We have 487 guests and no members online

တောင်ကြီး ဖေဖော်ဝါရီ - ၂၅

new 796

ကျန်းမာရေးနှင့်အားကစားဝန်ကြီးဌာန၊ ကုသရေးဦးစီးဌာန၏ ၂၀၁၈-၂၀၁၉ ဘဏ္ဍာရေးနှစ် ခွင့်ပြုရန်ပုံငွေဖြင့် ၁၆ ကုတင် ဆံ့တိုက်နယ်ဆေးရုံတည်ဆောက်ရန်ပန္နက်ရိုက်မင်္ဂလာအခမ်းအနားကို ဖေဖော်ဝါရီ ၂၃ ရက် နံနက် ၉ နာရီက ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်၊ မိုင်းပျဉ်းကျေးရွာအုပ်စု၊ ဖာလဲကျေးရွာ အဆိုပါဆေးရုံတည် ဆောက်မည့်နေရာ၌ကျင်းပခဲ့ကြောင်းသိရသည်။

ပထမဦးစွာရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီးဒေါက်တာမျိုးထွန်း၊ ပအိုဝ်းကိုယ်ပိုင်အုပ်ချုပ်ခွင့်ရ ဒေသဦးစီးအဖွဲ့ဥက္ကဋ္ဌဦးခွန်စံလွင်၊ ပြည်နယ်လွှတ်တော် ကိုယ်စားလှယ်ဦးခွန်မောင်ဖြူနှင့်တာဝန်ရှိသူတို့က သတ်မှတ်နေရာ များတွင်နေရာယူ၍ မင်္ဂလာချိန်ကျရောက်သည်နှင့်ပန္နက် တိုင်များရိုက်ပေးခဲ့ကြောင်းသိရသည်။ ဆက်လက်၍ ဆိုဒ်တာဝန်ခံ ဦးဆွေဖုန်းက (၁၆)ကုတင်ဆံ့တိုက်နယ်ဆေးရုံတည်ဆောက်ရေးဆိုင်ရာများနှင့်ဝန်ထမ်း၊ ဆရာဝန်၊ သူပြုဆရာမများ၏ အိမ်ရာများ တည်ဆောက်မည့်ပုံစံများကိုရှင်းလင်းပြသရာ ပြည်နယ်လူမှုရေးဝန်ကြီး ဒေါက်တာမျိုးထွန်းက လိုအပ်သည်များ လမ်းညွန်မှာကြားခဲ့ကြော င်းသိရသည်။

အဆိုပါ မိုင်းပျဉ်းကျေးရွာအုပ်စု၊ ဖာလဲတိုက်နယ် (၁၆)ကုတင်ဆံ့ဆေးရုံကိုမြို့ ပြနှင့်အလှမ်း ကွာသည့်ကျေးလက်နေ ဒေသခံပြည်သူများ ကျန်းမာရေးစောင့်ရှောက်မှုပေးနိုင်ရေးအတွက် ကျန်းမာရေးနှင့်အားကစားဝန်ကြီးဌာန၊ ကုသရေးဦး စီးဌာန၏၂၀၁၈-၂၀၁၉ ဘဏ္ဍာရေးနှစ်ခွင့်ပြုရန်ပုံငွေ (၆၃၈.၃)သန်းဖြင့် Shan Home Land ဆောက်လုပ်ရေး ကုမ္ပဏီမှ တာဝန် ယူဆောက်ရွက်သွားမည်ဖြစ်ပြီး၊ ဆေးရုံမှာ အလျား(၁၄၁)ပေ၊ အနံ(၁၄၁)ပေရှိ RCတစ်ထပ် ပင်မအဆောက်အဦ၊ (၂)ခန်းတွဲ၊ ဆရာဝန်နေအိမ် (၃)ခန်းတွဲ၊ ဝန်ထမ်းအိမ်ရာ၊ (၄)ခန်းတွဲသူနာပြုအိမ်ရာနှင့် (၄)ခန်းတွဲဝန် ထမ်းအိမ်ရာတို့ ပါရှိကြောင်းသိရသည်။

အစရ(ရှမ်း)

တောင်ကြီး ဖေဖော်ဝါရီ - ၂၅

new 795


ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ရှမ်းပြည်နယ်အားကစားနှင့် ကာယပညာ ဦးစီးဌာန ညွှန်ကြားရေးမှူး ဦးကျော်ကျော်သိန်းနှင့်အတူ ဖေဖော်ဝါရီ ၂၅ နံနက် ၉ နာရီခွဲက ရှမ်းပြည်နယ်အတွင်းရှိ ဆောက်လုပ်ရေးကုမ္ပဏီများမှ လှူဒါန်းသော (ရန်ပုံငွေဖြင့်) ရှမ်းပြည်နယ် အားကစားကွင်း အဆင့်မြှင့်တင်ပြုပြင်ခြင်းလုပ်ငန်း ဆောင်ရွက်နေမှုများအား လှည့်လည်ကြည့်ရှု စစ်ဆေးခဲ့ရာ ပြည်နယ်လူမှုရေးဝန်ကြီးက စံချိန်စံညွှန်းပြည့်မှီစွာဖြင့် သတ်မှတ်ကာလအတွင်း ပြီးစီးအောင် ဆောင်ရွက်ပေးကြရန် မှာကြားခဲ့ကြောင်းသိရသည်။

မောင်မောင်သန်း(တောင်ကြီး)

ခရိုင် ပြန်/ဆက်

တောင်ကြီး ဖေဖော်ဝါရီ - ၂၀

new 800

ရှမ်းပြည်နယ်လယ်ယာမြေနှင့် အခြားမြေများ သိမ်းဆည်းခြင်းခံရမှု ပြန်လည်စိစစ်ရေးကော်မတီ အမှတ်စဉ်(၂/၂၀၁၉) လုပ်ငန်းညှိနှိုင်းအစည်းအဝေးကို ဖေဖော်ဝါရီ(၂၀)ရက် နံနက် ၉ နာရီခွဲက တောင်ကြီးမြို့၊ ရှမ်းပြည်နယ်အစိုးရအဖွဲ့ အစည်းအဝေးခန်းမ၌ ကျင်းပသည်။

ရှမ်းပြည်နယ်လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးဗဟိုကော်မတီ ဥက္ကဌ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က လယ်ယာမြေနှင့် အခြားမြေများသိမ်းဆည်းခံရမှုများ ပြန်လည်စိစစ်ရေးဗဟိုကော်မတီကို ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတရုံး၏ ၂၀၁၉ ခုနှစ် ဖေဖော်ဝါရီ ၅ ရက်စွဲပါအမိန့်ကြော်ငြာစာအမှတ် ၂၁/၂၀၁၉ ဖြင့် ပြင်ဆင်ဖွဲ့စည်းထားရှိပြီဖြစ်ကြောင်း၊ တိုင်ကြားစာစိစစ်ချက်များတွင် အသုံးပြုရန်လိုအပ်ချက်အရ မစွန့်လွှတ်သည့် ကိစ္စရပ်များအပေါ်တွင် ချမှတ်ထားသော မူဝါဒများနှင့် ကိုက်ညီမှုရှိ/ မရှိ အသေးစိတ် စိစစ်ဆောင်ရွက်သွားရန်လိုအပ်ပါကြောင်း၊ ဥပဒေနှင့် ညီညွှတ်မှုမရှိဘဲ သိမ်းဆည်းပြီးအချိန်ထိ အသုံးပြုခြင်း မရှိဘဲ နောင်တွင်အသုံးပြုရန်ရှိနေသည့် လုပ်ငန်းဆောင်ရွက်ရန်ရှိနေသည်မှာ မူဝါဒနှင့် ဆန့်ကျင်နေပါကြောင်း၊ နိုင်ငံတော်က ချမှတ်ထားသော မူဝါဒလမ်းစဉ်များနှင့် အညီ အလေးထားလိုက်နာကာ စိစစ်ဆောင်ရွက်ကြရန်လိုအပ်ပါကြောင်း၊ မူဝါဒများကို ပီပီပြင်ပြင် အကောင်အထည်ဖော်ဆောင်ရွက်ပေးကြရန် နိုင်ငံတော်သမ္မတကြီးက လမ်းညွှန်မှာကြားခဲ့ပြီးဖြစ်ကြောင်း၊ ယခင် မြေအသုံးချမှု စီမံခန့်ခွဲရေးဗဟိုကော်မတီလက်ထက် အစီရင်ခံစာ အပိုင်း (၁) မှ (၁၈) ထိ မြေယာကိစ္စတိုင်ကြားစာ အမှုပေါင်း (၂၃၃၃)မှုနှင့် ပတ်သက်ပြီး အစီရင်ခံစာအပိုင်းအလိုက်၊ အမှုတစ်ခုချင်းအလိုက် စိစစ်တွေ့ရှိချက် အခြေအနေများကို လယ်ယာ မြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးဗဟိုကော်မတီသို့ သွားရောက်စိစစ်ရှင်းလင်း ဆောင်ရွက် လျက်ရှိပါကြောင်း၊ ယခုလယ်ယာမြေနှင့် အခြားမြေများသိမ်းဆည်းခြင်းခံရမှုများ ပြန်လည်စိစစ်ရေးဗဟိုကော်မတီက ပေးပို့လာသော အမှုတွဲပေါင်း (၅၂၄)မှုအပေါ် ခရိုင်မြေ/စစ်ကော်မတီများက စိစစ်တင်ပြရန် ကျန်ရှိနေသော အမှုကိစ္စပေါင်း (၁၂၂)မှုကို ဗဟိုကော်မတီက ချမှတ်ထားသော မူဝါဒများ၊ လမ်းစဉ်များနှင့်အညီ မှန်မှန်ကန်ကန်၊ မြန်မြန်ဆန်ဆန် စိစစ်ဖြေရှင်း ဆောင်ရွက်ပေးကြရန် ပြောကြားလိုကြောင်း၊ အသုံးပြန်ရန်လိုအပ်မှုမရှိသဖြင့် ပြန်လည်စွန့်လွှတ်သည့်မြေယာများကို သက်ဆိုင်သူများလက်ဝယ်သို့ လွှဲပြောင်းပေးအပ်ရန် ကျန်ရှိသော အမှုကိစ္စပေါင်း (၈)မှု စွန့်လွှတ်မြေဧရိယာ(၁၂၃၈.၆၇၂)ဧကကို အမြန်ဆုံးပြန်လည်လွှဲပြောင်းပေးအပ်နိုင်ရေး ကော်မတီအဆင့်ဆင့်အနေဖြင့် အထူးကြိုးပမ်းဆောင်ရွက်ပေးစေရန်နှင့် ဌာန အချင်းချင်းလွှဲပြောင်းရန်အတွက် ပြန်လည်စွန့်လွှတ်သည့် မြေများကိုလည်း သက်ဆိုင်ရာဌာနအမည်ပေါက် လျှောက်ထား ဆောင်ရွက်နိုင်ရေးအတွက် သက်ဆိုင်ရာဌာနများကို အသိပေးအကြောင်းကြား ဆောင်ရွက်သွားကြရန် ပြောကြားသွားသည်။

ဆက်လက်၍ ရှမ်းပြည်နယ်လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးကော်မတီ အဖွဲ့ဝင် ရှမ်းပြည်နယ်အစိုးရအဖွဲ့ ပြည်နယ်စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးစိုင်းလုံကျော်က ရှမ်းပြည်နယ်အတွင်း မြေယာကိစ္စတိုင်ကြားစာများအပေါ် ဖြေရှင်းဆောင်ရွက်မှုအခြေအနေနှင့် စွန့်လွှတ်မြေများကို မူလ တောင်သူများထံသို့ ပြန်လည်လွှဲပြောင်းပေးအပ်မှုအခြေအနေများကို ရှင်းလင်းတင်ပြပြီး၊ ရှမ်းပြည်နယ်အတွင်းရှိ ခရိုင် လယ်ယာမြေနှင့် အခြားမြေများသိမ်းဆည်းခြင်းခံရမှုများ ပြန်လည်စိစစ်ရေးကော်မတီများက လုပ်ငန်းဆောင်ရွက်မှုအခြေအနေ များကို ခရိုင်အလိုက်ရှင်းလင်းတင်ပြကာ တက်ရောက်လာသူများမှ အထွေထွေဆွေးနွေးကြ၍ ရှမ်းပြည်နယ်လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးဗဟိုကော်မတီ ဥက္ကဌ ရှမ်းပြည်နယ်အစိုးရအဖွဲ့ ပြည်နယ် ဝန်ကြီးချုပ်က နိဂုံးချုပ်အမှာစကားပြောကြားခဲ့ကြောင်းသိရသည်။

မောင်မောင်သန်း(တောင်ကြီး)

တောင်ကြီး ဖေဖော်ဝါရီ -၂၂

new 797

ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ပြည်နယ် စည်ပင်သာယာရေး ဒုတိယအင်ဂျင်နီယာမှူးကြီး ဦးဇော်ဇော်ထွန်းနှင့် အဖွဲ့တို့သည် ရှမ်းချယ်ရီတောင်တန်း ဆောက်လုပ်ရေးကုမ္ပဏီမှ တာဝန်ယူဆောက်လုပ်လျှက်ရှိသော အမှတ်(၁၀)အခြေခံပညာမူလတန်းကျောင်း တောင်ကြီး၊ ကျောင်းဆောင်သစ်ဆောက်လုပ်ရေး လုပ်ငန်းခွင်သို့ ယနေ့ မွန်းလွဲ ၂ နာရီခွဲတွင် သွားရောက်စစ်ဆေးခဲ့ကြောင်းသိရသည်။

ဆက်လက်၍ ပြည်နယ်လူမှုရေးဝန်ကြီးမှ ပညာရေးဌာနနှင့်ဆောက်လုပ်ရေးကုမ္ပဏီမှ တာဝန်ရှိသူတို့အား လိုအပ်ချက် များဖြည့်ဆည်းဆောင်ရွက်ထားရန်နှင့် စံချိန်စံညွှန်းပြည့်မှီ စွာဖြင့် သတ်မှတ်ကာလအမှီ ပြီးစီးရေးအတွက် တည်ဆောက်ရေးလုပ်ငန်းအဆင့်တိုင်းအား မြို့နယ်အရည်အသွေး စစ်ဆေးရေးအဖွဲ့က စစ်ဆေးနိုင်အောင် ပညာရေးဌာနနှင့် ကုမ္ပဏီတို့မှ ကြီးကြပ်ဆောင်ရွက် သွားရန် မှာကြားခဲ့ကြောင်းသိရသည်။

အစရ(ရှမ်း)

နမ့်ဆန် ဖေဖော်ဝါရီ - ၂၀

new 799

ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ပြည်နယ်သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီး ဒေါက်တာညီညီအောင်၊ ပြည်နယ်စည်ပင်သာယာရေးဝန်ကြီး ဦးစိုင်းစွံ့ဆိုင်း၊ ပြည်နယ်လျှပ်စစ်၊ စွမ်းအင်နှင့် စက်မှုဝန်ကြီး ဦးစိုင်းရှဲန်တစ်လုံ၊ ဗမာတိုင်းရင်းသား လူမျိုးရေးရာဝန်ကြီး ဒေါက်တာအောင်သန်းမောင်၊ ပြည်နယ်ဥပဒေချုပ် ဦးတင်ဦးနှင့်အဖွဲ့သည် ဖေဖော်ဝါရီ ၁၇ ရက်နှင့် ၁၈ ရက်နေ့များတွင် ပလောင်ကိုယ်ပိုင်အုပ်ချုပ် ခွင့်ရဒေသ နမ့်ဆန်မြို့နယ်နှင့် မန်တုံ မြို့နယ်များသို့ ဒေသဖွံ့ဖြိုးရေးကွင်းဆင်းစစ်ဆေးပြီး တာဝန် ရှိသူများ၊ ဒေသခံပြည်သူများနှင့်တွေ့ဆုံ၍ ၎င်းတို့၏တင်ပြချက်များအား ပေါင်းစပ်ညှိနှိုင်း ဖြည့်ဆည်းပေးခဲ့ကြောင်းသိရသည်။

အဆိုပါခရီးစဉ်အတွင်း နမ့်ဆန်နှင့် မန်တုံမြို့နယ်များအတွက် ပြည်နယ်လူမှုရေးဝန်ကြီးမှ ဗလာ စာအုပ် ဒါဇင်(၂၀၀)စီနှင့် အားကစားပစ္စည်းများအားလည်းကောင်း၊ ပြည်နယ်စည်ပင်သာယာရေးဝန်ကြီးမှ ရေပိုက်များအားလည်းကောင်း၊ ဗမာတိုင်းရင်းသားလူမျိုးရေးရာဝန်ကြီးမှ မူကြိုကျောင်းသုံး အထောက် အကူပြုပစ္စည်းများအား လည်းကောင်း ထောက်ပံ့ပေးအပ်ခဲ့ကြောင်းသိရသည်။

အစရ(ရှမ်း)

နောက်ထပ်သတင်းများဖတ်မည်