We have 229 guests and no members online

လားရှိုး ဒီဇင်ဘာ   -   ၁၆

new 844

ရှမ်းပြည်နယ်(မြောက်ပိုင်း) လားရှိုးမြို့နယ် မန်းပွဲကျေးရွာအုပ်စုအတွင်းရှိ ပြည်သူ(၂၅၇)ဦးအား လယ်ယာမြေ လုပ်ပိုင်ခွင့်ပြုလက်မှတ် (ပုံစံ-၇) ပေးအပ်ခြင်းကို ဒီဇင်ဘာ(၁၆)ရက် မွန်းတည့်(၁၂)နာရီက မန်းပွဲကျေးရွာအုပ်စု ရှဲန်ခိုက်ဘုရားကျောင်း၌ ကျင်းပသည်။

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က လားရှိုးမြို့နယ်အတွင်း လယ်ယာမြေ လုပ်ပိုင်ခွင့်ပြုလက်မှတ် (ပုံစံ-၇) ထုတ်ပေးခြင်းလုပ်ငန်းကို ရပ်ကွက်/ကျေးရွာ အုပ်စုပေါင်း(၇၅)အုပ်စု၊ ကွင်းပေါင်း (၂၉၈)ကွင်း၊ တောင်သူပေါင်း(၁၀၁၆၁)ဦး၊ ဦးပိုင်ပေါင်း(၁၂၈၇၀)နှင့် ဧရိယာပေါင်း (၄၂၁၁၆)ဧကကို လျာထားလျက် ရှိရာ ယနေ့အချိန်ထိ တောင်သူပေါင်း(၉၉၆၆)ဦး၊ ဦးပိုင်ပေါင်း(၁၂၅၇၉)နှင့် ဧရိယာပေါင်း(၃၉၁၀၀)ဧက ထုတ်ပေးပြီး ဖြစ်သည့်အတွက် ရာနှုန်းပြည့်နီးပါး ဆောင်ရွက်နိုင်ခဲ့ပြီး ဖြစ်ပါကြောင်း၊ ယနေ့အခမ်းအနားတွင် လားရှိုးမြို့နယ်ရှိ မန်းပွဲကျေးရွာအုပ်စု၊ အိမ်ခြေ(၅၅၁)ခု၊ အိမ်ထောင်စု(၅၁၅)စု၊ လူဦးရေ(၂၉၅၂)ဦးမှ တောင်သူပေါင်း(၂၅၇)ဦး၊ ဦးပိုင် ပေါင်း(၃၉၂)ခုကို လယ်ယာမြေလုပ်ပိုင်ခွင့်ပြုလက်မှတ် (ပုံစံ-၇)များ ပေးအပ်သွားမှာဖြစ်ကြောင်း ပြောကြားသွား သည်။

ဆက်လက်၍ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်ဝန်ကြီးများနှင့် ပြည်နယ်အစိုးရအဖွဲ့ အတွင်းရေးမှူးတို့က မန်းပွဲကျေးရွာအုပ်စုအတွင်းရှိ ပြည်သူ(၂၅၇)ဦးအား လယ်ယာမြေ လုပ်ပိုင် ခွင့်ပြုလက်မှတ် (ပုံစံ-၇)များ ပေးအပ်ကြပြီး ဒေသခံပြည်သူ ဦးထွန်းဆာမှ ကျေးဇူးတင်စကား ပြန်လည်ပြောကြား ကြောင်းသိရှိရသည်။

မောင်မောင်သန်း(တောင်ကြီး)

09-250132943