သတင်းများ

ဈေးပြိုင်လေလံကြော်ငြာအမှတ်-၃/၂၀၁၉-၂၀၂၀(ဒေသဖွံ့ဖြိုးရေး) (သတ-ဖ) သစ်မာ(သစ်လုံး/တိုင်/သစ်ခွဲသား)များအား ဒေသဖွံ့ဖြိုးရေးသို့ ရောင်းချခြင်း

ဈေးပြိုင်လေလံကြော်ငြာအမှတ်-၃/၂၀၁၉-၂၀၂၀(ဒေသဖွံ့ဖြိုးရေး) (သတ-ဖ) သစ်မာ(သစ်လုံး/တိုင်/သစ်ခွဲသား)များအား ဒေသဖွံ့ဖြိုးရေးသို့ ရောင်းချခြင်း

Finance244Finance245Finance246

လေလံကြော်ငြာအမှတ်-၂/၂၀၁၉-၂၀၂၀ (MSME) သာမန်/(သတ-ဖ) ကျွန်း/သစ်မာ (သစ်လုံး/တိုင်/သစ်ခွဲသား)များအား သစ်အခြေခံ အသေးစား၊ အငယ်စားနှင့် အလတ်စား စီးပွားရေးလုပ်ငန်းများ (MSME)သို့ ရောင်းချခြင်း

လေလံကြော်ငြာအမှတ်-၂/၂၀၁၉-၂၀၂၀ (MSME) သာမန်/(သတ-ဖ) ကျွန်း/သစ်မာ (သစ်လုံး/တိုင်/သစ်ခွဲသား)များအား သစ်အခြေခံ အသေးစား၊ အငယ်စားနှင့် အလတ်စား စီးပွားရေးလုပ်ငန်းများ (MSME)သို့ ရောင်းချခြင်း


Finance239Finance240Finance241Finance242Finance243

Covid-19 စီးပွားရေးကုစားမှု (CERP) အစီအစဉ်အရ (KOICA) ၏ အထောက်အပံ့ဖြင့် (SAEM) စီမံကိန်းမှ ဟင်းသီးဟင်းရွက်မျိုးစေ့များ ထောက်ပံ့ပေးအပ်

ရပ်စောက် ဇူလိုင် - ၆

134

ရှမ်းပြည်နယ်(တောင်ပိုင်း)၊ တောင်ကြီးခရိုင်၊ ရပ်စောက်မြို့နယ်၊ မြေနီကုန်း (SMU) ကျေးရွာ၊ ဘုန်းတော်ကြီး ကျောင်း၌ ဇူလိုင် ၅ ရက် နံနက်ပိုင်းက Covid-19 စီးပွားရေးကုစားမှု (CERP) အစီအစဉ်အရ (KOICA) ၏ အထောက်အပံ့ ဖြင့် (SAEM) စီမံကိန်းမှ ဟင်းသီးဟင်းရွက်မျိုးစေ့များ ထောက်ပံ့ပေးအပ်ခဲ့ကြောင်း သိရသည်။

ရှမ်းပြည်နယ်အစိုးရအဖွဲ့ဝင်၊ ပြည်နယ်စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီး ဦးစိုင်းလုံကျော်က ရပ်စောက်မြို့နယ်၊ ဖောင်းတောကျေးရွာအုပ်စု၊ မြေနီကုန်းကျေးရွာတွင် အကောင်အထည်ဖော် ဆောင်ရွက်လျက်ရှိသော ကျေးရွာသစ် လူထုလှုပ်ရှားမှုအခြေအနေများနှင့် ရပ်စောက်မြို့နယ်၊ ကျေးရွာအုပ်စု (၉)ခုတွင် အကောင်အထည်ဖော် ဆောင်ရွက်မည့် Covid-19 စီးပွားရေးကုစားမှု (CERP) အစီအစဉ်အရ (KOICA) ၏ အထောက်အပံ့ ဖြင့် (SAEM) စီမံကိန်းမှ ဟင်းသီးဟင်းရွက် မျိုးစေ့များ ဖြန့်ဖြူးပေးမည့် ယမ်းတွင်းငါးကြောင်ကျေးရွာပေါင်း (၈)ရွာ၊ အိမ်ထောင်စုပေါင်း (၂၀၀)၊ တစ် ယူနစ်စိုက်ခင်း (၀.၂၅)၊ ဟွေးကျေးရွာပေါင်း (၁၄)ရွာ၊ အိမ်ထောင်စုပေါင်း (၁၅၀)၊ တစ်ယူနစ်စိုက်ခင်း (၀.၂၅)၊ ပါမဲ ကျေးရွာ ပေါင်း (၅)ရွာ၊ အိမ်ထောင်စုပေါင်း (၁၅၀)၊ တစ်ယူနစ်စိုက်ခင်း (၀.၂၅)၊ ဖောင်းတောကျေးရွာပေါင်း (၆)ရွာ၊ အိမ်ထောင်စု ပေါင်း (၁၅၀)၊ တစ်ယူနစ်စိုက်ခင်း (၀.၂၅)၊ မားသဲ ကျေးရွာပေါင်း (၃)ရွာ၊ အိမ်ထောင်စုပေါင်း (၁၅၀)၊ တစ်ယူနစ်စိုက်ခင်း (၀.၂၅)၊ လွယ်ကိုးကျေးရွာပေါင်း (၅)ရွာ၊ အိမ်ထောင်စုပေါင်း (၁၅၀)၊ တစ် ယူနစ်စိုက်ခင်း (၀.၂၅)၊ ကောင်းဘို့ကျေးရွာပေါင်း (၇)ရွာ၊ အိမ်ထောင်စုပေါင်း (၂၀၀)၊ တစ်ယူနစ်စိုက်ခင်း (၀.၂၅)၊ အလယ်ချောင်ကျေးရွာပေါင်း (၁၃)ရွာ၊ အိမ်ထောင်စုပေါင်း (၂၀၀)၊ တစ်ယူနစ်စိုက်ခင်း (၀.၂၅)၊ မကျီးကုန်းကျေးရွာပေါင်း (၁၂)ရွာ၊ အိမ်ထောင်စုပေါင်း (၁၅၀)၊ တစ်ယူနစ်စိုက်ခင်း (၀.၂၅)၊ စုစုပေါင်း ကျေးရွာ(၇၃)ရွာ၊ အိမ်ထောင်စုပေါင်း (၁၅၀၀)၊ တစ်ယူနစ်စိုက်ခင်း (၂.၂၅)ဖြစ်ကြောင်းနှင့် စိုက်ပျိုးရေး ဦးစီးဌာနမှ မြန်မာ(GAP)အသိအမှတ်ပြုလက်မှတ်များ အလေးထားဆောင်ရွက်ပေးလျက်ရှိရာ ရပ်စောက်မြို့နယ်တွင် ယခင်နှစ်က စိုက်ဧက(၇၀၀)ကျော် သီးနှံအမယ် (၅)မျိုးအတွက် မြန်မာ(GAP)အသိအမှတ်ပြုလက်မှတ်များ (၁၂၀)စောင် ဆောင်ရွက်ပေးနိုင်ခဲ့ပြီး ယခုနှစ်တွင် သရက်သီးနှံ မြန်မာ(GAP)အသိအမှတ်ပြုလက်မှတ်များ (၃၂)စောင်နှင့် ဂျင်းသီးနှံ မြန်မာ(GAP)အသိအမှတ်ပြုလက်မှတ်များ (၂)စောင်၊ စုစုပေါင်း (၃၄)စောင်ကို ပေးအပ်သွားမည်ဖြစ်ကြောင်းနှင့် ဖောငမြှောင်တောင် ကာကွယ်နှိမ်နင်းရေးအတွက် အထောက်အပံ့ပစ္စည်းများ ပေးအပ်သွားမည်ဖြစ်ကြောင်း ပြောကြား သည်။

ဆက်လက်၍ ရပ်စောက်မြို့နယ်၊ ပြည်သူ့လွှတ်တော်ကိုယ်စားလှယ် ဦးခင်မောင်မြင့်မှ အမှာစကား ပြောကြားပြီး ရှမ်းပြည်နယ်စိုက်ပျိုးရေးဦးစီးဌာန၊ ဒုတိယပြည်နယ်ဦးစီးမှူး ဦးဇော်ဝမ်းမှ Covid-19 စီးပွားရေးကုစားမှု (CERP) အစီအစဉ်အရ (KOICA) ၏ အထောက်အပံ့ဖြင့် (SAEM) စီမံကိန်းမှ ဟင်းသီးဟင်းရွက် မျိုးစေ့များ ထောက်ပံ့ပေးအပ်ခြင်း၊ မြန်မာ(GAP)အသိအမှတ်ပြုလက်မှတ်များ ပေးအပ်ခြင်းနှင့် ဖောငမြှောင်တောင် ကာကွယ်နှိမ်နင်းရေး အထောက်အပံ့ ပစ္စည်းများ ပေးအပ်မှုအခြေအနေများကို ရှင်းလင်းတင်ပြကာ ရှမ်းပြည်နယ်အစိုးရအဖွဲ့ဝင် ပြည်နယ်စိုက်ပျိုးရေး၊ မွေးမြူရေး နှင့် ဆည်မြောင်းဝန်ကြီး ဦးစိုင်းလုံကျော်၊ ပြည်သူ့လွှတ်တော်ကိုယ်စားလှယ် ဦးခင်မောင်မြင့်၊ ကျေးလက်ဒေသဖွံ့ဖြိုး တိုးတက်ရေးဦးစီးဌာန ညွှန်ကြားရေးမှူး ဦးမောင်မောင်ဝင်း၊ ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာန ညွှန်ကြားရေးမှူး ဦးထွန်းထွန်းဦး၊ ရှမ်းပြည်နယ်စိုက်ပျိုးရေးဦးစီးဌာန ဒုတိယပြည်နယ်ဦးစီးမှူး ဦးဇော်ဝမ်း၊ တောင်ကြီးခရိုင်ဦးစီးမှူး ဦးဇော်ဝင်းထွန်း၊ ပြည်နယ်သီးနှံကာကွယ်ရေးတာဝန်ခံ ဒေါ်သင်းသင်းလဲ့၊ ပြည်နယ်မျိုးစေ့တာဝန်ခံ ဒေါ်မိမိလှိုင်း၊ ရပ်စောက်မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်အုပ်ချုပ်ရေးမှူး ဦးသိန်းဇော်ဝင်းတို့မှ ထောက်ပံ့ပစ္စည်းများအား တောင်သူများထံ ပေးအပ်ခဲ့ပြီး တောင်သူများကိုယ်စား တောင်သူ ဦးသောင်းညွန့်မှ ကျေးဇူးတင် စကား ပြန်လည်ပြောကြားခဲ့ကြောင်း သိရှိရသည်။

မောင်မောင်သန်း(ပြန်/ဆက်)

၀၉-၂၅၀၁၃၂၉၄၃

(၇၃)နှစ်မြောက် အာဇာနည်နေ့အခမ်းအနားကျင်းပနိုင်ရေးလုပ်ငန်းညှိနှိုင်းအစည်းအဝေးကျင်းပ

တောင်ကြီး ဇူလိုင် - ၈

137

၂၀၂၀ ပြည့်နှစ် (၇၃)နှစ်မြောက် အာဇာနည်နေ့အခမ်းအနားကျင်းပနိုင်ရေးလုပ်ငန်းညှိနှိုင်းအစည်းအဝေးကို ဇူလိုင်(၇)ရက် ညနေ ၃ နာရီက တောင်ကြီးမြို့၊ ရှမ်းပြည်နယ်အစိုးရအဖွဲ့ရုံး အစည်းအဝေးခန်းမ၌ကျင်းပကြောင်းသိရသည်။

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က Covid-19ရောဂါဖြစ်ပွားနေသော်လည်း အာဇာနည်နေ့ကို လက်ဆင့်ကမ်းအမွေအဖြစ် နှစ်စဉ်နှစ်စဉ်မပြတ်ဆောင်ရွက်ပေးကြရန် အလေးအနက်တိုက်တွန်းပြောကြား သွားသည်။

ဆက်လက်၍ ပြည်နယ်လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးလှဦးက အာဇာနည်နေ့အခမ်းအနား ကျင်းပမည့် အစီအစဉ်နှင့်ပတ်သက်၍ ဆွေးနွေးတင်ပြပြီး လုပ်ငန်းကော်မတီ များဖြစ်သော အခမ်းအနားကျင်းပရေးလုပ်ငန်းကော်မတီ၊ အခမ်းအနားပြင်ဆင်ရေးလုပ်ငန်းကော်မတီ၊ သတင်းမှတ်တမ်းနှင့် ပြန်ကြားရေးလုပ်ငန်းကော်မတီ၊ ဆွမ်းဆက်ကပ် ဧည့်ခံကျွေးမွေးရေးလုပ်ငန်းကော်မတီ၊ ဖိတ်ကြားရေးနှင့် ကြိုဆိုနေရာချထားရေး ပင့်ဆောင်ရေးလုပ်ငန်းကော်မတီ၊ ဘဏ္ဍာငွေ ကြီးကြပ်ရေးလုပ်ငန်းကော်မတီ၊ ကျန်းမာရေးစောင့်ရှောက်မှုလုပ်ငန်းကော်မတီ၊ လုံခြုံရေးနှင့် စည်းကမ်းထိန်းသိမ်း‌ရေးလုပ်ငန်း ကော်မတီအသီးသီးတို့မှ ဆွေးနွေးတင်ပြကြပြီး ပြည်နယ်ဝန်ကြီးချုပ်မှ နိဂုံးချုပ်အမှာစကားပြောကြားခဲ့ကြောင်းသိရှိရသည်။

မောင်မောင်သန်း(တောင်ကြီး)

09250132943

 

ရှမ်းပြည်နယ်ပြည်သူလူထု စားနပ်ရိက္ခာထောက်ပံ့ရေးကော်မတီမှ ကုန်တင်ကုန်ချလုပ်သားများနှင့် အနှေးယာဉ်အလုပ်သမားများ၊ လက်တွန်းလှည်းလုပ်သားများအား ဆန်၊ ဆီ၊ ဆား၊ ကုလားပဲ ထောက်ပံ့ပေးအပ်

တောင်ကြီး ဇူလိုင် - ၃

130

ရှမ်းပြည်နယ်ပြည်သူလူထု စားနပ်ရိက္ခာထောက်ပံ့ရေးကော်မတီမှ အေးသာယာမြို့၊ ရွှေတောင်တန်းပရဟိတ ဂေဟာ၊ ရွှေညောင်ဘူတာရှိ ကုန်တင်ကုန်ချအလုပ်သမားများ၊ ညောင်ရွှေမြို့ရှိ အနှေးယာဉ်အလုပ်သမားများ၊ လက်တွန်း လှည်းအလုပ်သမားများ၊ အခြေခံပြည်သူများအား ဇူလိုင် ၃ ရက် နံနက်ပိုင်းက သွားရောက်၍ ဆန်၊ ဆီ၊ ဆား၊ ကုလားပဲများ ထောက်ပံ့ပေးအပ်ခဲ့ကြောင်း သိရသည်။

ရှမ်းပြည်နယ်အစိုးရအဖွဲ့၊ပြည်နယ်ဝန်ကြီးချုပ် ဒေါက်တာလင်းထွဋ်၊ ရှမ်းပြည်နယ်လွှတ်တော် ဥက္ကဋ္ဌ ဦးစိုင်းလုံးဆိုင်၊ ကမ္ဘောဇဘဏ် နာယက ဦးအောင်ကိုဝင်းနှင့် အရာထမ်း၊အမှုထမ်းများ၊ ပြည်နယ်ဝန်ကြီးများ၊ ပြည်သူ့လွှတ်တော်၊ ပြည်နယ် လွှတ်တော်ကိုယ်စားလှယ်များနှင့် တာဝန်ရှိသူတို့က အေးသာယာမြို့ရှိ ရွှေတောင်တန်းပရဟိတဂေဟာ၌ ကျောင်းထိုင် ဆရာတော်အား ကန်တော့၍ ဆန်၊ ဆီ၊ ဆား၊ ကုလားပဲ ဆက်ကပ်လှူဒါန်း၍ ဆရာမများနှင့် ကျောင်းသား/ကျောင်းသူ (၃၀၀)ဦးတို့အား စားနပ်ရိက္ခာထုပ်များနှင့် တစ်ဦးလျှင် ငွေကျပ်(၁၀၀၀၀)စီ ထောက်ပံ့ပေးအပ်ပြီး ကမ္ဘောဇဘဏ် နာယကမှ အဆိုပါကျောင်း ဘက်စုံဖွံ့ဖြိုးတိုးတက်ရေးအတွက် အလှူငွေကျပ်သိန်း (၃၀၀) လှူဒါန်းပေးအပ်ခဲ့သည်။ 

ဆက်လက်၍ ပြည်နယ်ဝန်ကြီးချုပ်၊ ပြည်နယ်လွှတ်တော် ဥက္ကဋ္ဌ၊ ကမ္ဘောဇဘဏ် နာယက၊ ပြည်နယ်ဝန်ကြီးများနှင့် တာဝန်ရှိသူတို့သည် ရွှေညောင်မြို့ရှိ ရွှေညောင်ဘူတာ၌ အခြေခံပြည်သူများအား စားနပ်ရိက္ခာထုပ်များဖြစ်သည့် ဆန်၊ ဆီ၊ ဆား၊ ကုလားပဲနှင့် ငွေကျပ် (၁၀၀၀၀)စီ ထောက်ပံ့ပေးအပ်ခဲ့ကြပြီး ညောင်ရွှေမြို့ရှိ အနှေးယာဉ်အလုပ်သမားများ၊ လက်တွန်းလှည်းအလုပ်သမားများ၊ အင်းလေးလေဆိပ်ရှိ စက်လှေဆရာများနှင့် အခြေခံပြည်သူများအား စားနပ်ရိက္ခာထုပ် များဖြစ်သည့် ဆန်၊ ဆီ၊ ဆား၊ ကုလားပဲနှင့် ငွေကျပ် (၁၀၀၀၀)စီတို့ကို လက်ဝယ်အရောက် ထောက်ပံ့ပေးအပ်ခဲ့သည်။

ထို့နောက် ညောင်ရွှေမြို့၊ မေတ္တာမွန် ပရဟိတဂေဟာသို့ သွားရောက်ပြီး ရှမ်း၊ အင်း၊ ပအိုဝ်း၊ ကယန်း၊ ကယား တိုင်းရင်းသား ကျောင်းသား/ကျောင်းသူများနှင့် ဆရာ/ဆရာမများအား စားနပ်ရိက္ခာထုပ်များနှင့် ငွေကျပ်(၁၀၀၀၀)စီ ထောက်ပံ့ပေးအပ်ပြီး ကမ္ဘောဇဘဏ် နာယကမှ ငွေကျပ်သိန်း (၁၀၀) ပေးအပ်လှူဒါန်း၍ ပြည်နယ်ဝန်ကြီးချုပ်နှင့် တာဝန်ရှိသူများသည် သာသနာ့ရောင်ခြည် ပရဟိတကျောင်း၌ ကျောင်းသား/ကျောင်းသူများအား စားနပ်ရိက္ခာထုပ်များနှင့် ငွေကျပ်(၁၀၀၀၀)စီ ပေးအပ်လှူဒါန်းကာ ကျောင်းထိုင်ဆရာတော်အား ကန်တော့၍ ကမ္ဘောဇဘဏ် နာယကမှ ငွေကျပ်  သိန်း (၁၀၀) လှူဒါန်းပေးအပ်ခဲ့ကြောင်း သိရှိရသည်။

မောင်မောင်သန်း(တောင်ကြီး)

၀၉-၂၅၀၁၃၂၉၄၃

ရှမ်းပြည်နယ်အစိုးရအဖွဲ့ဝင်၊ ပြည်နယ်စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးမှ လွယ်ဟောင်ကျေးရွာ ကုန်းမြင့် လယ်ယာအား ကြည့်ရှုစစ်ဆေး

ရပ်စောက် ဇူလိုင် - ၆

136

ရှမ်းပြည်နယ်(တောင်ပိုင်း)၊ တောင်ကြီးခရိုင်၊ ရပ်စောက်မြို့နယ်၊ လွယ်ဟောင်ကျေးရွာတွင် ကုန်းမြင့်လယ်ယာ ဖော်ထုတ်ထားရှိမှုအား ဇူလိုင် ၅ ရက် နံနက်ပိုင်းက ရှမ်းပြည်နယ်အစိုးရအဖွဲ့ဝင်၊ ပြည်နယ်စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးစိုင်းလုံကျော်နှင့် သက်ဆိုင်ရာ ပြည်နယ်အဆင့် ဌာနဆိုင်ရာများမှ တာဝန်ရှိသူများနှင့်အတူ ကွင်းဆင်းကြည့်ရှုစစ်ဆေးခဲ့ကြောင်း သိရှိရသည်။

ကွင်းဆင်းစစ်ဆေးကြည့်ရှုမှုတွင် လွယ်ဟောင်ဘုန်းတော်ကြီးကျောင်း၌ ဒေသခံပြည်သူများက ပြည်နယ်ဝန်ကြီး အား ဒေသအတွင်း လိုအပ်လျက်ရှိသော ရေကန်၊ လမ်းကိစ္စရပ်များ တင်ပြတောင်းဆိုခဲ့ရာ ပြည်နယ်ဝန်ကြီးနှင့် သက်ဆိုင်ရာ ဌာနများမှ ပြန်လည်ဖြေကြားကြပြီး လွယ်ဟောင်ကျေးရွာ ကုန်းမြင့်လယ်ယာနှင့် ကုန်းမြင့်လယ်ယာ ပိုလျှံငွေ ကျပ်သိန်း (၁၀၀)ဖြင့် ဆောင်ရွက်သည့် လွယ်ဟောင်-ရေဖြူလမ်းအပိုင်းနှင့် ကွန်ကရစ်တံတား (၁၈×၁၂×၆)ပေ တံတား(၂)စင်း၊ ညောင်သုံးပင်ကျေးရွာ (VDP) လုပ်ငန်းအား လိုက်လံကြည့်ရှုစစ်ဆေးခဲ့ကြောင်း သိရှိရသည်။

မောင်မောင်သန်း(ပြန်/ဆက်)

၀၉-၂၅၀၁၃၂၉၄၃

ရှမ်းပြည်နယ်အားကစားကွင်း မီတာ(၄၀၀)ပြေးလမ်း ပြီးစီးမှုအခြေအနေများအား ပြည်နယ်လူမှုရေးဝန်ကြီး ကွင်းဆင်းကြည့်ရှု

တောင်ကြီး ဇူလိုင် - ၂

129

ကျန်းမာရေးနှင့်အားကစားဝန်ကြီးဌာန၊ အားကစားနှင့်ကာယပညာဦးစီးဌာန၊ ရှမ်းပြည်နယ်၊ တောင်ကြီးမြို့ ပြည်နယ်အားကစားကွင်း မီတာ(၄၀၀)ပြေးလမ်း ပြီးစီးမှုအခြေအနေများအား ဇူလိုင် ၁ ရက် နံနက် ၈ နာရီခွဲက ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီး ဒေါက်တာမျိုးထွန်းနှင့်တာဝန်ရှိသူများက ကွင်းဆင်းကြည့်ရှုခဲ့ကြောင်း သိရသည်။

ပြေးလမ်း ခင်းကျင်းနေမှုအား ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ပြည်နယ် သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီး ဒေါက်တာညီညီအောင်၊ ပြည်နယ်အားကစားနှင့်ကာယပညာဦးစီး ဌာန၊ ပြည်နယ်ဦးစီးမှူး ဦးတင်ထွန်းနှင့် ဝန်ထမ်းများက ကြည့်ရှုစစ်ဆေးရာ Reva Co.,Ltd မှ တာဝန်ခံ ဦးကျော်ဇင်ထက်က ရှင်းလင်းပြောကြားခဲ့ကြောင်း သိရသည်။

အဆိုပါ မီတာ(၄၀၀)ပြေးလမ်းကို ကျန်းမာရေးနှင့်အားကစားဝန်ကြီးဌာန၊ အားကစားနှင့်ကာယပညာဦးစီးဌာန၏ ပြည်ထောင်စုဘတ်ဂျက် ရန်ပုံငွေကျပ် (၇၄၅)သန်းနှင့် Reva Co.,Ltd မှ တာဝန်ယူဆောင်ရွက်လျက်ရှိပြီး ဇန်နဝါရီလမှ စတင်၍ ဆောင်ရွက်လျက်ရှိရာ Covid-19 ကပ်ရောဂါကြောင့် အလုပ်များ ရပ်တန့်ထားရသဖြင့် ယခုအချိန်တွင် လုပ်ငန်း (၉၅%) ပြီးစီးနေပြီဖြစ်ကြောင်း သိရှိရသည်။

မောင်မောင်သန်း(ပြန်/ဆက်)

၀၉-၂၅၀၁၃၂၉၄၃

ရပ်စောက်မြို့နယ်၊ ဟွေးကျေးရွာအုပ်စု၊ လဲချားကျေးရွာသို့ ဒေသနွားမ ပြာစိမ်း (၂၀)ကောင်နှင့် ဒေသနွားပြာစိမ်း အထီး (၁)ကောင် ပေးအပ်

ရပ်စောက် ဇူလိုင် - ၆

132

ရှမ်းပြည်နယ်မွေးမြူရေးနှင့်ကုသရေးဦးစီးဌာန၏ ၂၀၁၉-၂၀၂၀ ဘဏ္ဍာရေးနှစ်၊ ရှမ်းပြည်နယ်အစိုးရအဖွဲ့ ခွင့်ပြု ရန်ပုံငွေဖြင့် ဝယ်ယူထားသော ဒေသနွားအား မွေးမြူရေးလုပ်ငန်း ဖွံ့ဖြိုးတိုးတက်လုပ်ကိုင်နိုင်ရန် ရပ်စောက်မြို့နယ်၊ ဟွေး ကျေးရွာအုပ်စု၊ လဲချားကျေးရွာသို့ ဒေသနွားမ ပြာစိမ်း(၂၀)ကောင်နှင့် ဒေသနွားပြာစိမ်း အထီး(၁)ကောင် ပေးအပ်ပွဲကို ဇူလိုင် ၅ ရက် နံနက် ၈ နာရီခွဲ၌ ရပ်စောက်မြို့၊ ရေဖြူအခြေခံပညာမူလတန်းကျောင်းတွင် ကျင်းပသည်။

ရှမ်းပြည်နယ်အစိုးရအဖွဲ့ဝင်၊ ပြည်နယ်စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးစိုင်းလုံကျော်က မွေးမြူ ရေးဘဏ်စနစ်နှင့် ဒေသနွား ဖြန့်ဖြူးတယ်ဆိုတာက ဒေသနွား မွေးမြူရေး တိရစ္ဆာန်ကောင်ရေ တိုးပွားရေးအတွက် မွေးမြူ ရေးနှင့် ကုသရေးဦးစီးဌာနက တိရစ္ဆာန် ဒေသနွားအထီး၊ အမများကို စိစစ်ရွေးချယ်ဝယ်ယူဖြန့်ဖြူးသွားပြီး အစုအဖွဲ့များနှင့် ဆောင်ရွက်ခြင်းကို ခေါ်ပါတယ်၊ ၂၀၁၉-၂၀၂၀ ဘဏ္ဍာရေးနှစ်မှာ ရှမ်းပြည်နယ်အစိုးရအဖွဲ့ ခွင့်ပြုရန်ပုံငွေဖြင့် ရှမ်းပြည်နယ် မွေးမြူရေးနှင့်ကုသရေးဦးစီးဌာနရဲ့ ငွေလုံးငွေရင်း ခွင့်ပြုရန်ပုံငွေကျပ် (၁၇၅)သန်းနှင့် စုစုပေါင်း ဒေသနွား ပြာစိမ်းကောင် ရေ (၂၁၀)ကောင်ကို ရှမ်းပြည်နယ်အတွင်း ရှမ်း(ရှေ့)၊ ရှမ်း(တောင်)၊ ရှမ်း(မြောက်) ဒေသ (၃)ခုရှိ ရပ်စောက်မြို့နယ်၊ တောင်ကြီးမြို့နယ်၊ ဆီဆိုင်မြို့နယ်၊ မိုးနဲမြို့နယ်၊ လားရှိုးမြို့နယ်၊ မိုးမိတ်မြို့နယ်၊ နမ့်ဆန်မြို့နယ်၊ တာချီလိတ်မြို့နယ်၊ ကျိုင်းတုံမြို့နယ်၊ မိုင်းဆတ်မြို့နယ်တို့ကို အညီအမျှ ဖြန့်ဖြူးသွားမှာဖြစ်ပါကြောင်း၊ ဖြန့်ဖြူးတဲ့ ဒေသနွားကောင်ရေကတော့ ဒေသနွား ပြာစိမ်းအမ (၂၀)ကောင်နှင့် အထီး (၁)ကောင်၊ စုစုပေါင်း ဒေသနွား ပြာစိမ်း(၂၁)ကောင်ကို မြို့နယ်တစ်မြို့နယ် မှာ ကျေးရွာတစ်ရွာ ဖြန့်ဖြူးပြီး ကျေးရွာတစ်ရွာမှာ အိမ်ထောင်စု(၁၀)စုကို ဖြန့်ဖြူးသွားတာ ဖြစ်ပါတယ်၊ အိမ်ထောင်စု တစ်စုကို ဒေသနွား ပြာစိမ်းအမ (၂)ကောင်နှုန်းနှင့် အိမ်ထောင်စု (၁၀)စု ဖြန့်ပြီး အထီးကိုတော့ အိမ်ထောင်စု (၁၀)စုထဲက တစ်ဦးကို မွေးမြူစေမှာ ဖြစ်ပါကြောင်း၊ မွေးမြူရေးဘဏ်စနစ်အရ တိရစ္ဆာန်ဒေသနွား လက်ခံရရှိသူက သတ်မှတ်ကာလ (၃)နှစ်ပြည့်လျှင် မူလ ရယူထားတဲ့ တိရစ္ဆာန်ရဲ့ အသက်အရွယ်၊ အရေအတွက်၊ အမျိုးအစား၊ အရွယ်အစားအတိုင်း အခြား မွေးမြူလိုသူတစ်ဦးကို လက်ဆင့်ကမ်းပေးရမှာဖြစ်လို့ ကျေးရွာမွေးမြူရေးဘဏ်ကော်မတီကို ပြန်လည်ပြီး တိရစ္ဆာန် အပ်နှံ ပေးရမှာဖြစ်ပြီး မွေးမြူရေးဘဏ်စနစ်နဲ့ တိရစ္ဆာန် လက်ခံရယူ မွေးမြူသူက (အတိုးငွေ) ပေးရခြင်းတော့ မရှိပါကြောင်း ပြောကြားသည်။

ဆက်လက်၍ ရပ်စောက်မြို့နယ်၊ ပြည်သူ့လွှတ်တော်ကိုယ်စားလှယ် ဦးခင်မောင်မြင့်မှ အမှာစကား ပြောကြားပြီး ပြည်နယ်စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးစိုင်းလုံကျော်မှ ရပ်စောက်မြို့နယ်၊ ဟွေးကျေးရွာအုပ်စု၊ လဲချား ကျေးရွာ၊ မွေးမြူရေးဘဏ် ကော်မတီ ဥက္ကဋ္ဌ ဦးသန်းဇော်လတ်ထံ ဒေသနွား လွှဲပြောင်းပေးအပ်၍လည်းကောင်း၊ ရပ်စောက် မြို့နယ်ပြည်သူ့လွှတ်တော်ကိုယ်စားလှယ် ဦးခင်မောင်မြင့်မှ ဟွေးကျေးရွာအုပ်စု၊ လဲချားကျေးရွာ၊ မွေးမြူရေးဘဏ် ကော်မတီ အတွင်းရေးမှူး ဦးဇော်မျိုးထံ အသင့်ရောစပ်ပြီး တိရစ္ဆာန်အစာအိတ် အသားတိုးနွားစာ (၅၅)အိတ် လွှဲပြောင်း ပေးအပ်၍လည်းကောင်း၊ ပြည်နယ်မွေးမြူရေးနှင့်ကုသရေးဦးစီးဌာန၊ ပြည်နယ်ဦးစီးမှူးနှင့် ရပ်စောက်မြို့နယ်အထွေထွေ အုပ်ချုပ်ရေးဦးစီးဌာန၊ မြို့နယ်အုပ်ချုပ်ရေးမှူးတို့မှ လည်းကောင်း၊ မျိုးသန့် (မိုဘားဆား မြက်မျိုးစေ့ထုပ်)ကို ဒေသနွား မွေးမြူသူ ဦးသက်နိုင်ဦးထံ ပေးအပ်ခဲ့ကြောင်း သိရသည်။

ထို့နောက် ဒေသနွား(၂၀)ကောင် လက်ခံရယူသည့် ဟွေးကျေးရွာအုပ်စု၊ လဲချားကျေးရွာ မွေးမြူရေးဘဏ် ကော်မတီဝင် ဦးဇော်မင်းလတ်မှ ကျေးဇူးတင်စကား ပြန်လည်ပြောကြားပြီး ပြည်နယ်ဝန်ကြီးနှင့် တာဝန်ရှိသူများသည် ဒေသနွား လွှဲပြောင်းနေမှုများအား သွားရောက်ကြည့်ရှု၍  လိုအပ်သည်များ မှာကြားခဲ့ကြောင်း သိရသည်။

မောင်မောင်သန်း(ပြန်/ဆက်)

၀၉-၂၅၀၁၃၂၉၄၃

ရှမ်းပြည်နယ်အစိုးရအဖွဲ့သို့ ပြည်နယ်သစ်တောဦးစီးဌာနမှ ရနံ့မွှေးပင်နှင့် ပန်းအလှပျိုးပင်များဖြန့်ဝေပေး

တောင်ကြီး ဇူလိုင် - ၁

128

၂၀၂၀ ပြည့်နှစ် ဇူလိုင်လ(၄)ရက်နေ့တွင်ကျရောက်သော ရှမ်းပြည်နယ် သစ်ပင်စိုက်ပျိုးရေးနေ့တွင် ရှမ်းပြည်နယ်အစိုးရ အဖွဲ့ဝင်များ မိမိတို့မိသားစုအလိုက် သစ်ပင်စိုက်ပျိုးနိုင်ရန်အတွက် ရှမ်းပြည်နယ်သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၏ အစီအစဉ်ဖြင့် သစ်တောဦးစီးဌာနက ဇူလိုင်လ ၁ ရက် ညနေ ၄ နာရီတွင် တောင်ကြီးမြို့ ရှမ်းပြည်နယ်အစိုးရရုံး၌ ရနံ့မွှေးပင်နှင့် ပန်းအလှပျိုးပင်များ ရှမ်းပြည်နယ်အစိုးရအဖွဲ့သို့ ဖြန့်ဝေပေးကြောင်းသိရသည်။

ရနံ့မွှေးသည့်ပန်းပွင့်သော သစ်မျိုး ၃ မျိုးနှင့် အဖြူရောင်၊ အဝါရောင်၊ အနီရောင်၊ အပြာရောင်စသည်ဖြင့် ရောင်စုံပန်းပွင့်သည့် သစ်မျိုး ၁၀ မျိုး စုစုပေါင်း သစ်မျိုး (၁၃)မျိုး၊ ပျိုးပင်(၂၀၀)ပင်အား ပြည်နယ်သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီး ဒေါက်တာညီညီအောင်နှင့် ပြည်နယ်သစ်တောဦးစီးဌာနမှ တာဝန်ရှိသူများမှ ပေးအပ်ရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်နှင့် ပြည်နယ်အစိုးရအဖွဲ့ဝင် ဝန်ကြီးများက လက်ခံရယူကြသည်။

နှစ်စဉ်ဇူလိုင်လ ပထမပတ်၏ စနေနေ့ကို ရှမ်းပြည်နယ်သစ်ပင်စိုက်ပျိုးရေးနေ့အဖြစ် ၂၀၁၉ ခုနှစ်တွင် စတင်သတ်မှတ် ဆောင်ရွက်ခဲ့ရာ ၂၀၂၀ ပြည့်နှစ် ရှမ်းပြည်နယ်သစ်ပင်စိုက်ပျိုးရေးနေ့တွင် ယခင်နှစ်ကဲ့သို့ လူစုလူဝေးအခမ်းအနားဖြင့် ဆောင်ရွက်နိုင်ခြင်းမရှိသဖြင့် COVID-19ဆိုင်ရာ ညွှန်ကြားချက်များနှင့်အညီ မိသားစုအလိုက် တစ်ဦးချင်းအလိုက်သစ်ပင်များ စိုက်ပျိုးသွားမည်ဖြစ်ကြောင်းနှင့် ရှမ်းပြည်နယ်သစ်တောဦးစီးဌာနအနေဖြင့် ပြည်ထောင်စုအစိုးရရန်ပုံငွေနှင့် လူထုဖြန့်ပျိုးပင် (၁၃၁၉၅၀၀)ပင်၊ ရှမ်းပြည်နယ်အစိုးရရန်ပုံငွေဖြင့် နှစ်ရှည်သီးပင်စားပင် (၃၈၁၄၀၀)ပင်နှင့် သစ်တောသစ်ပင် (၄၉၈၆၀၀)ပင်၊ စုစုပေါင်း(၂၁၉၉၅၀၀)ပင်ပျိုးထောင်ခဲ့ပြီး ယနေ့အထိပျိုးပင်ပေါင်း(၁၆၃၂၁၈၇)ပင်အား မြို့နယ်သစ်တောဦးစီးဌာန ပျိုးဥယာဉ် များမှပြည်သူများသို့ဖြန့်ဝေပြီးဖြစ်ကြောင်း၊ ၂၀၂၀ ပြည့်နှစ် ရှမ်းပြည်နယ်သစ်ပင်စိုက်ပျိုးရေးနေ့ဖြစ်သော ဇူလိုင်လ(၄)ရက် နေ့တွင် ဌာနဆိုင်ရာများ၊ အဖွဲ့အစည်းများ၊ ရပ်ကွက်၊ကျေးရွာများအနေဖြင့် COVID-19ဆိုင်ရာ ညွှန်ကြားချက်များနှင့်အညီ မိသားစုအလိုက် တစ်ဦးချင်းအလိုက်သစ်ပင်များ စိုက်ပျိုးနိုင်ရေးအတွက်ပျိုးပင်များကို ကြိုတင် ဖြန့်ဝေပေးလျက်ရှိကြောင်း သိရသည်။

အဆိုပါ ရနံ့မွှေးသည့်ပန်းပွင့်သော သစ်မျိုး ၃ မျိုးနှင့်ရောင်စုံပန်းပွင့်သည့် သစ်မျိုး ၁၀ မျိုး စုစုပေါင်း သစ်မျိုး (၁၃)မျိုးမှာ စကားဝါ၊ ဆိပ်ဖလူး၊ ရင်ခတ်ကလေး၊ ဘွဲ့ချဉ်(စွယ်တော်ဖြူ)၊ ချယ်ရီဖြူ၊ မဟာလှေခါး၊ တပေါင်း၊ အာဖရိကန်ကျူးလစ်၊ စိန်ပန်းနီ၊ ငုစပ်၊ ချယ်ရီ(ပန်းရောင်)၊ ပျဉ်းမ၊ စိန်ပန်းပြာ တို့ဖြစ်ကြောင်းသိရှိရသည်။

မောင်မောင်သန်း(ပြန်/ဆက်)

၀၉၂၅၀၁၃၂၉၄၃

ရပ်စောက်မြို့၊ ဗထူးစမ်းနှင့် အင်းခေါင်းကန်အတွင်း ငါးမျိုးစိုက်ထည့်ပေး

ရပ်စောက် ဇူလိုင် - ၆

133

ရှမ်းပြည်နယ်(တောင်ပိုင်း)၊ တောင်ကြီးခရိုင်၊ ရပ်စောက်မြို့နယ်၊ ဗထူးတပ်အတွင်းရှိ ဗထူးစမ်းနှင့် အင်းခေါင်းကန် တို့တွင် ဇူလိုင် ၅ ရက် နံနက်ပိုင်းက ငါးမျိုးစိုက်ထည့်ပေးကြောင်း သိရသည်။

ရှမ်းပြည်နယ်အစိုးရအဖွဲ့ဝင် ပြည်နယ်စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီး ဦးစိုင်းလုံကျော်၊ ဗထူးတပ် နယ်မှူးနှင့် ဇနီး၊ ပြည်သူ့လွှတ်တော်ကိုယ်စားလှယ်နှင့် တာဝန်ရှိသူများက ဗထူးစမ်းအတွင်း ငါးမြစ်ချင်း (၂၀၀၀၀)၊ ရွှေငါး (၂၀၀၀၀)၊မြက်စားငါး(၂၀၀၀၀) စိုက်ထည့်ပေးပြီး ပြည်နယ်စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီး ဦးစိုင်းလုံကျော်မှ ဗထူးတပ်တွင်းရှိ တပ်မတော်ကြည်း (တိုက်ခိုက်ရေးကျောင်း)၊ တပ်မတော်ကြည်း(အတိုက်သင်တန်းကျောင်း၊ ဗထူး) အမှတ်(၁) ဘင်ခရာနှင့် အကြပ်ကြီးသင်ကျောင်း၊ အမှတ်(၁) တိရစ္ဆာန်မွေးမြူရေးနှင့် လေ့ကျင့်ရေးကျောင်း အမှတ်(၅၇၇) ခြေမြန်တပ်ရင်း အမှတ်(၅၈၉) ခြေမြန်တပ်ရင်း၊ အမှတ်(၄) တပ်မတော်ဆေးရုံ (ခုတင်-၁၀၀)၊ အမှတ်(၅) အလုပ်ရုံတပ်စု (လျှပ်/စစ်) တို့ကို အလှူငွေများ ပေးအပ်ခဲ့ကြောင်း သိရသည်။

ဆက်လက်၍ ပြည်နယ်ဝန်ကြီး၊ ပြည်သူ့လွှတ်တော်ကိုယ်စားလှယ်နှင့် တာဝန်ရှိသူများသည် ရပ်စောက်မြို့၊ အင်းခေါင်းကန်တွင် ဌာနဆိုင်ရာများအား ငါးမျိုးစိုက် ပေးအပ်၍ ငါးမြစ်ချင်း (၃၀၀၀၀)၊ ရွှေငါး (၃၀၀၀၀)၊ မြက်စားငါး (၃၀၀၀၀) ငါးမျိုးစိုက်ထည့်ပေးပြီး တောင်ကွက်သစ်ရပ်ကွက်၊ ကမ္မဋ္ဌာန်းကျောင်းတွင် Facility Quarantine ထားရှိမှုကို သွားရောက်ကြည့်ရှုပြီး တာဝန်ကျ ဆရာဝန်၊ ဆရာမများအား ပြည်နယ်ဝန်ကြီးမှ အလှူငွေကျပ် (၅)သိန်း ၊ ပြည်နယ် ကျေးလက်ဦးစီးဌာန၊ ပြည်နယ်မှူးမှ အလှူငွေကျပ်(၅)သိန်းနှင့် ဆရာဝန်၊ ဆရာ/ဆရာမများအား လိုအပ်သည့်နေရာတွင် အသုံးပြုရန် အလှူငွေကျပ် (၂)သိန်း ပေးအပ်ခဲ့ကြောင်း သိရသည်။

မောင်မောင်သန်း(ပြန်/ဆက်)

၀၉-၂၅၀၁၃၂၉၄၃

ရှမ်းပြည်နယ်ဗုဒ္ဓတက္ကသိုလ်ဝင်းအတွင်း သစ်ပင်စိုက်ပျိုး

တောင်ကြီး    ဇူလိုင်     -    ၁ 

127

ရှမ်းပြည်နယ်(တောင်ပိုင်း)၊ ဗုဒ္ဓတက္ကသိုလ် အောက်စဖို့ဒ်ဆရာတော်ပါမောက္ခ ဒေါက်တာအရှင်ဓမ္မသာမိ၏ လမ်းညွှန်မှု နှင့်အတူ ၂၀၂၀ ပြည့်နှစ်၊ ဇူလိုင်လ (၄)ရက်နေ့တွင် ကျရောက်မည့် ရှမ်းပြည်နယ်သစ်ပင်စိုက်ပျိုးရေးနေ့အကြိုကို ဇွန်(၃၀) ရက် ညနေ(၄)နာရီက ရှမ်းပြည်နယ်၊ တောင်ကြီးမြို့၊ ဗုဒ္ဓတက္ကသိုလ်ဝင်းအတွင်း သစ်ပင်များ စိုက်ပျိုးပေးကြကြောင်း သိရ သည်။ 

သစ်ပင်စိုက်ပျိုးပေးမှုတွင် ရှမ်းပြည်နယ်ဗုဒ္ဓတက္ကသိုလ်ဆရာတော် ဦးနန္ဒိယ( ပင်လုံ )၊ ရှမ်းပြည်နယ်အစိုးရအဖွဲ့ ပြည်နယ်သယံဇာတနှင့်သဘာဝပတ်ဝန်းကျင်ထိမ်းသိန်းရေးဝန်ကြီး ဒေါက်တာညီညီအောင်နှင့် ပြည်နယ်သစ်တောဦးစီး ဌာန၊ ပြည်နယ်ဦးစီးမှူး ဦးခင်မောင်ဝင်း(၁)၊ ခရိုင်/မြို့နယ်ဝန်ထမ်းများက ဗုဒ္ဓတက္ကသိုလ်ပရဝုဏ်အတွင်း လမ်းတစ်လျှောက် တွင် ထင်းရှူးပင်၊ ချယ်ရီပင်များ စိုက်ပျိုးပေးကြသည်။

 အဆိုပါဗုဒ္ဓတက္ကသိုလ်ဝင်းအတွင်း သစ်ပင်စိုက်ပျိုးပေးမှုတွင် သစ်ပင်များ ရှင်သန်ပေါက်ရောက်ရန်အတွက် ခက်ခဲ သော ကျောက်သားမြေပေါ်တွင် စက်၊ယန္တရားများ အကူအညီဖြင့် (၃)ပေပတ်လည် (၃)ပေအနက် မြေကျင်းများ တူးဖော်ပြီး မြေစာထည့်စိုက်ပျိုးခဲ့ကြောင်းနှင့် ထင်းရှူးသစ်မျိုး(၂၅၀)ပင်နှင့် ချယ်ရီ(၂၅၀)ပင်၊ စုစုပေါင်း ပျိုးပင် (၅၀၀) စိုက်ပျိုးပေးကြ ကြောင်း သိရှိရသည်။ 

မောင်မောင်သန်း(ပြန်/ဆက်) 

09250132943

More Articles...

  1. လားရှိုးနည်းပညာတက္ကသိုလ်မှတီထွင်ထားသည့် ပိုးသတ်စက်နှင့်လားရှိုးကွန်ပျုတာတက္ကသိုလ်မှ တီထွင်ထားသည့် အလိုအလျောက်ဖွင့်/ပိတ်ပြုလုပ်နိုင်သည့်အမှိုက်ပုံးနှင့် ကုသရေး လုပ်ငန်းနှင့်ပတ်သက်သည့်ဆောင်ရွက်နိုင်မည့်Software များလွဲပြောင်းပေးအပ်ပွဲ
  2. COVID-19 ရောဂါကာကွယ်ရေးနှင့်ပညာပေးရေးအထောက် အကူပြု ပစ္စည်းများ ထောက်ပံ့ပေးအပ်
  3. COVID-19 ရောဂါကာကွယ်ရေး ကျန်းမာရေးအထောက်ကူပြုပစ္စည်းများ ထောက်ပံ့ပေးအပ်
  4. ရှမ်းပြည်နယ်အစိုးရအဖွဲ့ရုံးတွင် တာဝန်ထမ်းဆောင်နေသောဝန်ထမ်းများအား စားနပ်ရိက္ခာ ထောက်ပံ့ပေးအပ်
  5. (၃၃)ကြိမ်မြောက်အပြည်ပြည်ဆိုင်ရာ မူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှု တိုက်ဖျက်ရေးနေ့တွင် ဖမ်းဆီးရမိ မူးယစ်ဆေးဝါးများအား တောင်ကြီးမြို့၌ မီးရှို့ဖျက်ဆီး
  6. နိုင်ငံတော်၏အတိုင်ပင်ခံပုဂ္ဂိုလ်ဒေါ် အောင်ဆန်းစုကြည်(၇၅)နှစ်မြောက်မွေးနေ့အထိမ်းအမှတ် မိုးရာသီသစ်ပင်စိုက်ပျိုးပွဲတော်ကျင်းပ
  7. ရှမ်းပြည်နယ်အတွင်း Coronavirus Disease 2019 (COVID-19)ကာကွယ်ထိန်းချုပ် ကုသရေးလုပ်ငန်းများတွင် အသုံးပြုရန်အတွက် ဆေးဖြန်းမော်တော်ယာဉ် လာရောက်လှူဒါန်း
  8. ရှမ်းပြည်နယ်အတွင်း Coronavirus Disease 2019 (COVID-19)ကာကွယ်ထိန်းချုပ် ကုသရေးလုပ်ငန်းများတွင် အသုံးပြုရန်အတွက် ဆေးဖြန်းမော်တော်ယာဉ် လာရောက်လှူဒါန်း
  9. ရှမ်းပြည်နယ်အတွင်း Coronavirus Disease 2019 (COVID-19)ကာကွယ်ထိန်းချုပ် ကုသရေးလုပ်ငန်းများတွင် အသုံးပြုရန်အတွက် အလှူငွေလှူဒါန်း
  10. ရှမ်းပြည်နယ်အတွင်း Coronavirus Disease 2019 (COVID-19)ကာကွယ်ထိန်းချုပ် ကုသရေးလုပ်ငန်းများတွင် အသုံးပြုရန်အတွက် အလှူငွေလှူဒါန်း

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

tine-sar ရှမ်းပြည်နယ်(တောင်ပိုင်း) မိုးနဲ၊ လင်းခေး၊ မောက်မယ်၊ မိုင်းပန်မြို့နယ်များတွင် အများဆုံး နေထိုင်ကြသည်။

We have 145 guests and no members online