သတင်းများ

(COVID-19) ရောဂါကာကွယ် ထိန်းချုပ်ကုသရေးလုပ်ငန်းများတွင် အသုံးပြုနိုင်ရန် အလှူငွေများနှင့် ထောက်ပံ့ပစ္စည်းများ လာရောက်လှူဒါန်း

တောင်ကြီး ဧပြီ  -  ၉

72

ရှမ်းပြည်နယ်အတွင်း (COVID-19) ရောဂါကာကွယ် ထိန်းချုပ်ကုသရေးလုပ်ငန်းများတွင် အသုံးပြုနိုင်ရန် ရည်ရွယ်၍ ရှမ်းပြည်နယ်အစိုးရအဖွဲ့ထံသို့ ဧပြီ ၉ ရက် နံနက်က တောင်ကြီးမြို့၊ ရှမ်းပြည်နယ်အစိုးရရုံး အစည်းအဝေးခန်းမ၌ အလှူရှင်များမှ လာရောက်လှူဒါန်းကြောင်း သိရသည်။

အဆိုပါလှူဒါန်းပွဲတွင် ချယ်ရီမြေအုပ်စု(တောင်ကြီး)ဂေါက်သီးရိုက်အသင်းမှ အလှူငွေကျပ်သိန်း(၅၀) ပေးအပ်လှူဒါန်းရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဒေါက်တာလင်းထွဋ်က လက်ခံရယူ၍ ဂုဏ်ပြုမှတ်တမ်းလွှာများကို ပြန်လည် ပေးအပ်ခဲ့ပြီး၊ မွန်းလွဲပိုင်းတွင် Prince Manufacturing Company Limited မှ ပစ္စည်းတန်ဖိုး(၄၉၆၈၀၀၀) ဖြစ်သော Disposable Medical Mask (၁၀၀၀၀)ခု၊ Hand Sanitizer (၆၀)ဗူးနှင့် ငွေကျပ်သိန်း(၁၀၀)လှူဒါန်းရာ ပြည်နယ်သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီး ဒေါက်တာညီညီအောင်က လက်ခံရယူပြီး၊ ဂုဏ်ပြုမှတ်တမ်းလွှာများကို ပြန်လည် ပေးအပ်ခဲ့ကြောင်း သိရှိရသည်။

မောင်မောင်သန်း(တောင်ကြီး)

၀၉၂၅၀၁၃၂၉၄၃

 

ရှမ်းပြည်နယ် ပြည်သူလူထုစားနပ်ရိက္ခာထောက်ပံ့ရေးကော်မတီသို့ ငွေကျပ်သိန်း(၃၀၀၀)တန်ဖိုးရှိ ကျန်းမာရေးပစ္စည်းများ ထောက်ပံ့ပေးအပ်

တောင်ကြီး ဧပြီ   -   ၉

71

ရှမ်းပြည်နယ်အတွင်း (COVID-19)ရောဂါ ကာကွယ်ထိန်းချုပ်ကုသရေးလုပ်ငန်းများတွင် အသုံးပြုနိုင်ရန် ရည်ရွယ်၍ ရှမ်းပြည်နယ် ပြည်သူလူထုစားနပ်ရိက္ခာထောက်ပံ့ရေးကော်မတီသို့ ကမ္ဘောဇဘဏ်လီမိတက်မှ ငွေကျပ်သိန်း(၃၀၀၀)တန်ဖိုးရှိ ကျန်းမာရေးအတွက် ထောက်ပံ့ပစ္စည်းများ ပေးအပ်ပွဲကို ဧပြီ(၅)ရက်နေ့က တောင်ကြီးမြို့ အမှတ်(၁) အခြေခံပညာ အထက်တန်းကျောင်း၌ကျင်းပသည်။

လှူဒါန်းပွဲတွင် ကမ္ဘောဇဘဏ်လီမိတက် အထွေထွေမန်နေဂျာဒေါ်စန္ဒာဝင်းမှ ကျန်းမာရေးထောက်ပံ့ပစ္စည်းများ ပေးအပ်ရာ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်းက လက်ခံရယူပြီး၊ ပြည်နယ်စီမံကိန်းနှင့် ဘဏ္ဍာရေး ဝန်ကြီးဦးစိုးညွှန့်လွင်၊ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ပြည်နယ်လျှပ်စစ်စွမ်းအင်နှင့် စက်မှုဝန်ကြီး ဦးစိုင်းရှဲန်တစ်လုံ၊ ကမ္ဘောဇဘဏ်လီမိတက်ဥက္ကဋ္ဌ ဦးအောင်ကိုဝင်းနှင့်အတူ ပစ္စည်းများထားရှိသည့်နေရာများအား လှည့်လည် ကြည့်ရှုခဲ့ကြကြောင်းသိရသည်။

အဆိုပါ ကမ္ဘောဇဘဏ်မှ ငွေကျပ်သိန်း(၃၀၀၀)တန်ဖိုးရှိ ကျန်းမာရေးထောက်ပံ့ပစ္စည်းများကို ရှမ်းပြည်နယ် ပြည်သူလူထု စားနပ်ရိက္ခာထောက်ပံ့ရေးကော်မတီမှ ဧပြီ(၈)ရက်က ငွေကျပ်(၅)သိန်းတန်ဖိုးရှိ PPEဝတ်စုံ၊ Mask၊ Handgel၊ လက်အိတ်၊ လယ်ရှည်ဖိနပ်၊ လက်သန့်ဆေးရည်တို့ကို ရွှေညောင်၊ ညောင်ရွှေတို့ကို သွားရောက်လှူဒါန်းပေးကြပြီး၊ ပင်းတယ၊ ရွာငံမြို့များကိုလည်း ဆက်လက်လှူဒါန်းသွားမည်ဖြစ်ကြောင်း သိရှိရသည်။

မောင်မောင်သန်း(တောင်ကြီး)

09250132943

 

(COVID-19)ကြိုတင်ကာကွယ်ရေးအတွက် စောင့်ကြည့်လူနာများထားရှိသော ကျောက်တလုံးမြို့ အထက ကျောင်းသို့ ရှမ်းပြည်နယ်ဝန်ကြီးချုပ် ကွင်းဆင်းကြည့်ရှု

ကျောက်တလုံး ဧပြီ - ၃

64

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ပြည်နယ်လမ်းပန်းဆက်သွယ်ရေးဝန်ကြီး ဦးခွန်ရဲထွေး၊ ခရိုင်/မြို့နယ် အုပ်ချုပ်ရေးမှူးနှင့် တာဝန်ရှိသူများတို့သည် ဧပြီ  ၃ ရက် နံနက် ၉ နာရီက တောင်ကြီးမြို့နယ် ကျောက်တလုံးမြို့ နောင်ယာဆိုင်းဂိတ်တွင် ဖွင့်လှစ်ထားသော (COVID-19) ကာကွယ်ရေး ကျန်းမာရေးစစ်ဆေးနေမှုအား ဝင်ရောက်ကြည့်ရှုပြီး တာဝန်ကျဝန်ထမ်းများကို လိုအပ်သည်များ မှာကြားခဲ့သည်။

ဆက်လက်၍ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်ဝန်ကြီးများနှင့် တာဝန်ရှိသူများတို့သည် ကျောက်တလုံးမြို့ အခြေခံပညာအထက်တန်းကျောင်းနှင့် နောင်ကားကျေးရွာအုပ်စု အခြေခံပညာအထက်တန်းကျောင်း (လုံကား)တို့၌ဖွင့်လှစ်ထားသော (COVID-19)ကြိုတင်ကာကွယ်ရေးအတွက် ပြည်တော်ပြန် (၁၄)ရက် စောင့်ကြည့်အဖွဲ့ များအား သွားရောက်ကြည့်ရှုပြီး၊ ရှမ်းပြည်နယ်အစိုးရအဖွဲ့မှ ကာကွယ်ရေးလုပ်ငန်း၌ အသုံးပြုနိုင်ရန်အတွက် Mask၊ လက်အိတ်၊ လည်ရှည်ဖိနပ်များနှင့် တာဝန်ကျဝန်ထမ်းများလိုအပ်သည့်နေရာတွင် အသုံးပြုနိုင်ရန်အတွက် ငွေကျပ်(၅)သိန်းစီ ထောက်ပံ့ ပေးအပ်ခဲ့ကြောင်းသိရသည်။

အဆိုပါ (COVID-19)ကြိုတင်ကာကွယ်ရေးအတွက် ကျောက်တလုံးမြို့ အခြေခံပညာအထက်တန်းကျောင်းတွင် ယိုးဒယားပြန် ကျား(၁၆)ဦး၊ မ(၁၁)ဦး တို့ကို မတ်လ ၂၄ ရက်မှစတင်စောင့်ကြည့်ထားရှိပြီး၊ လုံကားအခြေခံပညာအထက်တန်း ကျောင်းတွင် ယိုးဒယားပြန် ကျား(၁၂)ဦး၊ မ(၁၂)ဦး တို့ကို မတ်လ ၂၅ ရက်မှစတင်စောင့်ကြည့်ထားရှိကြောင်း သိရှိရသည်။

မောင်မောင်သန်း(တောင်ကြီး)

၀၉၂၅၀၁၃၂၉၄၃

 

(COVID-19) ရောဂါကာကွယ် ထိန်းချုပ်ကုသရေးလုပ်ငန်းများတွင် အသုံးပြုနိုင်ရန် အလှူငွေများနှင့် ထောက်ပံ့ပစ္စည်းများ လာရောက်လှူဒါန်း

တောင်ကြီး ဧပြီ - ၈

70

ရှမ်းပြည်နယ်အတွင်း (COVID-19) ရောဂါကာကွယ် ထိန်းချုပ်ကုသရေးလုပ်ငန်းများတွင် အသုံးပြုနိုင်ရန် ရည်ရွယ်၍ ရှမ်းပြည်နယ်အစိုးရအဖွဲ့ထံသို့ ဧပြီ ၈ ရက် နံနက် ၁၂ နာရီခွဲက တောင်ကြီးမြို့၊ ရှမ်းပြည်နယ်အစိုးရရုံး အစည်းအဝေးခန်းမ၌ အလှူရှင်များမှ လာရောက်လှူဒါန်းကြောင်း သိရသည်။

အဆိုပါလှူဒါန်းပွဲတွင် Oriental Highway Co,. Ltd.မှ အလှူငွေကျပ်သိန်း(၅၀၀)၊ ရှမ်းပြည်နယ်(တောင်ပိုင်း) ကျေးလက်လမ်းဦးစီးဌာနဝန်ထမ်းများနှင့် KfW Phase 5 ကုမ္ပဏီ (၆)ခုမှ အလှူငွေကျပ်သိန်း(၁၀၀)၊ ထိပ်တန်းကြဉ်ဆယ်ခု ထုပ်လုပ်မှု ကုမ္ပဏီလီမိတက်မှ အလှူငွေကျပ် (၂၅)သိန်း တို့ကို အသီးသီးပေးအပ်လှူဒါန်းရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်ဝန်ကြီးများက လက်ခံရယူပြီး ဂုဏ်ပြုမှတ်တမ်းလွှာများကို ပြန်လည် ပေးအပ်ခဲ့ကြောင်းသိရှိရသည်။

မောင်မောင်သန်း(တောင်ကြီး)

၀၉၂၅၀၁၃၂၉၄၃

 

COVID – 19 Pandemic အတွက် ရှမ်းပြည်နယ် ပြည်သူလူထု စားနပ်ရိက္ခာထောက်ပံ့ရေး ကော်မတီသို့ အလှူငွေပေးအပ်လှူဒါန်း

တောင်ကြီး မတ် - ၂

63

COVID – 19 Pandemic အတွက် ရှမ်းပြည်နယ် ပြည်သူလူထု စားနပ်ရိက္ခာထောက်ပံ့ရေး ကော်မတီသို့ ကမ္ဘောဇဘဏ်လီမိတက်မှ ကနဦးမတည်ငွေကျပ် သိန်း(၂၀၀၀)လှူဒါန်းပွဲကို ဧပြီ ၂ ရက် နံနက် ၉ နာရီက တောင်ကြီးမြို့၊ အမှတ်(၁)အခြေခံပညာအထက်တန်းကျောင်း၌ကျင်းပသည်။

ဆက်လက်၍ ရှမ်းပြည်နယ်(တောင်ပိုင်း) ကုန်သည်နှင့် စက်မှုလက်မှုလုပ်ငန်းရှင်များအသင်း ဥက္ကဋ္ဌ ဦးအောင်ဆန်းဝင်းမှ အဖွင့်အမှာစကားပြောကြားပြီး COVID – 19 ကာကွယ်ရေးအတွက် ကြိုတင် ပြင်ဆင်ထားရှိမှုများကို ကမ္ဘောဇဘဏ်မှ ကမ္ဘောဇအုပ်စု ဥက္ကဋ္ဌရုံး(တောင်ကြီး) ညွှန်ကြားရေးမှူး ဦးခင်အောင်မှ ရှင်းလင်းတင်ပြ၍ ကော်မတီဖြစ်ပေါ်လာပုံနှင့် ဖွဲ့စည်းရခြင်း ရည်ရွယ်ချက်များကို ဦးသူရစောသိန်းမှ ရှင်းလင်းကာ အလှူငွေရရှိမှုနှင့် ပစ္စည်းဝယ်ယူမှုအခြေအနေများကို ဦးစိုင်းမြင့်ဌေးမှ ရှင်းလင်းတင်ပြပြီး အလှူငွေများကို ကမ္ဘောဇဘဏ်လီမိတက် တာဝန်ခံ ဒေါ်စန္ဒာဝင်းမှ ပေးအပ်လှူဒါန်းရာ ရှမ်းပြည်နယ်(တောင်ပိုင်း) ကုန်သည်နှင့် စက်မှုလက်မှုလုပ်ငန်းရှင်များအသင်း ဥက္ကဋ္ဌ ဦးအောင်ဆန်းဝင်းမှ လက်ခံရယူခဲ့သည်။

ထို့နောက် ပြည်နယ်ဝန်ကြီးချုပ်ဒေါက်တာလင်းထွဋ်နှင့်ဇနီး ဒေါ်နန်းရွှေမြင့်၊ ကမ္ဘောဇဘဏ် လီမိတက် ဥက္ကဋ္ဌ ဦးအောင်ကိုဝင်း၊ ပြည်နယ်ဝန်ကြီးများနှင့် တာဝန်ရှိသူတို့မှ ဆန်၊ ဆီ၊ ကုလားပဲ ထုတ်ပိုးနေမှုတို့အား လှည့်လည်ကြည့်ရှုကြကြောင်းသိရှိရသည်။

မောင်မောင်သန်း(တောင်ကြီး)

 

(COVID-19) ရောဂါကာကွယ် ထိန်းချုပ်ကုသရေးလုပ်ငန်းများတွင် အသုံးပြုနိုင်ရန် အလှူငွေများလာရောက်လှူဒါန်း

တောင်ကြီး ဧပြီ - ၃

67

ရှမ်းပြည်နယ်အတွင်း (COVID-19) ရောဂါကာကွယ် ထိန်းချုပ်ကုသရေးလုပ်ငန်းများတွင် အသုံးပြုနိုင်ရန် ရည်ရွယ်၍ ရှမ်းပြည်နယ်အစိုးရအဖွဲ့ထံသို့ ဧပြီ  ၃ ရက် ညနေ ၄ နာရီက တောင်ကြီးမြို့၊ ရှမ်းပြည်နယ်အစိုးရရုံး ဧည့်ခန်းမ၌ အလှူရှင်များမှ လာရောက်လှူဒါန်းကြောင်း သိရသည်။

အဆိုပါလှူဒါန်းပွဲတွင် တောင်ကြီးမြို့၊ သစ်တောရပ်ကွက်၊ ရိပ်သာ(၂)လမ်းနေ ဦးမျိုးမင်းစိုးနှင့် ဦးစိုးသိန်းအောင် မိသားစု ငွေဆင်ကုမ္ပဏီမှ အလှူငွေကျပ် သိန်း (၃၀)၊ ဦးမင်းဟန် (Royal Taunggyi Hotel)မှ အလှူငွေကျပ်(၁၅)သိန်းတို့ကို အသီးသီးပေးအပ်လှူဒါန်းရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်မှ လက်ခံရယူပြီး ဂုဏ်ပြုမှတ်တမ်းလွှာများကို ရှမ်းပြည်နယ်အတွင်း Coronavirus Disease 2019 (COVID-19)  ရောဂါကာကွယ်၊ ထိန်းချုပ်၊ ကုသရေးလုပ်ငန်းကော်မတီဥက္ကဌ၊ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်းက ပြန်လည်ပေးအပ်ခဲ့ကြောင်းသိရှိရသည်။

မောင်မောင်သန်း(တောင်ကြီး)

 

ရှမ်းပြည်နယ်အစိုးရအဖွဲ့လွိုင်လင်ခရိုင်နမ့်စန်ပြည်သူ့ဆေးရုံး၌(COVID-19)ရောဂါကာကွယ်ရေးအတွက် ကျန်းမာရေးပစ္စည်းများပေးအပ်

နမ့်စန် ဧပြီ-၁

62

Conoravirus disease -2019(COVID-19)ရောဂါကာကွယ် ထိန်းချုပ်ကုသနိုင်ရေးအတွက် ဧပြီ(၁)ရက် နံနက် (၁၀)နာရီက လွိုင်လင်ခရိုင်၊ နမ့်စန်ပြည်သူ့ဆေးရုံးတွင် ကျန်းမာရေးထောက်ပံ့ပစ္စည်းများကို ရှမ်းပြည်နယ်အစိုးရအဖွဲ့မှ လာရောက်ပေးအပ်လှူဒါန်းကြောင်းသိရသည်။ 

လှူဒါန်းခြင်းအခမ်းအနားတွင် Conoravirus disease-2019(COVID-19) ရောဂါကာကွယ်ထိန်းချုပ်ကုသရေး လုပ်ငန်းကော်မတီဥက္ကဌ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်းက အဖွင့်အမှာစကား ပြောကြားပြီး၊ ပြည်နယ်ဝန်ကြီးချုပ်ဒေါက်တာလင်းထွဋ်၊ အရှေ့အလယ်ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ်သန်းလှိုင် တို့မှ(COVID-19) ရောဂါကာကွယ်ရေးတွင် အသုံးပြုနိုင်ရန် PPE ဝတ်စုံ Mask နှင့်လယ်ရှည်ဖိနပ်များ ပေးအပ်လှူဒါန်းရာ မြို့နယ်ကျန်းမာရေးဦးစီးမှူး ဒေါက်တာအောင်နိုင်ဦးကလက်ခံရယူသည်။

ဆက်လက်၍နမ့်စန်မြို့နယ် ကျန်းမာရေးဦးစီးမှူး ဦးအောင်နိုင်ဦးမှ(COVID-19) ရောဂါကာကွယ်ထိန်းချုပ် ကုသရေး နှင့် ပတ်သက်၍ရှင်းလင်းရာ O2 Concentrater လက်ကျန်မရှိလိုအပ်မှု (၄)၊ puls e Oxymeter လက်ကျန်မရှိ လိုအပ်အရေအတွက်(၉)၊ Noncontect Thermometerလက်ကျန်မရှိ လိုအပ်အရေအတွက်(၁၆)၊ PPE လက်ကျန်(၃၅)၊ လိုအပ်(၅၀၀)၊N95 maskလက်ကျန်(၄၈)၊လိုအပ် (၂၀၀)၊Surgical maskလက်ကျန်(၁၅၀)၊ လိုအပ် (၁၀၀၀၀)၊ Surgical gloveလက်ကျန်(၃၀၀)၊ လိုအပ်(၁၀၀၀)၊ Exam gloveလက်ကျန်(၁၀၀)၊ လိုအပ် (၁၀၀၀၀)၊ Apromလက်ကျန်(၆၅)၊ လိုအပ်(၂၀၀၀) တင်ပြရာပြည်နယ်ဝန်ကြီးချုပ်ဒေါက်တာလင်းထွဋ်မှ လိုအပ်သည်များမှာကြားပြီး (COVID-19) ရောဂါ ကန့်သတ်သံဃဆေးရုံးနှင့် ကြိုတင်ပြင်ဆင်ထားသောဆေးရုံ(၄)ထပ်ဆောင် တို့အားသွားရောက်ကြည့်ရှုခဲ့သည်။

ထို့နောက်ပြည်နယ်ဝန်ကြီးချုပ်နှင့် ပြည်နယ်ဝန်ကြီးများသည် လွိုင်လင်ခရိုင် ပန်ခေါက်ဝိုး ဘုန်းတော်ကြီးကျောင်းတွင် ခရီးသွားပြည်သူ့များအား (COVID-19) ရောဂါကာကွယ်ရေးအတွက် ကျန်းမာရေးဆေးစစ်နေမှုကို ဝင်ရောက်ကြည့်ပြီး၊ လွိုင်လင်တက္ကသိုလ်တွင် ယိုးဒယားပြန်ကျား(၁၅)ဦး၊ မ(၁၁)ဦး၊ ပင်လုံတက္ကသိုလ်တွင် မြဝတီမှဝင်ရောက်သူ(၁၅)ယောက် ထားရှိရန် ဖွင့်လှစ်ထားသောပြည်ပပြန် (COVID-19) ကာကွယ်ရန်အတွက် (Facility Quarantine) ထားရှိမှုအား ဝင်ရောက်ကြည့်ရှုပြီး၊ လွိုင်လင်တက္ကသိုလ်တွင် ရှမ်းပြည်နယ်အစိုးရအဖွဲ့မှ အလှူငွေကျပ်(၁၀)သိန်း ပေးအပ်လှူဒါန်းကာ လွိုင်လင်အထကကျောင်း၌ ကိုရိုနာဗိုင်းရပ်(စ်)ကြိုတင်ကာကွယ်နိုင်ရန် ကျန်းမာရေးဆေးစစ်ပြင်ဆင်ထားရှိမှုတို့ကို ဝင်ရောက်ကြည့်ရှု၍ လိုအပ်သည်များမှာကြားခဲ့ကြောင်းသိရှိရသည်။ 

မောင်မောင်သန်း(တောင်ကြီး)

 

နမ့်ပန်ချောင်းနှင့် နမ့်စီးဟော်ချောင်းဆုံတွင် နမ့်စီးဟော် ၃၀ မဂ္ဂါဝပ်ရေအားလျှပ်စစ်စီမံကိန်း အကောင်အထည်ဖော် ဆောင်ရွက်ရန် သဘောတူညီစာချုပ် (MoA)လက်မှတ်ရေးထိုး

တောင်ကြီး ဧပြီ - ၃

66

ရှမ်းပြည်နယ် အစိုးရအဖွဲ့နှင့် YS Golden Butterfly Co., Ltd တို့ အကြားချုပ်ဆိုသော နမ့်ပန်ချောင်းနှင့် နမ့်စီးဟော်ချောင်းဆုံတွင် နမ့်စီးဟော် ၃၀ မဂ္ဂါဝပ်ရေအားလျှပ်စစ်စီမံကိန်း အကောင်အထည်ဖော်ဆောင်ရွက်ရန် သဘောတူညီစာချုပ် (MoA)လက်မှတ်ရေးထိုးပွဲကို ဧပြီ ၃ ရက် ညနေ ၃ နာရီက တောင်ကြီးမြို့၊ ရှမ်းပြည်နယ်အစိုးရရုံး အစည်းအဝေးခန်းမ၌ကျင်းပသည်။ 

ပြည်နယ်ဝန်ကြီးချုပ် ဒေါက်တာလင်းထွဋ်က ရှမ်းပြည်နယ်အတွင်း ကျေးရွာပေါင်း (၁၃၇၈၂)ရွာ ရှိသည့်အနက် ၂၀၁၆ ခုနှစ်တွင် ဓါတ်အားပေးစနစ်ဖြင့် ကျေးရွာ(၁၁၃၉)ရွာ၊ ၂၀၁၇ ခုနှစ်တွင် ကျေးရွာ(၁၄၆၂)ရွာ၊ ၂၀၁၈ ခုနှစ်တွင်  ကျေးရွာ(၁၈၃၀)ရွာ လျှပ်စစ်ဓါတ်အားရယူသုံးစွဲလျက်ရှိပြီး (၃)နှစ်အတွင်း (၆၉၁)ရွာတိုးချဲ့ဆောင်ရွက်ပေးနိုင်ခဲ့ကြောင်း ၂၀၁၈ ခုနှစ်တွင် အိမ်ထောင်စု (၄၁၁၉၃၆)စု(၃၅.၂၁)ရာခိုင်နှုန်းခန့် လျှပ်စစ်ဓါတ်အား တိုးတက်သုံးစွဲလာနိုင်ပြီး နှစ်စဉ် (၃.၂)ရာခိုင်နှုန်း တိုးတက်သုံးစွဲလာနိုင်ခဲ့၍ ကမ္ဘာ့ဘဏ်အကူအညီဖြင့် ကျေးရွာပေါင်း(၄၇၁)ရွာကိုလည်းကောင်း၊ ဂျာမနီချေးငွေ (KfW) စီမံကိန်းတွင် ရှမ်းပြည်နယ်(တောင်ပိုင်း)အတွင်း (၄၁၆)ရွာခန့်အားလည်းကောင်း၊ စီမံကိန်းပြီးစီးသည့်အခါ လျှပ်စစ်ဓါတ်အား တိုးချဲ့ ရရှိသုံးစွဲနိုင်မည်ဖြစ်ကြောင်း၊ ယနေ့  (MoA)လက်မှတ်ရေးထိုးသည့် YS Golden Butterfly Co., Ltd မှ တည်ဆောက် ထုတ်လုပ်မည့် စီမံကိန်းမှ ခန့်မှန်း ၃၀ မဂ္ဂါဝပ်(၁၂၀)ကီလိုဝပ် နာရီသန်းပေါင်း ထုတ်လုပ်ရရှိနိုင်မည်ဟု မျှော်မှန်းထားကြောင်း၊ ရှမ်းပြည်နယ်အစိုးရအဖွဲ့အနေဖြင့် ရင်းနှီးမြုပ်နှံမှုများကို အစဉ်တစိုက်ဖိတ်ခေါ်လျက်ရှိရာ ယခုကဲ့သို့ ပြည်တွင်းလုပ်ငန်းရှင် များ၏ ရင်းနှီးမြုပ်နှံမှုများကို လုပ်ထုံး၊ လုပ်နည်း ဥပဒေများနှင့်အညီ ခွင့်ပြုပေးလျက်ရှိကြောင်း၊ ရှမ်းပြည်နယ်အစိုးရနှင့် ရေးထိုးမည့် (MoA) သဘောတူညီချက်ကိုလည်း အောင်မြင်စွာ အကောင်အထည်ဖော်ဆောင်ရွက်နိုင်ရန် ကုမ္ပဏီအနေဖြင့် အားသွန်ခွန်စိုက်ကြိုးစားဆောင်ရွက်စေလိုကြောင်း ပြောကြားသွားသည်။

YS Golden Butterfly Co., Ltd စီအီးအို ဦးယောဆပ်မှ သဘောတူညီစာချုပ် (MoA)လက်မှတ်ရေးထိုးခြင်းနှင့် ပတ်သက်၍ ရှင်းလင်းရာ သဘာဝပတ်ဝန်းကျင်ထိန်းသိမ်းရေးအနေဖြင့် ကျွန်တော်တို့မြို့ လျှပ်စစ်မီးရရှိစေလိုကြောင်း၊ လျှပ်စစ်မီး ရရှိပါက နိုင်ငံတော်၊ အစိုးရအဖွဲ့၊ သဘာဝပတ်ဝန်းကျင်ထိန်းသိမ်းရေးအဖွဲ့ပါ အကျိုးရှိမည်ဖြစ်ကြောင်း၊ ယခုလို ရှမ်းပြည်နယ်အစိုးရအဖွဲ့နှင့် လက်မှတ်ရေးထိုးမှုကို ကူညီဆောင်ရွက်ပေးသည့်အတွက် ကျေးဇူးတင်ရှိပါကြောင်း ပြောကြားပြီး၊ ရှမ်းပြည်နယ်အစိုးရအဖွဲ့နှင့် YS Golden Butterfly Co., Ltd တို့ သဘောတူညီစာချုပ် (MoA)လက်မှတ်ရေးထိုးကြပြီး အပြန်အလှန် လဲလှယ်ကြကြောင်းသိရှိရသည်။

မောင်မောင်သန်း(တောင်ကြီး)

 

ရှမ်းပြည်နယ်ဝန်ကြီးချုပ်ပအိုဝ်းကိုယ်ပိုင်အုပ်ချုပ်ခွင့်ရဒေသတိုးဂိတ်၌ဖွင့်လှစ်ထားသော(COVID-19) ရောဂါရှာဖွေစစ်ဆေးဂိတ်အားဝင်ရောက်ကြည့်ရှု

တောင်ကြီး ဧပြီ - ၁ 

61

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဒေါက်တာလင်းထွဋ်၊ ပြည်နယ်ဝန်ကြီးများ၊ ဗမာတိုင်းရင်းသား လူမျိုးရေးရာဝန်ကြီးနှင့်တာဝန်ရှိသူများသည် ဧပြီ(၁)ရက် နံနက်(၇)နာရီခွဲက တောင်ကြီးမြို့မှအထွက်ပအိုဝ်းကိုယ်ပိုင် အုပ်ချုပ်ခွင့်ရဒေသ ဟိုပုံးမြို့အဝင်တိုးဂိတ်တွင် ဖွင့်လှစ်ထားသော(COVID-19) ရောဂါကာကွယ်ရေးဆေးစစ်ဆေးရေးဂိတ်အား ဝင်ရောက်ကြည့်ရှုစစ်ဆေးရာ ပြည်နယ်ဝန်ကြီးချုပ် ဒေါက်တာလင်းထွဋ်က တာဝန်ကျဆရာမများအားလိုအပ်သည်များရှိပါက ပွင့်ပွင့်လင်းလင်းပြောရန်နှင့်ရှိပါက Coronavirus disease -2019(COVID-19)ရောဂါကာကွယ်ထိန်းချုပ်ကုသရေးလုပ်ငန်း ကော်မတီဥက္ကဌ ရှမ်းပြည်နယ်အစိုးရအဖွဲ့ပြည်နယ်လူမှုရေးဝန်ကြီး ဒေါက်တာမျိုးထွန်းထံ တင်ပြရန်၊ တာဝန်ကျ ဝန်ထမ်းများအားဝင်ရောက်လာသည့် ပြည်သူများနှင့်နီးကပ်စွာ မရှိစေရန်မှာကြားခဲ့ကြောင်းနှင့် ဝင်ရောက်လာသည့်ကား မော်တော်ဆိုင်ကယ်များအား ပိုးသတ်ဆေးပက်ဖြန်းနေမှု့ကိုကြည့်ရှုခဲ့ကြောင်းသိရှိရသည် ။ 

 

မောင်မောင်သန်း(တောင်ကြီး)

 

ရှမ်းပြည်နယ်အတွင်း (COVID-19) ရောဂါကာကွယ် ထိန်းချုပ်ကုသရေးလုပ်ငန်းများတွင် အသုံးပြုနိုင်ရန် အလှူငွေများလာရောက်လှူဒါန်း

တောင်ကြီး ဧပြီ - ၃

65

ရှမ်းပြည်နယ်အတွင်း (COVID-19) ရောဂါကာကွယ် ထိန်းချုပ်ကုသရေးလုပ်ငန်းများတွင် အသုံးပြုနိုင်ရန် ရည်ရွယ်၍ ရှမ်းပြည်နယ်အစိုးရအဖွဲ့ထံသို့ ဧပြီ  ၂ ရက် ညနေ ၄ နာရီက တောင်ကြီးမြို့၊ ရှမ်းပြည်နယ်အစိုးရရုံး ဧည့်ခန်းမ၌ အလှူရှင်များမှ လာရောက်လှူဒါန်းကြောင်း သိရသည်။

အဆိုပါလှူဒါန်းပွဲတွင် ကလောမြို့နယ်၊ ရွှေမင်းဘုန်းဒေသ အာရှကမ္ဘာမြေ စက်မှုလုပ်ငန်းနှင့် သတ္တုတူးဖော်ရေး လုပ်ငန်းကုမ္ပဏီမှ အလှူငွေကျပ် သိန်း (၅၀)၊ ဦးလှအောင်+ ဒေါ်မီမီသန့်(Inle Resort Hotel)၊ အမှတ်(၃၂/၁၂)၊ ကမ္ဘောဇလမ်း၊ ရေအေးကွင်းရပ်၊ တောင်ကြီးမြို့မှ အလှူငွေကျပ် သိန်း (၅၀)၊ တောင်ကြီးမြို့နယ် သမဝါယမအသင်းစုနှင့် အသင်းများမှ အလှူငွေကျပ် သိန်း (၂၀) တို့ကို ပေးအပ်လှူဒါန်းရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်နှင့် အဖွဲ့ဝင်များမှ လက်ခံရယူပြီး ဂုဏ်ပြုမှတ်တမ်းလွှာများ ပြန်လည်ပေးအပ်ခဲ့ကြောင်းသိရှိရသည်။

မောင်မောင်သန်း(တောင်ကြီး)

 

ရှမ်းပြည်နယ်အတွင်း Coronavirus Disease 2019 (COVID-19) ကာကွယ်ထိန်းချုပ်ကုသရေး ပြည်နယ်အဆင့်လုပ်ငန်းကော်မတီ ညှိနှိုင်းအစည်းအဝေးကျင်းပ

တောင်ကြီး မတ် - ၃၁

60

ရှမ်းပြည်နယ်အတွင်း Coronavirus Disease 2019 (COVID-19)ကာကွယ်ထိန်းချုပ် ကုသရေးလုပ်ငန်းများတွင် အသုံးပြုရန်အတွက် ပစ္စည်းများလှူဒါန်းခြင်းကို မတ် ၃၁ ရက် ညနေ ၃ နာရီက တောင်ကြီးမြို့၊ ရှမ်းပြည်နယ်အစိုးရရုံး အစည်းအဝေးခန်းမ၌ ကုမ္ပဏီ (၂)ခုမှ လာရောက်လှူဒါန်းကြောင်းသိရသည်။

အဆိုပါ ကုမ္ပဏီ(၂)ခုမှ KINCAID Group နှင့် တောင်ကြီးကျောက်မျက်ကုမ္ပဏီလီမိတက်တို့ဖြစ်ပြီး၊ KINCAID Group မှ ငွေကျပ်သိန်း(၁၀၀၀)တန်ဖိုးရှိ ဆေးနှင့် PPE ဝတ်စုံများ၊ တောင်ကြီးကျောက်မျက်ကုမ္ပဏီလီမိတက်မှ ဦးစိုးလှိုင်(ခ)အကွေနှင့် ဇနီး ဒေါ်သန်းသန်းမေ၊ ဦးချစ်လှိုင် ဇနီး ဒေါ်စပယ်ဦးမိသားစုမှ ရှမ်းပြည်နယ်အစိုးရအဖွဲ့ Mask (၁၈၀၀၀)ခု၊ စဝ်စံထွန်းဆေးရုံကြီး အတွက် Mask (၅၄၀၀)ခု၊ အမျိုးသမီးနှင့် ကလေးဆေးရုံအတွက် Mask (၁၈၀၀)ခု၊ စုစုပေါင်း Mask(၂၅၂၀၀)ခု တန်ဖိုးငွေကျပ် (၁၂၆)သိန်း ပေးအပ်လှူဒါန်းရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်နှင့် ပြည်နယ်ဝန်ကြီးများက လက်ခံရယူပြီး ဂုဏ်ပြုမှတ်တမ်းလွှာများ ပြန်လည်ပေးအပ်ကြောင်း သိရှိရသည်။

မောင်မောင်သန်း(တောင်ကြီး)

 

More Articles...

  1. CovID-19 ရောဂါကာကြိုတင်ကွယ်ရေးအတွက်တောင်ကြီးမြို့ မြို့မစျေး၌ပိုးသတ်ဆေးရည်များပက်ဖြန်း
  2. တောင်ကြီးမြို့နေမွတ်စလင် ဘာသာဝင်များ မှ ကျန်းမာရေးကာကွယ်မှုဝတ်စုံ (၅၀၀)လှူဒါန်း
  3. ရှမ်းပြည်နယ်အတွင်း Coronavirus Disease 2019 (COVID-19) ကာကွယ်ထိန်းချုပ်ကုသရေး ပြည်နယ်အဆင့်လုပ်ငန်းကော်မတီ ညှိနှိုင်းအစည်းအဝေးကျင်းပ
  4. ရှမ်းပြည်နယ်ဝန်ကြီးချုပ်နှင့် ဧည့်သည်တော်များ ဘာသာကြီး (၄)ခုတွင် ဝတ်ပြုဆုတောင်း
  5. ရှမ်းပြည်နယ်အတွင်း COVID-19 အဆုတ်ရောင်ရောဂါ ဖြစ်ပွားမှုမရှိစေရေးအတွက် စောင့်ကြည့်စစ်ဆေးကုသရေး ကြီးကြပ်မှုကော်မတီ၏ ဒုတိယအကြိမ် လုပ်ငန်းညှိနှိုင်း အစည်းအဝေး
  6. ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ် တောင်ကြီးမြို့ စဝ်စံထွန်းဆေးရုံသို့ ကွင်းဆင်းကြည့်ရှု
  7. ရှမ်းပြည်နယ် လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးကော်မတီလုပ်ငန်း ညှိနှိုင်း အစည်းအဝေး အမှတ်စဉ်(၂/၂၀၂၀)ကျင်းပ
  8. ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က UNRCအဖွဲ့နှင့် လက်ခံတွေ့ဆုံ
  9. ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က UNDPအဖွဲ့နှင့် လက်ခံတွေ့ဆုံ
  10. ဓာတ်သတ္တုအသေးစားနှင့် လက်လုပ်လက်စားနှင့် အသေးစားလုပ်ငန်းများအတွက် ပတ်ဝန်းကျင်ထိန်းသိမ်းရေးဆိုင်ရာ လိုက်နာရမည့်စည်းကမ်းချက်များ၊ ကတိကဝတ်များနှင့် EMP Format တို့အားရှင်းလင်းဆွေးနွေးခြင်း

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

tine-liရှမ်းပြည်နယ်(အရှေ့ပိုင်း) ကျိုင်းတုံ၊  မိုင်းယောင်းနှင့် မိုင်းလားမြို့နယ်များတွင် အများဆုံး နေထိုင်ကြသည်။

We have 85 guests and no members online