We have 214 guests and no members online

လားရှိုး ဒီဇင်ဘာ   -   ၁၆

new 843

ရှမ်းပြည်နယ်(မြောက်ပိုင်း) လားရှိုးမြို့နယ် မန်ဆန်ရေကျကျေးရွာရှိ ဒေသခံပြည်သူများနှင့် ရှမ်းပြည်နယ် အစိုးရအဖွဲ့ တွေ့ဆုံခြင်းကို ဒီဇင်ဘာ(၁၆)ရက် နံနက်(၁၁)နာရီက မန်ဆန်ရေကျ ဘုန်းတော်ကြီးကျောင်း သဉ္ဇဝတီဆောင်၌ ကျင်းပသည်။

ထိုသို့တွေ့ဆုံရာတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က မန်ဆန်ရေကျ ကျေးရွာရှိ ဒေသခံပြည်သူများ၏ လိုအပ်ချက်များ ဆောင်ရွက်ပေးရန်နှင့် အစိုးရအဖွဲ့၏ သက်တမ်း(၃)လ ကျန်နေ သေးသည့်အချိန်အတွင်း ဒေသခံပြည်သူများ၏ လိုအပ်ချက်များကို အစိုးရအဖွဲ့မှ တက်ညီလက်ညီ ဆောင်ရွက်ပေး သွားမည်ဖြစ်ကြောင်းနှင့် လိုအပ်သည်များရှိပါက တင်ပြကြရန် ပြောကြားပြီး ပြည်နယ်ဝန်ကြီးများနှင့် မိတ်ဆက်ပေး ကြောင်းသိရသည်။

ဆက်လက်၍ ဒေသခံပြည်သူတစ်ဦးမှ မန်ဆန်ရေကျကျေးရွာတွင် ဝန်ထမ်းများသဖြင့် အငြိမ်းစားပင်စင် ယူသည့်အခါ နေထိုင်ရန်အတွက် ရွာမြေများ သတ်မှတ်ပေးရန် ရွာအဝင်လမ်းများ ကောင်းမွန်ရေး ဆောင်ရွက်ပေးရန် တင်ပြရာ ပြည်နယ်ဝန်ကြီးနှင့် သက်ဆိုင်ရာဌာနများက ပြန်လည်ဖြေကြားကြကြောင်း သိရသည်။

ထို့နောက် ပြည်နယ်ဝန်ကြီးချုပ် ဒေါက်တာလင်းထွဋ်က ဒေသခံပြည်သူများ၏ တောင်းဆိုချက်များ ဖြစ်သည့် လမ်း၊ ဆက်သွယ်ရေး၊ လျှပ်စစ်မီး မြေကိစ္စများကို ဆောင်ရွက်ပေးသွားမည်ဖြစ်ကြောင်းနှင့် မန်ဆန်ရေကျ ကျေးရွာ တွင်ကုမ္ပဏီများ ရှိသောကြောင့် သဟဇာတဖြစ်အောင် နေထိုင်သွားကြရန် နိဂုံးချုပ်စကား ပြောကြားသွားကြောင်း သိရသည်။

မောင်မောင်သန်း(တောင်ကြီး)

09-250132943