သတင်းများ

ရှမ်းပြည်နယ်အတွင်း Coronavirus Disease 2019 (COVID-19)ကာကွယ်ထိန်းချုပ် ကုသရေးလုပ်ငန်းများတွင် အသုံးပြုရန်အတွက် အလှူငွေလှူဒါန်း

တောင်ကြီး မေ   −   ၁၅

97

ရှမ်းပြည်နယ်အတွင်း Coronavirus Disease 2019 (COVID-19)ကာကွယ် ထိန်းချုပ် ကုသရေးလုပ်ငန်းများတွင် အသုံးပြုရန်အတွက် အလှူငွေလှူဒါန်းခြင်းကို မေလ ၁၅ ရက် မွန်းလွဲ ၁ နာရီခွဲက တောင်ကြီးမြို့၊ ရှမ်းပြည်နယ်အစိုးရရုံး အစည်းအဝေးခန်းမ၌ ပြုလုပ်ခဲ့ကြောင်းသိရသည်။

အဆိုပါလှူဒါန်းပွဲတွင် တောင်ကြီး၊ အောင်ပန်း၊ ကလော၊ ရပ်စောက် တေဇကျောင်းဆင်း ညီနောင်အရာရှိ (၄၃)ဦးတို့မှ အလှူငွေကျပ်(၁၅)သိန်း ပေးအပ်ရာ ရှမ်းပြည်နယ်အစိုးရအဖွဲ့ ပြည်နယ်စီမံကိန်းနှင့်ဘဏ္ဍာရေးဝန်ကြီး ဦးစိုးညွန့်လွင်မှ လက်ခံရယူ၍ ပြည်နယ်စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးစိုင်းလုံကျော်မှ ဂုဏ်ပြုမှတ်တမ်းလွှာ ပြန်လည်ပေးအပ် ခဲ့ကြောင်း သိရသည်။

မောင်မောင်သန်း(တောင်ကြီး)

၀၉၂၅၀၁၃၂၉၄၃

 

ရှမ်းပြည်နယ် မြေလွတ်၊ မြေလပ်နှင့်မြေရိုင်းများ စီမံခန့်ခွဲရေးလုပ်ငန်းကော်မတီ အစည်းအဝေးကျင်းပ

တောင်ကြီး မေ   −   ၁၅

96

ရှမ်းပြည်နယ် လယ်ယာမြေစီမံခန့်ခွဲမှုအဖွဲ့ အစည်းအဝေးအမှတ်စဉ်(၂/၂၀၂၀)နှင့် ပြည်နယ်မြေလွတ်၊ မြေလပ်နှင့် မြေရိုင်းများ စီမံခန့်ခွဲရေးလုပ်ငန်း ကော်မတီအစည်းအဝေး အမှတ်စဉ်(၂/၂၀၂၀)ကို မေလ (၁၅)ရက် နံနက်(၁၀)နာရီက တောင်ကြီးမြို့ ရှမ်းပြည်နယ်အစိုးရရုံး အစည်းအဝေးခန်းမ၌ ကျင်းပသည်။

ရှမ်းပြည်နယ် လယ်ယာမြေစီမံခန့်ခွဲမှုအဖွဲ့ဥက္ကဋ္ဌ၊ ပြည်နယ်မြေလွတ်၊ မြေလပ်နှင့်မြေရိုင်းများ စီမံခန့်ခွဲရေးကော်မတီ ဥက္ကဋ္ဌရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဒေါက်တာလင်းထွဋ်က Covid-19 ရောဂါ ဖြစ်ပွားနေသောကြောင့် အစည်းအဝေး မကျင်းပရသည်မှာ ကြန့်ကြာခဲ့ပြီး ယနေ့အစည်းအဝေးကို အောင်မြင်စွာ ပြုလုပ်နိုင်သည့်အတွက် ကျေးဇူးတင်ရှိ ပါကြောင်း ပြောကြားသည်။

ဆက်လက်၍ လယ်ယာမြေစီမံခန့်ခွဲရေး လုပ်ငန်းအဖွဲ့အစည်းအဝေးအမှတ်စဉ်(၁/၂၀၂၀) ဆုံးဖြတ်ချက်နှင့် မြေလွတ်၊ မြေလပ်နှင့်မြေရိုင်းများ စီမံခန့်ခွဲရေးလုပ်ငန်းကော်မတီအစည်းအဝေးအမှတ်စဉ်(၁/၂၀၂၀) ဆုံးဖြတ်ချက်များအား ရှမ်းပြည်နယ် လယ်ယာမြေစီမံခန့်ခွဲမှုအဖွဲ့ အတွင်းရေးမှူး၊ ပြည်နယ်မြေလွတ်၊မြေလပ်နှင့်မြေရိုင်းများ စီမံခန့်ခွဲရေးလုပ်ငန်းကော်မတီ အတွင်းရေးမှူး၊ လယ်ယာမြေစီမံခန့်ခွဲမှုနှင့် စာရင်းအင်းဦးစီးဌာန ညွှန်ကြားရေးမှူး ဦးဆန်းဝင်းက ဆုံးဖြတ်ချက်များအား ဖတ်ကြားအတည်ပြုရယူပြီး လယ်ယာမြေလုပ်ပိုင်ခွင့်ပြုလက်မှတ် ပုံစံ(၇) ထုတ်ပေးခြင်းလုပ်ငန်း လျာထားချက်အပေါ် ပြင်ဆင် လျာထားဆောင်ရွက်ခွင့်ပြုနိုင်ပါရန် ဗဟိုလယ်ယာမြေစီမံခန့်ခွဲမှုအဖွဲ့သို့ ပေးပို့တင်ပြထားရှိပြီးဖြစ်သည့်အတွက် မှတ်တမ်းတင် ထားရှိနိုင်ရေး ဆွေးနွေးဆုံးဖြတ်ခြင်းနှင့် ပြည်နယ်လယ်ယာမြေလုပ်ပိုင်ခွင့် အငြင်းပွားမှု အမှုတွဲ(၁၂)တွဲအား ဆွေးနွေးဆုံးဖြတ်ကာ မြေယာလျော်ကြေး/နစ်နာကြေးအမှုတွဲ (၆)တွဲအား ဆွေးနွေးဆုံးဖြတ်ကြသည်။

ထို့နောက် ပြည်နယ်လယ်ယာမြေ စီမံခန့်ခွဲမှုအဖွဲ့အစည်းအဝေးအမှတ်စဉ်(၂/၂၀၂၀) တင်ပြချက်များအား ဆွေးနွေး ဆုံးဖြတ်ခြင်း၊ ပြည်နယ် မြေလွတ်၊ မြေလပ်နှင့်မြေရိုင်းများ စီမံခန့်ခွဲရေးလုပ်ငန်းကော်မတီအစည်းအဝေး အမှတ်စဉ်(၂/၂၀၂၀) တင်ပြချက်များအား ဆွေးနွေးဆုံးဖြတ်ကာ တက်ရောက်လာသူများမှ အထွေထွေဆွေးနွေးကြပြီး ရှမ်းပြည်နယ် လယ်ယာ မြေစီမံခန့်ခွဲမှု အဖွဲ့ဥက္ကဋ္ဌ၊ ပြည်နယ်မြေလွတ်၊ မြေလပ်နှင့်မြေရိုင်းများ စီမံခန့်ခွဲရေးကော်မတီဥက္ကဋ္ဌ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဒေါက်တာလင်းထွဋ်မှ နိဂုံးချုပ်စကားပြောကြားခဲ့ကြောင်း သိရှိရသည်။

မောင်မောင်သန်း(တောင်ကြီး)

၀၉−၂၅၀၁၃၂၉၄၃

 

Home Garden စိုက်ပျိုးရန်မျိုးစေ့ နှင့်ပျိုးပင်များအခမဲ့ဖြန့်ဝေပေး

တောင်ကြီး မေ-၆

91

COVID-19ရောဂါဖြစ်ပွားနေသည့်ကာလတွင် လူစုလူဝေးရှောင်ရှားရမည့်ကာလများဖြစ်သဖြင့် မီးဖိုချောင်သုံး စားသုံးသီးပင်များအတွက် တစ်ပိုင်တစ်နိုင်စိုက်ပျိုးခြင်းဖြင့် လူဦးရေထူထပ်သည့်စျေးများသို့ သွားရောက်ဝယ်ယူခြင်းကို လျှော့ချနိုင်ရန် မိမိနေအိမ်ခြံဝင်းအတွင်း ဟင်းသီးဟင်းရွက်နှင့် သီးပင်စားပင်များ စိုက်ပျိုးနိုင်ရေးအတွက်နှင့် တောင်ကြီးမြို့ပေါ်ရှိ ရပ်ကွက်နေပြည်သူများအား အာဟာရပြည့်ဝသော မျိုးစေ့ ပျိုးပင်များကို အခမဲ့ဖြန့်ဝေခြင်းကို မေ(၆)ရက် နံနက်(၈)နာရီက တောင်ကြီးမြို့ပေါ်ရပ်ကွက်(၅)ရပ် ကွက်ဖြစ်သော သစ်တောရပ်ကွက်၊ ကျောင်းကြီးစုရပ်ကွက်၊ ကံကြီးရပ်ကွက်၊ ရေအေးကွင်းရပ်ကွက်၊ ဘုရားဖြူရပ်ကွက်တို့ကို ဖြန့်ဝေပေးကြောင်းသိရသည်။ 

ရှမ်းပြည်နယ်အစိုးရအဖွဲ့မှ ဦးဆောင်၍ တောင်ကြီးမြို့ပေါ်ရှိ ရပ်ကွက်ပြည်သူများအား Home Garden စိုက်ပျိုးနိုင်ရန်အတွက် အခမဲ့မျိုးစေ့နှင့်ပျိုးပင်များကို ရှမ်းပြည်နယ်အစိုးရအဖွဲ့၊ ပြည်နယ် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးစိုင်းလုံကျော်မှ ဦးဆောင်ကာ ပြည်နယ်စိုက်ပျိုးရေး ဦးစီးဌာနမှ ပြည်နယ်/ ခရိုင်/ မြို့နယ်တို့မှ ပြည်နယ်မှူးနှင့် တာဝန်ရှိဝန်ထမ်းများက တောင်ကြီးမြို့၊ သစ်တောရပ်ကွက်၊ အရှေ့မြို့ပတ်လမ်းတစ်လျှောက်ရှိ ပြည်သူများအား ချဉ်ပေါင်၊ ကြက်ဟင်းခါးသီး၊ ခရမ်းကသော့(ဖြူ)၊ ပြောင်းချို၊ နံနံ၊ ကန်စွန်မျိုးစေ့၊ ပဲထောင်တိုင်၊ မုန်ညင်းဖြူ၊ မုန်ညင်းထုပ်၊ ကော်ဖီထုပ်၊ သခွာသီးစသည့် မျိုးစေ့များ၊ ကြက်သွန်နီ၊  ပူစီနံပျိုးပင်များနှင့် လက်ကမ်းစာစောင်များကို အခမဲ့ဖြန့်ဝေပေး ကြောင်းသိရသည်။ 

တစ်ကမ္ဘာလုံး၊ တစ်နိုင်ငံလုံး COVID-19 ရောဂါဖြစ်ပွားနေချိန် အပြင်မထွက်ရ စည်းကမ်းချက်များ သတ်မှတ်ထားသောကာလတွင် မိမိနေအိမ်တွင်နေထိုင်ပြီး မီးဖိုချောင်သုံးစားပင်သီးပင်များကို စိုက်ပျိုးနိုင်ခြင်းနှင့် သြဂနစ်စိုက်ပျိုးရေးနည်းစနစ်ကို ကျင့်သုံးနိုင်ရန် အလေ့အကျင့်ဖြစ်စေရန်နှင့် စျေးသွားရသည့် ဒုက္ခမှကင်းဝေးရန်ရည်ရွယ်ပြီး ဆောင်ရွက်ရခြင်းဖြစ်ကြောင်း၊ ယခုလို HOme Garden ဆောင်ရွက်ရခြင်းကို ရှမ်းပြည်နယ်အစိုးရအဖွဲ့မှ ဧပြီလကလမ်းညွှန်မှာကြားချက်များရှိပြီး မျိုးစေ့ပျိုးပင်များကို မှာယူကာ သင်္ကြန်ကာလအတွင်း ပျိုးထားကြောင်း၊ မျိုးစေ့နှင့်ပျိုးပင်များ အခမဲ့ဖြန့်ဝေခြင်းကို ရှမ်းပြည်နယ်တွင် တစ်ပြိုင်တည်းဆောင်ရွက်နေကြောင်းနှင့် ယခုအပတ်တွင် မျိုးစေ့ပျိုးပင်များ မရလိုက်သော ပြည်သူများ စိတ်မပူရန်နှင့် လာမည့်အပတ်များတွင်လည်း အခမဲ့ ဖြန့်ဝေးပေးသွားမည်ဖြစ်ပြီး မိမိအိမ်တွင် တစ်ပိုင်တစ်နိုင် စိုက်ချင်ပါက စိုက်ပျိုးရေးဦးစီးဌာနတွင် မျိုးစေ့နှင့်နည်းပညာများ လာရောက်တောင်းယူနိုင်ပါကြောင်း၊ ရှမ်းပြည်နယ်အစိုးရအဖွဲ့မှလည်း Home Garden စိုက်ပျိုးနိုင်ရေး အောင်မြင်နိုင်ရန် လိုအပ်သည့် ရန်ပုံငွေများကိုလည်း ထောက်ပံ့ပေးလျက်ရှိကြောင်း၊ ရှမ်းပြည်နယ်အစိုးရအဖွဲ့၊ ပြည်နယ်စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီး ဦးစိုင်းလုံကျော်က ပြောသည်။ 

အဆိုပါ HOme Garden စိုက်ပျိုးနိုင်ရေးအတွက် မျိုးစေ့ပျိုးပင်များကို တောင်ကြီးမြို့ပေါ်ရှိ ရပ်ကွက်နေပြည်သူများကို အခမဲ့ဆက်လက်ဖြန့်ဝေပေးသွားမည်ဖြစ်ကြောင်း သိရှိရသည်။ 

မောင်မောင်သန်း(တောင်ကြီး) 

09 250132943

စျေးကွက်မရ အရှုံးပေါ်နေသော ဂေါ်ဖီထုပ်၊ မုန်ညင်းစိုက်တောင်သူများအား သဘာဝမြေသြဇာနှင့်မျိုးစေ့များ ထောက်ပံ့ပေးအပ်

တောင်ကြီး မေ   -   ၁၄

95

COVID-19ရောဂါဖြစ်ပွားနေချိန်ကာလတွင် ရှမ်းပြည်နယ်(တောင်ပိုင်း) ကလောမြို့နယ် ဟဲဟိုးမြို့နှင့် ကလောမြို့နယ် မြင်းမထိကျေးရွာတွင် တောင်သူများ စိုက်ပျိုးထားသော ဂေါ်ဖီထုပ်၊ မုန်ညင်း၊ ဂန္ဓမာပန်းများသည် အရောင်းအဝယ် မဖြစ်သောကြောင့် စျေးများမရ၍ အရှုံးနှင့်ရင်ဆိုင်နေရသဖြင့် ရှမ်းပြည်နယ်အစိုးရအဖွဲ့ ပြည်နယ်စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးစိုင်းလုံကျော်မှ မေ(၁၃)ရက် နံနက်ပိုင်းက ဟဲဟိုးမြို့ စိုက်ပျိုးထုတ်လုပ် တင်ပို့ရောင်းချသူများအသင်း အာလူး၊ ဂေါ်ဖီအစုအဖွဲ့၊ ကလောဇုန်အစည်းအဝေးခန်းမ၌ တောင်သူများနှင့် တွေ့ဆုံကြောင်းသိရသည်။

ရှမ်းပြည်နယ်အစိုးရအဖွဲ့ ပြည်နယ်စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးစိုင်းလုံကျော်က ယခုကြုံတွေ့ နေရသော သီးနှံဆုံးရှုံးမှုများသည် စားသောက်ဆိုင်များအနေဖြင့် COVID-19 ရောဂါကြောင့် ဆိုင်များခေတ္တပိတ်ထားရသောကြောင့် ဝယ်လိုအားမရှိသဖြင့် ထုတ်ကုန်ဆုံးရှုံးမှုများ ဖြစ်ရပါကြောင်း၊ တောင်သူများရင်ဆိုင်နေရသည့် အခက်အခဲများကိုဖြေရှင်းနိုင်ရန် အတွက် မည်ကဲ့သို့ဆောင်ရွက်ပေးမည်ကို တောင်သူများ၏ တင်ပြချက်များကိုနားထောင်ပြီး၊ ထိခိုက်နစ်နာသည့် တောင်သူများကို သဘာဝဓါတ်မြေသြဇာနှင့် အစားထိုးသီးနှံဖြစ်သည့် ဂေါ်ဖီ၊ မုန်ညင်း၊ ပန်းမုံလာမျိုးစေ့တို့ကို ပံ့ပိုးပေးသွားမည်ဖြစ်ပြီး ယခု ဖြစ်ပေါ်နေသည့် ပြသာနာများကို လက်ရှိရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ထံ တင်ပြပေးသွားမည်ဖြစ်ကြောင်း ပြောကြားသည်။

ဆက်လက်၍ ပြည်နယ်စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဦးစိုင်းလုံကျော်၊ ပြည်နယ်စိုက်ပျိုးရေးဦးစီးဌာန ပြည်နယ်ဦးစီးမှူးနှင့် တာဝန်ရှိသူများက တောင်သူများအား ဆန်၊ ကြက်သွန်နီ၊ ဆီ၊ ဟင်းသီးဟင်းရွက် မျိုးကောင်းမျိုးသန့် မျိုးစေ့များ၊ သဘာဝမြေသြဇာများနှင့် စိုက်ပျိုးရေးနည်းပညာပေး လက်ကမ်းစာစောင်များအား ထောက်ပံ့ပေးအပ်ခဲ့ပြီး ဟဲဟိုးမြို့ရှိ Myanmar Belle ဟင်းသီးဟင်းရွက် အခြောက်ခံစက်ရုံသို့သွားရောက်၍ တောင်သူများဟင်းသီးဟင်းရွက်ဈေးကွက် ရရှိရေးအတွက် ကုမ္ပဏီအဖွဲ့များနှင့် သွားရောက်ညှိနှိုင်း ဆွေးနွေးခဲ့ကြောင်းသိရသည်။

“မုန်ညင်းကို ပထမအကြိမ်တွင် စိုက်ပျိုးမှုငွေကျပ်(၃)သိန်းကုန်ကျပါတယ်၊ အရှုံးပေါ်တာကြောင့် ပစ်ထုတ်ရပြီး၊ ယခု ဒုတိယအကြိမ်မှာ စိုက်ပျိုးမှု(၆)သိန်းကုန်ကျတယ်၊ ပြန်ရောင်းတာ (၆)သောင်းလောက်မရဘူး၊ စိုက်ပျိုးထားတဲ့ မုန်ညင်းကို နွားစာအဖြစ် အသုံးပြုရတာပေါ့၊ လက်ရှိမှာ ဂန္ဓမာပန်းများ စိုက်ထားပါတယ်၊ ပိုးသတ်ဆေး၊ မြေသြဇာများ အကြွေးယူရပြီး၊ ပြန်ဆပ်ရန်အတွက် စိတ်ပူနေရပါတယ်၊ အရင်းအနှီးကို ရွာထဲမှာမြေသြဇာ ပိုးသတ်ဆေးမျိုးစေ့တို့ကို အကြွေးယူရပါတယ်၊ ယခုလက်ရှိမှာပန်းများလည်း စျေးကောင်းမရဘူး၊ ပန်းကပြီးခဲ့တဲ့နှစ်က ဈေး(၁၀၀)ကျပ်ရပြီး၊ ခုလက်ရှိမှာ(၃၀)ကျပ်သာရတယ်၊ မုန်ညင်းလဲဝယ်ယူသူမရှိဘူး၊ ပုန်းမုန်ညင်းအပါ အရင်းအနှီး(၁၅)သိန်းရှုံးတယ်၊ ကျွန်မက(၁)ဧကသာစိုက်တယ်၊ သီးထပ် သီးညှပ်စိုက်ပြီး  ဝယ်ယူသူမရှိသောကြောင့် အရှုံးဘဲပေါ်တယ်၊ ပြီးခဲ့တဲ့နှစ်က မုန်ညင်းကို (၁)သောင်းဖိုးလောက်စိုက်ရင် အမြတ်က(၅)သိန်း (၆)သိန်းလောက်ရပါတယ်၊ ခုကာလမှာ ကျွန်မအနေဖြင့် အကြွေးကိုဘယ်လိုပြန်ဆပ်ရမှာကို ခံစားနေရ ပါတယ်၊ ယခုလိုရှမ်းပြည်နယ်အစိုးရအဖွဲ့က ပြည်နယ်စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီး ဦးစိုင်းလုံကျော် လာရောက်တဲ့အချိန်မှာ ကျွန်မအနေဖြင့် ပိုးသတ်ဆေး၊ မြေသြဇာမျိုးစေ့များကို တင်ပြထားပါတယ်၊ ကျွန်မတို့စိုက်ပျိုးထားတဲ့ သီးနှံများကို စျေးကွက်ရရှိလိုပြီး၊ စျေးကွက်ရရှိစေရန် ဆောင်ရွက်ပေးစေလိုတယ်လို့ ဟဲဟိုးမြို့ ရွာတော်ရွာနေ တောင်သူ ဒေါ်မြသန်းကပြောသည်။

ဆက်လက်၍ ပြည်နယ်စိုက်ပျိုးရေး၊ မွေမြူးရေးနှင့် ဆည်မြောင်းဝန်ကြီး ဦးစိုင်းလုံကျော်နှင့် ပြည်နယ်စိုက်ပျိုးရေး ဦးစီးဌာနမှ ပြည်နယ်မှူးနှင့် တာဝန်ရှိသူများက ပြည်နယ်စိုက်ပျိုးရေးဦးစီးဌာနမှ ဟဲဟိုးမြို့နှင့် မြင်းမထိကျေးရွာရှိ တောင်သူ များအား အရည်အသွေးမြင့် သဘာဝအော်ဂဲနစ် ကြက်ချေးမြေသြဇာ(၉၀)အိတ်၊ မျိုးစေ့ဂေါ်ဖီထုပ်(၇၀)၊ ပန်းမုံလာ(၁၀၀)ထုပ် တို့ကိုပေးအပ်ခဲ့ကြောင်း သိရှိရသည်။

မောင်မောင်သန်း(တောင်ကြီး)

09-250132943

 

မိုးသည်းထန်စွာရွာသွန်းပြီး လေပြင်းတိုက်ခတ်မှုကြောင့်ပျက်စီးဆုံးရှုံးမှုအတွက် ရှမ်းပြည်နယ်အစိုးရအဖွဲ့မှ ထောက်ပံ့ငွေပေးအပ်

နမ့်စန် မေ-၄

90

ရှမ်းပြည်နယ်(တောင်ပိုင်း)၊ လွိုင်လင်ခရိုင်၊ နမ့်စန်မြို့၌မေ(၂)ရက်နေ့ညနေ့(၃)နာရီက မိုးသည်းထန်စွာရွာသွန်းခြင်း၊ လေပြင်းမုန်းတိုင်းတိုတ်ခတ်ခြင်း သဘာဝဘေးဒဏ်ကြောင့်ဘုန်းကြီးကျောင်းများ၊ သီလရှင်ကျောင်း၊ နေအိမ်များ၊ အုတ်တံ တိုင်း၊ ဖုန်းတိုင်၊ သစ်ပင်များ လဲပြိုခြင်း သွပ်မိုးများလန်၍ပျက်စီးဆုံးရှုံးမှုများ ဖြစ်ပေါ်ခဲ့သောကြောင့် မေ(၄)ရက် နံနက် (၁၁)နာရီက နမ့်စန်မြို့အမှတ်(၉)ရွာ၌ ပျက်စီးဆုံးရှုံးမှုအတွက် အိမ်ထောင်စုဝင်များကို ရှမ်းပြည်နယ်အစိုးရအဖွဲ့နှင့် အလှူရှင်များမှ ထောက်ပံ့ငွေများပေးအပ်ကြောင်းသိရသည်။

မိုးသက်လေပြင်းတိုက်ခတ်မှုကြောင့်ပျက်စီးဆုံးရှုံးသွားသည့် လူနေအိမ်(၃၄၄)လုံးနှင့် ဘုန်းတော်ကြီးကျောင်း (၆)ကျောင်း၊ သီလရှင်ကျောင်း(၁)ကျောင်းတို့အတွက် ရှမ်းပြည်နယ်အစိုးရအဖွဲ့မှထောက်ပံ့ငွေကျပ် (၁၂၆၃၀၀၀ဝိ/-)ကို ရှမ်းပြည်နယ်ဝန်ကြီးချုပ် ဒေါက်တာလင်းထွဋ်ကပေးအပ်ရာ နမ့်စန်ုမြို့နယ်အုပ်ချုပ်ရေးမှူးမှ လက်ခံ၍လည်းကောင်း၊ ကမ္ဘောဇ ဘဏ်မှသွပ်အချပ်(၃၀၀၀)၊ မတ်ကျန်းပြည်သူ့စစ်(ဌာနေ)အဖွဲ့ဥက္ကဋ္ဌ ဦးလင်းဆိုင်မှ သွပ်အချပ်(၅၀၀)၊ ဟိုမိန်းပြည်သူ့စစ် (ဌာနေ)အဖွဲ့ဥက္ကဋ္ဌဥ ဦးမဟာဂျာအားအမှူးထား၍ ဦးစိုင်းကျော်လေး+ဒေါ်နန်းမီးငယ် ဦးစိုင်းနောင့်+ဒေါ်နန်းဆိုင်ငင်းမိသားစုမှ အလှူငွေကျပ်(၃၃)သိန်းပေးအပ်ရာတာဝန်ရှိသူများမှအသီးသီးလက်ခံရယူသည်။

ဆက်လက်၍မိုးသက်လေပြင်းတိုက်ခတ်မှုကြောင့် ပြိုကျပျက်စီးဆုံးရှုံးသွားသည့် အိမ်စု(၁၃)စုတို့အတွက် လူမှုဝန်ထမ်း ကယ်ဆယ်ရေးနှင့်ပြန်လည်နေရာချထားရေး ဝန်ကြီးဌာနမှထောက်ပံ့ပစ္စည်းနှင့် ငွေကျပ်(၁)သိန်းစီရှမ်းပြည်နယ်အစိုးရအဖွဲ့မှ ငွေကျပ်(၁)သိန်းစီတို့ကို ရှမ်းပြည်နယ်အစိုးရအဖွဲ့ပြည်နယ်ဝန်ကြီးချုပ် ဒေါက်တာလင်းထွဋ်၊ အရှေ့အလယ်ပိုင်းတိုင်း စစ်ဌာနချုပ်တိုင်းမှူး ဗိုလ်ချုပ်သန်းလှိုင်၊ ပြည်နယ်ဝန်ကြီးများ၊ ဗာတိုင်းရင်းသားလူမျိုးရေးရာဝန်ကြီး၊ အစိုးရအဖွဲ့ အတွင်းရေးမှူး၊ ပြည်သူ့လွှတ်တော်ပြည်နယ်လွှတ်တော်ကိုယ်စားလှယ်များနှင့် တာဝန်ရှိသူများကအသီးသီး ပေးအပ်ကြရာ ပြိုကျပျက်စီးဆုံးရှုံးခဲ့သည့် အိမ်ထောင်စု(၁၃)စုဝင်များမှလက်ခံရယူပြီး၊ ဘေးအန္တရာယ်စီမံခန့်ခွဲမှုဦးစီးဌာန(ဘေးစီမံ)မှ ကယ်ဆယ်ရေး ပစ္စည်းများနှင့် ငွေကျပ် (၂၈၅၉၉၃၀ဝိ/-)ကို ပြည်နယ်ဝန်ကြီးချုပ်ဒေါက်တာလင်းထွဋ်က ပေးအပ်ပေးရာ နမ့်စန်မြို့နယ်အုပ်ချုပ်ရေးမှူးမှ လက်ခံရယူကာ ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူတို့သည် လေပြင်းတိုက်ခတ်မှုကြောင့် ပြိုလဲပျက်စီးဆုံးရှုံးသွားသည့်နေအိမ်များအား လိုက်လံကြည့်ရှုပြီး၊ နမ့်စန်(၁၀)မိုင်ကုန်းရှိ ဂေါ်ရခါးဘုရားကျောင်းဝင်းအတွင်း၌ ဒေသခံပြည်သူများအားတွေ့ဆုံ၍ အားပေးစကားပြောကြားကာ လေပြင်းတိုက်ခတ် မှုကြောင့်ပြိုလဲပျက်စီးသွားသည့်သစ်ပင်များကို ရှင်းလင်းပေးနေသည့် တပ်မတော်သားများအား ပြည်နယ်ဝန်ကြီးချုပ်နှင့် တာဝန်ရှိသူတို့က ထောက်ပံ့ငွေများပေးအပ်ခဲ့ကြောင်းသိရှိရသည်။ 

မောင်မောင်သန်း(တောင်ကြီး)

 09250132943

လျှပ်စစ်ဓါတ်အား (၃၀)မဂ္ဂါဝပ်ဝယ်ယူပြီး သက်သာသောဈေးနှုန်းဖြင့် လျှပ်စစ်ဓါတ်အားဖြန့်ဖြူးရောင်းချရန်အတွက် သဘောတူညီစာချုပ် လက်မှတ်ရေးထိုး

တောင်ကြီး မေ   −   ၁၂

94

ရှမ်းပြည်နယ်အစိုးရအဖွဲ့နှင့် Eastern Shinn Lon Manufacturing Co.,Ltd နှင့် လာအိုနိုင်ငံ MCM ကုမ္ပဏီတို့ပူးပေါင်း၍ လာအိုနိုင်ငံမှ လျှပ်စစ်ဓါတ်အား (၃၀)မဂ္ဂါဝပ်ဝယ်ယူပြီး သက်သာသောဈေးနှုန်းဖြင့် လျှပ်စစ်ဓါတ်အား ဖြန့်ဖြူးရောင်းချရန်အတွက် သဘောတူညီစာချုပ်(MoA)လက်မှတ်ရေးထိုးခြင်းကို မေ(၁၂)ရက် မွန်းလွဲ(၂)နာရီက တောင်ကြီးမြို့ ရှမ်းပြည်နယ်အစိုးရရုံး အစည်းအဝေးခန်းမ၌ ကျင်းပသည်။

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က ရှမ်းပြည်နယ်(အရှေ့ပိုင်း) တာချီလိတ်ခရိုင်တွင် မြို့ပေါင်း(၆)မြို့၊ ကျေးရွာပေါင်း(၅၆၆)ရွာရှိပြီး နိုင်ငံတော်ဓါတ်အားစနစ်မှ လျှပ်စစ်ဓါတ်အားရရှိခြင်းမရှိသေးသော သက်ဆိုင်ရာ ဒေသအသီးသီးတွင် တာချီလိတ်မြို့ကို ထိုင်းနိုင်ငံမှ လျှပ်စစ်ဓါတ်အား ဝယ်ယူ၍လည်းကောင်း၊ ကျန်မြို့(၅)မြို့နယ်တွင် နိုင်ငံတော်လျှပ်စစ်နှင့်စွမ်းအင်ဝန်ကြီးဌာနမှ ဒီဇယ်ဓါတ်အားပေးစက်များဖြင့် အချိန်ပိုင်းထုတ်လုပ်ဖြန့်ဖြူးပေးပြီး တစ်နိုင်တစ်ပိုင် ရေအားလျှပ်စစ် အသေးစားများဖြင့်လည်းကောင်း၊ ဓါတ်အားရယူသုံးစွဲနေကြရပြီး ကျေးရွာပေါင်း(၅၆၆)ရွာရှိသည့်အနက် (၂၆၃)ရွာ၊ ရာခိုင်နှုန်းအားဖြင့် (၄၆.၄၇)ရာခိုင်နှုန်းသည် ဒီဇယ်စက်ရေအားအသေးစား၊ ဆိုလာမီးစသည်ဖြင့် အခြားနည်းလမ်းအမျိုးမျိုးဖြင့် ဓါတ်အားရယူသုံးစွဲလျက်ရှိပါကြောင်း၊ တာချီလိတ်မြို့အနေဖြင့် ထိုင်းနိုင်ငံမှ ဓါတ်အားဝယ်ယူသုံးစွဲနေရသောကြောင့် အိမ်ထောင်စု အားလုံးနှင့် ကျေးရွာအချို့တွင် ဓါတ်အားမရရှိသေးကြောင်းသိရှိရပြီး ယခုကဲ့သို့ Eastern Shinn Lon Manufacturing Co.,Ltd သည်လာအိုနိုင်ငံမှ လျှပ်စစ်ဓါတ်အား(၃၀)မဂ္ဂါဝပ် ဝယ်ယူဖြန့်ဖြူးပေးရန် (၁၁၅)ကေဗွီ ဓါတ်အားလိုင်းနှင့် ၁၁၅/၆၆/၂၂/၁၁ ကေဗွီအဆင့်ဆင့် ဓါတ်အားခွဲရုံများကို ခန့်မှန်းကုန်ကျစရိတ်အနေဖြင့် ဘတ်ငွေ(၄၉၀.၆၅သန်း)၊ မြန်မာငွေဖြင့် ကျပ်(၂၀၂၇.၄၈သန်း)ခန့် ကုန်ကျမည်ဟု ခန့်မှန်းထားပါကြောင်း၊ ရင်းနှီးကျခံတည်ဆောက်၍ အကောင်အထည်ဖော် ဆောင်ရွက်မည်ဆိုပါက ပထမအဆင့် တာချီလိတ်မြို့နယ် ပြင်ပကျေးရွာများ ဖြစ်သည့် မိုင်းဖုန်း(က)၊(ခ)၊ ဖန်မင်ကျေးရွာအုပ်စု၊ မိုင်းကိုးကျေးရွာအုပ်စု၊ ဆေခမ်းရပ်ကွက်တို့အပါအဝင် ကျေးရွာပေါင်း(၁၃၃)ရွာ၊ အိမ်ထောင်စု(၅၅၃၀)စုတို့ လျှပ်စစ်မီးရရှိနိုင်မည် ဖြစ်ပြီး ဒုတိယအဆင့်အနေဖြင့် တာချီလိတ်မြို့ ဝိန်းကျောက်ရပ်ကွက်ရှိ ဆောက်လုပ်ဆဲ ဟိုတယ်လုပ်ငန်းခွင်များနှင့် တာချီလိတ်မြို့တွင်း ဓါတ်အားလိုအပ်ချက်များကို ဖြည့်ဆည်းပေးနိုင်မည်ဖြစ်ကြောင်းနှင့် နိုင်ငံတော်ဓါတ်အားစနစ် ရောက်ရှိ လာပါက ဝန်ကြီးဌာနခွင့်ပြုချက်ဖြင့် ဆက်လက်လုပ်ဆောင်သွားမည်ဟု သိရှိရသည်အတွက် ဝမ်းမြောက်ဝမ်းသာကြိုဆို အားပေးပါကြောင်း ပြောသွားသည်။

ဆက်လက်၍ Eastern Shinn Lon Manufacturing Co.,Ltd မှ သဘောတူညီမှုစာချုပ်(MoA)လက်မှတ်ရေးထိုးခြင်းနှင့် ပတ်သက်၍ ဒါရိုက်တာ ဦးစိုင်းအောင်ဟိန်းမွန်း ရှင်းလင်းတင်ပြပြီး၊ ရှမ်းပြည်နယ်အစိုးရအဖွဲ့ ပြည်နယ်စီမံကိန်းနှင့် ဘဏ္ဍာရေး ဝန်ကြီးဦးစိုးညွန့်လွင်၊ ပြည်နယ်လျှပ်စစ် စွမ်းအင်နှင့် စက်မှုဝန်ကြီး ဦးစိုင်းရှဲန်တစ်လုံ၊ ရှမ်းပြည်နယ်အစိုးရအဖွဲ့ အတွင်းရေးမှူး ဦးနေလင်းနှင့် ကုမ္ပဏီမှတာဝန်ရှိသူများနှင့်အတူ သဘောတူညီမှုစာချုပ်(MoA)လက်မှတ်ရေးထိုးကြကာ သဘောတူညီမှုစာချုပ် များအား ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် ကုမ္ပဏီအဖွဲ့တို့မှ အပြန်အလှန်လဲလှယ်ကြပြီး Coronnavirus Disease 2019(Covid 19) ထိန်းချုပ်ရေးနှင့် အရေးပေါ်တုံ့ပြန်ရေးကော်မတီတို့ Eastern Shinn Lon Manufacturing Co.,Ltd မှ အလှူငွေကျပ်သိန်း(၃၀)ပေးအပ်လှူဒါန်းရာ ပြည်နယ်စီမံကိန်းနှင့် ဘဏ္ဍာရေးဝန်ကြီးဦးစိုးညွန့်လွင်မှ လက်ခံရယူ၍ ပြည်နယ် လူမှုရေးဝန်ကြီး ဒေါက်တာမျိုးထွန်းမှ ဂုဏ်ပြုမှတ်တမ်းလွှာများ ပြန်လည်ပေးအပ်ခဲ့ကြောင်း သိရှိရသည်။

မောင်မောင်သန်း(တောင်ကြီး)

၀၉−၂၅၀၁၃၂၉၄၃

 

(COVID-19) ရောဂါကာကွယ် ထိန်းချုပ်ကုသရေးလုပ်ငန်းများတွင် အသုံးပြုနိုင်ရန် အလှူငွေ လာရောက်လှူဒါန်း

တောင်ကြီး ဧပြီ  -  ၃၀

88

ရှမ်းပြည်နယ်အတွင်း (COVID-19) ရောဂါကာကွယ် ထိန်းချုပ်ကုသရေးလုပ်ငန်းများတွင် အသုံးပြုနိုင်ရန် ရည်ရွယ်၍ ရှမ်းပြည်နယ်အစိုးရအဖွဲ့ထံသို့ ဧပြီ ၃၀ ရက် မွန်းလွဲ ၂ နာရီက တောင်ကြီးမြို့၊ ရှမ်းပြည်နယ်အစိုးရအဖွဲ့ရုံး အစည်းအဝေး ခန်းမ၌ အလှူရှင်များမှ လာရောက်လှူဒါန်းလျက်ရှိရာ Kyi Thein & Family Co.,Ltd မှငွေကျပ်သိန်း(၅၀) ပေးအပ်လှူဒါန်းရာ ရှမ်းပြည်နယ်အစိုးရအဖွဲ့၊ ပြည်နယ်လျှပ်စစ် စွမ်းအင်နှင့်စက်မှုဝန်ကြီး ဦးစိုင်းရှဲန်တစ်လုံက လက်ခံရယူ၍ ဂုဏ်ပြုမှတ်တမ်းလွှာ များကို ပြန်လည်ပေးအပ်ခဲ့ကြောင်း သိရှိရသည်။

မောင်မောင်သန်း(တောင်ကြီး)

၀၉၂၅၀၁၃၂၉၄၃

 

ရှမ်းပြည်နယ်အတွင်း Coronavirus Disease 2019 (COVID-19)ကာကွယ်ထိန်းချုပ် ကုသရေးလုပ်ငန်းများတွင် အသုံးပြုရန်အတွက် အလှူငွေလှူဒါန်း

တောင်ကြီး မတ် - ၇

93

ရှမ်းပြည်နယ်အတွင်း Coronavirus Disease 2019 (COVID-19)ကာကွယ် ထိန်းချုပ် ကုသရေးလုပ်ငန်းများတွင် အသုံးပြုရန်အတွက် အလှူငွေလှူဒါန်းခြင်းကို မတ်လ ၇ ရက် မွန်းလွဲ ၂ နာရီက တောင်ကြီးမြို့၊ ရှမ်းပြည်နယ်အစိုးရရုံး အစည်းအဝေးခန်းမ၌ ပြုလုပ်ခဲ့ကြောင်းသိရသည်။

အဆိုပါလှူဒါန်းပွဲတွင် ပတ္တမြားနဂါး Co.,Ltd ဥက္ကဋ္ဌ ဦးနေဝင်းထွန်း ဇနီးဒေါ်အေးအေးမြင့် မိသားစုနှင့် ကုမ္ပဏီဝန်ထမ်းများမှ အလှူငွေကျပ်(၃၀)သိန်း ပေးအပ်ရာ ရှမ်းပြည်နယ်အစိုးရအဖွဲ့ ပြည်နယ်လျှပ်စစ်၊ စွမ်းအင်နှင့် စက်မှုဝန်ကြီး ဦးစိုင်းရှဲန်တစ်လုံမှလက်ခံရယူ၍ ဂုဏ်ပြုမှတ်တမ်းလွှာ ပြန်လည်ပေးအပ် ခဲ့ကြောင်းသိရသည်။

မောင်မောင်သန်း(တောင်ကြီး)

၀၉၂၅၀၁၃၂၉၄၃

ခေတ္တယာယီစျေးရောင်းချသည့်နေရာအား ရှမ်းပြည်နယ်ဝန်ကြီးချုပ် ကွင်းဆင်းကြည့်ရှု

တောင်ကြီး ဧပြီ   -   ၃၀

87

(COVID-19)ရောဂါဖြစ်ပွားနေချိန်ကာလအတွင်း တောင်ကြီးမြို့ရှိ မြို့မစျေးကြီးနှင့် ပျံကျစျေးများသည် ရောဂါ ကာကွယ်ထိန်းချုပ်နိုင်ရေးအတွက် လူစုလူဝေးရှောင်ရှားသောအားဖြင့် စျေးများကိုပိတ်ထားသည့်အချိန်တွင် စားသုံးသူ ပြည်သူများနှင့် စျေးရောင်းချသူများ အဆင်ပြေစေရန် (၃)ပေခြားခေတ္တယာယီ စျေးရောင်းချနေသည့် တောင်ကြီးမြို့ ဘုရားဖြူရပ်ကွက် ပန်းတင်လမ်း ရွာသစ်ကုန်းရှိ ပါမိုးနဲ၊ ရေအေးကွင်းရပ်ကွက်ရှိ ကမ္ဘောဇလမ်း၊ စဝ်စံထွန်းရပ်ကွက် အနောက်မြို့ပတ်လမ်း အရှေ့ဘက်ခြမ်းရှိ ပလက်ဖေါင်းပေါ်နှင့် အဝေရာကုန်းသာယာမီးပုံးပျံကွင်း အပြင်ဘက်နေရာသို့ ဧပြီ (၂၉)ရက် ညနေ(၄)နာရီက ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်ဝန်ကြီးများနှင့် တာဝန်ရှိသူများက ကွင်းဆင်းကြည့်ရှုကြကြောင်း သိရသည်။

ရှမ်းပြည်နယ်ဝန်ကြီးချုပ် ဒေါက်တာလင်းထွဋ်က ပါမိုးနဲရေကန်ပျက်အတွင်း ဈေးခင်းကျင်းရောင်းချနိုင်ရန် အရံသဘော အဖြစ်ထားရှိပြီး ဈေးရောင်းချသူများပါက ရေကန်ပျက်အတွင်း ဖွင့်လှစ်ပေးရန်နှင့်နည်းပါက မူလနေရာတွင် ရောင်းချနိုင် ကြောင်းနှင့် ရောဂါကာကွယ်မှုအနေဖြင့် ရေကန်ပျက်အတွင်း ရောင်းချပါက (၃)ပေခြားစီနှင့် အဝင်အထွက်လမ်းများ စီစဉ်ဆောင်ရွက်ပေးရန် ရပ်ကွက်အုပ်ချုပ်ရေးမှူးများအားမှာကြားခဲ့ကြောင်း သိရသည်။

“ရေအေးကွင်းရပ်ကွက်ရှိ ကမ္ဘောဇလမ်းတွင် ဈေးများကို နံနက် (၆)နာရီမှ (၁၀)နာရီအထိ ရောင်းချ၍ ရေအေးကွင်းရပ်ကွက်၊ မင်္ဂလာဦးရပ်ကွက် ကုန်စိမ်းသည်များမှ လာရောက်ရောင်းချ၍ အမှိုက်များကိုလည်း စနစ်တကျ ပြန်လည်သိမ်းဆည်းကြောင်း” မြို့နယ်အဆင့် (COVID-19)ရောဂါကာကွယ် ထိန်းချုပ်ရေးကော်မတီဥက္ကဋ္ဌ မြို့နယ် အုပ်ချုပ်ရေးမှူး ဦးဖြိုးမင်းထိုက်မှ ပြောသည်။

ဆက်လက်၍ ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူတို့သည် စဝ်စံထွန်းရပ်ကွက် အနောက်မြို့ပတ်လမ်းရှိ ပလက်ဖောင်းပေါ်တွင် ခင်းကျင်းရောင်းချသည့်ဈေး၊ အနောက်မြို့ပတ်လမ်း ချမ်းသာရပ်ကွက်ရှိ စည်ပင်သာယာရေးဌာနမှ ကားလမ်းဘေး လမ်းဘေးရေနုတ်မြောင်း တူးဖော်ဆောင်ရွက်နေရာတွင် ဓါတ်တိုင်မလွတ်သည့် နေရာများနှင့် အဝေရာကုန်းသာယာမီးပုံးပျံကွင်း အပြင်ဖက်တွင် ခင်းကျင်းရောင်းချနေသော ခေတ္တယာယီဈေးသို့ သွားရောက် ကြည့်ရှု၍ လိုအပ်သည်များ ဖြည့်စွက်မှာကြားခဲ့ကြောင်း သိရှိရသည်။

မောင်မောင်သန်း(တောင်ကြီး)

၀၉−၂၅၀၁၃၂၉၄၃

 

ရှမ်းပြည်နယ်ဝန်ကြီးချုပ် ခေတ္တယာယီစျေးတွင် စျေးရောင်းချနေသူများအား Mask Campaign ပြုလုပ်

တောင်ကြီး မတ် - ၇

92

COVID-19 ရောဂါကာကွယ်ကုသ ထိန်းချုပ်နိုင်ရေးအတွက် ခေတ္တယာယီစျေးဖွင့်လှစ်နေသော စျေးသည်များနှင့် စျေးဝယ်သူများအား မေ ၇ ရက် နံနက် ၇ နာရီခွဲက တောင်ကြီးမြို့ အဝေရာကုန်းသာယာ မီးပုံးပျံကွင်း အပြင်ဘက်တန်းတွင် ရှမ်းပြည်နယ်အစိုးရအဖွဲ့မှ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်ဝန်ကြီးများနှင့် တာဝန်ရှိသူများက Mask များကို ဖြန့်ဝေပေးကြကြောင်းသိရသည်။

ရှမ်းပြည်နယ်အစိုးရအဖွဲ့မှ ပြည်နယ်ဝန်ကြီးချုပ်ဒေါက်တာလင်းထွဋ်၊ ပြည်နယ်ဝန်ကြီးများ၊ လွှတ်တော်ကိုယ်စားလှယ် များမှ လူမှုရေးအသင်းအဖွဲ့များ၊ Volunteerများ၊ မိခင်နှင့်ကလေးကြီးကြပ်စောင့်ရှောက်ရေးအဖွဲ့များ၊ စည်ပင်သာယာရေး ဝန်ထမ်းများတို့ကို Mask များပေးအပ်ပြီး ပြည်နယ်ဝန်ကြီးချုပ်နှင့် တာဝန်ရှိသူတို့သည် အဝေရာ ကုန်းသာယာ မီးပုံးပျံကွင်း အပြင်ဘက်တန်းတွင် စျေးရောင်းချနေသော စျေးသည်များနှင့် စျေးဝယ်သူများအား Mask များကို လိုက်လံဝေငှပေးကာ၊ ပြည်နယ်ဝန်ကြီးချုပ်နှင့် တာဝန်ရှိသူတို့သည် တောင်ကြီးမြို့၊ စဝ်စံထွန်းရပ်ကွက် မောချယ်ရီကားကွင်း ယာယီစျေးတွင် Mask များကို မီးသတ်တပ်ဖွဲ့ဝင်များ၊ စျေးတာဝန်ခံအားပေးအပ်ပြီး၊ စျေးရောင်းချနေသော စျေးသည်များနှင့် စျေးဝယ်သူများအား Maskနှင့် လက်သန့်ဆေးရည်ဘူးများကိုဝေငှပေးခဲ့ကြောင်းသိရှိရသည်။

မောင်မောင်သန်း(တောင်ကြီး)

၀၉၂၅၀၁၃၂၉၄၃

 

(COVID-19) ရောဂါအသိပညာပေးရေးနှင့် စိတ်ဓာတ်မြှင့်တင်ရေးလုပ်ငန်းကော်မတီ၏ လုပ်ငန်းညှိနှိုင်း အစည်းအဝေး (၁/၂၀၂၀) ကျင်းပ

တောင်ကြီး ဧပြီ   −   ၂၉

86

ရှမ်းပြည်နယ် Coronavirus Desease 2019 (COVID-19) ရောဂါအသိပညာပေးရေးနှင့် စိတ်ဓာတ်မြှင့်တင်ရေး လုပ်ငန်းကော်မတီ၏ လုပ်ငန်းညှိနှိုင်း အစည်းအဝေး(၁/၂၀၂၀)ကို ဧပြီ ၂၉ ရက် မွန်းလွဲ ၂ နာရီက တောင်ကြီးမြို့ ရှမ်းပြည်နယ် အစိုးရအဖွဲ့ရုံး အစည်းအဝေးခန်းမ၌ ကျင်းပသည်။

ရှမ်းပြည်နယ် Coronavirus Desease 2019 (COVID-19) ရောဂါအသိပညာပေးရေးနှင့် စိတ်ဓာတ်မြှင့်တင်ရေး လုပ်ငန်းကော်မတီဥက္ကဋ္ဌ ဗမာတိုင်းရင်းသားလူမျိုးရေးရာဝန်ကြီး ဒေါက်တာအောင်သန်းမောင်က စိတ်ဓာတ်မြှင့်တင်ရေးလုပ်ငန်း တစ်ခုပါဝင်နေသောကြောင့် Wi-fi စနစ်ဖြင့် ဆောင်ရွက်နိုင်ရန်အတွက် လူမှုဝန်ထမ်းဦးစီးဌာနမှ တင်ပြဆွေးနွေးသွားမည် ဖြစ်ကြောင်း၊ ကော်မတီဝင်များအားလုံးသည် တစ်ပတ်တစ်ခါ ညှိနှိုင်းဆွေးနွေးရန်လိုအပ်ကြောင်း၊ ယခုဆွေးနွေးပွဲသည် ပထမ အကြိမ်ဖြစ်၍ အားလုံးဝိုင်းဝန်းပူးပေါင်း ပါဝင်ဆွေးနွေးပေးကြရန် ပြောကြားသည်။

ဆက်လက်၍ လုပ်ငန်းကော်မတီအတွင်းရေးမှူး ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန ရှမ်းပြည်နယ် ညွှန်ကြားရေးမှူး ဦးစိုးနိုင်မှ ဆွေးနွေးတင်ပြပြီး၊ ရှမ်းပြည်နယ်အစိုးရအဖွဲ့ ပြည်နယ်စိုက်ပျိုးရေး မွေးမြူရေးနှင့်ဆည်မြောင်းဝန်ကြီး ဦးစိုင်းလုံကျော်က အသိပညာပေးလုပ်ငန်းများတွင် ရှမ်းပြည်နယ်တွင် တိုင်းရင်းသားပေါင်းစုံရှိသောကြောင့် စာဖြင့်သော်လည်းကောင်း၊ အသံဖြင့် သော်လည်းကောင်း ဆောင်ရွက်ပေးကြရန်နှင့် ကော်မတီ၏ လိုအပ်ချက်များဖြစ်သော Hand Speaker များကို ကော်မတီမှ ကူညီထောက်ပံ့ပေးသွားမည်ဖြစ်ကြောင်းနှင့် လိုအပ်ချက်များရှိပါက ဗဟိုကော်မတီသို့ တင်ပြသွားမည်ဖြစ်ကြောင်း အကြံပြု ဆွေးနွေးသွားကာ တက်ရောက်လာသူများက အထွေထွေဆွေးနွေးကြ၍ ရှမ်းပြည်နယ် Coronavirus Desease 2019 (COVID-19) ရောဂါအသိပညာပေးရေးနှင့် စိတ်ဓာတ်မြှင့်တင်ရေးလုပ်ငန်းကော်မတီဥက္ကဋ္ဌ ဗမာတိုင်းရင်းသားလူမျိုးရေးရာဝန်ကြီး ဒေါက်တာ အောင်သန်းမောင်မှ နိဂုံးချုပ်အမှာစကား ပြောကြားခဲ့ကြောင်း သိရှိရသည်။

မောင်မောင်သန်း(တောင်ကြီး)

၀၉−၂၅၀၁၃၂၉၄၃

 

More Articles...

  1. (COVID-19) ရောဂါကာကွယ် ထိန်းချုပ်ကုသရေးလုပ်ငန်းများတွင် အသုံးပြုနိုင်ရန် Ventilator လာရောက်လှူဒါန်း
  2. (COVID-19) ရောဂါကာကွယ် ထိန်းချုပ်ကုသရေးလုပ်ငန်းများတွင် ပူးပေါင်းပါဝင်ဆောင်ရွက်ပေးလျက်ရှိသော Volunteer များအတွက် Sim Card လာရောက်လှူဒါန်း
  3. COVID-19နှင့်ပတ်သက်သည့် သတင်းအချက်အလက်များ မေးမြန်းဆက်သွယ်နိုင်ရန် မီဒီယာများအားရှင်းလင်း
  4. (COVID-19) ရောဂါကာကွယ် ထိန်းချုပ်ကုသရေးလုပ်ငန်းများတွင် အသုံးပြုနိုင်ရန် အလှူငွေများ လာရောက်လှူဒါန်း
  5. မိုင်းဖြတ်၊ မိုင်းယောင်း၊ တာလေနှင့် တာချီလိတ်ဆေးရုံများသို့ ကျန်းမာရေးထောက်ပံ့ပစ္စည်းပေးအပ်
  6. မိုင်းခတ်ပြည်သူ့ဆေးရုံနှင့်မိုင်းယန်းပြည်သူ့ဆေးရုံ၌ကိုဗစ်-19ရောဂါကာကွယ်ရေးအတွက်ကျန်းမာရေး ထောက်ပံ့ပစ္စည်းပေးအပ်
  7. ရှမ်းပြည်နယ်(အရှေ့ပိုင်း)ကိုဗစ်-19 ရောဂါကာကွယ်ရေးအတွက် ကျန်းမာရေးသုံးပစ္စည်းများပေးအပ်
  8. ရှမ်းပြည်နယ်အစိုးရအဖွဲ့ ခိုလမ်၊ ကွန်ဟိန်းမြို့နယ်ပြည်သူ့ဆေးရုံများသို့ COVID-19 ရောဂါကာကွယ်ရေးအတွက် ကျန်းမာရေးပစ္စည်းထောက်ပံ့ပေးအပ်
  9. (COVID-19) ရောဂါကာကွယ် ထိန်းချုပ်ကုသရေးလုပ်ငန်းများတွင် အသုံးပြုနိုင်ရန် အလှူငွေများနှင့် ထောက်ပံ့ပစ္စည်းများ လာရောက်လှူဒါန်း
  10. (COVID-19) ရောဂါကာကွယ် ထိန်းချုပ်ကုသရေးလုပ်ငန်းများတွင် အသုံးပြုနိုင်ရန် အလှူငွေများနှင့် ထောက်ပံ့ပစ္စည်းများ လာရောက်လှူဒါန်း

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

tine-linlyရှမ်းပြည်နယ်(အရှေ့ပိုင်း) ကျိုင်းတုံ၊ မိုင်းလားနှင့် မိုင်းပြင်းမြို့နယ်များတွင် အများဆုံး နေထိုင်ကြပါသည်။

We have 95 guests and no members online