သတင်းများ

ရှမ်းပြည်နယ်အတွင်း Coronavirus Disease 2019 (COVID-19)ကာကွယ်ထိန်းချုပ် ကုသရေးလုပ်ငန်းများတွင် အသုံးပြုရန်အတွက် အလှူငွေလှူဒါန်း

 

တောင်ကြီး ဇွန်    -      ၁၁

118

ရှမ်းပြည်နယ်အတွင်း Coronavirus Disease 2019 (COVID-19)ကာကွယ် ထိန်းချုပ် ကုသရေးလုပ်ငန်းများတွင် အလှူငွေများလှူဒါန်းခြင်းကို ဇွန်လ ၁၁ ရက် မွန်းလွဲ ၁ နာရီက တောင်ကြီးမြို့၊ ရှမ်းပြည်နယ်အစိုးရရုံး အစည်းအဝေးခန်းမ၌ ပြုလုပ်ခဲ့ကြောင်းသိရသည်။

အဆိုပါလှူဒါန်းပွဲတွင် Alliance for Microfinance in Myanmar  Ltd မှ ငွေကျပ် သိန်း(၂၀) ကို ပေးအပ်လှူဒါန်းရာ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်းမှ လက်ခံရယူ၍ ဂုဏ်ပြုမှတ်တမ်းလွှာ ပြန်လည် ပေးအပ်ခဲ့ကြောင်းသိရသည်။

 

 ခရိုင်(ပြန်/ဆက်)

၀၉၂၅၀၁၃၂၉၄၃

ရှမ်းပြည်နယ်အတွင်း Coronavirus Disease 2019 (COVID-19)ကာကွယ်ထိန်းချုပ် ကုသရေးလုပ်ငန်းများတွင် အသုံးပြုရန်အတွက် အလှူငွေလှူဒါန်း

တောင်ကြီး ဇွန်    -      ၉

117

ရှမ်းပြည်နယ်အတွင်း Coronavirus Disease 2019 (COVID-19)ကာကွယ် ထိန်းချုပ် ကုသရေးလုပ်ငန်းများတွင် အလှူငွေများလှူဒါန်းခြင်းကို ဇွန်လ ၉ ရက် မွန်းလွဲ ၁ နာရီက တောင်ကြီးမြို့၊ ရှမ်းပြည်နယ်အစိုးရရုံး အစည်းအဝေးခန်းမ၌ ပြုလုပ်ခဲ့ကြောင်းသိရသည်။

အဆိုပါလှူဒါန်းပွဲတွင် Royal Goldern Power Co.Ltd မှ ငွေကျပ် သိန်း(၃၀) ကို ပေးအပ်လှူဒါန်းရာ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်းမှ လက်ခံရယူ၍ ရှမ်းပြည်နယ်အစိုးရအဖွဲ့ ပြည်နယ်လမ်းပန်းဆက်သွယ်ရေးဝန်ကြီး ဦးခွန်ရဲထွေးမှ ဂုဏ်ပြုမှတ်တမ်းလွှာ ပြန်လည် ပေးအပ်ခဲ့ကြောင်းသိရသည်။

 

မောင်မောင်သန်း(ပြန်/ဆက်)

၀၉၂၅၀၁၃၂၉၄၃

 

ရှမ်းပြည်နယ်အတွင်း Coronavirus Disease 2019 (COVID-19)ကာကွယ်ထိန်းချုပ် ကုသရေးလုပ်ငန်းများတွင် အသုံးပြုရန်အတွက် အလှူငွေလှူဒါန်း

တောင်ကြီး ဇွန် - ၅

113

ရှမ်းပြည်နယ်အတွင်း Coronavirus Disease 2019 (COVID-19)ကာကွယ် ထိန်းချုပ် ကုသရေးလုပ်ငန်းများတွင် အသုံးပြုရန်အတွက် အလှူငွေလှူဒါန်းခြင်းကို ဇွန် ၅ ရက် နံနက် ၁၁ နာရီက တောင်ကြီးမြို့၊ ရှမ်းပြည်နယ်အစိုးရရုံး အစည်းအဝေးခန်းမ၌ ပြုလုပ်ခဲ့ကြောင်းသိရသည်။

အဆိုပါလှူဒါန်းပွဲတွင် ဦးလင်းဆိုင်ဥက္ကဋ္ဌ(မတ်ကျန်းဌာနေပြည်သူ့စစ်အဖွဲ့)မှ ငွေကျပ်သိန်း (၅၀)နှင့် White Orchid Hotel မှ အလှူငွေကျပ်(၁၅)သိန်းကို ပေးအပ်လှူဒါန်းရာ ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်မှ လက်ခံရယူ၍ ဂုဏ်ပြုမှတ်တမ်း အသီးသီး ပြန်လည် ပေးအပ်ခဲ့ကြောင်းသိရသည်။

မောင်မောင်သန်း(တောင်ကြီး)

09250132943

ရှမ်းပြည်နယ် လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးကော်မတီလုပ်ငန်း ညှိနှိုင်း အစည်းအဝေး အမှတ်စဉ်(၃/၂၀၂၀)ကျင်းပ

တောင်ကြီး  ဇွန်

116

ရှမ်းပြည်နယ်(တောင်ပိုင်း)၊ ရှမ်းပြည်နယ်လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေး ကော်မတီမှ ကျင်းပပြုလုပ်သော ရှမ်းပြည်နယ်လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေး ကော်မတီလုပ်ငန်း ညှိနှိုင်းအစည်းအဝေး အမှတ်စဉ်(၃/၂၀၂၀)ကို ဇွန်လ ၉ ရက်နေ့ နံနက် ၉ နာရီခွဲ အချိန်တွင် ရှမ်းပြည်နယ် အစိုးရအဖွဲ့ရုံး အစည်းအဝေးခန်းမ(၁)၌ ကျင်းပခဲ့သည်။

ရှမ်းပြည်နယ်လယ်ယာမြေနှင့် အခြားမြေများ သိမ်းဆည်းခြင်းခံရမှုများ၊ ပြန်လည်စိစစ်ရေးကော်မတီ ဥက္ကဋ္ဌ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က ရှမ်းပြည်နယ်တွင် ယခုလယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးဗဟိုကော်မတီမှပေးပို့လာသော မြေယာကိစ္စတိုင်ကြားစာပေါင်း (၆၉၃)မှုမှ (၄၁၇)မှုကို ပိတ်သိမ်းဆောင်ရွက်နိုင်ခဲ့ပြီး စိစစ်ဆဲအမှု (၁၆၂)မှုကျန်ရှိပါကြောင်း၊ ပြီးစီးမှုရာခိုင်နှုန်းမှာ ၆၀ ရာခိုင်နှုန်းဖြစ်ပြီး၊ ပြည်နယ်သို့တိုက်ရိုက်တိုင်ကြားစာပေါင်း (၆၃၄)မှုရှိပြီး (၄၁၆)မှုကို ပိတ်သိမ်းဆောင်ရွက်နိုင်ခဲ့ကြောင်း၊ ပြီးစီးမှုရာခိုင်နှုန်းမှာ ၆၆ ရာခိုင်နှုန်းဖြစ်ပြီး စိစစ်ရန်ကျန်ရှိသည့် ဗဟိုအမှု(၁၆၂)မှု၊ ပြည်နယ်အမှု (၂၁၈)မှု စုစုပေါင်း(၃၈၀)မှုအားလုံးကို ၂၀၂၀ပြည့်နှစ် ဇွန်လအကုန်တွင် ၉၀ရာခိုင်နှုန်းကျော်ပြီးပြတ်ရေး ဗဟိုကော်မတီမှနှိုးဆော်လျက်ရှိပြီး၊ ခရိုင်မြေ/စစ်ကော်မတီများအနေဖြင့် ဇွန်လကုန်ပြီးပြတ်အောင်ဆောင်ရွက်ရန်ဖြစ်ကြောင်း၊ ဗဟိုကော်မတီ၏မူဝါဒနှင့် လုပ်ငန်းစဉ် (၅၂) ချက်၊ ညွှန်ကြားချက်များ လုပ်ထုံးလုပ်နည်းများနှင့်အညီ ပြီးပြတ်အောင် အလေးထားစိစစ်ဖြေရှင်းဆောင်ရွက်ရန် ဆောင်ရွက်မည့်အစီအမံများကို ယနေ့ အစည်းအဝေးတွင်တင်ပြရန်ဖြစ်ကြောင်း၊ သက်ဆိုင်ရာဝန်ကြီးဌာနများနှင့်အဖွဲ့အစည်းများမှ စုစုပေါင်းပြန်လည်စွန့်လွှတ်သည့် အမှုပေါင်း (၁၆၁)မှု၊ မြေဧရိယာစုစုပေါင်း (၃၁၃၉၆.၄၇၈)ဧကရှိပြီး၊ မြေဧရိယာ(၃၀၃၁၆.၇၆၆)ဧကကို သက်ဆိုင်ရာလက်ဝယ်သို့ လွှဲပြောင်းပေးအပ်နိုင်ခဲ့ပြီးဖြစ်သည့်အတွက် ကျန်မြေဧရိယာ(၁၀၇၉.၇၀၈)ဧကဖြစ်၍ ကျန်မြေများကို ဇွန်လကုန်အပြီး သက်ဆိုင်ရာသို့ အမြန်ဆုံးပြန်လည်လွှဲပြောင်းပေးအပ်နိုင်ရေးအတွက် ဆောင်ရွက်ပေးရန်ပြောကြားသွားသည်။

ဆက်လက်၍ ရှမ်းပြည်နယ်လယ်ယာမြေနှင့်အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးကော်မတီ တွဲဖက်အတွင်းရေးမှူး ညွှန်ကြားရေးမှူး ဦးဆန်းဝင်းက ရှမ်းမြေ/စစ်ကော်မတီလုပ်ငန်း‌ဆောင်ရွက်ပြီးစီးမှုအခြေအနေအား ရှင်းလင်း ဆွေးနွေးပြောကြားခဲ့ပြီး အမှုတစ်မှုခြင်းအလိုက်တက်ရောက်လာသည့် ပြည်နယ်မြေ/စစ်ကော်မတီဝင်များနှင့် ခရိုင် မြေ/စစ်ကော်မတီဥက္ကဋ္ဌ၊ တွဲဖက်အတွင်းရေးမှူးများက တင်ပြဆွေးနွေးခဲ့ကာ မြေ/စစ်ဗဟိုကော်မတီမှ ပေးပို့လာသော အမှုတွဲ များနှင့် ပြည်နယ်တိုက်ရိုက်တိုင်ကြားစာ အမှုများအနက်စိစစ်ရန်ကျန်ရှိသည့် အမှုတွဲများအားအမြန်ပြီးပြတ်နိုင်ရေး ဆောင်ရွက်မည့် အစီအမံ၊ စွန့်လွှတ်အပ်နှံမြေများအား မူလတောင်သူများထံသို့ ပြန်လည်ပေးအပ်နိုင်ရေး ဆောင်ရွက်မည့် အစီအမံ၊ လျော်ကြေး၊ နစ်နာကြေးပေးရန်ကျန်အမှုတွဲများအပေါ်ဆောင်ရွက်မည့်အစီအမံများအား သက်ဆိုင်ရာ ခရိုင်မြေ/စစ် ကော်မတီများမှ ခရိုင်တစ်ခုချင်းအလိုက် တင်ပြဆွေးနွေးကြပြီး မြေအမျိုးအစားများအလိုက် လျော်ကြေးနှုန်းထားများ တွက်ချက် တင်ပြထားမှုအပေါ် သက်ဆိုင်ရာ ခရိုင်မြေ/စစ်ကော်မတီ ဥက္ကဋ္ဌများမှ တင်ပြဆွေးနွေး၍ ရှမ်းပြည်နယ်လယ်ယာမြေနှင့် အခြားမြေများ သိမ်းဆည်းခြင်းခံရမှုများ၊ ပြန်လည်စိစစ်ရေးကော်မတီ ဥက္ကဋ္ဌ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်ကနိဂုံးချုပ်အမှာစကားပြောကြားခဲ့ကြောင်း သိရှိရသည်။

အင်းသားလေး(တောင်ကြီး)

09788912402

 

ရှမ်းပြည်နယ်အတွင်း Coronavirus Disease 2019 (COVID-19)ကာကွယ်ထိန်းချုပ် ကုသရေးလုပ်ငန်းများတွင် အသုံးပြုရန်အတွက် MPT ငွေဖြည့်ကဒ်များလှူဒါန်း

တောင်ကြီး ဇွန် - ၄

111

ရှမ်းပြည်နယ်အတွင်း Coronavirus Disease 2019 (COVID-19)ကာကွယ် ထိန်းချုပ် ကုသရေးလုပ်ငန်းများတွင် အသုံးပြုရန်အတွက် ပစ္စည်းများလှူဒါန်းခြင်းကို ဇွန်လ ၃ ရက် မွန်းလွဲ ၂ နာရီက တောင်ကြီးမြို့၊ ရှမ်းပြည်နယ်အစိုးရရုံး အစည်းအဝေးခန်းမ၌ ပြုလုပ်ခဲ့ကြောင်းသိရသည်။

အဆိုပါလှူဒါန်းပွဲတွင် မြန်မာ့ဆက်သွယ်ရေးလုပ်ငန်းမှ MPT (၁၀၀၀)တန် ခဲခြစ်ငွေဖြည့်ကဒ် (၅၀၀)ကဒ်အား လှူဒါန်းရာ ရှမ်းပြည်နယ်အစိုးရအဖွဲ့ ပြည်နယ်စီမံကိန်းနှင့် ဘဏ္ဍာရေးဝန်ကြီး ဦးစိုးညွန့်လွင်က လက်ခံရယူ၍ဂုဏ်ပြုမှတ်တမ်း ပြန်လည်ပေးအပ် ခဲ့ကြောင်းသိရသည်။

မောင်မောင်သန်း(တောင်ကြီး)

09250132943

ရှမ်းပြည်နယ်အတွင်း Coronavirus Disease 2019 (COVID-19)ကာကွယ်ထိန်းချုပ် ကုသရေးလုပ်ငန်းများတွင် အသုံးပြုရန်အတွက် PPE ဝတ်စုံနှင့် Mask များလှူဒါန်း

တောင်ကြီး ဇွန်    -       ၈

114

ရှမ်းပြည်နယ်အတွင်း Coronavirus Disease 2019 (COVID-19)ကာကွယ် ထိန်းချုပ် ကုသရေးလုပ်ငန်းများတွင် အသုံးပြုရန်အတွက် PPE ဝတ်စုံနှင့် Mask များလှူဒါန်းခြင်းကို ဇွန်လ ၈ ရက် မွန်းလွဲ ၂ နာရီက တောင်ကြီးမြို့၊ ရှမ်းပြည်နယ်အစိုးရရုံး အစည်းအဝေးခန်းမ၌ ပြုလုပ်ခဲ့ကြောင်းသိရသည်။

အဆိုပါလှူဒါန်းပွဲတွင် ဦးကျော်ထွဋ်ခေါင်( One Two Six Co.Ltd) မှ ငွေကျပ် သိန်း(၃၀)တန်ဖိုးရှိ PPE (၁၂၅) စုံ Mask (၇၅၀) ခုပေးအပ်လှူဒါန်းရာ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်းမှ လက်ခံရယူ၍ ဂုဏ်ပြုမှတ်တမ်းလွှာ ပြန်လည် ပေးအပ်ခဲ့ကြောင်းသိရသည်။

မောင်မောင်သန်း(ပြန်/ဆက်)

၀၉၂၅၀၁၃၂၉၄၃

ဓနုကိုယ်ပိုင်အုပ်ချုပ်ခွင့်ရဒေသရှိ ဓနုတိုင်းရင်းသားလူမျိုးများအား ဆန်၊ ဆီ၊ ဆား၊ ကုလားပဲ ရိက္ခာများ ထောက်ပံ့

ရွာငံ ဇွန်   -   ၃

110

  ဓနုကိုယ်ပိုင်အုပ်ချုပ်ခွင့်ရဒေသ၊ ရွာငံမြို့၊ ဗထူးခန်းမ၌ အခြေခံပြည်သူများအား ဇွန်(၃)ရက် နံနက်(၉)နာရီက ရှမ်းပြည်နယ်အစိုးရအဖွဲ့နှင့် ရှမ်းပြည်နယ်ပြည်သူစားနပ်ရိက္ခာထောက်ပံ့ရေးကော်မတီအဖွဲ့တို့မှ ဆန်၊ ဆီ၊ ဆား၊ ကုလားပဲ၊ တို့ကို ထောက်ပံ့ပေးကြကြောင်း သိရသည်။ 

ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်လွှတ်တော်ဥက္ကဋ္ဌ ဦးစိုင်းလုံးဆိုင်၊ ပြည်နယ်ဝန်ကြီးများ၊ ဓနုကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဋ္ဌ ဦးအာကာလင်း၊ ကမ္ဘောဇဘဏ်လီမိတက်နာယက နှင့် အရာထမ်း/အမှုထမ်းများ၊ လွှတ်တော်အသီးသီးမှ ကိုယ်စားလှယ်များ၊ ရှမ်းပြည်နယ်ပြည်သူစားနပ်ရိက္ခာထောက်ပံ့ရေး ကော်မတီအဖွဲ့ဝင်များနှင့် တာဝန်ရှိသူတို့က ဓနုကိုယ်ပိုင်အုပ်ချုပ်ခွင့်ရဒေသ၊ ရွာငံမြို့၊ ဘုရားကြီးကုန်းကျေးရွာအုပ်စုနှင့် ယကြီးကျေးရွာအုပ်စုရှိ အိမ်ထောင်စု(၂၇၈)စုအတွက် အခြေခံပြည်သူများအား ရိက္ခာထုတ်( ၈၀၀ )ပါ ဆန်၊ ဆီ၊ ဆား၊ ကုလားပဲ၊ ငွေသားကျပ်(၁)သောင်းစီနှင့် COVID-19 ရောဂါကာကွယ်ရေးအတွက် ကျန်းမာရေးအထောက်အကူပြုပစ္စည်းများ ထောက်ပံ့ပေးအပ်ခဲ့ကြပြီး ရွှေပေါ်ကျွန်းပရိယတ္တိစာသင်တိုက်ဘုန်းတော်ကြီးကျောင်းရှိ ကျောင်းထိုင်ဆရာတော်အား ကန်တော့၍ ဆန်၊ ဆီ ဆပ်ကပ်လှူဒါန်းကြပြီး ဘုန်းကြီးကျောင်းအတွက် ဆန်(၁၅)အိတ်၊ ဆီ(၃)ပုံး လှူဒါန်းပေးခဲ့ကြောင်း သိရသည်။ 

ဆက်လက်၍ ပြည်နယ်ဝန်ကြီးချုပ်၊ ပြည်နယ်လွှတ်တော်ဥက္ကဋ္ဌ၊ ပြည်နယ်ဝန်ကြီးများ၊ ဓနုကိုယ်ပိုင်အုပ်ချုပ်ခွင့်ရ ဒေသဦးစီးအဖွဲ့ ဥက္ကဋ္ဌ၊ ကမ္ဘောဇဘဏ်လိမီတက်နာယကနှင့် အရာထမ်း/အမှုထမ်းများ၊ လွှတ်တော်အသီးသီးမှ ကိုယ်စားလှယ် များ၊ ရှမ်းပြည်နယ်ပြည်သူစားနပ်ရိက္ခာထောက်ပံ့ရေးကော်မတီအဖွဲ့ဝင်များသည် ရွာငံဝါးပိုးရေ ဘုန်းတော်ကြီးကျောင်း ရောက်ရှိကာ ဆရာတော်အား ကန်တော့၍ ဆန်၊ ဆီ၊ ဆား၊ ကုလားပဲတို့ကို ဆပ်ကပ်လှူဒါန်းကြပြီး ဝါးပိုးရေကျေးရွာ အိမ်ထောင်စု(၇၀)စုအတွက် အခြေခံပြည်သူများအား ဆန်၊ ဆီ၊ ဆား၊ ကုလားပဲနှင့် ငွေသားကျပ် (၁)သောင်းစီ ထောက်ပံ့ ပေးခဲ့ကြသည်။ 

ထို့နောက် ဓနုကိုယ်ပိုင်အုပ်ချုပ်ခွင့်ရဒေသ၊ပင်းတယမြို့၊မဟာရန်အောင်ပရိယတ္တိစာသင်တိုက်ဘုန်းတော်ကြီးကျောင်း နှစ်ကျိပ်ရှစ်ဆူဓမ္မာရုံတွင် ကျောင်းထိုင်ဆရာတော်အား ကန်တော့၍ ဆန်၊ ဆီ၊ ဆား၊ ကုလားပဲတို့ကို ဆပ်ကပ်လှူဒါန်းပြီး ဘုန်းကြီးကျောင်းအတွက် ဆန်(၁၅)အိတ်၊ ဆီ(၃)ပုံး လှူဒါန်းပေးခဲ့ကြောင်းနှင့် ပင်းတယမြို့၊ စျေးတန်းရပ်ကွက်၊ အိမ်ထောင်စု (၁၅)စုနှင့် ဟော်ကုန်းရပ်ကွက်ရှိ အိမ်ထောင်စု(၁၅)စု၊ စုစု‌ပေါင်း (၃၀)စုအတွက် ရိက္ခာထုတ်(၈၀၀)ပါ ဆန်၊ ဆီ၊ ဆား၊ ကုလားပဲနှင့် ငွေသားကျပ်( ၁ )သောင်းစီ ထောက်ပံ့ပေးအပ်ကြပြီး ပင်းတယစေတီကြီးပရိယတ္တိစာသင်တိုက်ရှိ ဆရာတော်အား ကန်တော့ကာ ဆန်၊ ဆီ၊ ကုလားပဲ ဆပ်ကပ်၍ ဘုန်းကြီးကျောင်းအတွက် ဆန်( ၁၅ )အိတ်၊ ဆီ( ၃ )ပုံး လှူဒါန်းပေးခဲ့ကြောင်းနှင့် ပင်းတယမြို့၊ သစ်အယ်ပင်ကျေးရွာရှိ အိမ်ထောင်စု (၁၅)စု၊ ဓနု/တောင်ရိုးတိုင်းရင်းသား အခြေခံ ပြည်သူများအား ဆန်၊ ဆီ၊ ဆား၊ ကုလားပဲနှင့် ငွေသားကျပ်(၁)သောင်းစီ ထောက်ပံ့ပေးအပ်ခဲ့ကြသည်။ 

ယင်းနောက် ပြည်နယ်ဝန်ကြီးချူပ်၊ ပြည်နယ်လွှတ်တော်ဥက္ကဋ္ဌ၊ ပြည်နယ်ဝန်ကြီးများ၊ ကမ္ဘောဇဘဏ်လိမီတက် နာယကနှင့် အရာထမ်း/အမှုထမ်းများ၊ လွှတ်တော်အသီးသီးမှ ကိုယ်စားလှယ်များ၊ ရှမ်းပြည်နယ်ပြည်သူစားနပ်ရိက္ခာ ထောက်ပံ့ရေးကော်မတီအဖွဲ့ဝင်များနှင့် တာဝန်ရှိသူများသည် ကလောမြို့နယ်၊ ဘော်ဆိုင်းရွှေမြစည်ဘုန်းတော်ကြီးကျောင်း သို့ ရောက်ရှိပြီး ဆရာတော်အား ရှိခိုးကန်တော့၍ လှူဖွယ်ပစ္စည်းများ ဆပ်ကပ်ကာ ဘန်းကြီးကျောင်းအတွက် ဆန်(၁၅)အိတ်၊ ဆီ(၃)ပုံး လှူဒါန်းပေးခဲ့ကြောင်းနှင့် ဘော်ဆိုင်းအထကကျောင်း၊ ကမ္ဘောဇခန်းမတွင် ဘော်ဆိုင်းကျေးရွာ အိမ်ထောင်စု (၈၀၀)စုအတွက် အခြေခံပြည်သူများအား ရိက္ခာထုတ်(၈၀၀)ပါ ဆန်၊ ဆီ၊ ဆား၊ ကုလားပဲနှင့် ငွေသားကျပ်(၁)သောင်းစီ ထောက်ပံ့ပေးအပ်ကြပြီး ဘော်ဆိုင်းပြည်သူဆေးရုံကို သွားရောက်ကာ ကျန်းမာရေးဝန်ထမ်းများအား ဆန်၊ ဆီ၊ ဆား၊ ကုလားပဲနှင့် ငွေသားကျပ် (၁)သောင်းစီ ထောက်ပံ့ပေးအပ်ခဲ့ကြသည်။ 

၎င်းနောက် ပြည်နယ်ဝန်ကြီးချုပ်၊ ပြည်နယ်လွှတ်တော်ဥက္ကဋ္ဌ၊ ပြည်နယ်ဝန်ကြီးများ၊ လွှတ်တော်အသီးသီးမှ ကိုယ်စားလှယ်များ၊ ရှမ်းပြည်နယ်ပြည်သူစားနပ်ရိက္ခာထောက်ပံ့ရေးကော်မတီအဖွဲ့ဝင်များနှင့် တာဝန်ရှိသူများသည် ဘော်ဆိုင်းကျေးရွာအုပ်စုရှိ သစ်ယားပင်ကျေးရွာ၊ တောင်ပတ်ကျေးရွာ၊ ကျောက်ထပ်ကျေးရွာရှိ အိမ်ထောင်စု (၁၀၀)အတွက် ဆန်၊ ဆီ၊ ဆား၊ ကုလားပဲနှင့် ငွေသားကျပ် (၁)သောင်းစီ ထောက်ပံ့ပေးခဲ့ကြကြောင်း သိရှိရသည်။

 

မောင်မောင်သန်း(တောင်ကြီး)

09-250132943

 

ကား၊ ဆိုင်ကယ်၊ ယာဉ်မောင်းလိုင်စင်များ သက်တမ်းတိုးနိုင်ပြီး အသစ်ဖြေဆိုမည့် ယာဉ်မောင်းလိုင်စင်များ ခေတ္တ ဆိုင်းငံ့ထားမည်

တောင်ကြီး ဇွန် - ၈

115

Covid-19 ရောဂါ ကာကွယ်ထိန်းချုပ်မှုအနေဖြင့် ၂၀၂၀ ပြည့်နှစ်၊ မတ်လကုန်မှစ၍ အများပြည်သူများအား ဝန်ဆောင်မှုပေးနေသော ရှမ်းပြည်နယ်(တောင်ပိုင်း)၊ ကုန်းလမ်းပို့ဆောင်ရေးညွှန်ကြားမှုဦးစီးဌာနရုံးသည် ခေတ္တပိတ်ထား ရပြီး ယခု ကုန်းလမ်းပို့ဆောင်ရေးညွှန်ကြားမှုဦးစီးဌာနသည် ပို့ဆောင်ရေးနှင့် ဆက်သွယ်ရေးဝန်ကြီးဌာန၏ ခွင့်ပြုချက်အရ ဇွန်လ ၈ ရက်နေ့မှစ၍ ရုံးများ ပြန်လည်ဖွင့်လှစ်ကာ ကား၊ ဆိုင်ကယ်၊ ယာဉ်မောင်းလိုင်စင် သက်တမ်းတိုးခြင်းကို စတင် ဆောင်ရွက်ပေးနေပြီဖြစ်ကြောင်း သိရသည်။

“ကျွန်တော်တို့ ကုန်းလမ်းပို့ဆောင်ရေးညွှန်ကြားမှုဦးစီးဌာနရုံးသည် အများပြည်သူနှင့် ထိတွေ့ဆက်ဆံရသည့် လုပ်ငန်းများဖြစ်ပြီး Covid-19 ရောဂါအခြေအနေ ကူးစက်ပြန့်ပွားမှုမရှိအောင် ထိန်းချုပ်သည့်အနေဖြင့် ကုန်းလမ်းပို့ဆောင် ရေးညွှန်ကြားမှုဦးစီးဌာန၏ အများပြည်သူအား ဝန်ဆောင်မှုပေးနေမှုကို ၂၀၂၀ ပြည့်နှစ်၊ မတ်လမှစတင်၍ ခေတ္တပိတ်ထား ပါတယ်၊ ကုန်းလမ်းပို့ဆောင်ရေးလုပ်ငန်း ဆောင်ရွက်နိုင်ရန်အတွက် ကျွန်တော်တို့ ရုံးချုပ်က ဧပြီလကုန်မှာ စီမံချက် ဆွဲခိုင်း ပြီး ကျန်းမာရေးနှင့်အားကစားဝန်ကြီးဌာန၏ သတ်မှတ်ချက်အတိုင်းဖြစ်အောင် လုပ်ငန်းဆောင်ရွက်မည့်သူများ၏ အကွာ အဝေး၊ ဝန်ထမ်းများ၏ အကွာအဝေးနှင့် လိုအပ်မည့် Mask၊ လက်ဆေး Hand Gel၊ လက်အိတ်၊ လက်ဆေးကန် စသည်တို့ ကို ပြင်ဆင်ခဲ့ပါတယ်၊ မိမိတို့ လုပ်ငန်းများကို တစ်လလောက် စတင်ပြင်ဆင်ခဲ့ပြီး ရုံးချုပ်ကို ဓါတ်ပုံမှတ်တမ်း စသည်ဖြင့် အစီရင်ခံရပါတယ်၊ ဒီနှစ် ဇွန်လ ၈ ရက်နေ့မှစတင်ပြီး ရုံးဖွင့်လှစ်၍ ယာဉ်မှတ်ပုံတင်ခြင်းလုပ်ငန်းများကို စတင်ဆောင်ရွက် ပေးပါတယ်၊ ယာဉ်မောင်းလိုင်စင်လုပ်ငန်းတစ်ခုကို ခေတ္တပိတ်ထားပါတယ်၊ အဲ့ဒါကတော့ ယာဉ်မောင်းလိုင်စင်အသစ် ဖြေမည့်လုပ်ငန်းပါ၊ ကျွန်တော်တို့ လုပ်ငန်းများကိုတော့ ၂၀၂၀ ပြည့်နှစ်၊ မတ်လ ၃၀ ရက်မှစတင်၍ ခေတ္တပိတ်ထားပြီး မတ်လ ၃၀ ရက် ၂၀၀၀ ခုနှစ်မှ ဧပြီလ ၂၀၀၀ ခုနှစ်အထိ သက်တမ်းကုန်ဆုံးသွားသည့် ကား၊ ဆိုင်ကယ်များကို ၂၀၂၀ ပြည့် နှစ်၊ ဇွန်လ ၈ ရက်မှစ၍ ဇူလိုင်လကုန်အထိ သက်တမ်းတိုး ဆောင်ရွက်ရမှာဖြစ်ပါတယ်၊ ၃ လအတွင်း ဆောင်ရွက်ရန်နှင့် မေလ ၂၀၀၀ အတွင်း သက်တမ်းကုန် ယာဉ်များ ၈ လပိုင်းကုန်အထိ ဆောင်ရွက်ရန်နှင့် ဇွန်လ ၂၀၀၀ သက်တမ်းကုန်ယာဉ် များ ၉ လပိုင်းကုန်အထိ ဆောင်ရွက်ရမှာဖြစ်ပါတယ်၊ ၃ လလောက်အချိန်ပေးထားပြီး ယာဉ်ပိုင်ရှင်များ ၃ လ မကျော်စေရန် ဂရုစိုက်ရမှာဖြစ်ပါတယ်၊ ဒီထက်ကျော်ပါက လုပ်ငန်းဖြေလျော့မှုအတွက် လုပ်ငန်းများ ခေတ္တရပ်နားထားသည့်အချိန်အတွင်း သက်တမ်းကျော်များကို ဒဏ်ငွေ ကောက်ပါတယ်၊ ဒါပေမယ့် ဖြေလျော့ပေးထားပါတယ်၊ ၃ လအတွင်း မဆောင်ရွက်ပါက ဒဏ်ငွေ ဆောင်ရမည်ဖြစ်ပါတယ်၊ ယာဉ်မောင်းလိုင်စင်များလည်း သတ်မှတ်ထားသည့်ကာလအတွင်း သက်တမ်းလာတိုး ရန်နှင့် ဒဏ်ငွေ ကောက်ခံမည်မဟုတ်ကြောင်း၊ ၃ လကျော်ပါက ဒဏ်ငွေ ကောက်ခံသွားမည်ဖြစ်ကြောင်း” ရှမ်းပြည်နယ် (တောင်ပိုင်း)၊ကုန်းလမ်းပို့ဆောင်ရေးညွှန်ကြားမှုဦးစီးဌာန၊ ညွှန်ကြားရေးမှူး ဦးထင်ကျော်က ပြောသည်။

ကုန်းလမ်းပို့ဆောင်ရေးညွှန်ကြားမှုဦးစီးဌာနမှ ဇွန်လ ၈ ရက်မှစ၍ ကား၊ ဆိုင်ကယ်၊ ယာဉ်မောင်းလိုင်စင်များ သက်တမ်းတိုးနိုင်ရန်အတွက် ပြည်သူများအား Covid-19 ရောဂါကာကွယ်မှုအနေဖြင့် လုပ်ငန်းလာရောက်ဆောင်ရွက်မည့် သူများကို ရုံးအတွင်းသို့ တစ်ဦးသာ ဝင်ရောက်ရန်၊ လိုအပ်ပါက ယာဉ်စစ်ဆေးမည့်နေရာသို့ ယာဉ်မောင်း(၁)ဦးနှင့် လုပ်ငန်း ဆောင်ရွက်သူ (၁)ဦး၊ စုစုပေါင်း (၂)ဦး သတ်မှတ်ထားပြီး ရုံးအတွင်းသို့ လက်ဆေးပြီးမှ ဝင်ရန်၊ Mask တပ်ဆင်ရန်၊ ကိုယ်အပူချိန် တိုင်းတာမှုခံယူရန်၊ သတ်မှတ်အပူချိန်ထက် မြင့်မားနေသူများ ဝင်ရောက်ခွင့်မပြု၊ အမှတ်အသားပြုထားသည့် သတ်မှတ်နေရာများ၌သာ တန်းစီခြင်း၊ စောင့်ဆိုင်းခြင်း ပြုလုပ်ကြရန်၊ ယာဉ်စစ်ဆေးခွင့် မှတ်ချက်ယူပြီးသော ယာဉ်များသာ ယာဉ်စစ်ကွင်း၌ စနစ်တကျ တန်းစီရန်၊ ဝန်ထမ်းများ၏ ပြောဆိုမေတ္တာရပ်ခံချက်များကို အလေးထားဂရုပြုရန်၊ အမှုတွဲနှင့် စာရွက်စာတမ်းများကို ပြန်လည်လက်ခံရယူရေးအတွက် သတ်မှတ်နေရာများ၌ စနစ်တကျ စောင့်ဆိုင်းကြရန်၊ အထက်ပါအချက်များကို လိုက်နာခြင်းဖြင့် Covid-19 ရောဂါ ကူးစက်မှု ကာကွယ်၊ ထိန်းချုပ်ရေးအပေါ် ဆောင်ရွက်ကြရန် အသိပေးစည်းကမ်းချက်များ ထုတ်ပြန်ထားကြောင်း သိရှိရသည်။

အင်းသားလေး(တောင်ကြီး)

၀၉-၇၈၈၉၁၂၄၀၂

 

ဈေးပြိုင်လေလံကြော်ငြာအမှတ်(၂/၂၀၁၉-၂၀၂၀) ( ဒေသဖွံ့ဖြုးရေး) (သတ-ဖ) ကျွန်း/သစ်မာ(သစ်လုံး/တိုင်/ခွဲခြမ်း/သစ်ခွဲသား)များအား ဒေသဖွံ့ဖြိုးရေးသို့ ရောင်းချခြင်း

ဈေးပြိုင်လေလံကြော်ငြာအမှတ်(၂/၂၀၁၉-၂၀၂၀) ( ဒေသဖွံ့ဖြုးရေး) (သတ-ဖ) ကျွန်း/သစ်မာ(သစ်လုံး/တိုင်/ခွဲခြမ်း/သစ်ခွဲသား)များအား ဒေသဖွံ့ဖြိုးရေးသို့ ရောင်းချခြင်းimg150

img151

img152

img153

 

 

ကမ္ဘာ့ပတ်ဝန်းကျင်ထိန်းသိမ်းရေးနေ့ အထိမ်းအမှတ် စိမ်းလန်းသန့်ရှင်းသော ကျောင်းများ ဂုဏ်ပြုဆု ချီးမြှင့်

 

တောင်ကြီး ဇွန် - ၅

112

၂၀၂၀ ပြည့်နှစ်၊ ဇွန်လ ၅ ရက်နေ့တွင် ကျရောက်သည့် ကမ္ဘာ့ပတ်ဝန်းကျင်ထိန်းသိမ်းရေးနေ့ အထိမ်းအမှတ် စိမ်းလန်းသန့်ရှင်းသော ကျောင်းများအား ဂုဏ်ပြုဆုချီးမြှင့်ခြင်းကို ယနေ့ နံနက်ပိုင်း ၉ နာ ရီက တောင်ကြီးမြို့၊ အမှတ်(၅) အခြေခံပညာအထက်တန်းကျောင်း၊ စိန်မြင်းမိုရ်ခန်းမ၌ ကျင်းပသည်။

ရှမ်းပြည်နယ်အစိုးရအဖွဲ့၊ပြည်နယ်ဝန်ကြီးချုပ် ဒေါက်တာလင်းထွဋ်က နှစ်စဉ် ဇွန်လ  ရက်နေ့တွင် ကျရောက်သည့် ကမ္ဘာ့ပတ်ဝန်းကျင်ထိန်းသိမ်းရေးနေ့ အခမ်းအနားကို တောင်ကြီးမြို့၊ မြို့တော်ခန်းမ၌ နှစ်စဉ်ပုံမှန်ကျင်းပခဲ့သော်လည်း ယခုနှစ် နှစ်ဆန်းပိုင်းမှ စတင်၍ နိုင်ငံတကာမှာရော ပြည်တွင်းမှာပါ Covid-19 ကူးစက်ရောဂါ ပျံ့နှံ့မှုကြောင့် ထိန်းချုပ် ကုသမှု၊ ကာကွယ်မှုလုပ်ငန်းများကို ကျယ်ကျယ်ပြန့်ပြန့် လုပ်ဆောင်နေရသည့်အတွက် မူလက အဆိုပါအခမ်းအနားကို စိမ်းလန်းသန့်ရှင်းသော ကျောင်း(၁၈)ကျောင်းကို ဆုချီးမြှင့်ရန် စီစဉ်ထားရာမှ သတ်မှတ်ထားသော စည်းကမ်းချက်များအရ ယခုကဲ့သို့ အခမ်းအနားကို အကျဉ်းချုံးပြီး စီစဉ်ဆောင်ရွက်ရခြင်းဖြစ်ကြောင်း၊ ၂၀၂၀ ပြည့်နှစ်၊ ကမ္ဘာ့ပတ်ဝန်းကျင် ထိန်းသိမ်းရေးနေ့အတွက် သတ်မှတ်ထားသောဆောင်ပုဒ်မှာ အင်္ဂလိပ်ဘာသာဖြင့် “Biodiversity” ဖြစ်ပြီး မြန်မာဘာသာဖြင့် “တို့ကမ္ဘာမြေ ရေရှည်တည်တံ့စေဖို့ ဇီဝမျိုးစုံ၊ မျိုးကွဲများနှင့် သဘာဝပတ်ဝန်းကျင်တို့ကို အချိန်မီ ထိန်းသိမ်းကြစို့” ဖြစ်ပြီး ရှမ်းပြည်နယ်အတွင်း ၂၀၁၉-၂၀၂၀ ပညာသင်နှစ်မှစတင်၍ Shan State Clean & Green School Program 2020 ကို အကောင်အထည်ဖော်ခဲ့ပြီး အခြေခံပညာကျောင်း (၂၁)ကျောင်းတွင် သတ်မှတ်ပေးထားသော စံချိန်စံညွှန်း (၄)ခု၊ အညွှန်း ကိန်း (၁၇)ခုနှင့် ကိုက်ညီစေရန် စိမ်းလန်းသန့်ရှင်းသော ကျောင်းများအဖြစ် ဖော်ဆောင်ခဲ့ပါကြောင်း၊ ဖွဲ့စည်းပေးထားသော အကောင်အထည်ဖော်ရေးလုပ်ငန်းအဖွဲ့ (၃)ဖွဲ့မှ (၁၈)ကျောင်းကို ထောက်ခံတင်ပြလာပြီး စီမံခန့်ခွဲမှုကော်မတီအနေဖြင့် အဆိုပါ (၁၈)ကျောင်းကို ရှမ်းပြည်နယ်စိမ်းလန်းသန့်ရှင်းသော ကျောင်းဆု ချီးမြှင့်ရန် အတည်ပြုဆုံးဖြတ်ခဲ့ပါကြောင်း၊ ပြည်ထောင်စုအဆင့်သို့ ရှမ်းပြည်နယ်ကိုယ်စားပြု၍ အထက်တန်းအဆင့် အနေဖြင့် အထက(နမ့်လန်)၊ သီပေါမြို့ကို လည်းကောင်း၊ မူလတန်းအဆင့်အနေဖြင့် အမက(၄) နမ့်လန်-သီပေါမြို့ကိုလည်းကောင်း ပါဝင်ယှဉ်ပြိုင်နိုင်ရေး ဆက်လက် ပေးပို့ထားပါကြောင်း၊ ယနေ့ကျရောက်သော ၂၀၂၀ ပြည့်နှစ်၊ ကမ္ဘာ့ပတ်ဝန်းကျင်ထိန်းသိမ်းရေးနေ့ အခမ်းအနားကို ဂုဏ်ပြု ကာ စိမ်းလန်းသန့်ရှင်းသော ကျောင်းများ ဖော်ဆောင်နိုင်ရေး ပူးပေါင်းဆောင်ရွက်ပေးကြရန် ပြောကြားသွားသည်။

ဆက်လက်၍ စိမ်းလန်းသန့်ရှင်းသော ကျောင်းဆု ရရှိသည့် အခြေခံပညာကျောင်း (၆)ကျောင်းဖြစ်သည့် ရှမ်းပြည်နယ်(တောင်ပိုင်း)၊ တောင်ကြီးမြို့ရှိ အထက(၁)၊ အထက(၂)၊ အထက(၄)နှင့် ရှမ်းပြည်နယ်(အရှေ့ပိုင်း)၊ ကျိုင်းတုံမြို့ရှိ အထက(၁)၊ အထက(၂)၊ အထက(၃) ကျောင်းများအား  ဂုဏ်ပြုဆုငွေ၊ ဆုအလံ ပန်းချီကားနှင့် ရှမ်းပြည်နယ် အစိုးရအဖွဲ့မှ အသိအမှတ်ပြုထားသော ဂုဏ်ပြုမှတ်တမ်းလွှာများကို ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဒေါက်တာလင်းထွဋ်မှ ဆုချီးမြှင့်ပေး၍လည်းကောင်း၊ စိမ်းလန်းသန့်ရှင်းသော ကျောင်းဖော်ဆောင်ရန် စီမံခန့်ခွဲမှုကော်မတီ ဥက္ကဋ္ဌ ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီး ဒေါက်တာမျိုးထွန်းမှ ရှမ်းပြည်နယ်(အရှေ့ပိုင်း)၊ ကျိုင်းတုံမြို့ရှိ အလက(၄)၊ အလက(ဟွေခါး)၊ ရှမ်းပြည်နယ်(မြောက်ပိုင်း)၊ မူဆယ်မြို့ရှိ အထက(၂)၊ အမက(ကောင်းမူ)၊ အမက(တော်ရွက်) ကျောင်းများအား  ဂုဏ်ပြုဆုငွေ၊ ဆုအလံ ပန်းချီကားနှင့် ရှမ်းပြည်နယ်အစိုးရအဖွဲ့မှ အသိအမှတ်ပြုထားသော ဂုဏ်ပြု မှတ်တမ်းလွှာများကို ချီးမြှင့်ပေး၍လည်းကောင်း၊ ဒုတိယ ဥက္ကဋ္ဌ ရှမ်းပြည်နယ်အစိုးရအဖွဲ့၊ ပြည်နယ်သယံဇာတနှင့် သဘာဝ ပတ်ဝန်းကျင်ထိန်းသိမ်းရေးဝန်ကြီး ဒေါက်တာညီညီအောင်မှ ရှမ်းပြည်နယ်(မြောက်ပိုင်း)၊ လားရှိုးမြို့ရှိ အထက(၁)၊ အထက(၃)၊

 သီပေါမြို့ရှိ အထက(နမ့်လန်)၊ အမက(၄) နမ့်လန်၊ အထက(ခွဲ) ဘော်ကြို၊ နောင်ချိုမြို့ရှိ အထက(၂) ဘူတာရပ် ကျောင်းများ အား ဂုဏ်ပြုဆုငွေ၊ ဆုအလံ ပန်းချီကားနှင့် ရှမ်းပြည်နယ်အစိုးရအဖွဲ့မှ အသိအမှတ်ပြုထားသော ဂုဏ်ပြုမှတ်တမ်းလွှာ များကို ချီးမြှင့်ပေး၍လည်းကောင်း၊ ရှမ်းပြည်နယ်အစိုးရအဖွဲ့၊ အတွင်းရေးမှူး ဦးနေလင်း၊ စိမ်းလန်းသန့်ရှင်းသော ကျောင်း ဖော်ဆောင်ရန် စီမံခန့်ခွဲမှုကော်မတီ အဖွဲ့ဝင်၊ ရှမ်းပြည်နယ်အခြေခံပညာဦးစီးဌာန ညွှန်ကြားရေးမှူး ဦးဝင်းမောင်၊ စိမ်းလန်း သန့်ရှင်းသော ကျောင်း ဖော်ဆောင်ရန် စီမံခန့်ခွဲမှုကော်မတီ အတွင်းရေးမှူး ရှမ်းပြည်နယ်ပတ်ဝန်းကျင်ထိန်းသိမ်းရေးဦးစီး ဌာန ညွှန်ကြားရေးမှူး ဦးသိန်းဌေးတို့မှ စိမ်းလန်း သန့်ရှင်းသော ကျောင်းများ အကောင်အထည်ဖော်ဆောင်နိုင်ရေးအတွက် ပါဝင်ကူညီလှူဒါန်းပေးသော အလှူရှင်များအား ဂုဏ်ပြုမှတ်တမ်းလွှာများ အသီးသီး ပေးအပ်ကြပြီး ပြည်ထောင်စုအဆင့်သို့ ရှမ်းပြည်နယ်ကိုယ်စားပြုအဖြစ် ဆက်လက်ပေးပို့တင်ပြထားသော အခြေခံပညာအထက်တန်းကျောင်း(နမ့်လန်)၏ စိမ်းလန်း သန့်ရှင်းသောကျောင်း အကောင်အထည်ဖော်ဆောင်ရွက်နေမှု Video Clip ပြသခြင်းကို ကြည့်ရှုကြကြောင်း သိရှိရသည်။

မောင်မောင်သန်း(တောင်ကြီး)

၀၉-၂၅၀၁၃၂၉၄၃

ရှမ်းပြည်နယ်ဝန်ကြီးချုပ်၊ Covid-19 ရောဂါပိုး စစ်ဆေးနိုင်သည့်စက် တပ်ဆင်မည့်နေရာအား ကွင်းဆင်းကြည့်ရှု

တောင်ကြီး ဇွန် - ၂

109

Covid-19 ရောဂါ ကာကွယ်၊ ထိန်းချုပ်၊ ကုသနိုင်ရေးအတွက် တောင်ကြီးမြို့၊ စဝ်စံထွန်းဆေးရုံ၊ ကုတင်(၅၀၀)ဆံ့ အဆောက်အဦတွင် ရောဂါပိုးစစ်ဆေးနိုင်သည့်စက် တပ်ဆင်ထားရှိမည့်နေရာအား ဇွန် ၂ ရက် နံနက် ၉ နာရီက ရှမ်းပြည်နယ် အစိုးရအဖွဲ့၊ ပြည်နယ်ဝန်ကြီးချုပ် ဒေါက်တာလင်းထွဋ်က ကွင်းဆင်းကြည့်ရှုကြောင်း သိရသည်။

စဝ်စံထွန်းဆေးရုံ၊ ကုတင်(၅၀၀)ဆံ့ အဆောက်အဦတွင် Biosafety Lab အဆောက်အဦ ဆောက်လုပ်ရန်အတွက် ပုံစံ(၂)မျိုးဖြစ်သော (၅၀ˈ×၄၀ˈ) နှင့် (၆၀ˈ×၄၈ˈ)ရှိ RCC Construction (or ) Steel Structure Construction အား MSC Engineering မှ ဦးစိုးလှိုင်က ရှင်းလင်းရာ ပြည်နယ်ဝန်ကြီးချုပ်က လိုအပ်သည်များကို ဖြည့်စွက်မှာကြားခဲ့သည်။

ရှမ်းပြည်နယ်(တောင်ပိုင်း)၊တောင်ကြီးမြို့၊စဝ်စံထွန်းဆေးရုံအတွက် Covid-19 ရောဂါပိုးစစ်ဆေးနိုင်သည့်စက်သည် မန္တလေးမြို့တွင် ရောက်ရှိနေပြီး စက်တန်ဖိုးမှာ ကျပ်သိန်း(၄၀၀၀) ကျော်ခန့် ဖြစ်ပြီး ဓါတ်ခွဲခန်း ဆောက်လုပ်ရန်အတွက် ကုန်ကျငွေမှာ ကျပ်(၁၂၆၄)သိန်း ရှိကြောင်းနှင့် ရှမ်းပြည်နယ်ရန်ပုံငွေဖြင့် သုံးစွဲသွားမည်ဖြစ်ကြောင်း၊ မန္တလေးစွမ်း ကုမ္ပဏီနှင့် တည်ဆောက်မည်ဖြစ်ကာ မေလ ၂၆ ရက်နေ့တွင် လုပ်ငန်းအပ်နှံခဲ့ပြီး စရံငွေကျပ်သိန်း(၃၀၀) ပေးချေခဲ့ပြီးဖြစ် ကြောင်း၊ ဓါတ်ခွဲခန်းပြုပြင်မှုသည် ဇွန် ၂၀ ရက်တွင် ပြီးစီးမည်ဖြစ်ကြောင်းနှင့် ရောဂါပိုးများ စမ်းသပ်ရှာဖွေသွားနိုင်မည် ဖြစ်ကြောင်း ရှမ်းပြည်နယ်အစိုးရအဖွဲ့၊ပြည်နယ်လူမှုရေးဝန်ကြီး ဒေါက်တာမျိုးထွန်းထံမှ သိရသည်။

မောင်မောင်သန်း(တောင်ကြီး)

၀၉-၂၅၀၁၃၂၉၄၃

 

 

More Articles...

  1. (၃၃)ကြိမ်မြောက် အပြည်ပြည်ဆိုင်ရာ မူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေးနေ့ အထိမ်းအမှတ် အခမ်းအနားကျင်းပနိုင်ရေး ပထမအကြိမ်လုပ်ငန်းညှိနှိုင်း
  2. အေးသာယာမြို့ရှိပြည်သူများအား ဆန်၊ ဆီ၊ ကုလားပဲ၊ စားနပ်ရိက္ခာထောက်ပံ့
  3. စားသောက်ဆိုင်များ၊ တည်းခိုခန်းများနှင့် ယာဉ်လိုင်းများပြန်လည်ဖွင့်လှစ်နိုင်ရေး လုပ်ငန်းညှိနှိုင်းအစည်းအဝေးကျင်းပ
  4. လားရှိုးမြို့၊ မြို့မစျေးနှင့် မြို့တော်ခန်းမရှေ့တွင် (Mask Campaign) အခမ်းအနားပြုလုပ်
  5. လားရှိုးမြို့နယ်မြို့မအားကစားကွင်း ပြုပြင်ခြင်းလုပ်ငန်းအား ကွင်းဆင်းကြည့်ရှု
  6. တောင်ရိုးတိုင်းရင်းသားနှင့် အင်းတိုင်းသားရင်းများအား စားနပ်ရိက္ခာထောက်ပံ့ပေးမှု ရှမ်းပြည်နယ်ဝန်ကြီးချုပ် တက်ရောက်
  7. ရှမ်းပြည်နယ်ဝန်ကြီးချုပ်တောင်ကြီးမြို့ပေါ်ရပ်ကွက်များအားဆန်၊ ဆီ၊ ဆား၊ ကုလားပဲထောက်ပံ့
  8. ပြည်နယ်လယ်ယာမြေစီမံခန့်ခွဲမှုအဖွဲ့ အစည်းအဝေးအမှတ်စဉ်(၃/၂၀၂၀) ကျင်းပ
  9. စေတနာ့ဝန်ထမ်း နည်းပြများ ( TOT ) ဆင့်ပွားသင်တန်းဖွင့်ပွဲ ကျင်းပ
  10. ရှမ်းပြည်နယ်အစိုးရနှင့်တရုတ်နိုင်ငံ ယူနန်ပြည်နယ်ကုန်သွယ်ရေးဌာန တို့တွေ့ဆုံ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

waaရှမ်းပြည်နယ်(မြောက်ပိုင်း) ဟိုပန်၊ မိုင်းမော၊ ပန်ဝိုင်၊ ပန်ဆန်းနှင့် မက်မန်းမြို့နယ်များတွင် အများဆုံး နေထိုင်ကြသည်။

We have 101 guests and no members online

Latest Updates