We have 340 guests and no members online

တောင်ကြီး ဧပြီ - ၈

28

ရှမ်းပြည်နယ်စီမံအုပ်ချုပ်ရေးကောင်စီရုံးတွင် တာဝန်ထမ်းဆောင်နေသော ဝန်ထမ်းများအား ထောက်ပံ့ငွေပေးအပ်ခြင်းကို ဧပြီ(၈)ရက် နံနက်(၁၁)နာရီက တောင်ကြီးမြို့ ရှမ်းပြည်နယ်အထွေထွေ အုပ်ချုပ်‌ရေးဦးစီးဌာနအစည်းအဝေးခန်းမ၌ ကျင်းပသည်။

ရှမ်းပြည်နယ်စီမံအုပ်ချုပ်ရေးကောင်စီ ဥက္ကဋ္ဌ ဒေါက်တာကျော်ထွန်းက ယနေ့ကျင်းပသည့် အခမ်းအနားတွင် ဝန်ထမ်း အားလုံးပေါင်း (၃၂၈)ဦးကို ထောက်ပံ့ငွေပေးအပ်သွားမည်ဖြစ်ကြောင်း၊ သင်္ကြန် ကာလနှစ်သစ်တွင် ဝန်ထမ်းများနှင့် မိသားစုများ အထောက်အကူပြုမည်ဖြစ်ကြောင်း၊ ယနေ့ တက်ရောက်လာ ကြသည့် အထွေထွေအုပ်ချုပ်ရေးဦးစီးဌာနမှ ဝန်ထမ်းများလည်း ပုံမှန်ရုံးတက်ပေးကြရန်နှင့် အခမ်းအနားတွင် ရှမ်းပြည်နယ်စီမံအုပ်ချုပ်ရေးကောင်စီရုံး အဖွဲ့ဝင်များနှင့် တက်ရောက်ပေးကြသည့် ဝန်ထမ်းများကို ကျေးဇူး တင်ရှိပါကြောင်း ပြောကြားသွားသည်။
ဆက်လက်၍ ရှမ်းပြည်နယ်စီမံအုပ်ချုပ်ရေးကောင်စီ ဥက္ကဋ္ဌ ဒေါက်တာကျော်ထွန်း၊ အဖွဲ့ဝင်များ ဖြစ်သော ဗိုလ်မှူးကြီး လှဦး၊ ဦးခွန်သိန်းမောင်၊ ဦးစိုင်းလိတ်၊ ပြည်နယ်လူဝင်မှုကြီးကြပ်ရေးနှင့် ပြည်သူ့အင်အား ဆိုင်ရာဦးစီးမှူးရုံး ပြည်နယ်ဦးစီးမှူး ဦးအောင်မြင့်၊ ရှမ်းပြည်နယ်စီမံအုပ်ချုပ်ရေးကောင်စီ အတွင်းရေးမှူး ဦးနေလင်းတို့မှ ထောက်ပံ့ငွေများ ထောက်ပံ့ပေးအပ်ခဲ့ကြသည်။
အဆိုပါ ထောက်ပံ့ပေးအပ်မှုတွင် ရှမ်းပြည်နယ်စီမံအုပ်ချုပ်‌ရေးကောင်စီရုံးတွင် တာဝန်ထမ်းဆောင် နေသော ဝန်ထမ်း (၁၆၂)ဦး၊ ရှမ်းပြည်နယ်အထွေထွေအုပ်ချုပ်ရေးဦးစီးဌာနတွင် တာဝန်ထမ်းဆောင်နေသော ဝန်ထမ်း (၇၈)ဦး၊ ပြည်နယ်ရသုံးမှန်းခြေငွေစာရင်းဦးစီးဌာနတွင် တာဝန်ထမ်းဆောင်နေသော ဝန်ထမ်း (၁၉)ဦး၊ ရှမ်းပြည်နယ်စီမံအုပ်ချုပ်ရေးကောင်စီ ဥက္ကဋ္ဌ၏ လုံခြုံရေး ရဲတပ်ဖွဲ့ဝင်များ(၃၈)ဦး ကိုယ်ရေးအရာရှိနှင့် ယာဉ်မောင်းများ (၁၈)ဦး၊ ရှမ်းပြည်နယ်စီမံအုပ်ချုပ်‌ရေးကောင်စီရုံးတွင် တာဝန်ထမ်းဆောင်သော တွဲဖက် ဝန်ထမ်း (၁၃)ဦး ၊ စုစုပေါင်း (၃၂၈)ဦးအား တစ်ဦးလျှင် ကျပ် (၁)သိန်းနှုန်းဖြင့် ထောက်ပံ့ငွေ ပေးအပ်ခဲ့ကြောင်း သိရှိရသည်။

ရှမ်းပြည်နယ်စီမံအုပ်ချုပ်ရေးကောင်စီရုံး

တောင်ကြီး ဧပြီ - ၈

27
ရှမ်းပြည်နယ်ရင်းနှီးမြှုပ်မှုကော်မတီ အစည်းအဝေးအမှတ်စဉ်(၁/၂၀၂၁)ကို ဧပြီ (၈)ရက် နံနက် (၁၀)နာရီခွဲ က တောင်ကြီးမြို့၊ ရှမ်းပြည်နယ်စီမံအုပ်ချုပ်ရေးကောင်စီရုံး၊ အစည်းအဝေးခန်းမ၌ ကျင်းပသည်။
ရှမ်းပြည်နယ်ရင်းနှီးမြှုပ်မှုကော်မတီ ဥက္ကဋ္ဌ၊ ရှမ်းပြည်နယ်စီမံအုပ်ချုပ်ရေးကောင်စီ ဥက္ကဋ္ဌ ဒေါက်တာ ကျော်ထွန်းက ရှမ်းပြည်နယ်စီးပွားဖွံ့ဖြိုးတိုးတက်ရေးအထောက်အကူဖြစ်ဖို့အတွင် ပြည်နယ်အတွင်းရင်းနှီးမြှုပ်နှံမှု လုပ်ငန်းများ ပိုမိုစီးဝင်လုပ်ကိုင်လာကြဖို့ ကြိုးပမ်းဆောင်ရွက်ကြရမှာဖြစ်ကြောင်း၊ ယခင်ကော်မတီလက်ထက်မှာ အကြောင်းအမျိုးမျိုးကြောင့် ကြန့်ကြာနေတဲ့မပြီးပြတ်သေးတဲ့ ရင်းနှီးမြှုပ်နှံမှုလုပ်ငန်းများကိုလည်း မြန်မြန် ဆန်ဆန် ခွင့်ပြုပေးနိုင်ရန်လည်း ကြိုးပမ်းဆောင်ရွက်ပေးကြဖို့ဖြစ်ကြောင်း၊ ကော်မတီအတွင်းရေးမှူးကလည်း ဒီနေ့အစည်းအဝေးမှာ ရင်းနှီးမြှုပ်နှံမှု ဥပဒေ၊ နည်းဥပဒေ၊ လုပ်ထုံးလုပ်နည်းများနဲ့ ယခင်ဆောင်ရွက်ပြီးစီးခဲ့မှုများ၊ ဆောင်ရွက်ဆဲလုပ်ငန်းများ၊ ဆက်လက်ဆောင်ရွက်ဖို့ စီမံထားသည့်ကိစ္စများကို ရှင်းလင်းတင်ပြမှာဖြစ်သည့်အတွက် ကော်မတီဝင်များမှ မရှင်းလင်းမှုများကိုဖြည့်စွက်ဆွေးနွေးသွားကြရန် တိုက်တွန်းလိုပါကြောင်း၊ ဥပဒေ၊ နည်းဥပဒေ၊ အမိန့်ကြော်ငြာစာများနဲ့ ထုတ်ပြန်ထားသည့် ဦးစားပေးကဏ္ဍပါ ရင်းနှီးမြှုပ်နှံမှုလုပ်ငန်းများ၊ Covide-19 ကာလ ဦးစားပေးရင်းနှီးမြှုပ်နှံမှုလုပ်ငန်းများ၊ ရှမ်းပြည်နယ်ရင်းနှီးမြှုပ်မှုမြှင့်တင်ရေးစီမံကိန်းပါ ဦးစားပေးကဏ္ဍများနှင့် ယခုနိုင်ငံတော်စီမံအုပ်ချုပ်ရေးကောင်စီ တာဝန်ယူသည့်ကာလမှာ ကာလတိုအတွင်း အကျိုးရရှိမည့် Quick win လုပ်ငန်းများကိုလည်း ရှာဖွေဖော်ထုတ်ပြီး မြန်မြန်ဆန်ဆန် ခွင့်ပြုပေးသွားဖို့ ကော်မတီဝင်များမှ ဝိုင်းဝန်းကြိုးပမ်း ဆောင်ရွက်ပေးကြရန် တိုက်တွန်းလိုပါကြောင်း၊ ဒါ့အပြင် After care Service ဖြစ်သည့် ရင်းနှီးမြှုပ်နှံမှုအလွန် ကွင်းဆင်းဝန်ဆောင်မှုပေးခြင်းကိုလည်း အလေးထားဆောင်ရွက်ပေးရန် လိုအပ်မှာဖြစ်ကြောင်း၊ ရှမ်းပြည်နယ် ရင်းနှီးမြှုပ်နှံမှုကြီးကြပ်ရေးအဖွဲ့ကိုလည်း ပြင်ဆင်ဖွဲ့စည်းပြီး တာဝန်ပေးအပ်သွားရန်ဖြစ်ကြောင်း၊ လုပ်ငန်းများကို လည်း သတ်မှတ်ချိန်အမှီပြီးစီးရေး မြန်မြန်ဆန်ဆန် မှန်မှန်ကန်ကန် ဆောင်ရွက်ပေးကြရန် အထူးမှာကြားလို ကြောင်း၊ ပြည်နယ်အတွင်းမှာရှိသည့် ရင်းနှီးမြှုပ်နှံမှုလုပ်ငန်းများ ရင်းနှီးမြှုပ်နှံမှုတိုးချဲ့ လုပ်ကိုင်နိုင်ရေးနှင့် ပြည်နယ် အတွင်း ရင်းနှီးမြှုပ်နှံအမှုအသစ်များ ပိုမိုစီးဝင်လာစေရေးအတွက် မိမိတို့တာဝန်ရှိသည့်အတိုင်း ကျရာကဏ္ဍမှ ဝိုင်းဝန်းကြိုးပမ်း ဆောင်ရွက်ပေးကြရန် လေးလေးနက်နက် တိုက်တွန်းလိုပါကြောင်း ပြောကြားသွားသည်။
ဆက်လက်၍ ရှမ်းပြည်နယ်ရင်းနှီးမြှုပ်မှုကော်မတီ အတွင်းရေးမှူး ပြည်နယ်ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာနမှ ပြည်နယ်ဦးစီးမှူး ဦးလေးနိုင်မှ ရင်းနှီးမြှုပ်နှံမှု ဥပဒေ၊ နည်းဥပဒေ၊ လုပ်ထုံးလုပ်နည်းများနဲ့ ယခင်ဆောင်ရွက်ပြီးစီးခဲ့မှုများ၊ ဆောင်ရွက်ဆဲလုပ်ငန်းများ၊ ဆက်လက်ဆောင်ရွက်ဖို့ စီမံထားသည့်ကိစ္စများကို ရှင်းလင်းတင်ပြခြင်းနှင့် အစည်းအဝေးအမှတ်စဉ် (၁/၂၀၂၁) တင်ပြချက်များ ဆွေးနွေးဆုံးဖြတ်ကြပြီး တက်ရောက် လာသူများမှ အထွေထွေဆွေးနွေးကြကာ ရှမ်းပြည်နယ်ရင်းနှီးမြှုပ်မှုကော်မတီ ဥက္ကဋ္ဌ၊ ရှမ်းပြည်နယ်စီမံအုပ်ချုပ်ရေး ကောင်စီ ဥက္ကဋ္ဌ ဒေါက်တာကျော်ထွန်းက နိဂုံးချုပ်အမှာစာကား ပြောကြားခဲ့ကြောင်း သိရှိရသည်။
ရှမ်းပြည်နယ်စီမံအုပ်ချုပ်ရေးရုံး

တောင်ကြီး ဧပြီ-၁

23
ရှမ်းပြည်နယ်စီမံအုပ်ချုပ်ရေးကောင်စီ ဥက္ကဋ္ဌ ဒေါက်တာ ကျော်ထွန်း၊ အဖွဲ့ဝင်များ၊ အတွင်းရေးမှူးတို့သည် ဧပြီ (၁)ရက် နံနက် (၉)နာရီခွဲက တောင်ကြီးမြို့ ရှမ်းပြည်နယ်စီမံအုပ်ချုပ်ရေးကောင်စီရုံး အစည်းအဝေးခန်းမ၌ ပြည်နယ်လမ်းဦးစီးဌာန၊ ပြည်နယ်ဆည်မြောင်းနှင့်ရေအသုံးချမှုဦးစီးဌာနအဖွဲ့နှင့် တွေ့ဆုံကြောင်း သိရသည်။
ရှမ်းပြည်နယ်စီမံအုပ်ချုပ်ရေးကောင်စီ ဥက္ကဋ္ဌ ဒေါက်တာ ကျော်ထွန်းက နိုင်ငံတော်၏ ရှေ့လုပ်ငန်းစဉ်များ ကို တက်ရောက်လာသည့် ဌာနဆိုင်ရာများ အားလုံးအသိဖြစ်ကြောင်း၊ နိုင်ငံတော်က ချမှတ်ထားသည့် မူဝါဒအတိုင်း တစ်သွေမတိမ်းဆောင်ရွက်သွားကြရန် ပြင်ဆင်နေသည်ကို တိုင်းဒေသကြီး/ ပြည်နယ်နှင့် ယနေ့တက်ရောက်လာ သည့် သက်ဆိုင်ရာဌာနများ သိရှိမည်ဖြစ်ကြောင်း၊ ရှမ်းပြည်နယ်သည် ကျယ်ပြန့်ပြီး သွားရေးလာရေးခက်ခဲကာ လူမျိုးပေါင်းစုံများသည့် ပြည်နယ်တစ်ခုဖြစ်ပါကြောင်း၊ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ၏ မှာကြားချက် အတိုင်း ရှမ်းပြည်နယ်ဒေသကို လိုအပ်ချက်များနှင့် မည်ကဲ့သို့ ဖြည့်ဆည်းဆောင်ရွက်ပေးရမည် မှာကြားချက်များ ကို ယခုသက်ဆိုင်ရာဌာနနှင့် ရှမ်းပြည်နယ်အရှေ့ပိုင်းမှ တာဝန်ရှိသူများကို ခေါ်ယူကာ ညှိနှိုင်းတိုင်ပင်၍ လုပ်ငန်း များ အမြန်ဆုံးအကောင်အထည်ဖော်ကြရန် တွေ့ဆုံပွဲပြုလုပ်ရခြင်းဖြစ်ကြောင်း၊ လုပ်ငန်းနှင့်ပတ်သက်၍ အားလုံးဝိုင်းဝန်းညှိနှိုင်းချပြကာ ဆောင်ရွက်ပေးကြရန် ပြောကြားသွားသည်။
ဆက်လက်၍ လမ်းဦးစီးဌာန(ရှမ်းပြည်နယ်အရှေ့ပိုင်း) ညွှန်ကြားရေးမှူး(မြို့ပြ) ဦးရဲလင်းနှင့် လမ်းဦးစီး ဌာန(ရှမ်းပြည်နယ်တောင်ပိုင်း) ညွှန်ကြားရေးမှူး(မြို့ပြ) ဦးသူရဇော်တို့မှ လုပ်ငန်းနှင့်ပတ်သက်၍ ဆွေးနွေးတင်ပြ ၍လည်းကောင်း၊ ပြည်နယ်ဆည်မြောင်းနှင့်ရေအသုံးချမှုဦးစီးဌာန(ရှမ်းပြည်နယ်အရှေ့ပိုင်း) ဒုတိယညွှန်ကြားရေးမှူး ဦးထွန်းထွန်းအောင်နှင့် ပြည်နယ်ဆည်မြောင်းနှင့်ရေအသုံးချမှုဦးစီးဌာန(ရှမ်းပြည်နယ်တောင်ပိုင်း) ညွှန်ကြားရေးမှူး ဦးထွန်းထွန်းဦး တို့မှ လုပ်ငန်းနှင့်ပတ်သက်၍ ဆွေးနွေးတင်ပြကြပြီး ရှမ်းပြည်နယ်စီမံအုပ်ချုပ်ရေးကောင်စီ အတွင်းရေးမှူး ဦးနေလင်းနှင့် ရှမ်းပြည်နယ်အရှေ့ပိုင်း ကျိုင်းတုံခရိုင်အထွေထွေအုပ်ချုပ်ရေးဦးစီးဌာန အုပ်ချုပ်ရေးမှူး ဦးဝင်းမင်းသိန်းတို့မှ ဆွေးနွေးတင်ပြကြကာ ရှမ်းပြည်နယ်စီမံအုပ်ချုပ်ရေးကောင်စီ ဥက္ကဋ္ဌ ဒေါက်တာ ကျော်ထွန်းက နိဂုံးချုပ်အမှာစကား ပြောကြားသွားကြောင်း သိရှိရသည်။

မောင်မောင်သန်း(တောင်ကြီး)
09-250132943

တောင်ကြီး ဧပြီ - ၁

24
ပြည်နယ်လယ်ယာမြေစီမံခန့်ခွဲမှုအဖွဲ့ အစည်းအဝေးအမှတ်စဉ်(၁/၂၀၂၁)ကို ဧပြီ (၁)ရက် နံနက် (၁၀)နာရီခွဲ က တောင်ကြီးမြို့၊ ရှမ်းပြည်နယ်စီမံအုပ်ချုပ်ရေးကောင်စီရုံး၊ အစည်းအဝေးခန်းမ၌ ကျင်းပသည်။
ပြည်နယ်လယ်ယာမြေစီမံခန့်ခွဲမှုအဖွဲ့ ဥက္ကဋ္ဌ ရှမ်းပြည်နယ်စီမံအုပ်ချုပ်ရေးကောင်စီ ဥက္ကဋ္ဌ ဒေါက်တာ ကျော်ထွန်းက တောင်သူလယ်သမားများ၏ လက်ရှိစိုက်ပျိုးလုပ်ကိုင်လျက်ရှိသော လယ်ယာမြေများအား လယ်ယာ မြေ ဥပဒေနှင့်အညီ သားစဉ်မြေးဆက် အဆက်ဆက် ဘဝအာမခံချက်ရရှိရေးနှင့် ပိုင်ဆိုင်လုပ်ကိုင်ခွင့်ရရှိရေး အတွက် လယ်ယာမြေလုပ်ပိုင်ခွင့် မှတ်ပုံတင်ခြင်းနှင့် လယ်ယာမြေလုပ်ပိုင်ခွင့်ပြုလက်မှတ်(ပုံစံ-၇)ထုတ်ပေးခြင်း လုပ်ငန်းကို ခရိုင်/မြို့နယ်လယ်ယာမြေစီမံခန့်ခွဲမှုအဖွဲ့များမှာ စီမံချက်ရေးဆွဲ၍ ကြီးကြပ်ဆောင်ရွက်သွားရန်နှင့် လယ်ယာမြေလုပ်ပိုင်ခွင့် အငြင်းပွားမှုကိစ္စရပ်များနှင့်ပတ်သက်လို့လည်း အမှန်တကယ် စိုက်ပျိုးလုပ်ကိုင်နေသော မူလပိုင်ရှင် တောင်သူများအား နစ်နာမှုမရှိစေရေးဘက်မလိုက်ဘဲ လယ်ယာမြေစီမံခန့်ခွဲမှုအဖွဲ့အဆင့်ဆင့်က မှန်မှန်ကန်ကန် ဖြေရှင်းဆောင်ရွက်ပေးရန် လိုအပ်ပါကြောင်း၊ ကျေးလက်ဒေသများနှင့် မြို့ပြဒေသများတွင် တိုးပွား လာသော အိမ်ထောင်စုများ အိမ်ရာတည်ဆောက်နိုင်ရန်၊ ကျေးလက်နှင့် မြို့ပြအိမ်ရာစီမံကိန်းများ၊ လူနေမှုဘဝ ဖွံ့ဖြိုး ၏တိုးတက်ရေးနှင့် သက်ဆိုင်သည့် စာသင်ကျောင်း၊ ကျန်းမာရေးဌာန၊ ဆေးရုံ၊ ဆေးပေးခန်း၊ စာကြည့်တိုက်၊ ကျေးလက်ဈေး၊ သုဿာန်၊ သာသနာမြေနှင့် အခြားလိုအပ်သော အဆောက်အအုံများအတွက် လယ်ယာမြေကို အခြားနည်းအသုံးပြုခွင့် လျှောက်ထားလာသည့် အမှုတွဲများနှင့်ပတ်သက်၍ လယ်ယာမြေဥပဒေနှင့်အညီ စိစစ် ဆွေးနွေးဆုံးဖြတ်ပေးရန် လိုအပ်ပါကြောင်း၊ လယ်ယာမြေလုပ်ပိုင်ခွင့် အငြင်းပွားသည့် ကိစ္စရပ်များအပေါ် ရပ်ကျေး လယ်/စီ၊ မြို့နယ်လယ်/စီ၊ ခရိုင်လယ်/စီအဖွဲ့များမှ ဆုံးဖြတ်ခဲ့သည့်အမိန့်အပေါ် ကျေနပ်မှုမရှိ၍ ပြည်နယ်လယ်ယာ မြေစီမံခန့်ခွဲမှုအဖွဲ့သို့ အယူခံဝင်ရောက်သည့် အမှုတွဲများနှင့် ပတ်သက်၍လည်း တည်ဆဲဥပဒေ၊ နည်းဥပဒေနှင့် အညီ စိစစ်ခြင်း၊ ကြားနာခြင်း၊ ဆွေးနွေးဆုံးဖြတ်ခြင်းများ ဆက်လက်ဆောင်ရွက်ရန် လိုအပ်ပါကြောင်း၊ လယ်ယာ မြေပေါ်တွင် အခြားနည်းအသုံးပြုခွင့် ခွင့်ပြုမိန့် မရရှိသေးဘဲ ကျူးကျော်ဆောက်လုပ်နေမှုများနှင့်ပတ်သက်၍ ရပ်/ကျေးလယ်/စီ၊ မြို့နယ်လယ်/စီ၊ ခရိုင်လယ်/စီများမှ အဆင့်ဆင့် ကြီးကြပ်စစ်ဆေးပြီး တည်ဆဲလယ်ယာမြေ ဥပဒေ နှင့်အညီ အရေးယူဆောင်ရွက်ရန် လိုအပ်ပါကြောင်း ပြေားကြားသွားသည်။
ဆက်လက်၍ ပြည်နယ်လယ်ယာမြေစီမံခန့်ခွဲမှုအဖွဲ့ အတွင်းရေးမှူး ပြည်နယ်မြေစာရင်းနှင့် စာရင်းအင်း စစ်ဆေးရေးဦးစီးဌာန ညွှန်ကြားရေးမှူး ဦးဆန်းဝင်းမှ ၂၀၁၂ ခုနှစ် လယ်ယာမြေဥပဒေနှင့် လယ်ယာမြေဥပဒေကို ပြင်ဆင်သည့် ဥပဒေ (၂၀၂၀ပြည့်နှစ်) ရှင်းလင်းတင်ပြခြင်းနှင့် အစည်းအဝေးအမှတ်စဉ် (၁/၂၀၂၁) တင်ပြချက်များ ဆွေးနွေးဆုံးဖြတ်ကြပြီး တက်ရောက်လာသူများမှ အထွေထွေဆွေးနွေးကြကာ ပြည်နယ်လယ်ယာမြေစီမံခန့်ခွဲမှု အဖွဲ့ ဥက္ကဋ္ဌ ရှမ်းပြည်နယ်စီမံအုပ်ချုပ်ရေးကောင်စီ ဥက္ကဋ္ဌ ဒေါက်တာကျော်ထွန်းက နိဂုံးချုပ်အမှာစာကား ပြောကြား ခဲ့ကြောင်း သိရှိရသည်။

မောင်မောင်သန်း(တောင်ကြီး)
09-250132943

တောင်ကြီး မတ် - ၂၇

20
ရှမ်းပြည်နယ်(တောင်ပိုင်း) တောင်ကြီးမြို့၊ ကန်ကြီးရပ်ကွက်၊ ပအိုဝ်းအမျိုးသားဘက်စုံဖွံ့ဖြိုးရေးကွင်း(ဒဲဥ်သီးဗွေကွင်း)၌ မတ်(၂၇)ရက် နံနက်(၈)နာရီက ပအိုဝ်းအမျိုးသားနေ့ ကျင်းပကြောင်း သိရသည်။ အခမ်းအနားတွင် ပြည်ထောင်စုသမ္မတ မြန်မာနိုင်ငံတော်အလံနှင့် ပအိုဝ်းအမျိုးသားအလံတော်ကို အလေးပြုကြပြီး ကျဆုံးလေပြီးသော အာဇာနည်ခေါင်းဆောင်များ အားအလေးပြုကြသည်။
ဆက်လက်၍ ပအိုဝ်းအမျိုးသားနေ့ပွဲတော်ဖြစ်မြောက်ရေး ဗဟိုကော်မတီဥက္ကဋ္ဌ ဖြားခွန်ဝင်းကိုမှ ကြိုဆိုနှုတ်ခွန်းဆက် စကားပြောကြားပြီး ရှမ်းပြည်နယ်စီမံအုပ်ချုပ်ရေးကောင်စီဥက္ကဋ္ဌ ဒေါက်တာကျော်ထွန်းက သဝဏ်လွှာဖတ်ကြားရာ ပအိုဝ်း အမျိုးသားနေ့ကို ပအိုဝ်းတိုင်းရင်းသားအားလုံး ပါဝင်ဆင်နွှဲနိုင်ရန်နှင့် ရိုးရာယဥ်ကျေးမှုကို ထိန်းသိမ်းမြှင့်တင်ရေး၊ လက်ဆင့်ကမ်း အမွေခံယူထိုက်စေရေးနှင့် ပအိုဝ်းတိုင်းရင်းသားများအားလုံး အမျိုးသားနေ့ပွဲတော်ကို အနှစ်သာရရှိရှိ ပျော်ပျော်ရွှင်ရွှင်ဖြင့် အောင်မြင်စွာ ကျင်းပပြုလုပ်သွားနိုင်စေရေး စသည့်ရည်ရွယ်ချက်များနှင့် နှစ်စဥ်ကျင်းပ အကောင်အထည်ဖော်ဆောင်ရွက်လျက် ရှိသည်ကို သိရှိရပါကြောင်း၊ ပအိုဝ်းအမျိုးသားနေ့သည် ပအိုဝ်းအမျိုးသားအားလုံးအတွက် ထူးခြားသည့် ဂုဏ်ထူးဝိသေသများဖြင့် ပြည့်စုံသည့် နေ့ထူးနေ့မြတ်ပင်ဖြစ်ကြောင်း၊ တစ်နည်းအားဖြင့် အမျိုးသားနေ့ဟူသည် မိမိတို့လူမျိုးကို ပြန်လည်မှတ်တမ်းတင် ခြင်းပင်ဖြစ်ပြီး အမျိုးသားနေ့သည် ဇာတိသွေး၊ ဇာတိမာန် စိတ်ဓါတ်များ၊ အမျိုးသားရေး စိတ်ဓါတ်များ ကိန်းအောင်းလာစေရေး အတွက် လှုံ့ဆော်ပေးသည့် နေ့တစ်နေ့ ဖြစ်သည့်အတွက် အမျိုးသားနေ့သည် လူမျိုးတိုင်းအတွက် ထူးခြားသော နေ့တစ်နေ့ ဖြစ်ခဲ့ပါကြောင်း၊ ပအိုဝ်းတိုင်းရင်းသားတို့သည် မိမိတို့၏ထူးခြားသည့် သမိုင်းအစဥ်အလာကို အကြောင်းပြုပြီး “ဒဥ်သီးလာဗွေ” (တပေါင်းလပြည့်နေ့)ရောက်တိုင်း “ပအိုဝ်းအမျိုးသားနေ့”ကို နှစ်စဥ်မပျက်ကျင်းပခဲ့ရာ ယခုဆိုလျှင် (၇၂)ကြိမ်မြောက် တိုင်အောင် ကျင်းပနိုင်ခဲ့ပြီဖြစ်၍ ပအိုဝ်းအမျိုးသားနေ့ကို သာမန်ကျင်းပခြင်းမျိုး မဟုတ်တော့ဘဲ ပိုမိုကျယ်ပြန့် သစ်လွင်သည့် အဓိပ္ပါယ်နှင့် အနှစ်သာရကို ဆောင်ယူနိုင်မည့် နေ့ထူးရက်မြတ်အဖြစ် ပြောင်းလဲကျင်းပလာသည်ကို တွေ့ရပါကြောင်း ဖတ်ကြား သွားသည်။
ထို့နောက် ပအိုဝ်းအမျိုးသားခေါင်းဆောင် ဖြားတန်စင်ဖာအောင်ခမ်းထီမှ ပေးပို့လာသည့် သဝဏ်လွှာကို တာဝန်ရှိသူ တစ်ဦးမှ ဖတ်ကြားပြီး အလှူငွေများ ပေးအပ်ရာ ရှမ်းပြည်နယ်စီမံအုပ်ချုပ်ရေးကောင်စီအဖွဲ့မှ အလှူငွေကျပ် သိန်း(၂၀)ကို ပြည်နယ်စီမံအုပ်ချုပ်ရေးကောင်စီဥက္ကဋ္ဌ ဒေါက်တာကျော်ထွန်းမှ ပေးအပ်ရာ ပွဲတော်ဖြစ်မြောက်ရေး ဗဟိုကော်မတီဥက္ကဋ္ဌ ဦးခွန်ဝင်းကိုမှ လက်ခံရယူပြီး ဂုဏ်ပြုမှတ်တမ်းလွှာ ပြန်လည်ပေးအပ်ကြောင်း သိရှိရသည်။
မောင်မောင်သန်း(တောင်ကြီး)
09-250132943

နောက်ထပ်သတင်းများဖတ်မည်