We have 531 guests and no members online

တောင်ကြီး ဇူလိုင် - ၅

new 615

၂၀၁၉ ခုနှစ် တောင်ကြီးဇုန်အဆင့် တက္ကသိုလ်/ ကောလိပ်များ အမျိုးသား/ အမျိုးသမီးဘော်လီဘောပြိုင်ပွဲ ဖွင့်ပွဲ အခမ်းအနားကို ဇူလိုင်လ ၅ ရက် နံနက် ၈ နာရီခွဲက တောင်ကြီးမြို့၊ သစ်တောရပ်ကွက်ရှိ ပြည်နယ်လေ့ကျင့်ရေးအားကစားရုံ ခန်းမ၌ ကျင်းပခဲ့ကြောင်း သိရသည်။

အခမ်းအနားတွင် ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီး ဒေါက်တာမျိုးထွန်းက ရှမ်းပြည်နယ်နှင့် ကယားပြည်နယ်ဒေသကိုယ်စားပြု ပြိုင်ပွဲဝင်အားလုံးကို အားကစားစိတ်ဓာတ်အပြည့်အဝဖြင့် ယှဉ်ပြိုင် ကစားကြပြီး မိမိတို့ ဒေသတက္ကသိုလ်၊ ကောလိပ်များ၏ ဂုဏ်ကိုဆောင်ကြရန် မှာကြားလိုကြောင်း၊ ၂၀၁၉ ခုနှစ် ဒီဇင်ဘာလတွင် ဖိလစ်ပိုင်နိုင်ငံ၌ ကျင်းပမည့် အကြိမ်(၃၀)မြောက် အရှေ့တောင်အာရှိအားကစားပြိုင်ပွဲမှာလည်း တက္ကသိုလ်အသီးသီးမှ လက်ရွေးစင် ကျောင်းသား/ ကျောင်းသူများ ပါဝင်ကစားခွင့် ရမှာဖြစ်ပါကြောင်း၊ ဘော်လီဘောအားကစားနည်းမှာလည်း တစ်မျိုးပါဝင်မည်ဖြစ်သည့် အတွက် ပြည်နယ်အသီးသီးမှ လက်ရွေးစင်အားကစားထူးချွန်သူ ကျောင်းသား/ကျောင်းသူများအတွက် အခွင့်အရေးကောင်း တစ်ရပ်ဟု မြင်မိပါကြောင်း၊ ပါဝင်ယှဉ်ပြိုင်ခွင့်ရရှိအောင် လေ့ကျင့်ကြိုးစားသွားရန် လိုအပ်ပါကြောင်း တိုက်တွန်းပြောကြားပြီး ပြိုင်ပွဲကို ဖွင့်လှစ်ပေးခဲ့သည်။

ဆက်လက်၍ ပြိုင်ပွဲအားကစားများက အားကစားသစ္စာဓိဌာန်ရွတ်ဆိုကြပြီး ပြည်နယ်လူမှုရေးဝန်ကြီးနှင့် အဖွဲ့ဝင်များ မှ ပြိုင်ပွဲဝင်အသင်းအုပ်ချုပ်သူများ၊ နည်းပြများနှင့် အားကစားသမားများအား ရင်းရင်းနှီးနှီးလိုက်လံနှုတ်ဆက်သည်။ ထို့နောက် တောင်ကြီးတက္ကသိုလ်အမျိုးသား ဘော်လီဘောအသင်းနှင့် ကျိုင်းတုံတက္ကသိုလ် အမျိုးသားဘော်လီဘောအသင်းတို့ ယှဉ်ပြိုင် ကစားနေမှုကို ပြည်နယ်လူမှုရေးဝန်ကြီး၊ ဌာနဆိုင်ရာတာဝန်ရှိသူများ၊ တက္ကသိုလ်များမှ ပါမောက္ခချုပ်များနှင့် ပါမောက္ခ (ဌာနမှူး)များ၊ ဆရာ/ ဆရာမများနှင့် ကျောင်းသား/ ကျောင်းသူများ၊ ပြိုင်ပွဲဝင်အားကစားသမားများက ကြည့်ရှုအားပေးကြ သည်။

အဆိုပါ ပြိုင်ပွဲတွင် တောင်ကြီး၊ လားရှိုး၊ ကျိုင်းတုံ၊ ပင်လုံနှင့် လွိုင်ကော်တို့မှ ပြိုင်ပွဲဝင်အမျိုးသားဘော်လီဘော အသင်း ၅ သင်းတို့မှ ဇူလိုင်လ ၁၁ ရက်နေ့အထိ ယှဉ်ပြိုင်သွားမည်ဖြစ်ကြောင်း သိရသည်။

အစရ(ရှမ်း)

ကျောက်မဲ ဇူလိုင်   -   ၅

new 614

ရှမ်းပြည်နယ်(မြောက်ပိုင်း)၊ ကျောက်မဲမြို့တွင် ဗိုလ်ချုပ်အောင်ဆန်းရုပ်ထု တည်ဆောက်နေမှုကို ဇူလိုင်(၅)ရက် နံနက် (၈)နာရီ (၄၅)မိနစ်က ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဒေါက်တာလင်းထွဋ်၊ ပြည်နယ်ဝန်ကြီးများနှင့်တာဝန်ရှိသူ များက ကွင်းဆင်းကြည့်ရှုကြပြီး၊ ရှမ်းပြည်နယ်အစိုးရအဖွဲ့မှ ဗိုလ်ချုပ်အောင်ဆန်းရုပ်ထုနှင့် ပန်းခြံပြုပြင်နေမှုကို အလှူငွေကျပ် (၁၀)သိန်းအား ပြည်နယ်ဝန်ကြီးချုပ်မှပေးအပ်ရာ မြို့နယ်စည်ပင်သာယာရေး ကော်မတီဥက္ကဋ္ဌဦးတင်ဝင်းနှင့် မြို့မိမြို့ဖ ဦးစိုးထွန်းတို့က လက်ခံရယူကြသည်။

ဆက်လက်၍ ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့်တာဝန်ရှိသူတို့သည် ကျောက်မဲမြို့၊ ချောင်းချောက်ကျေး ရွာ၌ အစေ့ထုတ်ပြောင်းဖောငမြှောင်တောင်ပိုးနှိမ်နင်းကာကွယ်ရန် ကောင်းကင်ဆေးဖျန်း Drone စက်ဖြင့် ပိုးသတ်ဆေးဖျန်း ခြင်းနှင့် သွင်းအားစုထောက်ပံ့ပစ္စည်းပေးအပ်ပွဲသို့တက်ရောက်ရာ ပြည်နယ်ဝန်ကြီးချုပ်ဒေါက်တာလင်းထွဋ်က အဖွင့်အမှာ စကားပြောကြားပြီး၊ ရှမ်းပြည်နယ်စိုက်ပျိုးရေးဦးစီးဌာန ပြည်နယ်ဦးစီးမှူးဦးတင်ဦးကြိုင်မှ ဖောငမြှောင်တောင်ပိုးကျရောက်မှု နှင့်ပတ်သက်၍ ကာကွယ်နှိမ်နင်းခြင်းလုပ်ငန်းဆောင်ရွက်မှုများအား ရှင်းလင်းပြောကြားကာ Golden Key (မြင်းကျား)ကုမ္ပဏီ M.D ဦးခိုင်မင်းဦးမှ ကောင်းကင်ဆေးဖျန်းစက် Drone ဝန်ဆောင်မှုပေးမည့်အစီအစဉ်နှင့်ပတ်သက်၍ ရှင်းလင်းပြောကြားသည်။

ထို့နောက် ရှမ်းပြည်နယ်အစိုးရအဖွဲ့မှထောက်ပံ့သော ပိုးသတ်ဆေးဖျန်းပုံး၊ အကျႌဝတ်စုံနှင့် ပိုးသတ်ဆေးတို့ကို ပြည်နယ်ဝန်ကြီးချုပ်ဒေါက်တာလင်းထွဋ်၊ ပြည်နယ်ဝန်ကြီးများနှင့် သက်ဆိုင်ရာပြည်နယ်အဆင့်ဌာနဆိုင်ရာများတို့မှ ဒေသခံ တောင်သူများအား အသီးသီးပေးအပ်ကြပြီး၊ ကုမ္ပဏီများမှထောက်ပံ့သော ထောက်ပံ့ပစ္စည်းများကို ဖောငမြှောင်တောင် ကာကွယ်နှိမ်နင်းရေးလုပ်ငန်း ကြီးကြပ်ရေးအဖွဲ့ဥက္ကဋ္ဌ ကျောက်မဲမြို့နယ်အုပ်ချုပ်ရေးမှူး ဦးရဲထွဋ်နိုင်မှ လက်ခံရယူပြီး၊ ကုမ္ပဏီ များမှ ဖောငမြှောင်တောင်ပိုးသတ်ဆေးများကို ဖောငမြှောင်တောင်ကာကွယ်နှိမ်နင်းရေးလုပ်ငန်းကြီးကြပ်ရေးအဖွဲ့ အတွင်း ရေးမှူး စိုက်ပျိုးရေးဦးစီးဌာန မြို့နယ်ဦးစီးမှူးဒေါ်ဖြူဖြူအေးမှ လက်ခံရယူကာ ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူများက Drone ဖြင့်စုပေါင်းဆေးဖျန်းခြင်းကို ကြည့်ရှုအားပေးကြကြောင်းသိရှိရသည်။

မောင်မောင်သန်း(တောင်ကြီး)

09−250132943

တောင်ကြီး ဇူလိုင်   −   ၄

new 619

၂၀၁၉ခုနှစ်၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဖလား ခရိုင်အလိုက် အသက်(၁၇)နှစ်အောက် အမျိုးသား ဘောလုံးပြိုင်ပွဲ ဖွင့်ပွဲအခမ်းအနားကို ဇူလိုင်လ(၃)ရက် မွန်းလွဲ(၂)နာရီခွဲက တောင်ကြီးမြို့ သစ်တောရပ်ကွက်ရှိ ပြည်နယ် အားကစားကွင်း၌ ကျင်းပခဲ့ကြောင်းသိရသည်။

အခမ်းအနားတွင် ပြည်နယ်ဝန်ကြီးချုပ်ကိုယ်စား ပြည်နယ်လူမှုရေးဝန်ကြီး၊ ရှမ်းပြည်နယ်အားကစားနှင့် ကာယပညာ ကော်မတီဥက္ကဌ ဒေါက်တာမျိုးထွန်းက အဖွင့်အမှာစကားပြောကြားပြီး ပြိုင်ပွဲကိုဖွင့်လှစ်ပေးသည်။

ဆက်လက်၍ ပြိုင်ပွဲဝင်အားကစားသမားများက အားကစားသစ္စာအဓိဌာန် ရွတ်ဆိုကြသည်။

ထို့နောက် မူဆယ်ခရိုင်အသင်းနှင့် လင်းခေးခရိုင်အသင်းတို့ အဖွင့်ပွဲစဉ်အနေဖြင့် ယှဉ်ပြိုင်ကစားနေမှုကို ပြည်နယ် လူမှုရေးဝန်ကြီး ရှမ်းပြည်နယ်အားကစားနှင့်ကာယပညာကော်မတီဥက္ကဌ ဒေါက်တာမျိုးထွန်း၊ ပြည်နယ်အားကစားနှင့်ကာယ ပညာဦးစီးဌာန ညွှန်ကြားရေးမှူးဦးကျော်ကျော်သိန်း၊ ဒုတိယညွန်ကြားရေးမှူးနှင့်အဖွဲ့ဝင်များ၊ ပြည်နယ်၊ ခရိုင်၊ မြို့နယ်အဆင့် ဌာနဆိုင်ရာများ၊ ရှမ်းပြည်နယ်ဘောလုံးဆပ်ကော်မတီဥက္ကဌနှင့်အဖွဲ့ဝင်များ၊ ပြိုင်ပွဲဝင်အသင်းများမှ အုပ်ချုပ်သူများနှင့်နည်းပြ များ၊ ပြိုင်ပွဲဝင်အားကစားသမားများ၊ အားကစားဝါသနာရှင်များ တက်ရောက်ကြည့်ရှုအားပေးကြသည်။

အဆိုပါပြိုင်ပွဲသို့ ရှမ်းပြည်နယ်အတွင်းရှိ ခရိုင်(၁၂)ခရိုင်မှ ပြိုင်ပွဲဝင်(၁၂)သင်းတို့မှ ဇူလိုင်လ(၁၅)ရက်နေ့အထိ ယှဉ်ပြိုင်သွားမည်ဖြစ်ရာ ဗိုလ်လုပွဲနှင့်ဆုချီးမြှင့်ပွဲကို အဆိုပါနေ့တွင် စည်ကားသိုက်မြိုက်စွာ ကျင်းပသွားမည်ဖြစ်ပြီး၊ ပြိုင်ပွဲတွင် ဆုရရှိသောအသင်းနှင့် အကောင်းဆုံးအားကစားသမားများကို ရွေးချယ်ကာ တိုင်းဒေသကြီးနှင့် ပြည်နယ်အားကစားပြိုင်ပွဲသို့ ပြည်နယ်ကိုယ်စားပြုလက်ရွေးစင် အသင်းအနေဖြင့် သွားရောက်ယှဉ်ပြိုင်ရမည်ဖြစ်ကြောင်း၊ ပြည်နယ်အားကစားနှင့်ကာယ ပညာဦးစီးဌာနတာဝန်ရှိသူတစ်ဦးကပြောကြားသည်။

အစရ(ရှမ်း)

တောင်ကြီး ဇူလိုင်   −   ၃

new 620

ရှမ်းပြည်နယ်အတွက် ရွှေတံဆိပ်များရယူပေးခဲ့သော ရှမ်းပြည်နယ်အမျိုးသမီး ကြက်တောင်အသင်းနှင့် အမျိုးသား၊ အမျိုးသမီး သေနတ်ပစ်အသင်းအား ဂုဏ်ပြုဆုချီးမြှင့်ပွဲ အခမ်းအနားကို ဇူလိုင်လ(၂)ရက် ည(၇)နာရီက တောင်ကြီးမြို့ ကျောင်းကြီးစုရပ်ကွက်ရှိ Treasure Palace Hotel ခန်းမ၌ ကျင်းပခဲ့သည်။

ဂုဏ်ပြုပွဲတွင် ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီး၊ ရှမ်းပြည်နယ်အားကစားနှင့် ကာယပညာ ကော်မတီဥက္ကဌဒေါက်တာမျိုးထွန်းက ရှမ်းပြည်နယ်အစိုးရအနေဖြင့် အားကစားရုံ၊ အားကစားကွင်းများကို အဆင့်မြှင့်တင် ပြုပြင်ခြင်းလုပ်ငန်းများ ဆောင်ရွက်ပေးလျက်ရှိပါကြောင်း၊ ရှမ်းပြည်နယ်အတွက် ရွှေတံဆိပ်များကို ရယူပေးခဲ့သော ရှမ်း ပြည်နယ်အမျိုးသမီး ကြက်တောင်အသင်းနှင့် အမျိုးသား၊ အမျိုးသမီးသေနတ်ပစ်အသင်းများအား ဂုဏ်ယူမိပါကြောင်း၊ ၎င်းတို့အသင်းများအနေဖြင့် ပြည်နယ်လက်ရွေးစင်မှ နိုင်ငံ့ဂုဏ်ဆောင်အားကစားသမားဖြစ်အောင် ဆက်လက်ကြိုးစားသွား ကြရန်နှင့် မျိုးဆက်သစ်အားကစားသမားများ ပေါ်ထွက်လာအောင် လက်ဆင့်ကမ်းသင်ကြားပေးစေလိုကြောင်း ပြောကြား သွားသည်။

ဆက်လက်၍ ရှမ်းပြည်နယ်အမျိုးသမီး ကြက်တောင်အသင်းနှင့် အမျိုးသား၊ အမျိုးသမီး သေနတ်ပစ်အသင်းတို့မှရရှိ သောတံခွန်စိုက်ဖလားအား အသင်းချုပ်သူများနှင့် တာဝန်ရှိသူတို့ကပေးအပ်ရာ ပြည်နယ်လူမှုရေးဝန်ကြီး၊ ရှမ်းပြည်နယ် အားကစားနှင့် ကာယပညာကော်မတီဥက္ကဌ ဒေါက်တာမျိုးထွန်းက လက်ခံရယူပြီး ရှမ်းပြည်နယ်အားကစားနှင့် ကာယပညာ ဦးစီးဌာနမှ အမျိုးသမီးကြက်တောင်အသင်းအား ဂုဏ်ပြုဆုငွေကျပ်(၁၂)သိန်းနှင့် အမျိုးသား၊ အမျိုးသမီး သေနတ်ပစ်အသင်း အား ဂုဏ်ပြုဆုငွေကျပ်(၂၁)သိန်း၊ ရေကူးပြိုင်ပွဲတွင် ရွှေတံဆိပ်ဆု(၁)ခု ရရှိခဲ့သူများအား ဂုဏ်ပြုဆုငွေများကို ပြန်လည်ပေးအပ် သည်။

ထို့နောက် ပြိုင်ပွဲဝင်အသင်းသား၊ အသင်းသူများကိုယ်စား ရှမ်းပြည်နယ်သေနတ်ပစ်အသင်းမှ မောင်ဇာနည်ထွန်းက ပြိုင်ပွဲအတွေ့အကြုံယှဉ်ပြိုင်ခဲ့ရပုံများနှင့် ကျေးဇူးတင်စကားပြောကြားသည်။

ဆက်လက်၍ ပြည်နယ်လူမှုရေးဝန်ကြီး၊ ရှမ်းပြည်နယ်အားကစားနှင့်ကာယပညာကော်မတီဥက္ကဌဒေါက်တာမျိုးထွန်း၊ ပြည်နယ်အားကစားနှင့်ကာယပညာဦးစီးဌာန ညွှန်ကြားရေးမှူး ဦးကျော်ကျော်သိန်းနှင့်အဖွဲ့များက ပြိုင်ပွဲတွင်အနိုင်ရရှိခဲ့သော သေနတ်တို့အားကြည့်ရှုကြပြီး ပြိုင်ပွဲဝင်အားကစားသမားများနှင့်အတူ ဂုဏ်ပြုညစာသုံးဆောင်ခဲ့ကြောင်းသိရသည်။

၂၀၁၉ခုနှစ်တိုင်းဒေသကြီးနှင့် ပြည်နယ်သေနတ်ပစ်ပြိုင်ပွဲတွင် ရှမ်းပြည်နယ်အသင်းမှ ရွှေ(၅)၊ ငွေ(၁)၊ ကြေး(၂)ရရှိကာ တံခွန်စိုက်ဖလားနှင့် ကြက်တောင်အသင်း ပထမဆုဖလားနှင့် ရေကူးပြိုင်ပွဲတွင်ရွှေတံဆိပ်(၁)ခု တို့ကိုဆွတ်ခူးရရှိကြောင်း သိရ သည်။

အစရ(ရှမ်း)

ရပ်စောက်  ဇူလိုင်- ၄

new 618

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဒေါက်တာလင်းထွဋ်၊ ပြည်နယ်ဝန်ကြီးများ ပြည်နယ် အဆင့်ဌာနဆိုင်ရာ တာဝန်ရှိသူများနှင့်အတူ ဇူလိုင်(၄)ရက် နံနက်(၈)နာရီက ရှမ်းပြည်နယ်(တောင်ပိုင်း) တောင်ကြီးခရိုင်၊ ရပ်စောက်မြို့နယ်၊ အင်းခေါင်းရေကန်စက်များဖြင့် နှုန်းဆည်ယူနေမှုကို ကွင်းဆင်းကြည့်ရှု ခဲ့ရာ တာဝန်ရှိသူတစ်ဦးမှရှင်းလင်းပြီးပြည်နယ်ဝန်ကြီးချုပ်မှ လိုအပ်သည်များဖြည့်ဆည်းမှာကြားခဲ့ကြောင်း သိရသည်။

မောင်မောင်သန်း(တောင်ကြီး)

09 250132943

နောက်ထပ်သတင်းများဖတ်မည်