We have 126 guests and no members online

တောင်ကြီး ဩဂုတ် - ၃၀

new 511

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးစိုင်းလုံကျော်၊ ပြည်နယ်လမ်းပန်းဆက်သွယ်ရေးဝန်ကြီး ဦးခွန်ရဲထွေး၊ ပြည်နယ်စည်ပင် သာယာရေးဝန်ကြီး ဦးစိုင်းစွံဆိုင်း၊ ဗမာတိုင်းရင်းသားလူမျိုးရေးရာဝန်ကြီး ဒေါက်တာ အောင်သန်းမောင်၊ သက်ဆိုင်ရာပြည်နယ်/မြို့နယ်အဆင့် တာဝန်ရှိသူများနှင့်အတူ ဩဂုတ် ၃၀ ရက် နံနက် ၉ နာရီက တောင်ကြီးမြို့နယ်အတွင်းရှိ ကျေးရွာများ ဖွံ့ဖြိုးတိုးတက်ရေးနှင့် မြို့ရှောင်လမ်းတိုးချဲ့မည့်နေရာများကို ကွင်းဆင်း ကြည့်ရှုကြကြောင်း သိရသည်။

ဆက်လက်၍ ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူတို့သည် ၂၀၁၈- ၂၀၁၉ ဘဏ္ဍာနှစ် ပြည်ထောင်စုရန်ပုံငွေဖြင့် ဆောင်ရွက်သော တောင်ကြီးမြို့နယ်၊ နောင်လေကျေးရွာအုပ်စု၊ ကန်လောင်း- စခဲလမ်း အား သွားရောက်ကြည့်ရှုရာ လမ်းဦးစီးဌာနမှ တာဝန်ရှိသူတစ်ဦးက ရှင်းလင်းပြီး မူယားကျေးရွာ၌ ကမ္ဘာ့ဘဏ် ချေးငွေဖြင့်ဆောင်ရွက်မည့် အမျိုးသားလျှပ်စစ်ဓာတ်အားရရှိရေးစီမံကိန်း အစီအစဉ်ဖြင့် ရှမ်းပြည်နယ် (တောင်ပိုင်း) တောင်ကြီး- ကျောက်တလုံးကြီး- နောင်ခဲ- ဆီဆိုင်- အေးသာယာ- ရွှေညောင်- ညောင်ရွှေမြို့နယ်၊ စုစုပေါင်း ကျေးရွာ (၄၄)ရွာ ဓာတ်အားရရှိရေးအတွက် 11 KVA လျှစ်စစ်မီးလင်းရေး ဆောင်ရွက်မည့်နေရာသို့ ရောက်ရှိရာ ပြည်နယ်လျှပ်စစ်ဓာတ်အားလုပ်ငန်း၊ ပြည်နယ်ဦးစီးမှူးမှ ရှင်းလင်းကာ ပြည်နယ်ဝန်ကြီးချုပ်မှ လိုအပ်သည်များကို ဖြည့်စွက်မှာကြားခဲ့သည်။

ထို့နောက် နောင်လေကျေးရွာအုပ်စု၊ ကန်လောင်းတွင် Kfw ကန်လောင်း- စလဲလမ်း TGI II အား ဆောင်ရွက်မည့်နေရာနှင့် ထီဟော်ကျေးရွာတွင် ကျေးလက်ဦးစီးဌာနမှ VDP စီမံချက်ဖြင့် ဆောင်ရွက်ထားသည့် မူကြိုကျောင်းဆောင်အား ကြည့်ရှုခြင်း၊ ပုံလောင်းကျေးရွာတွင် ကျေးလက်ဦးစီးဌာနမှ တာဝန်ယူဆောင်ရွက်သော စိမ့်စမ်းရေသွယ်နှင့် ရေပေးဝေမှလုပ်ငန်းအား ကြည့်ရှုကာ ကောင်းနိန်းကျေးရွာတွင်ဌာနနှင့် ပြည်သူပူးပေါင်း ဆောင်ရွက်သည့် ကတ္တရာလမ်းအား ကြည့်ရှုပြီး သံတေကျေးရွာတွင် Kfw တောင်နီ- တောင်လေးလုံးလမ်း TGI II အား ဆောင်ရွက်မည့်နေရာကို ရောက်ရှိလာရာ တာဝန်ရှိသူများက ရှင်းလင်းတင်ပြ၍ ကလောမြို့နယ်၊ ဟဲဟိုးမြို့ လျှပ်စစ်ဓာတ်အားခွဲရုံအား ကြည့်ရှုရာ ဟဲဟိုးမြို့ (66/11)KV 10 MVA ဓာတ်အားခွဲရုံ တည်ဆောက်ပြီးစီးပါက ဓာတ်အားဖြန့်ဖြူးပေးနိုင်မည့် ကျေးရွာများအတွက် ပြည်နယ်လျှပ်စစ်ဓာတ်အားလုပ်ငန်း၊ ပြည်နယ်ဦးစီးမှူးက ရှင်းလင်းကာ ပြည်နယ်ဝန်ကြီးချုပ်နှင့် ပြည်နယ်ဝန်ကြီးများက ဓာတ်အားခွဲရုံအား လှည့်လည်ကြည့်ရှုကြကြောင်း သိရှိရသည်။

မောင်မောင်သန်း (တောင်ကြီး)

၀၉၂၅၀၁၃၂၉၄၃