×

Warning

JUser: :_load: Unable to load user with ID: 43

တောင်ကြီး မေ - ၁၂

55
နိုင်ငံပိုင် ရုပ်ရှင်ရုံ၊ တောင်ကြီး(မြသုခ) လားရှိုး(အောင်သီရိ)တို့၏ တာဝန်နှင့်ဝတ္တရား လွှဲပြောင်းခြင်းစာချုပ် ချုပ်ဆိုခြင်းကို မေ ၁၂ ရက် မွန်းလွဲ ၂ နာရီက တောင်ကြီးမြို့၊ ရှမ်းပြည်နယ်စီမံအုပ်ချုပ်ရေးကောင်စီရုံး အစည်းအဝေးခန်းမ၌ ကျင်းပသည်။
ရှမ်းပြည်နယ်စီမံအုပ်ချုပ်ရေးကောင်စီ ဥက္ကဋ္ဌ ဒေါက်တာကျော်ထွန်းက နိုင်ငံပိုင်ရုပ်ရှင်ရုံများနှင့်ပတ်သက်ပြီး ပြန်ကြားရေး ဝန်ကြီးဌာန အနေဖြင့် ရှမ်းပြည်နယ်အတွင်းရှိ နိုင်ငံပိုင် ရုပ်ရှင်ရုံ(၂)ရုံနှင့် ပုဂ္ဂလိဂကို အပြီးအပိုင် ရောင်းချခဲ့သည့် ရုပ်ရှင်ရုံများ၏ ပြသခြင်းလုပ်ငန်းဆောင်ရွက်နိုင်ရန် စည်းကမ်းသတ်မှတ်ချက်(Condition)ပါ ရုပ်ရှင်ရုံ (၁၂) ရုံတို့ကို ကြီးကြပ်ခြင်း၊ စီမံခန့်ခွဲခြင်း လုပ်ငန်းများကို ယခင်ရှမ်းပြည်နယ်အစိုးရအဖွဲ့သို့ ၂၀၁၈ ခုနှစ် နိုဝင်ဘာလ ၅ ရက်နေ့တွင် လွှဲပြောင်းပေးအပ်ခဲ့ပြီး ဖြစ်ကြောင်း၊ ယခု တစ်ကြိမ်မှာ ပြည်ထောင်စုရှေ့နေချုပ်ရုံး၏ အကြံပြုချက်အရ နိုင်ငံပိုင်ရုပ်ရှင်ရုံများနှင့်ပတ်သက်ပြီး ပြန်ကြားရေးဝန်ကြီး ဌာန၏ တာဝန်ဝတ္တရားများနှင့် တိုင်းဒေသကြီး/ ပြည်နယ်စီမံအုပ်ချုပ်ရေးကောင်စီများ၏ တာဝန်ဝတ္တရားများကို ဖြည့်စွက် သတ်မှတ်ပြီး ပြန်ကြားရေးဝန်ကြီးဌာနမှ ရှမ်းပြည်နယ်စီမံအုပ်ချုပ်ရေးကောင်စီသို့ နိုင်ငံပိုင်ရုပ်ရှင်ရုံများ၏ တာဝန်နှင့်ဝတ္တရား များကို ထပ်မံလွှဲပြောင်းစာချုပ် ချုပ်ဆိုခြင်းဖြစ်ပါကြောင်း၊ ရှမ်းပြည်နယ်အတွင်း ရုပ်ရှင်မြှင့်တင်ရေးဦးစီးဌာန အနေဖြင့် နှစ်ရှည် ငှားရမ်းလုပ်ကိုင်ဆောင်ရွက်လျက်ရှိသည့် နိုင်ငံပိုင်ရုပ်ရှင်ရုံများဖြစ်သော တောင်ကြီးမြို့ (မြသုခ)နှင့် လားရှိုးမြို့(အောင်သီရိ) ရုပ်ရှင်ရုံတို့မှာ Digital စနစ်သို့ အဆင့်မြှင့်တင်ပြီး ပြသခြင်းလုပ်ငန်းများဆောင်ရွက်လျက်ရှိပါကြောင်း၊ ပြည်နယ်အတွင်း နိုင်ငံပိုင် ရုပ်ရှင်ရုံများမှ ပုဂ္ဂလိဂကို အပြီးရောင်းချသည့် ရုပ်ရှင်ရုံ (၁၂)ရုံအနက် လားရှိုးမြို့မှ သိန်းထိုက်ရုပ်ရှင်ရုံနှင့် သီတာအေး ရုပ်ရှင်ရုံ တို့မှာ အလားတူ Digital စနစ်သို့ အဆင့်မြှင့်တင်ပြီး ပြသခြင်းလုပ်ငန်း ဆောင်ရွက်လျက်ရှိပါကြောင်း၊ ရုပ်ရှင် ပြသခြင်းလုပ်ငန်း ဆောင်ရွက်နိုင်ခြင်း မရှိသေးသည့် တောင်ကြီးမြို့(မြို့မ)ရုပ်ရှင်ရုံ၊ (ဗန္ဓုလ)ရုပ်ရှင်ရုံ၊ ကလောမြို့တွင် မြို့ဂုဏ်ရောင် ရုပ်ရှင်ရုံ၊ အောင်ပန်းမြို့တွင် ‌ငွေဗိမာန် ရုပ်ရှင်ရုံ၊ ကျိုင်းတုံမြို့တွင် ကျိုင်းတုံရုပ်ရှင်ရုံ၊ ခေမာရဋ် ရုပ်ရှင်ရုံ၊ တာချီလိတ်မြို့တွင် စံပြရုပ်ရှင်ရုံ၊ သီပေါမြို့တွင် စိန်မေတ္တာ ရုပ်ရှင်ရုံ၊ ကျောက်မဲမြို့တွင် မင်္ဂလာရုပ်ရှင်ရုံ၊ စိန်အောင်ဝင်း ရုပ်ရှင်ရုံ အဆိုပါ ရုပ်ရှင်ရုံ (၁၀)ရုံတို့အနက် အချို့ရုပ်ရှင်ရုံများမှာ ရုပ်ရှင်ပြသခြင်းလုပ်ငန်းအတွက် Digital စနစ်သို့ ပြောင်းလဲဆောင်ရွက်နိုင်ခြင်း မရှိသေးပါကြောင်း စိစစ် တွေ့ရှိရပြီး အချို့ရုပ်ရှင်ရုံများမှာ ရုပ်ရှင်ပြခြင်းလုပ်ငန်း ဆောင်ရွက်ခြင်းမရှိဘဲ အခြားလုပ်ငန်းများ ဆောင်ရွက်လျက်ရှိကြောင်း စိစစ်တွေ့ရှိရပြီး အဆိုပါ ရုပ်ရှင်ရုံ (၁၀)ရုံနှင့်စပ်လျဉ်း၍ ၂၀၂၁ ခုနှစ်၊ ဧပြီလ ၂၉ ရက်နေ့တွင် ကျင်းပပြုလုပ်သော ပြည်နယ် စီမံအုပ်ချုပ်ရေးကောင်စီ အမှတ်စဉ်(၁၂/၂၀၂၁)အစည်းအဝေးဆုံးဖြတ်ချက် အပိုဒ်(၆)(ဟ)အရ ယင်းရုပ်ရှင်ရုံများနှင့်ပတ်သက်၍ ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် ရုပ်ရှင်မြှင့်တင်ရေးဦးစီးဌာနတို့မှ စိစစ်၍ ပြန်လည်တင်ပြရန် ဆုံးဖြတ်ခဲ့ပြီး အဆိုပါဌာနများကို ၂၀၂၁ ခုနှစ် မေလ ၃ ရက်နေ့တွင် အကြောင်းကြားထားပြီး ဖြစ်ပါကြောင်း၊ ရှမ်းပြည်နယ်အတွင်း ရုပ်ရှင် ပြသခြင်းလုပ်ငန်းဆောင်ရွက်ရန် စည်းကမ်းသတ်မှတ်ချက်(Condition)ပါ ရုပ်ရှင်ရုံ (၁၀) ရုံနှင့်ပတ်သက်ပြီး ရှမ်းပြည်နယ်စီမံ အုပ်ချုပ်ရေးကောင်စီက သက်ဆိုင်ရာရုပ်ရှင်ရုံများအား ပုဂ္ဂလိဂပိုင်အဖြစ် ဝယ်ယူထားရှိသူများအနေဖြင့် သတ်မှတ်စည်းကမ်းချက် များနှင့်အညီ ရောင်းချစဉ်၊ ဝယ်ယူစဉ်ကပါရှိသည့် စာချုပ်ပါအတိုင်း ရုပ်ရှင်ပြသခြင်းလုပ်ငန်း ဆက်လက်ဆောင်ရွက်ခြင်းမရှိပါက ဥပဒေ၊ နည်းဥပဒေ၊ လုပ်ထုံးလုပ်နည်းများ နှင့်အညီ စိစစ်ပြီး အရေးယူဆောင်ရွက်သွားမှာ ဖြစ်ပါကြောင်း၊ နိုင်ငံပိုင်ရုပ်ရှင်ရုံများ ဖြစ် သည့် တောင်ကြီးမြို့(မြသုခ)နှင့် လားရှိုးမြို့(အောင်သီရိ)ရုပ်ရှင်ရုံ၊ ပုဂ္ဂလိဂကို အပြီးရောင်းချပြီးသည့် လားရှိုးမြို့(သိန်းထိုက်) ရုပ်ရှင်ရုံနှင့် (သီတာအေး)ရုပ်ရှင်ရုံ (၄)ရုံတို့ကိုလည်း ခေတ်နှင့်အညီ ရုပ်ရှင်ပြသခြင်းလုပ်ငန်းများ ဆောင်ရွက်နိုင်ရေး ကြီးကြပ် ဆောင်ရွက်သွားမည်ဖြစ်ပြီး ရုပ်ရှင်ပြသခြင်းလုပ်ငန်း ဆောင်ရွက်နိုင်ခြင်း မရှိသေးသည့် ရုပ်ရှင်ရုံ (၁၀)ရုံကို စိစစ်ပြီး ရုပ်ရှင် ပြသခြင်းလုပ်ငန်း ဆောင်ရွက်နိုင်ရေး ကြီးကြပ်ဆောင်ရွက်ခြင်း၊ ရုပ်ရှင်ပြသခြင်းလုပ်ငန်း မဆောင်ရွက်နိုင်သည့် ရုပ်ရှင်ရုံ များကိုလည်း စိစစ်အရေးယူဆောင်ရွက်ခြင်းလုပ်ငန်းများကို ပြည်နယ်စီမံအုပ်ချုပ်ရေးကောင်စီ အနေဖြင့် ကြီးကြပ်ဆောင်ရွက် သွားမည်ဖြစ်သည့်အတွက် ပြန်ကြားရေးဝန်ကြီးဌာနအနေဖြင့် ပူးပေါင်း ဆောင်ရွက်ပေးကြရန် ပြောကြားသွားသည်။
ဆက်လက်၍ ပြန်ကြားရေးဝန်ကြီးဌာန၊ ဒုတိယဝန်ကြီး ဦးရဲတင့်က ပြန်ကြားရေးဝန်ကြီးဌာနမှ နိုင်ငံပိုင် ရုပ်ရှင်ရုံ (၂၇)ရုံ ၏ မြေနှင့်အဆောက်အဦ ပိုင်ဆိုင်မှုကို ဆက်လက်ထိန်းသိမ်းနိုင်ရေးအတွက် တာဝန်နှင့်ဝတ္တရားများကို တိုင်းဒေသကြီး/ ပြည်နယ်စီမံအုပ်ချုပ်ရေးကောင်စီမှ ဆောင်ရွက်ရမည့် တာဝန်နှင့်ဝတ္တရားများကို ဖြည့်စွက်သတ်မှတ်ခဲ့ပါကြောင်း၊ နိုင်ငံတော်စီမံ အုပ်ချုပ်ရေးကောင်စီမှ ထုတ်ပြန်ထားသည့်အမိန့်အရ ပြန်ကြားရေးဝန်ကြီးဌာနသည် နိုင်ငံပိုင်ရုပ်ရှင်ရုံ (၂၇)ရုံနှင့် စပ်လျဉ်း၍ မြေ နှင့်အဆောက်အဦ ပိုင်ဆိုင်မှုကို ဆက်လက်ထိန်းသိမ်းနိုင်ရေးအတွက် တာဝန်နှင့်ဝတ္တရားများကို ဆောင်ရွက်ရန်အတွက် ၁၉၉၆ ခုနှစ်၊ ရုပ်ရှင်ဥပဒေပါ ပြဌာန်းချက်များနှင့်အညီ ရုပ်ရှင်လုပ်ငန်းလိုင်စင်နှင့် ရုပ်ရှင်ရုံလိုင်စင်ထုတ်ပေးခြင်း၊ ရုပ်ရှင်ရုံများကို ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ သတ်မှတ်ထားသည့် စံချိန်စံညွှန်းနှင့်အညီ ပြသလျက်ရှိပြီး စစ်ဆေးဆောင်ရွက် ခြင်း၊ တိုင်းဒေသကြီး/ပြည်နယ်စီမံအုပ်ချုပ်ရေးကောင်စီသို့ လွှဲပြောင်းပေးအပ်ထားသော နိုင်ငံပိုင်ရုပ်ရှင်ရုံများ၏ မြေနှင့် အဆောက်အဦများကို ထိန်းသိမ်းဆောင်ရွက်ခြင်း၊ ရုပ်ရှင်လုပ်ငန်းဖွံ့ဖြိုးတိုးတက်ရေးနှင့် တိုင်းဒေသကြီး/ပြည်နယ်စီမံအုပ်ချုပ်ရေး ကောင်စီများနှင့် ညှိနှိုင်းပူးပေါင်းဆောင်ရွက်ခြင်း တာဝန် (၄)ရပ် ချမှတ်ထားပါကြောင်း၊ တိုင်းဒေသကြီး/ပြည်နယ်စီမံအုပ်ချုပ်ရေး ကောင်စီသည် နိုင်ငံပိုင်ရုပ်ရှင်ရုံနှင့်စပ်လျဉ်း၍ တာဝန်နှင့်ဝတ္တရားများ ဆောင်ရွက်ရန်အတွက် နိုင်ငံပိုင်ရုပ်ရှင်ရုံများကို စနစ်တကျ ငှားရမ်းဆောင်ရွက်ရေး၊ ငှားရမ်းခရသည့် ရုပ်ရှင်ရုံလိုင်စင်ကြေးများကို တိုင်းဒေသကြီး/ပြည်နယ်စီမံအုပ်ချုပ်ရေးကောင်စီ ဘဏ္ဍာရေးရန်ပုံငွေတွင် ရယူပေးသွင်းရေး၊ ယခင်က ငှားရမ်းစာချုပ် ချုပ်ဆိုထားသည့် နိုင်ငံပိုင်ရုပ်ရှင်ရုံနှင့်ပတ်သက်၍ ငှားရမ်း စာချုပ်ပါ စည်းကမ်းသတ်မှတ်ချက်နှင့်အညီ ကြီးကြပ်ဆောင်ရွက်ခြင်း၊ ငှားရမ်းစာချုပ် ပျက်ပြယ်သောရုပ်ရှင်ရုံများ၊ ငှားရမ်းပြည့် မြောက်သော နိုင်ငံပိုင်ရုပ်ရှင်ရုံများ စနစ်တကျ ငှားရမ်းဆောင်ရွက်နိုင်ရန် စီမံဆောင်ရွက်ခြင်း၊ နိုင်ငံပိုင်ရုပ်ရှင်ရုံများ၏ ငှားရမ်းခ နှုန်းထားများကို ကာလဒေသပေါက်ဈေး နှုန်းထားနှင့်အညီ ငှားရမ်းဆောင်ရွက်ခြင်း၊ နိုင်ငံပိုင်ရုပ်ရှင်ရုံများကို စနစ်တကျ ပြသနို င်ရေးအတွက် ဆောင်ရွက်နိုင်ရန် လိုအပ်သည့် အမိန့်နှင့်ညွှန်ကြားချက်များ ထုတ်ပြန်၍ စီမံခန့်ခွဲကြီးကြပ်ပေးခြင်း၊ တိုင်းဒေသကြီး/ ပြည်နယ်စီမံအုပ်ချုပ်ရေးကောင်စီ(CC)နှင့် ချုပ်ဆိုထားသော နိုင်ငံပိုင်ရုပ်ရှင်ရုံများ ငှားရမ်းသည့် စာချုပ်များကို ပြန်ကြားရေးနှင့် ပြည်သူ့ဆက်ဆံရေးဦးစီးဌာနသို့ မိတ္တူတစ်စုံပေးပို့ခြင်း ပြန်ကြားရေးဝန်ကြီးဌာနနှင့် တိုင်းဒေသကြီး/ ပြည်နယ်စီမံအုပ်ချုပ်ရေး ကောင်စီကို တာဝန်ခွဲဝေပေးထားသည့်အတိုင်း ဆက်လက် ဆောင်ရွက်သွားရမည်ဖြစ်ကြောင်း ပြောကြားသွားသည်။
ထို့နောက် နိုင်ငံပိုင်ရုပ်ရှင်ရုံ တောင်ကြီး(မြသုခ)၊ လားရှိုး(အောင်သီရိ)တို့နှင့်ပတ်သက်၍ သဘောတူညီချက် စာချုပ် လက်မှတ်ရေးထိုးရာ နိုင်ငံပိုင်ရုပ်ရှင်ရုံ လွှဲပြောင်း/ပေးအပ် စာချုပ်တွင် ပြန်ကြားရေးဝန်ကြီးဌာန၊ ပြန်ကြားရေးနှင့် ပြည်သူ့ ဆက်ဆံရေးဦးစီးဌာန၊ ညွှန်ကြားရေးမှူးချုပ် ဦးအေးကြွယ်နှင့် ညွှန်ကြားရေးမှူး ဦးရဲလင်းမြင့်တို့က လက်မှတ်ရေးထိုးခြင်း၊ နိုင်ငံပိုင် ရုပ်ရှင်ရုံ တောင်ကြီး(မြသုခ) တင်ဒါအောင်မြင်သူ ဦးမောင်မောင်သန်း၊ ဦးမြတ်လင်းနှင့် အသိသက်သေအဖြစ် ဒေါ်ခင်ချိုသက် တို့က စာချုပ်တွင် လက်မှတ်ရေးထိုးခြင်း၊ လားရှိုးမြို့(အောင်သီရိ)တင်ဒါအောင်မြင်သူ ဦးထွန်းနိုင်(ခ)ကျန်‌ယောင်းနှင့် အသိသက်သေ အဖြစ် ဦးမင်းခန့်တို့မှ စာချုပ်တွင် လက်မှတ်ရေးထိုးကြပြီး နိုင်ငံပိုင်ရုပ်ရှင်ရုံ တောင်ကြီး(မြသုခ)၊ လားရှိုး(အောင်သီရိ)တို့နှင့် ပတ်သတ်၍ စာချုပ်ကို ပြန်ကြားရေးဝန်ကြီးဌာန၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ညွှန်ကြားရေးမှူးချုပ် ဦးအေးကြွယ် က ရှမ်းပြည်နယ်စီမံအုပ်ချုပ်ရေးကောင်စီ အတွင်းရေးမှူး ဦးနေလင်းထံသို့ လွှဲပြောင်းပေးအပ်ခဲ့ကြောင်း သိရှိရသည်။

ရှမ်းပြည်နယ်စီမံအုပ်ချုပ်ရေးကောင်စီ