We have 213 guests and no members online

ဟိုပန် စက်တင်ဘာ-၂၃

new 35

ရှမ်းပြည်နယ်(မြောက်ပိုင်း)`ဝ´ကိုယ်ပိုင်အုပ်ချုပ်ခွင့်ရတိုင်း၊ မြို့နယ်COVID-19ကော်မတီ၊ မြို့နယ်ရွေးကောက်ပွဲ ကော်မရှင်အဖွဲ့ခွဲနှင့် စက်တင်ဘာ(၂၃)ရက် နံနက်(၁၀)နာရီခွဲက `ဝ´ကိုယ်ပိုင်အုပ်ချုပ်ခွင့်ရတိုင်း ဦးစီးရုံးခန်းမ၌ ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ်ဒေါက်တာလင်းထွဋ်နှင့် တွေ့ဆုံကြောင်းသိရသည်။

`ဝ´ကိုယ်ပိုင်အုပ်ချုပ်ခွင့်ရတိုင်း၊ ဟိုပန်မြို့နယ်ရွေးကောက်ပွဲကော်မရှင်အဖွဲ့ခွဲ အတွင်းရေးမှူးဦး အဲလီရှဲမှ မဲဆန္ဒရှင် စာရင်းများ၊ မဲရုံများ၊ လုံခြုံရေးကိစ္စရပ်များစသည့် ကြိုတင်ပြင်ဆင်ထားရှိမှုများကို ရှင်းလင်းတင်ပြီး၊ မြို့နယ်Covid-19 ထိန်းချုပ်ရေးနှင့် အရေးပေါ်တုံ့ပြန်ရေးကော်မတီဥက္ကဋ္ဌ မြို့နယ်အထွေထွေအုပ်ချုပ်ရေးမှူးဦးမင်းကျော်သူမှCovid-19 ကူးစက်မြန် ရောဂါကြိုတင်ကာကွယ်ရေးဆောင်ရွက်ထားရှိမှုအခြေအနေ၊ ကျန်းမာရေးစစ်ဆေးရေးဂိတ်ဖွင့် လှစ်မှုအခြေအနေ၊ ကျန်းမာရေးအသိ ပညာပေးခြင်းနှင့်စစ်ဆေးမှုအခြေအနေတို့ကိုရှင်းလင်းတင်ပြကြကြောင်း သိရသည်။

ဆက်လက်၍ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဒေါက်တာလင်းထွဋ်မှ ဟိုပန်မြို့နယ်Covid-19ထိန်းချုပ်ရေး နှင့်အရေးပေါ်တုံ့ပြန်ရေးကော်မတီသို့ ထောက်ပံ့ငွေကျပ်(၁၀)သိန်းနှင့် ကျန်းမာရေးသုံးပစ္စည်းဖြစ်သည့် mask(၂၅၀၀)ခု ပေးအပ်ရာမြို့နယ် Covid-19ကော်မတီဥက္ကဋ္ဌ ဦးမင်းသူမှလက်ခံရယူပြီး Covid-19ရောဂါ ဖြစ်ပွားနေသည့် ကာလအတွင်း အသက်(၈၀)နှင့်(၈၅)နှစ်အတွင်းရှိ ဘိုး/ဘွား(၆၂)ဦးအတွက်ဗမာတိုင်းသား လူမျိုးရေးရာဝန်ကြီး ဒေါက်တာအောင်သန်းမောင်မှ ပေးအပ်ရာခရိုင်လူမှုဝန်ထမ်းဦးစီးမှူး ဒေါ်ဖြိုးဖြိုးသက်မှလက်ခံရယူကြောင်းသိရသည်။

ထို့နောက်ပြည်နယ်ဝန်ကြီးချုပ်ဒေါက်တာလင်းထွဋ်က နိဂုံးချုပ်အမှာစကားပြောကြားပြီး သံလွင်မြစ်ကူးကွမ်းလုံ တံတားနှင့်လျာထားကွမ်းလုံမြို့ရှောင်လမ်း ဖောက်လုပ်ဆောင်ရွက်မည့် ကိစ္စရပ်များနှင့်တံတားစတင်တည် ဆောက်ဆောင်ရွက် နေမှုအားကြည့် ရှုကာလိုအပ်သည့်များဖြည့်စွက်မှာ ကြားခဲ့ကြောင်းသိရှိရသည်။

မောင်မောင်သန်း(တောင်ကြီး)

09250132943

မိုင်းရယ် စက်တင်ဘာ-၂၄

new 34

ရှမ်းပြည်နယ်(မြောက်ပိုင်း)သိန္နီမြို့နယ်Covid-19ကော်မတီ၊ ရွေးကောက်ပွဲကော်မရှင်အဖွဲ့ခွဲနှင့် စက်တင်ဘာ (၂၄)ရက် နံနက်(၁၀)နာရီခွဲကမိုင်းရယ်မြို့ နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဒေါက်တာလင်းထွဋ်နှင့်တွေ့ဆုံကြောင်းသိရသည်။

မိုင်းရယ်မြို့နယ်ရွေးကောက်ပွဲကော်မရှင်အဖွဲ့ခွဲ အတွင်းရေးမှူးဒေါ်နန်းစုနိုင်ဦးမှ မဲဆန္ဒရှင်စာရင်းများ မဲရုံများ၊ လုံခြုံရေး ကိစ္စရပ်များ၊ လျှပ်စစ်မီးကိစ္စရပ်များစသည့် ကြိုတင်ပြင်ဆင်ထားရှိမှုများကို ရှင်းလင်းတင်ပြီး၊ မြို့နယ်Covid-19ထိန်းချုပ်ရေးနှင့် အရေးပေါ်တုံ့ပြန်ရေးကော်မတီဥက္ကဋ္ဌ မြို့နယ်အထွေထွေအုပ်ချုပ်ရေးမှူးဦးသန်းလွင်မှ Covid-19 ကူးစက်မြန်ရောဂါ ကြိုတင်ကာကွယ်ရေးဆောင်ရွက်ထားရှိမှုအခြေအနေ၊ ကျန်းမာရေးစစ်ဆေးရေးဂိတ်ဖွင့်လှစ်မှုအခြေအနေ၊ ကျန်းမာရေးအသိ ပညာပေးခြင်းနှင့်စစ်ဆေးမှုအခြေအနေတို့ကို ရှင်းလင်းတင်ပြကြကြောင်းသိရသည်။

ဆက်လက်၍ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဒေါက်တာလင်းထွဋ်၊ ဗမာတိုင်းရင်းသားလူမျိုးရေးရာဝန်ကြီး ဒေါက်တာအောင်သန်းမောင်တို့မှ မြို့နယ်Covid-19ထိန်းချုပ် ရေးနှင့်အရေးပေါ်တုံ့ပြန်ရေးကော်မတီသို့ ထောက်ပံ့ငွေကျပ် (၁၀)သိန်းနှင့် ကျန်းမာရေးသုံးပစ္စည်းဖြစ်သည့်mask(၂၅၀၀)ခု ပေးအပ်၍လည်းကောင်း၊ သီဟသုဓမ္မမဏိဇောတဓရ ဦးကျော်စွာထွဋ် ShiningMyanmarCo.,Ltd.မှ အလှူငွေကျပ်(၅)သိန်းပေးအပ်ရာမြို့နယ်ကိုဗစ် 19ကော်မတီဥက္ကဋ္ဌ ဦးသန်းလွင်မှ လက်ခံရယူပြီးပြည်နယ်ဝန်ကြီးချုပ်ဒေါက်တာလင်းထွဋ်ကနိဂုံးချုပ်အမှာစကားပြောကြားခဲ့ကြောင်းသိရသည်။

မောင်မောင်သန်း(တောင်ကြီး)

09250132943

လောက်ကိုင်  စက်တင်ဘာ  -၂၃

new 129

ရှမ်းပြည်နယ်(မြောက်ပိုင်း)၊ ကိုးကန့်ကိုယ်ပိုင်အုပ်ချုပ်ခွင့်ရဒေသလောက်ကိုင်မြို့တွင် စက်တင်ဘာ(၂၃)ရက်နံနက် (၈)နာရီက ကိုးကန်ကိုယ်ပိုင်အုပ်ချုပ်ခွင့်ရဒေသဦးစီးရုံးအစည်းအဝေးခန်းမ၌လောက်ကိုင်၊ကုန်းကြမ်းမြို့နယ် Covid-19 ကော်မတီ၊ မြို့နယ်ရွေးကောက်ပွဲကော်မရှင်အဖွဲ့ခွဲများနှင့် ရှမ်းပြည်နယ်အစိုးရအဖွဲ့ပြည်နယ်ဝန် ကြီးချုပ်ဒေါက်တာလင်းထွဋ် နှင့်တွေ့ဆုံကြောင်းသိရသည်။

ဆက်လက်၍ကိုးကန့်ကိုယ်ပိုင်အုပ်ချုပ်ခွင့်ရဒေသ ရွေးကောက်ပွဲကော်မရှင်အဖွဲ့ခွဲ အတွင်းရေးမှူးဦးအာကာမင်းမှ မဲဆန္ဒရှင်စာရင်းများမဲရုံများ၊ လုံခြုံရေးကိစ္စရပ်များစသည့် ကြိုတင်ပြင်ဆင်ထားရှိမှုများကိုရှင်းလင်းတင်ပြပြီး လောက်ကိုင် မြို့နယ် Covid-19ရောဂါထိန်း ချုပ်ရေးနှင့်အရေးပေါ်တုံ့ပြန်ရေးကော်မတီဥက္ကဋ္ဌ မြို့နယ်အုပ်ချုပ်ရေးမှူးဦးငွေဒိုးနှင့် ကုန်းကြမ်း မြို့နယ်COVID-19ကော်မတီဥက္ကဋ္ဌမြို့နယ်အုပ်ချုပ်ရေးမှူးဦးထွန်းဝင်းစိုးတို့မှ Covid-19ကူးစက်မြန်ရောဂါ ကြိုတင်ကာကွယ်ရေး ဆောင်ရွက်ထားရှိမှုအခြေအနေ၊ကျန်းမာရေးစစ်ဆေးရေးဂိတ်ဖွင့် လှစ်မှုအခြေအနေ၊ ကျန်းမာရေးအသိပညာပေးခြင်းနှင့် စစ်ဆေးမှုအခြေအနေတို့ကို ရှင်းလင်းတင်ပြကြကြောင်းသိရသည်။

ထို့နောက်ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဒေါက်တာလင်းထွဋ်မှ လောက်ကိုင်မြို့နယ်နှင့်ကုန်းကြမ်း မြို့နယ်များအတွက် COVID-19ရောဂါကာကွယ်ရေးသုံးပစ္စည်းများဖြစ်သည့် mask(၂၅၀၀)စီနှင့် ငွေသားကျပ်(၁၀)သိန်းစီ ထောက်ပံ့ပေးအပ်၍လည်းကောင်း၊ ဗမာတိုင်းရင်းသား လူမျိုးရေးရာဝန် ကြီးဒေါက်တာအောင်သန်းမောင်မှ လောက်ကိုင်မြို့နယ် နှင့်ကုန်းကြမ်းမြို့ နယ်အတွင်းရှိအသက်(၈၀)နှင့်အသက်(၈၅)နှစ် မပြည့်သေးသည့်သက်ကြီးဘိုးဘွားများအား လူမှုရေးပင်စင် ထောက်ပံ့ငွေများကိုပေးအပ်ခဲ့ကြောင်းသိရသည်။

၎င်းနောက်ပြည်နယ်ဝန်ကြီးချုပ် ဒေါက်တာလင်းထွဋ်ကနိဂုံးချုပ်အမှာစကားပြောကြားရာ မကြာခင်ကျင်းပတော့မည့် ပါတီစုံအထွေထွေရေးကောက်ပွဲနှင့်ယခုအချိန်တွင်ကမ္ဘာ့အနှံ့ဖြစ်ပွားလျကိရှိသည့်COVID-19 ရောဂါနှင့်ပတ်သက်၍ ရှင်းလင်း ပေးသည့်အတွက်ကျေးဇူးတင်ပါကြောင်း၊ မဲရုံပတ်ဝန်းကျင်၊မဲရုံအတွက်အခန်း၊ မဲဆန္ဒရှင်မဲစာရင်းများစည့်ကိစ္စရပ်များနှင့် လုံခြုံရေးအတွက်ကုန်းကြမ်း ဒေသသည့်လုံခြုံရေးဆောင်ရွက်ရာတွင်ခက်ခဲသည့်အတွက် မြန်မာနိူင်ငံရဲတပ်ဖွဲ့များနှင့် ချိတ်ဆက် ဆောင်ရွက်ရန်၊မဲဆန္ဒရှင်များလွတ်လပ်စွာ မဲပေးနိုင်ရေးဆောင်ရွက်ပေးရန်၊ ဆက်သွယ်ရေးကိစ္စရပ်များတွင်မဲစာရင်းများ ပေးပို့ရာ၌အင်တာနက်လိုင်းများမ ကောင်းသဖြင့်တစ်ဘက်နိုင်ငံမှရယူသုံးစွဲနေရသောကြောင့် အဆင်မပြေ သဖြင့်ရဲတပ်ဖွဲ့နှင့် ချိတ်ဆက်ဆောင်ရွက်ရန်၊ လျှပ်စစ်မီးကိစ္စရပ်များတွင် လည်းအနီးပတ်ဝန်းကျင်ရှိမီးစက်များကိုဌားရမ်းသုံးစွဲရန်နှင့် ကုန်ကျမည့် စက်ဆီများအတွက်ရှမ်းပြည်နယ်အစိုးရအဖွဲ့မှထောက်ပံ့ပေးသွားမည်ဖြစ်ကြောင်း၊ မဲဆန္ဒရှင်များမဲပေးနိုင်ရေးအတွက် နိုင်ငံသား စိစစ်ရေးကဒ်ပြားများဆောင်ရွက်ပေးထားရန်၊ Covid-19ရောဂါနှင့်ပတ်သက်၍အား လုံးဝိုင်းဝန်းကူညီပေးကြသည့်အတွက် ကျေးဇူးတင်ရှိပါကြောင်းသိရသည်။

ယင်းနောက်ပြည်နယ်ဝန်ကြီးချုပ် ဒေါက်တာလင်းထွဋ်နှင့်တာဝန်ရှိသူများသည် လောက်ကိုင်ပြည်သူ့ဆေးရုံးသို့ သွားရောက်ကာဆေးရုံအတွက် COVID-19ရောဂါကာကွယ်ရေးသုံး ပစ္စည်းmask(၂၅၀၀)ခုနှင့်ငွေကျပ်(၂၀)သိန်း၊ လက်အိတ် (၁၀)ဘူးပါ(၁)ပုံးနှင့် ကုန်းကြမ်းမြို့နယ်အထွေထွေအုပ်ချုပ်ရေးဦးစီးဌာန ဝန်ထမ်းများအတွက်ငွေကျပ်(၁၅)သိန်း၊ ကုန်းကြမ်း မြို့နယ်အတွက် သားအိမ်ခေါင်းကင်ဆာစမ်းသပ်စက်တို့ကို ပေးအပ်လှူဒါန်းပေးရာတာဝန်ရှိသူများမှအသီးသီး လက်ခံရယူ ကြသည်။ ဆက်လက်ပြီးပြည်နယ်ဝန်ကြီးချုပ်နှင့်တာဝန်ရှိသူများသည်ချင်းရွေဟော်-လောက်ကိုင် လမ်းမိုင်(၂၀/၃-၂၁/၂)အတွင်း (၅.၃၉)ဖာလုံအရှည်(၄၀)ပေအကျယ်အား ကတ္တရာကွန်ကရစ်လမ်းခင်းခြင်းအား ကြည့်ရှုစစ်ဆေး ရာလမ်းဦးစီးဌာနမှ တာဝန် ရှိသူများမှရှင်းလင်းကာပြည်နယ်ဝန် ကြီးချုပ်ကလိုအပ်သည်များ ဖြည့်စွက်မှာကြားခဲ့ကြောင်းသိရှိရသည်။

မောင်မောင်သန်း(တောင်ကြီး)

09250132943

တန့်ယန်း စက်တင်ဘာ-၂၄

new 33

ရှမ်းပြည်နယ်(မြောက်ပိုင်း)၊ သိန္နီမြို့နယ်Covid-19ကော်မတီ ၊ရွေးကောက်ပွဲကော်မရှင်အဖွဲ့ခွဲနှင့်စက်တင်ဘာ (၂၄)ရက် မွန်းလွဲ(၂)နာရီခွဲက တန့်ယန်းမြို့နယ် ခန်းမ၌ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဒေါက်တာလင်းထွဋ်နှင့် တွေ့ဆုံကြောင်းသိရသည်။

တန့်ယန်းမြို့နယ်ရွေးကောက်ပွဲကော်မရှင်အဖွဲ့ခွဲ အတွင်းရေးမှူးဦးစိုင်းစံအေးမှ မဲဆန္ဒရှင်စာရင်းများ မဲရုံများ၊ လုံခြုံရေး ကိစ္စရပ်များ၊ လျှပ်စစ်မီးကိစ္စရပ်များစသည့်ကြိုတင်ပြင်ဆင်ထားရှိမှုများကိုရှင်းလင်းတင်ပြီး မြို့နယ်Covid-19ထိန်းချုပ်ရေးနှင့် အရေးပေါ်တုံ့ပြန်ရေးကော်မတီဥက္ကဋ္ဌ မြို့နယ်အထွေထွေအုပ်ချုပ်ရေးမှူးဦးသက်လွင်ထွန်းမှ Covid-19ကူးစက်မြန်ရောဂါ ကြိုတင်ကာကွယ်ရေးဆောင်ရွက်ထားရှိမှုအခြေအနေ၊ ကျန်းမာရေးစစ်ဆေးရေးဂိတ်ဖွင့်လှစ်မှုအခြေအနေ၊ ကျန်းမာရေးအသိ ပညာပေးခြင်းနှင့်စစ်ဆေးမှုအခြေအ နေတို့ကိုရှင်းလင်းတင်ပြကြကြောင်း သိရသည်။

ဆက်လက်၍ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဒေါက်တာလင်းထွဋ်၊ ဗမာတိုင်းရင်းသားလူမျိုးရေးရာဝန်ကြီး ဒေါက်တာအောင်သန်းမောင်တို့မှမြို့နယ်Covid-19ထိန်းချုပ် ရေးနှင့်အရေးပေါ်တုံ့ပြန်ရေးကော်မတီသို့ ထောက်ပံ့ငွေကျပ် (၁၀)သိန်းနှင့် ကျန်းမာရေးသုံးပစ္စည်းဖြစ်သည့် mask(၂၅၀၀)ခုပေးအပ်၍လည်းကောင်း၊ သီဟသုဓမ္မမဏိဇောတဓရ ဦးကျော်စွာထွဋ် ShiningMyanmarCo.,Ltd.မှ အလှူငွေကျပ်(၅)သိန်း ပေးအပ်ရာမြို့နယ်ကိုဗစ် 19ကော်မတီဥက္ကဋ္ဌ ဦးသက်လွင်ထွန်းမှလက်ခံရယူပြီး ပြည်နယ်ဝန်ကြီးချုပ်ဒေါက်တာလင်းထွဋ်က နိဂုံးချုပ်အမှာစကားပြောကြားခဲ့ကြောင်း သိရသည်။

မောင်မောင်သန်း(တောင်ကြီး)

09250132943

နောင်ချို စက်တင်ဘာ-၂၁

new 130

ရှမ်းပြည်နယ်အစိုးရအဖွဲ့ပြည်နယ် ဝန်ကြီးချုပ်ဒေါက်တာလင်းထွဋ်၊ ဗမာတိုင်းရင်းသားလူမျိုးရေးရာဝန်ကြီး ဒေါက်တာအောင်သန်းမောင်၊ ပြည်နယ်အစိုးရအဖွဲ့အတွင်းရေးမှူးဦးနေလင်း၊ ညွန်ကြားရေးမှူးဦးထင်ကျော်အေး တို့နှင့်အတူစက်တင်ဘာ(၂၁)ရက် နံနက်(၁၀)နာရီက ရှမ်းပြည်နယ် (မြောက်ပိုင်း)ကျောက်မဲခရိုင် ၊နောင်ချိုမြို့နယ်၊ မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမတွင် မြို့နယ်COVID-19ကော်မတီ၊ ရွေးကောက်ပွဲ ကော်မရှင်အဖွဲ့ခွဲနှင့်တွေ့ဆုံကြောင်းသိရသည်။

တွေ့ဆုံပွဲတွင် ရှမ်းပြည်နယ်(မြောက်ပိုင်း)၊ နောင်ချိုမြို့နယ်ရွေးကောက်ပွဲ ကော်မရှင်အဖွဲ့ခွဲဥက္ကဋ္ဌ ဦးတင်ဦးမှ မဲရုံကိစ္စရပ်များ၊ မြို့နယ်လုံခြုံရေး၊ လူလုံခြုံရေး၊ လမ်းလုံခြုံရေးနှင့်စည်းရုံး ရေးကာလဖြစ်သောကြောင့်လုံ ခြုံရေး ကိစ္စရပ်များကိုဆောင်ရွက်ထားမှု အခြေအနေများရှင်းလင်းပြီး မြို့နယ်COVID-19ထိန်းချုပ်ရေးနှင့် အရေးပေါ် တုံ့ပြန်ရေးကော်မတီဥက္ကဋ္ဌ နောင်ချိုမြို့နယ်အထွေထွေအုပ်ချုပ်ရေးမှူး ဦးသွင်ကိုကိုမင်းမှ နောင်ချိုမြို့နယ်အတွင်း Covid-19ရောဂါကာကွယ်ထိန်းချုပ်မှုနှင့်ဆောင်ရွက်ထားရှိမှု အခြေအနေတို့ကိုရှင်းလင်းတင်ပြကြကြောင်းသိရသည်။

ဆက်လက်၍ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဒေါက်တာလင်းထွဋ်၊ ဗမာတိုင်းရင်းသား လူမျိုးရေးရာဝန်ကြီးဒေါက်တာအောင်သန်းမောင်၊ ပြည်နယ်အစိုးရအဖွဲ့အတွင်းရေးမှူး ဦးနေလင်းတို့မှမြို့နယ် COVID-19 ထိန်းချုပ်ရေးနှင့်အရေးပေါ်တုံ့ပြန်ရေးကော်မတီထံသို့ ထောက်ပံ့ငွေကျပ်(၁၀)သိန်းနှင့် ကျန်းမာရေးသုံး ပစ္စည်းများ ဖြစ်သည့်mask(၂၅၀၀)ခုတို့ကိုပေးအပ်ရာမြို့နယ်covid-19 ထိန်းချုပ်ရေးနှင့်အရေးပေါ်တုံ့ပြန်ရေး ကော်မတီဥက္ကဋ္ဌ၊ နောင်ချိုမြို့နယ်အထွေထွေအုပ်ချုပ်ရေးမှူး ဦးသွင်ကိုကိုမင်းကလက်ခံရယူပြီးရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က နိဂုံးချုပ်အမှာစကားပြောကြားရာCovid-19 ရောဂါသည် ကမ္ဘာနဲ့အဝန်းဖြစ်ပွားနေသည်ကို အားလုံးအသိဖြစ်ပါကြောင်း၊ covid-19ရောဂါထိန်းချုပ်မှုနှင့်ပက်သတ်၍ မြို့နယ် covid-19 ထိန်းချုပ်ရေးနှင့်အရေးပေါ်တုံ့ပြန်ရေးကော်မတီဥက္ကဋ္ဌမှ ရှင်းပြသည့်အတွက်ကျေးဇူးတင်ရှိပါကြောင်း၊ နောင်ချိုမြို့နယ်အတွင်း covid-19ရောဂါကာကွယ်ရေးအတွက် အားလုံးကဝိုင်းဝန်းထိန်းသိမ်းပေးသည့်အတွက် ကျေးဇူးတင်ရှိပါကြောင်းနှင့် ကျန်းမာရေးကိုလည်းအထူးဂရုစိုက်ဆောင်ရွက်ကြရန် ပြောကြားသွားကြောင်း သိရှိရသည်။

မောင်မောင်သန်း(တောင်ကြီး)

09250132943

နောက်ထပ်သတင်းများဖတ်မည်