We have 437 guests and no members online

လားရှိုး                ဒီဇင်ဘာ    -    ၁၈

new 849

ရှမ်းပြည်နယ်(မြောက်ပိုင်း)၊ လားရှိုးမြို့နယ်၊ နမ္မဗောဒကျေးရွာအုပ်စုအတွင်းရှိ ဒေသခံပြည်သူများနှင့် ဒီဇင်ဘာ( ၁၈ )ရက် နံနက်( ၉ )နာရီခွဲက အဆိုပါကျေးရွာရှိ နှစ်ခြင်းခရစ်ယာန်ဘုရားကျောင်းဝင်း၌ ရှမ်းပြည်နယ်အစိုးရအဖွဲ့နှင့် တွေ့ဆုံကြောင်း သိရ သည်။

နမ္မဗောဒကျေးရွာအုပ်စုအတွင်းရှိ ဒေသခံပြည်သူများနှင့် တွေ့ဆုံရာတွင် ရှမ်းပြည်နယ်ဝန်ကြီးချုပ် ဒေါက်လင်းထွဋ်က ယခုလို လာရောက်တွေ့ဆုံရခြင်းမှာ ယခင်က ဒေသခံပြည်သူများ တောင်းဆိုထားသည့် မီးသတ်ဝတ်စုံများ လာရောက်ထောက်ပံ့ရ ခြင်းဖြစ်ကြောင်း၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးများလည်း အတူလိုက်ပါလာသဖြင့် ဒေသခံပြည်သူများက လိုအပ်တာ ရှိရင် တင်ပြတောင်းဆိုကြရန် ပြောကြားပြီး ပြည်နယ်ဝန်ကြီးများနှင့် မိတ်ဆက်ပေးကြောင်း သိရသည်။

ဆက်လက်၍ နမ္မဗောဒကျေးရွာအုပ်စုအတွင်းရှိ ပြည်သူများမှ မူလတန်းအဆင့် စာသင်ကျောင်းများ၊ ကျောင်းအတွက် လိုအပ်လျက်ရှိသော အုတ်တံတိုင်းများ၊ ကျေးရွာပြည်သူများ မှတ်ပုံတင်ရရှိရေး၊ ကျေးရွာအဝင်လမ်း ကောင်းမွန်ရေး၊ ဆရာ/ဆရာမ ဝန်ထမ်းအိမ်ရာ၊ ကျောင်းအိမ်သာများ၊ လယ်ယာမြေပုံစံ(၇) အမြန်ဆုံးရရှိရေး၊ လျှပ်စစ်မီးလင်းရေးကိစ္စရပ်များ တင်ပြတောင်းဆိုကြ ပြီး လားဟူနှစ်ခြင်းခရစ်ယာန်အသင်းအုပ်ဆရာတော်မှ ကျေးရွာရှိ လူမှုရေးအသင်းများ မှတ်ပုံတင်ရှိရေး ဆောင်ရွက်ပေးနိုင်ရန် တင်ပြ ကြကြောင်း သိရသည်။

ထို့နောက် ပြည်နယ်ဝန်ကြီးချုပ် ဒေါက်တာလင်းထွဋ်က မူတန်းကျောင်းအတွက် လိုအပ်လျက်ရှိသော အုတ်တံတိုင်းကိစ္စရပ် သည် ပြည်ထောင်စုဘတ်ဂျက်ဖြင့် ဆောင်ရွက်ရမည်ဖြစ်သောကြောင့် အမြန်ဆုံးအကောင်အထည်ဖော်နိုင်ရန် ရှမ်းပြည်နယ်အစိုးရ အဖွဲ့နှင့် ကျေးရွာဒေသခံပြည်သူများကလည်း အလှူရှင်များ ဝိုင်းဝန်းပူးပေါင်းရှာဖွေကြရန် ပြောကြားပြီး လားဟူတိုင်းရင်းလူမျိုး ရေးရာဝန်ကြီးမှလည်း နမ္မဗောဒကျေးရွာ လူမှုကူညီရေးအသင်း မှတ်ပုံတင်ရရှိရေးကို အသင်းကော်မတီများ ဖွဲ့ပြီးပါက မိမိထံ တင်ပြလာရန်နှင့် ကျေးရွာအတွက် လိုအပ်လျက်သောကိစ္စရပ်များကို တိုင်းရင်းသားအလိုက် မခွဲခြားဘဲ အမြဲကူညီဆောင်ရွက်ပေး လျက်ရှိကြောင်း ရှင်းလင်းပြောကြားပြီး သက်ဆိုင်ရာပြည်နယ်ဝန်ကြီးများနှင့် ပြည်နယ်အဆင့်ဌာနဆိုင်ရာများကလည်း ဒေသခံ ပြည်သူများ၏လိုအပ်ချက်များကို ကူညီဆောင်ရွက်ပေးသွားမည်ဖြစ်ကြောင်း ပြန်လည်ပြောကြားကာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်ဝန်ကြီးများ၊ လားဟူတိုင်းရင်းသားလူမျိုးရေးရာဝန်ကြီးတို့မှ နမ္မဗောဒကျေးရွာ အတွက် မီးသတ်ဝတ်စုံများ ပေးအပ်ခဲ့ကြကြောင်း သိရှိရသည်။ အဆိုပါ နမ္မဗောဒကျေးရွာရှိ မူလတန်းကျောင်းအတွက် အုတ်တံတိုင်းကို ရှိုင်းနင်းမြန်မာကုမ္ပဏီလီမီတက် မန်နေဂျင်းဒါရိုက်တာ သီဟသုဓမ္မမဏိဇောဓတရ ဦးကျော်စွာထွဋ်မှ လှူဒါန်းပေးကြောင်း သိရှိ ရသည်။

မောင်မောင်သန်း(တောင်ကြီး)

09-250132943

လားရှိုး              ဒီဇင်ဘာ   -   ၁၈

new 848

ရှမ်းပြည်နယ်(မြောက်ပိုင်း)၊ လားရှိုးမြို့နယ်၊ အမှတ်(၁၊၅၊၇)ရပ်ကွက်နှင့် ဟန်နား၊မတ်ချီနူ၊အီနိုင်း၊ကောင်းကြဲ(အီ)၊ နမ့်တွန်း၊ နားကွမ်းလုံ၊ နားမခေါ်၊ ဟူးမွန်ကျေးရွာအုပ်စုများအတွင်းရှိ ပြည်သူ(၅၂၄)ဦးအား နိုင်ငံသားစိစစ်ရေးကတ်ပြားများ ပေးအပ်ခြင်းကို ဒီဇင်ဘာ(၁၈) နံနက်(၁၁)နာရီခွဲက လားရှိုးမြို့၊ သီရိမင်္ဂလာမန်ဆူရှမ်းကျောင်း၌ ကျင်းပသည်။

ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်ဒေါက်တာလင်းထွဋ်က မြို့နယ်လဝကရုံးဝန်ထမ်းများအနေဖြင့် (oss)အဖွဲ့၊ သက်ဆိုင်ရာရပ်ကွက်/ကျေးရွာအုပ်စုများ၊ မိတ်ဖက်အဖွဲ့အစည်းများ၊ (NRC)အဖွဲ့တို့ဖြင့် စီမံချက်ရေးဆွဲပြီး ပြည်သူများရှိသည့် ဒေသ အလိုက်၊ ကျေးရွာအလိုက် မနားမနေ ကွင်းဆင်းဆောင်ရွက်ပေးလျက်ရှိပါကြောင်း၊ မြို့နယ်လဝကအနေဖြင့် စီမံချက်မြောက်များစွာ ကွင်းဆင်းဆောင်ရွက်ပေးနေသလို ကွင်းဆင်းသည့်အချိန်တွင် လာရောက်မဆောင်ရွက်နိုင်သူများ ကျန်နေပါက မြို့နယ်လဝကရုံးသို့ ကိုယ်တိုင်သွားရောက်လျှောက်ထားပြီး နိုင်ငံသားစိစစ်ရေးကတ်သော်လည်းကောင်း၊ အိမ်ထောင်စုသော်လည်းကောင်း၊ မွေးဖွား၊ သေဆုံး၊ ပြောင်းဝင်ခြင်း၊ ပြောင်းထွက်ခြင်းတို့ကို သွားရောက်ဆောင်ရွက်နိုင်ပါကြောင်း၊ လားရှိုးမြို့နေ မိဘပြည်သူများအတွက် ကွင်းဆင်းဆောင်ရွက်ပေးခဲ့သည့် ရပ်ကွက်(၃)ရပ်ကွက်၊ ကျေးရွာအုပ်စု ( ၈ )အုပ်စုတို့အား လားရှိုးမြို့နယ်လဝကရုံးမှ နိုင်ငံသား စိစစ်ရေးကတ်ပြား (၅၂၄)ကတ်ကို ပေးအပ်သွားမှာဖြစ်ကြောင်း ပြောကြားသွားသည်။

ဆက်လက်၍ လားရှိုးမြို့နယ်အတွင်းရှိ ရပ်ကွက်(၃)ရပ်ကွက်နှင့် ကျေးရွာအုပ်စု(၈)အုပ်စုရှိ ပြည်သူ(၅၂၄)ဦးအား နိုင်ငံသား စိစစ်ရေးကတ်ပြားများကို ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်ဝန်ကြီးများတို့က ပေးအပ်ခဲ့ ကြရာ ရပ်ကွက်အသီးသီးမှ တာဝန်ရှိသူများက လက်ခံရယူကြကြောင်း သိရှိရသည်။

မောင်မောင်သန်း(တောင်ကြီး)

09-250132943

မူဆယ် ဒီဇင်ဘာ   -   ၁၇

new 846

ရှမ်းပြည်နယ်(မြောက်ပိုင်း) မူဆယ်ခရိုင်အတွင်း လက်ရှိဆောင်ရွက်လျက်ရှိသော လုပ်ငန်းအခြေအနေများ၊ ကုန်စည်စီးဆင်းမှု အခြေအနေများနှင့် ပတ်သက်၍ ရှမ်းပြည်နယ်အစိုးရအဖွဲ့အား ရှင်းလင်းခြင်းကို ဒီဇင်ဘာ (၁၇)ရက် နံနက်(၉)နာရီက မူဆယ်ခရိုင်/မြို့နယ်စုပေါင်းရုံး အစည်းအဝေးခန်းမ၌ ကျင်းပသည်။

မူဆယ်ခရိုင်၊ ခရိုင်အထွေထွေအုပ်ချုပ်ရေးဦးစီးဌာန ခရိုင်အုပ်ချုပ်ရေးမှူး ဦးလှိုင်စိုးသန့်မှ မူဆယ်ခရိုင် အတွင်း လက်ရှိဆောင်ရွက်လျက်ရှိသော လုပ်ငန်းများ၊ ကုန်စည်စီးဆင်းမှုအခြေအနေများ၊ Covid-19 ရောဂါ ကာကွယ်ထိန်းချုပ်မှုများ၊ နှစ်နိုင်ငံနယ်စပ်ကုန်သွယ် ယာဥ်အခြေအနေများ၊ ယာဥ်စည်းကမ်း၊ လမ်းစည်ကမ်း ဆောင်ရွက်မှုများ၊ နှစ်နိုင်ငံနယ်စပ် ယာဥ်ကြောကျပ်တည်းမှု အခြေအနေများ စသည်တို့ကို ရှင်းလင်းတင်ပြကြောင်း သိရသည်။

ဆက်လက်၍ ကုန်စည်စီးဆင်းမှုနှင့် ပတ်သက်၍ မူဆယ်(၁၀၅)မိုင်၊ နယ်စပ်ကုန်သွယ်ရေးဇုန် ကိစ္စရပ်များကို ညွှန်ကြားရေးမှူး ဦးမင်းအောင်အေးမှ ရှင်းလင်းတင်ပြကြသည်။ ထို့နောက် ရှမ်းပြည်နယ်အစိုးရအဖွဲ့ ပြည်နယ် ဝန်ကြီးချုပ် ဒေါက်တာလင်းထွဋ်က မူဆယ်ဒေသသည် အခက်အခဲဖြင့် အုပ်ချုပ်မှုပိုင်းဆိုင်ရာတွင် ဖြေရှင်းရမည် ဆိုတာသိရပါကြောင်း၊ မူဆယ်ခရိုင်၏ ပြရုပ်ဖြစ်သည့် မြို့ တော်ခန်းမ ကိစ္စရပ်များလည်း ဆောင်ရွက်ပေးနိုင်ကြရန်နှင့် ကုန်သွယ်ရေး ကိစ္စရပ်များတွင်လည်း နယ်စပ်ကုန်သွယ်ရေးမှ ညွှန်ကြားရေးမှူး တင်ပြသည့်အတိုင်း အခက်အခဲများ တွေ့ရှိရသည်ကို သိရှိရပါကြောင်း၊ နယ်စပ်နိုင်ငံများနှင့် နီးစပ်နေသောကြောင့် သည်းခံရပါကြောင်း၊ Covid-19 ရောဂါ နှင့်ပတ်သက်၍ မှာကြားလိုသည်မှာ Mask တပ်ပေးကြရန်၊ လက်မကြာခဏဆေးပေးကြရန်၊ အားလုံးဝိုင်းဝန်းကူညီ ဆောင်ရွက်ပေးကြရန် ပြောကြားသွားသည်။

ထို့နောက် ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူတို့သည် မူဆယ်ခရိုင် အထွေထွေ အုပ်ချုပ်ရေးဦးစီးဌာန အဆောက်အဦ ပျက်စီးနေမှုအား ကြည့်ရှုပြီး အသစ်အဖြစ် ရိပ်သာနှင့် စားရိပ်သာ တည်ဆောက် ရန်ကုမ္ပဏီမှ တာဝန်ရှိသူများက ရှင်းလင်းပြီး မူဆယ်ပြည်သူ့ဆေးရုံတွင် Covid-19 ရောဂါပိုးဓါတ်ခွဲခန်းအား လှည့်လည်ကြည့်ရှုကာ ရှမ်းပြည်နယ်အစိုးရအဖွဲ့မှ အလှူငွေကျပ်(၁၀)သိန်းကို ပြည်နယ်ဝန်ကြီးချုပ် ဒေါက်တာ လင်းထွဋ်က ပေးအပ်ရာ တာဝန်ရှိသူမှ လက်ခံရယူကြပြီး မူဆယ်ပြည်နယ် အားကစားကွင်း၌ ဖွင့်လှစ်ထားသော Quarantine Center ဝင်ရောက်နေသူများအတွက် မူဆယ်ဂရုဏာလူမှုရေးကူညီမှုအသင်းအား ကျန်းမာရေး ထောက်ပံ့ပစ္စည်း၊ ကြက်ဥ၊ ဆီနှင့်ထောက်ပံ့ငွေ(၁၀)သိန်းတို့ကို ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်ဝန်ကြီးများမှ ထောက်ပံ့ပေးအပ်ခဲ့ကြကြောင်း သိရှိရသည်။

မောင်မောင်သန်း(တောင်ကြီး)

09-250132943

လားရှိုး            ဒီဇင်ဘာ    -    ၁၇

new 847

ရှမ်းပြည်နယ်( မြောက်ပိုင်း )၊ လားရှိုးမြို့နယ်စည်ပင်သာယာရေးဌာနမှ ဆောင်ရွက်နေသော ကတ္တရာ ကွန်ကရစ် ဖျော်စက် တည်ဆောက်မည့်နေရာအား ဒီဇင်ဘာ (၁၇)ရက် ညနေ(၃)နာရီက ရှမ်းပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီး ဦးစိုင်းလုံကျော်နှင့် တာဝန်ရှိသူများမှ ကွင်းဆင်းကြည့်ရှုကြကြောင်း သိရသည်။

လားရှိုးမြို့နယ်စည်ပင်သာယာရေးဌာနမှ တာဝန်ရှိသူတစ်ဦးက အကောင်အထည်ဖော်ဆောင်ရွက်မည့် ဆက်စပ် လုပ်ငန်းများ အစီအစဥ်(ပထမ)အဆင့်ဖြစ်သည့် မြေနေရာအား မြေဖြတ်၊ မြေညှိခြင်း၊ မြေနေရာတွင် လမ်းဖြတ်တံတား (၂)စင်း ပြုလုပ်ခြင်း၊ ဝန်ထမ်းအစောင့်နေအိမ် (၁)ထပ်တည်ဆောက်ခြင်း၊ ဘိလပ်မြေဂိုဒေါင်ရုံ (၁)ထပ်တည်ဆောက်ခြင်း၊ ကတ္တရာ ကွန်ကရစ်ဖျော်စက်မြေနေရာ အဝင်၊အထွက်လမ်း ကွန်ကရစ်ခင်းခြင်း၊ စက်ရေတွင်းတူးဖော်ခြင်း၊ ရေစင်တည်ဆောက်ခြင်းနှင့် ရေပိုက်လိုင်းသွယ်တန်းခြင်း၊ ဂါလံ(၅၀၀၀)ဆံ့ ရေလှောင်ကန် တည်ဆောက်ခြင်း၊ ကတ္တရာကွန်ကရစ်ဖျော်စက် မြေနေရာ ခြံစည်းရိုးကာရံခြင်းနှင့်သံပန်းတံခါးတပ်ဆင်ခြင်း၊လုပ်ငန်းသုံးပစ္စည်းစုပုံရန်ကွန်ကရစ်ခင်းခြင်းစသည့်လုပ်ငန်းများအား ရှင်းလင်း ကြောင်း သိရသည်။

ဆက်လက်၍ ပြည်နယ်ဝန်ကြီးချုပ်ဒေါက်တာလင်းထွဋ်က လုပ်ငန်းနှင့်ပတ်သက်သည့် လိုအပ်ချက်များ ဖြည့်စွက် မှာကြားပြီး ကတ္တရာကွန်ကရစ်ဖျော်စက်တည်ဆောက်မည့်နေရာအား သွားရောက်ကြည့်ရှုကြောင်း သိရသည်။ အဆိုပါ ကတ္တရာ ကွန်ကရစ်ဖျော်စက်ကို ထွန်းနေဝင်းကုမ္ပဏီမှ ဆောင်ရွက်မည်ဖြစ်ပြီး လုပ်ငန်းအားလုံးကို ၂၀၂၁ ခုနှစ် ဇန်နဝါရီလအကုန်တွင် လည်ပတ်နိုင်မည်ဖြစ်ကြောင်းနှင့် နည်းပညာပိုင်းကို ကုမ္ပဏီမှ ဆောင်ရွက်ပေးမည်ဖြစ်ပြီး ကတ္တရာကွန်ကရစ်ဖျော်စက်သည် အိန္ဒိယစက် အမျိုးအစားဖြစ်ကြောင်း သိရှိရသည်။

မောင်မောင်သန်း(တောင်ကြီး)

09-250132943

ကွတ်ခိုင် ဒီဇင်ဘာ   -   ၁၇

new 845

ရှမ်းပြည်နယ်(မြောက်ပိုင်း) ကွတ်ခိုင်၊ မူဆယ်မြို့ဝင်၊ မြို့ထွက်တွင် ဖွင့်လှစ်ထားသော Covid-19 ရောဂါ စစ်ဆေးရေးဂိတ်တွင် တာဝန်ကျနေသော ဝန်ထမ်းများအား ဒီဇင်ဘာ(၁၆)ရက် ညနေပိုင်းက ရှမ်းပြည်နယ်အစိုးရ အဖွဲ့မှ စားစရာနှင့် ထောက်ပံ့ငွေများ ပေးအပ်ခဲ့ကြောင်း သိရသည်။

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်ဝန်ကြီးများနှင့် တာဝန်ရှိသူ တို့က ခေါက်ဆွဲခြောက်၊ သောက်ရေသန့်၊ ကြက်ဥ၊ ကျန်းမာရေးသုံးပစ္စည်းများနှင့် ငွေကျပ်(၁၀)သိန်းစီ ထောက်ပံ့ ပေးအပ်ခဲ့ကြပြီး မူဆယ်မြို့၊ မြို့တော်ခန်းမ ပြန်လည်ပြင်ဆင် ဆောက်လုပ်မည့် အခြေအနေများကို မူဆယ်မြို့နယ် စည်ပင်သာယာရေးမှ တာဝန်ရှိသူများက ရှင်းလင်းကြကြောင်း သိရှိရသည်။

မောင်မောင်သန်း(တောင်ကြီး)

09-250132943

နောက်ထပ်သတင်းများဖတ်မည်