သတင်းများ

ရှမ်းပြည်နယ်အစိုးရအဖွဲ့မှ ကြီးမှူးကျင်းပသော ပဉ္စမအကြိမ်မြောက် သက်ကြီးပူဇော်ပွဲကျင်းပ

တောင်ကြီး ဧပြီ  ၁၇

1014

   ရှမ်းပြည်နယ်အစိုးရအဖွဲ့မှ ကြီးမှူးကျင်းပသော ပဉ္စမအကြိမ်မြောက်သက်ကြီးပူဇော်ပွဲကို ဧပြီ(၁၇) ရက် ညနေ(၃)နာရီက တောင်ကြီးမြို့၊ မြို့တော်ခန်းမ၌ ကျင်းပရာ ပထမဦးစွာ နမောတဿသုံးကြိမ်ရွတ်ဆို ကန်တော့၍ အခမ်းအနားကိုဖွင့်လှစ်ပြီး၊ ရှမ်းပြည်နယ်အစိုးရအဖွဲ့ ညွှန်ကြားရေးမှူး ဦးကောင်းစံဦးက သက်ကြီးပူဇော်ပွဲ နှင့်ပက်သက်၍ လှူဒါန်းမှုအစုစုတို့အတွက် ရှင်းလင်းတင်ပြပြီး၊ ရှမ်းပြည်နယ်အစိုးရအဖွဲ့ ပြည်နယ် ဝန်ကြီးချုပ် ဦးစဝ်အောင်မြတ်နှင့်ဇနီးဒေါ်ဖြူဖြူညွန့်တို့မှ ဦးဆောင်၍ အဘိုးအဘွားများအား      ပူဇော်ကန်တော့ ကြသည်။

   ဆက်လက်၍ ပြည်နယ်ဝန်ကြီးချုပ် ဦးစဝ်အောင်မြတ်နှင့်ဇနီးဒေါ်ဖြူဖြူညွန့်၊ ပြည်နယ်ဝန်ကြီးများ နှင့် ဇနီးများ၊ ပြည်နယ်အဆင့်ဌာနဆိုင်ရာအကြီးအကဲတို့က စင်မြင့်ပေါ်ရှိအဘိုးအဘွားများအား ပူဇော်ကန်တော့ ငွေများနှင့် ဆေးပစ္စည်းများ လှူဒါန်းကြသည်။

   ထို့နောက် အဘိုးအဘွားများ၏ကိုယ်စား ကျောင်းကြီးစုရပ်ကွက်မှ အသက်(၈၅)နှစ်ရှိသော အဘိုး ဦးသိန်းညွန့်မှ ဆုတောင်းမေတ္တာပို့သ၍ ကန်တော့ကျိုးပေးပြီး၊ ပဉ္စမအကြိမ်မြောက် သက်ကြီးပူဇော်ပွဲကို တောင်ကြီးမြို့ပေါ် (၂၂)ရပ်ကွက်မှ အသက် (၈၅)နှစ်အထက်အဘိုး၊ အဘွားစုစုပေါင်း(၃၁၅)ဦးအနက်၊ အဘိုး(၃၅)ဦး၊ အဘွား(၃၆)ဦး၊ စုစုပေါင်း (၇၁)ဦး တက်ရောက်ကန်တော့ခံပြီး၊ (၁)ဦးလျှင်ငွေကျပ်(၂)သောင်းစီဖြင့် ရှမ်းပြည်နယ်အစိုးရအဖွဲ့နှင့် ဌာနဆိုင်ရာများမှ စုပေါလှူဒါန်းသောငွေကျပ် (လေးဆယ့်လေးသိန်းတစ်သောင်းနှစ်ထောင်ရှစ်ရာ)ကျပ်၊ တိုင်းရင်ဆေးဝါးပစ္စည်း တန်ဖိုး ငွေကျပ် (သုံးသိန်းခုနှစ်သောင်း)ကျပ် ဖြစ်ကြောင်းသိရပြီး၊ မတက်ရောက်နိုင်သည့် အဘိုး၊ အဘွားများအား အိမ်တိုင်ရာရောက် ပူဇော်ကန်တော့သွားမည်ဖြစ်ကြောင်း သိရှိရသည်။

   ယင်းနောက် ပြည်နယ်ဝန်ကြီးချုပ်နှင့်ဇနီး၊ ပြည်နယ်ဝန်ကြီးများ၊ ဌာနဆိုင်ရာ အကြီးအကဲများနှင့် တာဝန်ရှိသူတို့သည် ရှမ်းပြည်နယ်အစိုးရအဖွဲ့မှ ကြီးမှူးကျင်းပသော ပဉ္စမအကြိမ်မြောက် ဇီဝိတဒါနစုပေါင်း ငါးလွှတ်ပွဲအခမ်းအနားသို့ရောက်ရှိပြီး၊ ပြည်နယ် ဝန်ကြီးချုပ်နှင့်ဇနီးဒေါ်ဖြူဖြူညွန့်တို့မှ ဦးဆောင်၍ ငါးမျိုးစုံ အကောင်ရေတစ်သောင်းခွဲအား မြကန်သာရေကန်အတွင်းသို့ စုပေါင်းငါးများလွှတ်ပေးကြကြောင်း သိရှိရသည်။

   ပဉ္စမအကြိမ်မြောက်သက်ကြီးပူဇော်ပွဲနှင့် ဇီဝိတဒါနစုပေါင်း ငါးလွှတ်ပွဲသို့ ပြည်နယ်ဝန်ကြီးချုပ်နှင့် ဇနီး၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ အစိုးရအဖွဲ့ညွှန်ကြားရေးမှူး၊ ပြည်နယ်/ ခရိုင်/ မြို့နယ် အဆင့်ဌာနဆိုင်ရာများ၊ လူမှုရေးအသင်းအဖွဲ့များ၊ ရပ်ကွက်အုပ်ချုပ်ရေးမှူးများ၊ ကန်တော့ခံ အဘိုး အဘွားများ တက်ရောက်ကြကြောင်း သိရှိရသည်။

                                                                                                                                                                           မောင်မောင်သန်း(တောင်ကြီး)

 

တောင်ကြီးမြို့၊ မြန်မာ့ရိုးရာယဉ်ကျေးမှုမဟာသင်္ကြန်ပွဲတော်ပိတ်ပွဲနှင့် ဆုချီးမြှင့်ခြင်းကျင်းပ

တောင်ကြီး ဧပြီ - ၁၆

 1012

   ၁၃၇၆-ခု တောင်ကြီးမြို့၊ မြန်မာ့ရိုးရာယဉ်ကျေးမှုမဟာသင်္ကြန်ပွဲတော်ပိတ်ပွဲနှင့် ဆုချီးမြှင့်ခြင်း အခမ်းအနားကို ဧပြီ(၁၆)ရက် ည(၅)နာရီက တောင်ကြီးမြို့ ဗဟိုမဏ္ဍပ်၌ ကျင်းပကြောင်းသိရသည်။

1011

   ပထမဦးစွာ ဆုရရှိသူများကို ဆုများချီးမြှင့်ပေးရာ အခြေခံပညာအထက်တန်းကျောင်းအဆင့်နှင့် ရပ်ကွက် အဝတ်အစား ဖန်တီးမှု ပထမ၊ ဒုတိယ၊ တတိယဆုရရှိသူများကို အရှေ့ပိုင်းတိုင်း စစ်ဌာနချုပ်မှ တိုင်းဦးစီးအရာရှိ တစ်ဦးမှ ဆုချီးမြှင့်ပေး၍ လည်းကောင်း၊ အကနည်းပြ(ရပ်ကွက်)တွင် ပထမ၊ ဒုတိယ၊ တတိယ၊ ဆုရရှိသူများကို ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌမှ လည်းကောင်း၊ တီးဝိုင်း(ကျောင်း) ပထမ၊ ဒုတိယ၊ တတိယဆုရရှိသူများကို ပြည်နယ်စာရင်းစစ်ချုပ်မှ လည်းကောင်း၊ တီးဝိုင်း(ရပ်ကွက်) ပထမ၊ ဒုတိယ၊ တတိယ ဆုရရှိသူများကို ပြည်နယ်ဥပဒေချုပ်မှ လည်းကောင်း၊ တေးရေးစပ်သူ(ကျောင်း)နှင့်(ရပ်ကွက်) ပထမ၊ ဒုတိယ၊ တတိယ ဆုရရှိသူများအဖွဲ့နှင့် ယိမ်းအဖွဲ့ဂုဏ်ပြုဆု ရရှိသူများကို ပြည်နယ်ဝန်ကြီးများမှ ဆုချီးမြှင့်၍ လည်းကောင်း၊ ယိမ်းအဖွဲ့ဂုဏ်ပြုဆုရ(ကျောင်း)အဖွဲ့ကို ပြည်နယ်တရား လွှတ်တော် တရားသူကြီးချုပ်၏ဇနီးနှင့် ပြည်နယ်တရားလွှတ်တော် တရားသူကြီးချုပ် ဦးကြွယ်ကြွယ်တို့မှ ဆုများချီးမြှင့်ပေး၍ လည်းကောင်း၊ သီချင်းသီဆိုသူ(ကျောင်း) ပထမ၊ ဒုတိယ၊ တတိယ ဆုရရှိသူများကို အရှေ့ပိုင်းတိုင်း စစ်ဌာနချုပ် တိုင်းမှူး၏ ဇနီး ဒေါ်ဌေးဌေးဝင်းမှ လည်းကောင်း၊ (ရပ်ကွက်)သီချင်းသီဆိုသူ ပထမ၊ ဒုတိယ၊ တတိယဆုရရှိသူများကို ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၏ ဇနီး ဒေါ်ဖြူဖြူညွန့်မှလည်းကောင်း၊ ယိမ်အဖွဲ့(ကျောင်း) ပထမ၊ ဒုတိယ၊ တတိယ ဆုရရှိသူများကို အရှေ့ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ်အေးဝင်းမှ လည်းကောင်း၊ ယိမ်းအဖွဲ့ (ရပ်ကွက်) ပထမ၊ ဒုတိယ၊ တတိယ ဆုရရှိသူများကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်တို့က ဆုများကို အသီးသီးချီးမြှင့်ပေးကြကြောင်းသိရသည်။

1010

   ဆက်လက်၍ ပြည်နယ်ဝန်ကြီးချုပ်မှ အကဲဖြတ်ဒိုင်အဖွဲ့များအား ဂုဏ်ပြုလက်ဆောင်ချီးမြှင့်ပေးပြီး၊ ဆုရရှိသည့် (ကျောင်း)ယိမ်းအဖွဲ့နှင့်(ရပ်ကွက်)ယိမ်းအဖွဲ့တို့မှ ကပြဖျော်ဖြေတင်ဆက်ကြကြောင်းသိရသည်။

1009

   ထို့နောက် ရှမ်ပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က ၁၃၇၆-ခု တောင်ကြီးမြို့ မြန်မာ့ရိုးရာ မဟာသင်္ကြန်ပွဲတော် ပိတ်သိမ်းလိုက်ကြောင်း ပြောကြားပြီး၊ သင်္ကြန်ပိတ်ပွဲတွင် "ရက်မြတ်သင်္ကြန်" တေးသီချင်းဖြင့် တေးသံရှင်အောင်အောင်နှင့် နွေးနွေးသီရိမောင်တို့က သီဆို၍ ယိမ်းအဖွဲ့များအားလုံး အဖွဲ့လိုက်တူညီကကွက်များဖြင့် ကကြ၍ အခမ်းအနားကို အောင်မြင်စွာရုပ်သိမ်း လိုက်ကြောင်းသိရှိရသည်။

                                                                                                                                                          မောင်မောင်သန်း(တောင်ကြီး)

 1013

ရွာငံမြို့နယ်အတွင်းရှိအသက်(၈၀)နှစ်နှင့် အထက်သက်ကြီးဘိုးဘွားများကန်တော့

တောင်ကြီး ဧပြီ - ၁၄

 1006

   ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်ဦးစဝ်အောင်မြတ်နှင့် ဇနီး ဒေါ်ဖြူဖြူညွန့်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ကယန်းတိုင်းရင်းသားရေးရာဝန်ကြီး၊ ဓနုကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ၊ ပြည်နယ်၊ ခရိုင်၊ မြို့နယ်အဆင့်ဌာနဆိုင်ရာများ လိုက်ပါလျက် ဧပြီ(၁၄)ရက်၊ နံနက်(၉)နာရီခွဲက ဓနုကိုယ်ပိုင်အုပ်ချုပ်ခွင့်ရဒေသ ရွာငံမြို့၊ ဗထူးခန်းမ၌ ကျင်းပသောမြို့ဦးမင်္ဂလာကျောင်းကြီးကျောင်းတိုက် တည်ဆောက်ရေးအတွက် အလှူငွေပေးအပ်ပွဲနှင့် ရွာငံမြို့နယ်အတွင်းရှိ အသက်(၈၀)နှစ်နှင့်အထက် သက်ကြီးဘိုးဘွားများ ကန်တော့ပွဲ အခမ်းအနားသို့ တက်ရောက်ကြ ကြောင်းသိရသည်။

   ပထမဦးစွာ အခမ်းအနားကို နမောတဿ(၃)ကြိမ်ရွတ်ဆိုဘုရားကန်တော့ ဖွင့်လှစ်ပြီး ပြည်နယ်ဝန်ကြီးချုပ်နှင့် ဇနီး၊ ဧည့်ပရိသတ်တို့က ဆရာတော်သံဃာတော်များကန်တော့၍ ငါးပါးသီလ ဆောက်တည်ကြကာ ဆရာတော်၊ သံဃာတော်များမှ မေတ္တာသုတ်နှင့် အန္တရာယ်ကင်းပရိတ်များ ချီးမြှင့်ပေးကြသည်။

   ဆက်လက်၍ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီး၊ တာဝန်ရှိသူတို့က သံဃာတော်များ အား လှူဖွယ်ပစ္စည်းများ ဆက်ကပ်လှူဒါန်းကြပြီး၊ မြို့ဦးမင်္ဂလာကျောင်းကြီးကျောင်းတိုက် တည်ဆောက်ရေးအတွက် အလှူငွေများပေးအပ် လှူဒါန်းကာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီး ဒေါ်ဖြူဖြူညွန့် မိသားစုတို့မှ အလှူငွေကျပ်သိန်း(၅၀)ပေး အပ်လှူဒါန်းရာ ကျောင်းတိုက်တည်ဆောက်ရေး ဂေါပကအဖွဲ့ ဥက္ကဌ ဦးအောင်ဖေမှ လက်ခံရယူ၍ ဂုဏ်ပြုမှတ်တမ်းလွှာများ ပြန်လည်ပေးအပ်၍လည်းကောင်း၊ ဦးကျော်ကျော်ဝင်းနှင့် ဇနီး ဒေါ်မေရင်မိသားစု New Star Light Construction ကုမ္ပဏီ၊ မန္တလေးမြို့မှ အလှူငွေကျပ်သိန်း(၅၀)၊ ဦးကျော်ဝင်း(MD)၊ သိန်းသန်းချီကုမ္ပဏီလီမီတက်၊ မူဆယ်မြို့မှ အလှူငွေကျပ်သိန်း(၅၀)၊ ဦးစိုင်းဖိလစ်ရီနှင့် ဇနီး ဒေါ်ဖြူဖြူမင်း၊ High Land Road ကုမ္ပဏီမှ အလှူငွေ ကျပ်သိန်း(၅၀)၊ လှူဒါန်းပေးရာ ဂုဏ်ပြုမှတ်တမ်းလွှာများ ပြန်လည်ပေးကြကြောင်းသိရသည်။

1007

   ထို့နောက် ဓနုပညာရေးဖောင်းဒေးရှင်းသို့ အလှူငွေပေးအပ်ရာ ဦးကျော်ဝင်း(MD)၊ သိန်းသန်းချီ ကုမ္ပဏီလီမီတက်၊ မူဆယ်မြို့မှ အလှူငွေကျပ်သိန်း(၅၀)၊ ဦးစိုင်းဖိလစ်ရီနှင့် ဒေါ်ဖြူဖြူမင်း၊ High Land Road ကုမ္ပဏီမှ အလှူငွေကျပ်သိန်း (၅၀)၊ ပေးအပ်လှူဒါန်းရာ ဓနုကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ၊ ဦးထူးကိုကိုမှ လက်ခံရယူပြီး၊ ဂုဏ်ပြု မှတ်တမ်းလွှာများ ပြန်လည်ပေးအပ်ကာ ရွှေပေါ်ကျွန်းကျောင်းပရိယတ္တိစာသင်တိုက်၊ မြို့နယ်သံဃာနာယက ဥက္ကဌ ဆရာတော် ဦးသာသနမှ အလှူအကျိုးတရားချီးမြှင့်ပေး၍ လှူဒါန်းမှု အစုစုတို့အတွက် အနုမောဒနနှင့်ရေစက်ချ တရားဟောကြား ချီးမြှင့် ကြောင်းသိရသည်။

   ၎င်းနောက် ပြည်နယ်ဝန်ကြီးချုပ်နှင့် ဇနီးမိသားစု၊ တာဝန်ရှိသူများက ဆရာတော်၊ သံဃာတော်များအား နေ့ဆွမ်း ဆက်ကပ်ပြီး ပြည်နယ်ဝန်ကြီးချုပ်နှင့် ဇနီး မိသားစုတို့နှင့် တာဝန်ရှိသူတို့သည် အသက်(၈၀)နှစ်နှင့် အထက်သက်ကြီးဘိုးဘွားများအား ပူဇော်ကန်တော့ကြ၍ လှူဖွယ်ပစ္စည်းများနှင့် ပူဇော်ကန်တော့ငွေများ လှူဒါန်းကြသည်။

1008

   ယင်းနောက် အဘိုး၊ အဘွားများ၏ ကိုယ်စားအဘိုးဦးအုန်းမောင်မှ ဆုတောင်း မေတ္တာပို့သပေး သည်။ ရွာငံမြို့နယ်အတွင်းရှိ အသက်(၈၀)နှစ်နှင့်အထက် သက်ကြီးဝါကြီးအဘိုး(၃၁၇)ဦး၊ အဘွား(၃၈၈) ဦး၊ စုစုပေါင်း(၇၀၅)ဦးတို့ကို ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီးမိသားစုတို့မှ ဘိုးဘွား(၁)ဦးလျှင် ငွေကျပ်(၃၀၀၀၀)နှုန်းဖြင့် ဘိုးဘွား(၇၀၅)ဦးအတွက် လှူဒါန်းငွေ (၂၁၁၅၀၀၀၀)(နှစ်ရာ့ဆယ်တစ်သိန်းငါးသောင်း)ကျပ်နှင့် ဘိုးဘွား(၁)ဦးလျှင် ကန်တော့ပစ္စည်း(၃)မျိုး၊ တန်ဖိုး(၅၀၀၀)နှုန်းဖြင့် ဘိုးဘွား(၇၀၅)ဦးအတွက် စုစုပေါင်းကန်တော့ပစ္စည်းတန်ဖိုး(၃၅၂၅၀၀၀) (သုံးဆယ်ငါးသိန်းနှစ်သောင်းငါးထောင်)၊ ဓနုကိုယ်ပိုင်အုပ်ချုပ်ခွင့်ရဒေသဦးစီးအဖွဲ့မှ ဘိုးဘွားများအတွက် ဘိုးဘွား(၁)ဦးလျှင် (၅၀၀၀)နှုန်းဖြင့် ဘိုးဘွား(၇၀၅)ဦးအတွက် လှူဒါန်းငွေကျပ်(၃၅၂၅၀၀၀) (သုံးဆယ်ငါးသိန်းနှစ်သောင်းငါးထောင်)၊ ရွာငံမြို့နယ်ရှိ ဌာနဆိုင်ရာများမှ ဘိုးဘွား(၁)ဦးလျှင် ကန်တော့ပစ္စည်း(၃)မျိုး တန်ဖိုး(၁၆၅၀)ကျပ်နှုန်းဖြင့်၊ ဘိုးဘွား(၇၀၅)ဦး အတွက် လှူဒါန်းပစ္စည်းတန်ဖိုးမှာ (၁၁၆၃၂၅၀)(တစ်ဆယ့်တစ်သိန်းခြောက်သောင်းသုံးထောင်နှစ်ရာငါးဆယ်) ရွာငံမြို့နယ်လုံးကျွတ် အသက်(၈၀)နှစ်  အထက်သက်ကြီးဘိုးဘွားများအား ပူဇော်ကန်တော့မှုတန်ဖိုးမှာ ကျပ်သိန်း(၃၅၃၆၃၂၅၀) (သုံးရာငါးဆယ်သုံးသိန်းခြောက်သောင်းသုံးထောင်နှစ်ရာငါးဆယ်)တိတိဖြစ်ကြောင်းသိရှိရသည်။

   ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီးဒေါ်ဖြူဖြူညွန့် မိသားစုတို့နှင့် လုပ်ငန်းရှင် များမှ မြို့ဦးမင်္ဂလာကျောင်းကြီးတည်ဆောက်ရေးအတွက် လှူဒါန်းငွေမှာ ကျပ်သိန်း(၂၀၀)ဖြစ်ပြီး၊ ပြည်နယ်ဝန်ကြီးချုပ် မိသားစုတို့မှ ဘုန်းကြီးကျောင်း(၁၅)ကျောင်းအတွက် (၁)ကျောင်းလျှင် ဝတ္ထုငွေကျပ်(၁)သိန်းနှင့် (၁၅၀၀၀)တန်ဖိုးရှိသော ကန်တော့ခြင်း(၁)ခြင်းအပါအဝင် ဘုန်းတော်ကြီးကျောင်း(၁၅)ကျောင်းအတွက် လှူဒါန်းမှုတန်ဖိုးမှာ (၁၇၂၅၀၀၀)ဖြစ်ပြီး၊ ပထမပိုင်း အခမ်းအနားတွင်  ဓနုပညာရေးဖောင်ဒေးရှင်းအတွက် လုပ်ငန်းရှင်များမှ လှူဒါန်းငွေကျပ်သိန်း(၁၀၀)၊ လှူဒါန်းမှု စုစုပေါင်းတန်ဖိုးမှာ(၃၁၇၂၅၀၀၀) (သုံးရာတစ်ဆယ်ခုနှစ်သိန်းနှစ်သောင်းငါးထောင်)၊ ဒုတိယပိုင်းအခမ်းအနားတွင် လှူဒါန်းမှု အစုစု၏တန်ဖိုးမှာ(၃၅၃၆၃၂၅၀) (သုံးရာငါးဆယ်သုံးသိန်း ခြောက်သောင်းသုံးထောင်နှစ်ရာငါးဆယ်)တိတိ၊ လှူဒါန်းပြီး စုစုပေါင်း ကျပ်သိန်း(၆၇၀၈၈၂၅၀) (ခြောက်ရာခုနှစ်ဆယ်သိန်းရှစ်သောင်းရှစ်ထောင်နှစ်ရာငါးဆယ်)တိတိ ဖြစ်ကြောင်းသိရသည်။

                                                                                                                                                                                              မောင်မောင်သန်း(တောင်ကြီး)

 

ရေရှားပါးသောဒေသများအား စက်ရေတွင်းများတူးဖော်လှူဒါန်းခြင်း၊ ရေကန်များဆောက်လုပ်လှူဒါန်းခြင်း၊ ရေပေးရေစီမံကိန်းများ ဆောင်ရွက်ခြင်းနှင့် ရေအောင်ပွဲ ရေစက်ချ အလှူတော်မင်္ဂလာ ကျင်းပ

တောင်ကြီး ဧပြီ - ၉

 998

   ပြည်ထောင်စုသမ္မတမြန်မာနိုင်ငံတော် ဒုတိယသမ္မတ ဒေါက်တာစိုင်းမောက်ခမ်း၏ ဇနီး ဒေါ်နန်းရွှေမှုန်၊ ရှမ်းပြည်နယ် အစိုးရအဖွဲ့၊ ပြည်နယ်ဝန်ကြီးချုပ်ဦးစဝ်အောင်မြတ်နှင့် ဇနီး ဒေါ်ဖြူဖြူညွှန့်၊ အရှေ့ပိုင်းတိုင်းစစ်ဌာနချုပ် တိုင်းမှူးဗိုလ်ချုပ် အေးဝင်းနှင့် ဇနီး၊ ပြည်နယ်ဝန်ကြီးများနှင့် တာဝန်ရှိသူတို့သည် ဧပြီ(၉)ရက်၊ နံနက်(၉)နာရီခွဲက ကလောမြို့နယ်၊ ဘော်ဆိုင်းမြို့၊ ရွှေမြစည်းကျောင်း၌ ကျင်းပသော ကမ္ဘောဇဘဏ်လီမိတက် ဥက္ကဌ ဝဏ္ဏကျော်ထင် စည်သူ ဦးအောင်ကိုဝင်းနှင့် ဇနီး၊ ဒုတိယဥက္ကဌ သီဟသုဓမ္မသိင်္ဂီ၊ သီရိသုဓမ္မသိင်္ဂီ၊ အဂ္ဂမဟာ သီရိသုဓမ္မသိင်္ဂီ ဒေါ်နန်းသန်းထွေး လူမှုထူးချွန် ပထမဆင့် မိသားစုနှင့် ကမ္ဘောဇဘဏ်လီမိတက် အရာထမ်း၊ ဝန်ထမ်းများမှ ရှမ်းပြည်နယ်(တောင်ပိုင်း) ဘော်ဆိုင်း၊ ဟဲဟိုး၊ အောင်ပန်း၊ ကလော၊ ပင်းတယ၊ တောင်ကြီး၊ ဟိုပုံး၊ နမ့်စန်၊ ရေရှားပါးသောဒေသများအား စက်ရေတွင်းများတူးဖော်လှူဒါန်းခြင်း၊ ရေကန်များဆောက်လုပ် လှူဒါန်းခြင်း၊ ရေပေးရေ စီမံကိန်းများ ဆောင်ရွက်ခြင်းနှင့် ရေအောင်ပွဲ ရေစက်ချ အလှူတော်မင်္ဂလာ အခမ်းအနားသို့ တက်ရောက်ကြကြောင်းသိရသည်။

   ပထမဦးစွာ အခမ်းအနားကို နမောတဿအစရှိသော ဗုဒ္ဓဝန္ဒနာဂါထာတော်ဖြင့်(၃)ကြိမ်ရွတ်ဆို ဘုရားကန်တော့၍ ဖွင့်လှစ်ပြီး၊ ကမ္ဘောဇကုမ္ပဏီများအုပ်စု ဦးကျော်ကျော်စိုးမှ စက်ရေတွင်းများတူးဖော် လှူဒါန်းရခြင်း သမိုင်းကြောင်းအား အကျဉ်းချုပ် ရှင်းလင်းလျှောက်ထားပြီး ဘော်ဆိုင်းမြို့၊ အုပ်ချုပ်ရေးမှူး ဦးအောင်သန်းမှ သောက်သုံးရေရရှိခြင်းအတွက် ဝမ်းသာပိတိ စကားလျှောက်ထားသည်။

   ဆက်လက်၍ ဆရာတော်ဘုရားအား ကန်တော့်၍ ငါးပါသီလခံယူဆောက်တည်ကြပြီး၊ ဆရာတော်၊ သံဃာတော်များ ရွတ်ပွားသရဇ္စျယ် ချီးမြှင့်အပ်သော ပရိတ်တရားတော်များကို နာယူကြကာ ပြည်ထောင်စုသမ္မတမြန်မာနိုင်ငံတော် ဒုတိယသမ္မတ ဒေါက်တာစိုင်းမောက်ခမ်း၏ ဇနီး ဒေါ်နန်းရွှေမှုန်၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်နှင့် ဇနီး၊ အရှေ့ပိုင်းတိုင်းစစ်ဌာနချုပ် တိုင်းမှူးနှင့် ဇနီး၊ ကမ္ဘောဇဘဏ်လီမိတက် ဥက္ကဌ ဝဏ္ဏကျော်ထင် စည်သူ ဦးအောင်ကိုဝင်းနှင့် ဇနီး၊ ဒုတိယဥက္ကဌ သီဟသုဓမ္မသိင်္ဂီ၊ သီရိသုဓမ္မသိင်္ဂီ၊ အဂ္ဂမဟာ သီရိသုဓမ္မသိင်္ဂီ ဒေါ်နန်းသန်းထွေး၊ ပြည်နယ်ဝန်ကြီးများနှင့် တာဝန်ရှိသူတို့က ဆရာတော်၊ သံဃာတော်များအား လှူဖွယ်ဝတ္ထုများ ဆက်ကပ်လှူဒါန်းကြကြောင်း သိရသည်။

   ထို့နောက် ဆရာတော်ထံမှ လှူဒါန်းမှု အစုစုတို့အတွက် အနုမောဒနာတရားနာကြာပြီး၊ ရေစက်သွန်းချ အမျှပေးဝေကာ အခမ်းအနားကို ဗုဒ္ဓသာသနံ စိရံတိဌတု(၃)ကြိမ်ရွတ်ဆို ဆုတောင်း၍ ရုပ်သိမ်းလိုက်ပြီး၊ ဆရာတော်၊ သံဃာတော်များအား နေ့ဆွမ်းဆက်ကပ်လှူဒါန်းကြကြောင်းသိရှိရသည်။

   အဆိုပါအခမ်အနားသို့ ဒေသခံမိဘပြည်သူများ၊ အနုပညာရှင်များ၊ ဖိတ်ကြားထားသည့် ဧည့်သည်တော်များ တက်ရောက်ကြကြောင်းသိရသည်။

                                                                        မောင်မောင်သန်း(တောင်ကြီး)

 

၁၃၇၆ခုနှစ်၊ တောင်ကြီးမြို့ မြန်မာ့ရိုးရာယဉ်ကျေးမှု မဟာသင်္ကြန်ပွဲတော် ဖွင့်ပွဲကျင်းပ

တောင်ကြီး ဧပြီ - ၁၃

 1004

   ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီးဒေါ်ဖြူဖြူညွန့်၊ ပြည်နယ်တရားလွှတ်တော် တရားသူကြီးချုပ်နှင့် ဇနီး၊ ပြည်နယ်ဝန်ကြီးများနှင့် ဇနီးများ၊ ပြည်နယ်ဥပဒေချုပ်နှင့် ဇနီး၊ ပြည်နယ်စာရင်းစစ်ချုပ်နှင့် ဇနီး၊ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ဥက္ကဌနှင့် ဇနီး၊ ပြည်နယ်အစိုးရအဖွဲ့၊ အတွင်းရေးမှူးနှင့် ဇနီး၊ တာဝန်ရှိသူတို့သည် ဧပြီ(၁၃)ရက် ညနေ(၄)နာရီက တောင်ကြီးမြို့ အရှေ့ပိုင်းတိုင်း စစ်ဌာနချုပ် "ရွှေနေကြာ" ရေကစားမဏ္ဍပ်သို့ တက်ရောက် ချီးမြှင့်အားပေးကြကြောင်း သိရသည်။

   အခမ်းအနားတွင် အရှေ့ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ်အေးဝင်းကအဖွင့် အမှာစကားပြောကြားပြီး "ရွှေနေကြာ" ရေကစားမဏ္ဍပ်ကို ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ အရှေ့ပိုင်းတိုင်း စစ်ဌာနချုပ်တိုင်းမှူး၊ ဗိုလ်ချုပ်အေးဝင်း၊ တိုင်းစစ်ဌာနချုပ် စစ်ဦးစီးအရာရှိတို့က ဖဲကြိုးဖြတ်ဖွင့်လှစ်ပေးကြပြီး ပြည်နယ်ဝန်ကြီးချုပ်၊ တိုင်းမှူးတို့က ယိမ်းအကအဖွဲ့များကို အတာရေပက်ဖျန်းပေးကြကြောင်းသိရသည်။

1005

   ဆက်လက်၍ ပြည်နယ်ဝန်ကြီးချုပ်နှင့် ဇနီး၊ တိုင်းမှူးနှင့် ဇနီး၊ ပြည်နယ်တရားလွှတ်တော် တရားသူကြီးချုပ်နှင့် ဇနီး၊ ပြည်နယ်ဝန်ကြီးများနှင့် ဇနီးများ၊ တာဝန်ရှိသူတို့သည် တိုင်းရင်းသားငြိမ်းချမ်းရေး မဟာသင်္ကြန်မဏ္ဍပ်သို့ ရောက်ရှိလာရာ ဖွင့်ပွဲကို ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ အရှေ့ပိုင်းတိုင်း စစ်ဌာနချုပ်တိုင်းမှူး ဗိုလ်ချုပ်အေးဝင်း၊ ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးအောင်သူ၊ ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌ ဦးခွန်စံလွင်၊ ငြိမ်းချမ်းရေးအဖွဲ့မှ တာဝန်ရှိသူတို့က ဖဲကြိုးဖြတ်ဖွင့်လှစ်ပေးကြသည်။

   ထို့နောက် ရှမ်းယဉ်ကျေးမှုအကအဖွဲ့၊ ပအိုဝ်းယဉ်ကျေးမှု အကအဖွဲ့၊ ကိုးကန့်ယဉ်ကျေးမှု အကအဖွဲ့နှင့် တိုင်းရင်းသားပေါင်းစုံ ယဉ်ကျေးမှုအကဖွဲ့တို့က ယိမ်းအကများဖြင့် ဖျော်ဖြေကြပြီး ပြည်နယ်ဝန်ကြီးချုပ်နှင့် ဇနီး၊ တိုင်းမှူးနှင့် ဇနီး၊ ပြည်နယ်ဝန်ကြီးများနှင့် ဒေသဦးစီးဥက္ကဌတို့က ယိမ်းအကအဖွဲ့များကို အတာရေပက်ဖျန်းပေးကြသည်။

   ၎င်းနောက် ပြည်နယ်ဝန်ကြီးချုပ်နှင့် ဇနီး၊ တိုင်းမှူးနှင့် ဇနီး၊ ပြည်နယ်တရားလွှတ်တော် တရားသူကြီးချုပ်နှင့် ဇနီး၊ ပြည်နယ်ဝန်ကြီးများနှင့် ဇနီးများ၊ တာဝန်ရှိသူတို့သည် ဗဟိုမဏ္ဍပ်သို့ရောက်ရှိကာ၊ တောင်ကြီးမြို့ မြန်မာ့ရိုးရာယဉ်ကျေးမှု မဟာသင်္ကြန်ပွဲတော်ကို စတင်ကျင်းပရာ အခမ်းအနားတွင် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က ၁၃၇၆-ခု မဟာသင်္ကြန်ပွဲတော်ဖွင့်ပွဲ၊ အဖွင့်အမှာစကားပြောကြားပြီး တောင်ကြီးမြို့ မြန်မာ့ရိုးရာ ယဉ်ကျေးမှု မဟာသင်္ကြန်ပွဲတော်ကို ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ အရှေ့ပိုင်းတိုင်း စစ်ဌာနချုပ်တိုင်းမှူး ဗိုလ်ချုပ်အေးဝင်း၊ မြန်မာ့ရိုးရာမဟာသင်္ကြန်ပွဲတော် ကျင်းပရေးဦးစီးကော်မတီ ဥက္ကဌ ပြည်နယ်စည်ပင် သာယာရေးဝန်ကြီး ဦးစိုင်းလှဝင်းတို့က မဟာသင်္ကြန်ပွဲတော်ကို ဖဲကြိုးဖြတ်ဖွင့်လှစ်းပေးကြသည်။

   ယင်းနောက် သင်္ကြန်ပွဲတော်အဖွင့်တွင် မန်းတောင်ရိပ်ခို(မြနန္ဒာ)သီချင်းဖြင့် ယိမ်းအဖွဲ့များအားလုံး အဖွဲ့လိုက် တူညီကကွက်များဖြင့် ပါဝင်ကပြကြ၍ ပြည်နယ်ဝန်ကြီးချုပ်နှင့် ဇနီး၊ တိုင်းမှူးနှင့် ဇနီး၊ ပြည်နယ်ဝန်ကြီးမျာနှင့် တာဝန်ရှိသူတို့ သည် ယိမ်းအဖွဲ့များကို  အတာရေပက်ဖျန်းပေးကြသည်။

   ထို့နောက် ပြည်နယ်ဝန်ကြီးချုပ်နှင့် ဇနီး၊  တိုင်းမှူးနှင့် ဇနီး၊ ပြည်နယ်ဝန်ကြီးများနှင့် ဇနီးတို့သည် ပြည်ထဲရေး ဝန်ကြီးဌာန မဏ္ဍပ်သို့ရောက်ရှိလာပြီးဖွင့်ပွဲကို ပြည်နယ်ဝန်ကြီးချုပ်ဦးစဝ်အောင်မြတ်၊ တိုင်းမှူးဗိုလ်ချုပ်အေးဝင်းနှင့် အစိုးရအဖွဲ့၊ အတွင်းရေးမှူး ဦးမြင့်အောင်တို့က ဖဲကြိုးဖြတ်ဖွင့်လှစ်ပေးကြပြီး ယိမ်းအဖွဲ့များက "မြနန္ဒာ" တေးသီချင်းဖြင့် ဖျော်ဖြေတင်ဆက်ကြကြောင်း သိရှိရသည်။

                                                                    မောင်မောင်သန်း(တောင်ကြီး)

 

တောင်ကြီးမြို့နယ်၊ အေးသာယာ ပြည်သူ့ဝန်ထမ်းအိမ်ရာများချမှတ်ပေး

တောင်ကြီး   ဧပြီ   ၈

 996

   ရှမ်းပြည်နယ်အစိုးရအဖွဲ့မှ စီမံဖော်ထုတ်သော တောင်ကြီးမြို့နယ်၊ အေးသာယာ ပြည်သူ့ ဝန်ထမ်းအိမ်ရာချမှတ် ပေးသည့် အခမ်းအနားကို ဧပြီ(၈)ရက် နံနက်(၈)နာရီက တောင်ကြီးမြို့၊ မြို့တော်ခန်းမ၌ ကျင်းပရာ၊ ရှမ်းပြည်နယ်အစိုးရအဖွဲ့ ပြည်နယ်လမ်းပန်းဆက်သွယ် ရေးဝန်ကြီး ဦးစိုင်းနော်ခမ်းက အဖွင့်အမှာစကားပြောကြားကြောင်း သိရသည်။

   ဆက်လက်၍ ကော်မတီ(၃)ရပ်မှ ပြည်သူ့ဝန်ထမ်းအိမ်ရာများကို ပြည်သူများကိုယ်စား တိုက်(၁)၊ တိုက်(၂)၊ မြေညီထပ်၊ ပထမ၊ ဒုတိယ၊ တတိယ၊ စတုတ္ထထပ်တို့အား မဲနှိုက်ချမှတ်ပေးကြ ကြောင်းသိရသည်။ 

   ရှမ်းပြည်နယ်အစိုးရအဖွဲ့မှ စီမံဖော်ထုတ်သော တောင်ကြီးမြို့နယ်၊ အေးသာယာ ပြည်သူ့ ဝန်ထမ်းအိမ်ရာကို ရှမ်းပြည်နယ် အစိုးရအဖွဲ့မှ လမ်းတံတားဆောက်လုပ်ခြင်းလုပ်ငန်းများအတွက် ကျပ်သန်း(၉၀၀၀၀၀၀၀၀)ကျော်၊ လျှပ်စစ်မီး သွယ်တန်းခြင်းလုပ်ငန်းအတွက် ကျပ်သန်း (၂၄၆၈၀၉၆၄၀၀)ကျော်နှင့် သန့်ရှင်းသော သောက်သုံးရေရရှိရေးလုပ်ငန်းအတွက် ကျပ်သန်း (၄၁၈၇၈၇၄၀၀၀)ကျော် စုစုပေါင်း ကျပ်သန်းပေါင်း(၇၅၅၅၉၇၀၄၀၀)ကျော်ကို ကျခံသုံးစွဲ၍ စီမံ ဖော်ထုတ်ပေးလျက် ရှိပြီး၊ တိုက်ခန်းဝယ်ယူရရှိမည့်သူများသည် အဆောက်အဦ၏ အခန်းတန်ဖိုး ကျသင့်ငွေကိုသာ ပေးချေရမည်ဖြစ်ကြောင်း သိရသည်။

   အဆိုပါ အေးသာယာ ပြည်သူ့ဝန်ထမ်းအိမ်ရာသည် (၄)ခန်းတွဲ (၅)ထပ်၊ (၁၃၅)လုံး၊ အခန်း ပေါင်း(၂၇၀၀)ကို အလုံး(၄၀)ဆောက်လုပ်ပြီစီးပြီး၊ အလုံး(၆၀)ကို စတင်ဆောင်ရွက်နေကြောင်းနှင့် ရှမ်းပြည်နယ်အစိုးရအဖွဲ့သို့ (၂၀၁၅) ဒီဇင်ဘာလတွင် မင်းကျန်စစ် ဆောင်လုပ်ရေးကုမ္ပဏီမှ လွှဲပြောင်းပေးအပ်သွားမည်ဖြစ်ကြောင်း သိရှိရပြီး၊ အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်လမ်းပန်းဆက်သွယ်ရေးဝန်ကြီး၊ ပြည်နယ်/ ခရိုင်/ မြို့နယ်အဆင့် ဌာနဆိုင်ရာ တာဝန်ရှိသူ များ၊ ခရိုင် စီမံခန့်ခွဲမှုကော်မတီ၊ မြို့နယ်ဖွံ့ဖြိုး တိုးတက်ရေးအထောက်အကူပြု ကော်မတီ၊ မြို့နယ်စည်ပင်သာယာရေး ကော်မတီ၊ ကုမ္ပဏီလုပ်ငန်းရှင် တာဝန်ရှိသူများ တက်ရောက်ကြကြောင်း သိရှိရ သည်။

                                                                                                                                                                             မောင်မောင်သန်း(တောင်ကြီး)

 

ရှမ်းပြည်နယ်စည်ပင်သာယာရေးကော်မတီ၊ လုပ်ငန်းသဘောတူစာချုပ်များ လက်မှတ်ရေးထိုးပွဲ ကျင်းပ

တောင်ကြီး   ဧပြီ   ၇

992

   ရှမ်းပြည်နယ် တောင်ကြီးမြို့၊ Hotel Convention ဟိုတယ်လုပ်ငန်း မြေငှားရမ်း၍ (BOT) စနစ် ဖြင့် လုပ်ကိုင်ဆောင်ရွက်မှု သဘောတူစာချုပ်အား ပြင်ဆင်သည့်စာချုပ်၊ တောင်ကြီးမြို့၊ ပုဂ္ဂလိကအမှိုက် နှင့် မိလ္လာသိမ်းဆည်းရေးလုပ်ငန်းသဘောတူစာချုပ်၊ (MOA)၊ တာချီလိတ်မြို့ ပါဆတ်ကားလေးဝင်း ယာဉ်ရပ်နား စခန်းမြေငှားရမ်း၍ (BOT)စနစ်ဖြင့် လုပ်ငန်းလုပ်ကိုင်ဆောင်ရွက်ခွင့် သဘောတူစာချုပ်အား ပြင်ဆင်သည့်  ပြင်ဆင်ချက်စာချုပ်နှင့် တာချီလိတ်မြို့၊ ဝမ်ကောင်းမြို့မစျေး အဆင့်မြှင့်တင်တည်ဆောက် ခြင်း လုပ်ငန်းဆောင်ရွက်မှု သဘောတူစာချုပ်အား ပြင်ဆင်သည့် ပြင်ဆင်ချက်စာချုပ် လက်မှတ်ရေးထိုး ခြင်းကို ဧပြီ(၇)ရက် နံနက်(၈)နာရီက တောင်ကြီးမြို့၊ မြို့တော်ခန်းမ၌ ကျင်းပကြောင်း သိရသည်။

   အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာ စကားပြောကြားရာ၊ ရှမ်းပြည်နယ်အတွင်းရှိ ရှမ်းပြည်နယ်အစိုးရအဖွဲ့နှင့် ဒေသန္တရဖွံ့ဖြိုးတိုးတက်ရေး လုပ်ငန်းများ၊ မြို့ပြ ဖွံ့ဖြိုးတိုးတက်ရေးလုပ်ငန်းများကို ပြည်ထောင်စု အစိုးရအဖွဲ့၏ မူဝါဒဆိုင်ရာ လမ်းညွှန် ချက်နှင့်အညီ ပုဂ္ဂလိက အခန်းကဏ္ဍမြှင့်တင်ရေး၊ စတုတ္ထပြုပြင်ပြောင်းလဲရေး လုပ်ငန်းစဉ်အဖြစ် ပြည်ထောင်စု အစိုးရအဖွဲ့ နိုင်ငံတော်တာဝန်စတင်တာဝန်ထမ်းဆောင်ခဲ့သည့်အချိန်ကစပြီး အရှိန်အဟုန်နဲ့ ဆောင်ရွက်ခဲ့ပါကြောင်း၊ လက်ရှိကာလတွင် တိုင်းရင်းသားပုဂ္ဂလိက လုပ်ငန်းရှင်ကုမ္ပဏီများနှင့် ဒေသန္တရ ဖွံ့ဖြိုးရေး စီမံကိန်းများ၊ မြို့ပြ ဖွံ့ဖြိုးရေးစီမံကိန်းများ အကောင်အထည်ဖော် ဆောင်ရွက်မှု အများအပြား ဆောင်ရွက်ခဲ့ပြီး၊ စည်ပင်သာယာရေးဆိုင်ရာ မြို့ပြဖွံ့ဖြိုးတိုးတက်ရေး စီမံကိန်းများကို လက်ရှိကာလအထိ တောင်ကြီး၊ လားရှိုး၊ မူဆယ်၊ ကျိုင်းတုံ၊ တာချီလိတ်၊ တန့်ယန်းမြို့များတွင် လုပ်ငန်း(၁၄)ခု သဘောတူ စာချုပ်ချုပ်ဆိုပြီး ဆောင်ရွက်လျက်ရှိပါကြောင်း၊ အချို့လုပ်ငန်းများသည် ဆောင်ရွက်ပြီးစီးသွားပြီဖြစ်၍ အချို့လုပ်ငန်းများကိုဆောင်ရွက်ဆဲလုပ်ငန်းများအဖြစ် ဆက်လက်ဆောင်ရွက်လျက်ရှိပါကြောင်း ပြောကြား သွားသည်။

   ဆက်လက်၍ ရှမ်းပြည်နယ်အစိုးရအဖွဲ့ ပြည်နယ်စည်ပင်သာယာရေးဝန်ကြီး၊ ပြည်နယ် စည်ပင် သာယာရေးကော်မတီ ဥက္ကဌ ဦးစိုင်းလှဝင်းက လုပ်ငန်းသဘောတူစာချုပ်လက်မှတ်ရေးထိုးမည့် လုပ်ငန်း များ နှင့် ပတ်သက်၍ ရှင်းလင်းပြောကြားပြီး၊ ပြည်နယ်ဥပဒေချုပ် ဦးမောင်မောင်မှ ဥပဒေဆိုင်ရာလုပ်ငန်း သဘောတူ စာချုပ်ထုံးတမ်းများနှင့် ပတ်သက်၍ ဂရုပြုရန်များနှင့် လိုအပ်သည်များ ရှင်းလင်းပြောကြား သည်။

   ထို့နောက် တောင်ကြီးမြို့၊ Hotel Convention ဟိုတယ်လုပ်ငန်း မြေငှားရမ်း၍ (BOT) စနစ်ဖြင့် လုပ်ကိုင်ဆောင်ရွက်မှု သဘောတူစာချုပ်အား ပြင်ဆင်သည့်စာချုပ်ပါအကြောင်းအရာ အချက်အလက်များ ကို (CEO Co.,Ltd)မှ အုပ်ချုပ်မှုဒါရိုက်တာ ဦးမင်းဟန်၊ ပုဂ္ဂလိကအမှိုက်နှင့် မိလ္လာသိမ်းဆည်းရေးလုပ်ငန်း သဘောတူစာချုပ်နှင့် ပတ်သက်၍ မွှေးတောင်ကြီး ကုမ္ပဏီလီမိတက်မှ အတွင်းရေးမှူး ဒေါ်ဝင်းပပကျော်၊ တာချီလိတ်မြို့ ပါဆတ်ကားလေးဝင်းယာဉ်ရပ်နားစခန်း မြေငှားရမ်း၍ (BOT)စနစ်နှင့် ဝမ်ကောင်းမြို့မ စျေး အဆင့်မြှင့်တင် တည်ဆောက်ခြင်းလုပ်ငန်း ဆောင်ရွက်မှုသဘောတူစာချုပ်နှင့် ပတ်သက်၍ မန်နေးဂျင်းဒါရိုက်တာ ဦးစိုင်းဝန်းပန်တို့က အသီးသီး ရှင်းလင်းတင်ပြကြသည်။

   ၎င်းနောက် လုပ်ငန်းသဘောတူစာချုပ်များ လက်မှတ်ရေးထိုးရာ တောင်ကြီးမြို့နယ်၊ စည်ပင် သာယာရေး ကော်မတီနှင့် (CEO) ကုမ္ပဏီလီမိတက်တို့အကြား ချုပ်ဆိုသော တောင်ကြီးမြို့၊ Hotel Convention ဟိုတယ်လုပ်ငန်း မြေငှားရမ်း၍ (BOT) စနစ်ဖြင့် လုပ်ကိုင်ဆောင်ရွက်ခွင့် သဘောတူ စာချုပ်မှာ အငှားချထားသူ ရှမ်းပြည်နယ် စည်ပင်သာယာရေးကော်မတီ အတွင်းရေးမှူး၊ အသိသက်သေ များအဖြစ် ပြည်နယ်စည်ပင်သာယာရေးကော်မတီ အဖွဲ့ဝင်၊ တောင်ကြီးမြို့နယ် စည်ပင်သာယာရေး ကော်မ တီ ဥက္ကဌ၊ စည်ပင်သာယာရေးကော်မတီ အတွင်းရေးမှူးတို့က လက်မှတ်ရေးထိုးပြီး၊ အငှားချထားခြင်းခံရ သူ (CEO) ကုမ္ပဏီလီမိတက်မှ အုပ်ချုပ်မှုဒါရိုက်တာနှင့် အသိသက်သေများတို့က လက်မှတ်ရေးထိုး၍ လည်းကောင်း၊ တောင်ကြီးမြို့၊ ပုဂ္ဂလိကအမှိုက်နှင့် မိလ္လာသိမ်းဆည်းရေးလုပ်ငန်း သဘောတူစာချုပ်တွင် လုပ်ငန်းအပ်နှံသူ တောင်ကြီးမြို့နယ် စည်ပင်သာယာရေးကော်မတီ အတွင်းရေးမှူးနှင့် အသိသက်သေ များက လက်မှတ်ရေးထိုး၍၊ လုပ်ငန်းလက်ခံသူ မွှေးတောင်ကြီး စီးပွားရေးလုပ်ငန်းအုပ်စု အတွင်းရေးမှူး နှင့် အသိသက်သေများက လက်မှတ်ရေးထိုး၍လည်းကောင်း၊ တာချီလိတ်မြို့ ပါဆတ်ကားဝင်း ယာဉ်ရပ်နားစခန်း မြေငှားရမ်း၍ (BOT) စနစ်ဖြင့် လုပ်ကိုင်ဆောင်ရွက်မှု သဘောတူစာချုပ် ပြင်ဆင်ချက် စာချုပ်နှင့် ဝမ်ကောင်းမြို့မစျေး အဆင့်မြှင့်တင် တည်ဆောက်ခြင်းလုပ်ငန်းဆောင်ရွက်မှု ပြင်ဆင်စာချုပ်တို့ တွင် အငှားချထားသူ ရှမ်းပြည်နယ် စည်ပင်သာယာရေးကော်မတီ အတွင်းရေးမှူးနှင့် အသိသက်သေများ တို့က လက်မှတ်ရေးထိုး၍လည်းကောင်း၊ အငှားချထားခြင်းခံရသူ မင်းခေတ်သစ် ကုမ္ပဏီလီမိတက်မှ မန်နေးဂျင်းဒါရိုက်တာနှင့် အသိသက်သေများတို့က လက်မှတ်ရေးထိုးကြကြောင်း သိရသည်။

   အဆိုပါအခမ်းအနားသို့ ရှမ်းပြည်နယ်အစိုးရအဖွဲ့ပြည်နယ်ဝန်ကြီးချုပ်၊ ပြည်နယ်တရား လွှတ်တော် တရားသူကြီးချုပ်၊ ပြည်နယ်ဝန်ကြီးများ၊ တိုင်းရင်းသားရေးရာဝန်ကြီးများ၊ ပြည်နယ် ဥပဒေချုပ်၊ ပြည်နယ် အစိုးရအဖွဲ့ အတွင်းရေးမှူး၊ ပြည်နယ်/ ခရိုင်/ မြို့နယ်အဆင့် ဌာနဆိုင်ရာများ၊ ပြည်နယ်/ မြို့နယ် စည်ပင် သာယာရေးကော်မတီဝင်များ၊ တောင်ကြီးမြို့နယ် ဖွံ့ဖြိုးတိုးတက်ရေး အထောက်အကူပြုကော်မတီဝင်များ၊ တောင်ကြီးမြို့ပေါ်ရှိ (၂၂)ရပ်ကွက်မှ အုပ်ချုပ်ရေးမှူးများနှင့်၊ ရပ်ကွက်ဖွံ့ဖြိုးရေး အထောက်အကူပြု ကော်မတီဝင်များ၊ သဘောတူစာချုပ်များ လက်မှတ်ရေးထိုးကြမည့် ကုမ္ပဏီများမှ လုပ်ငန်းရှင်များ တက်ရောက်ကြကြောင်း သိရှိရသည်။

                                                                                                                                                                      မောင်မောင်သန်း(တောင်ကြီး)

 

(၁၅)ကြိမ်မြောက်၊ ကယန်းအမျိုးသားနေ့ ကျင်းပ

တောင်ကြီး ဧပြီ - ၁၀

999

   (၁၅)ကြိမ်မြောက်၊ ကယန်းအမျိုးသားနေ့ကို ဧပြီ(၁၀)ရက်၊ နံနက်(၉)နာရီက ပင်လောင်းမြို့နယ်၊ လုံးပျဉ်ကျေးရွာ အုပ်စု၊ မြောက်စလုံးကျေးရွာ၌ ကျင်းပကြောင်းသိရသည်။

   အခမ်းအနားတွင် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က အမှာစကား ပြောကြားတွင် ကယန်းတိုင်းရင်းသားများ၏ (၁၅)ကြိမ်မြောက်၊ အမျိုးသားနေ့ဖြစ်သည့်အတွက် တိုင်းရင်းသား သွေးချင်းညီအကိုမောင်နှမ အားလုံး နှလုံးစိတ်ဝမ်းအေးချမ်းပြီး၊ ကောင်းကျိုးမင်္ဂလာအဖြာဖြာနှင့် ပြည့်စုံကြပါစေဟု ဆုမွန်ကောင်းတောင်းလျှက် နှုတ်ခွန်ဆက်သအပ်ပါကြောင်း၊ ရှမ်းပြည်နယ်သည် ပြည်ထောင်စုသမ္မတ မြန်မာနိုင်ငံတော်၏ အရှေ့ဘက်ခြမ်းတွင် တည်ရှိပြီး၊ ပြည်နယ်နှင့်တိုင်းဒေသကြီးများအနက် အကြီးမားဆုံးနှင့် အကျယ်အဝန်းဆုံးပြည်နယ်တစ်ခုဖြစ်ပါကြောင်း၊ တန်ဖိုးမဖြတ် နိုင်သည့် ယဉ်ကျေးမှုအမွေအနှစ်များ ပေါကြွယ်ဝပြီး၊ သဘာဝတောတောင်လိုဏ်ဂူ၊ လျှိုမြောင်စိမ့်စမ်းတို့ဖြင့် ထူးခြား၍ အေးချမ်းသာယာသောကြောင့် တိုင်းရင်းသားမျိုးနွယ်စုပေါင်း(၃၀)ကျော် လူဦးရေ(၅၈)သိန်းကျော်ဖြင့် အတူတကွငြိမ်းချမ်းစွာ စုပေါင်း နေထိုင်လျှက်ရှိပါကြောင်း၊ ရှမ်းပြည်နယ်ဟု ဆိုသော်လည်း၊ ရှမ်း၊ ပအိုဝ်း၊ ဓနု၊ အင်းသား၊ ဗမာ၊ ပလောင်၊ တောင်ရိုး၊ လားဟူ၊ အာခါ၊ "ဝ"၊ ကချင်၊ ကယန်း၊ ကိုးကန့်၊ စသည့် တိုင်းရင်းသားမျိုးစုံ စုပေါင်းနေထိုင်သည့် ပြည်နယ်တစ်ခုအဖြစ် မြင်တွေ့ရပါကြောင်း၊ ကယန်းအမျိုးသားနေ့အခမ်းအနားတွင် ရှမ်းပြည်နယ်အတွင်း၌ မှီတင်းနေထိုင်ကြသော တိုင်းရင်းသား ညီအစ်ကိုမောင်နှမအားလုံးသည် ရှမ်းပြည်နယ်ကြီးအား အဖက်ဖက်မှ ဖွံ့ဖြိုးတိုးတက်စေရန်နှင့် ပြည်ထောင်စု သမ္မတမြန်မာနိုင်ငံတော်ကြီးအား အေးချမ်းသာယာပြီး၊ ခေတ်မီဖွံ့ဖြိုးတိုးတက်သော ပါတီစုံဒီမိုကရေစီ နိုင်ငံတော်ကြီးဖြစ်စေရန် အတွက် တိုင်းရင်းသားစည်းလုံးညီညွတ်မှု တည်းဟူသော ပင်လုံစိတ်ဓါတ်ကို အခြေခံ၍ နိုင်ငံသားအားလုံး လိုက်နာစောင့်ထိန်းရမည့် အမျိုးသားရေးတာဝန်ကို အတူလက်တွဲ ဖော်ဆောင်သွားကြရန် တိုက်တွန်းပြောကြားသွားသည်။ 

   ဆက်လက်၍ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၏ သဝဏ်လွှာအား ကယန်းတိုင်းရင်းသား ရေးရာ ဝန်ကြီး၊ ဦးလောရင်းမှ ဖတ်ကြားပြီး၊ သဘာပတိ ဦးတိုးပေါနှင့် ကယန်းစာပေနှင့် ယဉ်ကျေးမှုကော်မတီ နာယက ဦးသန်းစိုးနိုင်တို့က  အမှာစကားပြောကြားကြသည်။

1000

   ထို့နောက် အလှူငွေများပေးအပ်လှူဒါန်းရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ ကယန်းစာပေနှင့် ယဉ်ကျေးမှုအတွက် အလှူငွေကျပ်သိန်း(၃၀)ပေးအပ်ရာ စာပေယဉ်ကျေးမှုအဖွဲ့၊ ဦးတိုးပေါမှ လက်ခံရယူ၍ လည်းကောင်း၊ အရှေ့ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ်အေးဝင်းမှ နေပြည်တော်ကောင်စီရှိ ကရင်၊ ကယား၊ ကယန်း၊ စာပေယဉ်ကျေးမှုအဖွဲ့များကို အလှူငွေကျပ်(၁၀)သိန်းစီ ပေးအပ်လှူဒါန်းရာ စာပေယဉ်ကျေးမှုအဖွဲ့မှ တာဝန်ရှိသူ တစ်ဦးက လက်ခံရယူ၍လည်းကောင်း၊ ရှမ်းပြည်နယ်အစိုးရအဖွဲ့၊ ပြည်နယ်စိုက်ပျိုးရေးနှင့် မွေးမြူရေးဝန်ကြီး ဦးစိုင်းဆာလူမှ ဖယ်ခုံမြို့ရှိ ကယန်းစာပေယဉ်ကျေးမှုအဖွဲ့၊ ပင်လောင်းမြို့နယ်ရှိ ပအိုဝ်းစာပေယဉ်ကျေးမှုအဖွဲ့တို့ကို အလှူငွေကျပ်(၁၀)သိန်းစီ ပေးအပ် လှူဒါန်းရာ စာပေယဉ်ကျေးမှုအဖွဲ့မှ တာဝန်ရှိသူများက လက်ခံရယူပြီး၊ အမှတ်တရ မှတ်တမ်းတင်ဓါတ်ပုံရိုက်ကူးကြကြောင်း သိရှိရသည်။

   အဆိုပါအခမ်းအနားသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ အရှေ့ပိုင်းတိုင်းစစ်ဌာနချုပ် တိုင်းမှူး၊ ပြည်နယ်ဝန်ကြီးများ၊ ကယန်းတိုင်းရင်းသားရေးရာဝန်ကြီး၊ လွှတ်တော်ကိုယ်စားလှယ်များ၊ ငြိမ်းချမ်းရေးအဖွဲ့အစည်းများ၊ မြို့နယ်အဆင့်ဌာနဆိုင်ရာများ၊ ဖိတ်ကြားထားသည့် ဧည့်သည်တော်များ၊ စာပေယဉ်ကျေးမှုအဖွဲ့များ၊ ဒေသခံမိဘပြည်သူများ တက်ရောက်ကြကြောင်းသိရှိရသည်။

                                                                                                                                                                မောင်မောင်သန်း(တောင်ကြီး)

 

မိုင်းတုံ၌ ငြိမ်းချမ်းရေးလုပ်ငန်းစဉ်များ ထောက်ခံဆန္ဒထုတ်ဖော်

 မိုင်းတုံ  ဧပြီ ၆

995

   ရှမ်းပြည်နယ်(အရှေ့ပိုင်း)၊ မိုင်းဆတ်ခရိုင်၊ မိုင်းတုံမြို့၌ မြို့မိမြို့ဖ  ဦးစိုင်းထွန်းကျော် ဦးဆောင်သော ငြိမ်း ချမ်းရေးလိုလားသည့် ပြည်သူအင်အား (၃၀၀)ဦးသည် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် မူကြမ်း ငြိမ်းချမ်းရေးလုပ်ငန်းစဉ် (process) များ အတည်ပြုလက်မှတ်ရေးထိုးနိုင်ခဲ့သဖြင့် ကြိုဆိုထောက်ခံသည့် ဆန္ဒထုတ်ဖော်ပွဲကို ဧပြီ ၆ ရက် နံနက် ၈ နာရီက ခွင့်ပြုချက်ရယူပြီး ကျင်းပပြုလုပ်သည်။ 

   အဆိုပါဆန္ဒထုတ်ဖော်ရာ၌ ဒို့တာဝန်အရေးသုံးပါး၊ တစ်နိုင်ငံလုံးအပစ်အခတ်ရပ်စဲရေး၊ ပြည်ထောင်စုထာဝရ ငြိမ်းချမ်းရေးနှင့် စစ်မှန်သော ဒီမိုကရေစီ နိုင်ငံတော်ရှင်သန်ခိုင်မာရေး စသည့် ဆောင်ပုဒ်နှင့် ကြွေးကြော်သံများဖြင့် မိုင်းတုံမြို့၊ ပန်းခြံရှေ့မှ လမ်းမတော်လမ်းအတိုင်း မြို့လယ်အားကစားကွင်းထိ  ငြိမ်းချမ်းစွာဖြင့် စီတန်းလမ်းလျှောက် ဆန္ဒထုတ်ဖော်ခဲ့ကြပြီး နံနက် ၈ နာရီ ၄၅ မိနစ်တွင် ရပ်နားခဲ့ကြောင်း သိရသည်။

 

                                                                                                                                                                             မြို့နယ် ပြန်/ဆက်

သတင်းဓာတ်ပုံ - (  ၂  )ပုံ

သတင်းရေးသားသူ - ဒေါ်ဝင်းဝင်းခိုင်(ဒုတိယဦးစီးမှူး)

     မြို့နယ်ပြန်/ဆက်ရုံး၊ မိုင်းတုံမြို့။

     

 

More Articles...

  1. "ဝ" အထူးဒေသ၌ မိုးပွင့်အထူးစီမံချက်ရှင်းလင်းဆွေးနွေး
  2. ပင်းတယမြို့၌ ငြိမ်းချမ်းရေးလုပ်ငန်းစဉ်များ ထောက်ခံဆန္ဒထုတ်ဖော်
  3. ပအိုဝ်းကိုယ်ပိုင်အုပ်ချုပ်ခွင့်ရ​ေ'သ ဟိုပုံးမြို့၌ ဆန္ဒထုတ်ဖော်
  4. မိုင်းဆတ်၌ ငြိမ်းချမ်းမှုကို လိုလားသောပြည်သူများ အေးချမ်းစွာဖြင့် ဆန္ဒထုတ်ဖော်
  5. တောင်ကြီးမြို့တွင် တစ်နိုင်ငံလုံးအပစ်အခတ်ရပ်စဲရေး ငြိမ်းချမ်းစွာစုပေါင်းဆန္ဒထုတ်ဖော်ပွဲပြုလုပ်
  6. ရှမ်းပြည်နယ်ရှေ့နေများအသင်း၊ သင်းလုံးကျွတ်အစည်းအဝေးနှင့် အလုပ်အမှုဆောင်သစ်များ ပြန်လည်ရွေးချယ်တင်မြောက်
  7. ရှမ်းပြည်နယ်(မြောက်ပိုင်း) လားရှိုးမြို့တွင် တစ်နိုင်ငံလုံးပစ်ခတ်တိုက်ခတ်မှု ရပ်စဲရေး သဘောတူစာချုပ်မူကြမ်း အတည်ပြုလက်မှတ်ရေးထိုးခြင်းငြိမ်းချမ်းရေးလုပ်ငန်းစဉ် (peace process)အား ထောက်ခံကြောင်း ဆန္ဒဖော်ထုတ်ပွဲ ကျင်းပပြုလုပ်
  8. ရှမ်းပြည်နယ် ပြည်နယ်ဝန်ကြီးချုပ် လားရှိုးမြို့ ထင်းရှူးမြိုင် ၊ချယ်ရီမြိုင်အိမ်ရာစီမံကိန်းအားကြည့်ရှုစစ်ဆေး
  9. ကျောက်မဲမြို့တွင် တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ်မူကြမ်းအား ထောက်ခံဆန္ဒဖော်ထုတ်ပွဲ ပြုလုပ်
  10. မိုင်းဆတ်၌ အထက်သံလွင်(မိုင်းတုံ) ရေအားလျှပ်စစ်စီမံကိန်း လူထုနှင့် တွေ့ဆုံဆွေးနွေးပွဲကျင်းပ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

tine-mawရှမ်းပြည်နယ်(မြောက်ပိုင်း) သိန္နီ၊ သီပေါ၊ ကျောက်မဲ နှင့် နမ့်ခမ်း မြို့နယ်များတွင် နေထိုင်ကြပါသည်။

We have 138 guests and no members online

Latest Updates