သတင်းများ

ကိုရီးယားသမ္မတနိုင်ငံတော်၏ Know-hows လုပ်ငန်းစဉ်နှင့် နှစ်နိုင်ငံအတွေ့အကြုံများ ဖလှယ်၍ ပြည်သူလူထု အသိပညာပေးလှုပ်ရှားမှု မူးယစ်ဆေးဝါးအသိပညာပေး ဟောပြောပွဲကျင်းပ

တောင်ကြီး ဖေဖော်ဝါရီ  ၂၀

 

044

 

   ကိုရီးယားသမ္မတနိုင်ငံတော် Know-hows လုပ်ငန်းစဉ်နှင့် နှစ်နိုင်ငံအတွေ့အကြုံများ ဖလှယ်၍ ပြည်သူလူထု အသိပညာပေးလုပ်ရှားမှု မူးယစ်ဆေးဝါးအသိပညာပေး ဟောပြောပွဲကို ဖေဖော်ဝါရီ (၂၀)ရက် နံနက် (၉)နာရီက တောင်ကြီးမြို့၊ မြို့တော်ခန်းမ၌ကျင်းပရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ အဖွင့်အမှာစကားပြောကြားရာတွင် “ လက်ရှိနိုင်ငံတော်အစိုးရ၏ မြန်မာနိုင်ငံတွင် မူးယစ် ဆေးဝါးပပျောက်ရေး ဆောင်ရွက်မှုများကို ခေတ်အဆက်ဆက်အစိုးရများမှ နည်းလမ်းမျိုးစုံနှင့် ကိုယ်ပိုင် စွမ်းအားအရင်းအမြစ်များအပေါ် အခြေခံလျက်ကြိုးပမ်းဆောင်ရွက်ခဲ့ပါကြောင်း၊ မြန်မာနိုင်ငံတွင် မူးယစ် ဆေးဝါးပပျောက်ရေးအတွက် (၁၉၉၉)ခုနှစ်မှ စတင်၍ (၁၅)နှစ်စီမံကိန်းချမှတ်ကာ မူးယစ်ဆေးဝါး အန္တရာယ်ကာကွယ်တားဆီးရေး လုပ်ငန်းများကို ဘက်ပေါင်းစုံမှ ကြိုးပမ်းဆောင်ရွက်လျက်ရှိပါကြောင်း၊ စီမံကိန်းကြီးအောင်မြင်စေရန်အတွက် မဟာဗျူဟာ(၂)ရပ်၊ နည်းဗျူဟာ(၃)ရပ်၊ နည်းနာနိဿယ (၃)ရပ်ကို ချမှတ်ခဲ့ပါကြောင်း၊ နည်းဗျူဟာ(၃)ရပ်ဖြစ်သော ထုတ်လုပ်မှုပပျောက်ရေး၊ သုံးဆွဲမှုပပျောက်ရေး၊ တားဆီး နှိမ်နှင်းရေးလုပ်ငန်းများကို တာဝန်ရှိတဲ့ အဖွဲ့အစည်းများက ပူးပေါင်းပြီး ထိရောက်စွာဆောင်ရွက်လျက် ရှိပါကြောင်း၊ မူးယစ်ဆေးဝါးအန္တရာယ်ကို သိရှိနားလည်ပြီး မူးယစ်ဆေးဝါးစိုက်ပျိုးထုတ်လုပ်မှု မရှိစေရေး၊ မူးယစ်ဆေးဝါးသုံးစွဲမှုမရှိစေရေးနှင့် မူးယစ်ဆေးဝါး စိုက်ပျိုး၊ထုတ်လုပ်၊သုံးစွဲသူတွေရဲ့ ယုံကြည်ချက်၊ ခံယူချက်၊ စိတ်ဓါတ်များ မြင့်မားတိုးတက်ရေး အတွက် အမျိုးသားတာဝန်ဟု သိရှိနားလည်ခံယူကာ လူတိုင်းပူးပေါင်း ပါဝင်ပြီး ဝိုင်းဝန်းကြိုးပမ်းဆောင်ရွက် နိုင်ရန်အတွက် မြန်မာနိုင်ငံမှာ မူးယစ်ဆေးဝါးပြဿနာနှင့်ပက်သက်ပြီး ဘိန်းစိုက်ပျိုးနေမှုပြသနာကို ရင်ဆိုင်ကြုံတွေ့နေရပါကြောင်း၊ အခြားတစ်ဖက်ကလည်း စိတ်ကြွရူးသွပ်ဆေးပြား ပြဿနာသည် ဒေသအတွင်းကြီးထွားလာသလို မြန်မာနိုင်ငံမှာလည်း အသစ်ထွက်ပေါ်လာသည့် စိတ်ကြွ ရူးသွပ်ဆေးပြား ပြဿနာကို ရင်ဆိုင်ဖြေရှင်းနေရပါကြောင်း၊ မူးယစ်ဆေးဝါးတားဆီးနှိမ်နှင်းရေးကို ရှမ်းပြည်နယ် အစိုးရအနေဖြင့် ပြည်နယ်/ခရိုင်/မြို့နယ် မူးယစ်ဆေးဝါးနှင့်စိတ်ကိုပြောင်းလဲစေသော ဆေးဝါးအန္တရာယ် တားဆီးကာကွယ်ရေး အဖွဲ့များဖြင့် ဖွဲ့စည်းတာဝန်ပေးပြီး ဆောင်ရွက်လျက်ရှိပါကြောင်း၊ ရှမ်းပြည်နယ် အစိုးရအနေနဲ့ (၂၀၁၄) ခုနှစ်တွင် မူးယစ်ဆေးဝါးနှင့်ပက်သက်၍ တားဆီးနှိမ်နှင်းရေးလုပ်ငန်းများကို အရှိန်အဟုန်မြှင့်ဆောင်ရွက်နိုင်ရန် တွန်းအားပေးဆောင်ရွက်နေပြီး၊ လိုအပ်သည်များကိုလည်း ကူညီပံ့ပိုး ပေးလျက်ရှိပါကြောင်း၊ ရှမ်းပြည်နယ်အတွင်း နေထိုင်ကြသော ပြည်သူလူထုတစ်ရပ်လုံးအနေဖြင့်လည်း ကျွန်ုပ်တို့နှင့်အတူ မူးယစ်ဆေးဝါးတိုက်ဖျက်ရေးကို ပူးပေါင်းပါဝင်ကြလိမ့်မည်ဟု ယုံကြည်ပါကြောင်း၊ မူးယစ် ဆေးဝါးပပျောက်ရေးကို အမြစ်ပြတ်ဆောင်ရွက်နိုင်ရန် (၂၀၁၉)ခုနှစ်အထိ နောက်ထပ်(၅)နှစ်တိုးမြှင့် သတ်မှတ်၍ စီမံကိန်းချမှတ်ဆောင်ရွက်နေပြီဖြစ်ကြောင်း၊ မြန်မာနိုင်ငံမူးယစ်ဆေးဝါး ပပျောက်ရေးကို ဆောင်ရွက်ရာတွင် နိုင်ငံတကာ၏ ထိရောက်သောပံ့ပိုးကူညီမှု၊ ပြည်သူလူထု၏ တက်ကြွသော ပူးပေါင်း ပါဝင်ဆောင်ရွက်မှုသည် အဓိကအရေးကြီးပါကြောင်း၊ နိုင်ငံတော်အနေဖြင့် မူးယစ်ဆေးဝါးပပျောက်ရေး အတွက် ကုလသမဂ္ဂအဖွဲ့အစည်းများ၊ နိုင်ငံတကာအဖွဲ့အစည်းများနှင့် ဆက်ဆံဆောင်ရွက်လျက်ရှိပါကြောင်း” ပြောကြားသွားသည်။

 

   ဆက်လက်၍ ပြည်နယ်ဝန်ကြီးချုပ်နှင့် ပြည်နယ်ဝန်ကြီးများ၊ တာဝန်ရှိသူတို့သည် ခန်းမအတွင်း ပြသထားသော မူးယစ်ဆေးဝါးတားဆီးနှိမ်နှင်းရေးနှင့် ပက်သက်သည့် ပညာပေးပြခန်းများအား လှည့်လည် ကြည့်ရှုအားပေးကြသည်။

 

   ထို့နောက် အခမ်းအနားအစီအစဉ်အရ မူးယစ်ဆေးဝါးတားဆီးနှိမ်နှင်းရေးရဲတပ်ဖွဲ့၊ မူးယစ်ဆေးဝါး တားဆီးရေးနှိမ်နှင်းရေးဌာနမှူး ရဲမှူးကြီးမြင့်ဦးမှ မူးယစ်ဆေးဝါးအသိပညာပေးဟောပြောပွဲကျင်းပရသည့် အကြောင်းအရင်းအား ဟောပြော၍လည်းကောင်း၊ ကျန်းမာရေးဦးစီးဌာန၊ တောင်ကြီးမြို့စဝ်စံထွန်းဆေးရုံ စိတ်အထူးကုဆရာဝန် ဒေါ်ဝါဝါဝင်းမှ မူးယစ်ဆေးဝါးတားဆီးနှိမ်နှင်းရေးရဲတပ်ဖွဲ့၊ မူးယစ်တပ်ဖွဲ့စု(၂၅)၊ တပ်ဖွဲ့စုမှူး၊ ရဲမှူးစောလေးဝါးမှ ပညာပေးဟောပြောကြသည်။

 

   ယင်းနောက် ဟောပြောပွဲနှင့်ပက်သက်သည့် မေးခွန်း(၁၅)ခုကို အခမ်းအနားတက်ရောက်လာသည့် သူများအား မေးမြန်းဖြေကြားစေပြီး၊ ဆုရရှိသူများကို ဆုမဲပေါင်း(၅၆)ဆုကို တာဝန်ရှိသူအကြီးအကဲများက ဆုများပေးအပ်ချီးမြှင့်ပေးကြကြောင်း သိရှိရသည်။

 

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ပအိုဝ်းကိုယ်ပိုင် အုပ်ချုပ်ခွင့်ရဒေသဦးစီးအဖွဲ့ဥက္ကဋ္ဌ၊ ဗမာတိုင်းရင်းသားရေးရာဝန်ကြီး၊ ကိုရီးယားနိုင်ငံ Knows-hows မှ Ji-Ho, Cho နှင့်အဖွဲ့များ၊ ပြည်နယ်/ခရိုင်/မြို့နယ်အဆင့် ဌာနဆိုင်ရာများ၊ တောင်ကြီးတက္ကသိုလ်မှ တာဝန်ရှိသူများ၊ ကျောင်းသား/ကျောင်းသူများ၊ ရပ်ကွက်အုပ်ချုပ်ရေးမှူးများ၊ ပြည်သူလူထုများ၊ ဖိတ်ကြားထားသည့် ဧည့်သည် တော်များ တက်ရောက်ကြကြောင်း သတင်းရရှိသည်။

 

အထက်ပေါင်းလောင်း ရေအားလျှပ်စစ် စီမံကိန်းနှင့် ပတ်သက်၍ တွေ့ဆုံ ရှင်းလင်းဆွေးနွေး

တောင်ကြီး   ဖေဖော်ဝါရီ   ၁၉

 

043

 

   ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ၊ အစိုးရအဖွဲ့ အတွင်းရေးမှူး၊ ပြည်နယ်အဆင့်ဌာနဆိုင်ရာ တာဝန်ရှိသူများ၊ အထက်ပေါင်းလောင်း ရေအားလျှပ်စစ် စီမံကိန်းမှ ညွှန်ကြားရေးမှူးချုပ် ဦးသောင်းဟန်နှင့် အဖွဲ့ဝင်များသည် ဖေဖော်ဝါရီ(၁၉)ရက်၊ မွန်းလွဲ(၂)နာရီခွဲက ရှမ်းပြည်နယ်အစိုးရအဖွဲ့ရုံး၊ အစည်းအဝေးခန်းမ၌ အထက်ပေါင်းလောင်း ရေအားလျှပ်စစ် စီမံကိန်းနှင့် ပတ်သက်၍ တွေ့ဆုံ ရှင်းလင်းကြသည်။

 

   ရှေးဦးစွာ ညွှန်ကြားရေးမှူးချုပ် ဦးသောင်းဟန်မှ အထက်ပေါင်းလောင်း ရေအားလျှပ်စစ် စီမံကိန်းနှင့် ပတ်သက်၍ စက်ရုံများကို မေ၊ ဇွန်လတွင် လျှပ်စစ်ဓါတ်အားများ လည်ပတ်နိုင်မည် ဖြစ်ကြောင်း၊ ဘေးပတ်ဝန်းကျင်ရှိ လူနေအိမ်များကိုလည်း လျော်ကြေးများ ပေးလျော်ပြီးကြောင်း၊ ဘုန်းကြီးကြောင်း၊ စာသင်ကျောင်း၊ လူနေအိမ်များကိုလည်း ဆောက်လုပ်ပေးပြီးကြောင်း ဆွေးနွေးသွားသည်။

 

   ဆက်လက်၍ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ ဦးခွန်စံလွင်မှ အိမ်ယာမြေ ပြောင်းရွှေ့ရေးကိစ္စနှင့် ပတ်သက်၍ ပြောင်းရွှေ့ခံရသည့် (၂၂)ရွာကို ဒေသခံများက ဘုန်းကြီးကျောင်းနှင့် အနီးစပ်ဆုံးနေရာတွင် ချပေးရန်၊ ဒေသခံများက ဆရာတော်ကြီးများ၏ ဝေယျာဝေစ္စများကို ပြုလုပ်ပေးနိုင်မည် ဖြစ်ကြောင်း၊ ဒေသခံများကလည်း တစ်နိုင်တစ်ပိုင်လုပ်ငန်းများ လုပ်ကိုင်နိုင်ရန် စီစဉ်ဆောင်ရွက်ပေးရန် ရှင်းလင်း ဆွေးနွေးသွားသည်။

 

   ထို့နောက် ပြည်နယ်ဝန်ကြီးချုပ် ဦးစဝ်အောင်မြတ်က အထက်ပေါင်းလောင်း ရေအားလျှပ်စစ် စီမံကိန်းနှင့် ပတ်သက်၍ လိုအပ်သည်များကို ပြန်လည်ဖြည့်ဆည်း ပြောကြား ဆွေးနွေးသွားကြောင်း သိရှိရသည်။

 

ပြည်မ-တောင်တန်း ပူးပေါင်းရေး ပင်လုံကျောက်တိုင် ပန်းခြံအဆင့်မြှင့်တင်ခြင်းဖွင့်ပွဲ ကျင်းပ

တောင်ကြီး ဖေဖော်ဝါရီ  ၁၂

 

033

 

038

 

   ပြည်မ-တောင်တန်းပူးပေါင်းရေး ပင်လုံကျောက်တိုင် ပန်းခြံအဆင့်မြှင့်တင်ခြင်းဖွင့်ပွဲ အခမ်းအနားကို ဖေဖော်ဝါရီ ၁၂ ရက်နေ့ နံနက်(၁၁)နာရီက ပင်လုံကျောက်တိုင် ပန်းခြံရှေ့၌ ကျင်းပရာ ပင်လုံကျောက်တိုင် ပန်းခြံအဝင်မုခ်ဦးအား ရှမ်းပြည်နယ်အစိုးရအဖွဲ့ ပြည်နယ်လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး အောင်သူ၊ ပြည်နယ်ဘဏ္ဍာရေးဝန်ကြီး ဦးခွန်သိန်းမောင်၊ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ပြည်နယ်စည်ပင် သာယာရေးဝန်ကြီး ဦးစိုင်းလှဝင်း၊ ပအိုဝ်းကိုယ်ပိုင်အုပ်ချုပ်ခွင့်ရ ဒေသဦးစီးအဖွဲ့ဥက္ကဋ္ဌ ဦးခွန်စံလွင်၊ လွိုင်လင်မြို့နယ် မဲဆန္ဒနယ်အမှတ်(၂) ပြည်နယ် လွှတ်တော်ကိုယ်စားလှယ် ဦးစိုင်းဘဦး၊ ပင်လုံမြို့၊ မြို့မိမြို့ဖ ဦးစိုင်းလုံတို့က ပင်လုံကျောက်တိုင် ပန်းခြံအဝင်မုခ်ဦးအား ဖဲကြိုးဖြတ်ဖွင့်လှစ် ပေးကြ သည်။

 

   ဆက်လက်၍ မြန်မာ-အင်္ဂလိပ် နှစ်ဘာသာဖြင့်ရေးထိုးထားသော ပြည်မ-တောင်တန်း ပူးပေါင်းရေး စာချုပ် ကျောက်တိုင်ဆိုင်းဘုတ်အား ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ စက်ခလုတ်နှိပ်၍ ဖွင့်လှစ်ပေးပြီး၊ ပြည်နယ်ဝန်ကြီးချုပ်နှင့်အဖွဲ့ တာဝန်ရှိသူများတို့က ပင်လုံကျောက်တိုင် ဆိုင်းဘုတ်ကို အမွေးနံသာရည်များ ပက်ဖြန်းပေးကြသည်။

 

   ထို့နောက် ပင်လုံကျောက်တိုင်ပန်းခြံဖွင့်ပွဲ ဆိုင်းဘုတ်အား နောက်ခံထား၍ အမှတ်တရဓါတ်ပုံ ရိုက်ကူး ကြသည်။အခမ်းအနားအစီအစဉ်အရ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပြည်နယ်/ခရိုင်/မြို့နယ်အဆင့် ဌာနဆိုင်ရာအကြီးအကဲများ၊ တိုင်းရင်းသား/တိုင်းရင်းသူများတို့သည် ပင်လုံ ကျောက်တိုင်ကွင်းအတွင်း နိုင်ငံတော်အလံရှေ့တွင် နေရာယူပြီး၊ နိုင်ငံတော်အလံအား အလံစောင့်တပ်ဖွဲ့ဖြင့် ပြည်နယ်ဝန်ကြီးချုပ်နှင့်ဇနီး၊ တာဝန်ရှိသူများ၊ ဧည့်ပရိတ်သတ်တို့မှ အလေးပြုကြသည်။

 

   ၎င်းနောက် ပင်လုံကျောက်တိုင်အား ပြည်နယ်ဝန်ကြီးချုပ်နှင့်ဇနီး၊ ပြည်နယ်ဝန်ကြီးများ၊ တက်ရောက် လာသူ ဒေသခံမိဘပြည်သူများမှ အလေးပြုကြသည်။

 

   ယင်းနောက် ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတ၊ အဂ္ဂမဟာသရေစည်သူ၊ အဂ္ဂမဟာသီရိသုဓမ္မ ဦးသိန်းစိန်ထံမှ (၆၇)နှစ်မြောက် ပြည်ထောင်စုနေ့အခမ်းအနားသို့ ပေးပို့သောသဝဏ်လွှာ အား ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ ဖတ်ကြားသည်။

 

   ဆက်လက်၍ ပင်လုံကျောက်တိုင်ပန်းခြံ အဆင့်မြှင့်တင်ခြင်းဖွင့်ပွဲအထိမ်းအမှတ် ဧည့်သည်တော် မှတ်တမ်းတွင် ပြည်နယ်ဝန်ကြီးချုပ်မှ လက်မှတ်ရေးထိုးပြီး၊ ကွင်းအတွင်းရှိတိုင်းရင်းသားတိုင်းရင်းသူများမှ စည်းလုံးခြင်းအတွက် သီချင်းတစ်ပုဒ် တေးသီချင်းဖြင့်ကပြ ဖျော်ဖြေ၍ အခမ်းအနားကို အောင်မြင်စွာ ရုပ်သိမ်းလိုက်သည်။

 

   ထို့နောက် ပြည်နယ်ဝန်ကြီးချုပ်နှင့်ဇနီး၊ ပြည်နယ်ဝန်ကြီးများ၊ တာဝန်ရှိသူတို့သည် ပင်လုံမြို့၊ မဟာရဋ္ဌာ ဘိသာမဂ္ဂီစေတီတော်ကြီး လိုဏ်ဂူတော်အတွင်း သံဃာတော်(၁၁)ပါးအား လှူဖွယ်ပစ္စည်းများဖြင့် ဆက်လပ် လှူဒါန်းခြင်း၊ အခမ်းအနားကျင်းပရာ ပထမဦးစွာ နမောတဿ(၃)ကြိမ် ရွတ်ဆိုဘုရားကန်တော့၍ ဖွင့်လှစ်ပြီး၊ ပြည်နယ်ဝန်ကြီးချုပ်နှင့်ဇနီး၊ ပြည်နယ်ဝန်ကြီးများ၊ ဧည့်ပရိတ်သတ်တို့က ရတနာမြတ်(၃)ပါးအား ဩကာသ ကန်တော့ကျိုးဖြင့် ကန်တော့၍ မြို့နယ်သံဃနာယကဆရာတော်ထံမှ (၅)ပါးသီလခံယူဆောက်တည်ကြသည်။

 

   ၎င်းနောက် ပြည်နယ်ဝန်ကြီးချုပ်နှင့်ဇနီး၊ ပြည်နယ်ဝန်ကြီးများက ဆရာတော်သံဃာတော်များအား လှူဖွယ်ဝတ္တုပစ္စည်းများ ဆက်ကပ်လှူဒါန်း၍ ဆရာတော်သံဃာတော်များမှ ပရိတ်တရားတော်များ ရွတ်ဖတ် သရဇ္ဈယ်ပေးပြီး၊ ရတနာစည်ဆရာတော်က အနုမောဒနတရား နာယူကာရေစက်သွန်းချ အမျှပေးဝေသည်။

 

   ယင်းနောက် အခမ်းအနားကို ဗုဒ္ဓသာသနံစိရံတိဋတု(၃)ကြိမ် ရွတ်ဆိုဆုတောင်း၍ အခမ်းအနားကို ရုပ်သိမ်းလိုက်သည်။

 

   အဆိုပါအခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်နှင့်ဇနီး ဒေါ်ဖြူဖြူညွန့်၊ ပြည်နယ်တရားလွှတ်တော်တရားသူကြီးချုပ်၊ ပြည်နယ်ဝန်ကြီးများ၊ ပအိုဝ်းကိုယ်ပိုင်အုပ်ချုပ်ခွင့်ရ ဒေသဦးစီးအဖွဲ့ ဥက္ကဋ္ဌ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ အစိုးရအဖွဲ့အတွင်းရေးမှူး၊ ပြည်နယ် လွှတ်တော်ကိုယ်စားလှယ်၊ ပြည်နယ်/ခရိုင်/မြို့နယ်အဆင့်ဌာနဆိုင်ရာများ၊ ပြည်နယ်အတွင်းရှိ တိုင်းရင်းသား မျိုးနွယ်စုများ၊ တိုင်းရင်းသားရိုးရာယဉ်ကျေးမှုအဖွဲ့များ၊ လူမှုရေးအသင်းအဖွဲ့များနှင့် မိဘပြည်သူများ တက်ရောက်ကြကြောင်း သတင်းရရှိသည်။

 

ရှမ်းပြည်နယ်အစိုးရအဖွဲ့နှင့် Taunggyi Highway Bus Terminal & Logistic Warehouse ကုမ္မဏီအဖွဲ့နှင့် တွေ့ဆုံ

တောင်ကြီး   ဖေဖေါ်ဝါရီ  ၁၉

 

042

 

   ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပအိုဝ်းကိုယ်ပိုင်အုပ်ချုပ်ခွင့်ရသောဦးစီးအဖွဲ့ ဥက္ကဌ၊ အစိုးရအဖွဲ့ အတွင်းရေးမှူး၊ ပြည်နယ်အဆင့်ဌာနဆိုင်ရာ တာဝန်ရှိသူများနှင့် ဖေဖေါ်ဝါရီ(၁၉)ရက် မွန်းလွဲ(၁)နာရီက ရှမ်းပြည်နယ်အစိုးရ အစည်းအဝေခန်းမ၌ Taunggyi Highway Bus Terminal & Logistic Warehouse  ကုမ္မဏီအဖွဲ့နှင့်တွေ့ဆုံ နှင့်တွေ့ဆုံဆွေးနွေးသည်။

 

   ပထမဦးစွာ Taunggyi Highway Bus Terminal & Logistic Warehouse  ကုမ္မဏီမှ ဒုတိယမန်နေဂျာဦးလွင်မိုးက Highway လမ်းမကြီးတည်ဆောက်မည့်ပုံစံများကို Projector ဖြင့်ရှင်းလင်းတင်ပြခဲ့သည်။ 

 

   ဆက်လက်၍ အစိုးရအဖွဲ့၊ ပြည်နယ်လမ်းပန်ဆက်သွယ်ရေးဝန်ကြီး ဦးစိုင်းနော်ခမ်းမှ တင်ဒါခေါ်ယူထားသည့် အချက်အလက်များ ရှင်းလင်းခြင်း၊ ပြည်နယ်စည်ပင်သာယာရေး ဝန်ကြီး ဦးစိုင်းလှဝင်းက ရေရရှိရေးအတွက် ဆွေးနွေးပြီး၊ ပြည်နယ်ဥပဒေချုပ်မှ လုပ်ငန်းစာချုပ်နှင့် ပက်သက်၍ ရှင်းလင်းခြင်း၊ ပြည်နယ်ဘဏ္ဏာရေးဝန်ကြီး ဦးခွန်သိန်းမောင်မှ ယာဉ်ရပ်နားမည့် နေရာနှင့် ပက်သက်၍ ဆွေးနွေးခြင်း၊ ပြည်နယ်ဝန်ကြီးချုပ် ဦးစဝ်အောင်မြတ်က လုပ်ငန်းနှင့် ပက်သက်၍ လိုအပ်သည့်လုပ်ငန်းများကို ပြန်လည်ဖြည့်ဆည်းမှာကြားခဲ့သည်။ 

 

   ထို့နောက် ပြည်နယ်အဆင့်ဌာနဆိုင်ရာ တာဝန်ရှိသူများက မိမိတို့နှင့် သက်ဆိုင်သည့် ကဏ္ဍအလိုက် ဆွေးနွေးတင်ပြကြပြီး တွေ့ဆုံပွဲကို အောင်မြင်စွာ ရုပ်သိမ်းလိုက်သည်။

 

(၆၇) နှစ်မြောက် ပြည်ထောင်စုနေ့ အခမ်းအနားကျင်းပ

တောင်ကြီး ဖေဖော်ဝါရီ   ၁၂

 

032

 

(၆၇)နှစ်မြောက် ပြည်ထောင်စုနေ့အခမ်းအနားကို ဖေဖော်ဝါရီ (၁၂)ရက် နံနက်(၇)နာရီခွဲက တောင်ကြီးမြို့၊ အဝေရာမီးပုံးပျံကွင်း၌ ကျင်းပရာ ရှေးဦးစွာ စစ်ရေးပြတပ်ခွဲက စစ်ကြောင်းဖြင့် ချီတက်နေရာယူ ပြီး ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစစ်အောင်မြတ်အား အလေးပြုကြသည်။ ဆက်လက်၍ ပြည်နယ်ဝန်ကြီးချုပ်နှင့် အခမ်းအနားတက်ရောက်လာသူများက ပြည်ထောင်စုသမ္မတမြန်မာနိုင်ငံတော်အလံကို အလေးပြုကြရာ ဂုဏ်ပြုဘင်ခရာအဖွဲ့က နိုင်ငံတော်သီချင်းကို တီးမှုတ်ဂုဏ်ပြုပြီး ကျဆုံးလေပြီးသော ခေါင်းဆောင်ကြီးများနှင့် တပ်မတော်သားများအား အလေးပြုခြင်း၊ သစ္စာအဓိဋ္ဌာန်(၄)ချက် တို့ကို ရွတ်ဆိုကြသည်။

 

ထို့နောက် ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ အဂ္ဂမဟာသရေစည်သူ၊ အဂ္ဂမဟာ သီရိသုဓမ္မ ဦးသိန်းစိန်ထံမှ ပေးပို့သော (၆၇)နှစ်မြောက် ပြည်ထောင်စုနေ့ သဝဏ်လွှာဖတ်ကြားပြီး အခမ်းအနား ကို အောင်မြင်စွာ ရုပ်သိမ်းလိုက်ကြောင်း သိရသည်။

 

အဆိုပါအခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်နှင့်ဇနီး ဒေါ်ဖြူဖြူညွန့်၊ ရှမ်းပြည်နယ်လွှတ်တော်ဥက္ကဋ္ဌ ဦးစိုင်းလုံးဆိုင်၊ ပြည်နယ်လွှတ်တော် ဒုတိယဥက္ကဋ္ဌ ဦးစိုင်းခမ်းမှတ်၊ ပြည်နယ်တရားလွှတ်တော်တရားသူကြီးချုပ်၊ ပြည်နယ်ဝန်ကြီးများနှင့် ဇနီးများ၊ ပြည်နယ် ဥပဒေချုပ်၊ ပြည်နယ်စာရင်းစစ်ချုပ်၊ အစိုးရအဖွဲ့အတွင်းရေးမှူး၊ အရှေ့ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ်အေးဝင်းနှင့်ဇနီး၊ အရှေ့ပိုင်းတိုင်းစစ်ဌာနချုပ်မှ တပ်မတော်အရာရှိများနှင့်ဇနီးများ၊ စစ်ရေးပြ တပ်ခွဲမှတပ်ဖွဲ့ဝင်များ၊ တိုင်းရင်းသားရေးရာဝန်ကြီးများ၊ ပြည်နယ်/ခရိုင်/မြို့နယ်အဆင့်ဌာနဆိုင်ရာများ၊ ပြည်နယ်အတွင်းရှိတိုင်းရင်းသားမျိုးနွယ်စုများ၊ တိုင်းရင်းသားရိုးရာယဉ်ကျေးမှုအဖွဲ့များ၊ လူမှုရေးအသင်းအဖွဲ့ များနှင့် မိဘပြည်သူများတက်ရောက်ကြကြောင်း သတင်းရရှိသည်။

 

(၁၆)ကြိမ်မြောက် တောင်ကြီးပညာရေးကောလိပ် ဆရာအတတ်ပညာ ဒီပလိုမာ/လက်မှတ်ပေးအပ်

တောင်ကြီး ဖေဖော်ဝါရီ  ၁၇

 

ရှမ်းပြည်နယ်၊ တောင်ကြီးပညာရေးကောလိပ် (၁၆)ကြိမ်မြောက် ဆရာအတတ်ပညာ ဒီပလိုမာ/လက်မှတ် ပေးအပ်ပွဲကို ဖေဖော်ဝါရီ (၁၇)ရက် နံနက်(၈)နာရီက တောင်ကြီးမြို့၊ ပညာရေးကောလိပ်၊ ပညာရတနာခန်းမ၌ ကျင်းပသည်။

 

“အမျိုးသားပညာရည် မြင့်မားရေး၊ ပညာရေးမြှင့်တင်မှုကို နိုင်ငံတစ်ဝန်း ပညာရေးကောလိပ်ကျောင်း (၂၀) တို့တွင် လုပ်ငန်းခွင်အကြို ဆရာအတတ်ပညာ ဒီပလိုမာ(ပထမနှစ်) သင်တန်းများကို (၁၉၉၈-၁၉၉၉) ပညာသင်နှစ် ဒီဇင်ဘာလတွင် အမှတ်စဉ်(၁)မှ စတင်ဖွင့်လှစ်ခဲ့ပြီး၊ (၂၀၁၂-၂၀၁၃) ပညာသင်နှစ်တွင် အမှတ်စဉ် (၁၇)ထိလည်းကောင်း၊ ဒုတိယနှစ်သင်တန်းများကို (၂၀၀၀-၂၀၀၁)ပညာသင်နှစ် ဧပြီလတွင် အမှတ်စဉ်(၁)မှ စတင်ဖွင့်လှစ်၍ (၂၀၁၂-၂၀၁၃)ပညာသင်နှစ်တွင် အမှတ်စဉ်(၁၆)ထိ လေ့ကျင့်ပေးခဲ့ကြောင်း၊ (၂၀၁၂-၂၀၁၃) ပညာသင်နှစ်တွင် တောင်ကြီးပညာရေးကောလိပ်၌ လေ့ကျင့်သင်ယူခဲ့သည့် အမှတ်စဉ်(၁၆/၁၁) ဒုတိယနှစ် အောင်မြင်သူ သင်တန်းသူ(၁၇၂)ဦး၊ အမှတ်စဉ်(၁၇/၁၂) ပထမနှစ်အောင်မြင်သူ သင်တန်းသူ(၃၀၁)ဦးကို သက်ဆိုင်ရာ ဒီပလိုမာ/လက်မှတ်များ ချီးမြှင့်ပေးအပ်မှာ ဖြစ်ကြောင်း၊ အမှတ်စဉ်(၁၆/၁၁) ဒုတိယနှစ် အောင်မြင်သူ (၁၇၂)ဦးမှ သင်တန်းသူ(၂၆)ဦးသည် စစ်ကိုင်းပညာရေးတက္ကသိုလ် (B.ED) တတိယနှစ် သင်တန်းကို တက်ရောက်ခွင့်ရရှိပြီး သင်တန်းသူ (၁၄၆)ဦးကိုလည်း အမှတ်စဉ်(၁၇/၁၂) ပထမနှစ် အောင်မြင်သူ (၃၀၁)ဦးမှ သင်တန်းသူ(၆)ဦးကို သင်တန်းဆင်းလက်မှတ်များ ချီးမြှင့်ပေး၍ (၂၀၁၄)ခုနှစ် မေလတွင် မူလတန်းပြ ဆရာများအဖြစ် တာဝန်ပေးအပ် ခန့်အပ်သွားမည် ဖြစ်ကြောင်း၊ ဆရာမလောင်းများကို လက်တွေ့ကျသော ပညာရေး ပြုပြင်ပြောင်းလဲရေးဆိုင်ရာ လုပ်ငန်းများနှင့် စပ်လျဉ်းပြီး အသိပေး ပြောကြားလိုကြောင်း၊ လူတိုင်းပညာသင်ယူခွင့် ရရှိနိုင်ရေးအတွက် နိုင်ငံတော်မှ အဘက်ဘက်က စီစဉ်ဆောင်ရွက်နေချိန်တွင် ဆရာ/ဆရာမများအနေနှင့် ကလေးများကျောင်းနေပျော်၍ စာတော်အောင် စွမ်းဆောင်ပေးကြရန်၊ ကလေးတစ်ဦးချင်းစီ၏ တစ်ကိုယ်ရည်သန့်ရှင်းရေး၊ ကျန်းမာရေး အသိပညာရရှိရန် Life Skill ဘာသာရပ်တွင် လေ့ကျင့်သင်ကြားပေးရန်၊ အားကစားနှင့် ရသခံစားနိုင်ရန် ပန်းချီနှင့် ဂီတကို သင်ကြားပေး၍ လိမ္မာယဉ်ကျေးနိုင်ရန် ပြည်သူ့နီတိ၊ လောကနီတိ ပညာရပ်များနှင့်  သဘာဝဘေးအန္တာရယ် သိရှိကြိုတင်ကာကွယ်ရေး ပတ်ဝန်းကျင် ထိန်းသိမ်းစောင့်ရှောက်မှု အလေ့အကျင့်များရရှိအောင် သင်ကြားပေးရန် လိုကြောင်း၊ စစ်မှန်သော မျိုးချစ်စိတ်ဓာတ် ပြည်ထောင်စုစိတ်ဓာတ်ကို အခြေခံ၍ မိမိတို့ဒေသ၏ ဖွံ့ဖြိုးတိုးတက်ရေးအတွက် ကိုယ့်ခွန် ကိုယ့်အားဖြင့် ဆောင်ရွတ်တတ်သည့် စိတ်ဓာတ် အမှုအကျင့်များကို လေ့ကျင့်ပျိုးထောင်ပေးကြရန် ” အတွက်  ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ လမ်းညွှန်အမှာစကား ပြောကြားသွားသည်။

 

ဆက်လက်၍ နိုင်ငံတော်သီချင်းတီးမှုတ်၍ အခမ်းအနားကို ဖွင့်လှစ်ပြီး ဆရာအတတ်ပညာ ဒီပလိုမာ/လက်မှတ် အပ်နှင်းပွဲ ကျင်းပရခြင်းနှင့် ပက်သက်၍ တောင်ကြီးပညာရေးကောလိပ်ကျောင်းအုပ်ဆရာမကြီး ဒေါ်နန်းဖြူဖောင်းမှ ရှင်းလင်းပြောကြားကာ ဆရာအတတ်ပညာဒီပလိုမာ သင်တန်းအောင်မြင်ပြီးမြောက်ခဲ့သည့် ဆရာအတတ်ပညာ သင်တန်းသူများအား ဒီပလိုမာ/လက်မှတ်များကို  ချီးမြှင့်အပ်နှင်းခဲ့ကြောင်း သိရှိရသည်။

 

အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်စာရင်းစစ်ချုပ်၊ အစိုးရအဖွဲ့အတွင်းရေးမှူး၊ ပြည်နယ်/ခရိုင်/ မြို့နယ်အဆင့် ဌာနဆိုင်ရာများ၊ ကျောင်းအုပ်ဆရာမကြီးနှင့် ဆရာ/ဆရာမများ၊ ဒီပလိုမာဘွဲ့ရ သင်တန်းသူများ၊ မိဘပြည်သူများ တက်ရောက်ကြကြောင်း သတင်းရရှိသည်။

 

ပညာရေးကဏ္ဍမြင့်မားရေးအတွက် မြို့နယ်ပညာရေးမှူးများနှင့် မြို့နယ်ဖွံ့ဖြိုးရေးအထောက်အကူပြု ကော်မတီများသို့ ပေါင်းစပ်ညှိနှိုင်း တာဝန်ပေးအပ်ခြင်း ကျင်းပ

တောင်ကြီး ဖေဖော်ဝါရီ  ၁၁

 

031

 

   ရှမ်းပြည်နယ် ပညာရေးကဏ္ဍမြှင့်တင်ရေးအတွက် မြို့နယ်ပညာရေးမှူးများနှင့် မြို့နယ်ဖွံ့ဖြိုးတိုးတက် ရေး အထောက်အကူပြုကော်မတီများသို့ ပေါင်းစပ်ညှိနှိုင်း တာဝန်ပေးအပ်ခြင်း အခမ်းအနားကို ဖေဖော်ဝါရီ(၁၁)ရက် နေ့လည် (၁၂)နာရီက တောင်ကြီးမြို့၊ မြို့တော်ခန်းမ၌ ကျင်းပရာ ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ အဖွင့်အမှာစကားပြောကြားသည်။ ဆက်လက်၍ နိုင်ငံတော်သမ္မတရုံး၊ ဝန်ကြီးဌာန(၅)၊ ပြည်ထောင်စုဝန်ကြီး ဦးတင်နိုင်သိန်းမှ အမှာစကားရာတွင် “ပညာရေး ကဏ္ဍမြှင့်တင်ရေးအတွက် ပညာရေးအရည်အသွေးလေ့လာစမ်းသပ်ချက်များနှင့် ကျောင်းတွင်းကျောင်းပြင် ပညာရေးကဏ္ဍစစ်ဆေးချက်များ ပေါင်းစည်းဆောင်ရွက်မှုများကို အခြေခံပြီး၊ ပညာရေးသင်ရိုးညွှန်းတမ်း ဆိုင်ရာ နိမ့်ကျမှုမရှိစေရန် မိဘ၊ဆရာ၊ကျောင်းသား/ကျောင်းသူများ ပေါင်းစည်းဆောင်ရွက်နိုင် မှသာလျှင် ကောင်းမွန်နိုင်မည်ဖြစ်ကြောင်း၊ မူကြိုမှမူလတန်းအထိ ဆရာ၊မိဘများမှ ပညာရေးအတွက် စမ်းစစ်မှုများ လိုအပ်မည်ဖြစ်ပြီး၊ ဆရာ/ဆရာမများ အနေဖြင့်လဲ သင်ကြားမှုပိုင်းတွင် သင်ရိုးညွန်းတန်းများအား ကျေညှက်စွာ သင်ကြားပေးနိုင်ပါရန်နှင့် နိုင်ငံတော်အနေဖြင့် မူလတန်းကျောင်းသား/ကျောင်းသူများအား အခမဲ့ သင်ကြား ပေးနိုင်ရန်ညွှန်ကြားထားပြီး၊ ပညာရေးကဏ္ဍမြှင့်တင်ရေးအတွက် မိဘ၊ဆရာ၊ကျောင်းသား/ ကျောင်းသူများ ဝိုင်းဝန်းဆောင်ရွက်သွားကြရန်၊ ြမို့နယ်အထောက်အကူပြု ကော်မတီဝင်များ နှင့် ပေါင်းစပ်ညှိနှိုင်း ဆောင်ရွက်သွားကြရန် လိုအပ်ပါကြောင်း” ပြောကြားသွားသည်။

 

   ထို့နောက် ရှေးဦးကလေးသူငယ်ဖွံ့ဖြိုးရေးနှင့် မူကြိုပညာကဏ္ဍတွင် ဆရာ၊ မိဘ၊ ကျောင်းသားနှင့် ပြည်သူများ ပူးပေါင်းဆောင်ရွက်ရေးအတွက် အထက်မြန်မာပြည်(မန္တလေး) အမှတ်(၂)အခြေခံပညာရေး ဦးစီးဌာန၊ ဒုတိယညွှန်ကြားရေးမှူး ဒေါ်စန်းစန်းနုမှ ရှင်းလင်းဆွေးနွေးတင်ပြသည်။ ဆက်လက်၍ အခြေခံပညာ ကဏ္ဍတွင် ဆရာ၊ မိဘ၊ ကျောင်းသားနှင့် ပြည်သူများ ပူးပေါင်းဆောင်ရွက်ရေးအတွက် ဦးခင်မောင်မြင့်မှ ရှင်းလင်းဆွေးနွေးတင်ပြသည်။

 

   ၎င်းနောက် မြို့နယ်ဖွံ့ဖြိုးတိုးတက်ရေး အထောက်အကူပြု ကော်မတီများမှ တင်ပြဆွေးနွေးရာ တောင်ကြီးခရိုင် အတွင်းရှိ မြို့နယ်/မြို့နယ်ခွဲများမှ အထောက်အကူပြုကော်မတီများ၊ လွိုင်လင်၊ ကွန်ဟိန်း၊ နမ့်စန်၊ လဲချား၊ မိုင်းကိုင်၊ မိုင်းရှူး၊ လင်းခေး၊ မိုင်းပန်၊ မောက်မယ်၊ မိုးနဲတို့မှ မြို့နယ်ဖွံ့ဖြိုးရေး အထောက်အကူပြုကော်မတီများ၊ မြို့နယ်ပညာရေးမှူးများတို့၏ တင်ပြဆွေးနွေးကြမှုအပေါ် နိုင်ငံတော် သမ္မတရုံး၊ ဝန်ကြီးဌာန (၅)၊ ပြည်ထောင်စုဝန်ကြီး ဦးတင်နိုင်သိန်း၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်နှင့် အထက်မြန်မာပြည် (မန္တလေး) အမှတ်(၂)အခြေခံပညာဦးစီးဌာန ပညာရေးညွှန်ကြား ရေးမှူးချုပ် ဦးတင်မျိုးကြည် တို့မှ လိုအပ်သည်များကို ညှိနှိုင်းဆွေးနွေး ဆောင်ရွက်ဖြည့်ဆည်းပေးခဲ့ကြောင်း သိရှိရသည်။

 

   ယင်းနောက် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ နိဂုံးချုပ်အမှာ စကားပြောကြားပြီး အခမ်းအနားကို အောင်မြင်စွာရုပ်သိမ်းပြီးနောက် နိုင်ငံတော်သမ္မတရုံး၊ ဝန်ကြီးဌာန (၅)၊ပြည်ထောင်စုဝန်ကြီး၊ ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် နှင့် တာဝန်ရှိသူတို့သည် အခမ်းအနား တက်ရောက်လာသူများအား ရင်းရင်းနှီးနှီးလိုက်လံနှုတ်ဆက်ကြကြောင်းသိရှိရသည်။

 

   အဆိုပါ အခမ်းအနားသို့ နိုင်ငံတော်သမ္မတရုံး၊ ဝန်ကြီးဌာန (၅)၊ ပြည်ထောင်စုဝန်ကြီး၊ ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်လွှတ်တော်ဥက္ကဋ္ဌ၊ ဒု-ဥက္ကဋ္ဌ၊ ပြည်နယ်ဝန်ကြီးများ၊ ကိုယ်ပိုင် အုပ်ချုပ်ခွင့်ရဒေသဦးစီးဥက္ကဋ္ဌနှင့်အဖွဲ့ဝင်များ၊ အစိုးရအဖွဲ့အတွင်းရေးမှူး၊ ပြည်နယ်ဥပဒေချုပ်၊ ပြည်နယ် စာရင်းစစ်ချုပ်၊ အထက်မြန်မာပြည် (မန္တလေး) အမှတ်(၂)အခြေခံပညာဦးစီးဌာနပညာရေး ညွှန်ကြားရေးမှူးချုပ် နှင့် တာဝန်ရှိသူများ၊ ပြည်နယ်/ခရိုင်/မြို့နယ် အဆင့်ဌာနဆိုင်ရာတာဝန်ရှိသူများ၊ တောင်ကြီးခရိုင်၊ လွိုင်လင်ခရိုင်၊ လင်းခေးခရိုင်၊ မြို့နယ်မြို့နယ်ခွဲ အုပ်ချုပ်ရေးမှူးများ၊ မြို့နယ်ပညာရေးမှူးများ၊ မြို့နယ် အထောက်အကူပြု ကော်မတီများနှင့် ရပ်/ကျေးအုပ်ချုပ်ရေးမှူးများ၊ လူမှုရေးအသင်းအဖွဲ့များ၊ ကျောင်းဆရာ/ ဆရာမများ နှင့် ဒေသခံတိုင်းရင်းသားမိဘ ပြည်သူများ တက်ရောက်ကြကြောင်း သတင်းရရှိသည်။

 

ရှမ်းပြည်နယ်လူမှုရေးဝန်ကြီး ဒေါက်တာမျိုးထွန်း ဦးဆောင်သောအဖွဲ့မှ အခမဲ့ ကျန်းမာရေး ကွင်းဆင်းစောင့်ရှောက်ပေးခဲ့မှု ခရီးစဉ်

တောင်ကြီး   ဖေဖော်ဝါရီ   ၁၅

 

 041

 

ရှမ်းပြည်နယ်လူမှုရေးဝန်ကြီး ဒေါက်တာမျိုးထွန်း ဦးဆောင်လျက် ပြည်နယ်ကျန်းမာရေးဦးစီးဌာနမှူး ဒေါက်တာသန်းထွဋ်ဦး၊ လင်းခေးခရိုင် အထွေထွေအုပ်ချုပ်ရေးမှူး ဦးခင်ဝင်း၊ လွိုင်လင်ပြည်သူ့ဆေးရုံကြီးမှ ဆေးရုံအုပ်ကြီး ဒေါက်တာအောင်ထွေး၊ အထူးကုဆရာဝန်ကြီးများနှင့် ရာစုသစ် သွေးလှူရှင်များအသင်းတို့မှ ပူးပေါင်းလိုက်ပါလျက် (၁၅-၂-၂၀၁၄)ရက်နေ့ နံနက်(၉:၀၀)နာရီအချိန်တွင် မောက်မယ်မြို့သို့ ရောက်ရှိခဲ့ကြပြီး မောက်မယ်ပြည်သူ့ဆေးရုံကြီးတွင် ဒေသခံပြည်သူများအား အခမဲ့ ကျန်းမာရေး စောင့်ရှောက်မှုလုပ်ငန်းကို ဆောင်ရွက်ပေးခဲ့ကြပါသည်။ အဆိုပါ ကျန်းမာရေးစောင့်ရှောက်မှု အခမ်းအနားသို့ ရပ်ကွက်/ ကျေးရွာများမှ ဒေသခံပြည်သူများ လာရောက်ပြသခဲ့ရာ နွေးထွေးစွာ ကြိုဆိုခဲ့ကြပြီး သက်ဆိုင်ရာ အထူးကုဆရာဝန်များမှ အထွေထွေရောဂါ (၃၁၀)ဦး၊ ခွဲစိတ်လူနာ (၄၆)ဦး၊ အရိုးလူနာ (၁၁၈)ဦး၊ မီးယပ်သားဖွား (၂၅)ဦး၊ ကလေးလူနာ (၃၁)ဦး၊ မျက်စိလူနာ (၁၈၃)ဦး၊ သွားရောဂါ (၂၂)ဦး စုစုပေါင်းလူနာ (၇၃၅)ဦးတို့ကို ဆေးဝါးများပေး၍ အခမဲ့ ကုသပေးခဲ့ကြပါသည်။

 

နံနက်(၁၀:၀၀)နာရီ တွေ့ဆုံပွဲအခမ်းအနားတွင် မောက်မယ်မြို့နယ်ဆေးရုံအတွက် အလှူငွေကျပ် (၁၀)သိန်းနှင့် အခမဲ့ ကျန်းမာရေး ကွင်းဆင်းဆောင်ရွက်မှု လုပ်ငန်းအတွက် ငွေကျပ်(၅)သိန်းတို့ကို လူမှုရေးဝန်ကြီး ဒေါက်တာမျိုးထွန်းမှ ပေးအပ်လှူဒါန်းခဲ့ရာ မောက်မယ်မြို့နယ် ကျန်းမာရေးဦးစီးဌာနမှူးမှ လက်ခံရယူခဲ့ပါသည်။

 

ထို့နောက် ပြည်နယ်လူမှုရေးဝန်ကြီးနှင့် ပြည်နယ်ကျန်းမာရေးဦးစီးဌာနမှူးတို့မှ မိုးနဲမြို့နယ်သို့ ဆက်လက်ထွက်ခွာခဲ့ကြပြီး၊ ခိုလမ်ဆေးရုံအုပ်ကြီး ဒေါက်တာယုဝေနှင့် အထူးကုဆရာဝန်များအဖွဲ့တို့ ပူးပေါင်းလိုက်ပါကြလျက် မိုးနဲအထကကျောင်းတွင် မိုးနဲမြို့နယ် ဆရာဝန်နှင့် ကျန်းမာရေးဝန်ထမ်းအဖွဲ့တို့ဖြင့် ဒေသခံပြည်သူများမှ အထွေထွေရောဂါနှင့် မျက်စိလူနာ (၄၇၃)ဦး၊ ခွဲစိတ်နှင့် အရိုးလူနာ (၅၇)ဦး သားဖွားမီးယပ်လူနာ (၃၂)ဦး ကလေးလူနာ (၉၁)ဦး စုစုပေါင်း လူနာ(၆၅၃)ဦးတို့အား အခမဲ့ ကျန်းမာရေး စောင့်ရှောက်မှုများ ဆောင်ရွက်ပေးခဲ့ကြပါသည်။

 

နေ့လည်(၁:၀၀)နာရီတွင် မိုးနဲမြို့နယ် တွေ့ဆုံပွဲအခမ်းအနားသို့ တက်ရောက်ပြီး မိုးနဲပြည်သူ့ဆေးရုံအတွက် အလှူငွေကျပ်(၁၀)သိန်း၊ မိုးနဲမြို့ အခမဲ့ ကျန်းမာရေး ကွင်းဆင်းဆောင်ရွက်မှုလုပ်ငန်းအတွက် ငွေကျပ်(၅)သိန်း တို့ကို လူမှုရေးဝန်ကြီး ဒေါက်တာမျိုးထွန်းမှ ပေးအပ်လှူဒါန်းခဲ့ရာ မိုးနဲမြို့နယ် ကျန်းမာရေးဦးစီးဌာနမှူးနှင့် မိုးနဲမြို့နယ်အုပ်ချုပ်ရေးမှူးတို့မှ အသီးသီး လက်ခံရယူပေးခဲ့ကြပါသည်။

 

ဆက်လက်၍ နေ့လည်(၂:၀၀)နာရီတွင် မိုးနဲပြည်သူ့ဆေးရုံ၊ မိုးနဲမြို့နယ် တိုင်းရင်းဆေးကုဌာန၊ မိုးနဲအခြေခံပညာကျောင်းဆောင်သစ်များ ဆောက်လုပ်နေမှုတို့ကို ဝင်ရောက်စစ်ဆေးပြီး ညနေပိုင်းတွင် တောင်ကြီးမြို့သို့ ပြန်လည်ထွက်ခွာလာခဲ့ကြောင်း သတင်းရရှိပါသည်။

 

ပညာရေးကဏ္ဍမြင့်မားရေးအတွက် တွေ့ဆုံညှိနှိုင်းပွဲ ကျင်းပ

တောင်ကြီး ဖေဖော်ဝါရီ  ၁၀

 

030

 

   ရှမ်းပြည်နယ် (တောင်ပိုင်း) ကလောမြို့နယ်၊ ပညာရေးကဏ္ဍမြင့်မားရေးအတွက် တွေ့ဆုံညှိနှိုင်းပွဲကို ဖေဖော်ဝါရီ(၁၀)ရက် နေ့လည် (၁၂)နာရီက ကလောမြို့နယ်၊ မြို့နယ်ခန်းမ၌ ကျင်းပရာ ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ အဖွင့်အမှာစကားပြောကြားသည်။ ဆက်လက်၍ နိုင်ငံတော်သမ္မတရုံး၊ ဝန်ကြီးဌာန(၅)၊ ပြည်ထောင်စုဝန်ကြီး ဦးတင်နိုင်သိန်းမှ အမှာစကားရာတွင် “ပညာရေးကဏ္ဍ မြှင့်မားတိုးတက်ရေးအတွက် ဆရာ၊မိဘ၊ကျောင်းသား နှင့် မြို့နယ်အထောက်အကူပြု ကော်မတီဝင်များနှင့် ပေါင်းစပ်ညှိနှိုင်း ဆောင်ရွက်သွားကြရန် လိုအပ်ပါကြောင်း” ပြောကြားသွားသည်။

 

   ထို့နောက် ကျေးရွာအုပ်စု အုပ်ချုပ်ရေးမှူးများနှင့် ကျေးရွာဖွံ့ဖြိုးတိုးတက်ရေး အထောက်အကူပြု ကော်မတီများမှ တင်ပြဆွေးနွေးရာ သီခေါင်ကျေးရွာအုပ်စု၊ ရပ်ကွက်(၃) (အောင်ပန်း)၊ ဟဲဟိုးကျေးရွာအုပ်စု၊ မဂင်္လာရပ်ကွက်(အောင်ပန်း)၊ ဘော်ဆိုင်းကျေးရွာအုပ်စု၊ ကျောက်ထပ်ကျေးရွာအုပ်စု၊ ဘော်နင်းကျေးရွာအုပ်စု၊ ပဲရင်းကျေးရွာတောင်ကျေးရွာအုပ်စု၊ ငုံးသုံကျေးရွာအုပ်စု၊ ပင်မှီကျေးရွာအုပ်စု၊ နောင်ရဲကျေးရွာအုပ်စု၊ ဝက်ဖြူရေ ကျေးရွာအုပ်စု၊ ရွှေမင်းဖုန်းကျေးရွာအုပ်စု၊ နန်းတိုင်းကျေးရွာအုပ်စု၊ ရေချိုကျေးရွာအုပ်စု၊ ရေချိုကျေးရွာအုပ်စု၊ တောင်ကွဲကျေးရွာအုပ်စု၊ လှည်းရိုးရပ်ကွက်(အောင်ပန်း)၊ ရပ်ကွက်(၈) (ကလော)၊ သာမိုင်းခမ်း ကျေးရွာအုပ်စု၊ မြို့နယ်အထောက်အကူပြုကော်မတီဥက္ကဋ္ဌ တို့မှ တင်ပြဆွေးနွေးကြမှုအပေါ် နိုင်ငံတော်သမ္မတရုံး၊ ဝန်ကြီးဌာန (၅)၊ ပြည်ထောင်စုဝန်ကြီး ဦးတင်နိုင်သိန်း၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်နှင့် အထက်မြန်မာပြည် (မန္တလေး) အမှတ်(၂)အခြေခံပညာဦးစီးဌာန ပညာရေးညွှန်ကြားရေးမှူးချုပ် တို့မှ လိုအပ် သည်များကို ညှိနှိုင်းဆွေးနွေးဆောင်ရွက်သွားခဲ့ကြောင်း သိရှိရသည်။

 

   အဆိုပါ အခမ်းအနားသို့ နိုင်ငံတော်သမ္မတရုံး၊ ဝန်ကြီးဌာန (၅)၊ ပြည်ထောင်စုဝန်ကြီး၊ ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ်နှင့် ပြည်နယ်ဝန်ကြီးများ၊ အစိုးရအဖွဲ့အတွင်းရေးမှူး၊ အထက်မြန်မာပြည်         (မန္တလေး) အမှတ်(၂)အခြေခံ ပညာဦးစီးဌာန ပညာရေးညွှန်ကြားရေးမှူးချုပ်နှင့် တာဝန်ရှိသူများ၊ ပြည်နယ် လွှတ်တော်ကိုယ်စားလှယ်များ၊ ပြည်နယ်/ခရိုင်/မြို့နယ် အဆင့်ဌာနဆိုင်ရာတာဝန်ရှိသူများ၊  မြို့နယ်အထောက် အကူပြုကော်မတီများနှင့် ရပ်/ကျေးအုပ်ချုပ်ရေးမှူးများ၊ လူမှုရေးအသင်းအဖွဲ့များ၊ ကျောင်းဆရာ/ဆရာမများ နှင့် ဒေသခံတိုင်းရင်းသားမိဘ ပြည်သူများ တက်ရောက်ကြကြောင်း သတင်းရရှိသည်။

 

မြန်မာသက္ကရာဇ် ၁၃၇၅ခုနှစ်၊ ၂၀၁၄ခုနှစ် ၊တောင်ကြီးမြို့ အဋ္ဌမကြိမ်မြောက် မြန့်မာရိုးရာ ထမနဲထိုးပြိုင်ပွဲ နှင့် ဆုချီးမြှင့်ပွဲ ကျင်းပ

တောင်ကြီး ဖေဖော်ဝါရီ ၁၃

 

039

 

040

 

မြောက်လေသွေး၍ ချမ်းအေးလှသော တပို့တွဲလတွင် အအေးဓါတ်လွန်ကဲ၍ အဆီခြောက်ခမ်းချိန် ဖြစ်သဖြင့် ဆီနိုင်သော ထမနဲကိုစားသုံးခြင်းဖြင့် အသားအရေစိုပြေလာပြီး အပူဓါတ်ရရှိကာ ကျန်းမာရေး ညီညွတ် ကောင်းမွန် စေရန်အတွက်လည်းကောင်း၊ မြတ်စွာဘုရားရှင်နှင့်တပည့်သား သံဃာတော်များအား ယာဂု၊ ထမနဲ ဆွမ်းဖြင့် ဆက်ကပ်လှူဒါန်း၍ ကောင်းမှုကုသိုလ်များ ပြုလုပ်ကြရန်အတွက်လည်းကောင်း၊ မြန်မာ့ရိုးရာ ယဉ်ကျေးမှု အစဉ်အလာကို ထိန်းသိမ်းမြတ်နိုးတက်စေရန်အတွက်လည်းကောင်း၊ ထမနဲထိုး ပြိုင်ပွဲများ ကျင်းပခြင်းဖြင့် စည်းလုံး ညီညွတ်မှု၏ အင်အားစည်းလုံးမှု၏ အကျိုးသက်ရောက်မှုများကို သိရှိစေရန် အတွက်လည်းကောင်း ရည်ရွယ်၍ ရှမ်းပြည်နယ်အစိုးရအဖွဲ့က ကြီးမှူးကျင်းပသော အဋ္ဌမကြိမ်မြောက်  တောင်ကြီးမြို့၏ ၂၀၁၄ခုနှစ် မြန်မာ့ ရိုးရာထမနဲထိုးပြိုင်ပွဲကို ဖေဖော်ဝါရီလ (၁၃)ရက် မွန်းလွဲ(၃)နာရီက အဝေယာကုန်းသာယာမီးပုံးပျံကွင်း၌ ကျင်းပရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်လျှပ်စစ်နှင့်စက်လက်မှုလက်မှုဝန်ကြီး ဦးစိုင်းထွန်းရင်၊ ပြည်နယ်လူမှုရေးဝန်ကြီး ဒေါက်တာမျိုးထွန်းတို့မှ ဖွင့်ပွဲအခမ်းအနားကို ဖဲကြိုးဖြတ်ဖွင့်လှစ်ပေးသည်။

 

ထို့နောက် ပြိုင်ပွဲဝင်အသင်းများနှင့်ဖိတ်ကြားထားသော ဧည့်သည်တော်များအား ပြည်နယ်ဝန်ကြီးချုပ် ဦးစဝ်အောင်မြတ်က နှုတ်ခွန်းဆက်အမှာစကားပြောကြားပြီး၊ ပြိုင်ပွဲကို စတင်ယှဉ်ပြိုင် စေသည်။

 

ဆက်လက်၍ ပြည်နယ်ဝန်ကြီးချုပ်နှင့်ဇနီး၊ ပြည်နယ်ဝန်ကြီးများ၊ ဧည့်သည်တော်များက ပြိုင်ပွဲဝင် အသင်းသား/သူများမှ ပျော်ရွင်စွာ စည်းလုံးမှုရှိစွာ ထမနဲထိုးနေမှုအား လှည့်လည်ကြည့်ရှု အားပေးခဲ့ကြသည်။

 

ပြိုင်ပွဲယှဉ်ပြိုင်နေစဉ်နှင့်အကဲဖြတ်အမှတ်ပေးနေစဉ်အတွင်း ပြန်ကြားရေးဌာနမှ ထမနဲနှင့်ပက်သက် သည့် သိကောင်းစရာများကို ရှင်းလင်းဖတ်ကြားခြင်း ယဉ်ကျေးမှုအဖွဲ့များမှ ကိန္နရီ/ကိန္နရာအကများဖြင့် လည်းကောင်း၊ တိုင်းရင်းသားရိုးရာအကများဖြင့်လည်းကောင်း၊ ဧည့်ခံကပြဖျော်ဖြေခဲ့ကြသည်။

 

ထို့နောက် ဆုချီးမြှင့်ပွဲအခမ်းအနားအား ဆက်လက်ကျင်းပရာ ပထမဦးစွာ တိုင်းရင်းသားရိုးရာ ယဉ်ကျေးမှု အကအဖွဲ့များကို ပြည်နယ်စည်ပင်သာယာရေးဝန်ကြီးမှ ဂုဏ်ပြုဆုများပေးအပ်၍လည်းကောင်း၊ ဆုရရှိသည့်အသင်း(၂၀)အား ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်နှင့် တာဝန်ရှိသူများမှ ဆုများအသီးသီးပေးအပ်ချီးမြှင့်ခဲ့ကြပြီး ကျန်(၄၁) သင်းအား ပြိုင်ပွဲဝင်ဆုများချီးမြှင့်ကြကာ ထမနဲထိုးပြိုင်ပွဲသို့ တက်ရောက်လာသည့် ဧည့်သည်တော် များအား ထမနဲများဖြင့် ဧည့်ခံ၍၊ ဒေသခံပြည်သူများအား ပြည်နယ်ဝန်ကြီးချုပ်နှင့် ပြည်နယ်ဝန်ကြီးများ၊ တာဝန်ရှိသူများက ထမနဲထုပ်များ ဝေငှပေးသည်။

 

ပြိုင်ပွဲတွင် ပြည်နယ်/ခရိုင်/မြို့နယ် အဆင့်ဌာနဆိုင်ရာများ၊ လူမှုရေးအသင်းအဖွဲ့များ (တောင်ကြီး၊ အေးသာယာ၊ ရွှေညောင်) တို့မှ ရပ်ကွက်ပြည်သူများပါဝင်ဆင်နွဲကြပြီး ပြိုင်ပွဲဝင်အသင်းပေါင်း (၆၁)သင်းမှ အိုးစည်ဗုံမောင်းအကများဖြင့် တပျော်တပါးပါဝင် ယှဉ်ပြိုင်ခဲ့ကြကြောင်း သတင်းရရှိသည်။

 

( ၆၇ ) နှစ်မြောက် ရှမ်းပြည်နယ်နေ့ တောင်ကြီးမြို့၌ ကျင်းပ

တောင်ကြီး   ဖေဖော်ဝါရီ   ၇ 

 

029

 

၂၀၁၄ ခုနှစ် (၆၇) နှစ်မြောက် ရှမ်းပြည်နယ်နေ့အခမ်းအနားကို ဖေဖော်ဝါရီ - ၇ ရက်နေ့ နံနက် (၈) နာရီက တောင်ကြီးမြို့ အဝေရာကုန်းသာယာ၌ ကျင်းပရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ အဂ္ဂမဟာသရေစည်သူ အဂ္ဂမဟာသီရိသုဓမ္မ ဦးသိန်းစိန်ထံမှ (၆၇)နှစ်မြောက် ရှမ်းပြည်နယ်နေ့အခမ်းအနားသို့ ပေးပို့သော သဝဏ်လွှာအားဖတ်ကြားသည်။

 

ဆက်လက်၍ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်ထံမှ (၆၇)နှစ်မြောက် ရှမ်းပြည်နယ်နေ့ အခမ်းအနားသို့ပေးပို့သော သဝဏ်လွှာအား ရှမ်းပြည်နယ်အစိုးရအဖွဲ့ ပြည်နယ်ဘဏ္ဍာရေး ဝန်ကြီး ဦးခွန်သိန်းမောင်က ဖတ်ကြားသည်။

 

ထို့နောက် ပြည်နယ်ဝန်ကြီးချုပ် နှင့် ပြည်နယ်ဝန်ကြီးများ၊ တာဝန်ရှိသူတို့သည် (၆၇) နှစ်မြောက် ရှမ်းပြည်နယ်နေ့ အခမ်းအနားတွင် ဌာနဆိုင်ရာများခင်းကျင်းပြသထားသည့် ပြခန်းများကို လှည့်လည်ကြည့်ရှု အားပေးကြသည်။

 

၎င်းနောက် ပြည်နယ်ဝန်ကြီးချုပ်နှင့်အဖွဲ့သည် နံနက်(၁၀)နာရီခွဲက တောင်ကြီးမြို့ ရွှေဘုန်းပွင့် စေတီတော်ဓမ္မာရုံ၌ (၆၇) နှစ်မြောက် ရှမ်းပြည်နယ်နေ့အထိမ်းအမှတ်အဖြင့် ဆရာတော်၊သံဃာတော်များအား ဆွမ်းဆပ်ကပ်ခြင်းနှင့် ပရိတ်တရားတော်နာ အလှူတော်မဂင်္လာအခမ်းအနားသို့ တက်ရောက်သည်။

 

ပထမဦးစွာ နမောတဿ အစရှိသော ဗုဒ္ဓဝန္ဒနာဂါထာတော်ဖြင့်(၃)ကြိမ် ရွတ်ဆိုဘုရားကန်တော့၍ အခမ်းအနားကို ဖွင့်လှစ်ပြီး၊ ရှမ်းပြည်နယ်သံဃာနာယကအဖွဲ့ ဥက္ကဋ္ဌ၊ အဂ္ဂမဟာပဏ္ဍိတ ဥတ္တရာရုံပရိယတ္တိ စာသင်တိုက် ပဓာန နာယကဆရာတော် ဘဒ္ဒန္တပညာသီရိ အရှင်သူမြတ်ထံမှ ပြည်နယ်ဝန်ကြီးချုပ်နှင့် တာဝန်ရှိ သူတို့က ငါးပါးသီလခံယူဆောက်တည်ကြသည်။

 

ယင်းနောက်ဆရာတော်၊သံဃာတော် အရှင်သူမြတ်တို့မှ ရွတ်ပွားသရဇ္ဈာယ်ချီးမြှင့်အပ်သော ပရိတ်တရားတော်မြတ်ကို နာယူကြပြီး၊ ဆရာတော်၊ သံဃာတော်များအား ပြည်နယ်ဝန်ကြီးချုပ်အမှူးပြုသော အစိုးရအဖွဲ့မှ လှူဘွယ်ဝတ္ထုများဆက်ကပ်လှူဒါန်းကြသည်။ ဆက်လက်၍ ရှမ်းပြည်နယ်သံဃာနာယကအဖွဲ့ ဥက္ကဋ္ဌ အဂ္ဂမဟာပဏ္ဍိတ ဥတ္တရာရုံပရိယတ္တိ စာသင်တိုက် ပဓာန နာယကဆရာတော် ဘဒ္ဒန္တပညာသီရိ အရှင်သူမြတ်ထံမှ ကုသိုလ်ကောင်းမှုအဖို့ဘာဂကို အနုမောဒနတရားနာယူကြပြီး ရေစက်သွန်းချအမျှ ပေးဝေကာ အခမ်းအနားကို ဗုဒ္ဓသာသနံစိရံတိဋ္ဌတု(၃)ကြိမ် ရွတ်ဆိုဆုတောင်း၍ ရုပ်သိမ်းလိုက်ပြီး ဆရာတော် သံဃာတော်များအား ပြည်နယ်ဝန်ကြီးချုပ်နှင့်တာဝန်ရှိသူတို့က နေ့ဆွမ်းဆပ်ကပ်ကြကြောင်း သိရှိရသည်။

 

အဆိုပါ (၆၇) နှစ်မြောက်ရှမ်းပြည်နယ်နေ့ အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်လွှတ်တော်ဥက္ကဋ္ဌ၊ ဒုတိယဥက္ကဋ္ဌ၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ တိုင်းရင်းသားရေးရာဝန်ကြီးများ၊ အစိုးရအဖွဲ့အတွင်းရေးမှူး၊ အရှေ့ပိုင်းတိုင်းစစ်ဌာနချုပ်မှ တိုင်းဦးစီးအရာရှိများ၊ ပြည်နယ်/ခရိုင်/မြို့နယ်အဆင့် ဌာနဆိုင်ရာများ၊ တိုင်းရင်းသားစာပေယဉ်ကျေးမှုအဖွဲ့များ၊ လူမှုရေးအသင်းအဖွဲ့များ၊ သူနာပြုဆရာမများ၊ ဆရာ/ဆရာမများ၊ ကျောင်းသား/ကျောင်းသူများ၊ ရပ်ကွက်အုပ်ချုပ်ရေးမှူးများ၊ မိဘပြည်သူများနှင့် ဖိတ်ကြားထားသည့် ဧည့်သည်တော်များ တက်ရောက်ကြကြောင်း သတင်းရရှိသည်။

 

More Articles...

  1. ပြည်ထောင်စုသမ္မတ မြန်မာနိုင်ငံတော် ဒုတိယသမ္မတ ဒေါက်တာ စိုင်းမောက်ခမ်း တောင်ကြီးမြို့ ခရီးစဉ်
  2. ပြည်နယ်လူမှုရေးဝန်ကြီး ဒေါက်တာမျိုးထွန်း၏ ရှမ်းပြည်နယ်လားရှိုးဒေသသို့ ပညာရေးကဏနှင့် အခမဲ့ကျန်းမာရေးကွင်းဆင်းဆောင်ရွက်ပေးမှုအတွက် သွားရောက်ခဲ့သည့် ခရီးစဉ်
  3. ရှမ်းပြည်နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန ၂၀၁၃ ခုနှစ် ဒုတိယ(၆)လပတ် လုပ်ငန်းညှိနှိုင်း အစည်းအဝေးကျင်းပ
  4. ရှမ်းပြည်နယ်ကျေးလက်ဒေသဖွံ့ဖြိုးရေးနှင့် လူမှုစီးပွားဘဝမြှင့်တင်ရေးအခမ်းအနားကျင်းပရေး ညှိနိုင်းအစည်းအဝေး
  5. ရှမ်းပြည်နယ်ကျန်းမာရေးဦးစီးဌာနနှင့် ရှမ်းပြည်နယ်မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့တို့ ပူးပေါင်းဖွင့်လှစ်သော အရန်သားဖွားသင်တန်းဆင်းပွဲ ကျင်းပ
  6. ပြည်နယ်လူမှုရေးဝန်ကြီး ဒေါက်တာမျိုးထွန်း၏ (၁၇-၁-၂၀၁၄)မှ (၂၀-၁-၂၀၁၄)ထိ ရှမ်းပြည်နယ်(ကျိုင်းတုံဒေသ) အခမဲ့ ကျန်းမာရေးစောင့်ရှောက်မှု ကွင်းဆင်းဆောင်ရွက်ပေးခဲ့သည့် ခရီးစဉ်
  7. ၂၀၁၄ ခုနှစ်၊ (၆၇)နှစ်မြောက် ပြည်ထောင်စုနေ့ အခမ်းအနား အောင်မြင်စွာ ကျင်းပနိုင်ရေး လုပ်ငန်းညှိနှိုင်းအစည်းအဝေး ကျင်းပ
  8. ရှမ်းပြည်နယ် ကျေးလက်ဒေသဖွံ့ဖြိုးရေးနှင့် လူမှုစီးပွားဘဝမြှင့်တင်ရေး လုပ်ငန်းညှိနှိုင်းအစည်းအဝေး
  9. ရှမ်းပြည်နယ်အစိုးရအဖွဲ့ နှင့် Future Unodex Company Limited အဖွဲ့ တောင်ကြီးမြို့တွင် သန့်ရှင်းသော သောက်သုံးရေ ရရှိရန်အတွက် တွေ့ဆုံဆွေးနွေး
  10. ၂၀၁၄ ခုနှစ်၊ (၆၇)နှစ်မြောက် ရှမ်းပြည်နယ်နေ့ နှင့် အဌမအကြိမ်မြောက် မြန်မာ့ရိုးရာ ထမနဲထိုးပြိုင်ပွဲ ကျင်းပနိုင်ရေး လုပ်ငန်းညှိနှိုင်းအစည်းအဝေး ကျင်းပ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

tine-lu

ရှမ်းပြည်နယ်(အရှေ့ပိုင်း) ကျိုင်းတုံ ၊ မိုင်းခတ်နှင့် မိုင်းယန်းမြို့နယ်တို့တွင် အများဆုံးနေထိုင် ကြသည်။





We have 110 guests and no members online