We have 83 guests and no members online

တောင်ကြီး ဇွန် - ၈

72
ရှမ်းပြည်နယ်(တောင်ပိုင်း) တောင်ကြီးမြို့နယ်၊ နမ့်ဆီးကျေးရွာအုပ်စုတွင် အကောင်အထည်ဖော် တည်ဆောက်မည့် ဘက်စုံဖွံ့ဖြိုးတိုးတက်ရေး စီမံကိန်းနှင့်ပတ်သက်၍ GIC Group, ဖြူစင်ကုမ္ပဏီအုပ်စု, ဝမင်းကော်ပိုရေးရှင်း, အောင်မြင့်မိုလ် ကုမ္ပဏီနှင့် တောင်ကြီးချမ်းသာကုမ္ပဏီတို့မှ ဇွန်(၈)ရက် နံနက်(၁၀)နာရီက တောင်ကြီးမြို့ ရှမ်းပြည်နယ် စီမံအုပ်ချုပ်ရေး ကောင်စီရုံး အစည်းအဝေးခန်းမ၌ လာရောက်ရှင်းလင်းကြောင်း သိရသည်။
ရှမ်းပြည်နယ်စီမံအုပ်ချုပ်ရေးကောင်စီဥက္ကဋ္ဌ ဒေါက်တာကျော်ထွန်းက ကိုဗစ်ရောဂါကာလတွင် လုပ်ငန်းများ နှောင့်နှေးပြီး ရပ်တန့်သွားရပါကြောင်း၊ အလုပ်အကိုင် အခွင့်အလမ်းရရှိရေး လုပ်ငန်းအကောင်အထည်ဖော်နိုင်ရေး တို့ကို တွန်းတွန်းတိုက်တိုက် ပြန်လည်ဆောင်ရွက်ပေးရမည်ဖြစ်ကြောင်း၊ တိုင်းဒေသကြီး/ပြည်နယ်များတွင် ရှမ်းပြည်နယ်သည် ဖွံ့ဖြိုးတိုးတက်ရန်အတွက် ကျယ်ပြန့်ပါကြောင်း၊ အဓိကလုပ်ငန်းများတွင် စိုက်ပျိုးရေး၊ မွေးမြူရေးလုပ်ငန်းများကို တွန်းတွန်း တိုက်တိုက် ကြိုးစားပေးကြရန်နှင့် အလုပ်အကိုင် အခွင့်အလမ်းများရရှိရန် လုပ်ငန်းများကို အကောင်အထည်ဖော်နိုင်ရန် ရှမ်းပြည်နယ် ဖွံ့ဖြိုးတိုးတက်ရန်နှင့် ကျေးလက်နှင့် မြို့ပြကွာဟမှု မရှိစေရေးအတွက် နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌမှ မှာကြားထားပါကြောင်း၊ နိုင်ငံတော်က သတ်မှတ်ထားသည့်အတိုင်း လျှပ်စစ်ကဏ္ဍ၊ လမ်းပန်း၊ ဆက်သွယ်ရေးကဏ္ဍ၊ လူ့စွမ်းအား ဖွံ့ဖြိုးတိုးတက်ရေးကဏ္ဍ စသည်တို့ကို ဦးစားပေး မဖြစ်မနေကြိုးစားဆောင်ရွက်ပေးရန် မှာကြားလိုက်ပါကြောင်း၊ ယနေ့လာရောက်ရှင်းပြသည့် ကုမ္ပဏီများမှလည်း မှာကြားလိုက်သည့် လုပ်ငန်းများနှင့် ဆက်နွယ်မှုရှိပါကြောင်း၊ ယခုလုပ်ငန်း ကိုအကောင်အထည်ဖော်လိုက်ပါက မြို့ပြလောက်နီးပါး ဖွံ့ဖြိုးတိုးတက်လာမည် ဖြစ်ပါကြောင်း၊ ယခုလာရောက် ရှင်းလင်းသည့် ကုမ္ပဏီများမှလည်း ပွင့်ပွင့်လင်းလင်းဆွေးနွေးပေးရန်နှင့် မိမိတို့ဘက်ကလည်း လိုအပ်သည်များရှိပါက ဌာနဆိုင်ရာများနှင့် ပူးပေါင်းညှိနှိုင်း ဆွေးနွေးပေးသွားမည်ဖြစ်ကြောင်း ပြောကြားသွားသည်။
ဆက်လက်၍ ကုမ္ပဏီများကိုယ်စား ဖြူစင်ကုမ္ပဏီမှ တာဝန်ရှိသူတစ်ဦးက လုပ်ငန်းဆောင်ရွက်မည့် အချက်အလက် များကို ရှင်းလင်းပြီး တက်ရောက်လာကြသည့် ဌာနဆိုင်ရာများမှ အထွေထွေဆွေးနွေး တင်ပြရှင်းလင်းကြ၍ ပြည်နယ်စီမံ အုပ်ချုပ်ရေးကောင်စီဥက္ကဋ္ဌ ဒေါက်တာကျော်ထွန်းက ဆွေးနွေးတင်ပြချက်အပေါ် ဖြည့်ဆည်းပြောကြား၍ နိဂုံးချုပ်စကား ပြောကြားခဲ့ကြောင်း သိရှိရသည်။

ရှမ်းပြည်နယ်စီမံအုပ်ချုပ်ရေးကောင်စီ

တောင်ကြီး ဇွန်- ၈

73
တာချီလိတ်မြို့၊ ဝမ်ကောင်းရပ်ကွက်ရှိ ဥယျာဉ်မြေ (၂၉.၄)ဧက ကို အပန်းဖြေပန်းဥယျာဉ်၊ စားသောက်ဆိုင်၊ ရေကူးကန်၊ ကလေးကစားကွင်းနှင့် လူနေအိမ်ရာ အဖြစ် အသုံးပြုရန်အတွက် ဇွန် ၈ ရက်၊ မွန်းလွှဲ ၂ နာရီက တောင်ကြီးမြို့၊ ရှမ်းပြည်နယ်စီမံအုပ်ချုပ်ရေးကောင်စီရုံး၊ အစည်းအဝေးခန်းမ၌ ဦးကြည်မြင့် မှ လာရောက် ရှင်းလင်း တင်ပြကြောင်း သိရသည်။
ရှမ်းပြည်နယ်စီမံအုပ်ချုပ်ရေးကောင်စီ ဥက္ကဋ္ဌ ဒေါက်တာ ကျော်ထွန်း က ကုမ္ပဏီ၏ လုပ်ငန်းရည်ရွယ်ချက်များ ကို ဖတ်ရှုရသည့်အတွက် အားရကျေနပ်မိပါကြောင်း၊ တာချီလိတ်မြို့ ဝန်းကျင်ရှိ ကလေးသူငယ်များ၏ အပန်းဖြေ အားကစားကွင်းနှင့် ဒေသဖွံ့ဖြိုးတိုးတက်ရေးအတွက် ရည်မှန်းပြီး ကမ္ဘာလှည့်ခရီးသည်များရောက်ရှိလာပါက စွဲဆောင်မှု ပေးနိုင်ကြောင်း၊ နိုင်ငံတော်အတွက် တစ်ဖက်တစ်လမ်းမှ အခွန်ရမည့်ကိစ္စနှင့် အကျိုးပြုမည့် စ္စရပ်များကို ဆောင်ရွက် နေပါကြောင်း၊ တာချီလိတ်မြို့၊ ဝမ်ကောင်းရပ်ကွက်ရှိ ဥယျာဉ်မြေ (၂၉.၄)ဧကတွင် ကလေးသူငယ် အားကစားကွင်း တည်ဆောက်ရခြင်းသည် ရှမ်းပြည်နယ်အတွက် အရှိန်အဝါကောင်းတစ်ခုဖြစ်ပါကြောင်း၊ ဤလုပ်ငန်းကို အကောင် အထည်ဖော်နိုင်မည်ဆိုပါက ဒေသခံများအတွက် အလုပ်အကိုင်အခွင့်အလမ်းများ ရရှိလာနိုင်မည်ဖြစ်ကြောင်းနှင့် စားဝတ်နေရေး ပြေလည်လာနိုင်မည်ဖြစ်ကြောင်း၊ ကုမ္ပဏီများမှ ဆောင်ရွက်မည့် လုပ်ငန်းများကို ပြည့်စုံစွာ ရှင်းလင်း ပေးရန်နှင့် မိမိတို့ဘက်မှ ပြည်နယ်မှူးများမှကလည်း လိုအပ်သည်များကို ဝိုင်းဝန်းဖြည့်စွက်ပေးသွားမည်ဖြစ်ကြောင်း၊ မိမိတို့ဘက်ကလည်း ကြန့်ကြာမှု မရှိစေရပါကြောင်း၊ လုပ်ငန်းရှင်များဘက်ကလည်း ပြည့်စုံစွာဖြင့် ရှင်းလင်းတင်ပြ ပေးရန်နှင့် အားလုံးဝိုင်းဝန်းဆွေးနွေးပေးသွားမည်ဖြစ်ကြောင်း ပြောကြားသည်။
ဆက်လက်၍ တာချီလိတ်မြို့၊ ဝမ်ကောင်းရပ်ကွက်ရှိ ဥယျာဉ်မြေ (၂၉.၄)ဧကကို အပန်းဖြေပန်းဥယျာဉ်၊ စားသောက်ဆိုင်၊ ရေကူးကန်၊ ကလေးကစားကွင်းနှင့် လူနေအိမ်ရာ အဖြစ် အသုံးပြုရန်အတွက်နှင့်ပတ်သက်၍ ကုမ္ပဏီ တာဝန်ရှိသူ တစ်ဦးမှ ရှင်းလင်းပြီး တက်ရောက်လာကြသည့် ပြည်နယ်အဆင့်ဌာနဆိုင်ရာများမှ အထွေထွေဆွေးနွေး တင်ပြကြကာ ရှမ်းပြည်နယ်စီမံအုပ်ချုပ်ရေးကောင်စီ ဥက္ကဋ္ဌ ဒေါက်တာကျော်ထွန်း က ဆွေးနွေးချက်များအပေါ် ဖြည့်ဆည်းပြောကြား၍ နိဂုံးချုပ်စကားပြောကြားခဲ့ကြောင်း သိရှိရသည်။

ရှမ်းပြည်နယ်စီမံအုပ်ချုပ်ရေးကောင်စီ

တောင်ကြီး ဇွန် - ၅

Untitled 2

ကမ္ဘာ့ပတ်ဝန်းကျင် ထိန်းသိမ်းရေးနေ့ အထိမ်းအမှတ် အခမ်းအနားကို ဇွန် (၅) ရက် နံနက် (၉) နာရီခွဲက တောင်ကြီးမြို့ မြို့တော်ခန်းမ၌ ကျင်းပသည်။
ရှမ်းပြည်နယ်စီမံအုပ်ချုပ်ရေးကောင်စီ ဥက္ကဋ္ဌ ဒေါက်တာကျော်ထွန်းက ကမ္ဘာ့ပတ်ဝန်းကျင် ထိန်းသိမ်းရေးနေ့ အတွက် တစ်ကမ္ဘာလုံး အတိုင်းအတာအနေဖြင့် ဦးတည်ကြိုးပမ်း အားထုတ်ပေးရန် တိုက်တွန်းထားရှိမှုမှာ “ECOSYTSTEM RESTORATION” “ပတ်ဝန်းကျင် ရေရှည်တည်တံ့ကောင်းမွန် ဖို့ ဂေဟစနစ်ကို ပြန်လည်ပြုပြင်ထိန်းသိမ်းကြပါစို့ “ ဖြစ်ပါကြောင်း ၊ ရှမ်းပြည်နယ် အနေဖြင့် ဂေဟ စနစ် စုံလင်သော ပြည်နယ်တစ်ခုဖြစ်ပြီး တောင်တန်းဂေဟ စနစ် ၊ အင်းလေးကန် ရေတိမ် ဂေဟစနစ် ၊ သစ်တော ဂေဟ စနစ် ၊ မြစ်ချောင်း ဂေဟ စနစ် ၊ သစ်ဆွေးမြေ ဂေဟစနစ် ၊ မြို့ပြဂေဟ စနစ်နှင့် လယ် ယာမြေ ဂေဟ စနစ် စသဖြင့် စုံလင်စွာ ဖြင့်တည်ရှိနေပြီး အဆိုးပါ ဂေဟ စနစ်များ မပျက်စီးစေရေး အားလုံးက ဝိုင်းဝန်းထိန်းသိမ်းကြရန် အထူးပင်လိုအပ်ပါကြောင်း ၊ ၂၀၂၀ ပြည့်နှစ် ကမ္ဘာတစ်ဝန်းလုံး တွင် ဖြစ်ပွားနေသော Covid – 19 ကပ်ရောဂါ ၊ ရာသီဥတု ၊ သဘာဝပတ်ဝန်းကျင် ညစ်ညမ်းမှုဆိုင်ရာ ပြသနာများ အပါအဝင် အကြပ်အတည်းမျိုးစုံ ရင်ဆိုင်ရသည့် နှစ် တစ်နှစ်ဖြစ်သည်ကို လက်ခံရမှာ ဖြစ်ပါကြောင်း ၊ ကမ္ဘာ့ကုလသမ္မက၏ ဆယ်စုနှစ် ရည်မှန်းချက်တွင် ရာသီဥတု ပြောင်းလဲမှု ပြသနာများ ကို တိုက်ဖျက်ရန် သန်းပေါင်းများစွာသော မျိုးစိတ်များ ပျက်စီးဆုံးရှူံးမှုကို ကာကွယ်ရန်နှင့် အစားအစာ ဖူလုံမှု ရေပေးဝေမှု အသက်မွေးဝမ်းကျောင်းလုပ်ငန်းများ တိုးမြှင့်လာစေရေးအတွက် ဂေဟ စနစ်ပျက်စီးမှု၏ ပြန်လည်ထူထောင်ရေး လုပ်ငန်းများကို ပိုမိုတိုးမြှင့်ဆောင်ရွက်ရန် သတ်မှတ်ထားပါ ကြောင်း ၊ ဇီဝမျိုးစုံ မျိုးကွဲများ ပျက်စီးဆုံးရှူံးမှုနှင့် ဂေဟ စနစ်ပျက်စီးမှုများကြောင့် ၂၀၃၀ ပြည့်နှစ်တွင် ကမ္ဘာကြီးသည် နောက်ထပ် ရေဗမာဏ ၄၀ ရာခိုင်နှုန်း ၊ အစားအစာ ၅၀ ရာခိုင်နှုန်း ၊ စွမ်းအင် ၄၀ ရာခိုင်နှုန်းနှင့် သစ်နှင့်ဖိုက်ဘာ ၄၀ ရာခိုင်နှုန်း ၊ ပိုမိုလိုအပ်လာနိုင်ကြောင်း သုံးသပ်ထားသည့်အတွက် ရေရှည်ဖွံ့ဖြိုးရေးဆိုင်ရာ လုပ်ဆောင်မှုများကို အလေးထားဆောင်ရွက်ကြရန်ပြောကြားသွားသည် ။
ဆက်လက်၍ UNEP (United Nations Environment Programme) မှ ပေးပို့လာသော ကမ္ဘာ့ ပတ်ဝန်းကျင် ထိန်းသိမ်းရေးနေ့ Video Clip ကိုပြသခြင်းနှင့် ၂၀၂၀ - ၂၀၂၁ ပညာသင်နှစ် သန့်ရှင်း၍ စိမ်းလန်းစိုပြေသော ကျောင်းဆု ရရှိခဲ့သည့် ရှမ်းပြည်နယ်(တောင်ပိုင်း) ဟဲဟိုးမြို့ အ.ထ.က (၄) ကျောင်းကို ရှမ်းပြည်နယ် စီမံအုပ်ချုပ်ရေးကောင်စီ ဥက္ကဋ္ဌ ဒေါက်တာကျော်ထွန်းမှ ဆုချီးမြှင့်ပေး၍ လည်းကောင်း ၊ ရှမ်းပြည်နယ် (အရှေ့ပိုင်း) ကျိုင်းတုံမြို့ အ.ထ.က (၅) ကျောင်းကို ပြည်နယ်စီမံအုပ်ချုပ်ရေးကောင်စီ အဖွဲ့ ဦးခွန်သိမ်းမောင်နှင့် ရှမ်းပြည်နယ် (မြောက်ပိုင်း) သီပေါမြို့ အ.ထ.က (၂) ကျောင်းကို ပြည်နယ် စီမံအုပ်ချုပ်ရေးကောင်စီ အဖွဲ့ဝင် ဦးစိုင်းလိတ်တို့မှ အသီးသီး ဆုချီးမြှင့်ပေးကြသည်။
ထို့နောက် ဆုရရှိသည့် ရှမ်းပြည်နယ် (တောင်ပိုင်း ) ဟဲဟိုးမြို့ အ.ထ.က (၄) ကျောင်း၏ သန့်ရှင်း၍ စိမ်းလန်းစိုပြေသော ကျောင်းအကောင်အထည်ဖော်သော ဆောင်ရွက်ခဲ့မှု မှတ်တမ်း Video Clip ကို ပြသပြီး စုပေါင်းမှတ်တမ်းတင် ဓါတ်ပုံရိုက်ကူးကြကြောင်းသိရှိရသည်။

ရှမ်းပြည်နယ်စီမံအုပ်ချုပ်ရေးကောင်စီ

တောင်ကြီး ဇွန် - ၇

Untitled 1
အလုပ်သမား ၊ လူဝင်မှု ကြီးကြပ်ရေးနှင့် ပြည်သူ့အင်အားဝန်ကြီးဌာန ၊ လူဝင်မှု ကြီးကြပ်ရေးနှင့် ပြည်သူ့အင်အားဆိုင်ရာ တောင်ကြီးမြို့နယ် ဦးစီးမှူးရုံး မှ ပန်းခင်းစီမံချက် အိမ်ထောင်စု လူဦးရေစာရင်းနှင့် နိုင်ငံသား စိစစ်ရေး ကတ်ပြားပေးအပ်ပွဲကို ဇွန် (၇) ရက် မွန်းလွှဲ ၂ နာရီက တောင်ကြီးမြို့ မြို့တော်ခန်းမ၌ ကျင်းပသည်။
ရှမ်းပြည်နယ်စီမံအုပ်ချုပ်ရေးကောင်စီ ဥက္ကဋ္ဌ ဒေါက်တာကျော်ထွန်းက ပြည်ထောင်စုမြန်မာနိုင်ငံအတွင်း နေထိုင်ကြသော တိုင်းရင်းသားများနှင့် ဥပဒေအရ နိုင်ငံသားများအား ဥပဒေနှင့်အညီ အိမ်ထောင်စု လူဦးရေစာ ရင်းနှင့် ကိုင်ဆောင်သင့်သည့် ကတ်ပြားတစ်မျိုးမျိုးထုတ်ပေးနိုင်ရေးအတွက် အလုပ်သမား ၊ လူဝင်မှုကြီးကြပ်ရေး နှင့် ပြည်သူ့အင်အားဝန်ကြီးဌာနမှ “ပန်းခင်း “ ဟူသော စီမံချက်နှင့် ၂၀၂၁ ခုနှစ် မေလ (၃) ရက်နေ့ကစပြီး တစ်နိုင်ငံလုံးတွင် ဆောင်ရွက်ပေးလျက်ရှိကြောင်း ၊ ပြီးခဲ့သည့် အထွေထွေ ရွေးကောက်ပွဲတွင် မဲစာရင်းများ၌ နိုင်ငံ သားစိစစ်ရေးကတ်ပြားမရှိဘဲ မဲစာရင်းတွင် ပါဝင်နေသူများတွေ့ရှိရပြီး နိုင်ငံသားမဟုတ်သူများ ၊ အသက် (၁၈) နှစ် မပြည့်သေးသူများ ၊ မဲပေးပိုင်ခွင့်မရှိသူများလဲ ပါဝင်နေပါကြောင်း ၊နောင်ကျင်းပမည့် ရွေးကောက်ပွဲတွင် မဲပေး ပိုင်ခွင့်ရှိသူတိုင်း နိုင်ငံသားစိစစ်ရေးကတ်နှင့် မဲပေးနိုင်ရေးကို စီစဉ်ဆောင်ရွက်နေပါကြောင်း ၊ “ပန်းခင်း” စီမံချက် ကို တိုင်းဒေသကြီး ပြည်နယ် အလိုက် တစ်နိုင်ငံလုံးတွင် အိမ်ထောင်စု လူဦးရေစာရင်းနှင့် နိုင်ငံသားစိစစ်ရေး ကတ် ပြားထုတ်ပေးခြင်းလုပ်ငန်းကို ၂၀၂၁ ခုနှစ် မေလ (၃) ရက်နေ့မှ ၂၀၂၂ ခုနှစ် နိုဝင်ဘာလ (၃) ရက် (၁၈) လကြာ ဆောင်ရွက်ပေးသွားမှာ ဖြစ်ကြောင်း ၊ ယခုလိုဆောင်ရွက်ရာတွင် ဥပဒေ လုပ်ထုံးလုပ်နည်းနှင့်အညီ ဆောင်ရွက် ရသည့်အတွက် ပြည်သူများအနေဖြင့် လိုအပ်သော အထောက်အထားများ မှန်ကန်ပြည့်စုံစွာ ဖြည့်တွေးဆောင် ရွက်ပေးကြရန်နှင့် ရရှိပြီးသည့် အိမ်ထောင်စု လူဦးရေစာရင်းနှင့် နိုင်ငံသား စိစစ်ရေးကတ်ပြားများကို စနစ်တကျ ကိုင်တွယ် ထိန်းသိမ်းကြရန် တိုက်တွန်းမှာကြားလိုကြောင်း ၊ ယနေ့တောင်ကြီးမြို့နယ် ဦးစီးမှူးရုံးမှ ဆောင်ရွက်ပြီး ဖြစ်သည့် စုစုပေါင်း နိုင်ငံသား စိစစ်ရေးကတ်ပြား (၆၄၅) ခု နှင့် အိမ်ထောင်စု လူဦးရေစာရင်း (၂၉၀) ခုကို ပေးအပ် သွားမည်ဖြစ်ကြောင်းပြောကြားသွားသည်။
ဆက်လက်၍ အိမ်ထောင်စုလူဦးရေစာရင်းနှင့် နိုင်ငံသားစိစစ်ရေးကတ်ပြားများကို အရှေ့ပိုင်းတိုင်း စစ်ဌာန ချုပ် နှင့် လက်အောက်ခံ တပ်ရင်းတပ်ဖွဲ့များ ၊ တောင်ကြီးမြို့နယ် ကျောက်တလုံးကြီးမြို့ ကက္ကူကျေးရွာအုပ်စုမှ ကျေးရွာနေပြည်သူများတို့အား ရှမ်းပြည်နယ် စီမံအုပ်ချုပ်ရေးကောင်စီ ဥက္ကဋ္ဌ ဒေါက်တာကျော်ထွန်းနှင့် အဖွဲ့ဝင်များ ၊ ပြည်နယ်ဥပဒေချုပ် ဦးစိုင်းကျော်စံ တို့မှ အသီးသီးပေးအပ်ကြပြီး အိမ်ထောင်စု လူဦးရေစာရင်းနှင့် နိုင်ငံသား စိစစ်ရေးကတ်ပြား ကွင်းဆင်းဆောင်ရွက်ပေးမှုအား ဒေသခံတစ်ဦးဖြစ်သူ ဒေါ်နှင်းရီထွေး မှ ကျေးဇူး တင်စကားပြန်လည်ပြောကြကြောင်းသိရှိရသည်။

ရှမ်းပြည်နယ်စီမံအုပ်ချုပ်ရေးကောင်စီ

 

 

တောင်ကြီး ဇွန်- ၂

70
၂၀၂၀-၂၀၂၁ ပညာသင်နှစ်တွင် COVID-19ရောဂါ ဖြစ်ပွားနေသောကြောင့် ကျောင်းများ (၁)နှစ်ပိတ်ထားခဲ့ရပြီး ၂၀၂၁-၂၀၂၂ ပညာသင်နှစ်ကျောင်းများ ပြန်လည်ဖွင့်လှစ်၍ ကျောင်းသား၊ ကျောင်းသူများကို ဇွန်(၂၅)ရက်နေ့ မှစတင်၍ ကျောင်းအပ်လက်ခံပြီး ကျောင်းများကို ဇွန်(၁)ရက်နေ့တွင် စတင်ဖွင့်လှစ်ကာ သင်ခန်းစာများကိုစ တင်သင်ကြား လျက်ရှိကြောင်း သိရသည်။
ရှမ်းပြည်နယ်စီမံအုပ်ချုပ်ရေးကောင်စီ ဥက္ကဋ္ဌ ဒေါက်တာကျော်ထွန်း၊ ပြည်နယ်ဥပဒေချုပ်၊ ပြည်နယ်စီမံ အုပ်ချုပ်ရေးကောင်စီအဖွဲ့ဝင်များနှင့် တာဝန်ရှိသူတို့သည် ဇွန်(၂)ရက်၊ နံနက်(၁၀)နာရီက တောင်ကြီးမြို့ပေါ်ရှိ အခြေခံ ပညာအထက်တန်းများဖြစ်သည့် အမှတ်(၁)(၄)(၇)နှင့် အောင်သပြေတပ်ကျောင်း၊ ရွေညောင်အခြေခံပညာအထက်တန်း ကျောင်းတွင် ပညာသင်ကြားနေသော ကျောင်းသား၊ ကျောင်းသူများ ပညာသင်ယူနေမှုကို သွားရောက်ကြည့်ရှု အားပေး ခဲ့ကြောင်းသိရသည်။
ပြည်နယ်စီမံအုပ်ချုပ်ရေးကောင်စီ ဥက္ကဋ္ဌ ဒေါက်တာကျော်ထွန်းက ကျောင်းသား၊ ကျောင်းသူများအား သားတို့ သမီးတို့ ကျောင်းတက်ရတာပျော်ကြရဲလား၊ သူငယ်ချင်းတွေရှိပါက ကျောင်းတက်နိုင်ရန်ပြောပေးကြရန်၊ ခရီးလွန်နေပါက ပြန်ရောက်ရင် ကျောင်းတက်ပေးကြရန်နှင့် သားတို့သမီးတို့ကျောင်းတက်ချိန် မစိုးရိမ်ကြရန်၊ လုံခြုံရေး အပြည့်အဝ ဆောင်ရွက်ပေးထားပါကြောင်း၊ ဘေးစကားများမယုံကြည်ကြရန်၊ စာကိုသာဂရုတစ်စိုက်သင် ကြားရန်နှင့် ဘွဲ့ရပညာ တတ် ဖြစ်အောင် ကြိုးစားကြရန် သားတို့သမီးတို့ အဖေအမေများကိုလည်း ပြန်ပြောပေးကြရန် အားပေးစကား ပြောကြားသွားသည်။
၂၀၂၁-၂၀၂၂ ပညာသင်နှစ်၊ အမှတ်(၁)အခြေခံပညာအထက်တန်းကျောင်းတွင် မူလတန်း/အလယ်တန်း/ အထက်တန်းအဆင့် ကျောင်းအပ်နှံ သူ ဦးရေ (၇၄၄)ဦး၊ တက်ရောက်သူ (၁၃၈)ဦး၊ ပျက်ကွက်(၆၀၆)ဦး၊ ရာခိုင်နှုန်း (၁၈. ၅၅)၊ အမှတ်(၄)အခြေခံပညာအထက်တန်းကျောင်းတွင် မူလတန်း/အလယ်တန်း/ အထက်တန်းအဆင့် ကျောင်းအပ်နှံ သူ ဦးရေ (၃၅၅)ဦး၊ တက်ရောက်သူ (၁၃၄)ဦး၊ ပျက်ကွက်(၂၂၀)ဦး၊ ရာခိုင်နှုန်း (၃၇.၇၅)၊ အမှတ်(၇)အခြေခံပညာ အထက်တန်းကျောင်းတွင် မူလတန်း/အလယ်တန်း/ အထက်တန်းအဆင့် ကျောင်းအပ်နှံသူ ဦးရေ (၈၂၇)ဦး၊ တက်ရောက်သူ (၄၃၈)ဦး၊ ပျက်ကွက်(၃၈၉)ဦး၊ ရာခိုင်နှုန်း (၅၂.၉၆)၊ အောင်သပြေ၊ ခြေခံပညာအထက်တန်းကျောင်း တွင် မူလတန်း/အလယ်တန်း/ အထက်တန်းအဆင့် ကျောင်းအပ်နှံသူဦးရေ (၇၉၆)ဦး၊ တက်ရောက်သူ(၆၅၀)ဦး၊ ပျက်ကွက် (၁၄၆)ဦး၊ ရာခိုင်နှုန်း (၈၁.၆၆)၊ အခြေခံပညာအထက်တန်းကျောင်းတွင် မူလတန်း/ အလယ်တန်း/ အထက်တန်းအဆင့် ကျောင်းအပ်နှံသူ ဦးရေ (၇၄၄)ဦး၊ တက်ရောက်သူ (၁၃၈)ဦး၊ ပျက်ကွက်(၆၀၆)ဦး၊ ရာခိုင်နှုန်း (၁၈.၅၅)၊ ရွှေညောင်၊ အခြေခံပညာအထက်တန်းကျောင်းတွင် မူလတန်း/အလယ်တန်း/အထက်တန်းအဆင့်ကျောင်းအပ်နှံသူဦးရေ (၉၁၄)ဦး၊ တက်ရောက်သူ (၈၇၉)ဦး၊ ပျက်ကွက်(၃၅)ဦး၊ ရာခိုင်နှုန်း (၉၆.၁၇)၊ စုစုပေါင်းကျောင်းအပ်နှံသူ ဦးရေ(၃၆၃၆)ဦး၊ တက်ရောက်သူ(၂၂၃၉)ဦး၊ ပျက်ကွက်သူ(၁၃၉၇)ဦး၊ ရာခိုင်နှုန်း(၆၁.၅၈)ရှိကြောင်း သိရှိရသည်။

ရှမ်းပြည်နယ်စီမံအုပ်ချုပ်ရေးကောင်စီ

More Articles ...

နောက်ထပ်သတင်းများဖတ်မည်