မူလသို့
Shan State Government Office

ရှမ်းပြည်နယ်

inlay

Inle

festival

Festival

kaku

Kakku Pagodas

panglong

Pang Long

ရှမ်းပြည်နယ်သတင်းများ

article thumbnail

တောင်ကြီး မေ - ၂၇ ၂၀၂၀ ပြည့်နှစ် ဇွန်လ ၂၆ ရက်နေ့တွင် ကျရောက်မည့် (၃၃)ကြိမ်မြောက် အပြည်ပြည်ဆိုင်ရာ မူးယစ်ဆေးဝါး အလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေးနေ့ အထိမ်းအမှတ် အခမ်းအနားနှင့် ဖမ်းဆီးရမိသည့် မူးယစ်ဆေးဝါးများ မီးရှို့ဖျက်ဆီးပွဲ အခမ်းအနား အောင်မြင်စွာကျင်းပနိုင်ရေးအတွ [ ... ]

article thumbnail

တောင်ကြီး    မေ   -  ၂၇ ရှမ်းပြည်နယ်( တောင်ပိုင်း )၊ တောင်ကြီးခရိုင်၊ တောင်ကြီးမြို့နယ်၊ အေးသာယာမြို့တွင် မေ(၂၇)ရက်နံနက်ပိုင်းက COVID-19 ရောဂါ ဖြစ်ပွားနေချိန်အတွင်း ပြည်သူများ စားဝတ်နေရေး အခက်အခဲမရှိစေရန် ရှမ်းပြည်နယ်အစိုးရအဖွဲ့နှင့် ရှမ်းပြည်နယ်ပြည်သူစားနပ်ရိက္ခာထောက်ပံ့ရေးအဖွဲ့ကေ [ ... ]

article thumbnail

တောင်ကြီး၊ မေ - ၂၆  စားသောက်ဆိုင်များ၊ လ္ဘက်ရည်ဆိုင်များ၊ တည်းခိုခန်းများနှင့် ယာဉ်လိုင်းများ ပြန်လည်ဖွင့်လှစ် နိုင်ရေးကိစ္စနှင့်စပ်လျဉ်း၍ လုပ်ငန်းညှိနှိုင်းအစည်းအဝေးအမှတ်စဉ် (၁/၂၀၂၀)ကို မေ ၂၆ ရက်၊ နံနက် (၁၀)နာရီခွဲက တောင်ကြီးမြို့၊ ရှမ်းပြည်နယ်အစိုးရရုံး အစည်းအဝေးခန်းမ၌ ကျင်းပသည် [ ... ]

article thumbnail

  လားရှိုး မေ - ၂၅ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ပြည်နယ် ဒုတိယ အုပ်ချုပ်ရေးမှူး ဦးကျော်သူဇော်၊ ရှမ်းပြည်နယ်အားကစားနှင့် ကာယပညာဦးစီးဌာန ညွှန်ကြားရေးမှူး ဦးကျော်ကျော်သိန်း၊ ပြည်နယ်အဆင့်၊ ခရိုင်အဆင့်၊ မြို့နယ်အဆင့်ဌာနဆိုင်ရာ တာဝန်ရှိသူများ တို့သ [ ... ]

(၃၃)ကြိမ်မြောက် အပြည်ပြည်ဆိုင်ရာ မူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေးနေ့ အထိမ်းအမှတ် အခမ်းအနားကျင်းပနိုင်ရေး ပထမအကြိမ်လုပ်ငန်းညှိနှိုင်း

တောင်ကြီး မေ - ၂၇

108

၂၀၂၀ ပြည့်နှစ် ဇွန်လ ၂၆ ရက်နေ့တွင် ကျရောက်မည့် (၃၃)ကြိမ်မြောက် အပြည်ပြည်ဆိုင်ရာ မူးယစ်ဆေးဝါး အလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေးနေ့ အထိမ်းအမှတ် အခမ်းအနားနှင့် ဖမ်းဆီးရမိသည့် မူးယစ်ဆေးဝါးများ မီးရှို့ဖျက်ဆီးပွဲ အခမ်းအနား အောင်မြင်စွာကျင်းပနိုင်ရေးအတွက် မေ ၂၇ ရက် မွန်းလွဲ ၂ နာရီက တောင်ကြီးမြို့၊ ရှမ်းပြည်နယ် အစိုးရအဖွဲ့ရုံး အစည်းအဝေးခန်းမ၌ (ပထမ)အကြိမ်လုပ်ငန်းညှိနှိုင်းအစည်းအဝေး ကျင်းပသည်။

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က ယခင်နှစ် ဇွန်လ ၂၆ ရက်နေ့တွင် အပြည်ပြည်ဆိုင်ရာ မူးယစ်ဆေးဝါး အလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေးနေ့ အထိမ်းအမှတ်အဖြစ် ကြိုတင်ပြီး ပန်းချီ၊ ကာတွန်း၊ ပိုစတာနှင့် ကွန်ပျူတာပန်းချီပြိုင်ပွဲများကို သက်ဆိုင်ရာကျောင်းများတွင် စည်ကားသိုက်မြိုက်စွာ ကျင်းပပြုလုပ်နိုင်ခဲ့ပြီး ယခုနှစ်တွင် ကမ္ဘာ့ကပ်ရောဂါဖြစ်သည့် (COVID-19)ရောဂါပြန့်ပွားမှုများကြောင့် ပြိုင်ပွဲများကို ကျင်းပ ပြုလုပ်နိုင်ခြင်းမရှိသေးသော်လည်း ကျင်းပပြုလုပ်ရန် ညွှန်ကြားချက်ရရှိပါက အသင့်ပြုလုပ်နိုင်ရေး ကြိုတင်ပြင်ဆင်ထားရှိ ရမည်ဖြစ်ကြောင်း၊ ရှမ်းပြည်နယ်အတွင်း တပ်မတော်၊ မြန်မာနိုင်ငံရဲတပ်ဖွဲ့၊ မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့များသည် နှစ်စဉ် မူးယစ်ဆေးဝါးထုတ်လုပ်၊ သယ်ဆောင်၊ ရောင်းဝယ်မှုများကို အရှိန်အဟုန်မြှင့်စုံစမ်းဆောင်ရွက်ခဲ့ကြသဖြင့် ထုထည် ပမာဏများစွာသော မူးယစ်ဆေးဝါးများနှင့် ဓါတုပစ္စည်းများ၊ ဆက်စပ်ပစ္စည်းများကို သိမ်းဆည်းအရေးယူနိုင်ခဲ့ကြောင်း၊ ရှမ်းပြည်နယ်အတွင်းမှာ ဖျက်ဆီးခဲ့သည့် မူးယစ်ဆေးဝါးများကို နှစ်အလိုက် နှိုင်းယှဉ်ကြည့်ပါက ၂၀၁၅ ခုနှစ်တွင် အမေရိကန်ဒေါ်လာ (၈၂)သန်းကျော်တန်ဖိုးရှိမူးယစ်ဆေးဝါးများကိုလည်းကောင်း၊ ၂၀၁၆ ခုနှစ်တွင် အမေရိကန်ဒေါ်လာ (၃၁)သန်းကျော်တန်ဖိုးရှိမူးယစ်ဆေးဝါးများကိုလည်းကောင်း၊ ၂၀၁၇ ခုနှစ်တွင် အမေရိကန်ဒေါ်လာ (၁၄၃)သန်းကျော် တန်ဖိုးရှိ မူးယစ်ဆေးဝါးများကိုလည်းကောင်း၊ ၂၀၁၈ ခုနှစ်တွင် အမေရိကန်ဒေါ်လာ (၁၀၉)သန်းကျော်တန်ဖိုးရှိ မူးယစ်ဆေးဝါးများ ကိုလည်းကောင်း၊ ၂၀၁၉ ခုနှစ်တွင် အမေရိကန်ဒေါ်လာ (၁၅၀)သန်းကျော်တန်ဖိုးရှိမူးယစ်ဆေးဝါးများကိုလည်းကောင်း အသီးသီးဖျက်ဆီးနိုင်ခဲ့ကြောင်း၊ ယခုနှစ်တွင် အကြမ်းအားဖြင့် မြန်မာငွေကျပ်သန်းပေါင်း(၁၄၇၀၆၈)ကျော်တန်ဖိုးရှိ မူးယစ်ဆေးဝါးများကို ဖျက်ဆီးသွားမှာဖြစ်ပြီး၊ ရှမ်းပြည်နယ်(မြောက်ပိုင်း)၊ ကွတ်ခိုင်မြို့နယ်၊ လွယ်ခန်ကျေးရွာအနီးတွင် ၂၀၂၀ ပြည့်နှစ် ဖေဖော်ဝါရီ ၂၀ ရက်မှ ဧပြီ ၉ ရက်နေ့ထိ ဖမ်းဆီးရမိခဲ့သော မူးယစ်ဆေးဝါးများမှာ အမြောက်အများရှိနေသဖြင့် ဒေသန္တရအမိန့်ဖြင့် ဖျက်ဆီးခွင့်ရရှိရေး ဆက်လက်ဆောင်ရွက်ထားရှိပြီး၊ အဆိုပါမူးယစ်ဆေးဝါးများကို တောင်ကြီးမြို့တွင် ပူးပေါင်းဖျက်ဆီးရမည်ဆိုပါက ယခင်နှစ်ထက် ပမာဏပိုများသွားမည်ဖြစ်၍ ဆပ်ကော်မတီများအနေဖြင့် ကြိုတင်ပြင်ဆင် သွားရန် လိုအပ်ပါကြောင်း ပြောကြားသည်။

ဆက်လက်၍ ရှမ်းပြည်နယ်မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများအန္တရာယ် တားဆီးကာကွယ်ရေး အဖွဲ့ဥက္ကဋ္ဌ ရှမ်းပြည်နယ်အစိုးရအဖွဲ့ ပြည်နယ်လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးလှဦး၊ ရှမ်းပြည်နယ် မူးယစ်ဆေးဝါး နှင့် စိတ်ကိုပြောင်းလဲစေသော ဆေးဝါးများအန္တရာယ် တားဆီးကာကွယ်ရေးအဖွဲ့ အတွင်းရေးမှူး ရှမ်းပြည်နယ်ရဲတပ်ဖွဲ့ ပြည်နယ်ရဲတပ်ဖွဲ့မှူး ရဲမှူးချုပ်တင်ကိုကိုတို့က ဆွေးနွေးတင်ပြကြပြီး၊ အခမ်းအနားဖြစ်မြောက်ရေးအတွက် ဆပ်ကော်မတီ အလိုက်ဆွေးနွေးတင်ပြခြင်းနှင့် အထွေထွေဆွေးနွေးတင်ပြကြကာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က နိဂုံးချုပ်အမှာစကားပြောကြားကြောင်းသိရသည်။

မောင်မောင်သန်း(တောင်ကြီး)

၀၉၂၅၀၁၃၂၉၄၃

Subcategories

သတင်းထုတ်ပြန်ချက်

မြေယာ
Thursday, 15 June 2017
article thumbnail

သဝဏ်လွှာ

article thumbnail

ပြည်ထောင်စုသမ္မတမြန်မာနိုင်ငံတော် ရှမ်းပြည်နယ်အစိုးရအဖွဲ့   ပြည်နယ်ဝန်ကြီးချုပ် ဦးစဝ်အောင်မြတ်ထံမှ ၂၀၁၄ ခုနှစ် (၆၇)နှစ်မြောက် ရှမ်းပြည်နယ်နေ့ အခမ်းအနားသို့ ပေးပို့သော သဝဏ်လွှာ   ၂၀၁၄ ခုနှစ်၊ ဖေဖေါ်ဝါရီလ(၇)ရက်နေ့   ချစ်ခင်လေးစားအပ်ပါသော ရှမ်းပြည်နယ်အတွင်း မှီတင်းနေထိုင်ကြသည့်  [ ... ]

ဗီဒီယို မှတ်တမ်းများ

movie

တိုင်းရင်းသား လူမျိုးများ

lishaw
 ရှမ်းပြည်နယ်(အရှေ့ပိုင်း) ကျိုင်းတုံ မြို့နယ်တွင် အများစုနေထိုင်ကြပြီး၊ လွိုင်လင်၊ မိုးမိတ်၊ မဘိမ်း၊ နမ့်ဆန်၊ နမ့်ခမ်း၊ ညောင်ရွှေနှင့် ဖယ်ခုံမြို့နယ်တို့တွင်လည်း နေထိုင်ကြသည်။

We have 108 guests and no members online