၅၆၅၂၀၀)၊မတ်လတွင် ဝန်ထမ်း (၃၃၁)ဦးကို ဆန် ၊ဆီ၊ ကြက်ဥ၊ သကြား၊ ကြက်သွန်နီ၊ ကြက်သွန်ဖြူ၊ အာလူး၊ ခရမ်းချဥ်သီး ထောက်ပံ့မှု တန်ဘိုး (၂၅၁၉၆၀၀) ၊ဧပြီလတွင် ဝန်ထမ်း(၃၀၉)ကို ငွေသားဖြင့် ကျပ်(၁)သောင်းစီ၊ တန်ဘိုးထောက်ပံ့ငွေ (၃၀၉၀၀၀၀၀) ၊ ယခု ဇွန်လတွင် ဝန်ထမ်း (၃၂၃)ဦးကို သကြား၊ ခရမ်းချဥ်သီး၊ ကြက်သွန်နီ ၊ကြက်ဥ၊ ထောက်ပံ့ငွေတန်ဘိုး (၆၄၆၀၀၀၀)ဖြစ်ကြောင်းနှင့် ဝန်ထမ်းများ အနေဖြင့် ယခု ကာလတွင် ရုံးကိုအချိန်မှန်တက်၍ လုပ်ငန်းများကို အောင်မြင်စွာ ဆောင်ရွက်ပေးရန်နှင့် covid-19ရောဂါ ပြန့်ပွား နေသောကြောင့် အထူးဂရုစိုက်ရန်၊ maskတပ်ပေးကြရန်၊ လက်များကို Hand Gel ဖြင့် ဆေးပေးကြရန် သတ်မှတ်ထား သည့် စည်းကမ်းအတိုင်း အပူချိန်တိုင်းကိရိယာများဖြင့် တိုင်းတာပေးကြရန်နှင့် အသွားအလာဆင်ပေးကြရန်၊ ယခု ဝန်ထမ်းများကို ထောက်ပံ့ပေးမှုတွင် မိမိတို့ဘက်မှ သတ်အားရွေ့ ထောက်ပံ့ပေးပါကြောင်း၊ လုပ်ငန်းများကို အောင်မြင်ရန် ဝိုင်းဝန်းပူးပေါင်း ဆောင်ရွက်ပေးကြရန် ပြောကြားသွားသည်။
ဆက်လက်၍ ရှမ်းပြည်နယ်စီမံအုပ်ချုပ်ရေးကောင်စီရုံးတွင် တာဝန်ထမ်းဆောင်နေသော အမှုထမ်း/ အရာထမ်းများ၊ တွဲဖက်ဝန်ထမ်းများကို သကြား၊ ခရမ်းချဥ်သီး၊ ကြက်သွန်နီ၊ကြက်ဥနှင့် ထောက်ပံ့ငွေများကို ရှမ်း ပြည်နယ်စီမံအုပ်ချုပ်ရေးကောင်စီ ဥက္ကဋ္ဌ ဒေါက်တာကျော်ထွန်းနှင့် အဖွဲဝင်များ အသီးသီးထောက်ပံ့ပေးအပ်ကြပြီး ပြည်နယ်စီမံအုပ်ချုပ်ရေးကောင်စီ ဥက္ကဋ္ဌဒေါက်တာ ကျော်ထွန်းက နိဂုံးချုပ်စကားပြောကြားခဲ့ကြောင်း သိရှိရသည်။

ရှမ်းပြည်နယ်စီမံအုပ်ချုပ်ရေးကောင်စီ

တောင်ကြီး ဇွန်-၂၃

87

ရှမ်းပြည်နယ်စီမံအုပ်ချုပ်ရေးကောင်စီဥက္ကဋ္ဌဖလား ကိုယ်ပိုင်အုပ်ချုပ်ခွင့်ရ တိုင်း/ဒေသများနှင့် ခရိုင်များအလိုက် အသက်(၂၅)နှစ်အောက် အမျိုးသမီး ဘောလုံးပြိုင်ပွဲ ဆုချီးမြှင့်ပွဲအခမ်းအနားကို ဇွန် (၂၃)ရက် ညနေ (၃)နာရီက တောင်ကြီးမြို့၊ပြည်နယ်အားကစား ကွင်း၌ကျင်းပသည်။

ဆုချီးမြှင့်ပွဲအခမ်းအနားတွင်နောက်ဆုံး ဗိုလ်လုပွဲအဖြစ် တောင်ကြီးခရိုင်အသင်းနှင့် တာချီလိတ်ခရိုင် အသင်းတို့ ယဉ်ပြိုင်ကစားကြရာ တောင်ကြီးခရိုင် အသင်းက (၄-ဝ) ဂိုးဖြင့် အနိုင်ရ ဗိုလ်စွဲသွားပြီး ဆုချီးမြှင့်ပွဲကျင်းပရာ ပူးတွဲ တတိယဆုရရှိသော ကျိုင်းတုံခရိုင်အသင်းနှင့်ပအိုဝ်းကိုယ်ပိုင်အုပ်ချုပ်ခွင့်ရဒေသအသင်းတို့အား တစ်ဦးချင်းဆုတံဆိပ်နှင့် ငွေသား ကျပ် (၅) သိန်းစီတို့ကို ရှမ်းပြည်နယ်စီမံအုပ်ချုပ်ရေး ကောင်စီအဖွဲ့အတွင်းရေးမှူး ဦးနေလင်း နှင့် ပြည်နယ်စီမံအုပ်ချုပ်ရေးကောင်စီအဖွဲ့ ဝင် ဦးအောင်မြင့်တို့မှ ဆုချီးမြှင့်ပေး၍ လည်းကောင်း ၊ ဒုတိယဆု ရရှိသောတာချီလိတ် ခရိုင်အသင်းအား တစ်ဦးချင်း ဆုတံဆိပ်များနှင့် ငွေသားဆု (၈) သိန်းကျပ်ကို ပြည်နယ်စီမံအုပ်ချုပ်ရေးကောင်စီ အဖွဲ့ဝင် ဦးခွန်သိန်းမောင်မှ ဆုချီးမြှင့်ပေး၍လည်းကောင်း ၊ အကောင်းဆုံး အားကစားသမားဆုဖြစ်သည့် ဂိုးအကောင်းဆုံး ၊နောက်တန်း အကောင်းဆုံး ၊အလယ်တန်းအကောင်းဆုံး ၊ရှေ့တန်းအကောင်းဆုံး ၊ ပွဲစဉ်တစ်လျောက် အကောင်းဆုံး အားကစား သမားဆုရသူများအား ဆုတံဆိပ်နှင့် ငွေသားကျပ် (၁) သိန်းစီတို့ကို ရှမ်းပြည်နယ်စီမံအုပ်ချုပ်ရေးကောင်စီအဖွဲ့ဝင်ပြည်နယ်ရဲမှူးချုပ်တင်ကိုကိုနှင့်ပြည်နယ်ဥပဒေချုပ်ဦးစိုင်းကျော်ဇံတို့မှ ဆုချီးမြှင့်ပေး၍လည်းကောင်း ၊ ပထမဆုရရှိသော တောင်ကြီးခရိုင်အမျိုးသမီးအသင်းအား တစ်ဦးချင်း ဆုတံဆိပ်ကို ပြည်နယ် စီမံအုပ်ချုပ်ရေးကောင်စီ အဖွဲ့ဝင် ဦးစိုင်းလိတ် နှင့် ငွေသားကျပ် (၁၀) သိန်းနှင့် ဆုဖလားတို့ကို ရှမ်းပြည်နယ်စီမံအုပ်ချုပ်ရေးကောင်စီ ဥက္ကဋ္ဌ ဒေါက်တာကျော်ထွန်းတို့မှ အသီးသီးဆုချီးမြှင့်ပေးကြောင်းသိရသည်။

ရှမ်းပြည်နယ်စီမံအုပ်ချုပ်‌ရေးကောင်စီ

တောင်ကြီး  ဇွန်  - ၂၄

88

ရှမ်းပြည်နယ် Coronavirus Disease 2019(COVID-19) ထိန်းချုပ်ရေးနှင့် အရေးပေါ်တုန့်ပြန်ရေးကော်မတီ လုပ်ငန်းညှိနှိုင်း အစည်းအဝေးကို ဇွန် ၂၄ ရက်၊ မွန်းလွဲ ၂ နာရီက တောင်ကြီးမြို့၊ ရှမ်းပြည်နယ်စီမံအုပ်ချုပ်ရေး ကောင်စီရုံး၊ အစည်းအဝေးခန်းမ၌ ကျင်းပသည်။

ရှမ်းပြည်နယ် Coronavirus Disease 2019(COVID-19) ထိန်းချုပ်ရေးနှင့် အရေးပေါ်တုန့်ပြန်ရေးကော်မတီ၊ ဥက္ကဋ္ဌ ၊ ရှမ်းပြည်နယ်စီမံအုပ်ချုပ်ရေးကောင်စီ ဥက္ကဋ္ဌ ဒေါက်တာကျော်ထွန်းက ရှမ်းပြည်နယ်အတွင်းရှိ မြို့နယ်များတွင် ပထမအကြိမ် (COVID-19) ကာကွယ်ဆေးထိုးနှံဆောင်ရွက်ခဲ့ရာ ပထမအကြိမ်အနေဖြင့် (၂၂၄၇၆၆)ဦး၊ ဒုတိယ အကြိမ်တွင် (၂၀၂၈၅၅)ဦး ထိုးနှံပြီးစီးခဲ့ပြီး ဒုတိယအကြိမ် အနေဖြင့် တရုတ်ပြည်သူ့လွှတ်မြောက်ရေး တပ်မတော်မှ လှူဒါန်းသည့် (COVID-19)ကာကွယ်ဆေး Vaccine(Doses)ပထမအကြိမ်ထိုးနှံခြင်းလုပ်ငန်းကို ၂၀၂၁ ခုနှစ်၊ ဇွန်လ ၇ ရက်နေ့ မှစတင်၍ ဌာနဆိုင်ရာ ဝန်ထမ်းများ၊ ပညာရေးဝန်ထမ်းများ၊ ကျန်းမာရေးဝန်ထမ်းများအား ဦးစားပေးထိုးနှံ ဆောင်ရွက်ခဲ့ရာ ၂၀၂၁ ခုနှစ်၊ ဇွန် ၂၃ ရက်နေ့အထိ (၈၄၃၅)ဦး ထိုးနှံပြီး ဖြစ်ပါကြောင်း၊ တတိယလှိုင်း ဖြစ်ပွားသည့် ကာလအတွင်း နောင်ချိုမြို့နယ်တွင် နည်းပညာပထမနှစ်ကျောင်းသား(၁)ဦးမှလည်းကောင်း၊ လားရှိုးမြို့နယ်တွင် ချင်း ပြည်နယ်၊ တမူးမြို့သို့ မင်္ဂလာဆောင်သွားရောက်ပြီး ပြန်လည်ရောက်ရှိလာသူ ဦးရွတ်မဂတ်မှ မန္တလေးမြို့သို့ ဆေးခန်း ပြသရာမှ (COVID-19) ရောဂါပိုး တွေ့ရှိရာမှ စတင်ခဲ့ပြီး နောင်ချိုမြို့နှင့် လားရှိုးမြို့တို့တွင် ရောဂါကူးစက်ပြန့်နှံ့ကာ ရှမ်းပြည်နယ်အတွင်း ယနေ့အချိန်ထိ ပိုးတွေ့ရှိသူ (၅၃၇)ဦး ကူးစက်ပြန့်နှံခဲ့ပြီး သေဆုံးသူ(၂)ဦး၊ ရောဂါပို့ ကင်းစင်သူ (၁၂၃)ဦး ရှိခဲ့သဖြင့် ယနေ့အထိ လားရှိုးမြို့နယ်တွင် (၂၃၃)ဦး၊ နောင်ချိုမြို့နယ်တွင် (၅၈)ဦး၊ လောက်ကိုင်မြို့နယ်တွင် (၄၃)ဦး တွေ့ရှိခဲ့ရပြီး ရောဂါကူးစက်ပြန့်နှံ့မှု များပြားလာကြောင်း တွေ့ရှိခဲ့ရသဖြင့် ရှမ်းပြည်နယ်အတွင်း ရောဂါကူးစက်မှုကို ကာကွယ်၊ ထိန်းချုပ်နိုင်ရေးအတွက် ယနေ့အစည်းအဝေးကို ကျင်းပပြုလုပ်ခဲ့ရခြင်းဖြစ်ကြောင်း၊ ၂၀၂၁ ခုနှစ်၊ ဇွန်လ ၂၃ ရက်နေ့တွင် ကျောက်မဲခရိုင်၊ နောင်ချိုမြို့နယ်အတွင် (၂၃)ဦး၊ သီပေါမြို့နယ်တွင် (၇)ဦး၊ လားရှိုး ခရိုင်၊ လားရှိုးမြို့နယ်တွင် (၆၅)ဦး၊ ကိုးကန့်ကိုယ်ပိုင်အုပ်ချုပ်ခွင့်ရဒေသ၊ လောက်ကိုင်မြို့နယ်တွင် (၁၅)ဦး၊ တောင်ကြီး မြို့နယ်တွင် (၈)ဦး၊ ဓနုကိုယ်ပိုင်အုပ်ချုပ်ခွင့်ရဒေသ၊ ရွာငံမြို့နယ်တွင် (၃)ဦး၊ စုစုပေါင်း (၁၂၁)ဦးတွေ့ရှိခဲ့ရပြီး (COVID-19) ရောဂါပိုး လျင်မြန်စွာ ကူးစက်ပြန့်နှံ့လျက်ရှိကြောင်း သိရှိပါကြောင်း၊ ရောဂါကာကွယ်၊ ထိန်းချုပ်နိုင်ရေးအတွက် လိုအပ်ချက်များ၊ အကြံဉာဏ်များ၊ ပူးပေါင်းဆောင်ရွက်ပေးရမည့်ကိစ္စရပ်များကို ဝိုင်းဝန်းဆွေးနွေးပေးကြရန် ပြောကြား သွားသည်။

ဆက်လက်၍ အရှေ့ပိုင်းတိုင်းစစ်ဌာနချုပ်၊ ဒုတိယတိုင်းမှူး ဗိုလ်မှူးချုပ် ဝင်းဇော်မိုး၊ ရှမ်းပြည်နယ် Coronavirus Disease 2019(COVID-19) ထိန်းချုပ်ရေးနှင့် အရေးပေါ်တုန့်ပြန်ရေးကော်မတီ၊ အတွင်းရေးမှူး၊ ပြည်နယ်စီမံအုပ်ချုပ်ရေး ကောင်စီ၊ အဖွဲ့ဝင် ဗိုလ်မှူးကြီး လှဦး တို့မှ ဆွေးနွေးတင်ပြကြပြီး အခမ်းအနားတက်ရောက်လာသူများမှ ဆွေးနွေး တင်ပြကြ၍ အထွေထွေဆွေးနွေးကြကာ ရှမ်းပြည်နယ် Coronavirus Disease 2019(COVID-19) ထိန်းချုပ်ရေးနှင့် အရေးပေါ်တုန့်ပြန်ရေးကော်မတီ၊ ဥက္ကဋ္ဌ ၊ ရှမ်းပြည်နယ်စီမံအုပ်ချုပ်ရေးကောင်စီ ဥက္ကဋ္ဌ ဒေါက်တာကျော်ထွန်းက နိဂုံးချုပ် စကားပြောကြားခဲ့ကြောင်း သိရှိရသည်။

ရှမ်းပြည်နယ်စီမံအုပ်ချုပ်ရေးကာင်စီ

 

86

တောင်ကြီး        ဇွန်-၂၃

ရှမ်းပြည်နယ်(တောင်ပိုင်း) တောင်ကြီးမြို့၊ ပြည်နယ်အားကစားကွင်း၌ ဇွန်(၂၃)ရက်၊ နံနက်(၈)နာရီက ၂၀၂၁ခုနှစ်၊ အပြည်ပြည်ဆိုင်ရာအိုလံပစ်နေ့ အထိမ်းအမှတ်မီတာ(၅၀၀၀)အပြေးပြိုင်ပွဲကျင်းပသည်။

၂၀၂၁ခုနှစ်၊ အပြည်ပြည်ဆိုင်ရာအိုလံပစ်အထိမ်းအမှတ်အခမ်းအနားတွင် ရှမ်းပြည်နယ်စီမံအုပ်ချုပ်ရေးကောင်စီ၊ အဖွဲ့ဝင် ဦးစိုင်းလိတ်က မီတာ(၅၀၀၀)အပြေးပြိုင်ပွဲတွင် ပါဝင်ယဉ်ပြိုင်ကြသော ပညာဥယျာဉ်၊ မိဘမေတ္တာ၊ မေတ္တာရင်ခွင်ကျောင်းတို့ကို အားကစားပစ္စည်းများ ထောက်ပံ့ပေးအပ်ပြီး မီတာ(၅၀၀၀)အပြေးပြိုင်ပွဲကို သေနတ်ပစ်ဖောက်တာလွှတ်ပေးခဲ့ကြောင်း သိရသည်။

အဆိုပါ ၂၀၂၁ခုနှစ်၊ အပြည်ပြည်ဆိုင်ရာအိုလံပစ်နေ့အထိမ်းအမှတ် မီတာ (၅၀၀၀)အပြေးပြိုင်ပွဲတွင် ကျား/မ မီတာ(၁၀၀) အပြေးပြိုင်ပွဲကျား/မ မီတာ(၁၀၀)လက်ဆင့်ကမ်းပြိုင်ပွဲ၊ ကျား/မ၊မီတာ(၈၀၀)အပြေးပြိုင်ပွဲ၊ ကျား/မ အလျားခုန် ပြိုင်ပွဲတို့၌ ကျား/မ ပါဝင်ယှဉ် ပြိုင်သူဦးရေ (၂၀၀)ရှိပြီး ဆုရရှိသည့် ကျား/မ မီတာ(၅၀၀၀)အပြေးပြိုင်ပွဲတွင် ပထမ ၊ ဒုတိယ ၊ တတိယဆုရရှိသူများ ၊ ကျား/မ မီတာ(၁၀၀)အပြေးပြိုင်ပွဲတွင် ပထမ၊ဒုတိယ၊တတိယဆုရှိသူများ၊ ကျား/မ မီတာ(၈၀၀)အပြေးပြိုင်ပွဲတွင် ပထမ၊ဒုတိယ၊တတိယ ဆုရရှိသူများ ၊ ကျား/မမီတာ(၁၀၀)လက်ဆင့်ကမ်းပြိုင်ပွဲတွင် ပထမ၊ဒုတိယ၊တတိယဆု ရရှိသူများ၊ ကျား/မအလျားခုန်ပြိုင်ပွဲတွင် ပထမ၊ဒုတိယ၊တတိယဆုရရှိ သူများကို ရှမ်းပြည်နယ်အားကစားနှင့် ကာယပညာဦးစီးဌာန၊ ညွှန်ကြားရေးမှူး ဦးကျော်ကျော်သိန်း၊ အားကစားနှင့် ကာယပညာသိပ္ပံညွှန်ကြားရေးမှူး၊ ဦးနိုင်လင်းအောင်နှင့် ဒုတိယညွှန်ကြားရေးမှူးဦးတင်ထွန်းအောင််၊ တာဝန်ရှိသူများက အသီးသီးဆုများချီးမြှင့်ပေးကြကြောင်းသိရှိရသည်။

ရှမ်းပြည်နယ်စီမံအူပ်ချုပ်ရေးကောင်စီ

နောက်ထပ်သတင်းများဖတ်မည်