သတင်းများ

ရှမ်းပြည်နယ်အစိုးရအဖွဲ့လွိုင်လင်ခရိုင်နမ့်စန်ပြည်သူ့ဆေးရုံး၌(COVID-19)ရောဂါကာကွယ်ရေးအတွက် ကျန်းမာရေးပစ္စည်းများပေးအပ်

နမ့်စန် ဧပြီ-၁

62

Conoravirus disease -2019(COVID-19)ရောဂါကာကွယ် ထိန်းချုပ်ကုသနိုင်ရေးအတွက် ဧပြီ(၁)ရက် နံနက် (၁၀)နာရီက လွိုင်လင်ခရိုင်၊ နမ့်စန်ပြည်သူ့ဆေးရုံးတွင် ကျန်းမာရေးထောက်ပံ့ပစ္စည်းများကို ရှမ်းပြည်နယ်အစိုးရအဖွဲ့မှ လာရောက်ပေးအပ်လှူဒါန်းကြောင်းသိရသည်။ 

လှူဒါန်းခြင်းအခမ်းအနားတွင် Conoravirus disease-2019(COVID-19) ရောဂါကာကွယ်ထိန်းချုပ်ကုသရေး လုပ်ငန်းကော်မတီဥက္ကဌ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်းက အဖွင့်အမှာစကား ပြောကြားပြီး၊ ပြည်နယ်ဝန်ကြီးချုပ်ဒေါက်တာလင်းထွဋ်၊ အရှေ့အလယ်ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ်သန်းလှိုင် တို့မှ(COVID-19) ရောဂါကာကွယ်ရေးတွင် အသုံးပြုနိုင်ရန် PPE ဝတ်စုံ Mask နှင့်လယ်ရှည်ဖိနပ်များ ပေးအပ်လှူဒါန်းရာ မြို့နယ်ကျန်းမာရေးဦးစီးမှူး ဒေါက်တာအောင်နိုင်ဦးကလက်ခံရယူသည်။

ဆက်လက်၍နမ့်စန်မြို့နယ် ကျန်းမာရေးဦးစီးမှူး ဦးအောင်နိုင်ဦးမှ(COVID-19) ရောဂါကာကွယ်ထိန်းချုပ် ကုသရေး နှင့် ပတ်သက်၍ရှင်းလင်းရာ O2 Concentrater လက်ကျန်မရှိလိုအပ်မှု (၄)၊ puls e Oxymeter လက်ကျန်မရှိ လိုအပ်အရေအတွက်(၉)၊ Noncontect Thermometerလက်ကျန်မရှိ လိုအပ်အရေအတွက်(၁၆)၊ PPE လက်ကျန်(၃၅)၊ လိုအပ်(၅၀၀)၊N95 maskလက်ကျန်(၄၈)၊လိုအပ် (၂၀၀)၊Surgical maskလက်ကျန်(၁၅၀)၊ လိုအပ် (၁၀၀၀၀)၊ Surgical gloveလက်ကျန်(၃၀၀)၊ လိုအပ်(၁၀၀၀)၊ Exam gloveလက်ကျန်(၁၀၀)၊ လိုအပ် (၁၀၀၀၀)၊ Apromလက်ကျန်(၆၅)၊ လိုအပ်(၂၀၀၀) တင်ပြရာပြည်နယ်ဝန်ကြီးချုပ်ဒေါက်တာလင်းထွဋ်မှ လိုအပ်သည်များမှာကြားပြီး (COVID-19) ရောဂါ ကန့်သတ်သံဃဆေးရုံးနှင့် ကြိုတင်ပြင်ဆင်ထားသောဆေးရုံ(၄)ထပ်ဆောင် တို့အားသွားရောက်ကြည့်ရှုခဲ့သည်။

ထို့နောက်ပြည်နယ်ဝန်ကြီးချုပ်နှင့် ပြည်နယ်ဝန်ကြီးများသည် လွိုင်လင်ခရိုင် ပန်ခေါက်ဝိုး ဘုန်းတော်ကြီးကျောင်းတွင် ခရီးသွားပြည်သူ့များအား (COVID-19) ရောဂါကာကွယ်ရေးအတွက် ကျန်းမာရေးဆေးစစ်နေမှုကို ဝင်ရောက်ကြည့်ပြီး၊ လွိုင်လင်တက္ကသိုလ်တွင် ယိုးဒယားပြန်ကျား(၁၅)ဦး၊ မ(၁၁)ဦး၊ ပင်လုံတက္ကသိုလ်တွင် မြဝတီမှဝင်ရောက်သူ(၁၅)ယောက် ထားရှိရန် ဖွင့်လှစ်ထားသောပြည်ပပြန် (COVID-19) ကာကွယ်ရန်အတွက် (Facility Quarantine) ထားရှိမှုအား ဝင်ရောက်ကြည့်ရှုပြီး၊ လွိုင်လင်တက္ကသိုလ်တွင် ရှမ်းပြည်နယ်အစိုးရအဖွဲ့မှ အလှူငွေကျပ်(၁၀)သိန်း ပေးအပ်လှူဒါန်းကာ လွိုင်လင်အထကကျောင်း၌ ကိုရိုနာဗိုင်းရပ်(စ်)ကြိုတင်ကာကွယ်နိုင်ရန် ကျန်းမာရေးဆေးစစ်ပြင်ဆင်ထားရှိမှုတို့ကို ဝင်ရောက်ကြည့်ရှု၍ လိုအပ်သည်များမှာကြားခဲ့ကြောင်းသိရှိရသည်။ 

မောင်မောင်သန်း(တောင်ကြီး)

 

ရှမ်းပြည်နယ်ဝန်ကြီးချုပ်ပအိုဝ်းကိုယ်ပိုင်အုပ်ချုပ်ခွင့်ရဒေသတိုးဂိတ်၌ဖွင့်လှစ်ထားသော(COVID-19) ရောဂါရှာဖွေစစ်ဆေးဂိတ်အားဝင်ရောက်ကြည့်ရှု

တောင်ကြီး ဧပြီ - ၁ 

61

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဒေါက်တာလင်းထွဋ်၊ ပြည်နယ်ဝန်ကြီးများ၊ ဗမာတိုင်းရင်းသား လူမျိုးရေးရာဝန်ကြီးနှင့်တာဝန်ရှိသူများသည် ဧပြီ(၁)ရက် နံနက်(၇)နာရီခွဲက တောင်ကြီးမြို့မှအထွက်ပအိုဝ်းကိုယ်ပိုင် အုပ်ချုပ်ခွင့်ရဒေသ ဟိုပုံးမြို့အဝင်တိုးဂိတ်တွင် ဖွင့်လှစ်ထားသော(COVID-19) ရောဂါကာကွယ်ရေးဆေးစစ်ဆေးရေးဂိတ်အား ဝင်ရောက်ကြည့်ရှုစစ်ဆေးရာ ပြည်နယ်ဝန်ကြီးချုပ် ဒေါက်တာလင်းထွဋ်က တာဝန်ကျဆရာမများအားလိုအပ်သည်များရှိပါက ပွင့်ပွင့်လင်းလင်းပြောရန်နှင့်ရှိပါက Coronavirus disease -2019(COVID-19)ရောဂါကာကွယ်ထိန်းချုပ်ကုသရေးလုပ်ငန်း ကော်မတီဥက္ကဌ ရှမ်းပြည်နယ်အစိုးရအဖွဲ့ပြည်နယ်လူမှုရေးဝန်ကြီး ဒေါက်တာမျိုးထွန်းထံ တင်ပြရန်၊ တာဝန်ကျ ဝန်ထမ်းများအားဝင်ရောက်လာသည့် ပြည်သူများနှင့်နီးကပ်စွာ မရှိစေရန်မှာကြားခဲ့ကြောင်းနှင့် ဝင်ရောက်လာသည့်ကား မော်တော်ဆိုင်ကယ်များအား ပိုးသတ်ဆေးပက်ဖြန်းနေမှု့ကိုကြည့်ရှုခဲ့ကြောင်းသိရှိရသည် ။ 

 

မောင်မောင်သန်း(တောင်ကြီး)

 

ရှမ်းပြည်နယ်ဝန်ကြီးချုပ်နှင့် ဧည့်သည်တော်များ ဘာသာကြီး (၄)ခုတွင် ဝတ်ပြုဆုတောင်း

တောင်ကြီး မတ်   ၂၃

56

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်လွှတ်တော်ဥက္ကဋ္ဌ ဦးစိုင်းလုံးဆိုင်၊ ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးလှဦး၊ ပြည်နယ်စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးစိုင်းလုံကျော်၊ ပြည်နယ်စည်ပင်သာယာရေးဝန်ကြီး ဦးစိုင်းစွံဆိုင်း၊ ဗမာတိုင်းရင်းသား လူမျိုးရေးရာဝန်ကြီး ဒေါက်တာအောင်သန်းမောင်၊  ပြည်နယ်အစိုးရအဖွဲ့ အတွင်းရေးမှူး၊ ပြည်နယ်အစိုးရအဖွဲ့ ညွှန်ကြားရေးမှူးနှင့် တောင်ကြီးခရိုင်အုပ်ချုပ်ရေးမှူး တို့သည် တောင်ကြီးမြို့ပေါ်ရှိ ဟိန္ဒူဘုရားကျောင်း၊ ဂျာမေ့ဗလီ၊ ဆစ်ခ်ဘုရားရှိခိုးကျောင်း၊ စိန့်ဂျိုးဇက် ဘုရားရှိခိုးကျောင်းများသို့ မတ်လ ၂၂ ရက် ညနေ ၆ နာရီတွင် သွားရောက်၍ ဘာသာကြီး(၄)ခုမှ ခေါင်းဆောင်များနှင့်အတူ ရှမ်းပြည်နယ်နှင့် ပြည်ထောင်စုသားအားလုံး၊ ကမ္ဘာသူကမ္ဘာသားအားလုံး ကပ်ကြီး(၃)ပါးကျော်လွှားပြီး၊ ရောဂါဘယများကင်းဝေးစေရန်အလို့ငှာ ဝတ်ပြုဆုတောင်းခဲ့ကြောင်း သိရသည်။

စိုင်းသန်းကျော်(တောင်ကြီး)

 

ရှမ်းပြည်နယ်အတွင်း Coronavirus Disease 2019 (COVID-19) ကာကွယ်ထိန်းချုပ်ကုသရေး ပြည်နယ်အဆင့်လုပ်ငန်းကော်မတီ ညှိနှိုင်းအစည်းအဝေးကျင်းပ

တောင်ကြီး မတ် - ၃၁

60

ရှမ်းပြည်နယ်အတွင်း Coronavirus Disease 2019 (COVID-19)ကာကွယ်ထိန်းချုပ် ကုသရေးလုပ်ငန်းများတွင် အသုံးပြုရန်အတွက် ပစ္စည်းများလှူဒါန်းခြင်းကို မတ် ၃၁ ရက် ညနေ ၃ နာရီက တောင်ကြီးမြို့၊ ရှမ်းပြည်နယ်အစိုးရရုံး အစည်းအဝေးခန်းမ၌ ကုမ္ပဏီ (၂)ခုမှ လာရောက်လှူဒါန်းကြောင်းသိရသည်။

အဆိုပါ ကုမ္ပဏီ(၂)ခုမှ KINCAID Group နှင့် တောင်ကြီးကျောက်မျက်ကုမ္ပဏီလီမိတက်တို့ဖြစ်ပြီး၊ KINCAID Group မှ ငွေကျပ်သိန်း(၁၀၀၀)တန်ဖိုးရှိ ဆေးနှင့် PPE ဝတ်စုံများ၊ တောင်ကြီးကျောက်မျက်ကုမ္ပဏီလီမိတက်မှ ဦးစိုးလှိုင်(ခ)အကွေနှင့် ဇနီး ဒေါ်သန်းသန်းမေ၊ ဦးချစ်လှိုင် ဇနီး ဒေါ်စပယ်ဦးမိသားစုမှ ရှမ်းပြည်နယ်အစိုးရအဖွဲ့ Mask (၁၈၀၀၀)ခု၊ စဝ်စံထွန်းဆေးရုံကြီး အတွက် Mask (၅၄၀၀)ခု၊ အမျိုးသမီးနှင့် ကလေးဆေးရုံအတွက် Mask (၁၈၀၀)ခု၊ စုစုပေါင်း Mask(၂၅၂၀၀)ခု တန်ဖိုးငွေကျပ် (၁၂၆)သိန်း ပေးအပ်လှူဒါန်းရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်နှင့် ပြည်နယ်ဝန်ကြီးများက လက်ခံရယူပြီး ဂုဏ်ပြုမှတ်တမ်းလွှာများ ပြန်လည်ပေးအပ်ကြောင်း သိရှိရသည်။

မောင်မောင်သန်း(တောင်ကြီး)

 

ရှမ်းပြည်နယ်အတွင်း COVID-19 အဆုတ်ရောင်ရောဂါ ဖြစ်ပွားမှုမရှိစေရေးအတွက် စောင့်ကြည့်စစ်ဆေးကုသရေး ကြီးကြပ်မှုကော်မတီ၏ ဒုတိယအကြိမ် လုပ်ငန်းညှိနှိုင်း အစည်းအဝေး

တောင်ကြီး မတ်   ၁၉

55

ရှမ်းပြည်နယ်(တောင်ပိုင်း) ရှမ်းပြည်နယ်အစိုးရအဖွဲ့မှ ကျင်းပပြုလုပ်သော ရှမ်းပြည်နယ်အတွင်း COVID-19 အဆုတ်ရောင်ရောဂါ ဖြစ်ပွားမှုမရှိစေရေးအတွက် စောင့်ကြည့်စစ်ဆေးကုသရေး ကြီးကြပ်မှုကော်မတီ၏ ဒုတိယအကြိမ် လုပ်ငန်းညှိနှိုင်း အစည်းအဝေးကို မတ်လ ၁၉ ရက်နေ့ မွန်းလွဲ ၂ နာရီအချိန်တွင် ရှမ်းပြည်နယ်အစိုးရအဖွဲ့ရုံး အစည်းအဝေးခန်းမ ၌ကျင်းပသည်။

အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်လုံခြုံရေးနှင့် နယ်စပ် ရေးရာဝန်ကြီး ဗိုလ်မှူးကြီးလှဦး၊ ပြည်နယ်စီမံကိန်းနှင့်ဘဏ္ဍာရေးဝန်ကြီး ဦးစိုးညွန့်လွင်၊ ပြည်နယ်လမ်းပန်းဆက်သွယ်ရေးဝန်ကြီး ဦးခွန်ရဲထွေး၊ ပြည်နယ်သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီး ဒေါက်တာညီညီအောင်၊ ပြည်နယ်လျှပ်စစ်၊ စွမ်းအင်နှင့်စက်မှုဝန်ကြီး ဦးစိုင်းရှဲန်တစ်လုံ၊ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ပြည်နယ်စည်ပင်သာယာရေးဝန်ကြီး ဦးစိုင်းစွံဆိုင်း၊ ဗမာတိုင်းရင်းသားလူမျိုးရေးရာဝန်ကြီး ဒေါက်တာအောင်သန်းမောင်၊ ရှမ်းပြည်နယ်အစိုးရအဖွဲ့ အတွင်းရေးမှူး ဦးစိုးစိုးဇော်၊ ကိုးကန့်ကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဋ္ဌ၊ ပြည်နယ်ကုသရေးနှင့် ပြည်သူ့ကျန်းမာရေးဦးစီးဌာန (တောင်ကြီး၊ လားရှိုး၊ ကျိုင်းတုံ) မှတာဝန်ရှိသူများ၊ ပြည်နယ်အဆင့်ဌာနဆိုင်ရာများ၊ ပုဂ္ဂလိကဆေးရုံမှ တာဝန်ခံများ၊ လူမှုရေး အသင်းအဖွဲ့များ တက်ရောက်ခဲ့ကြသည်။

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က ၁၇.၃.၂၀၂၀ ရက်နေ့ WHO Situation Report အရ တစ်ကမ္ဘာလုံးမှာ (၁၇၉၁၁၂)ဦး ပိုးတွေ့ရှိခဲ့ပြီး၊ (၇၄၂၆)ဦး သေဆုံးခဲ့ပါကြောင်း၊ တရုတ်ပြည်သူ့သမ္မတနိုင်ငံတွင် ပိုးတွေ့လူနာပေါင်း (၈၁၁၁၆)ဦးရှိခဲ့ပြီး၊ (၃၂၃)ဦး သေဆုံးခဲ့ပါကြောင်း၊ COVID-19 အဆုတ်ရောင်ရောဂါကာကွယ်ထိန်းချုပ် ကုသရေးလုပ်ငန်းကို Containment အနေနဲ့ ဆောင်ရွက်လျက်ရှိပြီး (၁၇.၃.၂၀၂၀) ရက်နေ့အထိ တစ်နိုင်ငံလုံးတွင် စောင့်ကြည့် လူနာ (၁၄၄)ဦးအား စစ်ဆေးခဲ့ပြီး (၁၃၅)ဦးတွင် ပိုးတွေ့ရှိခဲ့ခြင်း မရှိဘဲ (၉)ဦး၏ ဓာတ်ခွဲအဖြေအား စောင့်ဆိုင်းဆဲ ဖြစ်ပါကြောင်း၊ ရှမ်းပြည်နယ်အတွင်း COVID-19 စောင့်ကြည့်လူနာပေါင်း (၂၇)ဦးရှိပြီး (၂၄)ဦးတွင် ရောဂါပိုးတွေ့ရှိခြင်း မရှိဘဲ လူနာ (၃)ဦး၏ ဓာတ်ခွဲနမူနာအဖြေအား စောင့်ဆိုင်းဆဲ ဖြစ်ပါကြောင်း၊ COVID-19 ရောဂါကာကွယ်ထိန်းချုပ်ရေးအတွက် POE များတွင်  Fever Surveillance ပြုလုပ်၍ စောင့်ကြည့်ခြင်းများကို ရှမ်းပြည်နယ် (မြောက်ပိုင်း)တွင် (၁၈)နေရာ၊ ရှမ်း (အရှေ့ပိုင်း)တွင် (၁၀)နေရာ၊ ရှမ်းပြည်နယ်(တောင်ပိုင်း)တွင် (၁)နေရာ စုစုပေါင်း (၂၉)နေရာ၌ ဆောင်ရွက်လျက်ရှိပြီး ကျေးလက်ဒေသအထိ ပညာပေးလုပ်ငန်းများကိုလည်း ဆောင်ရွက်လျက်ရှိပါကြောင်း၊ ရှမ်းပြည်နယ်အစိုးရအဖွဲ့အနေနဲ့ ရှမ်းပြည်နယ်အတွင်း COVID-19 အဆုတ်ရောင်ရောဂါကာကွယ်ထိန်းချုပ်ရေးအတွက် လိုအပ်တဲ့ ကာကွယ်ရေးနှင့် လုပ်ငန်း သုံးပစ္စည်းများ ဝယ်ယူရန် (၁၆၉)သိန်း (၉)သောင်းကျပ်အားလည်းကောင်း၊ POE များ၏ Fever Surveillance လုပ်ငန်းတွင် အသုံးပြုရန် သိန်း (၆၀)ကျပ်အားလည်းကောင်း၊ တစ်ကိုယ်ရေသုံးကူးစက်ရောဂါကာကွယ်ရေးဝတ်စုံ Personal Protective Equitment (PPE) (၃၀၀၀)စုံ ဝယ်ယူရန်အတွက် (၂၈၅)သိန်းအား လည်းကောင်း ထောက်ပံ့ပေးခဲ့ကြောင်း အဖွင့်အမှာစကား၌ ပြောကြားသည်။ 

ဆက်လက်၍ ပြည်နယ်ကုသရေးနှင့် ပြည်သူ့ကျန်းမာရေးဦးစီးဌာန (တောင်ကြီး) ဒုတိယညွှန်ကြားရေးမှူးချုပ် ဒေါက်တာသူဇာချစ်တင်၊ ပြည်နယ်ကုသရေးနှင့် ပြည်သူ့ကျန်းမာရေးဦးစီးဌာန (လားရှိုး) ပြည်နယ်ဦးစီးမှူး ဒေါက်တာ တင်မောင်ညွန့်၊ ပြည်နယ်ကုသရေးနှင့် ပြည်သူ့ကျန်းမာရေးဦးစီးဌာန (ကျိုင်းတုံ) ဒေါက်တာဘစိုးသက်၊ အမျိုးသမီးနှင့်ကလေး ဆေးရုံအုပ်ကြီး ဒေါက်တာမြတ်ခိုင်တို့က COVID-19 အဆုတ်ရောင်ရောဂါ ဖြစ်ပွားမှုများအကြောင်း ရှင်းပြပြီး ကာကွယ်ရေး လုပ်ငန်းများ ဆောင်ရွက်ထားရှိမှုအခြေအနေတို့ကိုတင်ပြဆွေးနွေးခဲ့သည်။

ထို့နောက် COVID-19 အဆုတ်ရောင်ရောဂါ သံသယလူနာတွေ့ရှိမှု အခြေအနေ၊ ရောဂါစောင့်ကြပ်ကြည့်ရှုရေးလုပ်ငန်းများနှင့် ကာကွယ်ရေးလုပ်ငန်းများ ဆောင်ရွက်ထားရှိမှု အခြေအနေတို့ကိုဆွေးနွေးခဲ့ကြကြောင်း သိရှိရသည်။

စိုင်းသန်းကျော် (တောင်ကြီး)

CovID-19 ရောဂါကာကြိုတင်ကွယ်ရေးအတွက်တောင်ကြီးမြို့ မြို့မစျေး၌ပိုးသတ်ဆေးရည်များပက်ဖြန်း

တောင်ကြီး မတ် -၃၀

59

ကမ္ဘာနှင့်တစ်ဝှမ်း၌Corona virus Disease -2019(CoviD-19)ကြောင့် ဖြစ်ပွားသောအသက်ရှုလမ်းကြောင်း ဆိုင်ရာရောဂါများဖြစ်ပွားလျက်ရှိသဖြင့် (COViD-19)ရောဂါ ကြိုတင်ကာကွယ်ရေးအနေဖြင့် မတ်(၃၀)ရက်ညနေ(၅)နာရီက တောင်ကြီးမြို့ မြို့မစျေးကြီးရှေ့နှင့်စျေးအတွင်း ပိုးသတ်ဆေးရည်များပက်ဖြန်းလျက်ရှိကြောင်းသိရသည်။ တောင်ကြီးမြို့ မြို့မစျေးနှင့်စျေးအတွင်း ရှမ်းပြည်နယ်မီးသတ်တပ်ဖွဲ့မှ ပိုးသတ်ဆေးရည်ပက်ဖြန်းနေမှုကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဒေါက်တာလင်းထွဋ်၊ ပြည်နယ်ဝန်ကြီးများနှင့် စည်ပင်သာယာရေးအဖွဲ့များခရိုင်/မြို့နယ်အဆင့်ဌာန ဆိုင်ရာ များကွင်းဆင်း ကြည့်ရှုကြကြောင်းသိရှိရသည်။ 

အဆိုပါပိုးသတ်ဆေးပက်ဖြန်းမှုကို ညပိုင်းတွင် ရှမ်းပြည်နယ်မီးသတ်တပ်ဖွဲ့မှ ဗိုလ်ချုပ်အောင်ဆန်းလမ်းတစ်လျောက် ဆောင်ရွက်ပြီး၊ လူစည်ကားရာနေရာများအား လူမှုရေးအသင်းအဖွဲ့များမှလည်း ပိုးသတ်ဆေးပက်ဖြန်းမှုကို ဆောင်ရွက် သွားမည်ဖြစ်ကြောင်းသိရှိရသည်။

မောင်မောင်သန်း(တောင်ကြီး)

 

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ် တောင်ကြီးမြို့ စဝ်စံထွန်းဆေးရုံသို့ ကွင်းဆင်းကြည့်ရှု

တောင်ကြီး  မတ်  ၁၇

54

ရှမ်းပြည်နယ်(တောင်ပိုင်း)၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးလှဦး၊ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ဗမာတိုင်းရင်းသားလူမျိုးရေးရာဝန်ကြီး ဒေါက်တာအောင်သန်းမောင်တို့သည်  မတ်လ ၁၇ ရက်နေ့ ညနေ ၄ နာရီ အချိန်တွင် စဝ်စံထွန်းပြည်သူဆေးရုံကြီးတွင် လူနာဆောင်နှင့်ကုတင်(၅၀၀)ဆံ့၊ ငါးထပ်ဆောင်တို့ သွားရောက်ကွင်းဆင်းကြည့်ရှုခဲ့ကြသည်။

အဆိုပါ စဝ်စံထွန်းပြည်သူဆေးရုံကြီးတွင် ထားရှိသည့်လူနာဆောင်၊ ဧည့်သည်တော်များ နားနေဆောင်များအတွက် လိုအပ်ချက်များကို ဖြည့်ဆည်းပေးရန်အတွက် လူနာများအရေးပေါ်ဖြစ်ပေါ်လာပါက လူနာဆောင်သီးသန့်ဆောင်များကို လူနာ (၄၀)ထားရှိနိုင်ရေးနှင့် ဆရာဝန်၊ ဆရာမများ၊ သူနာပြုဆရာမများကို ကိုရိုနာဗိုင်းရပ်စ်အကြောင်းအား ရှင်းလင်းပြောကြား ပေးခဲ့ပြီး သီးသန့်ဆောင်ပြင်ဆင်ထားမှုနှင့် ကုတင်(၅၀၀)ဆံ့၊ ငါးထပ်ဆောင်တွင် ပြင်ဆင်ထားမူများကို သွားရောက်လေ့လာ၍ လိုအပ်ချက်များကို ဖြည့်ဆည်းပေးသွားမည်ဖြစ်ကြောင်း ပြောကြားကာ ဆေးရုံအုပ်နှင့်အတူ ပြင်ဆင်ဆောင်ရွက်ချက်များကို လိုက်လံကြည့်ရှုခဲ့ကြကြောင်းသိရသည်။

စိုင်းသန်းကျော်(တောင်ကြီး)

 

တောင်ကြီးမြို့နေမွတ်စလင် ဘာသာဝင်များ မှ ကျန်းမာရေးကာကွယ်မှုဝတ်စုံ (၅၀၀)လှူဒါန်း

တောင်ကြီး မတ် - ၃၀

58

ကမ္ဘာနှင့်အဝှမ်း Corona Virus Disease -2019 (COVID-19) ကြောင့်ဖြစ်ပွားသော အသက်ရှုလမ်းကြောင်း ဆိုင်ရာ ရောဂါများဖြစ်ပွားလျက်ရှိပြီး (COVID-19) ရောဂါကာကွယ်ရေး လုပ်ငန်းများတွင် အသုံးပြုနိုင်ရန်ရည်ရွယ်၍ ရှမ်းပြည်နယ်အစိုးရအဖွဲ့သို့  မတ်လ (၃၀)ရက် ညနေ(၄)နာရီတွင် တောင်ကြီးမြို့ ရှမ်းပြည်နယ်အစိုးရရုံး ပြည်နယ် ဝန်ကြီးချုပ်ဧည့်ခန်းမတွင် တောင်ကြီးမြို့နေမွတ်စလင်ဘာသာဝင်များမှ ကျန်းမာရေးကာကွယ်မှုဝတ်စုံ (၅၀၀)နှင့် နှာခေါင်းစည်း (၅၀၀)အား လာရောက်လှူဒါန်းကြောင်းသိရသည်။

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က ကျန်းမာရေးကာကွယ်ရေးဝတ်စုံ (၅၀၀)နှင့် နှာခေါင်းစည်း(၅၀၀)တို့အား လာရောက်လှူဒါန်းသည့်အတွက် အထူးကျေးဇူးတင်ရှိပါကြောင်းနှင့် ကျန်းမာရေးစောင့်ကြည့်စခန်းများသို့ ပြန်လည်ဖြန့်ဝေပေးသွားမည်ဖြစ်ကြောင်း ပြောကြားပြီး မွတ်စလင် ဘာသာအဖွဲ့ဝင်များဖြစ်သည့် ဦးသန်းထွန်း၊ ဦးအေးဝင်း၊ ဦးကျော်မင်းထွန်း၊ ဦးလှဝင်း၊ ဦးအောင်မြင့်သိန်းတို့မှ ကျန်းမာရေးကာကွယ်ရေး ဝတ်စုံ(၅၀၀)နှင့် နှာခေါင်းစည်း(၅၀၀) ပေးအပ်လှူဒါန်းရာ ပြည်နယ်ဝန်ကြီးချုပ် ဒေါက်တာလင်းထွဋ်မှ လက်ခံရယူ၍ ဗမာတိုင်းရင်းသားလူမျိုးရေးရာဝန်ကြီး ဒေါက်တာအောင်သန်းမောင်မှ ဂုဏ်ပြုမှတ်တမ်းလွှာများ ပြန်လည်ပေးအပ်ခဲ့သည်။

အဆိုပါတောင်ကြီးမြို့နေ မွတ်စလင်ဘာသာဝင်များမှ တောင်ကြီးမြို့ပေါ်ရှိ စဝ်စံထွန်းဆေးရုံ၊ ရွှေညောင် ဆေးရုံ၊ ညောင်ရွှေဆေးရုံတို့ကို ဆက်လက်လှူဒါန်းပေးသွားမည်ဖြစ်ကြောင်း သိရှိရသည်။

 

မောင်မောင်သန်း(တောင်ကြီး)

၀၉-၂၅၀၁၃၂၉၄၃

 

ရှမ်းပြည်နယ် လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးကော်မတီလုပ်ငန်း ညှိနှိုင်း အစည်းအဝေး အမှတ်စဉ်(၂/၂၀၂၀)ကျင်းပ

တောင်ကြီး  မတ်  ၁၇

53

ရှမ်းပြည်နယ်(တောင်ပိုင်း)၊ ရှမ်းပြည်နယ်လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေး ကော်မတီမှ ကျင်းပပြုလုပ်သော ရှမ်းပြည်နယ်လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေး ကော်မတီလုပ်ငန်း ညှိနှိုင်းအစည်းအဝေး အမှတ်စဉ်(၂/၂၀၂၀)ကို မတ်လ ၁၇ ရက်နေ့ နံနက် ၉ နာရီခွဲ အချိန်တွင် ရှမ်းပြည်နယ် အစိုးရအဖွဲ့ရုံး အစည်းအဝေးခန်းမ(၁)၌ ကျင်းပခဲ့သည်။

အခမ်းအနားသို့ ရှမ်းပြည်နယ်လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးကော်မတီ ဥက္ကဋ္ဌ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်စိုက်ပျိုးရေး၊ မွေးမြူရေးနှင့် ဆည်မြောင်း ဝန်ကြီး ဦးစိုင်းလုံကျော်၊ ရှမ်းပြည်နယ် လယ်ယာမြေနှင့်အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးကော်မတီ တွဲဖက်အတွင်းရေးမှူး၊ ရှမ်းပြည်နယ်လွှတ်တော်ကိုယ်စားလှယ်များ၊ ခရိုင်လယ်ယာမြေနှင့် အခြားမြေများ သိမ်းဆည်းခြင်းခံရမှု များ၊ ပြန်လည်စိစစ်ရေးကော်မတီများ၊ ပြည်နယ်အဆင့်ဌာနဆိုင်ရာ အကြီးအကဲများနှင့် အခြားဖိတ်ကြားထားသူများ တက်ရောက် ခဲ့ကြသည်။

အခမ်းအနားတွင် ရှမ်းပြည်နယ်လယ်ယာမြေနှင့် အခြားမြေများ သိမ်းဆည်းခြင်းခံရမှုများ၊ ပြန်လည်စိစစ်ရေးကော်မတီ ဥက္ကဋ္ဌ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က ရှမ်းပြည်နယ်အတွင်းရှိ မြေယာကိစ္စတင်ပြ တိုင်ကြားမှုများအပေါ် ခရိုင်နှင့်မြို့နယ်ကော်မတီများအနေဖြင့် စိစစ်ဖြေရှင်းဆောင်ရွက်ခြင်းနှင့် သက်ဆိုင်ရာဝန်ကြီးဌာန၊ အဖွဲ့အစည်းများမှ ပြန်လည်လွှဲပြောင်းပေးအပ်ခြင်းတို့ကို ဗဟိုကော်မတီမှချမှတ်ထားသောမူဝါဒနှင့် လုပ်ငန်းစဉ်(၅၂)ချက်နှင့် အညီ စိစစ်ပြီးစိစစ်တွေ့ရှိချက်၊ သုံးသပ်ချက်၊ အကြံပြုချက်များဖြင့် ဗဟိုကော်မတီမှသတ်မှတ်ထားသည့် အစီရင်ခံစာပုံစံ အတိုင်း ခရိုင်၊ မြို့နယ်မြေစစ်များမှလည်း အချက်အလက်ပြည့်စုံစွာဖြင့် တင်ပြဆောင်ရွက်ရန်ဖြစ်သည်။

ရှမ်းပြည်နယ်အတွင်း မြေယာကိစ္စ အမှုတွဲလက်ကျန်များ အမြန်ပြီးပြတ်စေရေးအတွက် ပြည်နယ်ကော်မတီ၊ ရုံးအဖွဲ့မှ လက်ထောက်ညွှန်ကြားရေးမှူး ဦးဆောင်၍ ဝန်ထမ်းများဖြင့် မြေစစ်ဗဟိုကော်မတီရုံးတွင် တွဲဖက်တာဝန်ထမ်းဆောင်ရန် ဗဟိုကော်မတီမှ ညွှန်ကြားလာသဖြင့် ၂၃-၃-၂၀၂၀ ရက်နေ့မှစ၍ ဝန်ထမ်း(၄)ဦးစီအလှည့်ကျ စေလွှတ်ဆောင်ရွက်သွားမည် ဖြစ်ပြီး ချိတ်ဆက်ဆောင်ရွက်ကြရန်၊ ခရိုင်၊ မြို့နယ် မြေစစ်ကော်မတီအဆင့်ဆင့်အနေဖြင့် ကျန်ရှိသည့် ဗဟိုအမှု(၁၅၉)မှု၊ ပြည်နယ်တိုက်ရိုက်တိုင်ကြားစာအမှု (၂၁၈)မှု၊ စုစုပေါင်း(၃၇၇)မှုကို ၂၀၂၀ပြည့်နှစ်အတွင်း ပြီးပြတ်အောင် အချိန်ကြန့်ကြာမှု မရှိစေဘဲ မူဝါဒ၊ လုပ်ငန်းစဉ်(၅၂)ချက်နှင့်အညီ ဆောင်ရွက်စေလိုပါကြောင်း တိုက်တွန်း၍ အမှာစကားပြောကြားခဲ့သည်။

ရှမ်းပြည်နယ်လယ်ယာမြေနှင့်အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးကော်မတီ တွဲဖက်အတွင်းရေးမှူး ညွှန်ကြားရေးမှူး ဦးဆန်းဝင်းက အမှုတစ်မှုချင်းအလိုက် ဗဟိုကော်မတီတိုင်ကြားသည့် အမှု(၂၆)မှု၊ ရှမ်းပြည်နယ်ကို တိုက်ရိုက် တိုင်ကြားသည့်စာအမှု(၁၄)မှုတို့ကို ဆွေးနွေးပြောကြားခဲ့ပြီး တက်ရောက်လာသည့် ပြည်နယ်မြေ/စစ်ကော်မတီဝင်များနှင့် ခရိုင်မြေ/စစ်ကော်မတီဥက္ကဋ္ဌ၊ တွဲဖက်အတွင်းရေးမှူးများက တင်ပြဆွေးနွေးခဲ့ပြီး၊ အမှုများကိုပက်ဖျက်ခြင်း အတည်ပြုခြင်းနှင့် ညှိနှိုင်းဆောင်ရွက်ခြင်းများပြုလုပ်၍ သက်ဆိုင်ရာမြေပိုင်ရှင်များတို့ပေးအပ်ရန် ဆွေးနွေးခဲ့ကြကြောင်းသိရသည်။

စိုင်းသန်းကျော်(တောင်ကြီး)

 

ရှမ်းပြည်နယ်အတွင်း Coronavirus Disease 2019 (COVID-19) ကာကွယ်ထိန်းချုပ်ကုသရေး ပြည်နယ်အဆင့်လုပ်ငန်းကော်မတီ ညှိနှိုင်းအစည်းအဝေးကျင်းပ

တောင်ကြီး မတ်-၂၄

57

၂၀၂၀ ပြည့်နှစ်၊ ဇန်နဝါရီ ၃၁ ရက်နေ့တွင် ဖွဲ့စည်းခဲ့သော Coronavirus Disease 2019 (COVID-19)  ကြောင့် ဖြစ်ပွားသော အသက်ရှှူလမ်းကြောင်းဆိုင်ရာ ရောဂါကာကွယ်၊ ထိန်းချုပ်၊ ကုသရေးဗဟိုကော်မတီ ကို ၂၀၂၀ ပြည့်နှစ်၊ မတ်လ ၁၃ ရက်နေ့တွင် အမျိုးသားအဆင့်ဗဟိုကော်မတီ၏ တိုးမြှင့်ဖွဲ့စည်းဆောင်ရွက် ခဲ့ပြီး အမျိုးသားအဆင့်ဗဟိုကော်မတီကို အထောက်အကူပြုလုပ်ငန်းဆောင်ရွက်နိုင်ရေးအတွက် Coronavirus Disease 2019 (COVID-19) ကာကွယ်၊ ထိန်းချုပ်၊ ကုသရေး ပြည်နယ်အဆင့်လုပ်ငန်း ကော်မတီကို ဖွဲ့စည်းဆောင်ရွက်ရန် အမျိုးသားအဆင့်ဗဟိုကော်မတီ၏ မတ်လ ၁၈ ရက်နေ့တွင် ညွှန်ကြား လာပါသဖြင့် ရှမ်းပြည်နယ် Coronavirus Disease 2019 (COVID-19) ကာကွယ်၊ ထိန်းချုပ်၊ ကုသရေး လုပ်ငန်းညှိနှိုင်းအစည်းအဝေးကို မတ် ၂၄ ရက် မွန်းလွဲ ၂ နာရီက တောင်ကြီးမြို့၊ ရှမ်းပြည်နယ်အစိုးရရုံး အစည်းအဝေးခန်းမ၌ ကျင်းပသည်။

ရှမ်းပြည်နယ်အတွင်း Coronavirus Disease 2019 (COVID-19)  ရောဂါကာကွယ်၊ ထိန်းချုပ်၊ ကုသရေးလုပ်ငန်းကော်မတီ ဥက္ကဌ၊ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်း က ရှမ်းပြည်နယ်ဒေသတွင် နယ်စပ်ဒေသများကို ရောဂါကာကွယ်ရေး အတွက် ကြိုတင်အသိပေးအကြောင်းကြားထားပြီးဖြစ်ကြောင်း၊ ကျန်းမာရေးဌာနနှင့် ပူပေါင်း၍ ပညာပေး လုပ်ငန်းများကိုလည်း ဆောင်ရွက်လျက်ရှိပါကြောင်း၊ ဖေဖော်ဝါရီလ ၂၄ ရက်နေ့တွင် ရှမ်းပြည်နယ်အစိုးရ အဖွဲ့မှ ကြိုတင်ကာကွယ်မှုအနေဖြင့် တိရစ္ဆာန်မှတဆင့် ကူးစက်နိုင်ကြောင်း ကြိုတင်အသိပေးစာများလည်း ထုတ်ဝေထားပြီးဖြစ်ကြောင်း၊ ယနေ့အစည်းအဝေးတွင် ဌာနများအလိုက် ကော်မတီများဖွဲ့စည်းထားပြီး ဖြစ်၍ ဌာနများက ပွင့်ပွင့်လင်းလင်းဆွေးနွေးပေးကြရန် ပြောကြားသွားသည်။

ဆက်လက်၍ Coronavirus Disease 2019 (COVID-19)  ကုသရေးလုပ်ငန်းကော်မတီ အတွင်းရေးမှူး ပြည်နယ်ကုသရေးနှင့် ပြည်သူ့ကျန်းမာရေးဦးစီးဌာန၊ ဒုတိယညွှန်ကြားရေးမှူးချုပ် ဒေါက်တာသူဇာချစ်တင်မှ တင်ပြဆွေးနွေးပြီး တက်ရောက်လာသူများမှ အထွေထွေဆွေးနွေးကြသည်။ 

ထို့နောက် Coronavirus Disease 2019 (COVID-19)  ရောဂါကာကွယ်၊ ထိန်းချုပ်၊ ကုသရေးလုပ်ငန်းကော်မတီ ဥက္ကဌ၊ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်း မှ အစည်းအဝေးဆုံးဖြတ်ချက်များ ဖတ်ကြားရာ(COVID-19) ကာကွယ်ရေးအမျိုးသားအဆင့် ဗဟိုကော်မတီမှ ပြည်သူများထံ ပန်ကြားချက်နှင့် အသိပညာပေးသည့်မှာကြားချက်များအား ရပ်/ကျေး အုပ်ချုပ်ရေးမှူးများမှတဆင့် ပြည်သူများထံ ပန်ကြားပေးရန် (တိုင်းရင်းသားဘာသာများဖြင့် ပြန်ကြားပေးရန်)၊ နိုင်ငံခြားမှ ပြန်လည်ရောက်ရှိလာသူများအား သက်ဆိုင်ရာ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ကျန်းမာရေးဦးစီးဌာနတို့မှ သတင်းပေးပို့ရေး၊ သတင်းရရှိရေးဆောင်ရွက်ရန်၊ Facility Quarantine နှင့်ပတ်သက်ပြီး တက္ကသိုလ်၊ ဟိုတယ်၊ ဘုန်းတော်ကြီးကျောင်းစာရင်းများကို မြို့နယ်အလိုက် စုစည်းတင်ပြရန်၊ Facility/ Home Quarantine များနှင့် ပတ်သက်ပြီး လိုက်နာရမည့်အချက်များ မြို့နယ်အလိုက် မြို့နယ်အုပ်ချုပ်ရေးမှူး၊ မြို့နယ်ကျန်းမာရေးမှူးတို့နှင့် ပူးပေါင်းဆောင်ရွက်ရန်၊ ၂၄.၃.၂၀၂၀ ရက်မှစပြီး KTVများ၊ ကလပ်များ ပိတ်သိမ်းရေး ဆောင်ရွက်ရန်၊ သတင်းရရှိရေးနှင့် အရေးပေါ်လူနာပေးပို့ရေးအတွက် မြို့နယ်အလိုက် အဖွဲ့ဖွဲ့စည်းချိတ်ဆက်ဆောင်ရွက်ရန် (ပြည်နယ်ကော်မတီသို့ စာရင်းပြုစုပေးပို့ရန်)၊ လက်ဖက်ရည်ဆိုင်၊ စားသောက်ဆိုင်၊ ညဈေး၊ ဆိုင်ထိုင်စားသောက်ခြင်း ရှောင်ရှားရန်အတွက် စည်ပင်သာယာရေးဌာနမှ ပြည်သူများအား ပန်ကြားရန်၊ (COVID-19) အသိပညာပေးလုပ်ငန်းများအား ဌာနအားလုံးပေါင်းစပ်ဆောင်ရွက်ရန်၊ လူအများစုဝေးများသည့် ဘုရားပုထိုးနေရာများအား အချိန်ကန့်သတ် ဆောင်ရွက်ရန်၊ လူထူထပ်သည့်နေရာများသို့ သွားရောက်ခြင်းအား ရှောင်ရှားစေနိုင်ရေးအတွက် ဌာနဆိုင်ရာများအားလုံး ဌာနအတွင်း နှိုးဆော်ဆောင်ရွက်ရန်၊ ဌာနအလိုက် (COVID-19) စောင့်ကြပ်စစ်ဆေးရေးလုပ်ငန်းဆောင်ရွက်ရန် (ရုံးအဝင်ဝတွင် လက်ဆေးကန်၊ ဆပ်ပြာရည်စီစဉ်ဆောင်ရွက်ပေးရန်)၊ မြို့အဝင်အထွက်ဂိတ်များ လုပ်ငန်းကော်မတီဖွဲ့စည်းပြီး (COVID-19) စောင့်ကြပ်စစ်ဆေးရန် (ကလော၊ ဟဲဟိုး၊ ဖယ်ခုံ၊ နမ့်စန်၊ ရွာငံ၊ နောင်ချို၊ နမ့်ခမ်း၊ ကွတ်ခိုင်၊ ကွမ်းလုံ၊ တာချီလိတ်၊ မိုင်းဖြတ်၊ ကျိုင်းတုံ၊ မိုင်းပျဉ်း)တို့ကို နိဂုံးချုပ်အမှာစကား၌ ပြောကြားသွားကြောင်း သိရှိရသည်။

မောင်မောင်သန်း (တောင်ကြီး)

၀၉၂၅၀၁၃၂၉၄၃

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က UNRCအဖွဲ့နှင့် လက်ခံတွေ့ဆုံ

တောင်ကြီး မတ်  ၁၇

52

ရှမ်းပြည်နယ်(တောင်ပိုင်း) ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးလှဦး၊  ဗမာတိုင်းရင်းသားရေးရာဝန်ကြီး ဒေါက်တာအောင်သန်းမောင်၊ မြန်မာနိုင်ငံဆိုင်ရာ ကုလသမဂ္ဂဌာနေညှိနှိုင်းရေးမှူးနှင့် လူသားချင်းစာနာထောက်ထားမှုဆိုင်ရာ ညှိနှိုင်းရေးမှူး Mr. Ola Almgren၊ ကုလသမဂ္ဂ ယာယီဌာနေကိုယ်စားလှယ် Mr. Peter Barwick တို့နှင့်လက်ခံတွေ့ဆုံပွဲကို မတ်လ ၁၇ ရက် မွန်းလွဲ ၃ နာရီအချိန်က ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၏ ဧည့်သည်တော်ခန်းမ၌ တွေ့ဆုံခဲ့သည်။

ယင်းတွေ့ဆုံပွဲတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်နှင့် UNRC အဖွဲ့တို့က အပြန်အလှန် ဆွေးနွေးတင်ပြ ခဲ့ပြီး ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က မြန်မာနိုင်ငံဆိုင်ရာ ကုလသမဂ္ဂဌာနေ ညှိနှိုင်းရေးမှူးနှင့် လူသားချင်းစာနာထောက်ထားမှုဆိုင်ရာ ညှိနှိုင်းရေးမှူး Mr. Ola Almgren အမှတ်တရလက်ဆောင်ပစ္စည်း ပေးအပ်ခဲ့ကြောင်းသိရှိရသည်။

စိုင်းသန်းကျော်(တောင်ကြီး)

 

More Articles...

  1. ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က UNDPအဖွဲ့နှင့် လက်ခံတွေ့ဆုံ
  2. ဓာတ်သတ္တုအသေးစားနှင့် လက်လုပ်လက်စားနှင့် အသေးစားလုပ်ငန်းများအတွက် ပတ်ဝန်းကျင်ထိန်းသိမ်းရေးဆိုင်ရာ လိုက်နာရမည့်စည်းကမ်းချက်များ၊ ကတိကဝတ်များနှင့် EMP Format တို့အားရှင်းလင်းဆွေးနွေးခြင်း
  3. ရှမ်းပြည်နယ်အတွင်း (COVID-19) ကာကွယ် ကုသရေး လုပ်ငန်းများ တွင် အသုံးပြုနိုင်ရန်ရည်ရွယ်၍ ငွေရည်ပုလဲကုမ္ပဏီများအုပ်စုမှ လာရောက်လှူဒါန်း
  4. ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် စျေးသူစျေးသားများအား အားပေးစကားပြောကြား
  5. ကွမ်းလုံမြို့၌ ၂၀၂၀ပြည့်နှစ်တက္ကသိုလ်ဝင်တန်းဖြေဆိုနေသည့် ကျောင်းသားကျောင်းသူများအား ပြည်နယ်လူမှုရေးဝန်ကြီးကြည့်ရှုအားပေး
  6. ရှမ်းပြည်နယ်အစိုးရအဖွဲ့ဝန်ကြီးချုပ် ဒေါက်တာလင်းထွဋ်၊ တောင်ကြီးမြို့နယ်ရှိစာဖြေဌာနများသို့လိုက်လံကြည့်ရှုအားပေး
  7. လားရှိုးမြို့၌ ၂၀၂၀ပြည့်နှစ်တက္ကသိုလ်ဝင်တန်းဖြေဆိုနေသည့်ကျောင်းသား၊ကျောင်းသူများအား ပြည်နယ်လူမှုရေးဝန်ကြီးမှကြည့်ရှုအားပေး
  8. ရှမ်းပြည်နယ်ဝန်ကြီးချုပ် တက်ရောက်၍ ဆီဆိုင်မြို့နယ် နောင်ထော်စာသင်ကျောင်းအတွက် အလှူငွေပေးအပ်ပွဲ
  9. ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်နှင့် ဒေသခံပြည်သူများဖြင့်တွေ့ဆုံပွဲ
  10. ရှမ်းပြည်နယ်အစိုးရအဖွဲ့နှင့် Swiss Agency for Development and Cooperation (SDC)အဖွဲ့တွေ့ဆုံခြင်း

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

yin-nackရှမ်းပြည်နယ်(တောင်ပိုင်း) နမ့်စန်၊ မိုးနဲနှင့် ကျေးသီးမြို့နယ်များတွင် အများဆုံး နေထိုင်ကြသည်။

We have 94 guests and no members online

Latest Updates