သတင်းများ

ရှမ်းပြည်နယ်ဝန်ကြီးချုပ်တောင်ကြီးမြို့ပေါ်ရပ်ကွက်များအားဆန်၊ ဆီ၊ ဆား၊ ကုလားပဲထောက်ပံ့

တောင်ကြီး မေ -  ၂၃

102

COVID-19ရောဂါဖြစ်ပွားနေချိန်အတွင်း တောင်ကြီးမြို့ပေါ်ရှိအခြေခံပြည်သူများ စားဝတ်နေရေးအခက်အခဲ မရှိစေရန် အတွက်ရည်ရွယ်၍ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဒေါက်တာလင်းထွဋ်၊ ပြည်နယ်ဝန်ကြီးများ၊ ကမ္ဘောဇဘဏ် လီမိတက်နာယကနှင့် အရာထမ်းဝန်ထမ်းများ၊ ပရဟိတအဖွဲ့ဝင်များတို့နှင့်အတူ တောင်ကြီးမြို့စဝ်စံထွန်းရပ်ကွက်နှင့် ညောင်ဖြူစခန်းရပ်ကွက်ရှိ အခြေခံပြည်သူလူထု အိမ်ထောင်စု(၁၁၂၇)စုတို့အား ဆန်၊ ဆီ၊ ဆား၊ ကုလားပဲများပါဝင်သည့် ရိက္ခာထုပ်ပေါင်း(၁၄၅၃)ထုပ်အားလည်းကောင်း ညောင်ဖြူစခန်းရပ်ကွက်ရှိ ပြည်သူလူထုတို့အား မိသားစုတစ်နိုင်တစ်ပိုင် စိုက်ခင်းများထူထောင်နိုင်ရန် ပြည်နယ်စိုက်ပျိုးရေးဦးစီးဌာနမှ ဖြန့်ဝေသည့်ပျိုးပင်များမျိုးစေ့များဖြန့်ဝေပေးခြင်းအား လည်းကောင်း၊ တောင်ကြီးမြို့ပေါ်ရှိဗဟိုသံဃာဝန်ဆောင်ဆရာတော်ကြီးနှင့် ပြည်နယ်သံဃာဝန်ဆောင် ဆရာတော်ကြီး (၆)ပါး သီတင်းသုံးနေသည့်ကျောင်းတိုက်(၆)တိုက်ရှိ ရဟန်းသံဃာများအတွက်ဆန်(၅၀)အိတ်၊ ဆီ(၁၅၀)ပိဿာ၊ အာလူး(၅)အိတ်၊ တို့အားအသီးသီးပေးအပ်လှူဒါန်းကြောင်းသိရသည်။

ရှမ်းပြည်နယ်ပြည်သူလူထုစားနပ်ရိက္ခာထောက်ပံ့ရေးကော်မတီသည် ကမ္ဘောဇဘဏ်လီမိတက်၏ မတည်လှူဒါန်း ငွေကျပ်သိန်း(၅၀၀၀)ကျော်နှင့် အများပြည်သူလှူဒါန်းငွေများဖြင့် ရှမ်းပြည်နယ်အတွင်းနေထိုင်ကြသည့် အခြေခံတိုင်းရင်းသား ပြည်သူမျိုးစုံတို့အားလည်းကောင်း၊ စစ်ဘေးရှောင်စခန်းများအားလည်းကောင်း၊ သာသနာရေးဆိုင်ရာဘုန်းတော်ကြီးကျောင်း များနှင့်ပရဟိတကျောင်းများသို့လည်းကောင်း၊ စားနပ်ရိက္ခာများဆက်လက်ဖြန့်ဝေ လှူဒါန်းသွားမည်ဖြစ်ကြောင်း၊ COVID-19 ရောဂါကာကွယ်ရေးအတွက် ကျန်းမာရေးအထောက်အကူပြုပစ္စည်းများကိုလည်း တိုင်းဒေသကြီးပြည်နယ်အသီးသီးရှိ နေရပ်ပြန်များရောက်ရှိနေသည့် တိုက်နယ်ဆေးရုံ၊ ကျေးရွာကျန်းမာရေးစခန်းများ၊ ရောဂါကာကွယ်ရေးစောင့်ကြည့်စခန်း များသို့ နေရာအရောက်အဆက်မပြတ်သွားရောက်ပေးပို့လှူဒါန်းလျှက်ရှိကြောင်းသိရသည်။ 

မောင်မောင်သန်း(တောင်ကြီး) 

09-250132943

ပြည်နယ်လယ်ယာမြေစီမံခန့်ခွဲမှုအဖွဲ့ အစည်းအဝေးအမှတ်စဉ်(၃/၂၀၂၀) ကျင်းပ

တောင်ကြီး      မေ     ၂၂

100

ပြည်နယ်လယ်ယာမြေစီမံခန့်ခွဲမှုအဖွဲ့ အစည်းအဝေးအမှတ်စဉ်(၃/၂၀၂၀)ကို မေ ၂၂ ရက် နံနက် ၉ နာရီခွဲက တောင်ကြီးမြို့၊ အစိုးရအဖွဲ့ရုံးအစည်းအဝေးခန်းမ၌ ကျင်းပသည်။

ပြည်နယ်လယ်ယာမြေစီမံခန့်ခွဲမှုအဖွဲ့၊ ဥက္ကဋ္ဌ ၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဒေါက်တာလင်းထွဋ်က မေ ၁၅ ရက်က ကျင်းပပြီးစီးခဲ့သည့် ရှမ်းပြည်နယ်လယ်ယာမြေစီမံခန့်ခွဲမှုအဖွဲ့၊ အစည်းအဝေးအမှတ်စဉ်(၂/၂၀၂၀)နှင့် ပြည်နယ် မြေလွတ်၊ မြေလပ်နှင့်မြေရိုင်းများ စီမံခန့်ခွဲရေးလုပ်ငန်းကော်မတီ အစည်းအဝေး၏ အဆက်ဖြစ်ကြောင်းနှင့် ယနေ့ကျင်းပသည့် ပြည်နယ်လယ်ယာမြေစီမံခန့်ခွဲမှုအစည်းအဝေးအမှတ်စဉ်(၃/၂၀၂၀)တွင် အမှုတွဲပေါင်း (၈၀)ရှိကြောင်းနှင့် အရေးကြီးသည့် အမှုတွဲများကို ဆောင်ရွက်ပေးသွားမည်ဖြစ်ကြောင်း ပြောကြားသည်။

ဆက်လက်၍ ပြည်နယ်လယ်ယာမြေစီမံခန့်ခွဲမှုအဖွဲ့ အတွင်းရေးမှူး၊ ရှမ်းပြည်နယ်လယ်ယာမြေစီမံခန့်ခွဲမှုနှင့်စာရင်းအင်း ဦးစီးဌာန ညွှန်ကြားရေးမှူး ဦးဆန်းဝင်းမှ အစည်းအဝေးအမှတ်စဉ် (၃/၂၀၂၀) တင်ပြချက်များအား ဆွေးနွေးတင်ပြကာ တက်ရောက်လာကြသူများမှ အထွေထွေ ဆွေးနွေးကြပြီး ပြည်နယ်လယ်ယာမြေစီမံခန့်ခွဲမှုအဖွဲ့၊ ဥက္ကဋ္ဌ ၊ ရှမ်းပြည်နယ်အစိုးရ အဖွဲ့၊ ပြည်နယ်ဝန်ကြီးချုပ် ဒေါက်တာလင်းထွဋ်က နိဂုံးချုပ်အမှာစကားပြောကြားခဲ့ကြောင်း သိရှိရသည်။

မောင်မောင်သန်း(တောင်ကြီး)

၀၉-၂၅၀၁၃၂၉၄၃

ရှမ်းပြည်နယ် မြေလွတ်၊ မြေလပ်နှင့်မြေရိုင်းများ စီမံခန့်ခွဲရေးလုပ်ငန်းကော်မတီ အစည်းအဝေးကျင်းပ

တောင်ကြီး မေ   −   ၁၅

96

ရှမ်းပြည်နယ် လယ်ယာမြေစီမံခန့်ခွဲမှုအဖွဲ့ အစည်းအဝေးအမှတ်စဉ်(၂/၂၀၂၀)နှင့် ပြည်နယ်မြေလွတ်၊ မြေလပ်နှင့် မြေရိုင်းများ စီမံခန့်ခွဲရေးလုပ်ငန်း ကော်မတီအစည်းအဝေး အမှတ်စဉ်(၂/၂၀၂၀)ကို မေလ (၁၅)ရက် နံနက်(၁၀)နာရီက တောင်ကြီးမြို့ ရှမ်းပြည်နယ်အစိုးရရုံး အစည်းအဝေးခန်းမ၌ ကျင်းပသည်။

ရှမ်းပြည်နယ် လယ်ယာမြေစီမံခန့်ခွဲမှုအဖွဲ့ဥက္ကဋ္ဌ၊ ပြည်နယ်မြေလွတ်၊ မြေလပ်နှင့်မြေရိုင်းများ စီမံခန့်ခွဲရေးကော်မတီ ဥက္ကဋ္ဌရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဒေါက်တာလင်းထွဋ်က Covid-19 ရောဂါ ဖြစ်ပွားနေသောကြောင့် အစည်းအဝေး မကျင်းပရသည်မှာ ကြန့်ကြာခဲ့ပြီး ယနေ့အစည်းအဝေးကို အောင်မြင်စွာ ပြုလုပ်နိုင်သည့်အတွက် ကျေးဇူးတင်ရှိ ပါကြောင်း ပြောကြားသည်။

ဆက်လက်၍ လယ်ယာမြေစီမံခန့်ခွဲရေး လုပ်ငန်းအဖွဲ့အစည်းအဝေးအမှတ်စဉ်(၁/၂၀၂၀) ဆုံးဖြတ်ချက်နှင့် မြေလွတ်၊ မြေလပ်နှင့်မြေရိုင်းများ စီမံခန့်ခွဲရေးလုပ်ငန်းကော်မတီအစည်းအဝေးအမှတ်စဉ်(၁/၂၀၂၀) ဆုံးဖြတ်ချက်များအား ရှမ်းပြည်နယ် လယ်ယာမြေစီမံခန့်ခွဲမှုအဖွဲ့ အတွင်းရေးမှူး၊ ပြည်နယ်မြေလွတ်၊မြေလပ်နှင့်မြေရိုင်းများ စီမံခန့်ခွဲရေးလုပ်ငန်းကော်မတီ အတွင်းရေးမှူး၊ လယ်ယာမြေစီမံခန့်ခွဲမှုနှင့် စာရင်းအင်းဦးစီးဌာန ညွှန်ကြားရေးမှူး ဦးဆန်းဝင်းက ဆုံးဖြတ်ချက်များအား ဖတ်ကြားအတည်ပြုရယူပြီး လယ်ယာမြေလုပ်ပိုင်ခွင့်ပြုလက်မှတ် ပုံစံ(၇) ထုတ်ပေးခြင်းလုပ်ငန်း လျာထားချက်အပေါ် ပြင်ဆင် လျာထားဆောင်ရွက်ခွင့်ပြုနိုင်ပါရန် ဗဟိုလယ်ယာမြေစီမံခန့်ခွဲမှုအဖွဲ့သို့ ပေးပို့တင်ပြထားရှိပြီးဖြစ်သည့်အတွက် မှတ်တမ်းတင် ထားရှိနိုင်ရေး ဆွေးနွေးဆုံးဖြတ်ခြင်းနှင့် ပြည်နယ်လယ်ယာမြေလုပ်ပိုင်ခွင့် အငြင်းပွားမှု အမှုတွဲ(၁၂)တွဲအား ဆွေးနွေးဆုံးဖြတ်ကာ မြေယာလျော်ကြေး/နစ်နာကြေးအမှုတွဲ (၆)တွဲအား ဆွေးနွေးဆုံးဖြတ်ကြသည်။

ထို့နောက် ပြည်နယ်လယ်ယာမြေ စီမံခန့်ခွဲမှုအဖွဲ့အစည်းအဝေးအမှတ်စဉ်(၂/၂၀၂၀) တင်ပြချက်များအား ဆွေးနွေး ဆုံးဖြတ်ခြင်း၊ ပြည်နယ် မြေလွတ်၊ မြေလပ်နှင့်မြေရိုင်းများ စီမံခန့်ခွဲရေးလုပ်ငန်းကော်မတီအစည်းအဝေး အမှတ်စဉ်(၂/၂၀၂၀) တင်ပြချက်များအား ဆွေးနွေးဆုံးဖြတ်ကာ တက်ရောက်လာသူများမှ အထွေထွေဆွေးနွေးကြပြီး ရှမ်းပြည်နယ် လယ်ယာ မြေစီမံခန့်ခွဲမှု အဖွဲ့ဥက္ကဋ္ဌ၊ ပြည်နယ်မြေလွတ်၊ မြေလပ်နှင့်မြေရိုင်းများ စီမံခန့်ခွဲရေးကော်မတီဥက္ကဋ္ဌ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဒေါက်တာလင်းထွဋ်မှ နိဂုံးချုပ်စကားပြောကြားခဲ့ကြောင်း သိရှိရသည်။

မောင်မောင်သန်း(တောင်ကြီး)

၀၉−၂၅၀၁၃၂၉၄၃

 

စေတနာ့ဝန်ထမ်း နည်းပြများ ( TOT ) ဆင့်ပွားသင်တန်းဖွင့်ပွဲ ကျင်းပ

တောင်ကြီး       မေ      ၂၂

101

ရှမ်းပြည်နယ်(တောင်ပိုင်း)၊စေတနာ့ဝန်ထမ်းနည်းပြများ(TOT)ဆင့်ပွားသင်တန်း ဖွင့်ပွဲကို မေ ၂၂ ရက် နံနက် ၉ နာရီက တောင်ကြီးမြို့၊ မြို့တော်ခန်းမ၌ ကျင်းပသည်။

ရှမ်းပြည်နယ်အစိုးရအဖွဲ့၊ ဗမာတိုင်းရင်းသားလူမျိုးရေးရာဝန်ကြီး ဒေါက်တာအောင်သန်းမောင်က စေတနာ့ဝန်ထမ်း အဖြစ် ပါဝင်ဆောင်ရွက်နေသူများ Covid-19 ရောဂါ တုံ့ပြန်ဆောင်ရွက်အကူအညီပေး လု်ပငန်းစဉ်များတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က Coronavirus Disease 2019 ( Covid-19) ကာကွယ်၊ ထိန်းချုပ်၊ ကုသရေး အမျိုးသားအဆင့် ဗဟိုကော်မတီ ဥက္ကဋ္ဌအဖြစ် တာဝန်ယူပြီး နေပြည်တော်ကောင်စီ အပါအဝင် တိုင်းဒေသကြီး/ပြည်နယ်အစိုးရ အဖွဲ့များမှ ဝန်ကြီးချုပ်များက အဖွဲ့ဝင်အဖြစ်လည်းကောင်း၊ သက်ဆိုင်ရာတိုင်းဒေသကြီး/ပြည်နယ်အစိုးရအဖွဲ့မှ ဝန်ကြီးများ သည် ဦးဆောင်အဖွဲ့များအဖြစ် တာဝန်ယူဆောင်ရွက်နေခြင်း၊ မိမိတို့က အကူအညီပေးအပ်မည့်သူများအကြား တာဝန်ရှိမှုများ၊ ကျင့်ဝတ်များကို အပြန်အလှန် နားလည်သဘောပေါက်ကာ ထိရောက်အကျိုးရှိစေပြီး စနစ်ကျသော ဝန်ဆောင်မှုများ ပေးရန် လိုအပ်ပါကြောင်း၊ စေတနာ့ဝန်ထမ်းအဖြစ် ဆောင်ရွက်မည့်သူများသည် Quarantine Center ၏ လုပ်ငန်းစဉ်များတွင် မိမိ၏ ကျွမ်းကျင်မှုအလိုက် ပါဝင်ဆောင်ရွက်ခြင်းဖြစ်ကြောင်း၊ စေတနာ့ဝန်ထမ်းများအား နိုင်ငံတော်က အသိအမှတ်ပြုခြင်းများ ဆောင်ရွက်ပေးခြင်းအပြင် Covid-19 ရောဂါ ကာကွယ်၊ ထိန်းချုပ်၊ ကုသခြင်းနှင့် တုံ့ပြန်ခြင်းဆိုင်ရာ အချက်အလက်များကို သိရှိပြီး ထိရောက်သော ကူညီပံ့ပိုးမှုများ ဆောင်ရွက်ပေးနိုင်ရေးအတွက် ယနေ့သင်တန်းကို အချိန်တို ဖွင့်လှစ်ပေးရခြင်းဖြစ် ကြောင်းနှင့် သင်တန်းမှ ပို့ချသင်ကြားမည့် ဘာသာရပ်များကို ကောင်းစွာသင်ယူသွားကြရန် ပြောကြားသည်။

ဆက်လက်၍ မြန်မာနိုင်ငံဆရာဝန်များအသင်း၊ ကလေးအထူးကု ဆရာဝန်ကြီး(ငြိမ်း)၊ ဒေါက်တာသန်းထိုက်နှင့် ဒေါက်တာဇော်လင်းဖေတို့က ဦးတည်အုပ်စုအလိုက် ဝန်ဆောင်မှုပေးခြင်း၊ ရောဂါကာကွယ်ခြင်း နည်းလမ်းများကို ပို့ချ၍ လည်းကောင်း၊ ပြည်နယ်ပြည်သူ့ကျန်းမာရေးဦးစီးဌာန လက်ထောက်ညွှန်ကြားရေးမှူး ဒေါက်တာဇဝနကိုမှ ပတ်ဝန်းကျင် သန့်ရှင်းရေးအကြောင်း၊ ရှမ်းပြည်နယ်လူမှုဝန်ထမ်းရုံး ဒုတိယညွှန်ကြားရေးမှူး ဒေါ်ကြူကြူဇော်မှ စိတ်၊ လူမှုပိုင်းဆိုင်ရာ ပံ့ပိုးမှု ပေးခြင်း၊ အမျိုးသမီးများအပေါ် အကြမ်းဖက်မှုများ၊ ရှမ်းပြည်နယ် Unicef ရုံး တာဝန်ခံ ဒေါ်ခင်မိုးအေးမှ ခွဲခြားနှိမ့်ချဆက်ဆံခြင်း ( Stigma )၊ ရှမ်းပြည်နယ်လူမှုဝန်ထမ်းရုံး ညွှန်ကြားရေးမှူး ဦးထွန်းဦးမှ ပြောဆိုဆက်သွယ်ဆောင်ရွက်မှုဆိုင်ရာ ကျွမ်းကျင်မှု (Communication Skill )ဘာသာရပ်များအား အသီးသီးပို့ချခဲ့ကြကြောင်း သိရှိရသည်။

 

 

မောင်မောင်သန်း(တောင်ကြီး)

၀၉-၂၅၀၁၃၂၉၄၃

 

 

စျေးကွက်မရ အရှုံးပေါ်နေသော ဂေါ်ဖီထုပ်၊ မုန်ညင်းစိုက်တောင်သူများအား သဘာဝမြေသြဇာနှင့်မျိုးစေ့များ ထောက်ပံ့ပေးအပ်

တောင်ကြီး မေ   -   ၁၄

95

COVID-19ရောဂါဖြစ်ပွားနေချိန်ကာလတွင် ရှမ်းပြည်နယ်(တောင်ပိုင်း) ကလောမြို့နယ် ဟဲဟိုးမြို့နှင့် ကလောမြို့နယ် မြင်းမထိကျေးရွာတွင် တောင်သူများ စိုက်ပျိုးထားသော ဂေါ်ဖီထုပ်၊ မုန်ညင်း၊ ဂန္ဓမာပန်းများသည် အရောင်းအဝယ် မဖြစ်သောကြောင့် စျေးများမရ၍ အရှုံးနှင့်ရင်ဆိုင်နေရသဖြင့် ရှမ်းပြည်နယ်အစိုးရအဖွဲ့ ပြည်နယ်စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးစိုင်းလုံကျော်မှ မေ(၁၃)ရက် နံနက်ပိုင်းက ဟဲဟိုးမြို့ စိုက်ပျိုးထုတ်လုပ် တင်ပို့ရောင်းချသူများအသင်း အာလူး၊ ဂေါ်ဖီအစုအဖွဲ့၊ ကလောဇုန်အစည်းအဝေးခန်းမ၌ တောင်သူများနှင့် တွေ့ဆုံကြောင်းသိရသည်။

ရှမ်းပြည်နယ်အစိုးရအဖွဲ့ ပြည်နယ်စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးစိုင်းလုံကျော်က ယခုကြုံတွေ့ နေရသော သီးနှံဆုံးရှုံးမှုများသည် စားသောက်ဆိုင်များအနေဖြင့် COVID-19 ရောဂါကြောင့် ဆိုင်များခေတ္တပိတ်ထားရသောကြောင့် ဝယ်လိုအားမရှိသဖြင့် ထုတ်ကုန်ဆုံးရှုံးမှုများ ဖြစ်ရပါကြောင်း၊ တောင်သူများရင်ဆိုင်နေရသည့် အခက်အခဲများကိုဖြေရှင်းနိုင်ရန် အတွက် မည်ကဲ့သို့ဆောင်ရွက်ပေးမည်ကို တောင်သူများ၏ တင်ပြချက်များကိုနားထောင်ပြီး၊ ထိခိုက်နစ်နာသည့် တောင်သူများကို သဘာဝဓါတ်မြေသြဇာနှင့် အစားထိုးသီးနှံဖြစ်သည့် ဂေါ်ဖီ၊ မုန်ညင်း၊ ပန်းမုံလာမျိုးစေ့တို့ကို ပံ့ပိုးပေးသွားမည်ဖြစ်ပြီး ယခု ဖြစ်ပေါ်နေသည့် ပြသာနာများကို လက်ရှိရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ထံ တင်ပြပေးသွားမည်ဖြစ်ကြောင်း ပြောကြားသည်။

ဆက်လက်၍ ပြည်နယ်စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဦးစိုင်းလုံကျော်၊ ပြည်နယ်စိုက်ပျိုးရေးဦးစီးဌာန ပြည်နယ်ဦးစီးမှူးနှင့် တာဝန်ရှိသူများက တောင်သူများအား ဆန်၊ ကြက်သွန်နီ၊ ဆီ၊ ဟင်းသီးဟင်းရွက် မျိုးကောင်းမျိုးသန့် မျိုးစေ့များ၊ သဘာဝမြေသြဇာများနှင့် စိုက်ပျိုးရေးနည်းပညာပေး လက်ကမ်းစာစောင်များအား ထောက်ပံ့ပေးအပ်ခဲ့ပြီး ဟဲဟိုးမြို့ရှိ Myanmar Belle ဟင်းသီးဟင်းရွက် အခြောက်ခံစက်ရုံသို့သွားရောက်၍ တောင်သူများဟင်းသီးဟင်းရွက်ဈေးကွက် ရရှိရေးအတွက် ကုမ္ပဏီအဖွဲ့များနှင့် သွားရောက်ညှိနှိုင်း ဆွေးနွေးခဲ့ကြောင်းသိရသည်။

“မုန်ညင်းကို ပထမအကြိမ်တွင် စိုက်ပျိုးမှုငွေကျပ်(၃)သိန်းကုန်ကျပါတယ်၊ အရှုံးပေါ်တာကြောင့် ပစ်ထုတ်ရပြီး၊ ယခု ဒုတိယအကြိမ်မှာ စိုက်ပျိုးမှု(၆)သိန်းကုန်ကျတယ်၊ ပြန်ရောင်းတာ (၆)သောင်းလောက်မရဘူး၊ စိုက်ပျိုးထားတဲ့ မုန်ညင်းကို နွားစာအဖြစ် အသုံးပြုရတာပေါ့၊ လက်ရှိမှာ ဂန္ဓမာပန်းများ စိုက်ထားပါတယ်၊ ပိုးသတ်ဆေး၊ မြေသြဇာများ အကြွေးယူရပြီး၊ ပြန်ဆပ်ရန်အတွက် စိတ်ပူနေရပါတယ်၊ အရင်းအနှီးကို ရွာထဲမှာမြေသြဇာ ပိုးသတ်ဆေးမျိုးစေ့တို့ကို အကြွေးယူရပါတယ်၊ ယခုလက်ရှိမှာပန်းများလည်း စျေးကောင်းမရဘူး၊ ပန်းကပြီးခဲ့တဲ့နှစ်က ဈေး(၁၀၀)ကျပ်ရပြီး၊ ခုလက်ရှိမှာ(၃၀)ကျပ်သာရတယ်၊ မုန်ညင်းလဲဝယ်ယူသူမရှိဘူး၊ ပုန်းမုန်ညင်းအပါ အရင်းအနှီး(၁၅)သိန်းရှုံးတယ်၊ ကျွန်မက(၁)ဧကသာစိုက်တယ်၊ သီးထပ် သီးညှပ်စိုက်ပြီး  ဝယ်ယူသူမရှိသောကြောင့် အရှုံးဘဲပေါ်တယ်၊ ပြီးခဲ့တဲ့နှစ်က မုန်ညင်းကို (၁)သောင်းဖိုးလောက်စိုက်ရင် အမြတ်က(၅)သိန်း (၆)သိန်းလောက်ရပါတယ်၊ ခုကာလမှာ ကျွန်မအနေဖြင့် အကြွေးကိုဘယ်လိုပြန်ဆပ်ရမှာကို ခံစားနေရ ပါတယ်၊ ယခုလိုရှမ်းပြည်နယ်အစိုးရအဖွဲ့က ပြည်နယ်စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီး ဦးစိုင်းလုံကျော် လာရောက်တဲ့အချိန်မှာ ကျွန်မအနေဖြင့် ပိုးသတ်ဆေး၊ မြေသြဇာမျိုးစေ့များကို တင်ပြထားပါတယ်၊ ကျွန်မတို့စိုက်ပျိုးထားတဲ့ သီးနှံများကို စျေးကွက်ရရှိလိုပြီး၊ စျေးကွက်ရရှိစေရန် ဆောင်ရွက်ပေးစေလိုတယ်လို့ ဟဲဟိုးမြို့ ရွာတော်ရွာနေ တောင်သူ ဒေါ်မြသန်းကပြောသည်။

ဆက်လက်၍ ပြည်နယ်စိုက်ပျိုးရေး၊ မွေမြူးရေးနှင့် ဆည်မြောင်းဝန်ကြီး ဦးစိုင်းလုံကျော်နှင့် ပြည်နယ်စိုက်ပျိုးရေး ဦးစီးဌာနမှ ပြည်နယ်မှူးနှင့် တာဝန်ရှိသူများက ပြည်နယ်စိုက်ပျိုးရေးဦးစီးဌာနမှ ဟဲဟိုးမြို့နှင့် မြင်းမထိကျေးရွာရှိ တောင်သူ များအား အရည်အသွေးမြင့် သဘာဝအော်ဂဲနစ် ကြက်ချေးမြေသြဇာ(၉၀)အိတ်၊ မျိုးစေ့ဂေါ်ဖီထုပ်(၇၀)၊ ပန်းမုံလာ(၁၀၀)ထုပ် တို့ကိုပေးအပ်ခဲ့ကြောင်း သိရှိရသည်။

မောင်မောင်သန်း(တောင်ကြီး)

09-250132943

 

ရှမ်းပြည်နယ်အစိုးရနှင့်တရုတ်နိုင်ငံ ယူနန်ပြည်နယ်ကုန်သွယ်ရေးဌာန တို့တွေ့ဆုံ

ချင်းရွှေဟော် မေ -၂၂

99

ရှမ်းပြည်နယ်အစိုးရနှင့် တရုတ်နိုင်ငံ၊ ယူနန်ပြည်နယ်ကုန်သွယ်ရေးဌာနတို့သည်မေလ (၂၁)ရက်တွင် ချင်းရွေဟော်မြို့၌ တွေ့ဆုံခဲ့ကြောင်းသိရသည်။

၎င်းတွေ့ဆုံပွဲတွင် နှစ်နိုင်ငံနယ်စပ် ကူးစက်ရောဂါပူးပေါင်းကာကွယ်ထိန်းချုပ်ရေး၊ နယ်စပ် ဝင်ထွက်သွားလာရေး၊ နယ်စပ်ကုန်သွယ်ရေးတို့နှင့် ပတ်သက်၍ညှိနှိုင်းဆွေးနွေးခဲ့ပြီး ယူနန်အစိုးရမှ Coronavirus Disease 2019 (COVID-19)ကာကွယ်ရေးအတွက် Mask (၁)သိန်းပေးအပ်လှူဒါန်းရာ တာဝန်ရှိသူတစ်ဦးမှ လက်ခံရယူ၍ ရှမ်းပြည်နယ်အစိုးရအဖွဲ့မှ ပြည်နယ်စီမံကိန်းနှင့်ဘဏ္ဍာရေး ဝန်ကြီး ဦးစိုးညွန့်လွင်မှ ဂုဏ်ပြုမှတ်တမ်းပြန်လည်ပေးအပ်ခဲ့ကြောင်းသိရသည်။

မောင်မောင်သန်း(တောင်ကြီး)

၀၉၂၅၀၁၃၂၉၄၃

လျှပ်စစ်ဓါတ်အား (၃၀)မဂ္ဂါဝပ်ဝယ်ယူပြီး သက်သာသောဈေးနှုန်းဖြင့် လျှပ်စစ်ဓါတ်အားဖြန့်ဖြူးရောင်းချရန်အတွက် သဘောတူညီစာချုပ် လက်မှတ်ရေးထိုး

တောင်ကြီး မေ   −   ၁၂

94

ရှမ်းပြည်နယ်အစိုးရအဖွဲ့နှင့် Eastern Shinn Lon Manufacturing Co.,Ltd နှင့် လာအိုနိုင်ငံ MCM ကုမ္ပဏီတို့ပူးပေါင်း၍ လာအိုနိုင်ငံမှ လျှပ်စစ်ဓါတ်အား (၃၀)မဂ္ဂါဝပ်ဝယ်ယူပြီး သက်သာသောဈေးနှုန်းဖြင့် လျှပ်စစ်ဓါတ်အား ဖြန့်ဖြူးရောင်းချရန်အတွက် သဘောတူညီစာချုပ်(MoA)လက်မှတ်ရေးထိုးခြင်းကို မေ(၁၂)ရက် မွန်းလွဲ(၂)နာရီက တောင်ကြီးမြို့ ရှမ်းပြည်နယ်အစိုးရရုံး အစည်းအဝေးခန်းမ၌ ကျင်းပသည်။

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က ရှမ်းပြည်နယ်(အရှေ့ပိုင်း) တာချီလိတ်ခရိုင်တွင် မြို့ပေါင်း(၆)မြို့၊ ကျေးရွာပေါင်း(၅၆၆)ရွာရှိပြီး နိုင်ငံတော်ဓါတ်အားစနစ်မှ လျှပ်စစ်ဓါတ်အားရရှိခြင်းမရှိသေးသော သက်ဆိုင်ရာ ဒေသအသီးသီးတွင် တာချီလိတ်မြို့ကို ထိုင်းနိုင်ငံမှ လျှပ်စစ်ဓါတ်အား ဝယ်ယူ၍လည်းကောင်း၊ ကျန်မြို့(၅)မြို့နယ်တွင် နိုင်ငံတော်လျှပ်စစ်နှင့်စွမ်းအင်ဝန်ကြီးဌာနမှ ဒီဇယ်ဓါတ်အားပေးစက်များဖြင့် အချိန်ပိုင်းထုတ်လုပ်ဖြန့်ဖြူးပေးပြီး တစ်နိုင်တစ်ပိုင် ရေအားလျှပ်စစ် အသေးစားများဖြင့်လည်းကောင်း၊ ဓါတ်အားရယူသုံးစွဲနေကြရပြီး ကျေးရွာပေါင်း(၅၆၆)ရွာရှိသည့်အနက် (၂၆၃)ရွာ၊ ရာခိုင်နှုန်းအားဖြင့် (၄၆.၄၇)ရာခိုင်နှုန်းသည် ဒီဇယ်စက်ရေအားအသေးစား၊ ဆိုလာမီးစသည်ဖြင့် အခြားနည်းလမ်းအမျိုးမျိုးဖြင့် ဓါတ်အားရယူသုံးစွဲလျက်ရှိပါကြောင်း၊ တာချီလိတ်မြို့အနေဖြင့် ထိုင်းနိုင်ငံမှ ဓါတ်အားဝယ်ယူသုံးစွဲနေရသောကြောင့် အိမ်ထောင်စု အားလုံးနှင့် ကျေးရွာအချို့တွင် ဓါတ်အားမရရှိသေးကြောင်းသိရှိရပြီး ယခုကဲ့သို့ Eastern Shinn Lon Manufacturing Co.,Ltd သည်လာအိုနိုင်ငံမှ လျှပ်စစ်ဓါတ်အား(၃၀)မဂ္ဂါဝပ် ဝယ်ယူဖြန့်ဖြူးပေးရန် (၁၁၅)ကေဗွီ ဓါတ်အားလိုင်းနှင့် ၁၁၅/၆၆/၂၂/၁၁ ကေဗွီအဆင့်ဆင့် ဓါတ်အားခွဲရုံများကို ခန့်မှန်းကုန်ကျစရိတ်အနေဖြင့် ဘတ်ငွေ(၄၉၀.၆၅သန်း)၊ မြန်မာငွေဖြင့် ကျပ်(၂၀၂၇.၄၈သန်း)ခန့် ကုန်ကျမည်ဟု ခန့်မှန်းထားပါကြောင်း၊ ရင်းနှီးကျခံတည်ဆောက်၍ အကောင်အထည်ဖော် ဆောင်ရွက်မည်ဆိုပါက ပထမအဆင့် တာချီလိတ်မြို့နယ် ပြင်ပကျေးရွာများ ဖြစ်သည့် မိုင်းဖုန်း(က)၊(ခ)၊ ဖန်မင်ကျေးရွာအုပ်စု၊ မိုင်းကိုးကျေးရွာအုပ်စု၊ ဆေခမ်းရပ်ကွက်တို့အပါအဝင် ကျေးရွာပေါင်း(၁၃၃)ရွာ၊ အိမ်ထောင်စု(၅၅၃၀)စုတို့ လျှပ်စစ်မီးရရှိနိုင်မည် ဖြစ်ပြီး ဒုတိယအဆင့်အနေဖြင့် တာချီလိတ်မြို့ ဝိန်းကျောက်ရပ်ကွက်ရှိ ဆောက်လုပ်ဆဲ ဟိုတယ်လုပ်ငန်းခွင်များနှင့် တာချီလိတ်မြို့တွင်း ဓါတ်အားလိုအပ်ချက်များကို ဖြည့်ဆည်းပေးနိုင်မည်ဖြစ်ကြောင်းနှင့် နိုင်ငံတော်ဓါတ်အားစနစ် ရောက်ရှိ လာပါက ဝန်ကြီးဌာနခွင့်ပြုချက်ဖြင့် ဆက်လက်လုပ်ဆောင်သွားမည်ဟု သိရှိရသည်အတွက် ဝမ်းမြောက်ဝမ်းသာကြိုဆို အားပေးပါကြောင်း ပြောသွားသည်။

ဆက်လက်၍ Eastern Shinn Lon Manufacturing Co.,Ltd မှ သဘောတူညီမှုစာချုပ်(MoA)လက်မှတ်ရေးထိုးခြင်းနှင့် ပတ်သက်၍ ဒါရိုက်တာ ဦးစိုင်းအောင်ဟိန်းမွန်း ရှင်းလင်းတင်ပြပြီး၊ ရှမ်းပြည်နယ်အစိုးရအဖွဲ့ ပြည်နယ်စီမံကိန်းနှင့် ဘဏ္ဍာရေး ဝန်ကြီးဦးစိုးညွန့်လွင်၊ ပြည်နယ်လျှပ်စစ် စွမ်းအင်နှင့် စက်မှုဝန်ကြီး ဦးစိုင်းရှဲန်တစ်လုံ၊ ရှမ်းပြည်နယ်အစိုးရအဖွဲ့ အတွင်းရေးမှူး ဦးနေလင်းနှင့် ကုမ္ပဏီမှတာဝန်ရှိသူများနှင့်အတူ သဘောတူညီမှုစာချုပ်(MoA)လက်မှတ်ရေးထိုးကြကာ သဘောတူညီမှုစာချုပ် များအား ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် ကုမ္ပဏီအဖွဲ့တို့မှ အပြန်အလှန်လဲလှယ်ကြပြီး Coronnavirus Disease 2019(Covid 19) ထိန်းချုပ်ရေးနှင့် အရေးပေါ်တုံ့ပြန်ရေးကော်မတီတို့ Eastern Shinn Lon Manufacturing Co.,Ltd မှ အလှူငွေကျပ်သိန်း(၃၀)ပေးအပ်လှူဒါန်းရာ ပြည်နယ်စီမံကိန်းနှင့် ဘဏ္ဍာရေးဝန်ကြီးဦးစိုးညွန့်လွင်မှ လက်ခံရယူ၍ ပြည်နယ် လူမှုရေးဝန်ကြီး ဒေါက်တာမျိုးထွန်းမှ ဂုဏ်ပြုမှတ်တမ်းလွှာများ ပြန်လည်ပေးအပ်ခဲ့ကြောင်း သိရှိရသည်။

မောင်မောင်သန်း(တောင်ကြီး)

၀၉−၂၅၀၁၃၂၉၄၃

 

ရှမ်းပြည်နယ် ပြည်သူလူထု စားနပ်ရိက္ခာထောက်ပံ့ရေးကော်မတီမှ တောင်ကြီးမြို့ပေါ် ရပ်ကွက်များရှိ အခြေခံပြည်သူများအား စားနပ်ရိက္ခာထောက်ပံ့

တောင်ကြီး      မေ   -   ၂၁

98

ရှမ်းပြည်နယ်ပြည်သူလူထုစားနပ်ရိက္ခာထောက်ပံ့ရေးကော်မတီသည် ကမ္ဘောဇဘဏ်မှ ငွေကျပ်သိန်း(၅၀၀၀) ပံ့ပိုး မတည်ငွေ၊ အများပြည်သူလူထု လှူဒါန်းထည့်ဝင်ငွေများဖြင့်  COVID-19 ရောဂါဖြစ်ပွားနေသည့် ကာလအတွင်း အခြေခံ ပြည်သူများအား ထောက်ပံ့ပေးနိုင်ရန် အရန်ရိက္ခာ၊ ဆန်၊ ဆီ၊ ဆား၊ ကုလားပဲ အထုပ်ရေ (၁)သိန်းအားလည်းကောင်း၊ COVID-19 ရောဂါ ကာကွယ်ရေး အထောက်အကူပြုပစ္စည်းများအား လည်းကောင်း လှူဒါန်းပေးလျက်ရှိသည်။

၂၀၂၀ ပြည့်နှစ်၊ မေလ ၂၁ ရက်၊ နံနက် ၈ နာရီက ရှမ်းပြည်နယ်အစိုးရအဖွဲ့မှ ဗမာတိုင်းရင်းသားလူမျိုးရေးရာဝန်ကြီး ဒေါက်တာအောင်သန်းမောင် ဦးစီး၍ ရှမ်းပြည်နယ်အစိုးရအဖွဲ့ဝင်များ၊ ကမ္ဘောဇဘဏ်လီမိတက် နာယကနှင့် အရာထမ်း၊ အမှုထမ်းများ၊ ရှမ်းပြည်နယ်ပြည်သူလူထုစားနပ်ရိက္ခာထောက်ပံ့ရေးကော်မတီဝင်များ၊ ပရဟိတအဖွဲ့ဝင်များဖြင့် ရှမ်းပြည်နယ် (တောင်ပိုင်း)၊ တောင်ကြီးမြို့၊ စိန်ပန်းရပ်ကွက်နှင့် ရွှေတောင်ရပ်ကွက်ရှိ အခြေခံပြည်သူလူထု အိမ်ထောင်စု (၁၂၂၄)စု လက်ဝယ်အရောက် စားနပ်ရိက္ခာထုပ်များ၊ ဆန်၊ ဆီ၊ ဆား၊ ကုလားပဲတို့အား ဖြန့်ဝေထောက်ပံ့ပေးခဲ့သည်။

ရှမ်းပြည်နယ်ပြည်သူလူထုစားနပ်ရိက္ခာထောက်ပံ့ရေးကော်မတီမှ “စားနပ်ရိက္ခာကို ယနေ့တွင် စတင်ဖြန့်ဝေပြီး ကမ္ဘောဇဘဏ်နှင့် အလှူရှင်များမှ စုပေါင်း၍ လှူဒါန်ပေးထားသော ငွေများဖြင့် စားနပ်ရိက္ခာများ စုဆောင်းကာ စားဝတ်နေရေး အခက်အခဲရှိသည့် အခြေခံပြည်သူများအား စတင်ဖြန့်ဝေပေးတယ်၊ တောင်ကြီးမြို့ပေါ်ရှိ စိန်ပန်း၊ ရွှေတောင်ရပ်ကွက်ကို ယနေ့ တွင် စတင်ကာ အိမ်ထောင်စု (၁၂၂၄)စုကို  တစ်အိမ်တွင် မိသားစုဝင် (၄)ယောက်ရှိပါက ရိက္ခာတစ်စုံနှင့်၊ (၅)ဦးအထက် ရှိပါက နှစ်စုံတို့ကို ဆန်(၃)ပြည်၊ ဆီ (၁၈)ကျပ်သား၊ ကုလားပဲ (၅၀)သား၊ ဆား (၂၅)ကျပ်သား၊ ကော်ဖီမှုန့် (၁)ထုပ် ပစ္စည်း (၅)မျိုး ဖြန့်ဝေပေးပါတယ်၊ ကျန်ရှိနေသေးတဲ့ တောင်ကြီးမြို့ပေါ် ရပ်ကွက်နဲ့ အေးသာယာမြို့များကိုလည်း ရာသီဥတု အခြေအနေ ကောင်းပါက ဆက်လက်ဖြန့်ဝေပေးသွားမှာ ဖြစ်ပါတယ်၊ ဖြန့်ဝေပေးရန်အတွက် စာရင်းဇယားများ ပြုစုထားပြီးဖြစ်ပါတယ်၊ တောင်ကြီးမြို့ပေါ် ရပ်ကွက်နှင့် အေးသာယာမြို့များအပြင် တိုင်းရင်းသားများ ဖြစ်ကြသော ရှမ်း၊ ပအိုဝ်း၊ အင်း၊ ဓနု၊ ပလောင်၊ တောင်ရိုးနှင့် ရှမ်းပြည်နယ်(မြောက်ပိုင်း)ရှိ စစ်ဘေးရှောင်စခန်းများ၊ ရှမ်းပြည်နယ်(အရှေ့ပိုင်း)ရှိ တိုင်းရင်းသား များကိုလည်း ဖြန့်ဝေပေးရန် အစီအစဉ် ရှိကြောင်း ” ရှမ်းပြည်နယ်ပြည်သူလူထုစားနပ်ရိက္ခာထောက်ပံ့ရေးကော်မတီ၊ ဒုတိယ ဥက္ကဋ္ဌ ၊ ပြောရေးဆိုခွင့် ရှိသူ ဦးသူရစောသိန်း (ခ) ကိုတူးငယ်မှ ပြောသည်။

ရှမ်းပြည်နယ်ပြည်သူလူထုစားနပ်ရိက္ခာထောက်ပံ့ရေးကော်မတီ၊ COVID-19 ရောဂါ ကာကွယ်ရေး အထောက်အကူပြု ပစ္စည်းများ စီမံခန့်ခွဲရေးဆပ်ကော်မတီသည် တိုင်းဒေသကြီးနှင့်ပြည်နယ်အသီးသီးသို့ ပြည်ပမှ ပြန်လည်ဝင်ရောက်လာကြသည့် နိုင်ငံသားများနှင့် ၎င်းတို့နေထိုင်ရာ နေရာဒေသများရှိ ပြည်သူ့ဆေးရုံများ၊ ကျေးလက်ဆေးပေးခန်းများမှ ကျန်းမာရေးဝန်ထမ်း များနှင့် စောင့်ကြည့်လူနာများအတွက် ရောဂါကာကွယ်သည့်ပစ္စည်း (၆)မျိုး၊  PPE ဝတ်စုံများ၊ နှာခေါင်းစည်းများ၊ ကိုယ်အပူချိန် တိုင်းကိရိယာများ၊ဆေးရုံသုံးလက်အိတ်များ၊ မျက်မှန်နှင့် လက်သန့်ဆေးရည်ဗူးများအား နေရာအရောက် နေ့စဉ်အဆက်မပြတ် သွားရောက်လှူဒါန်းလျက်ရှိကြောင်း သိရသည်။

ရှမ်းပြည်နယ်ပြည်သူလူထုစားနပ်ရိက္ခာထောက်ပံ့ရေးကော်မတီသည် ကယားပြည်နယ်၊ ရှမ်းပြည်နယ်၊ အခြားမြို့နယ် များနှင့် တိုင်းရင်းသားလူမျိုးစုများ နေထိုင်ရာဒေသများ၊ စစ်ဘေးရှောင်စခန်းများသို့ ရိက္ခာထုပ်များ ဆက်လက်၍ ထောက်ပံ့ လှူဒါန်းပေးသွားရန် စီစဉ်လျက်ရှိကြောင်း သိရသည်။

မောင်မောင်သန်း(တောင်ကြီး)

၀၉-၂၅၀၁၃၂၉၄၃

 

ရှမ်းပြည်နယ်အတွင်း Coronavirus Disease 2019 (COVID-19)ကာကွယ်ထိန်းချုပ် ကုသရေးလုပ်ငန်းများတွင် အသုံးပြုရန်အတွက် အလှူငွေလှူဒါန်း

တောင်ကြီး မတ် - ၇

93

ရှမ်းပြည်နယ်အတွင်း Coronavirus Disease 2019 (COVID-19)ကာကွယ် ထိန်းချုပ် ကုသရေးလုပ်ငန်းများတွင် အသုံးပြုရန်အတွက် အလှူငွေလှူဒါန်းခြင်းကို မတ်လ ၇ ရက် မွန်းလွဲ ၂ နာရီက တောင်ကြီးမြို့၊ ရှမ်းပြည်နယ်အစိုးရရုံး အစည်းအဝေးခန်းမ၌ ပြုလုပ်ခဲ့ကြောင်းသိရသည်။

အဆိုပါလှူဒါန်းပွဲတွင် ပတ္တမြားနဂါး Co.,Ltd ဥက္ကဋ္ဌ ဦးနေဝင်းထွန်း ဇနီးဒေါ်အေးအေးမြင့် မိသားစုနှင့် ကုမ္ပဏီဝန်ထမ်းများမှ အလှူငွေကျပ်(၃၀)သိန်း ပေးအပ်ရာ ရှမ်းပြည်နယ်အစိုးရအဖွဲ့ ပြည်နယ်လျှပ်စစ်၊ စွမ်းအင်နှင့် စက်မှုဝန်ကြီး ဦးစိုင်းရှဲန်တစ်လုံမှလက်ခံရယူ၍ ဂုဏ်ပြုမှတ်တမ်းလွှာ ပြန်လည်ပေးအပ် ခဲ့ကြောင်းသိရသည်။

မောင်မောင်သန်း(တောင်ကြီး)

၀၉၂၅၀၁၃၂၉၄၃

ရှမ်းပြည်နယ်အတွင်း Coronavirus Disease 2019 (COVID-19)ကာကွယ်ထိန်းချုပ် ကုသရေးလုပ်ငန်းများတွင် အသုံးပြုရန်အတွက် အလှူငွေလှူဒါန်း

တောင်ကြီး မေ   −   ၁၅

97

ရှမ်းပြည်နယ်အတွင်း Coronavirus Disease 2019 (COVID-19)ကာကွယ် ထိန်းချုပ် ကုသရေးလုပ်ငန်းများတွင် အသုံးပြုရန်အတွက် အလှူငွေလှူဒါန်းခြင်းကို မေလ ၁၅ ရက် မွန်းလွဲ ၁ နာရီခွဲက တောင်ကြီးမြို့၊ ရှမ်းပြည်နယ်အစိုးရရုံး အစည်းအဝေးခန်းမ၌ ပြုလုပ်ခဲ့ကြောင်းသိရသည်။

အဆိုပါလှူဒါန်းပွဲတွင် တောင်ကြီး၊ အောင်ပန်း၊ ကလော၊ ရပ်စောက် တေဇကျောင်းဆင်း ညီနောင်အရာရှိ (၄၃)ဦးတို့မှ အလှူငွေကျပ်(၁၅)သိန်း ပေးအပ်ရာ ရှမ်းပြည်နယ်အစိုးရအဖွဲ့ ပြည်နယ်စီမံကိန်းနှင့်ဘဏ္ဍာရေးဝန်ကြီး ဦးစိုးညွန့်လွင်မှ လက်ခံရယူ၍ ပြည်နယ်စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးစိုင်းလုံကျော်မှ ဂုဏ်ပြုမှတ်တမ်းလွှာ ပြန်လည်ပေးအပ် ခဲ့ကြောင်း သိရသည်။

မောင်မောင်သန်း(တောင်ကြီး)

၀၉၂၅၀၁၃၂၉၄၃

 

ရှမ်းပြည်နယ်ဝန်ကြီးချုပ် ခေတ္တယာယီစျေးတွင် စျေးရောင်းချနေသူများအား Mask Campaign ပြုလုပ်

တောင်ကြီး မတ် - ၇

92

COVID-19 ရောဂါကာကွယ်ကုသ ထိန်းချုပ်နိုင်ရေးအတွက် ခေတ္တယာယီစျေးဖွင့်လှစ်နေသော စျေးသည်များနှင့် စျေးဝယ်သူများအား မေ ၇ ရက် နံနက် ၇ နာရီခွဲက တောင်ကြီးမြို့ အဝေရာကုန်းသာယာ မီးပုံးပျံကွင်း အပြင်ဘက်တန်းတွင် ရှမ်းပြည်နယ်အစိုးရအဖွဲ့မှ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်ဝန်ကြီးများနှင့် တာဝန်ရှိသူများက Mask များကို ဖြန့်ဝေပေးကြကြောင်းသိရသည်။

ရှမ်းပြည်နယ်အစိုးရအဖွဲ့မှ ပြည်နယ်ဝန်ကြီးချုပ်ဒေါက်တာလင်းထွဋ်၊ ပြည်နယ်ဝန်ကြီးများ၊ လွှတ်တော်ကိုယ်စားလှယ် များမှ လူမှုရေးအသင်းအဖွဲ့များ၊ Volunteerများ၊ မိခင်နှင့်ကလေးကြီးကြပ်စောင့်ရှောက်ရေးအဖွဲ့များ၊ စည်ပင်သာယာရေး ဝန်ထမ်းများတို့ကို Mask များပေးအပ်ပြီး ပြည်နယ်ဝန်ကြီးချုပ်နှင့် တာဝန်ရှိသူတို့သည် အဝေရာ ကုန်းသာယာ မီးပုံးပျံကွင်း အပြင်ဘက်တန်းတွင် စျေးရောင်းချနေသော စျေးသည်များနှင့် စျေးဝယ်သူများအား Mask များကို လိုက်လံဝေငှပေးကာ၊ ပြည်နယ်ဝန်ကြီးချုပ်နှင့် တာဝန်ရှိသူတို့သည် တောင်ကြီးမြို့၊ စဝ်စံထွန်းရပ်ကွက် မောချယ်ရီကားကွင်း ယာယီစျေးတွင် Mask များကို မီးသတ်တပ်ဖွဲ့ဝင်များ၊ စျေးတာဝန်ခံအားပေးအပ်ပြီး၊ စျေးရောင်းချနေသော စျေးသည်များနှင့် စျေးဝယ်သူများအား Maskနှင့် လက်သန့်ဆေးရည်ဘူးများကိုဝေငှပေးခဲ့ကြောင်းသိရှိရသည်။

မောင်မောင်သန်း(တောင်ကြီး)

၀၉၂၅၀၁၃၂၉၄၃

 

More Articles...

  1. Home Garden စိုက်ပျိုးရန်မျိုးစေ့ နှင့်ပျိုးပင်များအခမဲ့ဖြန့်ဝေပေး
  2. မိုးသည်းထန်စွာရွာသွန်းပြီး လေပြင်းတိုက်ခတ်မှုကြောင့်ပျက်စီးဆုံးရှုံးမှုအတွက် ရှမ်းပြည်နယ်အစိုးရအဖွဲ့မှ ထောက်ပံ့ငွေပေးအပ်
  3. (COVID-19) ရောဂါကာကွယ် ထိန်းချုပ်ကုသရေးလုပ်ငန်းများတွင် အသုံးပြုနိုင်ရန် အလှူငွေ လာရောက်လှူဒါန်း
  4. ခေတ္တယာယီစျေးရောင်းချသည့်နေရာအား ရှမ်းပြည်နယ်ဝန်ကြီးချုပ် ကွင်းဆင်းကြည့်ရှု
  5. (COVID-19) ရောဂါအသိပညာပေးရေးနှင့် စိတ်ဓာတ်မြှင့်တင်ရေးလုပ်ငန်းကော်မတီ၏ လုပ်ငန်းညှိနှိုင်း အစည်းအဝေး (၁/၂၀၂၀) ကျင်းပ
  6. (COVID-19) ရောဂါကာကွယ် ထိန်းချုပ်ကုသရေးလုပ်ငန်းများတွင် အသုံးပြုနိုင်ရန် Ventilator လာရောက်လှူဒါန်း
  7. (COVID-19) ရောဂါကာကွယ် ထိန်းချုပ်ကုသရေးလုပ်ငန်းများတွင် ပူးပေါင်းပါဝင်ဆောင်ရွက်ပေးလျက်ရှိသော Volunteer များအတွက် Sim Card လာရောက်လှူဒါန်း
  8. COVID-19နှင့်ပတ်သက်သည့် သတင်းအချက်အလက်များ မေးမြန်းဆက်သွယ်နိုင်ရန် မီဒီယာများအားရှင်းလင်း
  9. (COVID-19) ရောဂါကာကွယ် ထိန်းချုပ်ကုသရေးလုပ်ငန်းများတွင် အသုံးပြုနိုင်ရန် အလှူငွေများ လာရောက်လှူဒါန်း
  10. မိုင်းဖြတ်၊ မိုင်းယောင်း၊ တာလေနှင့် တာချီလိတ်ဆေးရုံများသို့ ကျန်းမာရေးထောက်ပံ့ပစ္စည်းပေးအပ်

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

palaungရှမ်းပြည်နယ်(မြောက်ပိုင်း) နမ့်ဆန်၊ မန်တုံ၊ နမ့်ခမ်း၊ ကွမ်းလုံ၊ ကျောက်မဲ၊ သီပေါ၊ ကွတ်ခိုင်၊ သိန္နီ၊ မိုင်းရယ်မြို့နယ်များနှင့် ရှမ်းပြည်နယ်တောင်ပိုင်း မိုင်းကိုင်၊ နမ့်စန်၊ လဲချားမြို့နယ်များတွင် နေထိုင်ကြ သည်။

We have 111 guests and no members online

Latest Updates