We have 78 guests and no members online

လားရှိုး -    ၂၇

new 696

ရှမ်းပြည်နယ်(မြောက်ပိုင်း) ပြည်နယ်အဆင့် ကျောင်းအပ်နှံရေးသီတင်းပတ် အခမ်းအနားကို ရှမ်းပြည်နယ် (မြောက်ပိုင်း)၊ လားရှိုးမြို့တွင် မေ ၂၆ က ကျင်းပခဲ့ကြောင်းသိရသည်။ အဆိုပါအခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ကျောင်းအုပ်ဆရာ/ဆရာမကြီးများ၊ သက်ဆိုင်ရာတာဝန်ရှိသူများ တက်ရောက်ခဲ့ကြောင်းသိရသည်။

ထို့နောက် ပြည်နယ်လူမှုရေးဝန်ကြီးနှင့် တာဝန်ရှိသူများသည် ရှမ်းပြည်နယ် (မြောက်ပိုင်း)၊ ပြည်နယ်/ခရိုင်/ မြို့နယ် ပညာရေးမှူးများနှင့် တွေ့ဆုံကာ လိုအပ်ချက်များကို ပေါင်းစပ်ညှိနှိုင်း ဆောင်ရွက်ပေးခဲ့ကြောင်းသိရသည်။

အစရ(ရှမ်း)

တောင်ကြီး မေ  -  ၂၃

new 702

ရှမ်းပြည်နယ်အစိုးရအဖွဲ့ပြည်နယ်ဝန်ကြီးချုပ်ဒေါက်တာလင်းထွဋ်၊ ပြည်နယ်ဝန်ကြီးများ၊ ပအိုဝ်းကိုယ်ပိုင်အုပ်ချုပ်ခွင့်ရ ဒေသဦးစီးအဖွဲ့ဥက္ကဋ္ဌဦးခွန်စံလွင်နှင့်အဖွဲ့ဝင်များ၊ သက်ဆိုင်ရာပြည်နယ်အဆင့်ဌာနတာဝန်ရှိသူများနှင့်အတူ မေ(၂၃)ရက် နံနက်(၉)နာရီက ပေါင်လင်းကျေးရွာအုပ်စု၊ လွယ်တန့်ကျေးရွာ၊ လောကချမ်းသာရဘုန်းတော်ကြီးကျောင်း၌ one stop shop ရွေ့လျားဝန်ဆောင်မှုလုပ်ငန်းဆောင်ရွက်နေမှုကို ကြည့်ရှုကြသည်။

ဆက်လက်၍ ပြည်နယ်ဝန်ကြီးချုပ်ဒေါက်တာလင်းထွဋ်၊ ပြည်နယ်ဝန်ကြီးများနှင့် တာဝန်ရှိသူတို့သည် ရွေ့လျား ဝန်ဆောင်မှုတွင်မြို့နယ်အထွေထွေအုပ်ချုပ်ရေးမှူးဦးစီးဌာနမှဒေသခံပြည်သူများအားလုပ်ငန်းဆောင်ရွက်ပေးနေမှု၊ ကျန်းမာရေး ဌာနမှပြုလုပ်ပြီးသောမွေးဖွားစာရင်း၊ လူဝင်မှုကြီးကြပ်ရေးနှင့်ပြည်သူ့အင်အားဌာနမှပြုလုပ်ပြီးသောနိုင်ငံသားစိစစ်ရေးကဒ်များ၊ အိမ်ထောင်စုဇယားများ၊ လယ်ယာမြေစီမံခန့်ခွဲမှုနှင့် စာရင်းအင်းဦးစီးဌာနမှပြုလုပ်ပြီးလယ်ယာမြေပုံစံ(၇)များ၊ လျှပ်စစ်ဌာနမှ အိမ်သုံးမီတာများ၊ သစ်တောဦးစီးဌာနမှ စိုက်ပျိုးရန်သစ်ပင်များတို့ကို ပြည်နယ်ဝန်ကြီးချုပ်ဒေါက်တာလင်းထွဋ် ပြည်နယ် ဝန်ကြီးများနှင့်သက်ဆိုင်ရာပြည်နယ်အဆင့်တာဝန်ရှိသူများက ဒေသခံပြည်သူများအားအသီးသီးပေးအပ်ခဲ့ကြပြီး သွားကျန်းမာ ရေးဌာနမှဒေသခံပြည်သူများအားဆေးကုသပေးနေမှုကို ကြည့်ရှုအားပေးခဲ့ကြောင်းသိရသည်။

ထို့နောက် ပြည်နယ်ဝန်ကြီးချုပ်ဒေါက်တာလင်းထွဋ် ပြည်နယ်ဝန်ကြီးများဒေသဦးစီးဥက္ကဋ္ဌနှင့် တာဝန်ရှိသူတို့သည် တောင်ငူ-လိပ်သို-ဖာသို-လွိုင်ကော်-ဟိုပုံးလမ်းတိုးချဲ့ဆောင်ရွက်နေမှုများကိုသွားရောက်ကြည့်ရှုရာ ပြည်နယ်ဆောက်လုပ်ရေး နှင့်လမ်းဦးစီးဌာနမှ ပြည်နယ်ဦးစီးမှူးဦးကျော်သီဟကရှင်းလင်းပြီး (၂၀၁၈-၂၀၁၉)ဘဏ္ဍာရေးနှစ် ဆီဆိုင်မြို့နယ်၊ နောင်မွန် ကျေးရွာအုပ်စု၊ နောင်မွန်ကျေးရွာတွင် စက်မှုလယ်ယာစနစ်တကျ လယ်မြေဧက(၂၀၀)ဖော်ထုတ်ခြင်းလုပ်ငန်း သွားရောက် ကြည့်ရှုရာ ကုန်းမြင့်လယ်ယာဦးစီးဌာနမှ ပြည်နယ်ဦးစီးမှူးဦးလှထွန်းကရှင်းလင်းရာ ပြည်နယ်ဝန်ကြီးချုပ်မှ လိုအပ်သည် များကိုဖြည့်စွက်မှာကြားပြီး လယ်ယာမြေဖော်ထုတ်နေမှုကို ကြည့်ရှုကြကြောင်းသိရသည်။

ယင်းနောက်ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ဒေသဦးစီးဥက္ကဋ္ဌနှင့် တာဝန်ရှိသူတို့သည် နယ်စပ်ရေးရာ ဝန်ကြီးဌာနပညာရေးနှင့် လေ့ကျင့်ရေးဦးစီးဌာန၊ အမျိုးသမီးအိမ်တွင်းမှု သက်မွေးလုပ်ငန်းပညာသင်တန်းကျောင်း ဆီဆိုင် မြို့နယ်၊ ဆိုက်ခေါင်သို့ရောက်ရှိလာရာ သင်တန်းကျောင်းမှ ဒုတိယညွှန်ကြားရေးမှူးဦးရွှေဝင်းမှ သင်တန်းကျောင်းနှင့်ပတ်သက် ၍ရှင်းလင်းရာပြည်နယ်ဝန်ကြီးချုပ်မှ လိုအပ်သည်များဖြည့်စွက်မှာကြားခဲ့ကြောင်းသိရသည်။

၎င်းနောက်ဆီဆိုင်မြို့နယ်၊ တဘက်ကျေးရွာအုပ်စု၊ ပန်ကန်းကျေးရွာ၊ ဘုန်းတော်ကြီးကျောင်း၌ one stop shop ရွေ့လျားဝန်ဆောင်မှုလုပ်ငန်းများဆောင်ရွက်နေမှုကို ပြည်နယ်ဝန်ကြီးချုပ်ဒေါက်တာလင်းထွဋ်ပြည်နယ်ဝန်ကြီးများနှင့် တာဝန် ရှိသူများကကြည့်ရှုပြီး၊ မြို့နယ်လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေးဦးစီးဌာနမှ ဒေသခံပြည်သူများအတွက် ပြုလုပ်ပြီးသောနိုင်ငံရေးစိစစ်ရေးကဒ်ပြားများ၊ အိမ်ထောင်စုဇယားများ၊ လယ်ယာမြေပုံစံ(၇)များကိုဒေသခံပြည်သူများအား ပြည်နယ်ဝန်ကြီးချုပ်ပြည်နယ်ဝန်ကြီးများနှင့် သက်ဆိုင်ရာဌာနမှ တာဝန်ရှိသူများကအသီးသီးပေးအပ်ကြ၍ ဒေသခံပြည်သူများ နှင့်တွေ့ဆုံကာ ဒေသလိုအပ်ချက်များဖြစ်သော လယ်ယာမြေပုံစံ(၇)များ၊ လျှပ်စစ်မီးလင်းရရှိရေး၊ အုပ်စုချင်းဆက်လမ်းများ၊ ရွေ့ပြောင်းအလုပ်သမားများ၊ အလုပ်အကိုင်ရှားပါးသောကြောင့်အလုပ်အကိုင်ရရှိရေး၊ နယ်ပြောင်းရွေ့လာသော ဒေသခံပြည်သူ များ၊ အိမ်ထောင်စုဇယားနိုင်ငံသားစိစစ်ရေးကဒ်ပြားများရရှိရေးတို့ကို အသီးသီးတင်ပြကြရာ ပြည်နယ်ဝန်ကြီးချုပ်၊ ပြည်နယ် ဝန်ကြီးများ၊ ဒေသဦးစီးဥက္ကဋ္ဌနှင့် အဖွဲ့ဝင်များကဒေသလိုအပ်ချက်များကို ကဏ္ဍအလိုက်မှတ်သားထားပြီး ဖြည့်ဆည်း ဆောင်ရွက်ပေးသွားမည်ဖြစ်ကြောင်း ပြန်လည်ပြောကြားသွားကာ ဘုန်းကြီးကျောင်းဝင်းအတွင်း၌ သစ်ပင်များစိုက်ပျိုးပေး ကြသည်။

ဆက်လက်၍ ပြည်နယ်ဝန်ကြီးချုပ်ပြည်နယ်ဝန်ကြီးများဒေသဦးစီးဥက္ကဋ္ဌနှင့် တာဝန်ရှိသူတို့သည် ဟိုပုံးမြို့နယ် ပေါင်လင်းကျေးရွာအုပ်စု၊ ညောင်မွန်းကျေးရွာရှိထောပတ်ခြံ၊ သစ်သီးနှံအအေးခန်းနှင့် အခြောက်ခံစက်ရုံသို့သွားရောက် ကြည့်ရှုရာစက်ရုံပိုင်ရှင်ဦးခွန်ထွန်းထွန်းဝင်းမှ ရှင်းလင်းကြောင်းသိရှိရသည်။

မောင်မောင်သန်း(တောင်ကြီး)

09 250132943

တောင်ကြီး မေ −  ၂၄

new 700

ရှမ်းပြည်နယ်အစိုးရအဖွဲ့ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်လျှပ်စစ်၊ စွမ်းအင်နှင့်စက်မှုဝန်ကြီး ဦးစိုင်းရှဲန်တစ်လုံ၊ အစိုးရအဖွဲ့အတွင်းရေးမှူး ဦးစိုးစိုးဇော်တို့နှင့်အတူ မေ(၂၄)ရက် နံနက်(၁၁)နာရီက တောင်ကြီးမြို့ ရှမ်းပြည်နယ်အစိုးရအဖွဲ့ရုံး ပြည်နယ်ဝန်ကြီးချုပ် (call)ခန်းမ၌ ကမ္ဘာ့ဘဏ်မှ Mr. Sunil Kumar Khosla ဦးဆောင်သောအဖွဲ့နှင့် တွေ့ဆုံကြောင်းသိရသည်။

ထိုသို့တွေ့ဆုံရာတွင် Mr. Sunil Kumar Khosla မှ ယခုလိုရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်နှင့် တွေ့ဆုံ ရသည့်အတွက် ဝမ်းသာပါကြောင်း၊ ကမ္ဘာ့ဘဏ်မှ လျှပ်စစ်ကဏ္ဍများကို ဆောင်ရွက်ပေးနေမှုအား လာရောက်ရှင်းလင်းရခြင်း ဖြစ်ကြောင်း၊ မိမိတို့အဖွဲ့သည် ကမ္ဘာ့ဘဏ်တွင် ၂၀၁၂ခုနှစ်တွင်ပြန်လည်ပါဝင်လာပြီး မြန်မာနိုင်ငံကို စတင်ကူညီခဲ့ကြောင်း၊ မြန်မာနိုင်ငံတွင် ဓာတ်အားပေးစက်ရုံအဟောင်းနှင့် အသစ်များကိုလည်း ဆောင်ရွက်ပေးနေကြောင်း၊ သဘာဝဓာတ်ငွေ့များကို စက်ရုံဟောင်းနှင့်စက်ရုံသစ်တွင်အသုံးပြုနေကြောင်း၊ မြန်မာနိုင်ငံတွင် ဓာတ်အားအသုံးပြုနိုင်ရန်လိုအပ်သဖြင့် အမေရိကန် သန်း(၄၀၀)ဖြင့် မြန်မာနိုင်ငံအတွက် မီးရရှိရေးကူညီပေးနေကြောင်း၊ ကျေးရွာများရှိလမ်း၊ ဘုန်းကြီးကျောင်း၊ စာသင်ကျောင်း များမီးရရှိရေးကို ဆောင်ရွက်လိုပါကြောင်း၊ (ksw)သည် ရှမ်းပြည်နယ်တွင်အလုပ်လုပ်ကိုင်လျက်ရှိကြောင်း၊ project တစ်ခု ပြီးပါက နောက် projectကို စဉ်းစားထားပါကြောင်း ကျေးရွာများတွင်လည်း နောက်ထပ်လျှပ်စစ်မီးရရှိရေးကို စဉ်းစားထား ပါကြောင်း၊ ၂၀၁၆−၂၀၁၇ခုနှစ်၊ ၂၀၁၇−၂၀၁၈ခုနှစ်၊ ၂၀၁၈−၂၀၁၉ခုနှစ်များတွင် ကျေးရွာများကို လျှပ်စစ်မီးများရရှိရန် ဆောင်ရွက်ပေးလျက်ရှိပါကြောင်း၊ နောက်ထပ်ကျေးရွာ(၄၇၅)ရွာကိုလည်း ဆောင်ရွက်ပေးရန်ရှိပါကြောင်း ဆွေးနွေးပြောကြား သွားသည်။

ဆက်လက်၍ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဒေါက်တာလင်းထွဋ်က ယခုလိုကမ္ဘာ့ဘဏ်မှ Mr. Sunil Kumar Khosla ဦးဆောင်သောအဖွဲ့နှင့်တွေ့ဆုံရသည့်အတွက်ဝမ်းသာပါကြောင်း၊ ရှမ်းပြည်နယ်အစိုးရအဖွဲ့မှ ကူညီပံ့ပိုးပေး နိုင်မည့်ကဏ္ဍများရှိပါက ကူညီပံ့ပိုးပေးသွားမည်ဖြစ်ကြောင်း၊ ကမ္ဘာ့ဘဏ်နှင့်လက်တွဲ၍ ဆောင်ရွက်ပေးရန်နှင့် ရှမ်းပြည်နယ် တွင်အဓိကလိုအပ်ချက်များကို ဆောင်ရွက်ပေးသည့်အတွက်ကျေးဇူးတင်ရှိပါကြောင်း၊ ဆွေးနွေးပြောကြားသွားကြောင်း သိရှိရ သည်။

မောင်မောင်သန်း(တောင်ကြီး)

09-250132943

တောင်ကြီး မေ  −  ၂၄

new 701

ရှမ်းပြည်နယ်အစိုးရအဖွဲ့၊ ပြည်နယ်ဒေသန္တရ ဖွံ့ဖြိုးတိုးတက်ရေးစီမံကိန်းကော်မတီနှင့် ချစ်ကြည်ရေး ကုမ္ပဏီလီမိတက် တို့အကြား ချင်းရွှေဟော်အထူးစီးပွားရေးဒေသ ဖော်ထုတ်ခြင်းစီမံကိန်းဆိုင်ရာ နားလည်မှု စာချွန်လွှာ MOU သက်တမ်းတိုးမြှင့် ခြင်းအတွက် ဒုတိယအကြိမ်သဘောတူပြင်ဆင်ချက်စာချုပ် လက်မှတ်ရေးထိုးခြင်း အခမ်းအနားကို မေလ(၂၃)ရက် မွန်းလွဲ(၂) နာရီက တောင်ကြီးမြို့သစ်တောရပ်ကွက်ရှိ ရှမ်းပြည်နယ်အစိုးရရုံးအစည်းအဝေးခန်းမ၌ ကျင်းပခဲ့ကြောင်းသိရသည်။

အခမ်းအနားတွင် ရှမ်းပြည်နယ်အစိုးအဖွဲ့၊ ပြည်နယ်ဒေသန္တရ ဖွံ့ဖြိုးတိုးတက်ရေးစီမံကိန်း ကော်မတီဥက္ကဌ စီမံကိန်းနှင့် ဘဏ္ဍာရေးဝန်ကြီး ဦးစိုးညွန့်လွင်က နားလည်မှု စာချွန်လွှာ MOU သဘောတူစာချုပ်လက်မှတ်ရေးထိုးခြင်း ဆိုင်ရာများနှင့် ပက်သက်၍ ရှင်းလင်းပြောကြားပြီး ကုမ္ပဏီလီမီတက်မှ အကြံပေးဦးယုမောင်က နယ်စပ်ဒေသဖွံ့ဖြိုးတိုးတက်ရေးကို ချစ်ကြည်ရေးကုမ္ပဏီမှ အဓိကထားဆောင်ရွက်ပေးခြင်းဖြစ်ပြီး၊ ဒေသဖွံ့ဖြိုးရေးလုပ်ငန်းဆိုင်ရာတို့ကို ရှင်းလင်းပြောကြားသည်။

ထို့နောက် ရှမ်းပြည်နယ်အစိုးအဖွဲ့၊ ပြည်နယ်ဒေသန္တရ ဖွံ့ဖြိုးတိုးတက်ရေးစီမံကိန်း ကော်မတီဥက္ကဌ စီမံကိန်းနှင့် ဘဏ္ဍာရေးဝန်ကြီး ဦးစိုးညွန့်လွင်နှင့် ပြည်နယ်လျှပ်စစ်၊ စက်မှုလက်မှုနှင့်စွမ်းအင်ဝန်ကြီးစိုင်းရှဲန်တစ်လုံတို့နှင့် ချစ်ကြည်ရေး ကုမ္ပဏီလီမီတက်မှ တာဝန်ရှိသူတို့နှင့် ဒုတိယအကြိမ် သဘောတူပြင်ဆင်ချက်စာချုပ်အား လက်မှတ်ရေးထိုးကြပြီး သဘောတူ ပြင်ဆင်ချက်စာချုပ်များကို လဲလှယ်ပေးအပ်ကြသည်။

ဆက်လက်၍ ရှမ်းပြည်နယ်အစိုးအဖွဲ့၊ ပြည်နယ်ဒေသန္တရ ဖွံ့ဖြိုးတိုးတက်ရေးစီမံကိန်း ကော်မတီဥက္ကဌ စီမံကိန်းနှင့် ဘဏ္ဍာရေးဝန်ကြီးဦးစိုးညွန့်လွင်နှင့် တာဝန်ရှိသူတို့သည် လားရှိုးမြို့နယ်၊ ထင်းရှုးမြိုင်အိမ်ရာ စီမံကိန်းတည်ဆောက်ရန်အတွက် လုပ်ငန်းသဘောတူစာချုပ်ကို တတိယအကြိမ် ပြင်ဆင်သည့်စာချုပ်နှင့် အကျိုးတူပူးပေါင်းဆောင်ရွက်ခြင်းစာချုပ် ချုပ်ဆို ခဲ့ကြောင်းသိရသည်။

မောင်မောင်သန်း(တောင်ကြီး)

09-250132943

 

တောင်ကြီး   မေ  −   ၂၄

new 699

ရှမ်းပြည်နယ်ရင်းနှီးမြှုပ်နှံမှုကော်မတီ အစည်းအဝေးအမှတ်စဉ် (၁/၂၀၁၉)ကို မေ(၂၄)ရက်မွန်းလွှဲ(၂)နာရီခွဲက တောင်ကြီးမြို့ ရှမ်းပြည်နယ်အစိုးရရုံး အစည်းအဝေးခန်းမ၌ကျင်းပသည်။

ရှမ်းပြည်နယ်ရင်းနှီးမြှုပ်နှံမှုကော်မတီဥက္ကဋ္ဌ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က ရှမ်းပြည်နယ်ရင်းနှီးမြှုပ်နှံမှုမြှင့်တင်ရေး စီမံကိန်းရေးဆွဲနိုင်ရေးအတွက် ဆွေးနွေးဆုံးဖြတ်စရာများကို ဝိုင်းဝန်းဆွေးနွေး ဆုံးဖြတ်ပေးကြရန် စီမံကိန်းရေးဆွဲနိုင်ရေးအတွက်လည်းကော်မတီအနေဖြင့် လုပ်ငန်းကော်မတီတစ်ရပ်ဖွဲ့စည်းတာဝန်ပေးအပ် သွားရန်နှင့် ဝိုင်းဝန်းဆွေးနွေးပေးကြရန် ကော်မတီအနေဖြင့် အတည်ပြုမိန့်ခွင့်ပြုနိုင်ခဲ့သော အရေအတွက်အားဖြင့်နည်းပါး နေသေးသောကြောင့် ရင်းနှီးမြှုပ်နှံမှုများ ပိုမိုစီးဝင်လာစေရန် ကော်မတီဝင်များအားလုံးမှ ကြိုးပမ်းဆောင်ရွက်ပေးကြရန် ပြောကြားသည်။

ဆက်လက်၍ ရှမ်းပြည်နယ်ရင်းနှီးမြှုပ်နှံမှု ကော်မတီအတွင်းရေးမှူး ဦးလေးနိုင်မှ ရှမ်းပြည်နယ်ရင်းနှီးမြှုပ်နှံမှု မြှင့်တင်ခြင်း စီမံကိန်းရေးဆွဲနိုင်ရန်အတွက် လုပ်ငန်းစဉ်အဆင့်များနှင့် ခန့်မှန်းကာလအနှစ်ချုပ်ဖော်ပြချက် မူကြမ်းအား ရှင်းလင်း ဆွေးနွေးတင်ပြပြီး ရင်းနှီးမြှုပ်နှံမှုကော်မတီအဖွဲ့ဝင်များမှ ပါဝင်ဆွေးနွေးကာ ရှမ်းပြည်နယ်ရင်းနှီးမြှုပ်နှံမှုကော်မတီ ဥက္ကဋ္ဌ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်မှ နိဂုံးချုပ်စကားပြောကြားခဲ့ကြောင်းသိရှိရသည်။

မောင်မောင်သန်း(တောင်ကြီး)

09−250132943

နောက်ထပ်သတင်းများဖတ်မည်