ရှမ်းပြည်နယ်သတင်းများ

နိုင်ငံခြားသံတမန်အဖွဲ့ဝင်များ ရှမ်းပြည်နယ် တောင်ကြီးမြို့သို့ အလည်အပတ်ရောက်ရှိ

‌တောင်ကြီး ဧပြီ ၁၇

 

1

 

 

2

 

11

 

  ပြည်ထောင်စုသမ္မတမြန်မာနိုင်ငံတော် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးဝဏ္ဏမောင်လွင်ဦးဆောင်သော နိုင်ငံ(၁၂)နိုင်ငံမှ နိုင်ငံခြားသံတမန် အဖွဲ့ဝင်များနှင့် မိသားစုများ (UNRC)(UNHCER)(ICRC)မှ တာဝန်ရှိပုဂ္ဂိုလ်များသည် ဧပြီ(၁၇)ရက် နေ့လည်(၁၂)နာရီက မြန်မာ့လေကြောင်းလေယာဉ်ဖြင့် ဟဲဟိုးလေဆိပ်သို့ ရောက်ရှိလာရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ အစိုးရအဖွဲ့ တာဝန်ရှိသူများ၊ ဒေသခံတိုင်းရင်းသား ရိုးရာယဉ်ကျေးမှုအဖွဲ့များက ပန်းစည်းဆက်၍လည်းကောင်း၊ ရိုးရာ အဆို၊ အတီး၊ အကများဖြင့်လည်းကောင်း လှိုက်လှဲပျူငှာစွာ ကြိုဆိုခဲ့သည်။

 

  ထို့နောက် နိုင်ငံခြားရေးဝန်ကြီး ဦးဆောင်သော သံတမန်အဖွဲ့ဝင်များသည် ခေတ္တတည်းခိုမည့် အေးသာယာဂေါက်ကွင်း ဟိုတယ်တွင် နေ့လည်စာသုံးဆောင်ပြီးနောက် ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုန်းမြို့နယ်၏ အထင်ကရဖြစ်သော ထန်စန်းသဘာဝလိုဏ်ဂူသို့ သွားရောက်လေ့လာ လည်ပတ်ခဲ့ကြသည်။

 

3

 

4

 

5

 

   ၎င်းနောက် ည(၇)နာရီတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်မှ ဧည့်သည်တော် သံတမန်အဖွဲ့များအား အေးသာယာဂေါက်ကွင်းဟိုတယ်ခန်းမ၌ ဂုဏ်ပြုညစာဖြင့် တည်ခင်းဧည့်ခံရာ ဒေသခံ တိုင်းရင်းသား ရိုးရာယဉ်ကျေးမှု အကအဖွဲ့များက ရိုးရာအဆို၊ အတီး၊ အကများဖြင့် ဧည့်ခံဖျော်ဖြေခဲ့ကြသည်။ ညစာစားပွဲအပြီးတွင် နိုင်ငံခြားရေးဝန်ကြီးက ယဉ်ကျေးမှုအကအဖွဲ့များကို ဂုဏ်ပြုပန်းခြင်းနှင့် ဂုဏ်ပြုဆုငွေပေးအပ်ခဲ့ပြီး အမှတ်တရ မှတ်တမ်းတင်ဓာတ်ပုံရိုက်ကူးခဲ့သည်။ ထို့နောက် ပြည်နယ်ဝန်ကြီးချုပ်မှ နိုင်ငံခြားရေးဝန်ကြီးနှင့် သံတမန်အဖွဲ့ဝင်များအား အမှတ်တရလက်ဆောင်ပစ္စည်းများ ပေးအပ်ခဲ့သည်။

 

၁၃၇၄-ခု တောင်ကြီးမြို့၊ မြန်မာ့ရိုးရာ မဟာသင်္ကြန်ပွဲတော် ပိတ်ပွဲ အခမ်းအနားကျင်းပ

တောင်ကြီး  ဧပြီ  ၁၆

 

05

 

02

 

03

 

04

 

    ၁၃၇၄-ခု တောင်ကြီးမြို့၊ မြန်မာ့ရိုးရာ မဟာသင်္ကြန်ပွဲတော် ပိတ်ပွဲအခမ်းအနားကို ဧပြီ (၁၆)ရက်၊ ညနေ(၅)နာရီက တောင်ကြီးမြို့၊ ဗဟိုမဏ္ဍပ်၌ ကျင်းပပြုလုပ်ခဲ့သည်။ အခမ်းအနားတွင် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်နှင့် ဇနီး ဒေါ်ဖြူဖြူညွန့်၊ အစိုးရအဖွဲ့ တာဝန်ရှိသူများက ဆုရရှိကြသည့် ယိမ်းအက အဖွဲ့များနှင့် ဆုရရှိသူများကို ဆုများအသီးသီးပေးအပ်ချီးမြှင့်ခဲ့ကြသည်။

 

06

 

07

 

01

 

     ဆက်လက်ပြီး ဆုရရှိသည့် ယိမ်းအဖွဲ့များက အဆိုအကများဖြင့် ဖျော်ဖြေတင်ဆက်ခဲ့သည်။


   ထို့နောက် ပြည်နယ်ဝန်ကြီးချုပ်က ၁၃၇၄-ခု တောင်ကြီးမြို့ မြန်မာ့ရိုးရာမဟာသင်္ကြန်ပွဲတော်အား ပိတ်သိမ်းလိုက်ကြောင်းကြေငြာပြီး တေးသံရှင်များက ‘‘မန်းတောင်ရိပ်ခို’’တေးသီချင်းကို စုပေါင်းသီဆို၍ ယိမ်းအကအဖွဲ့များက တူညီကကွက်များဖြင့် ကပြဖျော်ဖြေခဲ့ကြသည်။

ပြည်နယ်ဝန်ကြီး ဦးတူးမောင် အား မြို့ရေထွက်၊ ရေကန်များ ကွင်းဆင်းစစ်ဆေး

တောင်ကြီး ဧပြီ ဝ၉

 

001

 

002

03

 

003

 

04

 

06

 

   ရှမ်းပြည်နယ်အစိုးရအဖွဲ့၊ ပြည်နယ်စည်ပင်သာယာရေးဝန်ကြီး ဦးတူးမောင်သည် ဧပြီ(၉)ရက်နေ့က မြို့ရေပေးရေးအတွက် အသုံးပြုလျက်ရှိသော ရေထွက်၊ ရေကန်များ သွားရောက်ကွင်းဆင်းစစ်ဆေး ခဲ့သည်။


    ထို့နောက် ရှမ်းပြည်နယ်အစိုးရအဖွဲ့၊ ပြည်နယ်စည်ပင်သာယာရေးဝန်ကြီး ဦးတူးမောင် သည် မြို့ရေပေးရေးအတွက် အသုံးပြုလျက်ရှိသော ရေထွက်၊ ရေကန်များ၏ ရေစုဆောင်းထားရှိမှု အခြေအနေနှင့် ရေထွက်နှုန်းများအား လိုက်လံကြည့်ရှုစစ်ဆေးခဲ့ရာ ရှမ်းပြည်နယ်စည်ပင်သာယာရေးအဖွဲ့မှ ဒုတိယအင်ဂျင်နီယာမှူးကြီး ဦးစိုးသိန်းနှင့် တောင်ကြီးမြို့နယ်စည်ပင်သာယာရေးအဖွဲ့မှ လက်ထောက်အင်ဂျင်နီယာ ဦးသီဟန်လင်းတို့က လိုက်လံရှင်းလင်းတင်ပြခဲ့သည်။

အင်းလေးဒေသဇုန်ဝင်ခွင့် ကောက်ခံခြင်းလုပ်ငန်းလိုင်စင်ခွင့်ပြုခြင်း

တောင်ကြီး  ဧပြီ  ၀၅

    အင်းလေးဒေသဖွံ့ဖြိုး တိုးတက်ရေးအတွက် လုပ်ငန်းစီမံချက်များ ထိရောက် အောင်မြင် စွာအကောင်အထည်ဖော်နိုင်ရန်ရည်ရွယ်၍ အင်းလေးဒေသဇုန်ဝင်ခွင် ကောက်ခံခြင်း လုပ်ငန်းအား လေလံတင်ရောင်းချခြင်းကို ၂၀၁၃ ခုနှစ်၊ဧပြီလ(၅) ရက်နေ့၊ နံနက် (၁၁)နာရီအချိန်တွင် ရှမ်းပြည်နယ်အထွေထွေအုပ်ချုပ်ရေးဦးစီးဌာန အစည်းအဝေး ခန်းမ၌ ပြုလုပ်ခဲ့ပါသည်။
    လေလံတင်ရောင်းချပွဲသို့ ရှမ်းပြည်နယ်ဘဏ္ဍာရေးနှင်အခွန်ဝန်ကြီး ဦးခွန်သိန်းမောင်၊ ရှမ်းပြည်နယ်လမ်းပန်းဆက်သွယ်ရေးဝန်ကြီး ဦးစိုင်းနော်ခမ်း၊ အင်းတိုင်းရင်းသားလူမျိုးရေးရာဝန်ကြီး ဦးဝင်းမြင့်၊ ပြည်သူ့လွှတ်တော်ကိုယ်စားလှယ် နှင့် ပြည်နယ်လွှတ်တော်ကိုယ်စားလှယ်များ၊ ဌာနဆိုင်ရာတာဝန်ရှိသူများနှင့် လုပ်ငန်း ရှင်(၂၂)ဦးတက်ရောက်ခဲ့ကြပါသည်။
    အဆိုပါ လုပ်ငန်းလိုင်စင်လေလံတင်ရောင်းချရာတွင် ဦးမောင်မောင်ရွှေနှင့်အဖွဲ့၊ ဦးသန်းဝင်းနှင့်အဖွဲ့၊ ဦးအောင်ကျော်နိုင်နှင့်အဖွဲ့ (၃)ဖွဲ့တို့က အပြိုင်ဆွဲဝယ်ခဲ့ရာ လေလံစျေးအမြင့်ဆုံးပေးသည့် ဦးအောင်ကျော်နိုင်နှင့်အဖွဲ့အား ကျပ်(၆၃၀၀)သိန်း ဖြင့် ချထားပေးခဲ့ပါသည်။
    အင်းလေးဇုန်ဝင်ခွင့်မှာ နိုင်ငံခြားသားတစ်ဦးလျှင် အမေရိကန်ဒေါ်လာ(၅)ဒေါ် လာဖြစ်ပါသည်။

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ် အင်းလေးဒေသ ဟိုတယ်ဇုန်မြေနေရာချထားခြင်း အခမ်းအနားတက်ရောက်

တောင်ကြီး  ဧပြီ  ဝ၈

 

01

 

02

 

    ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ် သည် ဧပြီ(၈)ရက်နေ့ နံနက်(၉)နာရီက တောင်ကြီးမြို့၊ မြို့တော်ခန်းမ၌ ကျင်းပသော အင်းလေးဒေသ ဟိုတယ်ဇုန်မြေနေရာချထားခြင်း အခမ်းအနားသို့ တက်ရောက်၍ အဖွင့်အမှာ စကားပြောကြားခဲ့သည်။

  ထို့နောက် ရှမ်းပြည်နယ်အစိုးရအဖွဲ့ အတွင်းရေးမှူး၊ ရှမ်းပြည်နယ်အထွေထွေအုပ်ချုပ်ရေးဦးစီးဌာန၊ ဒုတိယညွှန်ကြားရေးမှူးချုပ် ဦးရဲနိုင်အောင်က အင်းလေးဒေသဟိုတယ်ဇုန်ဖော်ထုတ်ရေးစီမံကိန်းနှင့် စပ်လျဉ်း၍ ရှင်းလင်းတင်ပြပြီး၊ အင်းလေးဒေသဟိုတယ်ဇုန်ဖော်ထုတ်ရေးဦးစီးကော်မတီ ဥက္ကဋ္ဌ၊ ရှမ်းပြည်နယ်အစိုးရအဖွဲ့ဝင် ပြည်နယ်ဘဏ္ဍာရေးနှင့် အခွန်ဝန်ကြီး ဦးခွန်သိန်းမောင်က မြေနေရာချထားရေးနှင့် စပ်လျဉ်း၍ ဆွေးနွေးတင်ပြခဲ့သည်။

  ဆက်လက်ပြီး အခမ်းအနားတက်ရောက်လာသူများမှ သိရှိလိုသည်များကို မေးမြန်းကြရာ အင်းလေးဒေသဟိုတယ်ဇုန်ဖော်ထုတ်ရေးဦးစီးကော်မတီမှ  တာဝန်ရှိသူများနှင့် ပြည်နယ်အဆင့် ဌာနဆိုင်ရာတာဝန်ရှိသူများက ကဏ္ဍာအလိုက် ပြန်လည်ရှင်းလင်းဖြေကြားပေးခဲ့ကြသည်။

 

03

 

04

 

05

 

   ၎င်းနောက် ပြည်နယ်အစိုးရအဖွဲ့ဝင် ပြည်နယ်ဥပဒေချုပ် ဦးမောင်မောင် က ဥပဒေဆိုင်ရာလုပ်ထုံးလုပ်နည်းများကို ရှင်းလင်းပြောကြားပြီး၊ ပြည်နယ်ဘဏ္ဍာရေးနှင့် အခွန်ဝန်ကြီး ဦးခွန်သိန်းမောင်က နိဂုံးချုပ်အမှာစကားပြောကြားခဲ့သည်။

  အဆိုပါ အခမ်းအနားသို့ ပြည်နယ်ဝန်ကြီးချုပ်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ အစိုးရအဖွဲ့ အတွင်းရေးမှူး၊ ပြည်နယ်/ခရိုင်/မြို့နယ် အဆင့်ဌာနဆိုင်ရာများ၊ ဟိုတယ်လုပ်ငန်းရှင်များ၊ ဖိတ်ကြားထားသော ဧည့်သည်များနှင့် လာရောက်လေ့လာသူများ တက်ရောက်ခဲ့ကြသည်။

ပြည်နယ်ဝန်ကြီးချုပ် နှင့် ဇနီး မိသားစု ရဟန်းခံ၊ ရှင်ပြုအလှူတော်မင်္ဂလာ

တောင်ကြီး  ဧပြီ  ၁၄

 

1

 

2

 

3

 

    ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီး ဒေါ်ဖြူဖြူညွန့် မိသားစု ရဟန်းခံ၊ ရှင်ပြုအလှူတော်မင်္ဂလာကို ဧပြီ လ (၁၄)ရက် နံနက်(၉)နာရီက ပင်းတယမြို့နယ်၊ ပွေးလှမြို့၊ ကျောက်တောကျောင်းတိုက် ဓမ္မာရုံ၌ ကျင်းပပြုလုပ်ခဲ့သည်။


  ရှေးဦးစွာ ပြည်နယ်ဝန်ကြီးချုပ်နှင့် ဇနီး မိသားစု၊ ဧည့်ပရိတ်သတ်များက နမောတဿ(၃)ကြိမ်ရွက်ဆို ဘုရားကန်တော့၍ အခမ်းအနားဖွင့်လှစ်ပြီး၊ ရှင်သာမဏေလောင်း(၅၇)ပါးတို့အား သာသနာ့ဘောင်သို့ သွတ်သွင်းချီးမြှင့်ကြသည်။ ဆက်လက်၍ ရဟန်းလောင်း(၅၁)ပါး တို့အား သာသနာ့ဘောင်သို့ သွတ်သွင်းချီးမြှင့်ကြပြီး၊ လှူဖွယ်ဝတ္ထုပစ္စည်းများ ဆက်ကပ် လှူန်းဒါန်းခဲ့သည်။

 

4

 

5

 

6

 

7

 

   ထို့နောက် ပြည်နယ်ဝန်ကြီးချုပ် မိသားစုနှင့် ဧည့်သည်တော်များက ဆရာတော်သံဃာတော်များအား နေ့ဆွမ်းဆက်ကပ်လှူဒါန်းပြီး၊ ဆရာတော်သံဃာတော်တို့ ချီးမြှင့်တော်မူသော ပရိတ်တရားတော်မြတ်ကို အတူတကွနာယူပန်ဆင်၍ ရေစက်သွန်းချ အမျှပေးဝေခဲ့သည်။


   ၎င်းနောက် ပြည်နယ်ဝန်ကြီးချုပ်နှင့် ဇနီးတို့သည် ဓမ္မပူဇာနှင့် အလှူတော်ငွေ ကျပ်သိန်း(၃ဝ)၊ သင်္ကန်းနှင့် လှူဖွယ်ဝတ္ထုပစ္စည်းများကို ဆက်ကပ်လှူဒါန်းကြပြီး ရတနာရွှေမိုးငွေမိုးများ ရွာသွန်းဖြိုးပေးခဲ့ကြသည်။

 

 

ပထမအကြိမ် ရှမ်းပြည်နယ်လွှတ်တော် ဆဌမပုံမှန်အစည်းအဝေး(တတိယနေ့) ဆက်လက်ကျင်းပ

တောင်ကြီး  ဧပြီ  ဝ၃

 

HT04

 

HT06

 

HT01

 

HT02

 

HT07

 

HT03

 

HT05

 

  ပထမအကြိမ် ရှမ်းပြည်နယ်လွှတ်တော် ဆဋ္ဌမပုံမှန်အစည်းအဝေး တတိယနေ့ကို ဧပြီ(၃)ရက် နံနက်(၁ဝ)နာရီက တောင်ကြီးမြို့ ရှမ်းပြည်နယ်လွှတ်တော် အစည်းအဝေး ခန်းမ၌ကျင်းပရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်လွှတ်တော်ဥက္ကဌ ဦးစိုင်းလုံးဆိုင်၊ဒုတိယဥက္ကဌနှင့် ပြည်နယ်ဝန်ကြီးများ၊ ပြည်နယ်လွှတ်တော်ကိုယ်စားလှယ်များ စုစုပေါင်း(၁၂၃)ဦး တက်ရောက်ကြသည်။
    အစည်းအဝေးတွင် ပြည်နယ်လွတ်တော်ကိုယ်စားလှယ်များက မေးမြန်းသည့် မေးခွန်း(၇)ခုကို သက်ဆိုင်ရာပြည်နယ်အစိုးရအဖွဲ့ဝင်များက ဖြေကြားခြင်း၊၂ဝ၁၃-၂ဝ၁၄ ဘဏ္ဍာရေးနှစ် ရသုံးမှန်းခြေငွေစာရင်းနှင့်၂ဝ၁၃-ခုနှစ် ရှမ်းပြည်နယ်၏ဘဏ္ဍာငွေ အရအသုံးဆိုင်ရာ ဥပဒေကြမ်းနှင့် ၂ဝ၁၃-၂ဝ၁၄ဘဏ္ဍာရေးနှစ် ရှမ်းပြည်နယ်၏ ဒေသန္တရစီမံကိန်း ဥပဒေကြမ်းအားဆွေးနွေးခြင်းနှင့် လွှတ်တော်၏ အဆုံးအဖြတ် ရယူအတည်ပြုခြင်း၊ ရှမ်းပြည်နယ် စည်ပင်သာယာရေးဥပဒေ(မူကြမ်း)အား လာမည့်အနီးစပ်ဆုံး လွှတ်တော် အစည်းအဝေးတွင် ဆွေးနွေးမည်ဖြစ်ကြောင်း လွှတ်တော်ဥက္ကဌက ကြေညာခြင်း၊ ယမန်နေ့က တင်သွင်းခဲ့သော အဆို(၂)ရပ်အား ဆွေးနွေးခြင်းနှင့် လွှတ်တော်၏အဆုံးအဖြတ်ရယူခြင်း၊ လူဦးရေနှင့် အိမ်အကြောင်းအရာ၊ သန်းခေါင်စာရင်းကောက်ယူရေးလုပ်ငန်းကိစ္စ၊ပြည်ထောင်စုလွှတ်တော် ဥပဒေများစာရင်း၊ ၂ဝ၁၂-၂ဝ၁၃ ဘဏ္ဍာရေးနှစ်အတွင်း လူမှုရေးကဏ္ဍ ဆောင်ရွက်ချက် အစီရင်ခံစာ၊ အင်းလေးဒေသ ဟိုတယ်ဇုန်ဖော်ထုတ်ရေးစီမံကိန်းနှင့်စပ်လျဉ်းသည့်ကိစ္စ၊ ရှမ်းပြည်နယ်အတွင်း လက်နက်ကိုင်များနှင့်ပတ်သက်၍ ပကတိဖြစ်ပေါ် နေမှုများနှင့် စပ်လျဉ်းသည့် ကိစ္စရပ်များအား လွှတ်တော်သို့ ရှင်းလင်းတင်ပြခြင်းတို့ ဆောင်ရွက်ခဲ့ကြသည်။
    ထိုနောက် ပထမအကြိမ် ရှမ်းပြည်နယ်လွှတ်တော် ဆဌမပုံမှန်အစည်းအဝေး ကို ညနေ(၃:၂၅)နာရီတွင် အောင်မြင်စွာကျင်းပပြီးစီးခဲ့သည်။

အင်းလေးဒေသဟိုတယ်ဇုန် မြေနေရာချထားခြင်း

တောင်ကြီး  ဧပြီ  ၁၄

    အင်းလေးဒေသဟိုတယ်ဇုန် မြေနေရာချထားခြင်းအတွက် လျှောက်ထားသူများအား (၁၁.၄.၂ဝ၁၃)ရက်နေ့တွင် တောင်ကြီးမြို့၊ မြို့တော်ခန်းမ၌ မဲနှိုက်ဆောက်ရွက်ခဲ့ရာ မဲနှိုက်မည့် ပုဂ္ဂိုလ်များ၏ ဆန္ဒအရ ဧရိယာဧကများကို ပြင်ဆင်၍ မဲနှိုက်ရန် အမည်စာရင်းတင်သွင်းခဲ့ပါသည်။
    ဟိုတယ်ဇုန်မြေနေရာချထားရေးကော်မတီ အနေဖြင့် ခွဲဝေပေးနိုင်သော မြေကွက်ဧရိယာမှာ (A)ဇုန် (၁)ဧကကွက် (၈)ကွက်၊ (A)ဇုန် (၃)ဧကကွက် (၃၁)ကွက်၊ (B)ဇုန် (၄)ဧက အထက်အကွက် (၂၂)ကွက်၊ (C)ဇုန် (၄)ဧက အထက်အကွက် (၂၆)ကွက် ဖြစ်ပါသည်။
    အထက်ပါ ဟိုတယ်ဇုန်မြေနေရာ လျှောက်ထားမှုအတွက် မဲနှိုက်ကြရာတွင် မဲပေါက်သူများစာရင်း၊ ငွေပေးသွင်းပြီးသူများစာရင်းနှင့် အကွက်အမှတ်များအား အောက်ဖော်ပြပါအတိုင်းဖြစ်ပါသည် -

 

1

 

2

 

3

 

4

 

5

 

6

 

7

 

8

ပထမအကြိမ် ရှမ်းပြည်နယ်လွှတ်တော် ၊ ဆဌမပုံမှန်အစည်းအဝေး(ဒုတိယနေ့)ကျင်းပ

တောင်ကြီး  ဧပြီ  ဝ၂

 

HL06

 

HL05

 

HL04

 

HL03

 

HL02

 

HL01

 

  ပထမအကြိမ် ရှမ်းပြည်နယ်လွှတ်တော် ၊ဆဌမပုံမှန်အစည်းအဝေး ဒုတိယနေ့ကို ဧပြီ(၂)ရက်နေ့ နံနက်(၁ဝ)နာရီက တောင်ကြီးမြို့ ရှမ်းပြည်နယ်လွှတ်တော် အစည်းအဝေးခန်းမ၌ကျင်းပရာ ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ပြည်နယ်လွှတ်တော်ဥက္ကဌ ဦးစိုင်းလုံးဆိုင်၊ ဒုတိယဥက္ကဌနှင့် ပြည်နယ်လွှတ်တော်ကိုယ်စားလှယ်(၁၂၅)ဦးတို့ တက်ရောက်ကြသည်။
    အစည်းအဝေးတွင် ပြည်နယ်လွှတ်တော်ကိုယ်စားလှယ်များက မေးမြန်းသည့်မေးခွန်း (၈)ခုကို သက်ဆိုင်ရာပြည်နယ်အစိုးရအဖွဲ့ဝင်များက ဖြေကြားခြင်း၊ ယမန်နေ့က တင်သွင်းခဲ့သော အဆို(၂)ရပ်အား ဆွေးနွေးခြင်းနှင့် လွှတ်တော်၏အဆုံးအဖြတ်ကို ရယူခြင်း၊ အဆို(၂)ရပ်တင်သွင်းခြင်း၊၂ဝ၁၃-၂ဝ၁၄ ဘဏ္ဍာရေးနှစ် ရှမ်းပြည်နယ်အတွင်း မြို့မြေခွန်နှုန်း တိုးမြှင့်ကောက်ခံရေးနှင့် စပ်လျဉ်းသည့်ကိစ္စ၊၂ဝ၁၂-၂ဝ၁၃ ဘဏ္ဍာရေးနှစ် အတွင်းဆောင်ရွက်ပြီးစီးမှုနှင့် ၂ဝ၁၃-၂ဝ၁၄ ဘဏ္ဍာရေးနှစ် အတွင်းဆောင်ရွက်မည့် လမ်း/တံတားလုပ်ငန်း အခြေအနေ၊ရှမ်းပြည်နယ် ကျေးလက်ဒေသဖွံ့ဖြိုးရေးနှင့် ဆင်းရဲမှုလျှော့ချရေး လုပ်ငန်းစဉ်(၈)ရပ် ဆောင်ရွက်ထားရှိမှု အခြေအနေနှင့် ရှမ်းပြည်နယ်အစိုးရမှ ရှမ်းပြည်နယ်အတွင်းရှိ ရေအားလျှပ်စစ်ဓာတ်အားပေးစက်ရုံများ အခြေအနေတို့နှင့်စပ်လျဉ်းသည့်ကိစ္စရပ်များအား လွှတ်တော်သို့ ရှင်းလင်းတင်ပြခြင်းတို့ ဆောင်ရွက်ခဲ့ကြသည်။
    ထို့နောက် ပထမအကြိမ် ရှမ်းပြည်နယ်လွှတ်တော် ဆဌမပုံမှန်အစည်းအဝေး ဒုတိယနေ့ အစီအစဉ်များကို မွန်းလွှဲ(၂)နာရီခွဲတွင် ရပ်နားလိုက်သည်။

၁၃၇၄ခု တောင်ကြီးမဟာသင်္ကြန် ဖွင့်ပွဲကျင်းပ

တောင်ကြီး  ဧပြီ  ၁၃

 

01

 

02

 

03

 

04

 

08

 

07

 

05

 

06

 

09

 

   ၁၃၇၄ ခု တောင်ကြီးမြို့ မဟာသင်္ကြန်ပွဲတော်ဖွင့်ပွဲအခမ်းအနားကို ဧပြီ(၁၃)ရက် ညနေ(၄)နာရီက တောင်ကြီးမြို့ မဟာသင်္ကြန်ပွဲတော် ဗဟိုမဏ္ဍပ်၌ ကျင်းပရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီးဒေါ်ဖြူဖြူညွန့်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ အစိုးရအဖွဲ့ အတွင်းရေးမှူး၊ ပြည်နယ်အဆင့် ဌာနဆိုင်ရာ တာဝန်ရှိသူများ၊ ဖိတ်ကြားထားသော ဧည့်သည်တော်များ၊ တေးသံရှင်များ၊ ယိမ်းအကအဖွဲ့များနှင့် တိုင်းရင်းသားပြည်သူများ တက်ရောက်ခဲ့သည်။


  ရှေးဦးစွာ ပြည်နယ်ဝန်ကြီးချုပ်က ကြိုဆိုနှုတ်ခွန်းဆက်စကားပြောကြားပြီး၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်စည်ပင်သာယာရေးဝန်ကြီး ဦးတူးမောင်နှင့် ပြည်နယ်လူမှုရေးဝန်ကြီး ဒေါက်တာမျိုးထွန်းတို့က ဗဟိုမဏ္ဍပ်ကို ဖဲကြိုးဖြတ်ဖွင့်လှစ်ပေးကြသည်။


   ထို့နောက် တေးသံရှင်များက တေးသံသာများဖြင့် သီဆိုတင်ဆက်ကြပြီး၊ ယိမ်းအကအဖွဲ့များက ညီညာစွာကပြဧည့်ခံဖျော်ဖြေခဲ့ကြ၍ ပြည်နယ်ဝန်ကြီးချုပ်နှင့် ဇနီးတို့မှ ဧည့်သည်တော်များနှင့် ယိမ်းအကအဖွဲ့များအား အတာရေပက်ဖျန်းပေးကြသည်။


   ဆက်လက်ပြီး ပြည်နယ်ဝန်ကြီးချုပ်က ဗဟိုမဏ္ဍပ်အား ဂုဏ်ပြုဆုငွေ ကျပ်(၅)သိန်းကို ပေးအပ်ချီးမြှင့်ရာ တာဝန်ရှိသူ တစ်ဦးမှ လက်ခံရယူခဲ့သည်။

 

  ၎င်းနောက် ပြည်နယ်ဝန်ကြီးချုပ်နှင့် ဧည့်သည်တော်များသည် ရွှေနေကြာမဏ္ဍပ်၊ ရိုးရာသင်္ကြန်ပွဲတော်မဏ္ဍပ်၊ တိုင်းရင်းသားငြိမ်းချမ်းရေးမဏ္ဍပ်၊ ချယ်ရီသင်္ကြန်မဏ္ဍပ်၊ အိပ်မက် သင်္ကြန်မဏ္ဍပ်တို့အား လိုက်လံကြည့်ရှုအားပေးခဲ့ပြီး မဏ္ဍပ်အသီးသီးတွင် ဂုဏ်ပြုဆုငွေများပေးအပ်ခဲ့ကြသည်။

ပထမအကြိမ်ရှမ်းပြည်နယ်လွှတ်တော်၊ ဆဋ္ဌမပုံမှန်အစည်းအဝေး(ပထမနေ့)ကျင်းပ

တောင်ကြီး ဧပြီ ၀၁

 

L01

 

L12

 

L10

 

L05

 

L07

 

L08

 

L09

 

   ပထမအကြိမ်ရှမ်းပြည်နယ်လွှတ်တော်၊ ဆဋ္ဌမပုံမှန်အစည်းအဝေး ပထမနေ့ကို ဧပြီလ(၁)ရက် နေ့ နံနက်(၁၀)နာရီအချိန်တွင် ရှမ်းပြည်နယ်လွှတ်တော်အစည်းအဝေးခန်းမ၌ ကျင်းပရာ လွှတ်တော် ကိုယ်စားလှယ်(၁၄၂)ဦးရှိသည့်အနက်(၁၂၇)ဦးတက်ရောက်ခဲ့ပါသည်။
    ပထမဦးစွာ ရှမ်းပြည်နယ်လွှတ်တော်ဥက္ကဋ္ဌက ကတိသစ္စာမပြုရသေးသော တပ်မတော်သား ပြည်နယ်လွှတ်တော်ကိုယ်စားလှယ်တစ်ဦးအား ကတိသစ္စာပြု၍ ကတိသစ္စာပြုလွှာ ပေါ်တွင် လက်မှတ်ရေးထိုးပါသည်။
  အစည်းအဝေးတွင် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က မိန့် ခွန်းပြောကြားပါသည်။ထို့နောက်အစည်းအဝေးတွင် ပြည်နယ်လွှတ်တော် ကိုယ်စားလှယ်များက မေးမြန်းသည့် မေးခွန်း(၇)ခုကို သက်ဆိုင်ရာ ပြည်နယ်လွှတ်တော် ဒုတိယဥက္ကဋ္ဌနှင့် ပြည်နယ်အစိုးရ အဖွဲ့ဝင် ဝန်ကြီးများကဖြေကြားခြင်း၊ ၂၀၁၃-၂၀၁၄ ဘဏ္ဍာရေးနှစ် ရသုံးမှန်ခြေငွေစာရင်းနှင့် ၂၀၁၃ ခုနှစ်၊ ရှမ်းပြည်နယ်၏ ဘဏ္ဍာငွေအရအသုံးဆိုင်ရာဥပဒေ(မူကြမ်း)နှင့်ရှမ်းပြည်နယ်၏ဒေသန္တရ စီမံကိန်းဥပဒေ(မူကြမ်း)တို့အား တင်သွင်းခြင်း၊ လွှတ်တော်ကိုယ်စားလှယ်များမှ အဆို(၂)ရပ် တင်သွင်းခြင်း၊ ရှမ်းပြည်နယ်အစိုးရအဖွဲ့မှ လယ်ယာမြေဥပဒေနှင့်နည်းဥပဒေများ၊ မြေလွတ်၊ မြေလပ်နှင့် မြေရိုင်းများ စီမံခန့်ခွဲရေးဥပဒေနှင့်နည်းဥပဒေများရှင်းလင်းတင်ပြခြင်း၊ ရှမ်းပြည်နယ်အစိုးရအဖွဲ့၏ ၂၀၁၂-၂၀၁၃ ခုနှစ်အတွင်းဆောင်ရွက်ပြီးစီးမှုနှင့် ၂၀၁၃-၂၀၁၄ ခုနှစ်အတွင်း ဆောင်ရွက်မည့် သစ်တော ကဏ္ဍလုပ်ငန်းများအားရှင်းလင်းတင်ပြခြင်း၊ ရှမ်းပြည်နယ် စာရင်းစစ်ချုပ်၏ အစီရင်ခံစာတို့အားရှင်းလင်းတင်ပြခြင်းတို့ကို ဆောင်ရွက်ခဲ့ပါသည်။
    ပထမအကြိမ်ရှမ်းပြည်နယ်လွှတ်တော်၊ ဆဋ္ဌမပုံမှန်အစည်းအဝေး(ပထမနေ့)အစီအစဉ်ကို ညနေ(၄:၁၅)တွင် ရပ်နားခဲ့ပါသည်။

More Articles...

  1. ၂ဝ၁၃ ခုနှစ် အင်းလေးဘက်စုံထူးချွန် အပန်းဖြေစခန်းဖွင့်ပွဲကျင်းပ
  2. ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ် သုံးထပ်ဓမ္မာရုံတော်သစ် ရေစက်ချအလှူတော် မင်္ဂလာအခမ်းအနားတက်ရောက်
  3. ပိုးသတ်ဆေး ဥပဒေနှင့် မြေဩဇာ ဥပဒေ လုပ်ထုံးလုပ်နည်းဆိုင်ရာ လိုက်နာဆောင်ရွက်ရမည့် လုပ်ငန်းစဉ်များ ရှင်းလင်းဆွေးနွေးပွဲကျင်းပ
  4. ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ် ဓနုဆုံဆည်းရာနေ့ အခမ်းအနားတက်ရောက်
  5. ၂ဝ၁၃ ခုနှစ်၊ ကမ္ဘာ့တီဘီရောဂါ တိုက်ဖျက်ရေးနေ့ အခမ်းအနားကျင်းပ
  6. ရှမ်းပြည်နယ်အစိုးရအဖွဲ့၊ ပြည်နယ်လျှပ်စစ်နှင့် စက်မှုလက်မှု ဝန်ကြီး ဦးစိုင်းထွန်းရင် ဒေသခံတိုင်းရင်းသားများနှင့် တွေ့ဆုံ
  7. ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ် ကုလသမဂ္ဂဖွံ့ဖြိုးမှု အစီအစဉ် ( UNDP ) မှ တာဝန်ရှိ ပုဂ္ဂိုလ်များနှင့် တွေ့ဆုံ
  8. ရှမ်းပြည်နယ်အစိုးရအဖွဲ့ နှင့် UNDP, UNICEF, UN-Women, WFP, UNFPA, UNOPS တို့မှ ကိုယ်စားလှယ်အဖွဲ့များတွေ့ဆုံ
  9. ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ် ညောင်ရွှေမြို့နယ်ဒေခံပြည်သူများနှင့် တွေ့ဆုံပွဲ
  10. ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ် ပအိုဝ်းကိုယ်ပိုင် အုပ်ချုပ်ခွင့်ရဒေသ ဆီဆိုင်မြို့နယ် ဒေသခံပြည်သူများနှင့်တွေ့ဆုံ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

lishaw
 ရှမ်းပြည်နယ်(အရှေ့ပိုင်း) ကျိုင်းတုံ မြို့နယ်တွင် အများစုနေထိုင်ကြပြီး၊ လွိုင်လင်၊ မိုးမိတ်၊ မဘိမ်း၊ နမ့်ဆန်၊ နမ့်ခမ်း၊ ညောင်ရွှေနှင့် ဖယ်ခုံမြို့နယ်တို့တွင်လည်း နေထိုင်ကြသည်။

We have 152 guests and no members online

Latest Updates