သတင်းများ

အမိန့်ကြောငြာစာအမှတ်၊ ၂၁/၂၀၂၀ မြန်မာနိုင်ငံ အမျိုးသားအဆင့်စွန့်ပစ်ပစ္စည်းစီမံခန့်ခွဲမှုမဟာဗျူဟာနှင့် ပင်မလုပ်ငန်းအစီအစဉ်ချမှတ်ခြင်း

အမိန့်ကြောငြာစာအမှတ်၊ ၂၁/၂၀၂၀

မြန်မာနိုင်ငံ အမျိုးသားအဆင့်စွန့်ပစ်ပစ္စည်းစီမံခန့်ခွဲမှုမဟာဗျူဟာနှင့် ပင်မလုပ်ငန်းအစီအစဉ်ချမှတ်ခြင်း

A23A24A25A26

အမိန့်ကြော်ငြာစာအမှတ်(၇၆/၂၀၁၉)အရ ကြိုးပြင်ကာကွယ်တောသတ်မှတ်ရန်ရည်ရွယ်ကြောင်းကြေညာခြင်း

အမိန့်ကြော်ငြာစာအမှတ်(၇၆/၂၀၁၉)အရ

ကြိုးပြင်ကာကွယ်တောသတ်မှတ်ရန်ရည်ရွယ်ကြောင်းကြေညာခြင်း

A17A18A19A20A21A22

(၇၃)နှစ်မြောက် ရှမ်းပြည်နယ်နေ့ နှင့် ပြည်ထောင်စုနေ့ အခမ်းအနားအောင်မြင်စွာကျင်းပနိုင်ရေး လုပ်ငန်းညှိနှိုင်းအစည်းအဝေးကျင်းပ

တောင်ကြီး ဇန်နဝါရီ - ၃၁ 

30

၂၀၂၀ပြည့်နှစ် (၇၃)နှစ်မြောက် ရှမ်းပြည်နယ်နေ့နှင့် ပြည်ထောင်စုနေ့ အခမ်းအနားအောင်မြင်စွာကျင်းပနိုင်ရေး လုပ်ငန်းညိှနှိုင်းအစည်းအဝေး (၂/၂၀၂၀) ကို ဇန်နဝါရီ (၃၁)ရက် မွန်းလွဲ (၁)နာရီက တောင်ကြီးမြို့ ရှမ်းပြည်နယ်အစိုးရအဖွဲ့ရုံး အစည်းအဝေးခန်းမ၌ ကျင်းပသည်။ 

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က ယနေ့အစည်းအဝေးသည် (၇၃)နှစ်မြောက် ရှမ်းပြည်နယ်နေ့နှင့် ပြည်ထောင်စုနေ့အခမ်းအနားကျင်းပနိုင်ရေးအတွက် တစ်ပေါင်းတည်းအစည်းအဝေးပြုလုပ်ရခြင်းဖြစ် ကြောင်း၊ အစည်းအဝေးကို ကော်မတီအသီးသီးမှ ကြိုတင်ညှိနှိုင်းဆောင်ရွက်ပြီးဖြစ်ကြောင်းနှင့် ယခုအစည်းအဝေးအဆုံးသတ် တွင်လည်း ကော်မတီများအလိုက်ပါဝင်ဆွေးနွေးပေးကြရန်၊ အထူးမှာကြားလိုသည်မှာ ကျန်းမာရေးနှင့်ပတ်သက်၍ ကိုရိုနာ ဗိုင်းရပ်စ်အကြောင်းကို အသိပညာပေးဟောပြောပွဲများ ဆောင်ရွက်ပေးရန်ပြောကြားသည်။

ဆက်လက်၍ ရှမ်းပြည်နယ်နေ့လုပ်ငန်းကော်မတီများမှ လုပ်ငန်းဆောင်ရွက်ထားရှိမှုများအား ရှင်းလင်းတင်ပြရာ အခမ်းအနားပြင်ဆင်ရေးလုပ်ငန်းကော်မတီ၊ ဆွမ်းဆက်ကပ်ရေးနှင့် ဧည့်ခံကျွေးမွေးရေးလုပ်ငန်းကော်မတီ၊ ပြခန်းများခင်းကျင်း ပြသရေးလုပ်ငန်းကော်မတီ၊ ဖိတ်ကြားရေး ပို့ဆောင်ရေးနှင့် ကြိုဆိုနေရာချထားရေးလုပ်ငန်းကော်မတီ၊ သတင်းမှတ်တမ်းနှင့် ပြန်ကြားရေးလုပ်ငန်းကော်မတီ၊ ဘဏ္ဍာရေးကြီးကြပ်ရေးလုပ်ငန်းကော်မတီ၊ ကျန်းမာရေးစောင့်ရှောက်မှုလုပ်ငန်းကော်မတီ၊ လုံခြုံရေးနှင့်စည်းကမ်းထိန်းသိမ်းရေးလုပ်ငန်းကော်မတီ၊ ညစာစားပွဲနှင့်ဧည့်ခံကျွေးမွေးရေးလုပ်ငန်းကော်မတီ၊ ဖျော်ဖြေရေး လုပ်ငန်းကော်မတီ အသီးသီးတို့မှ ဆွေးနွေးခြင်းနှင့် (၇၃)နှစ်မြောက် ပြည်ထောင်စုနေ့လုပ်ငန်း ကော်မတီများမှဆွေးနွေး တင်ပြကြပြီး ဗိုလ်ချုပ်အောင်ဆန်း၏ (၁၀၅)နှစ်မြောက် မွေးနေ့အထိမ်းအမှတ် အခမ်းအနားကျင်းပပြုလုပ်နိုင်ရေးအတွက် ဆောင်ရွက်ထားရှိမှုများအား ရှင်းလင်းတင်ပြ၍ အထွေထွေဆွေးနွေးကြကာ ပြည်နယ်ဝန်ကြီးချုပ် ဒေါက်တာလင်းထွဋ်မှ နိဂုံးချုပ်အမှာစကားပြောကြားခဲ့ကြောင်းသိရှိရသည်။

မောင်မောင်သန်း(တောင်ကြီး)

 

အမိန့်ကြော်ငြာစာအမှတ်(၁၃၀/၂၀၁၉)အရ ကြိုးပြင်ကာကွယ်တောသတ်မှတ်ရန်ရည်ရွယ်ကြောင်းကြေညာခြင်း

အမိန့်ကြော်ငြာစာအမှတ်(၁၃၀/၂၀၁၉)အရ

ကြိုးပြင်ကာကွယ်တောသတ်မှတ်ရန်ရည်ရွယ်ကြောင်းကြေညာခြင်း

A9A10A11A12A13A14A15A16

ရှမ်းပြည်နယ်အစိုးရအဖွဲ့ပြည်နယ်ဝန် ကြီးများလားရှိုး မြို့ဒေသခံပြည်သူ များနှင့်တွေ့ဆုံ

လားရှိုး ဇန်နဝါရီ - ၃၁

29

ရှမ်းပြည်နယ်အစိုးရအဖွဲ့ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်ဝန်ကြီးများ၊ ဗမာတိုင်းရင်းသားလူမျိုး ရေးရာဝန်ကြီး၊ ပြည်နယ်ဥပဒေချုပ်၊ အစိုးရအဖွဲ့အတွင်းရေးမှူး၊ သက်ဆိုင်ရာပြည်နယ်အဆင့် ဌာနဆိုင်ရာများနှင့်အတူ ဇန်နဝါရီ (၂၉)ရက် မွန်းလွဲ(၁)နာရီက လားရှိုးမြို့၊ မြို့တော်ခန်းမ၌ဒေသခံပြည်သူများတွေ့ဆုံကာ Mobile Service Delivery ဖြင့်ဆောင်ရွက်ပေးခဲ့သော နိုင်ငံသားစိစစ်ရေးကဒ်၊ ပုံစံ(၆၆/၆)အိမ်ထောင်စုစာရင်း၊ ယာဉ်မောင်းလိုင်စင်များ၊ မြစိမ်းရောင် ကျေးရွာဖွံ့ဖြိုးရေးစီမံကိန်း (VDP)ဖြင့်ဆောင်ရွက်မည့် ကျေးရွာများသို့ထောက်ပံ့ငွေပေးအပ်ခြင်း အခမ်းအနားကျင်းပကြောင်း သိရသည်။

ပြည်နယ်ဝန်ကြီးချုပ်ဒေါက်တာလင်းထွဋ်က ရှမ်းပြည်နယ်အစိုးရအဖွဲ့တာဝန်ထမ်းဆောင်လာခဲ့သည်မှာ ယခုဆိုရင် (၃)နှစ်တာကျော်လွန်လာခဲ့ပြီး၊ တာဝန်ထမ်းဆောင်ခဲ့သည့်ကာလတွင် ရှမ်းပြည်နယ်လားရှိုးခရိုင်အတွင်း အကောင်အထည်ဖော် ဆောင်ရွက်ခဲ့သော ဒေသဖွံ့ဖြိုးရေးလုပ်ငန်းများနှင့်ပတ်သက်၍ ပြောကြားလိုပါကြောင်း၊ ရှမ်းပြည်နယ်အစိုးရအနေဖြင့် လားရှိုး ခရိုင်အတွင်းနေထိုင်ကြသော ပြည်သူများ၏လူမှုစီးပွားဘဝ ဖွံ့ဖြိုးတိုးတက်ရေး၊ တည်ငြိမ်းအေးချမ်းရေးနှင့် တရားဥပဒေစိုးမိုးရေး၊ ဘက်စုံတိုးတက်ရေးတို့ကို ရည်မှန်းချက်ထားပြီး လုပ်ငန်းများအကောင်ထည်ဖော် ဆောင်ရွက်လျက် ရှိပါကြောင်း၊ ဒေသဖွံ့ဖြိုးရေးလုပ်ငန်းများအနေဖြင့် အစိုးရအဖွဲ့တာဝန်ယူခဲ့သည့် ၂၀၁၆-၂၀၁၇ ဘဏ္ဍာရေးနှစ်မှ ၂၀၁၈-၂၀၁၉ ဘဏ္ဍာရေးနှစ် ကာလအတွင်း လားရှိုးခရိုင်အတွင်းရှိ မြို့နယ် အသီးသီးမှာ လမ်းပန်းဆက်သွယ်ရေးကောင်းမွန်စေရန် လမ်းဦးစီးဌာန၊ စည်ပင်သာယာရေးဌာန၊ နယ်စပ်ဒေသတိုင်းရင်းသားလူမျိုးများ ဖွံ့ဖြိုးတိုးတက်ရေးဦးစီးဌာန၊ ကျေးလက်လမ်း ဦးစီးဌာနတို့က ကတ္တရာလမ်း(၅၃၅/၂)မိုင်၊ ကွန်ကရစ်လမ်း(၁)မိုင်၊ ကျောက်လမ်း(၄၉/၅)မိုင်၊ အမာခံမြေသားလမ်း(၂၃၁/၄)မိုင်၊ Box Culvert (၁၂၉)စင်း၊ ကွန်ကရစ်တံတား(၁၀၆)စင်း၊ ကွန်ကရစ်ရေပြွန်(၁၇)ခု တည်ဆောက်ပေးနိုင်ခဲ့ပြီးဖြစ်ကြောင်း၊ ထို့ပြင် လမ်းတံတားပိုမိုအဆင့်မြှင့်တင်ရန် ပုဂ္ဂလိက ကုမ္ပဏီများဖြင့် BOTစနစ်ဖြင့်လည်း ဆောင်ရွက်လျက်ရှိပါကြောင်း၊ လားရှိုးခရိုင်အတွင်း လျှပ်စစ်ဓါတ်အားဖြန့်ဖြူးမှု ကောင်းမွန်စေရေးအတွက် ပြည်ထောင်စုငွေလုံးငွေရင်းရန်ပုံငွေမှ ငွေကျပ် ၄၆၅၅.၅၃၈ သန်းဖြင့် ၆၆ကေဗွီ ဓါတ်အားလိုင်း (၂၃.၉၃)မိုင်၊ ၆၆/၂၂ ကေဗွီ ၂၀ အမ်ဗွီအေ ခွဲရုံ(၁)ရုံ တည်ဆောက်ခြင်းလုပ်ငန်း၊ ရှမ်းပြည်နယ်အစိုးရအဖွဲ့ ရန်ပုံငွေ ငွေကျပ် ၁၀၀၄၄.၂၅ သန်းဖြင့် ၃၃ ကေဗွီဓါတ်အားလိုင်း(၁)မိုင် ၁၁ ကေဗွီဓါတ်အားလိုင်း ၁၁၇ မိုင်၊ ၄၀၀ ဗို့အားလိုင်း ၁၁၁ မိုင် တည်ဆောက်ခြင်းနှင့် ထရန်စဖော်မာ ၁၁၇ လုံး တိုးချဲ့တပ်ဆင်ခြင်းလုပ်ငန်းဆောင်ရွက် ပေးခဲ့ရာ မြို့ပေါ်ကျေးလက် အိမ်ထောင်စုပေါင်း(၃၁၃၂၂)စု လျှပ်စစ်ဓါတ်အား တိုးတက်ရရှိသုံးစွဲနိုင်ခဲ့ပြီး ကျေးရွာ (၁၃၄)ရွာကို လျှပ်စစ်ဓါတ်အား တိုးချဲ့ဖြန့်ဖြူးပေးနိုင်ခဲ့ကြောင်း၊ ယခု ၂၀၁၉-၂၀၂၀ ဘဏ္ဍာနှစ်မှာလည်း လားရှိုးခရိုင်အတွင်း လမ်းတံတား တည်ဆောက်ခြင်းလုပ်ငန်း (၁၂၇)ခု၊ လျှပ်စစ်ဓါတ်အား တိုးချဲ့ဖြန့်ဖြူးရေးလုပ်ငန်း(၂၂)ခု၊ ရေရရှိရေးလုပ်ငန်း(၃၇)ခု၊ ပညာရေး အဆောက်အဦ ဆောက်လုပ်ခြင်းလုပ်ငန်း(၅၃)ခု၊ ကျန်းမာရေးအဆောက်အဦ ဆောက်လုပ်ခြင်းလုပ်ငန်း(၁၃)ခု၊ စိုက်ပျိုးရေး၊ မွေးမြူရေးကဏ္ဍတွင် လုပ်ငန်း(၉)ခု၊ စုစုပေါင်း (၂၄၈)ခု ဆောင်ရွက်ရန်အတွက် ငွေလုံးငွေရင်းရန်ပုံငွေကျပ် ဘီလီယံပေါင်း (၁၇.၀၆)ကျော် ခွဲဝေချထားပေးပြီးဖြစ်ပါကြောင်း၊ အချို့စီမံကိန်းလုပ်ငန်းများကို စတင်အကောင်အထည်ဖော်နေပြီဖြစ်ပြီး ကျန်လုပ်ငန်းများကိုလည်း ဆက်လက်အကောင်အထည်ဖော်ဆောင်ရွက်သွားမှာဖြစ်ပါကြောင်း ပြောကြားသွားသည်။

ဆက်လက်၍ တက်ရောက်လာသူများမှ ဒေသ၏လိုအပ်ချက်များဖြစ်သော မီးသတ်ကား၊ လမ်း၊ စက်ရေတွင်း၊ မြေကာနံရံ၊ ရေစုကန်၊ လမ်းမီးများ၊ ထရန်စဖော်မာ၊ အစည်းအဝေးခန်းမဆောင်(၁)ဆောင်၊ ၄၄၀ ဗို့ဓါတ်အားလိုင်းဆွဲခြင်း၊ ကျောင်းတိုးချဲ့ဆောင်နှင့် ဝန်ထမ်းအိမ်ရာ၊ ကျောင်းအဆင့်တိုးမြှင့်ပေးရန် စသည်တို့အား တင်ပြတောင်းဆိုရာ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ သက်ဆိုင်ရာပြည်နယ်အဆင့်ဌာနဆိုင်ရာများတို့မှ အသီးသီးပြန်လည်ဖြေကြား ကြပြီး၊ ဒေသခံပြည်သူများအား နိုင်ငံသားစိစစ်ရေးကဒ်၊ ပုံစံ(၆၆/၆)အိမ်ထောင်စုစာရင်း၊ ယာဉ်မောင်းလိုင်စင်များ ပေးအပ်ခြင်း နှင့် မြစိမ်းရောင် ကျေးရွာဖွံ့ဖြိုးရေးစီမံကိန်း (VDP)ဖြင့်ဆောင်ရွက်မည့် ကျေးရွာ (၂၂)ရွာသို့ ထောက်ပံ့ငွေများ ပေးအပ်၍ ပြည်နယ်ဝန်ကြီးချုပ် ဒေါက်တာလင်းထွဋ်မှ နိဂုံးချုပ်အမှာစကားပြောကြားခဲ့ကြောင်းသိရသည်။

မောင်မောင်သန်း(တောင်ကြီး)၊ 

 

အသိပညာပေးဆွေးနွေး 2019 nCoV ရောဂါပိုးကြောင့် ဖြစ်ပွားသော အဆုတ်ရောင်ရောဂါအကြောင်း ပြည်နယ်အဆင့်

တောင်ကြီး ဖေဖော်ဝါရီ - ၃

310

2019 nCoV ရောဂါပိုးကြောင့် ဖြစ်ပွားသော အဆုတ်ရောင်ရောဂါအကြောင်း ပြည်နယ်အဆင့် အသိပညာပေး ဆွေးနွေးပွဲကို ဖေဖော်ဝါရီ(၃)ရက် မွန်းလွဲ(၂)နာရီက တောင်ကြီးမြို့၊ မြို့တော်ခန်းမ၌ကျင်းပသည်။

ပြည်နယ်ကုသရေးနှင့် ပြည်သူ့ကျန်းမာရေးဦးစီးဌာနမှူး ဒေါက်တာသူဇာချစ်တင်မှ 2019 nCoV ရောဂါပိုးကြောင့် ဖြစ်ပွားသော အဆုတ်ရောင်ရောဂါအကြောင်း ပြည်နယ်အဆင့် အသိပညာပေးရှင်းလင်းရာ ကြိုတင်ကာကွယ်ရေးလုပ်ဆောင် ချက်များဖြစ်သော အပြည်ပြည်ဆိုင်ရာလေဆိပ်၊ ဆိပ်ကမ်းနှင့် နယ်စပ်ဝင်/ထွက်ပေါက်များတွင် အဖျားရောဂါစောင့်ကြပ် ကြည့်ရှုခြင်းအား လုပ်ငန်းလမ်းညွှန်ချက်များနှင့်အညီ အရှိန်အဟုန်မြှင့်ဆောင်ရွက်ခြင်း၊ တိုင်းဒေသကြီး/ ပြည်နယ် ပြည်သူ့ ကျန်းမာရေးဦးစီးဌာနများ၊ ဆေးရုံများတွင် အဖျားရောဂါလက္ခဏာစောင့်ကြပ်ကြည့်ရှုခြင်း၊ သံသယလူနာတွေ့ရှိပါက သီးခြား ထားရှိကုသမှုပေးနိုင်ရန် ရန်ကုန်မြို့ ဝေဘာဂီအထူးကုဆေးရုံကြီး၊ မန္တလေးအထွေအထွေရောဂါကုဆေးရုံကြီးနှင့် နေပြည်တော် ကုတင်(၁၀၀၀)အထွေထွေရောဂါကုဆေးရုံကြီးတို့တွင် ပြင်ဆင်ထားရှိခြင်း၊ တိုင်းဒေသကြီး/ ပြည်နယ်များရှိ ဗဟိုအဆင့် ဆေးရုံကြီးများတွင် Designated Hospitals များ သတ်မှတ်၍ သံသယလူနာများ သီးခြားထားရှိ ကုသနိုင်ရန် ပြင်ဆင် ဆောင်ရွက်ခြင်း၊ 2019 nCoV ရောဂါနှင့် ပတ်သက်၍ ကျန်းမာရေးအသိပညာပေးခြင်းများအား ပြည်သူလူထုအတွင်း၌ လည်းကောင်း၊ ဟိုတယ်များတွင်လည်းကောင်း၊ မော်တော်ယာဉ်လိုင်းများတွင်လည်ကောင်း ဆောင်ရွက်ထားရှိခြင်း၊ ရောဂါ ဖြစ်ပွားမှုအခြေအနေနှင့် ကြိုတင်ကာကွယ်ရေးနည်းလမ်းများကို ကျန်းမာရေးနှင့် အားကစားဝန်ကြီးဌာန၏ Website, Facebook Page များတွင် အချိန်နှင့်တစ်ပြေးညီ ထုတ်ပြန်ထားရှိခြင်း၊ ကူးစက်နိုင်သည့် နည်းလမ်းများမှာ အသက်ရှု လမ်းကြောင်းမှတစ်ဆင့် တိုက်ရိုက်ဝင်ရောက်ကူးစက်ခြင်း၊ လူနာနှင့် တိုက်ရိုက်ကိုင်တွယ်ထိတွေ့ခြင်း၊ အရာဝတ္ထုများတွင် ထိကပ်နေသော ရောဂါပိုးများအား ထိတွေ့ရာမှတစ်ဆင့်ကူးစက်ခြင်း၊ သံသယဖြစ်ဖွယ်ရောဂါလက္ခဏာများဖြစ်သည့် လွန်ခဲ့သည့် (၁၄)ရက်အတွင်း တရုတ်ပြည်သူ့သမ္မတနိုင်ငံဝူဟန်မြို့သို့ ခရီးထွက်ခွာခြင်း (သို့မဟုတ်) အဆုတ်ရောင်ရောဂါ ဖြစ်ပွားသည်ဟု အတည်ပြုခြင်း ခံရသူနှင့် အတူနေထိုင်ခဲ့ခြင်းတို့ရှိခဲ့ပြီး ဖျားခြင်း(အပူချိန် ၃၈ ဒီဂရီစင်တီဂရိတ် ၁၀၄ ဒီဂရီ ဖာရင်ဟိုက်နှင့် အထက်ရှိခြင်း) ချောင်းဆိုးခြင်း၊ အသက်ရှုရန်ခက်ခဲခြင်း၊ အင်အားကုန်ခမ်းခြင်း၊ ရောဂါဖြစ်ပွားသည်ဟု သံသယရှိပါက နီးစပ်ရာကျန်းမာရေးဌာနသို့ အမြန်ဆုံးကုသခံနိုင်ရန်နှင့် ကာကွယ်မှုဖြစ်သော တစ်ကိုယ်ရည်သန့်ရှင်းမှု ဂရုပြု ဆောင်ရွက်ရန်၊ အာဟာရပြည့်ဝစွာစားသုံးရန်၊ ကောင်းစွာအိပ်စက်အနားယူရန်၊ တိရိစ္ဆာန်များနှင့် အကာကွယ်မပါပဲ တိုက်ရိုက် ထိတွေ့ခြင်းမှရှောင်ကြဉ်ရန်၊ နှာချေချောင်းဆိုးသည့်အခါ နှာခေါင်းနှင့် ပါးစပ်ကို လုံခြုံအောင်ဖုံးအုပ်ရန်၊ တစ်ရှူးအသုံးပြုပါက အမှိုက်ပုံးထဲသို့ စနစ်တကျစွန့်ပစ်ရန်၊ လက်ကိုစနစ်တကျပြန်လည်ဆေးကြောရန်၊ အသားစိမ်းများနှင့် ချက်ပြုတ်ပြီး အသားများကိုလှီးရာတွင် မတူညီသောစဉ်းနီတုံးအသုံးပြုရန်၊ အသားစိမ်းများဖြစ်စေ ချက်ပြုတ်ပြီးအသားဖြစ်စေအစားသောက် များကို ကိုင်တွယ်ပြီးတိုင်း လက်များကို သေချာစွာဆေးရန် စသည်ဖြင့် အသိပညာပေးဟောပြောသွားကြောင်းသိရသည်။

အဆိုပါ 2019 nCoV ရောဂါပိုးကြောင့် ဖြစ်ပွားသော အဆုတ်ရောင်ရောဂါအကြောင်း ပြည်နယ်အဆင့် အသိပညာပေးဆွေးနွေးပွဲသို့ ရှမ်းပြည်နယ်အစိုးရအဖွဲ့ ပြည်နယ်သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီး၊ ဟိုတယ်နှင့်ခရီးသွားလာရေး၊ ပုဂ္ဂလိကဆေးရုံ၊ မော်တော်ယာဉ်လိုင်း၊ အမျိုးသမီးရေးရာ၊ ရပ်ကွက်အုပ်ချုပ်ရေးမှူးနှင့် ဒေသခံ ပြည်သူများ၊ သတင်းမီဒီယာများ တက်ရောက်ကြကြောင်းသိရသည်။

မောင်မောင်သန်း(တောင်ကြီး)

၀၉၂၅၀၁၃၂၉၄၃

 

ပထမအကြိမ်လားဟူတိုင်းရင်းသားများနှစ်သစ်ကူးပွဲတော်ကျင်းပ

လားရှိုး ဇန်နဝါရီ - ၂၉ 

28

ရှမ်းပြည်နယ်(မြောက်ပိုင်း) လားဟူတိုင်းရင်းသားများ၏ ပထမအကြိမ်စုပေါင်းနှစ်သစ်ကူးပွဲတော် (ကြွက်နှစ်) ပွဲကို ဇန်နဝါရီ(၂၉)ရက် နံနက်(၁၀)နာရီက လားရှိုးမြို့ မိုးလုံလေလုံခန်းမ၌ ကျင်းပသည်။ 

ပထမအကြိမ် လားဟူတိုင်းရင်းသားများ၏ စုပေါင်းနှစ်သစ်ကူးပွဲတော်ကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်လွှတ်တော်ဥက္ကဌဦးစိုင်းလုံးဆိုင်၊ အရှေ့မြောက်တိုင်းစစ်ဌာနချုပ် ဒုတိယတိုင်းမှူး၊ တိုင်းရင်းသားရေးရာဝန်ကြီးများမှဖဲကြိုးဖြတ်ဖွင့်လှစ်ပေးကြသည်။

ဆက်လက်၍ပြည်နယ်ဝန်ကြီးချုပ် ဒေါက်တာလင်းထွဋ်က လားဟူမျိုးနွယ်စုတိုင်းရင်းသားများသည် လွန်ခဲ့သော နှစ်ပေါင်းငါးထောင်ကျော်ကတည်းက တိဗက်ကုန်းပြင်မြင့်မှ တရွေ့ရွေ့ဆင်းသက်လာခဲ့ပြီး၊ မြန်မာနိုင်ငံ အရှေ့မြောက်ပိုင်းဒေသများဖြစ်သည့် ရှမ်းပြည်နယ်အတွင်း လားရှိုးဒေသ၊ မိုင်းတုံ-မိုင်းဆတ်ဒေသ၊ တောင်ကြီး-    နမ့်စန်ဒေသများတွင် အခြေချနေထိုင်လျက်ရှိသည့် တောင်တန်းသားများဖြစ်ပါကြောင်း၊ လားဟူတိုင်းရင်းသားများ အနေဖြင့် နှစ်ဟောင်းကုန်ဆုံး၍ နှစ်သစ်ကူးပြောင်းသည့်ပွဲများကို ချယ်ရီပန်းများ၊ မက်မွန်ပွင့်များနှင့်ထင်းရှူးဖူးများ အစရှိသည့်ရာသီပန်းများဖူးဖွင့်ချိန်ကိုအစွဲပြု၍ နှစ်စဉ်ကျင်းပလာခဲ့ကြောင်း၊ နှစ်သစ်ကူးပွဲတော်များကို လာမည့် နှစ်သစ်တွင် ရာသီဥတုကောင်းမွန်ပြီး၊ စပါး၊ ပြောင်း၊ ပဲ၊ ဗူး၊ ဖရုံ၊ ငရုတ်စသည့် စိုက်ပျိုးသီးနှံများ တိုးတက်ဖြစ်ထွန်း ရန်နှင့်အိမ်မွေးတိရိစ္ဆာန်များ ရောဂါဘယကင်းဝေးပြီး၊ မွေးမြူရေးလုပ်ငန်းများ အောင်မြင်စေဖို့အတွက် နှစ်သစ် ဆုမွန်ကောင်းများတောင်းကြသည့် ပွဲတော်တစ်ခုဖြစ်ပါကြောင်း၊ လားဟူတိုင်းရင်းသားများ၏ စုပေါင်းနှစ်သစ်ကူး အခါသမယမှစတင်ပြီး၊ လားဟူတိုင်းရင်းသားများ၏စိတ်ဓါတ်ခိုင်မာမှု၊ စွမ်းအားရှိမှု၊ ရည်မှန်းချက်ပန်းတိုင်ကို အရောက်လှမ်းတက်နိုင်မှု၊ ဇွဲလုံလဝီရိယရှိမှု အစရှိသည့်ကောင်းမြတ်သော အစဉ်အလာကောင်းကို ဆက်လက် ထိန်းသိမ်းကာ မိမိတို့နိုင်ငံ၊ မိမိတို့ဒေသဖွံ့ဖြိုးတိုးတက်ရေးအတွက် ဆောက်ရွက်ရာတွင် ကျရာအခန်းကဏ္ဍကနေပြီး ပါဝင်ကြိုးပမ်းကြရန်ပြောကြားသွားသည်။

ထို့နောက်ရှမ်းပြည်နယ်အစိုးရအဖွဲ့မှ လှူဒါန်းသောနှစ်သစ်ကူးပွဲတော်အတွက် အလှူငွေကျပ်သိန်း(၃၀)ကို ပြည်နယ်ဝန်ကြီးချုပ် ဒေါက်တာလင်းထွဋ်မှပေးအပ်ရာ ပွဲတော်ဖြစ်မြောက်ရေးအဖွဲ့ တာဝန်ခံဦးကျာဘီးက လက်ခံရယူပြီး ဂုဏ်ပြုလက်ဆောင်များပြန်လည်ပေးအပ်သည်။

၎င်းနောက်လားဟူတိုင်းရင်းသားလူမျိုးရေးရာဝန်ကြီးဦးယောသပ်၊ အရှေ့မြောက်တိုင်းစစ်ဌာနချုပ် ဒုတိယ တိုင်းမှူးတို့မှ နှစ်သစ်ကူးအမှာစကားပြောကြားကြပြီး၊ လားဟူတိုင်းရင်းသားလူမျိုးရေးရာဝန်ကြီးမှ အလှူငွေ ကျပ်သိန်း(၂၀)နှင့် ဒုတိယတိုင်းမှူးမှ အလှူငွေများပေးအပ်လှူဒါန်းရာ လားဟူရိုးရာ လက်ဆောင်များ ပြန်လည် ပေးအပ်သည်။

ယင်းနောက်လားဟူတိုင်းရင်းသားများ၏ နှစ်သစ်ကူးဖြစ်ပေါ်လာပုံကို Revဦးမိုးဇက်မှဖတ်ကြားပြီး၊ လားရှိုး၊ သိန်းနီ၊ တန့်ယန်း လားဟူတိုင်းရင်းသားများ၏ ရိုးရာဓလေ့ကို သရုပ်ဖော်တင်ဆက်ကြကာ လားဟူရိုးရာ လက်ဆေး ကန်တော့မင်္ဂလာယူ၍ စုပေါင်းနှစ်သစ်ကူးပွဲတော်ဖြစ်မြောက်ရေးကော်မတီမှ Revဦးမျိုးဝင်းက ကျေးဇူးတင်စကား ပြန်လည်ပြောကြားကြောင်းသိရှိရသည်။ 

မောင်မောင်သန်း(တောင်ကြီး) 

 

မြန်မာ့ရိုးရာစုပေါင်းထမနဲထိုးပွဲ တောင်ကြီးမြို့၌ကျင်းပ

တောင်ကြီး ဖေဖော်ဝါရီ - ၃

32

၂၀၂၀ ပြည့်နှစ် မြန်မာ့ရိုးရာစုပေါင်း ထမနဲထိုးပြိုင်ပွဲကို ဖေဖော်ဝါရီ (၂)ရက် မွန်းလွဲ ၁ နာရီက ရှမ်းပြည်နယ်(တောင်ပိုင်း)၊ တောင်ကြီးမြို့၊ ရှမ်းပြည်နယ်အစိုးရအဖွဲ့ရုံးဟောင်းတွင်ကျင်းပရာ ပြည်နယ်ဝန်ကြီးချုပ် ဒေါက်တာလင်းထွဋ်က စုပေါင်းထမနဲထိုးပွဲကို ဖဲကြိုးဖြတ်ဖွင့်လှစ်ပေးပြီး၊ စုပေါင်းထမနဲထိုးနေမှုကို လိုက်လံကြည့်ရှုအားပေးခဲ့ပြီး ဧည့်ပရိတ်သတ်များကို ထမနဲထုပ်များ ဝေငှခဲ့ကြောင်းသိရသည်။

အဆိုပါ စုပေါင်းထမနဲထိုးပွဲတွင် ဌာနဆိုင်ရာ (၁၄)ခုမှ ထမနဲထိုး၍ တောင်ကြီးမြို့ပေါ်ရှိ ဘုန်းကြီးကျောင်းများသို့ ဆက်ကပ်ပူဇော်သွားမည်ဖြစ်ကြောင်းသိရှိရသည်။

မောင်မောင်သန်း(တောင်ကြီး)

 

"ဝ"တိုင်းရင်းသားများစုပေါင်းနှစ်သစ်ကူးပွဲတော်ကျင်းပ

ဟိုပန် ဇန်နဝါရီ - ၂၈

27

 (၄၄)ကြိမ်မြောက် "ဝ" တိုင်းရင်းသားများ စုပေါင်းနှစ်သစ်ကူးပွဲတော်ကို ဇန်နဝါရီ(၂၈)နံနက်(၉)နာရီခွဲက"ဝ" ကိုယ်ပိုင် အုပ်ချုပ်ခွင့်ရတိုင်း ဟိုပန်မြို့တိုင်းရင်းသားများပွဲတော်ကွင်း၌ကျင်းပကြောင်းသိရသည်။

(၄၄)ကြိမ်မြောက်"ဝ"တိုင်းရင်းသားများ စုပေါင်းနှစ်သစ်ကူးပွဲတော်ကို တိုင်းရင်းသားများရေးရာ ပြည်ထောင်စုဝန်ကြီး နိုင်သက်လွင်၊ ရှမ်းပြည်နယ်အစိုးရအဖွဲ့ပြည်နယ်ဝန်ကြီးချုပ်ဒေါက်တာလင်းထွဋ်၊ ပြည်နယ်လွှတ်တော်ဥက္ကဋ္ဌ၊ အရှေ့မြောက် တိုင်းစစ်ဌာနချုပ်ဒုတိယတိုင်းမှူး၊ ပြည်သူ့လွှတ်တော်ကိုယ်စားလှယ်၊ အမျိုးသားလွှတ်တော်ကိုယ်စားလှယ်၊  "ဝ"ကိုယ်ပိုင် အုပ်ချုပ်ခွင့်ရတိုင်းဦးစီးဥက္ကဋ္ဌ တို့မှဖဲကြိုးဖြတ်ဖွင့်လှစ်ပေးကြသည်။ 

ဆက်လက်၍တိုင်းရင်းသားရေးရာပြည်ထောင်စုဝန်ကြီး နိုင်သက်လွင်က အဖွင့်အမှာစကားပြောကြားပြီး ရှမ်းပြည်နယ် အစိုးရအဖွဲ့ပြည်နယ်ဝန်ကြီးချုပ် ဒေါက်တာလင်းထွဋ်က နှစ်သစ်ကူးပွဲတော်သည်နှစ်ဟောင်းမှ အညစ်အကြေးများကိုစွန့်ပစ်ပြီး၊ နှစ်သစ်ကိုကြိုဆိုသည့်အနေဖြင့် စုပေါင်းညီညွှတ်စွာကျင်းပသည့် မင်္ဂလာအပေါင်းနှင့်ပြည့်စုံသော ပွဲတော်တစ်ခုဖြစ်ပါကြောင်း "ဝ"တိုင်းရင်းသားများအနေဖြင့် နှစ်သစ်ကူးပွဲတော်အပြင် ကောက်သစ်စားပွဲ၊ မီးပုံပွဲများကိုနယ်မြေအလိုက် ဒေသအလိုက် စုပေါင်းညီညွှတ်စွာကျင်းပနေသည်ကိုလည်း သိရှိရပါကြောင်း၊ ရိုးရာယဉ်ကျေးမှု အကများအနက် "ဝ"ရိုးရာဆံပင်ခါအကသည် တိုင်းရင်းသားများအကြား ထင်ရှားသောအကဖြစ်သည်ကို ဂုဏ်ယူဝမ်းမြောက်ဖွယ်တွေ့မြင်ရမည်ဖြစ်ကြောင်း၊ နိုင်ငံအတွင်း မှီတင်းနေထိုင်ကြသော တိုင်းရင်းသားပြည်သူများ၏ တည်ငြိမ်အေးချမ်းပြီး သာယာဝပြောသည့် ဘဝခရီးဖြစ်ပေါ်လာစေရေး အတွက်"ဝ"ကိုယ်ပိုင်အုပ်ချုပ်ခွင့်ရတိုင်းအတွင်း မှီတင်းနေထိုင်ကြသော တိုင်းရင်းသားညီအစ်ကိုမောင်နှမများအားလုံးမှ ပြည်ထောင်စုစိတ်ဓာတ်ဖြင့် ဥမကွဲသိုက်မပျက်စည်းလုံးညီညွတ်စွာ ပူးပေါင်းအကောင်အထည်ဖော် ဆောင်ရွက်ပြီး (၄၄)ကြိမ်မြောက် "ဝ"တိုင်းရင်းသားများစုပေါင်းနှစ်သစ်ကူးမှသည် နောင်နှစ်ပေါင်းများစွာတိုင် ငြိမ်းငြိမ်းချမ်းချမ်း စည်းစည်းလုံးလုံးပျော်ရွှင်စွာဖြင့် နှစ်စဉ်နှစ်တိုင်းဆင်နွှဲနိုင်ပါစေကြောင်းပြောကြားသည်။

ထို့နောက် "ဝ"ကိုယ်ပိုင်အုပ်ချုပ်ခွင့်ရတိုင်းဦးစီးဥက္ကဋ္ဌ (ကိုယ်စား) "ဝ"ကိုယ်ပိုင်အုပ်ချုပ်ခွင့်ရတိုင်းဦး ဦးစီးအဖွဲ့ အလုပ်အမှုဆောင် ဦးရန်ကျော်မှ အမှာစကား ပြောကြားပြီး၊ "ဝ"၊ ရှမ်း၊ ကိုးကန့်၊ လားဟူ၊ အာခါ ယဉ်ကျေးမှုအကအဖွဲ့များမှ ကပြဖျော်ဖြေကြပြီး၊ ပြည်ထောင်စုဝန်ကြီး၊ ပြည်နယ်ဝန်ကြီးချုပ်၊ ပြည်နယ်လွှတ်တော်ဥက္ကဋ္ဌနှင့်တာဝန်ရှိသူများက ယဉ်ကျေးမှု အကအဖွဲ့များအား ဂုဏ်ပြုဆုငွေများ အသီးသီးချီးမြှင့်ပေးကြပြီး၊ ကိုးကန့်ကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ဥက္ကဋ္ဌ ဦးကျောက်တယ်ချန်မှ အမှတ်တရလက်ဆောင် ပေးအပ်ရာ “ဝ”ကိုယ်ပိုင်အုပ်ချုပ်ခွင့်ရတိုင်း အဖွဲ့ဝင်တစ်ဦးမှ လက်ခံရယူပြီး၊ အမှတ်တရဓါတ်ပုံ ရိုက်ကူးကြကြောင်းသိရသည်။ 

မောင်မောင်သန်း(တောင်ကြီး) 

 

ရိုတာဗိုင်းရပ်စ်ကာကွယ်ဆေးတိုက်ကျွေးခြင်းနှင့် ဆုံဆို့မေးခိုင်ပါဝင်သော ကာကွယ်ဆေးစတုတ္ထအကြိမ်ထည့်သွင်း ထိုးနှံခြင်းနှင့် 2019-nCoV အသိပညာပေးဆွေးနွေးပွဲကျင်းပ

တောင်ကြီး ဖေဖော်ဝါရီ - ၁

31

တိုးချဲ့ကာကွယ်ဆေးထိုးလုပ်ငန်း၏ ပုံမှန်ကာကွယ်ဆေးထိုးဆေးတိုက်အစီအစဉ်တွင် ရိုတာဗိုင်းရပ်စ်ကာကွယ်ဆေး တိုက်ကျွေးခြင်းနှင့် ဆုံဆို့မေးခိုင်ပါဝင်သော ကာကွယ်ဆေးစတုတ္ထအကြိမ်ထည့်သွင်း ထိုးနှံခြင်းနှင့် 2019-nCoV ရောဂါပိုးကြောင့်ဖြစ်ပွားသော အဆုတ်ရောင်ရောဂါအကြောင်း ပြည်နယ်အဆင့် အသိပေးဆွေးနွေးပွဲကို ဖေဖော်ဝါရီလ (၁)ရက် နံနက်(၉)နာရီက တောင်ကြီးမြို့၊ မြို့တော်ခန်းမ၌ကျင်းပသည်။

ပြည်နယ်ဝန်ကြီးချုပ် ဒေါက်တာလင်းထွဋ်က ကျန်းမာရေးနှင့် အားကစားဝန်ကြီးဌာနသည် လက်ရှိပုံမှန်ကာကွယ် ဆေးထိုးအစီအစဉ်တွင် ကာကွယ်ဆေး(၉)မျိုးကို အသုံးပြုပြီး အသက်(၅)နှစ်အောက် ကလေးများတွင် ဖြစ်တတ်သော ကူးစက် ရောဂါ (၁၁)မျိုးကြောင့် ဖြစ်ပွား၊ သေဆုံးမှုများ လျော့နည်းလာအောင် ကာကွယ်ပေးလျှက်ရှိကြောင်း၊ ကာကွယ်ဆေးများ ထိုးနှံတိုက်ကျွေးပေးခြင်းဖြင့် ကာကွယ်ဆေးဖြင့် ကာကွယ်၍ရသော ရောဂါများကို ကာကွယ်နိုင်ခြင်းကြောင့် မိသားစုနှင့် ကလေးများအတွက် လူမှုရေး၊ စီးပွားရေး ပိုမိုတိုးတက်အောင်မြင်လာအောင် ဆောင်ရွက်နိုင်မည်ဖြစ်ပြီး၊ ပြည်သူလူထုကလည်း အစွမ်းထက်သောကာကွယ်ဆေးများရရှိသောကြောင့် ကာကွယ်ဆေးထိုးလုပ်ငန်းကို ပိုမိုလက်ခံလာပြီး၊ ပုံမှန်ကာကွယ်ဆေး လွှမ်းခြုံမှု ပိုမိုတိုးတက်လာအောင် ပူးပေါင်းဆောင်ရွက်နိုင်မည်ဖြစ်ကြောင်း၊ ၂၀၂၀ ပြည့်နှစ်တွင် ကာကွယ်ဆေးသစ်တစ်မျိုး ဖြစ်သည့် ပြင်းထန်ဝမ်းပျက်ဝမ်းလျှောရောဂါ ကာကွယ်ဆေး(ရိုတာဗိုင်းရပ်စ်ကာကွယ်ဆေး)နှင့် ယခင်ကသုံးကြိမ် ထိုးနှံပေး လျက်ရှိသည့် ဆုံဆို့မေးခိုင်ပါဝင်သော ကာကွယ်ဆေးကို ယခုအခါစတုတ္ထအကြိမ်အဖြစ် ပုံမှန်ကာကွယ်ဆေးထိုး အစီအစဉ် တွင် ထပ်မံထည့်သွင်းထိုးနှံနိုင်တော့မည်ဖြစ်ပါကြောင်း၊ ရှမ်းပြည်နယ်(တောင်ပိုင်း)အတွင်း ပုံမှန်ကာကွယ်ဆေးထိုးလုပ်ငန်းများ ပိုမိုအားကောင်းလာပြီး ကာကွယ်ဆေးအသစ်များ ထပ်မံထည့်သွင်းသည့်အချိန်များတွင် ပုံမှန်ကာကွယ်ဆေးထိုး အစီအစဉ် တစ်ခုကို ပိုမိုအားကောင်းလာစေရန် အခမ်းအနားတက်ရောက်လာသူအားလုံးက ဝိုင်းဝန်းကူညီပံ့ပိုးပေးကြရန်နှင့် ကျန်းမာရေး ဝန်ထမ်းများအနေဖြင့် အထူးဂရုပြု၍ ကြိုးစားဆောင်ရွက်သွားကြရန်ပြောကြားသည်။

ဆက်လက်၍ ရှမ်းပြည်နယ်(တောင်ပိုင်း)၊ ပြည်နယ်ကုသရေးနှင့် ပြည်သူ့ကျန်းမာရေးဦးစီးဌာနမှူး ဒေါက်တာ သူဇာချစ်တင်မှ 2019-nCoV ရောဂါပိုးကြောင့်ဖြစ်ပွားသော အဆုတ်ရောင်ရောဂါအကြောင်း အသိပေးရှင်းလင်းပြီး၊ ပြည်နယ် ပြည်သူ့ကျန်းမာရေးဦးစီးဌာန ကူးစက်ရောဂါနှိမ်နင်းရေးနှင့် ကာကွယ်ဆေးထိုးလုပ်ငန်းမှ လက်ထောက်ညွှန်ကြားရေးမှူး ဒေါက်တာနှင်းအိဖြူမှ ရှမ်းပြည်နယ်(တောင်ပိုင်း)၌ဆောင်ရွက်လျက်ရှိသော ပုံမှန်ကာကွယ်ဆေးထိုးလုပ်ငန်းတွင် ရိုတာ ဗိုင်းရပ်စ်ကာကွယ်ဆေး တိုက်ကျွေးခြင်းနှင့် ဆုံဆို့မေးခိုင်ပါဝင်သော ကာကွယ်ဆေးစတုတ္ထအကြိမ်ထည့်သွင်း ထိုးနှံခြင်းနှင့် ကာကွယ်ဆေးဖြင့် ကာကွယ်၍ရသော ရောဂါဖြစ်ပွားမှုများအကြောင်း ရှင်းလင်းတင်ပြပြီးနောက် ပြည်နယ်ဝန်ကြီးချုပ်နှင့် တာဝန်ရှိသူတို့သည် အသက် (၂) နှစ်ကလေးများအား ရိုတာဗိုင်းရပ်စ်ကာကွယ်ဆေး တိုက်ကျွေးခြင်းနှင့် အသက် (၁)နှစ်ခွဲကလေးများအား ဆုံဆို့မေးခိုင်ပါဝင်သော ကာကွယ်ဆေးစတုတ္ထအကြိမ် ထိုးနှံနေမှုအား လိုက်လံကြည့်ရှုကြကြောင်း သိရှိရသည်။

မောင်မောင်သန်း(တောင်ကြီး)

 

ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် သံလွင်မြစ်ကူးတံတား(ကွမ်းလုံ)တည်ဆောက်မည့်နေရာနှင့် ကွမ်းလုံဒေသခံပြည်သူများ တွေ့ဆုံ

ကွမ်းလုံ ဇန်နဝါရီ-၂၇

26

ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်ဒေါက်တာလင်းထွဋ်၊ ရှမ်းပြည်နယ်လွှတ်တော်ဥက္ကဋ္ဌ ဦးစိုင်းလုံးဆိုင်၊  ပြည်နယ်ဝန်ကြီးများ၊ ဗမာတိုင်းရင်းသားလူမျိုးရေးရာဝန်ကြီး၊ ပြည်နယ်ဥပဒေချုပ်၊ သက်ဆိုင်ရာပြည်နယ်အဆင့်ဌာနဆိုင်ရာ များနှင့်အတူ ဇန်နဝါရီ(၂၇)ရက်နံနက်(၁၀)နာရီက ရှမ်းပြည်နယ်(မြောက်ပိုင်း)၊ ကွမ်းလုံမြို့၊ တံတားအထူးအဖွဲ့(၄)၊ မန္တလေးမြို့ တည်ဆောက်ရေးအဖွဲ့ ရှင်းလင်းဆောင်၌ သံလွင်မြစ်ကူးတံတား(ကွမ်းလုံ) တည်ဆောက်ရေးအတွက် တံတားအထူးအဖွဲ့(၄)၊ ဒုတိယညွှန်ကြားရေးမှူး ဦးမြင့်နိုင်မှ တံတားတည်ဆောက်ရေးနှင့်ပတ်သက်၍ ရှင်းလင်းတင်ပြပြီး၊ ပြည်နယ်ဝန်ကြီးချုပ် ဒေါက်တာလင်းထွဋ်မှ ဖြည့်စွက်မှာကြားကာ တံတားတည်ဆောက်မည့်နေရာအား လိုက်လံကြည့်ရှုကြောင်းသိရသည်။ 

ဆက်လက်၍ ပြည်နယ်ဝန်ကြီးချုပ်၊  ပြည်နယ်ဝန်ကြီးများ၊ ဗာတိုင်းရင်းသားလူမျိုးရေးရာဝန်ကြီး၊ ပြည်နယ်ဥပဒေချုပ်၊ သက်ဆိုင်ရာပြည်နယ်အဆင့်ဌာနဆိုင်ရာများနှင့်အတူ ကွမ်းလုံမြို့ သံလွင်ဦးခန်းမတွင် ဒေသခံပြည်သူများနှင့်တွေ့ဆုံသည်။ ထို့သို့တွေ့ဆုံရာတွင် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်ဒေါက်တာလင်းထွဋ်က ကွမ်းလုံမြို့တွင် လာရောက်၍ ဒေသခံပြည်သူများနှင့် တွေ့ဆုံခဲ့သည်မှာ (၃)ကြိမ်မြောက်ရှိပြီဖြစ်ကြောင်း၊ ယခုလာရောက်သည်မှာ ဒေသခံပြည်သူများ၏ လိုအပ်ချက်များကို နားထောင်၍ လိုအပ်ချက်များ ဖြည့်ဆည်းဆောင်ရွက်ပေးနိုင်ရန်ဖြစ်ကြောင်း၊ ဒေသခံပြည်သူများမှ ပွင့်လင်းမြင်သာစွာ လိုအပ်ချက်များတင်ပြဆွေးနွေးပေးကြရန်ပြောကြားသည်။

ထို့နောက် ကွမ်းလုံမြို့မိမြိုဖ ဦးအယ်သိန်းမောင်မှ ရှမ်းပြည်နယ်အစိုးရအဖွဲ့ကို ကြိုဆိုပါကြောင်း၊ မိမိတင်ပြလိုသည်မှာ အမှိုက်စွန့်ပစ်မည့်နေရာနှင့် သုသာန်မြေကိစ္စများ၊ တိုင်းရင်းသားလူငယ်လေ့ကျင့်ရေးကျောင်း၌ ရေရရှိရေး၊ မြေယာများ လျော်ကြေးရရှိရေး၊ မူးယစ်းဆေးဝါးကိစ္စရပ်များနှင့် လမ်းတံတားတည်ဆောက်ပေးနိုင်ရန် ဆွေးနွေးတင်ပြပြီး၊ ကြက်ခြေနီ တာဝန်ခံ ဦးတာမှ ကြက်ခြေနီရုံးအဆောက်အဦကိစ္စရပ်များ ဆွေးနွေးတင်ပြကြသည်။ 

၎င်းနောက် ပြည်နယ်ဝန်ကြီးချုပ် ဒေါက်တာလင်းထွဋ်၊ သက်ဆိုင်ရာပြည်နယ်ဝန်ကြီးများနှင့် ရှမ်းပြည်နယ်ရဲတပ်ဖွဲ့မှူး ရဲမှူးချုပ်တို့မှ ဒေသခံပြည်သူများတင်ပြချက်အပေါ် ဖြည့်ဆည်းဆောင်ရွက်ပေးနိုင်ရန် ကဏ္ဍအလိုက်ပြန်လည်ဖြေကြားပေးပြီး ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့်တာဝန်ရှိသူတို့သည် ကြက်ခြေနီရုံးအဆောက်အဦအား သွားရောက်ကြည့်ရှုကြ ကြောင်းသိရသည်။ 

မောင်မောင်သန်း(တောင်ကြီး)

09250132943

 

More Articles...

  1. ရှမ်းပြည်နယ်(မြောက်ပိုင်း)သီပေါမြို့ နယ်နမ့်လန်မြို့မစျေးသစ်ဖွင့်ပွဲကျင်းပ
  2. အေးသာယာမြို့၊ အမှတ်(၂)အခြေခံပညာအထက်တန်းကျောင်း ပညာရေးစုံညီပွဲတော်ကျင်းပ
  3. အမေရိကန်သံရုံးနှင့် မြန်မာနိုင်ငံဘောလုံးအဖွဲ့ချုပ်တို့ ပူးပေါင်းကျင်းပသော Community Champions Follow- UPS, Soccer, Clinic ဘောလုံးသင်တန်းဖွင့်ပွဲကျင်းပ
  4. ရှမ်းပြည်နယ်အစိုးရအဖွဲ့နှင့် မြန်မာနိုင်ငံဆိုင်ရာ အမေရိကန်သံအမတ်ကြီးအား လက်ခံတွေ့ဆုံ
  5. ရှမ်းပြည်နယ်လယ်ယာမြေနှင့် အခြားမြေများသိမ်းဆည်းခြင်းခံရမှုများ ပြန်လည်စိစစ်ရေးကော်မတီ လုပ်ငန်းညှိနှိုင်း အစည်းအဝေးကျင်းပ
  6. ပတ်ဝန်းကျင်ထိခိုက်မှုဆန်းစစ်ခြင်းဆိုင်ရာ လုပ်ထုံးလုပ်နည်းကို ပြင်ဆင်သည့် လုပ်ထုံးလုပ်နည်း
  7. ရှမ်းပြည်နယ်ဂုဏ်ထူးဆောင်လက်မှတ်နှင့် ဂုဏ်ထူးဆောင်ဆုပစ္စည်းများ ပေးအပ်ခြင်း
  8. ဒီပလိုမာအောင်လက်မှတ်ပေးအပ်ပွဲအခမ်းအနားကျင်းပ
  9. အောင်သပြေ အခြေခံပညာအထက်တန်းကျောင်း ပညာရေးစုံညီပွဲတော်နှင့် ဆုချီးမြှင့်ပွဲကျင်းပ
  10. တောင်ကြီးတက္ကသိုလ် ကြက်ခြေနီအသင်းခွဲမှ စုပေါင်းသွေးလှူဒါန်းပွဲ ကျင်းပ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

tine-liရှမ်းပြည်နယ်(အရှေ့ပိုင်း) ကျိုင်းတုံ၊  မိုင်းယောင်းနှင့် မိုင်းလားမြို့နယ်များတွင် အများဆုံး နေထိုင်ကြသည်။

We have 129 guests and no members online