ရှမ်းပြည်နယ်သတင်းများ

မြန်မာနိုင်ငံ ကလေးများနေ့အကြို လှုပ်ရှားမှုကဗျာရွတ်ပြိုင်ပွဲ ကျင်းပ

တောင်ကြီး   ဖေဖေါ်ဝါရီ    ၁၀

 890

   ဖေဖေါ်ဝါရီလ(၁၃)ရက်နေ့တွင် ကျရောက်မည့် မြန်မာနိုင်ငံကလေးများနေ့ကို ကြိုဆိုဂုဏ်ပြု သောအားဖြင့် လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ရှမ်းပြည်နယ် လူမှုဝန်ထမ်းဦးစီးဌာနမှ ဦးစီး၍ လူမှုဝန်ထမ်းဦးစီးဌာန၊ မူလတန်းကြိုကျောင်းမှ ကလေးငယ်များ နှင့် ကိုယ့်အားကိုယ်ကိုးမူကြို၊ ပုဂ္ဂိုလ်ကမူကြိုကျောင်းမှ ကလေးငယ်များသည် ဖေဖေါ်ဝါရီ(၁၀)ရက် နံနက်(၉)နာရီက တောင်ကြီးမြို့၊ ရှမ်းပြည်နယ် အမျိုးသမီးရေးရာရုံးနှင့် မိခင်နှင့်ကလေး စောင့်ရှောက်မှု ကြီးကြပ်ရေးရုံး အစည်းအဝေးခန်းမ၌  ကဗျာရွတ်ပြိုင်ပွဲကျင်းပကြောင်း သိရသည်။

   ဆက်လက်၍  တောင်ကြီးမြို့ပေါ်ရှိ မူကြိုကျောင်းမှ ကလေးငယ်များသည် ပစ်တိုင်းထောင် ကဗျာ၊ ဗိုလ်ချုပ်အောင်ဆန်းကဗျာ၊ ခေါင်းစဉ်များဖြင့် ပြိုင်ပွဲဝင်ကြပြီး၊ ပြိုင်ပွဲတွင် ဆုရရှိသူများကို ဖေဖေါ်ဝါရီလ(၁၃)ရက်နေ့ မြန်မာနိုင်ငံကလေးများနေ့တွင် ဆုများချီးမြှင့်ပေးသွားမည်ဖြစ်ပြီး၊ ပြိုင်ပွဲသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၏ဇနီး ရှမ်းပြည်နယ်အမျိုးသမီးရေးရာ နှင့် မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့ နာယက ဒေါ်ဖြူဖြူညွှန့်နှင့် တာဝန်ရှိသူများ၊ ပြည်နယ်အဆင့်ဌာနဆိုင်ရာများ၊ လူမှုဝန်ထမ်းဦးစီးဌာနမှ တာဝန်ရှိသူများ၊ တောင်ကြီးမြို့ပေါ်ရှိ ဆရာမများနှင့် ပြိုင်ပွဲဝင်ကလေးများ တက်ရောက်ကြကြောင်း သိရှိရသည်။

                                                                                                                                                                           မောင်မောင်သန်း(တောင်ကြီး)

 

(၆၈)နှစ်မြောက် ရှမ်းပြည်နယ်နေ့နှင့်ပြည်ထောင်စုနေ့ အခမ်းအနားသို့ တက်ရောက်ရန် ရောက်ရှိလာကြသော ရှမ်းပြည်နယ်( မြောက်ပိုင်း၊ အရှေ့ပိုင်း) မှ တိုင်းရင်းသား ယဉ်ကျေးမှုအဖွဲ့များအား ရှမ်းပြည်နယ်အစိုးရအဖွဲ့၏ အစီအစဉ်ဖြင့် ဒေသန္တရလေ့လာရေး ပို့ဆောင်ပေး

တောင်းကြီ   ဖေဖေါ်ဝါရီ   ၉

889

   (၂၀၁၅)ခုနှစ် ဖေဖေါ်ဝါရီလ(၈)ရက်နေ့ နံနက်(၇)နာရီအချိန်တွင် (၆၈)နှစ်မြောက် ရှမ်းပြည်နယ်နေ့ နှင့် ပြည်ထောင်စုနေ့ အခမ်းအနားသို့ တက်ရောက်ရန် ရှမ်းပြည်နယ်(အရှေ့ပိုင်း၊ မြောက်ပိုင်း)ရှိ ဒေသအသီးသီးမှ ရောက်ရှိလာသော တိုင်းရင်းသား ယဉ်ကျေးမှုအဖွဲ့များကို ရှမ်းပြည်နယ် အစိုးရအဖွဲ့၏ အစီအစဉ်ဖြင့်  ညောင်ရွှေမြို့နယ် အင်းလေးဒေသရှိ ဖောင်တော်ဦး မြတ်စွာဘုရားသို့ ဒေသန္တရ လေ့လာရေး ခရီးပို့ဆောင်ပေးခဲ့ကြောင်း သိရှိရသည်။

 

ဥပဒေချုပ်ရုံးတိုးချဲ့ သုံးထပ်ဆောင်နှင့် အစည်းအဝေးခန်းမ ဖွင့်လှစ်

တောင်ကြီး ဖေဖေါ်ဝါရီ - ၈

884

   ၂၀၁၅ခုနှစ်၊ ရှမ်းပြည်နယ် ဥပဒေချုပ်ရုံးတိုးချဲ့(၃)ထပ်ဆောင်နှင့် အစည်းဝေးခန်းမဖွင့်လှစ်ပွဲကို ဖေဖေါ်ဝါရီ(၈)ရက် နံနက်(၁၁)နာရီခွဲက တောင်ကြီးမြို့၊ အဆိုပါရုံး၌ကျင်းပကြောင်းသိရသည်။

   အခမ်းအနားတွင် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်အား၊ ဘင်ခရာ တပ်ဖွဲ့မှ ဂုဏ်ပြုအလေးပြုကြပြီး၊ ရှမ်းပြည်နယ် ဥပဒေချုပ်ရုံးတိုးချဲ့သုံးထပ်ဆောင်နှင့် အစည်းအဝေးခန်းမ ကို ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် ပြည်နယ်ဥပဒေချုပ် ဦးမောင်မောင်တို့က ဖဲကြိုးဖြတ်ဖွင့်လှစ်ပေးကြသည်။

   ဆက်လက်၍ ရှမ်းပြည်နယ်ဥပဒေချုပ်ရုံးတိုးချဲ့သုံးထပ်ဆောင်နှင့် အစည်းအဝေးခန်းမဖွင့်ပွဲ အခမ်းအနား ဒုတိယပိုင်းတွင် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က၊ အမှာစကားပြောကြားပြီး၊ ပြည်နယ်ဥပဒေချုပ် ဦးမောင်မောင်မှ ဥပဒေချုပ်ရုံးတိုးချဲ့(၃)ထပ်ဆောင်နှင့် အစည်းအဝေးခန်းမ အဆောက်အဦနှင့် ပတ်သက်၍ ရှင်းလင်းအမှာစကားပြောကြားပြီး၊ ဖွင့်ပွဲ အထိမ်းအမှတ်အလံများပေးအပ်ရာ ပြည်နယ်ဥပဒေချုပ် ဦးမောင်မောင်မှ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်အားပေးအပ်၍ လည်းကောင်း၊ ပြည်နယ်လွှတ်တော် ဥက္ကဌဦးစိုင်းလုံးဆိုင်နှင့် ပြည်နယ်တရားလွှတ်တော် တရားသူကြီးချုပ် ဦးကြွယ်ကြွယ်(ကိုယ်စား)၊ ပြည်နယ်တရားလွှတ်တော် တရားသူကြီး ဦးခင်မောင်ဌေးတို့ကို ပြည်နယ်ဥပဒေအရာရှိ ဦးတင်မြင့်မှ ပေးအပ်ခဲ့ကြောင်းသိရသည်။ 

   အဆိုပါအခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်လွှတ်တော် ဥက္ကဌနှင့် ဒုတိယဥက္ကဌ၊ ပြည်နယ်ဝန်ကြီးများ၊ ပြည်နယ်အစိုးရအဖွဲ့အတွင်းရေးမှူး၊ ပအိုဝ်းကိုယ်ပိုင် အုပ်ချုပ်ခွင့်ရဒေသဦးစီးဥက္ကဌ၊ ပြည်နယ်၊ ခရိုင်၊ မြို့နယ်အဆင့်ဌာနဆိုင်ရာများ၊ ရှမ်းတောင်၊ တွဲဖက်ပြည်နယ်ရုံး ရှမ်းမြောက်၊ ရှမ်းရှေ့မှ ဥပဒေအရာရှိကြီးများနှင့် တာဝန်ရှိသူများတက်ရောက် ကြကြောင်းသိရှိရသည်။

                                                                                မောင်မောင်သန်း(တောင်ကြီး)

 

(၂၀၁၅)ခုနှစ် မြန်မာနိုင်ငံကလေးများနေ့အကြို၊ မူကြိုကျောင်းကလေးငယ်များ အားကစားပြိုင်ပွဲ ကျင်းပ

တောင်ကြီး   ဖေဖေါ်ဝါရီ   ၉

 888

   ဖေဖေါ်ဝါရီလ(၁၃)ရက်နေ့တွင် ကျရောက်မည့် မြန်မာနိုင်ငံကလေးများနေ့ကို ကြိုဆို ဂုဏ်ပြုသောအားဖြင့် လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ရှမ်းပြည်နယ်လူမှုဝန်ထမ်းဦးစီးဌာနမှ ဦးစီး၍ လူမှုဝန်ထမ်းဦးစီးဌာန၊ မူလတန်းကြိုကျောင်းမှ ကလေးငယ်များနှင့် ကိုယ့်အားကိုယ်ကိုးမူကြို၊ ပုဂ္ဂိုလ်ကမူကြို ကျောင်းပေါင်း(၃၀)ရှိ အင်အား(၃၁၂)ဦးနှင့် ဖေဖေါ်ဝါရီ(၉)ရက် နံနက်(၉)နာရီက တောင်ကြီးမြို့၊ ရှမ်းပြည်နယ် ပြည်နယ်အားကစားကွင်း၌  မူကြိုကျောင်းကလေးငယ်များ အားကစားပြိုင်ပွဲကျင်းပကြောင်း သိရသည်။

   ဆက်လက်၍ အားကစားပြိုင်ပွဲတွင် ပရဟိတဂေဟာမှ အားကစားနည်း(၆)မျိုးနှင့် ကျောင်း(၇)ကျောင်း၊ အင်အား(၉၀)ဦး ယှဉ်ပြိုင်ကြပြီး၊ မူကြိုကျောင်းအဆင့်တွင် ကလေးများ ဉာဏ်ရည်ထက်မြက်သွက်လက်စေရန် အားကစားနည်း(၇)မျိုးဖြစ်သည့် နို့ဆီဗူးစီ၊ အားလူးကောက်၊ မုန့်စားပြိုင်ပွဲ၊ ပင်ပေါင်လုံး ရောင်စုံကောက်ပြိုင်ပွဲ၊ ရေသန့်ဗူး ရေထည့်ပြိုင်ပွဲ၊ လက်ဆင့်ကမ်းပြိုင်ပွဲ၊ ထိုင်ခုံနေရာလုပြိုင်ပွဲ များဖြင့် မူကြိုကလေးများ ပါဝင်ယှဉ်ပြိုင်ကြပြီး၊ ဆုရရှိသည့်ကလေးများကို ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်းနှင့် ရှမ်းပြည်နယ် လူမှုဝန်ထမ်းဦးစီးဌာန တာဝန်ရှိသူတို့မှ ပြိုင်ပွဲတွင် ပထမ၊ ဒုတိယ၊ တတိယနှင့် နှစ်သိမ့်ဆု ရရှိသူ များကို ဆုများချီးမြှင့် ပေးခဲ့ကြကြောင်း သိရှိရသည်။

                                                                                                                                                                                မောင်မောင်သန်း(တောင်ကြီး)

 

ရှမ်းပြည်နယ်အစိုးရအဖွဲ့နှင့် မောရှမ်းဖွင့်ဖြိုးတိုးတက်ရေးကုမ္ပဏီအဖွဲ့ တွေ့ဆုံ

တောင်ကြီး ဖေဖေါ်ဝါရီ - ၈

 883

   ရှမ်းပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်အစိုးရအဖွဲ့ အတွင်းရေးမှူး၊ သက်ဆိုင်ရာ ပြည်နယ်အဆင့်ဌာနဆိုင်ရာ တာဝန်ရှိသူများနှင့် အတူ ဖေဖေါ်ဝါရီလ(၈)ရက် နံနက်(၉)နာရီခွဲက တောင်ကြီးမြို့၊ ရှမ်းပြည်နယ်အစိုးရအဖွဲ့ရုံး အစည်းအဝေးခန်းမ၌ မောရှမ်းဖွံ့ဖြိုးတိုးတက်ရေး ကုမ္ပဏီအဖွဲ့မှ တာဝန်ရှိသူများနှင့် တွေ့ဆုံကြောင်းသိရသည်။

   ပထမဦးစွာ မောရှမ်းဖွံ့ဖြိုးတိုးတက်ရေး ကုမ္ပဏီဥက္ကဌ ဦးကျော်ပြောမှ အဆောက်အဦလုပ်ငန်းနှင့် ပတ်သက်၍ အကျဉ်းချုပ်ရှင်းလင်းပြီး ကုမ္ပဏီမှ တာဝန်ရှိသူများနှင့်မိတ်ဆက်ပေးပြီး၊ မောရှမ်း ဖွံ့ဖြိုးတိုးတက်ရေးကုမ္ပဏီ မန်နေဂျင်းဒါရိုက်တာ ဦးဇော်ဦးမှ လုပ်ငန်းဆောက်လုပ်မည့် စီမံကိန်း ရည်မှန်းချက်များကို ပါဝါပွိုင့်ဖြင့် ရှင်းလင်းတင်ပြရာ ပြည်နယ်ဝန်ကြီးချုပ်မှ လမ်းကိစ္စရပ်များနှင့် ပတ်သက်၍ မည်သို့ပြုလုပ်ရန် သိရှိလိုကြောင်းနှင့် မောရှမ်းဖွံ့ဖြိုးတိုးတက်ရေး ကုမ္ပဏီနှင့် ရှမ်းပြည်နယ်အစိုးရအဖွဲ့နှင့် ပေါင်းစပ်ညှိနှိုင်းဆောင်ရွက်ရမည်ဖြင့်သည့်အတွက် ပြည်နယ်အစိုးရအဖွဲ့မှ ဝန်ကြီးများနှင့် ပြည်နယ်အဆင့်ဌာနဆိုင်ရာများတို့က ဆွေးနွေးပေးကြရန် ပြောကြားသွားသည်။

   ထို့နောက် ရှမ်းပြည်နယ်အစိုးရအဖွဲ့၊ ပြည်နယ်သစ်တော၊ သတ္တုဝန်ကြီး ဦးစိုင်းအိုက်ပေါင်းမှ လယ်ယာမြေကိစ္စရပ်များ နှင့် ပတ်သက်၍ ဆွေးနွေးရာ မောရှမ်းဖွံ့ဖြိုးတိုးတက်ရေး ကုမ္ပဏီဥက္ကဌမှ လယ်ယာမြေကိစ္စရပ်များနှင့် ပတ်သက်၍ ရှင်းလင်းပြီး၊ ပြည်နယ်ဆည်မြောင်းဦးစီးဌာနမှ ပြည်နယ်မှူးက လယ်ယာမြေများ စိုက်ပျိုးမြေများနှင့် ပတ်သက်သည့် ကိစ္စရပ်များ ဆွေးနွေးသွားကြောင်းသိရသည်။

  ယင်းနောက် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်မှ နိုင်ငံတကာရင်းနှီးမြုပ်နှံမှုများကို ထည့်သွင်းစဉ်းစားရန်၊ မြေအသုံးချမှုနှင့် ပတ်သက်၍ မြေယာပိုင်ဆိုင်မှုသည် မည်သူပိုင်ဆိုင်ကြောင်း၊ လယ်ယာမြေများ ဟုတ်မဟုတ်စိစစ်ရန် ဆွေးနွေးချက်များအားလုံးကိုလည်း ပြည်ထောင်စုအစိုးရအဖွဲ့ကို  ဆက်လက်တင်ပြပေးသွားမည် ဖြစ်ကြောင်း ဒေသခံတိုင်းရင်းသားများ ပါဝင်ဆောင်ရွက်နိုင်ပါက နိုင်ငံတော် အတွက် ဖွံ့ဖြိုးတိုးတက်မည်ဖြစ်ကြောင်း၊ ဆွေးနွေးပြောကြားသွားကြောင်းသိရသည်။

                                                                                                                                                                              မောင်မောင်သန်း(တောင်ကြီး)

 

ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီးနှင့် စီမံကိန်းနှင့်စီးပွားရေးဝန်ကြီးတို့မှ ရှမ်းပြည်နယ်နေ့၊ ပြည်ထောင်စုနေ့အထိမ်းအမှတ်အားကစားပြိုင်ပွဲ တက်ရောက်အားပေးခြင်း

တောင်ကြီး   ဖေဖေါ်ဝါရီ   ၉

886

ရှမ်းပြည်နယ်အစိုးရအဖွဲ့မှ ကြီးမှူးကျင်းပသည့် ရှမ်းပြည်နယ်နေ့နှင့် ပြည်ထောင်စုနေ့ အထိမ်းအမှတ်အားကစားပြိုင်ပွဲများကို တောင်ကြီးမြို့၊ အဝေရာမီးပုံးပျံကွင်းတွင် ကျင်းပလျက်ရှိရာ ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီးနှင့် စီမံကိန်းနှင့် စီးပွားရေးဝန်ကြီးတို့မှ ဖေဖေါ်ဝါရီလ(၉)ရက်နေ့ နံနက်(၁၀)နာရီအချိန်တွင် ပိုက်ကျော်ခြင်းပြိုင်ပွဲအား သွားရောက်ကြည့်ရှု အားပေးခဲ့ကြကြောင်း သတင်းရရှိပါသည်။

 

(၆၈)နှစ်မြောက်၊ ရှမ်းပြည်နယ်နေ့အထိမ်းအမှတ် ဂုဏ်ပြုညစာစားပွဲကျင်းပ

တောင်ကြီး ဖေဖေါ်ဝါရီ - ၇

 880

   ၂၀၁၅ခုနှစ်၊ (၆၈)နှစ်မြောက် ရှမ်းပြည်နယ်နေ့အထိမ်းအမှတ် ဂုဏ်ပြုညစာစားပွဲနှင့် ဧည့်ခံဖျော်ဖြေပွဲ ကို ဖေဖေါ်ဝါရီ(၇)ရက်၊ ည(၆)နာရီခွဲက တောင်ကြီးမြို့၊ မြို့တော်ခန်းမ၌ ကျင်းပကြောင်းသိရသည်။

   (၆၈)နှစ်မြောက်၊ ရှမ်းပြည်နယ်နေ့ ဂုဏ်ပြုညစာစားပွဲဖြင့် တည်ခင်းဧည့်ခံပြီး၊ တိုင်းရင်းသား ယဉ်ကျေးမှုအဖွဲ့များမှ ဖျော်ဖြေရေးဖြင့် တင်ဆက်ကြသည်။ ဆက်လက်၍ တိုင်းရင်းသားယဉ်ကျေးမှုအဖွဲ့ များအား ဂုဏ်ပြုငွေများချီးမြှင့်ပေးရာ မောရှမ်း၊ ကချင်တိုင်းရင်းသား၊ ပအိုဝ်းတိုင်းရင်းသား၊ လီဆူ(ရှမ်းမြောက်)၊ ကိုးကန့်(ရှမ်းမြောက်)၊ တိုင်းရင်းသားယဉ်ကျေးမှုအကဖွဲ့များကို ရှမ်းပြည်နယ် လွှတ်တော်ဥက္ကဌ၊ ဦးစိုင်းလုံးဆိုင်မှ တစ်ဖွဲ့လျှင် ဂုဏ်ပြုဆုငွေကျပ်(၅)သိန်းစီကို ပေးအပ်၍ လည်းကောင်း၊ အာခါ၊ လီဆူ(တောင်ကြီး)၊ တောင်ရိုး၊ ကိုးကန့်(တောင်ကြီး)၊ အင်းတိုင်းရင်းသားယဉ်ကျေးမှုအကအဖွဲ့ တို့ကို အရှေ့ပိုင်းတိုင်းစစ်ဌာနချုပ် တိုင်းမှူးနှင့် ဇနီးတို့က တစ်ဖွဲ့လျှင် ဂုဏ်ပြုဆုငွေကျပ်(၅)သိန်းစီကို ပေးအပ်၍ လည်းကောင်း၊ ပလောင်၊ ဓနု၊ တိုင်းလုံရှမ်း(တောင်ကြီး)၊ 'ဝ'၊ လားဟူ၊ ဂုံရှမ်းတိုင်းရင်းသား ယဉ်ကျေးမှုအကအဖွဲ့တို့ကို ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီး ဒေါ်ဖြူဖြူညွှန့်တို့က တစ်ဖွဲ့လျှင် ဂုဏ်ပြုဆုငွေကျပ်(၅)သိန်းစီနှင့် တိုင်းရင်းသားယဉ်ကျေးမှုအဖွဲ့များအား ဂုဏ်ပြုပန်းခြင်းလက်ဆောင်ပေးအပ်ခဲ့ကြောင်းသိရသည်။

   အဆိုပါ (၆၈)နှစ်မြောက် ရှမ်းပြည်နယ်နေ့အထိမ်းအမှတ် ဂုဏ်ပြုညစာစားပွဲတွင် ရှမ်းပြည်နယ် အတွင်းရှိ တိုင်းရင်းသားယဉ်ကျေးမှုအကအဖွဲ့(၁၆)ဖွဲ့ ကပြဖျော်ဖြေကြပြီး၊ ပြည်နယ်ဝန်ကြီးများနှင့် တိုင်းရင်းသားယဉ်ကျေးမှုအကအဖွဲ့တို့က လမုန်းအကဖြင့် ကပြဖျော်ဖြေကြပြီး အခမ်းအနားကို အောင်မြင်စွာရုပ်သိမ်းလိုက်ကြောင်းသိရှိရသည်။

                                                                                        မောင်မောင်သန်း(တောင်ကြီး)

 

ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီး ဒေါက်တာမျိုးထွန်းမှ တောင်ကြီးမြို့နယ်၊ ကွမ်းလုံကျေးရွာအုပ်စု၊ ဟိုနားကျေးရွာသို့ အခမဲ့ကျန်းမာရေး ကွင်းဆင်းစောင့်ရှောက်ခြင်း

တောင်ကြီး   ဖေဖေါ်ဝါရီ   ၈

885

ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီး ဒေါက်တာမျိုးထွန်းဦးဆောင်မှုဖြင့် ခရိုင်ကျန်းမာရေးဦးစီးဌာနမှူး၊ စဝ်စံထွန်းဆေးရုံကြီးမှ အထူးကုဆရာဝန်ကြီးများ ပါဝင်သော အဖွဲ့မှ ဖေဖေါ်ဝါရီလ(၈)ရက်နေ့တွင် တောင်ကြီးမြို့နယ်၊ ကွမ်းလုံကျေးရွာအုပ်စု၊ ဟိုနားကျေးရွာ အခြေခံပညာအလယ်တန်းကျောင်းသို့ သွားရောက်ပြီး ကျေးရွာနေဒေသခံပြည်သူများအား အခမဲ့ ကျန်းမာရေးကွင်းဆင်းစောင့်ရှောက်မှု လုပ်ငန်းများ ဆောင်ရွက်ပေးခဲ့ကြပြီး၊ ဆေးဝါးများ ဝယ်ယူ ရန်အတွက် ထောက်ပံ့ငွေကျပ်(၅)သိန်းနှင့် ဟိုနားကျေးရွာ အခြေခံပညာ အလယ်တန်းကျောင်း အတွက် ဘော်လုံး၊ ဘော်လီဘောဘော်လုံး၊ ခြင်းလုံးစသည့် အားကစားပစ္စည်းများကို ပေးအပ် လှူဒါန်းခဲ့ပါသည်။ ကွမ်းလုံကျေးရွာအုပ်စု၊ ဟိုနားကျေးရွာသို့ အခမဲ့ကျန်းမာရေးကွင်းဆင်း စောင့်ရှောက်မှုတွင် လူနာ(၇၈၉)ဦးအား အခမဲ့ကုသပေးခဲ့ကြောင်း သတင်းရရှိပါသည်။

 

(၆၈)နှစ်မြောက် ရှမ်းပြည်နယ်နေ့နှင့် ပြည်ထောင်စုနေ့အထိမ်းအမှတ် ယဉ်ကျေးမောင်၊ ယဉ်ကျေးမယ်ပြိုင်ပွဲ ဆုချီးမြှင့်ပွဲကျင်းပ

တောင်ကြီး ဖေဖေါ်ဝါရီ - ၇

 879

   (၆၈)နှစ်မြောက်၊ ရှမ်းပြည်နယ်နေ့နှင့် ပြည်ထောင်စုနေ့အထိမ်းအမှတ် ယဉ်ကျေးမောင်၊ ယဉ်ကျေးမယ်ပြိုင်ပွဲ ဆုချီးမြှင့်ပွဲအခမ်းအနားကို ဖေဖေါ်ဝါရီလ (၇)ရက်၊ မွန်းလွှဲ (၁)နာရီက တောင်ကြီးမြို့၊ တောင်ကြီးတက္ကသိုလ် ဘက်စုံခန်းမ၌ ကျင်းပပြုလုပ်ခဲ့ကြောင်းသိရသည်။

   အခမ်းအနားတွင် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်တက်ရောက် အမှာစကားပြောကြားပြီး၊ (၆၈)နှစ်မြောက် ရှမ်းပြည်နယ်နေ့နှင့် ပြည်ထောင်စုနေ့အထိမ်းအမှတ် ယဉ်ကျေးမောင်၊ ယဉ်ကျေးမယ်ပြိုင်ပွဲ၊ ဒိုင်ချုပ် ပြည်နယ်လျှပ်စစ်နှင့် စက်မှုလက်မှုဝန်ကြီး ဦးစိုင်းထွန်းရင်က ပြိုင်ပွဲနှင့် ပတ်သက်၍ ရှင်းလင်းပြောကြားသည်။

   ဆက်လက်၍ ယဉ်ကျေးမောင်များက စင်မြင့်ထက်တွင်နေရာယူ မိတ်ဆက်ကြပြီး၊ လှည့်လည်းပြသ၍ပြိုင်ပွဲတွင် နှစ်သိမ့်ဆုရရှိသူများကို ရှမ်းပြည်နယ်အစိုးရအဖွဲ့၊ ပြည်နယ်လျှပ်စစ်နှင့် စက်မှုလက်မှုဝန်ကြီး ဦးစိုင်းထွန်းရင်က ပေးအပ်၍လည်းကောင်း၊ ပထမ၊ ဒုတိယ၊ တတိယနှင့် နှစ်သိမ့်ဆု(၁)(၂)ရရှိသော ယဉ်ကျေးမောင်များကို ရှမ်းပြည်နယ် အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်ကပေးအပ်ရာ ဆုရရှိသူယဉ်ကျေးမောင်များက အသီးသီး လက်ခံရယူကြသည်။ (၆၈)နှစ်မြောက် ရှမ်းပြည်နယ်နေ့နှင့် ပြည်ထောင်စုနေ့အထိမ်းအမှတ် ယဉ်ကျေးမယ်များက စင်မြင့်ထက်တွင်နေရာယူ မိတ်ဆက်ကြပြီး၊ လှည့်လည်းပြသ၍ပြိုင်ပွဲတွင် နှစ်သိမ့်ဆုရရှိသူများကို ရှမ်းပြည်နယ်အစိုးရအဖွဲ့၊ ပြည်နယ်လျှပ်စစ်နှင့် စက်မှုလက်မှုဝန်ကြီးဦးစိုင်းထွန်းရင်၏ ဇနီးဒေါ်ချိုချိုခိုင်မှ ပေးအပ်ရာ ဆုရရှိသူများက လက်ခံရယူကြပြီး၊ ယဉ်ကျေးမယ်ပြိုင်ပွဲတွင် ပထမ၊ ဒုတိယ၊ တတိယနှင့် နှစ်သိမ့်ဆု(၁)(၂)ရရှိသူများကို ရှမ်းပြည်နယ်ဝန်ကြီးချုပ် ဦးစဝ်အောင်မြတ်၏ ဇနီးဒေါ်ဖြူဖြူညွန့်က ပေးအပ်ရာ ပြိုင်ပွဲဝင်ဆုရရှိသူယဉ်ကျေးမယ်များက အသီးသီးလက်ခံရယူကြသည်။ 

   အဆိုပါအခမ်းအနားသို့ ရှမ်းပြည်နယ်ဝန်ကြီးချုပ်နှင့် ဇနီး၊ ပြည်နယ်ဝန်ကြီးများနှင့် ဇနီးများ၊ ပြည်နယ်အစိုးရအဖွဲ့အတွင်းရေးမှူးနှင့် ပြည်နယ်၊ ခရိုင်/ မြို့နယ်အဆင့်ဌာနဆိုင်ရာများ၊ အကဲဖြတ် ဒိုင်လူကြီးများ၊   တက္ကသိုလ် ပါမောက္ခချုပ်ကြီးနှင့် ပါမောက္ခများ၊ ပြိုင်ပွဲဝင်၊ ယဉ်ကျေးမောင်၊ ယဉ်ကျေးမယ်များ၊ ဖိတ်ကြားထားသည့် ဧည့်သည်တော်များ တက်ရောက်ကြသည်။

                                                                                                                                                                               မောင်မောင်သန်း(တောင်ကြီး)

 

ပန်းဆုံ-ဆည်ကြီးကျေးလက် ကျောက်ချောလမ်း နှင့် ကွန်ကရစ်တံတား တည်ဆောက်မှု ပြီးစီး

တောင်ကြီး   ဖေဖေါ်ဝါရီ   ၉

 887

   (၂၀၁၄-၂၀၁၅)ခု ဘဏ္ဍာရေးနှစ်တွင် ကျေးလက်ဒေသဖွံ့ဖြိုးတိုးတက်ရေးဦးစီးဌာန၏ ပြည်ထောင်စု ခွင့်ပြုရန်ပုံငွေဖြင့် ဆောင်ရွက်ခဲ့သော တောင်ကြီးမြို့နယ်အတွင်းရှိ ပန်းဆုံ-ဆည်ကြီး ကျေးလက် ကျောက်ချောလမ်း(၁)မိုင်၊ (၆)ဖာလုံ ခင်းခြင်းလုပ်ငန်းနှင့် ကွန်ကရစ်တံတား တည်ဆောက်ခြင်း လုပ်ငန်းအား (၂၀၁၄)ခုနှစ် စက်တင်ဘာလတွင် လုပ်ငန်းစတင်ခဲ့ရာ (၂၀၁၅)ခုနှစ် ဖေဖေါ်ဝါရီလ(၃) ရက်နေ့တွင် လုပ်ငန်းများဆောင်ရွက်နိုင်ခဲ့ပြီး၊ ရှမ်းပြည်နယ် ကျေးလက်ဒေသ ဖွံ့ဖြိုးတိုးတက်ရေးဦးစီးဌာန ညွှန်ကြားရေးမှူး ဦးမောင်မောင်ဝင်းနှင့်အဖွဲ့မှ ကွင်းဆင်းကြည့်ရှု စစ်ဆေးရာ လုပ်ငန်းဆောင်ရွက်ခွင့်ရှိသော Best Five  ကုမ္ပဏီမှတာဝန်ခံ ဦးစိုင်းစံထွန်းမှ ရှင်းလင်းတင်ပြမှုအပေါ် လိုအပ်သည်များကိုညွှန်ကြားရေးမှူး ဦးမောင်မောင်ဝင်း က ဖြည့်စွက် လမ်းညွှန်မှာကြားခဲ့ကြောင်း သိရှိရသည်။

                                                                                                                                                                                   မောင်မောင်သန်း(တောင်ကြီး)

 

(၆၈)နှစ်မြောက်ရှမ်းပြည်နယ်နေ့ကျင်းပ

တောင်ကြီး ဖေဖေါ်ဝါရီ - ၇

876

   ၂၀၁၅ခုနှစ် (၆၈)နှစ်မြောက်ရှမ်းပြည်နယ်နေ့အခမ်းအနားကို ဖေဖေါ်ဝါရီလ (၇)ရက်၊ နံနက်(၉)နာရီ က တောင်ကြီးမြို့၊ အဝေရာကုန်းသာယာမီးပုံးပျံကွင်း၌ ကျင်းပကြောင်းသိရသည်။

   အခမ်းအနားတွင် နိုင်ငံတော်သမ္မတအဂ္ဂမဟာသရေစည်သူ၊ အဂ္ဂမဟာသီရိသုဓမ္မ ဦးသိန်းစိန်ထံမှ (၆၈)နှစ်မြောက် ရှမ်းပြည်နယ်နေ့၊ အခမ်းအနားသို့ပေးပို့သော သဝဏ်လွှာအား ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က ဖတ်ကြားသည်။

   ဆက်လက်၍ ပြည်ထောင်စုလွှတ်တော်နာယက၊ ပြည်သူ့လွှတ်တော်ဥက္ကဌ သူရဦးရွှေမန်းထံမှ (၆၈)နှစ်မြောက် ရှမ်းပြည်နယ်နေ့ အခမ်းအနားသို့ပေးပို့သော သဝဏ်လွှာအား ရှမ်းပြည်နယ်လွှတ်တော် ဥက္ကဌဦးစိုင်းလုံးဆိုင်မှ ဖတ်ကြားပြီး၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်ထံမှ (၆၈)နှစ်မြောက်၊ ရှမ်းပြည်နယ်နေ့အခမ်းအနားသို့ ပေးပို့သော သဝဏ်လွှာအား ရှမ်းပြည်နယ်အစိုးရအဖွဲ့၊ ပြည်နယ်ဘဏ္ဍာရေးဝန်ကြီး ဦးခွန်သိန်းမောင်က ဖတ်ကြားကြောင်း သိရသည်။

877

   ထို့နောက် နိုင်ငံတော်သမ္မတ၊ နိုင်ငံစွမ်းဆောင်ရည်ဆုရရှိသူများအား ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က ဆုချီးမြှင့်ရာ ဖွံ့ဖြိုးတိုးတက်မှုအကောင်းဆုံးမြို့နယ်ဆု ပထမရရှိ သော တောင်ကြီးမြို့နယ် စိုက်ပျိုးထုတ်လုပ်မှုထူးချွန်တောင်သူလယ်သမားဆုရရှိသော တောင်ကြီးမြို့နယ်၊ သံတဲကျေးရွာမှ ဦးကျော်ဇော၊ မွေးမြူရေးထုတ်လုပ်မှုထူးချွန်လုပ်ငန်းရှင်ဆု ပထမရရှိသော တောင်ကြီးမြို့နယ်၊ နမ့်ကွတ်ကျေးရွာမှ ဒေါက်တာသိန်းစိန်၊ တန်းဖိုးမြှင့်ထုတ်ကုန်ထူးချွန်ထုတ်လုပ် ရောင်းချနိုင်သည့် Myanmar Belle co,ltd စီးပွားရေးလုပ်ငန်းရှင် စွမ်းဆောင်ရည်ဆုရရှိသော တောင်ကြီးခရိုင်၊ ကလောမြို့နယ်၊ ဝါးရုံပင်ကျေးရွာမှ ဦးရဲမြင့်မောင်၊ မြန်မာ့ရိုးရာ ကြေးသွန်းအနုပညာ ထူးချွန်ဂုဏ်ထူးဆောင်ရရှိသော တောင်ကြီးမြို့နယ်မှ ဦးဝင်မောင်အား၊ နိုင်ငံတောသမ္မတ၏ ဂုဏ်ပြုမှတ်တမ်းလွှာ၊ ကမ္ဘာ့စားနပ်ရိက္ခာအဖွဲ့ FAOမှ ချီးမြှင့်သည့် တောင်သူလယ်သမားထူးချွန်ဆုရရှိ သော လားရှိုးခရိုင်၊ လားရှိုးမြို့နယ်၊ ဟူးမွန်ကျေးရွာမှ ဒေါ်ရန်ကျောင်း၊ ကမ္ဘာ့စားနပ်ရိက္ခာအဖွဲ့ FAOမှ ချီးမြှင့်သည့် စပါးအထွက်နှုန်းအကောင်းဆုံးရရှိသော မူဆယ်ခရိုင်၊ မူဆယ်မြို့နယ်၊ နောင်လောင်းရွာမှ ဦးစိုင်းဆိုင်၊ လယ်ယာစိုက်ပျိုးရေးနှင့် ဆည်မြောင်ဝန်ကြီးဌာန၊ လယ်တောသူအလှမယ်ဆုရရှိသော တောင်ကြီးခရိုင်၊ ညောင်ရွှေမြို့နယ်၊ တိလောကျေးရွာအုပ်စု၊ ရွှေရန်ပြေ ကျေးရွာမှ မကြည်ဝင်း၊ ပြည်နယ်အဆင့် စိုက်ပျိုးထုတ်လုပ်၊ လုပ်ငန်းရှင်ဆုရရှိသော တောင်ကြီးခရိုင်၊ ကလောမြို့နယ်မှ ဦးအောင်သန်းကျော်၊ ပြည်နယ်အဆင့် လူမှုထူးချွန်ဆုရရှိသော ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့၊ ပင်းတယမြို့နယ်မှ ဒေါက်တာသန်းမင်းထွဋ်၊ ပြည်နယ်အဆင့် ဖွံ့ဖြိုးတိုးတက်မှု ကျေးရွာဆုရရှိသော တောင်ကြီးခရိုင်၊ ဖယ်ခုံမြို့နယ်၊ လွယ်ယင်းမင်္ဂလာကျေးရွာ၊ ကျေးရွာအဆင့် မွေးမြူရေးထုတ်လုပ်မှု အကောင်းဆုံး လူပုဂ္ဂိုလ်ဆုရရှိသော တာချီလိတ်ခရိုင်၊ တာချီလိတ်မြို့၊ နမ်းဟောင်လိတ်ကျေးရွာအုပ်စု၊ လွယ်စီတုံကျေးရွာမှ ဒေါ်နီနီစိုးတို့ကို ဂုဏ်ထူးဆောင်လက်မှတ်နှင့် ဂုဏ်ပြုဆုငွေများ အသီးသီး ပေးအပ်ခဲ့ပြီး၊ ပြည်နယ်ဝန်ကြီးချုပ်နှင့် ဇနီး၊ တိုင်းမှူးနှင့် ဇနီး၊ ပြည်နယ်ဝန်ကြီးများနှင့် တာဝန်ရှိသူတို့ သည် (၆၈)နှစ်မြောက် ရှမ်းပြည်နယ်နေ့တွင် ခင်းကျင်းပြသထားသောဌာနဆိုင်ရာ ပြခန်းများကို လှည့်လည် ကြည့်ရှုအားပေးကြကြောင်းသိရသည်။

878

   ယင်းနောက် ပြည်နယ်ဝန်ကြီးချုပ်နှင့် ဇနီး၊ တိုင်းမှူးနှင့် ဇနီး၊ ပြည်နယ်ဝန်ကြီးများနှင့် တာဝန်ရှိသူ တို့သည် (၆၈)နှစ်မြောက်၊ ရှမ်းပြည်နယ်နေ့အထိမ်းအမှတ်အဖြင့်၊ ဆရာတော်သံဃာတော်များအား ဆွမ်းဆက်ကပ်ခြင်းနှင့် ပရိတ်တရားတော်နားအလှူမင်္ဂလာသို့ တက်ရောက်ရာ ပထမဦးစွာ အခမ်းအနားကို နမောတဿသုံးကြိမ်ရွတ်ဆို ဘုရားကန်တော့ဖွင့်လှစ်ပြီး၊ နိုင်ငံတော်သြဝါဒစရိယ အဂ္ဂမဟာပဏ္ဍိတ မဟာဂမဌာနစရိယ စွန်းလွန်းဂူကမ္မာဌာန်းကျောင်းတိုက် ဆရာတော် ဘဒ္ဒန္တအဂ္ဂဓမ္မာဘိဝံသထံမှ ငါးပါးသီလခံယူဆောက်တည်၍ ဆရာတော်၊ သံဃာတော်များရွတ်ပွား သရဇ္စျာယ် ချီးမြှင့်အပ်သော ပရိတ်တရားတော်မြတ်ကို နာယူကြသည်။

   ၎င်းနောက် ဆရာတော်၊ သံဃာတော်များအား ပြည်နယ်ဝန်ကြီးချုပ်နှင့် ဇနီး၊ တိုင်းမှူးနှင့် ဇနီး၊ ပြည်နယ်ဝန်ကြီးများက လှူဖွယ်ဝတ္ထုပစ္စည်းများ ဆက်ကပ်လှူဒါန်းကြပြီး၊ နိုင်ငံတော်သြဝါဒစရိယ အဂ္ဂမဟာပဏ္ဍိတမဟာဂမဌာနစရိယ စွန်းလွန်းဂူကမ္မာဌာန်းကျောင်းတိုက် ဆရာတော် ဘဒ္ဒန္တအဂ္ဂဓမ္မာဘိဝံသထံမှ လှူဒါန်းမှုအစုစုတို့အတွက် အနုမောဒနာ တရားနာကြပြီး၊ ရေစက်သွန်းချ အမျှပေးဝေကြကာ အခမ်းအနားကို ဗုဒ္ဓသာသနံ စိရံတိဌတု သုံးကြိမ်ရွတ်ဆို ဆုတောင်း၍ ရုပ်သိမ်းလိုက်ပြီး၊ ပြည်နယ်ဝန်ကြီးချုပ်နှင့် ဇနီး၊ တိုင်းမှူးနှင့် ဇနီး၊ ပြည်နယ်ဝန်ကြီးများက ဆရာတော်၊ သံဃာတော်များအား နေ့ဆွမ်းဆက်ကပ်လှူဒါန်းကြကြောင်းသိရှိရသည်။

                                                                                 မောင်မောင်သန်း(တောင်ကြီး)

 

More Articles...

  1. ဗိုလ်ချုပ်အောင်ဆန်းမွေးနေ့နှင့် ကလေးများနေ့အကြို၊ မူကြိုကလေးငယ်များအား လေ့လာရေးခရီးပို့ဆောင
  2. ရှမ်းပြည်နယ်အစိုးရအဖွဲ့နှင့် အမေရိကန်ပြည်ထောင်စု၊ နိုင်ငံခြားရေးဝန်ကြီးဌာန၊ အရှေ့အာရှနှင့် ပစိဖိတ်ရေးရာဗျူရိုမှ အကြီးတန်းဒုတိယလက်ထောက် နိုင်ငံခြားရေးဝန်ကြီး Mr. Scot Marciel အဖွဲ့နှင့်တွေ့ဆုံ
  3. မြန်မာ့ရိုးရာထမနဲထိုးပြိုင်ပွဲ၊ တောင်ကြီးမြို့၌ ဆင်နွဲဖွင့်ပွဲကျင်းပ
  4. ရှမ်းပြည်နယ်ဝန်ကြီးချုပ် အထွေထွေအုပ်ချုပ်ရေးဦးစီးဌာန၊ ဝန်ထမ်းအိမ်ရာများ၊ ကြည့်ရှုစစ်ဆေး
  5. ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီးဒေါက်တာမျိုးထွန်းမှ ရှမ်းပြည်နယ်၊ လာရှိုးဒေသဖွံ့ဖြိုးရေးဆောင်ရွက်ခြင်းနှင့် အခမဲ့ကျန်းမားရေးကွင်းဆင်းစောင့်ရှောက်ခြင်း
  6. ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီးဒေါက်တာမျိုးထွန်းမှ ရှမ်းပြည်နယ်၊ လာရှိုးဒေသဖွံ့ဖြိုးရေးဆောင်ရွက်ခြင်းနှင့် အခမဲ့ကျန်းမားရေးကွင်းဆင်းစောင့်ရှောက်ခြင်း(ကွမ်းလုံ)
  7. ၂၀၁၅ - ၂၀၁၆ဘဏ္ဍာရေးနှစ်၊ အရပ်ရပ်အခွင့်အရေးလိုင်စင် စျေးပြိုင်လေလံတင်ရောင်းချ
  8. မိုင်းရှူးမြို့နယ်ရှိ လွိုင်နိုင်း၊ ပြင်ဦးကျေးရွာသို့ မြစိမ်းရောင် ရန်ပုံငွေလွှဲပြောင်းပေးအပ်
  9. ရှမ်းပြည်နယ် တက္ကသိုလ်ဝင်စာမေးပွဲ အောင်ချက်မြင့်မားရေး ဆွေးနွေး
  10. ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ်(၁/၂၀၁၅)၊ လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ်(၁/၂၀၁၅)ကျင်းပ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

ရှမ်းပြည်နယ်(အရှေ့ပိုင်း)ဒေသများတွင် နေထိုင်ကြပါသည်။ ကျိုင်းတုံ၊ မိုင်းဆတ်၊ မိုင်းဖြတ်၊ မိုင်းယန်း၊ မိုင်းတုံ၊ မိုင်းပြင်း၊ တာချီလိတ်၊ လားရှိုး၊ တန့်ယန်း၊ မိုင်းရယ်၊ သိန္နီ၊ မက်မန်းနှင့် မိုင်းခတ်မြို့နယ်များတွင် အများဆုံးနေထိုင်ကြပါသည်။

 

We have 136 guests and no members online