We have 98 guests and no members online

သီပေါ စက်တင်ဘာ - ၁၂

105
ရှမ်းပြည်နယ်(မြောက်ပိုင်း) ကျောက်မဲခရိုင် သီပေါမြို့တွင် စက်တင်ဘာ(၁၁)ရက် နံနက်ပိုင်းက သီပေါမြို့နယ် အထွေထွေအုပ်ချုပ်ရေးဦးစီးဌာန၌ ရှမ်းပြည်နယ်အစိုးရအဖွဲ့မှ သီပေါမြို့နယ် ကိုဗစ်-၁၉ရောဂါ ထိန်းချုပ်ကာကွယ် ကုသရေး ကော်မတီအဖွဲ့သို့ ကာကွယ်ရေးသုံးပစ္စည်းများ ပေးအပ်လှူဒါန်းကြောင်း သိရသည်။
ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာကျော်ထွန်း၊ ပြည်နယ်ဝန်ကြီးများ၊ ပြည်နယ် ဥပဒေချုပ်တို့က ကိုဗစ်-၁၉ ရောဂါကာကွယ်ရေးသုံးပစ္စည်းများဖြစ်သည့် mask ခုရေ (၁)သောင်း၊ Surgical grown(၂၀၀)၊ Surgical cap(၂၀၀)၊ Handgel(၅၀) ထောက်ပံ့ငွေကျပ်(၁၀)သိန်းတို့ကို ပေးအပ်လှူဒါန်းပေးရာ သီပေါမြို့နယ် ကိုဗစ်-၁၉ ရောဂါ ထိန်းချုပ် ကာကွယ်၊ ကုသရေးကော်မတီအဖွဲ့များမှ လက်ခံရယူကြောင်း သိရသည်။

ရှမ်းပြည်နယ်အစိုးရအဖွဲ့

လားရှိုး စက်တင်ဘာ - ၁၂

104
ရှမ်းပြည်နယ်(မြောက်ပိုင်း) လားရှိုးမြို့၊ မြို့တော်ခန်းမတွင် စက်တင်ဘာ(၁၀)ရက် နံနက်(၉)နာရီက လားရှိုးမြို့ ပြည်နယ်အဆင့် ဌာနဆိုင်ရာများ၊ ခရိုင်/မြို့နယ် စီမံအုပ်ချုပ်ရေးအဖွဲ့များ၊ ရှမ်းပြည်နယ်အစိုးရအဖွဲ့နှင့် တွေ့ဆုံကြောင်း သိရသည်။
တွေ့ဆုံပွဲတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာကျော်ထွန်းက နိုင်ငံတော် ဝန်ကြီးချုပ်၏ မှာကြားချက်များကို ထပ်ဆင့်ရှင်းလင်းရပါကြောင်း၊ နိုင်ငံတော်ဝန်ကြီးချုပ်၏ မှာကြားချက်တွင် ကိုဗစ် - ၁၉ ရောဂါနှင့် ပတ်သက်၍ (၁၂၉) မြို့နယ်တွင် Stay at home ကြေညာပြီး (၆၆) မြို့နယ်ကို ရောဂါ ဖော်ထုတ်ကာ ရန်ကုန်၊ မန္တလေးမြို့တွင် ရောဂါကျဆင်းသွားကြောင်းနှင့် ရှမ်းပြည်နယ်တွင် ရောဂါကူးစက်မှု မြင့်မားနေပါကြောင်း၊ ရှမ်းပြည်နယ် (မြောက်ပိုင်း) နောင်ချိုမြို့နယ်တွင် ရောဂါကူးစက်မှုများနေပါကြောင်း၊ လားရှိုးမြို့တွင် ရောဂါကူးစက်မှုနှုန်း ကျဆင်းနေပြီး ရှမ်းအရှေ့ ကျိုင်းတုံမြို့တွင် ကူးစက်မှုများနေသေးပါကြောင်း၊ ရှမ်းပြည်နယ်(တောင်ပိုင်း)တွင် ကျနေပါကြောင်း၊ ကိုဗစ်-၁၉ ရောဂါနှင့်ပတ်သက်၍ နေရပ်ပြန်များ တရားဝင် နည်းလမ်းရှိသလို တရားမဝင်ခိုးလမ်းကြောင်းမှ ပြန်လာသူများရှိသောကြောင့် ရောဂါဖြစ်ပွား ကူးစက်မှုများဖြစ်ကာမှ သိရပါကြောင်း၊ ရောဂါကူးစက်မှုများရှိနေသောကြောင့် ဌာနဆိုင်ရာများနှင့် အားလုံးပူးပေါင်းဆောင်ရွက်ကြရန် နိုင်ငံတော်ဝန်ကြီးချုပ်က မှာကြားပါကြောင်း၊ အသိ ပညာပေးရာတွင်လည်း တိုင်းရင်းသားများက မြန်မာစကား နားလည်မှုအားနည်းနေပါကြောင်းနှင့် လက်ကမ်းစာစောင်များ ဖြန့်ဝေပေးရာတွင် စာမဖတ်တတ်မှုလည်း ရှိနေသေး သောကြောင့် တိုင်းရင်းသားစာပေယဉ်ကျေးမှုအဖွဲ့ကို မိမိတို့အနေဖြင့် တွေ့ဆုံ၍ အထောက်အကူ ဖြစ်စေရန် ဆောင်ရွက်ပေးကြရန် ပြောကြားလိုကြောင်း ကိုဗစ်-၁၉ရောဂါများ ဖြစ်လာပြီဆိုပါက ကာကွယ်ဆေးများလည်း ထိုးရန်လိုအပ်ပြီး အချို့ဒေသများတွင် ဆေးထိုးထားခြင်းမရှိသေးပါကြောင်း၊ ရောဂါအခံရှိသူများ ပိုမိုထိုးထားသင့် ပါကြောင်း၊ ရောဂါပိုးဝင်ရောက်လာပါက ဦးစွာခံစားရပြီး ဆေးထိုးထားပါက အထိုက်အလျောက် ခံနိုင်ရည် ရှိပါကြောင်း ပါရဂူများက သတ်မှတ်ပါကြောင်း၊ ယနေ့ အခမ်းအနားတွင် ဒေသဦးစီးများဖြစ်သည့် ကိုးကန့်၊ ပလောင် နှင့် `ဝ´တိုင်းဦးစီးများကလည်း မိမိတို့တိုင်းရင်းသားများကို ပြန်လည်ပြောကြားပေးရန်နှင့် ဆေးများထိုးသင့် ပါကြောင်း၊ ကုန်ဈေးနှုန်းနှင့်ပတ်သက်၍ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ၏ မှာကြားချက်တွင် မိမိတို့နိုင်ငံ သည် စိုက်ပျိုးမွေးမြူရေးနိုင်ငံဖြစ်သည်နှင့်အညီ ဆန်၊ ပဲ၊ အာလူး၊ အသီးအနှံများ ပူပင်စရာမလိုကြောင်း၊ နိုင်ငံခြားမှ ပစ္စည်းများ တင်သွင်းစရာသိပ်မရှိကြောင်း၊ ကြက်ဥဈေးများ တက်နေသောကြောင့် မိမိတို့အနေဖြင့် ကြက်ခြံများကို ကွင်းဆင်းကြည့်ပြီး အစာဈေးနှုန်းတက်သောကြောင့် အရင်းမှာ(၁၀၀)နီးပါးကျ၍ အပြင်ရောက်ပါက တစ်လုံးကို (၁၅၀) (၁၇၀)တင်ရောင်းနေမှုကို တွေ့ရပါကြောင်း၊ ဈေးနှုန်းမတက်အောင် ဝိုင်းဝန်းထိန်းသိမ်းပေးကြရန် မနေ့ကလည်း မိမိတို့ကွင်းဆင်းကြည့်ရှုခဲ့ပါကြောင်း၊ ကုန်ဈေးနှုန်းများမတက်ရအောင်နှင့် နယ်စပ်ဒေသတွင်လည်း ဈေးနှုန်းများစွာဖြင့် ဝယ်ယူနေရသည့်အတွက် ထိထိမိမိဖြစ်အောင် မူဆယ်မြို့နယ် ခရိုင်/မြို့နယ်အုပ်ချုပ်ရေးမှူး တက်ရောက်လာသည့်အတွက် မိမိတို့နယ်စပ်ဒေသတွင် ကုန်ဈေးနှုန်းမတက်အောင် ဝိုင်းဝန်းထိန်းပေးကြရန် လိုပါ ကြောင်း၊ မိမိတို့ဒေသထွက်သီးနှံများကို ထိုက်သင့်သောဈေးဖြင့် ဝယ်ယူနိုင်ရန် နိုင်ငံတော်ကလည်း မှာကြား လိုက်ပါကြောင်း၊ လုံခြုံရေးကိစ္စရပ်များတွင်လည်း စည်းမကျိုးရန်လိုပါကြောင်းနှင့် လုံခြုံရေးအဖွဲ့များဖြင့် ပူးပေါင်း လုပ်ရမည်ဖြစ်ကြောင်း ပြောကြားသည်။
ဆက်လက်၍ တက်ရောက်လာသည့် ဌာနဆိုင်ရာများမှ တင်ပြဆွေးနွေးရာ မူဆယ်ခရိုင် အုပ်ချုပ်ရေးမှူး ဦးအောင်မိုးမှ ကျန်းမာရေးကိစ္စရပ်များ၊ လားရှိုးမြို့ စည်ပင်သာယာရေး ဒုတိယညွှန်ကြားရေးမှူး ဦးတင်ကိုမှ ဘဏ္ဍာငွေ ကောက်ခံရရှိမှု ကိစ္စရပ်များ တင်ပြဆွေးနွေးကြပြီး ပြည်နယ်ဝန်ကြီးချုပ် ဒေါက်တာကျော်ထွန်းက တင်ပြဆွေးနွေးမှုအပေါ် ဖြည့်စွက်ပြောကြားသည်။
ထို့နောက် ရှမ်းပြည်နယ်အစိုးရအဖွဲ့မှ ကိုဗစ်-၁၉ ရောဂါ ကာကွယ်ရေးပစ္စည်းများ ထောက်ပံ့ပေးအပ်ရာ ပြည်နယ်ဝန်ကြီးချုပ်ဒေါက်တာကျော်ထွန်းက ပလောင်ကိုယ်ပိုင်အုပ်ချုပ်ခွင့်ရဒေသအတွက် အလှူငွေကျပ်သိန်း (၂၀၀)၊ (၄၀)လီတာဆံ့ အောက်ဆီဂျင်ဆလင်ဒါအိုးအလုံး(၃၀)နှင့် Flow meter(၃၀)ခုအား ထောက်ပံ့ပေးအပ် ခြင်းနှင့် ပြည်နယ်လုံခြုံရေးနှင့် နယ်စပ်ရေးရာဝန်ကြီးဗိုလ်မှူးကြီးလှဦးက ပလောင်ကိုယ်ပိုင်အုပ်ချုပ်ခွင့်ရဒေသ အတွက် Oxygen Concentrator (၄)လုံးအား ပေးအပ်ရာ ပလောင်ကိုယ်ပိုင် အုပ်ချုပ်ခွင့်ရဒေသ ဥက္ကဋ္ဌ ဦးတာသိန်းဇော်မှ လက်ခံရယူ၍လည်းကောင်း၊ ပြည်နယ်လူမှုရေးဝန်ကြီး ဦးအောင်မြင့်က `ဝ´ကိုယ်ပိုင်အုပ်ချုပ်ခွင့်ရ တိုင်းအတွက် Oxygen Concentrator (၄)လုံး အားထောက်ပံ့ပေးအပ်ရာ`ဝ´ကိုယ် ပိုင်အုပ်ချုပ်ခွင့်ရတိုင်း ဥက္ကဋ္ဌ ဦးညီနပ်မှလက်ခံရယူ၍လည်းကောင်း၊ ပြည်နယ်လမ်းပန်းဆက်သွယ်ရေးဝန်ကြီး ရဲမှူးချုပ်တင်ကိုကိုမှ လားရှိုးခရိုင် ကိုဗစ်-၁၉ ကာကွယ်ထိန်းချုပ်၊ ကုသရေး လုပ်ငန်းကော်မတီအတွက် အလှူငွေကျပ်(၁၀)သိန်းထောက်ပံ့ပေးအပ်ရာ လားရှိုးခရိုင် ကိုဗစ်-၁၉ ကာကွယ်ထိန်းချုပ်ကုသရေးလုပ်ငန်းကော်မတီဥက္ကဋ္ဌဦးမျိုးမင်းထွန်းမှ လက်ခံရယူ၍ လည်းကောင်း၊ ပြည်နယ်ဥပဒေချုပ် ဦးစိုင်းကျော်ဇံမှ လားရှိုးခရိုင်အတွင်းရှိ တိုက်နယ်ဆေးရုံ(၁၀)ခုအတွက် ကိုဗစ်-၁၉ ကာကွယ်ရေးသုံးပစ္စည်းများ ထောက်ပံ့ပေးအပ်ရာ ပြည်နယ်ပြည်သူ့ကျန်းမာရေးဦးစီးဌာနမှူး ဒေါက်တာ ရဲအောင်ထွန်းမှ လက်ခံရယူ၍လည်းကောင်း၊ ကိုးကန့်ကိုယ်ပိုင်အုပ်ချုပ်ခွင့်ရဒေသ ဥက္ကဋ္ဌ ဦးမြင့်ဆွေမှ လားရှိုးမြို့နယ် ကိုဗစ်-၁၉ ကာကွယ်ထိန်းချုပ်၊ ကုသရေးလုပ်ငန်းကော်မတီအတွက် အလှူငွေ(၁၀)သိန်းကျပ် ထောက်ပံ့ပေးအပ်ရာ လားရှိုးမြို့နယ် ကိုဗစ်-၁၉ ကာကွယ်၊ ထိန်းချုပ်၊ ကုသရေးလုပ်ငန်းကော်မတီဥက္ကဋ္ဌ ဦးဇော်နိုင်ဦးမှ လက်ခံရယူပြီး ပြည်နယ်ဝန်ကြီးချုပ် ဒေါက်တာကျော်ထွန်းက နိဂုံးချုပ်စကား ပြောကြားကြောင်း သိရသည်။
၎င်းနောက် ပြည်နယ်ဝန်ကြီးချုပ် ဒေါက်တာကျော်ထွန်း၊ အရှေ့မြောက်တိုင်းစစ်ဌာချုပ်တိုင်းမှူး ဗိုလ်မှူးချုပ် နိုင်နိုင်ဦး၊ ပြည်နယ်ဝန်ကြီးများ၊ ပြည်နယ်ဥပဒေချုပ်နှင့် တာဝန်ရှိသူများသည် လားရှိုးမြို့ ရန်တိုင်းအောင်ဘုရားရှိ ပတ္တမြားမျက်ရှင်အား ပန်း၊ ရေချမ်း၊ ဆီမီးပူဇော်ကာ ဘုရားအတွက် အလှူတော်ငွေများ ပေးအပ်လှူဒါန်းပေးကြပြီး ရန်တိုင်းအောင်ဘုရားရှိ ဗုဒ္ဓဥယျာဉ်တော် ဆောက်လုပ်နေမှု အခြေအနေအား လှည့်လည်ကြည့်ရှုကာ ဗုဒ္ဓ ခြေတော်ရာနှင့် ကမ္ဗည်းမော်ကွန်းတို့အား အမွေးနံ့သာရည် ပက်ဖျန်းပေးကြ၍ ဗုဒ္ဓဥယျာဉ်တော်အတွက် အလှူတော် ငွေများကို အလှူရှင်များမှ ပေးအပ်လှူဒါန်းရာ ပြည်နယ်ဝန်ကြီးချုပ် ဒေါက်တာကျော်ထွန်းနှင့် ဘုရားဂေါပက တာဝန်ရှိသူတစ်ဦးတို့က လက်ခံရယူပေးကြသည်။
ယင်းနောက် ပြည်နယ်ဝန်ကြီးချုပ် ပြည်နယ်ဝန်ကြီးများ၊ တာဝန်ရှိသူတို့သည် လားရှိုးမြို့ ပညာရေးဒီဂရီ ကောလိပ် ကိုဗစ်-၁၉ ရောဂါ ကြပ်မတ်ကုသဆောင်အား သွားရောက်ကာ ပြည်နယ်ဝန်ကြီးချုပ် ဒေါက်တာကျော်ထွန်းက အဖွင့်အမှာစကားပြောကြားပြီး ပညာရေးဒီဂရီကောလိပ် ကိုဗစ်-၁၉ ရောဂါ ကြပ်မတ် ကုသဆောင် အုပ်ချုပ်မှုကော်မတီ ဥက္ကဋ္ဌမှ ကိုဗစ်-၁၉ ရောဂါ လူနာများအား ကုသစောင့်ရှောက်မှုပေးသည့် လုပ်ငန်းဆောင်ရွက်ချက်များအား ရှင်းလင်းကာ ပြည်နယ်ဝန်ကြီးချုပ် ဒေါက်တာကျော်ထွန်းက ကြပ်မတ် ကုသဆောင်နှင့် Positive Center တွင် တာဝန်ထမ်းဆောင်လျက်ရှိသည့် စေတနာ့ဝန်ထမ်းများအား ထောက်ပံ့ငွေ ကျပ်(၁၀)သိန်းနှင့် စားသောက်ဖွယ်ရာများ ထောက်ပံ့ပေးအပ်ခဲ့သည်။
ထို့နောက် ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူတို့သည် ဘက်စုံခြံ(ရမခ)ရှိ Oxygen စက်ရုံ၌ အောက်စီဂျင်ထုတ်လုပ်မှု အခြေအနေများအား ကြည့်ရှုစစ်ဆေးရာ အဆိုပါ စက်ရုံတွင် (၁)ရက်လျှင် (၂၀)လီတာအိုး (၄၀)နှင့် စက်ကြီး(၁)ရက်လျှင် (၄၀)လီတာအိုး(၂၀၀)ထွက်ရှိပြီး လားရှိုးမြို့ဝန်းကျင်ကို အခမဲ့ဖြန့်ချိ ပေးလျက်ရှိကြောင်းနှင့် လားရှိုးမြို့ ပြည်သူ့ဆေးရုံရှိ Oxygen စက်ရုံ၌ အောက်စီဂျင်ထုတ်လုပ်မှု အခြေအနေ ကိုလည်း သွားရောက်ကြည့်ရှုရာ စက်ရုံမှ (၁)ရက်လျှင် (၄၀)လီတာအိုး (၃၂)ထွက်ရှိပြီး ပြည်နယ်ဝန်ကြီးချုပ်နှင့် တာဝန်ရှိသူများသည် လားရှိုးမြို့တွင် ကိုဗစ်-၁၉ ရောဂါပိုး စစ်ပေးမည့် PCR စက်ထားရှိမည့် နေရာတို့ကိုလည်း သွားရောက်ကြည့်ရှုစစ်ဆေးခဲ့ကြောင်း သိရှိရသည်။

ရှမ်းပြည်နယ်အစိုးရအဖွဲ့

နောင်ချို စက်တင်ဘာ - ၉

102

ရှမ်းပြည်နယ် မြောက်ပိုင်း ကျောက်မဲခရိုင် နောင်ချိုမြို့တွင် စက်တင်ဘာ ၈ ရက် ညနေပိုင်းက နောင်ချိုမြို့နယ် အထွေထွေအုပ်ချုပ်ရေး ဦးစီးဌာန ခန်းမတွင် ရှမ်းပြည်နယ် အစိုးရအဖွဲ့မှ ကိုဗစ် - ၁၉ ရောဂါ ထိန်းချုပ်၊ ကာကွယ်၊ ကုသရေးအတွက် ပစ္စည်းများ ပေးအပ်လှူဒါန်းကြောင်း သိရသည်။
ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဒေါက်တာကျော်ထွန်းက ကိုဗစ် - ၁၉ ရောဂါပိုးသည် ကူးစက် ပြန့်ပွားမှု များပြားနေသောကြောင့် တတိယလှိုင်းတွင်လည်း ကူးစက်မှုနှင့် သေဆုံးမှုများပြားနေပြီး နောင်ချိုမြို့ တွင်လည်း ရောဂါပိုး ကူးစက်မှုနှုန်း မြင့်မားနေသည်ကို သိရှိရပါကြောင်း ၊ ပြည်သူများအနေဖြင့် ကိုဗစ်-၁၉ ရောဂါ ထိန်းချုပ်၊ ကာကွယ် ကုသရေးစည်းကမ်းချက်များနှင့်အညီ နေထိုင်သွားကြရန်နှင့် မိမိတို့ ရှမ်းပြည်နယ်အစိုးရအဖွဲ့ အနေဖြင့် ကိုဗစ် - ၁၉ ရောဂါ ထိန်းချုပ်၊ ကာကွယ်၊ ကုသရေးအတွက် ပစ္စည်းများကို ထောက်ပံ့ပေးအပ်သွားမည် ဖြစ်ကြောင်း ပြောကြားသွားသည်။
ဆက်လက်၍ ရှမ်းပြည်နယ်အစိုးရအဖွဲ့မှ ကိုဗစ် - ၁၉ ရောဂါ ကာကွယ်၊ ထိန်းချုပ်၊ ကုသရေးအတွက် ပစ္စည်းများဖြစ်သည့် Mask အခုရေ (၁) သောင်း၊ Surgical Grown (၂၀၀)၊ Surgical Cap (၂၀၀)၊ Hand Gel (၅၀)နှင့် ထောက်ပံ့ငွေ (၁၀) သိန်းတို့ကို ပြည်နယ်ဝန်ကြီးချုပ် ဒေါက်တာကျော်ထွန်းနှင့် ပြည်နယ်ဝန်ကြီးများ၊ ပြည်နယ် ဥပဒေချုပ်တို့မှ ပေးအပ်ရာ နောင်ချိုမြို့နယ် ကိုဗစ် - ၁၉ ရောဂါ ကာကွယ် ကုသရေးအဖွဲ့မှ အသီးသီး လက်ခံရယူ ကြပြီး မြို့နယ်ကျန်းမာရေးနှင့် ကုသရေးဦးစီးဌာနမှ ဒေါက်တာကိုကိုနိုင်မှ ကျေးဇူးတင်စကား ပြန်လည်ပြောကြား ကြောင်းသိရသည်။
ထို့နောက် ကျောက်မဲခရိုင် အထွေထွေအုပ်ချုပ်ရေးဌာန အစည်းအဝေးခန်းမတွင် ကိုဗစ် - ၁၉ ရောဂါ၊ ကာကွယ်၊ ထိန်းချုပ် ကုသရေး ပစ္စည်းများ ပေးအပ်ပွဲနှင့် ပန်းခင်းစီမံချက်အရ နိုင်ငံသားစိစစ်ရေးကတ်ပေးအပ်ပွဲ အခမ်းအနားတွင် ပြည်နယ်ဝန်ကြီးချုပ် ဒေါက်တာကျော်ထွန်းက ကိုဗစ် - ၁၉ ရောဂါ ကူးစက်မှုနှုန်း ထိုးနှက်မှုမှာ ၄၀ ရာခိုင်နှုန်းခံခဲ့ရပြီး နိုင်ငံတစ်ဝန်းတွင် Stay At Home (၁၂၉) မြို့နယ် သတ်မှတ်ပြီး ထိရောက် အောင်မြင်စွာ ဆောင်ရွက်ခဲ့ရာ စက်တင်ဘာ ပထမပတ်တွင် (၁၀) ရာခိုင်နှုန်းကျဆင်းလာသဖြင့် ရောဂါ ထိန်းချုပ်မှု အောင်မြင် လာသည့် လက္ခဏာဖြစ်ပါကြောင်း ၊ သက်ဆိုင်ရာ ခရိုင် မြို့နယ်များက ထိန်းချုပ်နေမှုကို ဆက်လက်ပြီး ထိန်းချုပ် နိုင်ရန် လိုအပ်ပါကြောင်း ၊ အုပ်ချုပ်ရေးအဖွဲ့အစည်းများကလည်း ဝိုင်းဝန်း ကြိုးစားပေးကြရန် လိုအပ်ပါကြောင်း၊ မိမိတို့ အစိုးရအဖွဲ့တစ်ခုတည်းသာမဟုတ်ဘဲ အုပ်ချုပ်ရေးအဖွဲ့အစည်းများ ဌာနဆိုင်ရာများတို့က အားလုံးဝိုင်းဝန်း ပူးပေါင်းကြိုးစားမှသာရမည်ဖြစ်ကြောင်း ၊ ပန်းခင်းစီမံချက်အနေဖြင့် မေလ (၃) ရက်နေ့မှစ၍ လာမည့် ၂၀၂၂ ခုနှစ် နိုဝင်ဘာ (၃) ရက်နေ့အထိ စုစုပေါင်း (၁၈)လ အထိ နိုင်ငံသားစိစစ်ရေးကတ်ပြားများ ပြုလုပ်ပေးသွားမည်ဖြစ်ပြီး နိုင်ငံတော်ဝန်ကြီးချုပ်၏ မှာကြားချက်အရ တိုင်းရင်းသားအများစုသည် နိုင်ငံသားစိစစ်ရေးကတ်ပြားများ မရှိသေးပါ ကြောင်း၊ ယနေ့အခမ်းအနားတွင်လည်း နိုင်ငံသား စိစစ်ရေးကတ်ပြားများ (၅၈၄)ကတ်ကို နောင်ချို၊ ကျောက်မဲ၊ သီပေါ တို့ကို ပေးအပ်သွားမည်ဖြစ်ကြောင်း ပြောကြားသွားသည်။
ဆက်လက်၍ ပန်းခင်းစီမံချက်အရ ဆောင်ရွက်ပေးခဲ့သော နိုင်ငံသားစိစစ်ရေးကတ်ပြားများကို ကျောက်မဲ မြို့နယ်အတွက် ရှမ်းပြည်နယ်ဝန်ကြီးချုပ် ဒေါက်တာကျော်ထွန်းမှ ပေးအပ်ရာ ရှမ်းစာပေနှင့် ယဉ်ကျေးမှုအဖွဲ့ ဦးစိုင်းစံညွှန်မှ လက်ခံရယူ၍လည်းကောင်း၊ ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးလှဦးမှ ပေးအပ်ရာ ပလောင်စာပေနှင့် ယဉ်ကျေးမှုအဖွဲ့မှ ဦးကျော်ခိုင်မှ လက်ခံရယူ၍လည်းကောင်း၊ ပြည်နယ်လူမှုရေး ဝန်ကြီး ဦးအောင်မြင့်မှ ပေးအပ်ရာ အမှတ် (၆) ရပ်ကွက် အုပ်ချုပ်ရေးမှူး ဦးစိုးတင့်မှ လက်ခံရယူ၍လည်းကောင်း၊ နောင်ချိုမြို့နယ်အတွက် နိုင်ငံသားစိစစ်ရေးကတ်ပြားများကို ပြည်နယ်လမ်းပန်းဆက်သွယ်ရေးဝန်ကြီး ရဲမှူးချုပ် တင်ကိုကိုမှ ပေးအပ်ရာ အိုတမာဝ် ပရဟိတအဖွဲ့မှ လက်ခံရယူ၍လည်းကောင်း၊ သီပေါမြို့နယ်အတွက် နိုင်ငံသား စိစစ်ရေးကတ်ပြားများကို ပြည်နယ် ဥပဒေချုပ် ဦးစိုင်းကျော်ဇံမှ ပေးအပ်ရာ နမ့်ခုံး ရှမ်းပရဟိတအဖွဲ့မှ အသီးအသီး လက်ခံရယူကြပြီး ကိုဗစ် - ၁၉ ရောဂါ ထိန်းချုပ်၊ ကာကွယ်၊ ကုသရေးအတွက် ပစ္စည်းများပေးအပ်ရာ ထောက်ပံငွေ ကျပ်(၁၀)သိန်းကို ပြည်နယ်ဝန်ကြီးချုပ် ဒေါက်တာကျော်ထွန်း၊ ကျောက်မဲမြို့နယ် Oxygen Plant တည်ဆောက်ရန် အတွက် ရှမ်းပြည်နယ်အစိုးရအဖွဲ့မှ လှူဒါန်းသော ကျပ်သိန်း(၂၀၀)ကို ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးလှဦး၊ ရှမ်းပြည်နယ်အစိုးရအဖွဲ့မှ လှူဒါန်းသော Oxygen Concentrator နှင့် ဆက်စပ်ပစ္စည်းများကို ပြည်နယ်လူမှုရေးဝန်ကြီး ဦးအောင်မြင့်၊ 40 Litre ဆန့် အောက်ဆီဂျင်အိုးများကို ရဲမှူးချုပ်တင်ကိုကို၊ ကျောက်မဲ မြို့နယ် ပရဟိတအဖွဲ့များအတွက် ထောက်ပံ့ငွေကျပ်(၉၉)သိန်းအား ပြည်နယ် ဥပေဒေချုပ် ဦးစိုင်းကျော်ဇံတို့က အသီးအသီးပေးအပ်ရာ တာဝန်ရှိသူအသီးသီးတို့မှ လက်ခံရယူကြပြီး ကျောက်မဲခရိုင် ကျန်းမာရေးနှင့် ကုသရေး ဦးစီးဌာန ခရိုင်ဆရာဝန်ကြီး ဒေါက်တာကျော်မိုးထွန်းမှ ကိုဗစ် - ၁၉ ရောဂါ ကာကွယ်၊ ထိန်းချုပ်၊ ကုသရေး လုပ်ငန်းများနှင့် စပ်လျဉ်း၍ ရှင်းလင်းတင်ပြကာ ကျေးဇူးတင်စကား ပြန်လည်ပြောကြားကြောင်း သိရသည်။
ကျောက်မဲခရိုင်အတွက် ကိုဗစ် - ၁၉ ရောဂါ ထိန်းချုပ်၊ ကာကွယ်၊ ကုသရေးအတွက် လှူဒါန်းခဲ့သော ပစ္စည်း များတွင် Mask အခုရေ (၁) သောင်း၊ Surgical grown (၂၀၀)၊ Surgical Cap (၂၀၀)၊ 40 Litre Oxygen Cylinder (၄၀)၊ Flow meter (၄၀)၊ Hand gel (၅၀)၊ Oxygen Concentrator (၉)၊ ဖြစ်ကြောင်းသိရသည်။
ထို့နောက် ပြည်နယ် ဝန်ကြီးချုပ်နှင့် တာဝန်ရှိသူများသည် ခန်းမအတွင်း ခင်းကျင်း ပြသထားသော ပန်းခင်းစီမံချက်အရ နိုင်ငံသားစိစစ်ရေးကတ် ဆောင်ရွက်မှု မှတ်တမ်းများအား ကြည့်ရူအားပေးခဲ့ကြပြီး သီပေါမြို့ သမိုင်းဝင် ပေါ်ကြိုမုဋ္ဌောစေတီတော်အား သွားရောက်ဖူးမြော်ကာ ပန်း၊ ရေချမ်း၊ ရွှေသင်္ကန်း ဆက်ကပ်လှူဒါန်းခဲ့၍ အလှူတော်ငွေကျပ်(၁၀)သိန်း ပေးအပ်လှူဒါန်းခဲ့ကြောင်း သိရသည်။
ရှမ်းပြည်နယ်အစိုးရအဖွဲ့

လားရှိုး စက်တင်ဘာ - ၉

103
ရှမ်းပြည်နယ်(မြောက်ပိုင်း) လားရှိုးမြို့တွင် စက်တင်ဘာ(၉)ရက် နံနက်(၉)နာရီက ပန်းခင်းစီမံချက်ဖြင့် နိုင်ငံသားစိစစ်ရေးကတ်ပြားများ ပေးအပ်ကြောင်း သိရသည်။
ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာကျော်ထွန်းက ရှမ်းပြည်နယ်(မြောက်ပိုင်း) လားရှိုး ခရိုင်အတွင်းရှိ လားရှိုး၊ သိန္နီ၊ တန့်ယန်း၊ မိုင်းရယ်၊ ကွမ်းလုံမြို့နယ်များအပြင် မူဆယ်ခရိုင် ကွတ်ခိုင်မြို့နယ်များမှ ပန်းခင်းစီမံချက်အရ ဆောင်ရွက်ပြီးစီးသည့် နိုင်ငံသားစိစစ်ရေးကတ်ပြား(၃၄၉၁)ကတ်ကို ပြည်သူများ လက်ဝယ် အရောက် ပေးအပ်ပွဲဖြစ်သည့်အတွက် ဝမ်းမြောက်ဂုဏ်ယူမိပါကြောင်း၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာနမှ ပြည်သူများအတွက် အိမ်ထောင်စုလူဦးရေစာရင်းနှင့် နိုင်ငံသားစိစစ်ရေး ကတ်ပြားများ ထုတ်ပေးရေး ပန်းခင်းစီမံချက်သည် နိုင်ငံတော်၏ စီမံချက်ကြီးတစ်ခုဖြစ်သလို ပြည်သူလူထုများအတွက် အမှန်တကယ် လိုအပ်ချက်ကို ဖြည့်ဆည်းဆောင်ရွက်ပေးနေသည့် ပြည်သူ့အကျိုးပြု စီမံချက်ဖြစ်ပါကြောင်း၊ နိုင်ငံတော်စီမံ အုပ်ချုပ်ရေး တာဝန်ယူပြီး မိမိတို့အနေဖြင့် ရှမ်းပြည်နယ်(မြောက်ပိုင်း) ခရီးစဉ်များတွင် နိုင်ငံသားစိစစ်ရေးကတ်ပြား ပေးအပ်ပွဲများ ကျင်းပဆောင်ရွက်ခဲ့ရာ ၂၀၂၁ခုနှစ် မေလ(၉)ရက်နေ့တွင် နိုင်ငံသားစိစစ်ရေးကတ်ပြားပေါင်း (၁၄၂၁) ကတ်၊ မေလ(၂၄)ရက်နေ့တွင် (၁၄၂၇)ကတ်၊ ဇွန်လ(၁၄)ရက်နေ့တွင် (၂၆၉၈)ကတ်၊ ယခု စက်တင်ဘာလ (၉)ရက် နေ့တွင် နိုင်ငံသားစိစစ်ရေး ကတ်ပေါင်း(၃၄၉၁)ကတ်၊ စုစုပေါင်း(၉၀၃၇)ကတ်ကို ပေးအပ်နိုင်ခဲ့ပြီ ဖြစ်ပါကြောင်း၊ ပန်းခင်းစီမံချက်သည် ပြည်သူလူထုကို အကျိုးပြုဆောင်ရွက်ပေးနေသည့် နိုင်ငံတော်၏ စီမံချက်ဖြစ်သည့် ပန်းခင်း စီမံချက်၏ ဆောင်ပုဒ်မှာ လူမှုဘဝပြည်စုံဖို့ နိုင်ငံသားကတ်ကိုင်ကြစို့ ဖော်ပြထားသည့်အတွက် ပြည်သူများအားလုံး၊ ဌာနဆိုင်ရာများအားလုံး၊ တိုင်းရင်းသား အဖွဲ့အစည်းများအားလုံး ပူးပေါင်းပါဝင်ဆောင်ရွက်ပေးကြရန် ပြောကြား သည်။
ဆက်လက်၍ နိုင်ငံသားစိစစ်ရေးကတ်ပြားများ ပေးအပ်ရာ တန့်ယန်းမြို့နယ် လွယ်ပန်ကျေးရွာနေ ပလောင် တိုင်းရင်းသားများနှင့် နမ့်ဖလင်းကျေးရွာနေ `ဝ´ တိုင်းရင်းသားများတို့ကို ပြည်နယ်ဝန်ကြီးချုပ် ဒေါက်တာ ကျော်ထွန်းက ပေးအပ်၍လည်းကောင်း၊ တန့်ယန်းမြို့နယ် နမ့်ဟူးလွယ်ကာရွာမှ ရှမ်းတိုင်းရင်းသား၊ သိန္နီမြို့နယ် နောင်ညောင်ကောင်း ဆာခမရတိုင်းရင်းသားများ၊ လားရှိုးမြို့နယ် ရပ်ကွက်(၁)၊ ရပ်ကွက်(၉)၊ ရပ်ကွက်(၄)၊ ရပ်ကွက် (၁၀)၊ ရပ်ကွက်(၁၁) (၁၂)ရှိ တိုင်းရင်းသားများကို ပြည်နယ်ဝန်ကြီးများ၊ ပြည်နယ်ဥပဒေချုပ်တို့က ပေးအပ်၍ လည်းကောင်း၊ တဆရ(၉/၁၀) လားရှိုး၊ ပလောင်တိုင်းရင်းသား၊ နမ့်ပေါင်းရပ်ကွက်ရှိ ကချင်တိုင်းရင်းသားများ၊ မိုင်းရယ်ရှိ ရှမ်းတိုင်းရင်းသားများ၊ လားရှိုးမြို့နယ် နောင်မွန်ကျေးရွာအုပ်စု၊ နမ့်ပူကျေးရွာအုပ်စု၊ မန်အိုင်ကျေးရွာအုပ်စု ဆုံကွယ်ကျေးရွာအုပ်စုမှ တိုင်းရင်းသားများ၊ ကွတ်ခိုင်မြို့နယ် မုန်းဝန်းတိုင်းရင်းသားများ၊ ပလောင်တိုင်းရင်းသားများ၊ မန်ကျယ်ကျေးရွာအုပ်စုမှ ကချင်တိုင်းရင်းသားများ၊ လားရှိုးမြို့နယ် ရမခနှင့် လက်အောက်ခံတပ်ရင်း တပ်ဖွဲ့ဝင်များ၊ မိုင်းရယ်မြို့နယ်ရှိ ဗမာတိုင်းရင်းသားများ၊ တန့်ယန်းမြို့နယ်ရှိ တပ်ရင်း တပ်ဖွဲ့ဝင်များ၊ ကွမ်းလုံမြို့နယ်ရှိ `ဝ´ တိုင်းရင်းသားများ တို့အား `ဝ´ကိုယ်ပိုင်အုပ်ချုပ်ခွင့်ရတိုင်းဦးစီး ဥက္ကဋ္ဌ၊ ပင်လောင်ကိုယ်ပိုင်အုပ်ချုပ်ခွင့်ရဒေသ ဦးစီး ဥက္ကဋ္ဌနှင့် တာဝန်ရှိသူများမှ အသီးသီး ပေးအပ်ခဲ့ကြောင်း သိရသည်။
ထို့နောက် လားရှိုးမြို့နယ် နောင်ရုန်းရပ်ကွက်တွင် တောင်သူဦးလှသိန်း စိုက်ပျိုးသော အစေ့ထုတ်ပြောင်း သိပ္ပံနည်းကျ စံပြကွက်အား ပြည်နယ်ဝန်ကြီးချုပ် ဒေါက်တာကျော်ထွန်းက ကွင်းဆင်းကြည့်ရှုရာ မြို့နယ် စိုက်ပျိုးရေး ဦးစီးဌာနမှ တာဝန်ရှိသူတစ်ဦးမှ ရှင်းလင်းရာ ပြည်နယ်ဝန်ကြီးချုပ်က လိုအပ်သည်များ ဖြည့်စွက်မှာကြားပြီး ရိုးမ ရတနာ ဥစားကြက်မွေးမြူရေးခြံအား သွားရောက်ကြည့်ရှုရာ ခြံပိုင်ရှင်မှ ရှင်းလင်းပြီး ပြည်နယ်ဝန်ကြီးချုပ်မှ ကြက်ခြံ အတွင်း လှည့်လည်ကြည့်ရှုကြသည်။
အဆိုပါ ရိုးမရတနာ ဥစားကြက်ခြံတွင် ကြက်ကောင်ရေ(၃)သောင်းခန့် ထည့်သွင်းမွေးမြူထားပြီး (၁)ရက် လျှင်ကြက်ဥလုံးရေ (၂)သောင်းခွဲလုံးခန့် ထွက်ရှိကာ ကြက်ဥများကို (၁)လုံးကို(၁၀၀)ကျပ်ဖြင့် ရောင်းချပေးလျက် ရှိကြောင်းသိရသည်။
ယင်းနောက် ပြည်နယ်ဝန်ကြီးချုပ်နှင့် တာဝန်ရှိသူများသည် ခမ်းရွှေကုမ္ပဏီ ယုံခမ်းတိရစ္ဆာန် အစာ ထုတ်လုပ်ရေးစက်ရုံသို့ သွားရောက်ကြည့်ရှုကြကြောင်းနှင့် မယ်ဟန်ကျေးရွာအုပ်စုရှိ ရတနာ့ဂုဏ်ရည် ကျောင်းတိုက် သို့သွားရောက်ကာ ယောဆရာတော်ဦးဝိလသအား သာသနာရေးဆိုင်ရာ လိုအပ်သည်များ လျှောက်ထားပြီး ဝါတွင်း ကာလ ဆွမ်းဆန်တော်များ အခက်အခဲမရှိစေရန် လှူဖွယ်ပစ္စည်းများ၊ ဆွမ်းဆန်တော်၊ ဆီများတို့ကို ဆရာတော်ထံ ပြည်နယ်ဝန်ကြီးချုပ် ဒေါက်တာကျော်ထွန်းက ဆက်ကပ်လှူဒါန်းပေးပြီး ဘုန်းတော်ကြီးကျောင်းရှိ ဓမ္မစကူး တက်ရောက်မည့် ကျောင်းသားများအတွက် အားကစားပစ္စည်းများလည်း ပေးအပ် လှူဒါန်းခဲ့ကြောင်းနှင့် မယ်ဟန် ကျေးရွာအုပ်စု ရတနာဂုဏ်ရည် ကျောင်းတိုက်ရှိ ဝါဆို ရဟန်းသံဃာတော် အပါး(၁၀၀)နှင့် ကျေးရွာရှိ အိမ်ခြေ (၅၃၅) အိမ်အတွက် သောက်သုံးရေ ဖူလုံစွာရရှိရေးကို ရှမ်းပြည်နယ် အစိုးရအဖွဲ့မှ လူဒါန်းပေးခဲ့ပြီး ပြည်နယ်ဝန်ကြီးချုပ်နှင့် တာဝန်ရှိသူများက သောက်သုံးရေကန်အား သွားရောက်ကြည့်ရူစစ်ဆေးကြသည်။
၎င်းနောက် ပြည်နယ်ဝန်ကြီးချုပ်နှင့် တာဝန်ရှိသူများသည် သာသနာ(၂၅၀၀) ပြည်လုံးချမ်းသာ ဘုရားကြီး ကျောင်းတိုက်သို့ သွားရောက်၍ ပြည်နယ်သံဃာ့ဝန်ဆောင် ဦးကေသရအား သွားရောက်ဖူးမျှော်ကာ ဆွမ်းဆန်တော်၊ ဆီနှင့် ဝတ္ထုငွေ(၅)သိန်း လှူဒါန်းပေးခဲ့ကြပြီး၊ လားရှိုးမြို့ သီရိမင်္ဂလာမန်ဆူရှမ်းကျောင်းတိုက်သို့ သွားရောက်ကာ ရှမ်းပြည်နယ်အစိုးရအဖွဲ့မှ လှူဒါန်းသော အလှူငွေ ကျပ်သိန်း(၁၀၀)ကို မန်ဆူဆရာတော်ထံ ပြည်နယ်ဝန်ကြီးချုပ်၊ ပြည်နယ်ဝန်ကြီးများက ဆက်ကပ်လှူဒါန်းပေးခဲ့ကြပြီးနောက် နိုင်ငံတော် သြဝါဒစရိယ နိုင်ငံတော် ဗဟိုသံဃ ဝန်ဆောင် ပြည်နယ်၊ မြို့နယ် သံဃာဆရာတော်ကြီးများအား အမှူးထား၍ တပ်မတော် ကြည်း၊ ရေ၊ လေ မိသားစု များ၊ ရှမ်းပြည်နယ်အစိုးရအဖွဲ့၊ ဌာနဆိုင်ရာ ဝန်ထမ်းများနှင့် စေတနာရှင် ဒါယကာ၊ ဒါယိကာမများမှ ဆရာတော် သံဃာတော်၊ သီလရှင်များအတွက် ဒုတိယအကြိမ် ဆွမ်းဆန်စိမ်းနှင့် လှူဖွယ်ပစ္စည်းများ ဆက်ကပ် လှူဒါန်းပွဲ အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ အရှေ့မြောက်ပိုင်းတိုင်း စစ်ဌာနချုပ် တိုင်းမှူး ဗိုလ်မှူးချုပ် နိုင်နိုင်ဦး၊ ပြည်နယ်ဝန်ကြီးများ၊ ပြည်နယ်ဥပဒေချုပ်နှင့် တာဝန်ရှိသူများတို့က နိုင်ငံတော်ဗဟို သံဃာ့ ဝန်ဆောင် အဂ္ဂမဟာ ဂန္တဝါစက ပဏ္ဍိတ မြို့မကျောင်း ဆရာတော် အရှင်သူမြတ်ထံမှ ငါးပါးသီလ ခံယူဆောက်တည် ကြပြီး ဆရာတော် သံဃာတော် အရှင်သူမြတ်တို့က မေတ္တာသုတ် တရားတော် ချီးမြှင့်တော်မူကာ ဆရာတော် သံဃာတော် အရှင်သူမြတ်တို့အား ပြည်နယ်ဝန်ကြီးချုပ် ဒေါက်တာကျော်ထွန်း၊ တိုင်းမှူးဗိုလ်မှူးချုပ် နိုင်နိုင်ဦး၊ ပြည်နယ်ဝန်ကြီးများနှင့် တာဝန်ရှိသူတို့က လှူဖွယ်ပစ္စည်းများနှင့် ဆွမ်းဆန်တော်များ ဆက်ကပ်လှူဒါန်းပေးကြကာ နိုင်ငံတော် ဗဟို သံဃ့ာဝန်ဆောင် အဂ္ဂမဟာ ဂန္တဝါစက ပဏ္ဍိတ မြို့မကျောင်း ဆရာတော်ထံ လှူဒါန်းမှု အစုစု အတွက် အနုမောဒနာ တရားနာယူ၍ ရေစက်သွန်းချ အမျှပေးဝေကာ အခမ်းအနားကို " ဗုဒ္ဓသာသနံ စိရံ တိဋတု" သုံးကြိမ်ရွတ်ဆို ရုပ်သိမ်းလိုက်ကြောင်းနှင့် ရှမ်းပြည်နယ်အစိုးရအဖွဲ့မှ ပလောင်ကိုယ်ပိုင်အုပ်ချုပ်ခွင့်ရဒေသရှိ ဘုန်းတော်ကြီးကျောင်းများနှင့် သီလရှင်ကျောင်းများသို့ ဆွမ်းဆန်တော် (၇၀)အိတ်ကို ပြည်နယ်ဝန်ကြီးချုပ် ဒေါက်တာကျော်ထွန်းက ပေးအပ်ရာ ပလောင်ကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဋ္ဌမှ လက်ခံရယူကြောင်း သိရသည်။
ရှမ်းပြည်နယ်အစိုးရအဖွဲ့

ရပ်စောက် စက်တင်ဘာ - ၈

99
ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာကျော်ထွန်း၊ ပြည်နယ်ဝန်ကြီးများ၊ ပြည်နယ် ဥပဒေချုပ်နှင့် တာဝန်ရှိသူများသည် စက်တင်ဘာ(၈)ရက် နေ့လည်(၁၂)နာရီက ရှမ်းပြည်နယ်(တောင်ပိုင်း) ရွှေညောင် ရပ်စောက်-အင်တော-ကျောက်ဂူ-တောင်ခမ်း-နောင်ချိုလမ်းအား ကွင်းဆင်းကြည့်ရှုစစ်ဆေးရာ ရွှေညောင်-အင်တော-ကျောက်ဂူ-တောင်ခမ်း-နောင်ချိုလမ်းမိုင် အရှည်မိုင် (၁၁၄/၂.၅-၁၄၃/၇.၅=၂၉မိုင်၅ဖာလုံ) လမ်းအကျယ်(၁၈)ပေ (၁၈/၅)မိုင်+၁၁၀´နှင့် ၁၂´အကျယ်(၁၀/၇)မိုင်+၅၅၀´လမ်းများကို ၂၀၂၀-၂၀၂၁ ဘဏ္ဍာရေးနှစ်နှင့် ၂၀၂၁-၂၀၂၂ ဘဏ္ဍာရေးနှစ် ပြည်ထောင်စု/ပြည်နယ် ငွေလုံး၊ ငွေရင်းနှင့် ပြင်ဆင်ထိန်းသိမ်း ခြင်းရန်ပုံငွေဖြင့် ဆောင်ရွက်သည့် လုပ်ငန်းများကို ရှမ်းပြည်နယ်(တောင်ပိုင်း) လမ်းဦးစီးဌာန ညွှန်ကြားရေးမှူး ဦးသူရဇော်မှ ရှင်းလင်းပြီး ရှမ်းပြည်နယ် (မြောက်ပိုင်း) ကျောက်မဲခရိုင်၊ သီပေါမြို့နယ်ရှိ လွိုင်လင်-ပန်ကေတု-သီပေါ(ခိုလုံ)လမ်း၊ (မန်လီ-ခိုလုံ အထိ) လမ်းမိုင် အရှည်မိုင်(၁၀၂/၂-၁၄၉/၂ =၄၇မိုင်၀ဖာလုံ၊ လမ်းအကျယ်၂၃´အကျယ်(၅/၇မိုင်၊ ၁၈´အကျယ်(၈/၃)မိုင် ၁၂´အကျယ် (၃၂/၆)မိုင်၊ လမ်းသားမှာ ကတ္တရာလမ်း ၂၀၂၀-၂၀၂၁ခုနှစ် ဆောင်ရွက်ပြီးစီးမှုနှင့် ၂၀၂၁-၂၀၂၂ခုနှစ် (Mini) လျာထားချက်များ ပန်ညု-ဆောင် ကြဲ-မိုင်းရယ်လမ်းမိုင်(၄၇မိုင်၄ဖာလုံ) လမ်းသားအခြေအနေနှင့် အကျယ်မှာ ၁၈´အကျယ်ကတ္တရာလမ်း(၁၃/၅.၅မိုင်) ၁၂´အကျယ်ကတ္တရာလမ်း(၃၃/၆.၅)မိုင်၊ ကျောက်မဲခရိုင် သီပေါမြို့နယ် အပိုင်း(၂၉/၄)မိုင်၊ လားရှိုးခရိုင်၊ မိုင်းရယ်မြို့နယ် အပိုင်း(၁၈)မိုင် ဆောင်ရွက်နေမှုတို့ကို ရှမ်းပြည်နယ်(မြောက်ပိုင်း) လမ်းဦးစီးဌာန ညွှန်ကြားရေးမှူး ဦးကျော်ကျော်ဝင်းတို့မှ ရှင်းလင်းရာ ပြည်နယ်ဝန်ကြီးချုပ် ဒေါက်တာကျော်ထွန်းက လိုအပ်သည်များ ဖြည့်စွက်မှာကြားခဲ့ကြောင်း သိရသည်။
ဆက်လက်၍ ပြည်နယ်ဝန်ကြီးချုပ် ဒေါက်တာကျော်ထွန်းနှင့် ပြည်နယ်ဝန်ကြီးများနှင့် တာဝန်ရှိသူတို့သည် နောင်ချိုမြို့နယ် လုံရုံးကျေးရွာရှိ သဖန်းကိုင် ပရဟိတ အကယ်ဒမီ ဝိပဿနာ ဓမ္မရိပ်သာတွင် ဆရာတော်အား သွားရောက်ဖူးမျှော်ကာ လှူဖွယ်ပစ္စည်းနှင့် အလှူငွေ ကျပ်(၁၀)သိန်း ပေးအပ်လှူဒါန်းခဲ့ပြီး ငွေရည်ပုလဲမိုင်းနင်း ကုမ္ပဏီမှ Crown ဘိလပ်မြေစက်ရုံအား သွားရောက်ကြည့်ရှုရာ ရှင်းလင်းဆောင်ခန်းမ၌ ငွေရည်ပုလဲကုမ္ပဏီ အမှုဆောင်ဒါရိုက်တာ ဦးစိန်မျိုးအောင်မှ ဘိလပ်မြေစက်ရုံ၊ သကြားစက်ရုံတို့နှင့် ပတ်သက်သည့် အချက်အလက် များအား ရှင်းလင်းရာ ပြည်နယ်ဝန်ကြီးချုပ် ဒေါက်တာကျော်ထွန်းက နိုင်ငံတော်ဝန်ကြီးချုပ်၏ လမ်းညွှန်မှာကြားချက် အတိုင်း ဘိလပ်မြေများ နိုင်ငံခြားကို မှာယူသုံးစွဲမှုမျိုး မရှိရအောင် မိမိဒေသတွင် ဘိလပ်မြေများကို အင်ပြည့်အားပြည့် ထုတ်လုပ်ပေးနိုင်ကြရန်နှင့် ကုန်စည်များ သယ်ယူပို့ဆောင်ရာတွင် လမ်းပန်းဆက်သွယ်ရေး ကောင်းမွန်အောင် လမ်းများကိုလည်း ဆောင်ရွက်ပေးနေကြောင်း ဖြည့်စွက်ပြောကြားသွားပြီး ပြည်နယ်ဝန်ကြီးချုပ်နှင့် တာဝန်ရှိသူ တို့သည် ဘိလပ်မြေစက်ရုံအတွင်းနှင့် တစ်ရက်တန်ချိန်(၁၂၀၀၀)ကြိတ်ဝါးနိုင်မည့် အမှတ်(၃)သကြားစက်ရုံ တည်ဆောက်နေမှုတို့ကို လှည့်လည်ကြည့်ရှုကြကြောင်း သိရသည်။
အဆိုပါ ငွေရည်ပုလဲကုမ္ပဏီမှ ထုတ်လုပ်သော ဘိလပ်မြေမှာ တစ်ရက်တန်ချိန်(၁၀၀၀)+(၄၀၀၀)တန် (၅၀၀၀)ထွက်ရှိပြီး အထက်မြန်မာပြည်အနှံ့ ဖြန့်ချိကြောင်းနှင့် သကြားစက်ရုံတွင် တစ်ရက်တန်(၁၀၀၀)ကြိတ်ဝါး၍ ထွက်ရှိလာသော သဘာဝဓါတ်မြေသြဇာများကိုလည်း နောင်ချိုမြို့ ဒေသခံပြည်သူများအား ပြန်လည်ဖြန့်ချိ ရောင်းချ ပေးလျက်ရှိပြီး ဘိလပ်မြေစက်ရုံမှ လျှပ်စစ်ဓါတ်အား(၆၀)မဂ္ဂါဝပ် ထွက်ရှိကြောင်းလည်း သိရသည်။
ရှမ်းပြည်နယ်အစိုးရအဖွဲ့

နောက်ထပ်သတင်းများဖတ်မည်