ရှမ်းပြည်နယ်သတင်းများ

ရှမ်းပြည်နယ်အတွင်း Coronavirus Disease 2019 (COVID-19) ကာကွယ်၊ထိန်းချုပ်၊ကုသရေးလုပ်ငန်းများတွင် အသုံးပြုရန်အတွက် အထောက်အကူပြုပစ္စည်းများ လှူဒါန်း

တောင်ကြီး စက်တင်ဘာ    -       ၇

165

ရှမ်းပြည်နယ်အတွင်း Coronavirus Disease 2019 (COVID-19)ကာကွယ်၊ ထိန်းချုပ် ကုသရေးလုပ်ငန်း များတွင် အသုံးပြုရန်အတွက် PPE ဝတ်စုံ၊ Mask၊ လက်အိတ်၊ မျက်မှန်၊ လည်ရှည်ဖိနပ်များ လှူဒါန်းခြင်းကို စက်တင်ဘာ ၇ ရက် ညနေ ၄ နာရီက တောင်ကြီးမြို့၊ ရှမ်းပြည်နယ်အစိုးရအဖွဲ့ရုံး အစည်းအဝေးခန်းမ၌ ပြုလုပ်ခဲ့ ကြောင်း သိရသည်။

အဆိုပါလှူဒါန်းပွဲတွင် Royal Star Hotel မိသားစုမှ PPE ဝတ်စုံ(၅၀)စုံ၊ Mask (၅၀)ဗူး၊ လက်အိတ် (၅၀)စုံ၊ မျက်မှန် (၅၀)လက်၊ လည်ရှည်ဖိနပ် (၅၀)ရံ ပေးအပ်လှူဒါန်းရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဒေါက်တာလင်းထွဋ်မှ လက်ခံရယူ၍ ဂုဏ်ပြုမှတ်တမ်းလွှာ ပြန်လည် ပေးအပ်ခဲ့ကြောင်းသိရသည်။

အဖရ(ရှမ်း)

 

ကမ္ဘောဇဘဏ်မှ ရှမ်းပြည်နယ်ပြည်သူလူထုစားနပ်ရိက္ခာထောက်ပံ့ရေးကော်မတီသို့ Covid-19 ရောဂါ ကာကွယ်ရေးနှင့် ကုသမှုဆိုင်ရာ အထောက်အကူပြုပစ္စည်းများ ထပ်မံပေးအပ်လှူဒါန်း

တောင်ကြီး       စက်တင်ဘာ     -  ၇

164

ကမ္ဘာ့ကပ်ရောဂါဖြစ်သည့် Covid-19 ကူးစက်မြန်ရောဂါဖြစ်ပွားနေသည့်ကာလတွင် ရခိုင်ပြည်နယ်နှင့် နိုင်ငံအဝှမ်းရှိ ရောဂါခံစားနေရသော Positive လူနာများအား ကျန်းမာရေးစောင့်ရှောက်မှုပေးနေကြသော ကျန်းမာရေးဝန်ထမ်းများ အတွက် ကမ္ဘောဇဘဏ်မှ ရှမ်းပြည်နယ်ပြည်သူလူထုစားနပ်ရိက္ခာထောက်ပံ့ရေးကော်မတီသို့ ငွေကျပ်သိန်း(2090)တန်ဖိုးရှိ Covid-19 ရောဂါကာကွယ်ရေးအထောက်အကူပြုပစ္စည်း (6)မျိုး ထပ်မံပေးအပ်လှူဒါန်းခြင်းကို စက်တင်ဘာ 7 ရက် နံနက် 9 နာရီက တောင်ကြီးမြို့၊ မိုးကုတ်ဝိပဿနာရိပ်သာတွင် ဖွင့်လှစ်ထားသော ရှမ်းပြည်နယ်ပြည်သူလူထုစားနပ်ရိက္ခာ ထောက်ပံ့ရေးကော်မတီရုံးခန်း၌ ကျင်းပသည်။

Covid-19 ရောဂါ ကာကွယ်ရေးနှင့် ကုသမှုဆိုင်ရာ အထောက်အကူပြုပစ္စည်းများ လှူဒါန်းရခြင်းရည်ရွယ်ချက်နှင့် ပတ်သက်၍ ကမ္ဘောဇအုပ်စုကုမ္ပဏီလီမိတက် အကြီးတန်းအုပ်ချုပ်မှုဒါရိုက်တာ ဦးညိုမြင့်က Covid-19 ရောဂါ ကူးစက်မြန် ကာလတွင် ရခိုင်ပြည်နယ်အပါအဝင် နိုင်ငံအဝှမ်း ကူးစက်ခံလူနာများနှင့် ကျန်းမာရေးဝန်ထမ်းများအတွက် လိုအပ်လျက် ရှိသော ကာကွယ်ကုသရေးအထောက်အကူပြုပစ္စည်းများ ထပ်မံလှူဒါန်းခြင်းဖြစ်ကြောင်း၊ Covid-19 ရောဂါမဖြစ်ပွားမီ အချိန်မှစ၍ ရှမ်းပြည်နယ်အပါအဝင် နိုင်ငံအနှံ့အပြားအတွက် Covid-19 ကာကွယ်ကုသရေးအထောက်အကူပြုပစ္စည်းများ ကို ပထမပိုင်းကာလ၌ တန်ဖိုးကျပ်သိန်း(59542)ထိ ပေးအပ်လှူဒါန်းခဲ့ကြောင်း၊ ယခု Covid-19 ရောဂါ ကူးစက်မြန်ဆန် လာသည့်ကာလတွင်လည်း ရခိုင်ပြည်နယ်အတွက် လိုအပ်သော ကာကွယ်ကုသရေးအထောက်အကူပြုပစ္စည်း (7)မျိုးနှင့် ရန်ကုန်တိုင်းဒေသကြီးအတွက် ‌ရွေ့လျားကိုယ်ပူချိန်တိုင်းတာစက် (6)လုံး၊ စုစုပေါင်း ကျပ်သိန်း(2400)ကို လှူဒါန်းခဲ့ပါ ကြောင်း၊ ယနေ့ ထပ်မံလှူဒါန်းသော ကာကွယ်ကုသရေးအထောက်အကူပြုပစ္စည်း (6)မျိုး၊ တန်ဖိုးကျပ်သိန်း(2090) အပါ အဝင် စုစုပေါင်း လှူဒါန်းမှုငွေကျပ်(63732)သိန်း ရှိပြီဖြစ်ကြောင်း ပြောကြားသွားသည်။

ဆက်လက်၍ ရှမ်းပြည်နယ်ပြည်သူလူထုစားနပ်ရိက္ခာထောက်ပံ့ရေးကော်မတီ နာယက၊ ကမ္ဘောဇဘဏ်လီမိတက် နာယက ဦးအောင်ကိုဝင်းက Covid-19 ရောဂါကာကွယ်ရေးနှင့် ကုသမှုဆိုင်ရာ အထောက်အကူပြုပစ္စည်းများ ပေးအပ် လှူဒါန်းရာ ရှမ်းပြည်နယ်ပြည်သူလူထုစားနပ်ရိက္ခာထောက်ပံ့ရေးကော်မတီ နာယက၊ ရှမ်းပြည်နယ်အစိုးရအဖွဲ့၊ ပြည်နယ် ဝန်ကြီးချုပ် ဒေါက်တာလင်းထွဋ်နှင့် ရှမ်းပြည်နယ်လွှတ်တော် ဥက္ကဋ္ဌ ဦးစိုင်းလုံးဆိုင်တို့မှ လက်ခံရယူသည်။

ထို့နောက် ရှမ်းပြည်နယ်ပြည်သူလူထုစားနပ်ရိက္ခာထောက်ပံ့ရေးကော်မတီ နာယက၊ ရှမ်းပြည်နယ်အစိုးရအဖွဲ့၊ ပြည်နယ် ဝန်ကြီးချုပ် ဒေါက်တာလင်းထွဋ်မှ ကျေးဇူးတင်စကား ပြောကြားရာ Covid ကာလတွင် ကမ္ဘောဇဘဏ်၏ လှူဒါန်း မှုသည် များပြားလွန်းတာကြောင့် Covid ပထမ အခြေအနေနှင့် ယခုကာလအခြေအနေ အပိုင်းခွဲခြားပြီး တင်ပြလိုကြောင်း၊ ကမ္ဘောဇဘဏ်က Covid-19 ရောဂါ မြန်မာနိုင်ငံတွင် မဖြစ်ပွားမီကာလက စတင်၍ ရှမ်းပြည်နယ်ပြည်သူလူထုစားနပ်ရိက္ခာ ထောက်ပံ့ရေးကော်မတီမှတစ်ဆင့် ရှမ်းပြည်နယ်(အရှေ့ပိုင်း)(မြောက်ပိုင်း)နှင့် (တောင်ပိုင်း)ဒေသရှိ တိုင်းရင်းသားပြည်သူ များအပါအဝင် အခြားတိုင်း‌ဒေသကြီးနှင့်ပြည်နယ်များတွင် စားနပ်ရိက္ခာထုပ်များနှင့် အလှူငွေများ စဉ်ဆက်မပြတ် လှူဒါန်း ခဲ့ရာ ပထမပိုင်းတွင် ငွေကျပ်(59542)သိန်း လှူဒါန်းခဲ့ကြောင်း၊ အထူးသဖြင့် ပအိုဝ်း၊ တောင်ရိုး၊ ဓနုဒေသများရှိ ဂေါ်ဖီထုပ် စိုက်တောင်သူများအတွက် ရောင်းရမည့်အချိန်တွင် မရောင်းချနိုင်ခဲ့သော ပျက်စီးရမည့် ဂေါ်ဖီထုပ်ပေါင်း (7)သိန်းကျော်ကို အချိန်မီ ဝယ်ယူခဲ့ပြီး (10)ဘီး၊ (12)ဘီးယာဉ် (120)ကျော်ဖြင့် တိုင်းဒေသကြီး/ပြည်နယ်အသီးသီးသို့ အိမ်တိုင်ရာရောက် ဖြန့်ဝေလှူဒါန်းပေးခဲ့ပါကြောင်း၊ ယခုလို လှူဒါန်းနိုင်ခဲ့သည့်အတွက် ဂေါ်ဖီထုပ်စိုက် တောင်သူများ၏ စီးပွား‌ရေးကို ကူညီ ကယ်တင်နိုင်ခဲ့သည့်အပြင် ကားလုပ်ငန်းလုပ်ကိုင်သူ ကားဆရာအပါအဝင် ကားသမားများအတွက်လည်း အဆင်ပြေခဲ့ပါ ကြောင်း၊ စားနပ်ရိက္ခာလိုအပ်နေသည့် တိုင်းဒေသကြီး/ပြည်နယ်အသီးသီးရှိ ဘုန်းကြီးကျောင်းများနှင့် သီလရှင်ကျောင်းများ၊ အကျဉ်းစခန်းများသို့လည်း စားနပ်ရိက္ခာများ ထောက်ပံ့လှူဒါန်းပေးနိုင်ခဲ့သောကြောင့် ဝမ်းမြောက်စွာ သာဓုအနုမောဒနာ ခေါ်ဆိုအပ်ပါကြောင်း၊ ယခုလက်ရှိကာလတွင် ရခိုင်ပြည်နယ်မှ စတင်ခဲ့ရာ ပြည်နယ်အတွင်း Covid-19 ရောဂါ ကာကွယ်၊ ကုသ၊ ထိန်းချုပ်ရေးလုပ်ငန်းများ ပိုမိုထိရောက်စေရန်အတွက် ပြည်နယ်အစိုးရထံသို့ ငွေကျပ်သိန်း(300)နှင့် Covid-19 ရောဂါကာကွယ်ရေးပစ္စည်း (7)မျိုးကို စုစုပေါင်း တန်ဖိုးငွေကျပ်သိန်း(900)ခန့် အမြန်ပေးပို့လှူဒါန်းခဲ့ကြောင်း၊ ရန်ကုန်တိုင်း ဒေသကြီးအတွက်လည်း ရွေ့လျားကိုယ်အပူချိန်တိုင်းစက် (6)လုံး၊ စုစုပေါင်း တန်ဖိုးကျပ်သိန်း(1200)ကို လှူဒါန်းခဲ့ကြောင်း၊ ပထမအခြေအနေနှင့် ယခုအခြေအနေမှ လှူဒါန်းမှု နှစ်ခုလုံး ပေါင်းပါက ငွေကျပ်(61642)သိန်းအထိ ရှိနေပြီဖြစ်ကြောင်း၊ ယနေ့လက်ရှိကာလတွင် Covid-19 ရောဂါပြင်းထန်နေချိန်၌ ရခိုင်ပြည်နယ်အပါအဝင် နိုင်ငံအနှံ့တွင် ရှိသော Covid-19 လူနာ များနှင့် ဆရာဝန်များ၊ ကျန်းမာရေးဝန်ထမ်းများအတွက် ယနေ့ထပ်မံ လှူဒါန်းသည့် ငွေကျပ်သိန်းပေါင်း (2090)ကို ထည့်သွင်းတွက်ချက်ပါက ငွေကျပ်(63732)သိန်း ရှိနေပြီဖြစ်ကြောင်း၊ နိုင်ငံတော်နှင့် ပြည်သူအတွက် လိုအပ်သည့်အချိန်၊ လိုအပ်သည့်နေရာတွင် လိုအပ်နေသည့်အရာများကို ချက်ချင်းလှူဒါန်းပေးမှုအတွက် ကျေးဇူးတင်ရှိပါကြောင်း ပြောကြား သွားသည်။

ကမ္ဘောဇဘဏ်မှ ယနေ့ ရှမ်းပြည်နယ်ပြည်သူလူထုစားနပ်ရိက္ခာထောက်ပံ့ရေးကော်မတီသို့ ငွေကျပ်သိန်း(2090) တန်ဖိုးရှိ Covid-19 ရောဂါကာကွယ်ရေးအထောက်အကူပြုပစ္စည်းများ ထပ်မံပေးအပ်လှူဒါန်းရာတွင် ကာကွယ်ကုသရေး အထောက်အကူပြုပစ္စည်းများဖြစ်သည့် ဆေးရုံသုံး Mask(10)သိန်း၊ ခေါင်းစွပ်(1)သိန်း၊ လက်အိတ်(1)သိန်း၊ မျက်နှာကာ Face Shield (5)သောင်း၊ Hand Gel ဗူးကြီး (5000)နှင့် PPE ဝတ်စုံ (1000)တို့ဖြစ်ပြီး ကမ္ဘောဇဘဏ်သည် နိုင်ငံတော်နှင့် ပြည်သူအတွက် လူမျိုးမရွေး၊ ဘာသာမရွေး၊ နေရာဒေသမရွေး အချိန်နှင့်တစ်ပြေးညီ စဉ်ဆက်မပြတ် ပေးအပ်လှူဒါန်းလျက် ရှိရာ ယနေ့အထိ ငွေကျပ် (166)ဘီလီယံကျော် လှူဒါန်းခဲ့ပြီးဖြစ်ကြောင်း သိရှိရသည်။

အဆိုပါ အခမ်းအနားသို့ ရှမ်းပြည်နယ်ပြည်သူလူထုစားနပ်ရိက္ခာထောက်ပံ့ရေးကော်မတီ နာယက၊ ရှမ်းပြည်နယ် အစိုးရအဖွဲ့၊ ပြည်နယ်ဝန်ကြီးချုပ် ဒေါက်တာလင်းထွဋ်၊ ရှမ်းပြည်နယ်လွှတ်တော် ဥက္ကဋ္ဌ ဦးစိုင်းလုံးဆိုင်၊ ကမ္ဘောဇဘဏ် လီမိတက် နာယက ဦးအောင်ကိုဝင်း၊ ကမ္ဘောဇအုပ်စုကုမ္ပဏီလီမိတက် အကြီးတန်းအုပ်ချုပ်မှုဒါရိုက်တာ ဦးညိုမြင့်၊ အရာထမ်းဝန်ထမ်းများ၊ ရှမ်းပြည်နယ်ပြည်သူလူထုစားနပ်ရိက္ခာထောက်ပံ့ရေးကော်မတီမှ တာဝန်ရှိသူများနှင့် ပရဟိတ အဖွဲ့ဝင်များ တက်ရောက်ကြကြောင်း သိရှိရသည်။

မောင်မောင်သန်း(ပြန်/ဆက်)

 

09-250132943

 

Covid-19 စီးပွားရေးကုစားမှုအစီအစဉ် (CERP)အရ ထပ်တိုးထောက်ပံ့ကြေးငွေကျပ်(11621.25)သိန်း ထောက်ပံ့ပေးအပ်

တောင်ကြီး ဩဂုတ် - ၃၁

161

လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနနှင့် ရှမ်းပြည်နယ်အစိုးရအဖွဲ့တို့ ပူးပေါင်း၍ ရှမ်းပြည်နယ်အတွင်းရှိ ထိခိုက်လွယ်အုပ်စုများဖြစ်သော ကိုယ်ဝန်ဆောင်မိခင်များ၊ ကလေးသူငယ်များ၊ မသန်စွမ်းသူများ၊ သက်ကြီးရွယ်အိုများအား Covid-19 စီးပွားရေးကုစားမှုအစီအစဉ် (CERP)အရ ထပ်တိုးထောက်ပံ့ကြေးငွေကျပ် (11621.25) သိန်း ထောက်ပံ့ပေးအပ်ခြင်းကို ဩဂုတ် 31 ရက် ညနေ 3 နာရီက တောင်ကြီးမြို့၊ မြို့တော်ခန်းမ၌ ကျင်းပသည်။

ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ရှမ်းပြည်နယ်မသန်စွမ်းသူများ အခွင့်အရေးများဆိုင်ရာကော်မတီ ဥက္ကဋ္ဌ ဒေါက်တာလင်းထွဋ်က ရှမ်းပြည်နယ်အတွင်းရှိ ထိခိုက်လွယ်အုပ်စုများဖြစ်သော ကိုယ်ဝန်ဆောင်မိခင်များ၊ ကလေး သူငယ်များ၊ မသန်စွမ်းသူများ၊ သက်ကြီးရွယ်အိုများအား လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေးဝန်ကြီး ဌာနမှ 2020 ပြည့်နှစ်၊ ဩဂုတ်လအတွင်း CERP(Covid-19 Economic Relief Plan) Covid-19 စီးပွားရေးကုစားမှုအစီအစဉ် အရ ထပ်တိုးထောက်ပံ့ကြေးငွေ ပေးအပ်သွားမည့်ကိစ္စနှင့်ပတ်သက်၍ တက်ရောက်လာသူများအားလုံးနှင့် တွေ့ဆုံရှင်းလင်း တင်ပြခွင့် ရရှိသည့်အတွက် များစွာ ဝမ်းမြောက်မိပါကြောင်း၊ ယခင် 2018-2019 ဘဏ္ဍာ‌ရေးနှစ်၊ Mini Budget တွင် ငွေကျပ်(1291.5)သိန်း ထောက်ပံ့ပေးနိုင်ခဲ့ပြီး ယခု 2019-2020 တွင်လည်း Covid-19 စီးပွားရေးကုစားမှုအစီအစဉ် (CERP) အရ ငွေကျပ်(3397.5)သိန်း ထောက်ပံ့ပေးမည်ဖြစ်ပြီး ယခင်နှစ်ကထက် ကျပ်သိန်းပေါင်း (2106)သိန်း ပိုမိုထောက်ပံ့ပေး နိုင်မည့်အပြင် ထိခိုက်လွယ်အုပ်စုများဖြစ်သည့် ရှမ်းပြည်နယ်အတွင်းရှိ စေတနာ့ဝန်ထမ်းအဖွဲ့အစည်း (46)ခုအတွက် ငွေ ကျပ်(573.75)သိန်း၊ အသက်(85)နှစ်အထက် ဘိုး/ဘွားများ လူမှု‌‌ရေးပင်စင် (10509)ဦးအတွက် တစ်ဦးလျှင် ငွေကျပ် (30000)နှုန်းဖြင့် ငွေကျပ်(3152.7)သိန်း၊ အသက်(80-85)နှစ် ဘိုး/ဘွားများ လူမှု‌‌ရေးပင်စင် (14476)ဦးအတွက် တစ်ဦး လျှင် ငွေကျပ်(30000)နှုန်းဖြင့် ငွေကျပ်(4342.8)သိန်းနှင့် Covid-19 ကာလအတွင်း Quarantine Center များရှိ ထိခိုက် လွယ်အုပ်စုများဖြစ်သည့် ကိုယ်ဝန်ဆောင်သည် (29)ဦး၊ မသန်စွမ်း (7)ဦး၊ (5)နှစ်အောက် ကလေး (178)ဦး၊ ဘိုး/ဘွား (39) ဦးတို့အတွက် တစ်ဦးလျှင် ငွေကျပ်(30000)နှုန်းဖြင့် စုစုပေါင်း (515)ဦးအတွက် ငွေကျပ်(154.5)သိန်းဖြစ်သည့်အတွက် Covid-19 စီးပွားရေးကုစားမှုအစီအစဉ် (CERP)အရ ထပ်တိုးထောက်ပံ့ကြေးငွေ စုစုပေါင်းကျပ်(11621.25)သိန်း ပိုမိုပြီး တိုးမြှင့်ထောက်ပံ့ပေးသွားနိုင်မည်ဖြစ်သောကြောင့် ရှမ်းပြည်နယ်အစိုးရအနေဖြင့် များစွာ ဂုဏ်ယူဝမ်းမြောက်ပြီး လူမှု ဝန်ထမ်းဦးစီးဌာနကိုလည်း အထူးကျေးဇူးတင်ရှိပါကြောင်း ပြောကြားသွားသည်။

ဆက်လက်၍ ရှမ်းပြည်နယ်ဝန်ကြီးချုပ်၊ ရှမ်းပြည်နယ်မသန်စွမ်းသူများ အခွင့်အရေးများဆိုင်ရာကော်မတီ ဥက္ကဋ္ဌ ဒေါက်တာလင်းထွဋ်ထံသို့ ရှမ်းပြည်နယ်လူမှုဝန်ထမ်းရုံး၊ ညွှန်ကြားရေးမှူး ဦးထွန်းဦးမှ ထပ်တိုးထောက်ပံ့ငွေကျပ် (11621.25) သိန်း ပေးအပ်ခဲ့ပြီး ရှမ်းပြည်နယ်အတွင်းရှိ ထပ်တိုးထောက်ပံ့ပေးမည့် မသန်စွမ်းသူ စုစုပေါင်း (11325)ဦးအတွက် တစ်ဦး လျှင် ငွေကျပ်(30000)နှုန်းဖြင့် ထောက်ပံ့ကြေးငွေကျပ်(3397.5)သိန်း၊ ရှမ်းပြည်နယ်အတွင်းရှိ စေတနာ့ဝန်ထမ်းအဖွဲ့ အစည်း(46)ခုအတွက် ငွေကျပ်(573.75)သိန်း၊ အသက်(85)နှစ်အထက် ဘိုး/ဘွားများ လူမှုရေးပင်စင်(10509)ဦးအတွက် တစ်ဦးလျှင် (30000)နှုန်းဖြင့် ငွေကျပ်(3152.7)သိန်း၊ အသက်(80-85)နှစ် ဘိုး/ဘွားများ လူမှု‌‌ရေးပင်စင် (14476)ဦး အတွက် တစ်ဦးလျှင် ငွေကျပ်(30000)နှုန်းဖြင့် ငွေကျပ်(4342.8)သိန်းတို့ကို ရှမ်းပြည်နယ်အစိုးရအဖွဲ့၊ ပြည်နယ် ဝန်ကြီးချုပ်က ပေးအပ်ရာ ဗမာတိုင်းရင်းသားလူမျိုးရေးရာဝန်ကြီး ဒေါက်တာအောင်သန်းမောင်က ရယူ၍ ပြည်နယ်ဝန်ကြီးချုပ်နှင့်ဇနီး၊ တာဝန်ရှိသူတို့က တောင်ကြီးမြို့ပေါ်ရပ်ကွက် (22)ရပ်ကွက်မှ တက်ရောက်လာသော မသန်စွမ်းသူများအား လက်ဝယ်အရောက် ထောက်ပံ့ပေးအပ်ခဲ့ကာ မသန်စွမ်းသူတစ်ဦးမှ ကျေးဇူးတင်စကားပြန်လည်ပြောကြားကြောင်း သိရှိရသည်။

မောင်မောင်သန်း(ပြန်/ဆက်)

09-250132943

 

ရှမ်းပြည်နယ်အစိုးရအဖွဲ့မှQuarantine Center များအတွက်လိုအပ် သောCovid-19 ရောဂါကာကွယ်ရေးသုံး ပစ္စည်းများထောက်ပံ့

တောင်ကြီး စက်တင်ဘာ  -   ၄

163

ရှမ်းပြည်နယ်အစိုးရအဖွဲ့ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ပြည်နယ်စည်ပင်သာယာရေးဝန်ကြီး ဦးစိုင်းစွံဆိုင်း၊ ဗမာတိုင်းရင်းသားလူမျိုးရေးရာဝန်ကြီး ဒေါက်တာအောင်သန်းမောင်၊ အစိုးရအဖွဲ့အတွင်းရေးမှူးနှင့် တာဝန်ရှိသူများသည် စက်တင်ဘာ(၄)ရက်ညနေ(၄)နာရီက တောင်ကြီးမြို့၊ တောင်ကြီး တက္ကသိုလ် အမျိုးသမီးအဆောင်၌ဖွင့်လှစ်ထားသော Coronavirus Disease 2019 (COVID-19)ကာကွယ်ထိန်းချုပ်ရေးအတွက် Quarantine Centerများတွင်လိုအပ်သောCovid-19ရောဂါကာကွယ် ရေးသုံးကစ္စည်းများဖြစ်သည့်Mask (၁၀၀၀)ခု၊ Apron(၄၀)ခု၊လက်အိတ် (၁၀၀)စုံ၊Handgel(၂၀)ဗူး၊ ငွေကျပ်(၅၀၀၀၀)တန်ဖိုးရှိခေါက်ဆွဲခြောက်၊ ကြက်ဥ၊ ရေသန့်နှင့်ငွေကျပ် (၅)သိန်းတို့ကို သွားရောက်ထောက်ပံ့ပေးအပ်ခဲ့ကြောင်းသိရသည်။ 

ဆက်လက်၍ပြည်နယ်ဝန်ကြီးချုပ် ပြည်နယ်ဝန်ကြီးများနှင့်တာဝန်ရှိသူတို့သည် တောင်ကြီးမြို့နယ်၊ တောင်လေးလုံး ကျေးရွာတွင်ဖွင့်လှစ်ထားသော Covid-19ရောဂါကာကွယ်တားဆီးရေးစစ် ဆေးရေးဂိတ်တွင် mask(၅၀၀၀)ခု၊ လက်အိတ် (၁၀)ဗူး၊ Face Shield (၂၀) ခု၊ Cap၅၀၀ခု၊ စောင်၊ ခြင်ထောင်၊ ခေါင်းအုံး၊ အိပ်ရာခင်း(၁၀)စုံ၊ mobile Toilet(၂)ခု၊ တဲ(၂)ခု၊ ခေါက်ကုတင်(၁၀) ခု၊ ငွေကျပ်(၅၀၀၀၀)တန်ဖိုးရှိ ခေါက်ဆွဲခြောက် ၊ကြက်ဥ၊ ရေသန့်၊ ငွေကျပ် (၁၀)သိန်း တို့ကို ပြည်နယ်ဝန်ကြီးချုပ် ဒေါက်တာလင်းထွဋ်နှင့်ပြည်နယ်ဝန်ကြီးများက ထောက်ပံ့ပေးအပ်ရာတာ ဝန်ရှိသူများကလက်ခံရယူကြပြီးပြည်နယ်ဝန်ကြီးချုပ်နှင့်တာဝန်ရှိသူတို့သည် တောင်လေးလုံး အမာခံစစ်ဆေးရေးဂိတ်တည်ဆောက်မည့် နေရာအား ကြည့်ရှုရာ တောင်ကြီးမြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်အုပ်ချုပ်ရေးမှူး ဦးဖြိုးမင်းထိုက်က ရှင်းလင်းရာ ပြည်နယ်ဝန်ကြီးချုပ်ဒေါက်တာလင်းထွဋ်က လိုအပ်သည်များဖြည့်စွက်မှာကြားခဲ့ကြောင်းသိရသည်။

ထို့နောက်ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့်တာဝန်ရှိသူတို့သည် ကလောမြို့နယ် အထွေထွေအုပ်ချုပ်ရေး ဦးစီးဌာနရုံးအစည်းအဝေးခန်းမတွင်Covid-19ကာကွယ်၊ ထိန်းချုပ် ရေးအတွက်ဖွင့်လှစ်ထားသော မြို့ဝင်၊ မြို့ထွက်ဂိတ်များ အတွက်ကလောမြို့နယ်၊ ပင်လောင်းမြို့နယ်၊ ဓနုကိုယ်ပိုင်အုပ်ချုပ်ခွင့်ရဒေသရွာငံမြို့နယ်တို့ကိုငွေကျပ်(၁၀)သိန်းစီနှင့်ကျပ် (၅၀၀၀၀)တန်ဖိုးရှိခေါက်ဆွဲခြောက်၊ ရေသန့်၊ ကြက်ဥ၊ mask (၅၀၀၀)ခု၊ လက်အိတ် (၁၀)ဗူး၊ Face Shield (၂၀)ခု၊ Cap (၅၀၀)ခု၊ စောင်၊ ခြင်ထောင်၊ ခေါင်းအုံး၊ အိပ်ရာခင်း (၁၀)စုံ၊ mobile Toilet (၂)ခု၊ တဲ(၂)ခု၊ ခေါက်ကုတင်(၁၀)ခုအသီးသီးတို့ကို ပြည်နယ်ဝန်ကြီးချုပ်ဒေါက်တာလင်းထွဋ်၊ ပြည်နယ်ဝန်ကြီးများ၊ ပြည်သူ့လွှတ်တော်ကိုယ်စားလှယ်၊ ပြည်နယ်လွှတ်တော် ကိုယ်စားလှယ်နှင့် အစိုးရအဖွဲ့အတွင်းရေးမှူးတို့မှထောက်ပံ့ပေးအပ်ရာမြို့နယ်အုပ်ချုပ်ရေးမှူးနှင့် ရပ်ကွက်အုပ်ချုပ်ရေးမှူးတို့က လက်ခံရယူကြောင်းသိရှိရသည်။

 မောင်မောင်သန်း(တောင်ကြီး)

 09 250132943

 

ရှမ်းပြည်ယ်(မြောက်ပိုင်း)ရှိမသန်စွမ်းသူများအားထောက်ပံ့ငွေပေးအပ်

လားရှိုး သြဂုတ်   - ၂၇

159

ရှမ်းပြည်နယ်(မြောက်ပိုင်း)၊ လားရှိုးမြို့၊ မြို့တော်ခန်းမ၌သြဂုတ်(၂၇)ရက် မွန်းလွဲ(၂)က မသန်စွမ်း ပြည်သူများအား ရှမ်းပြည်နယ်အစိုးရအဖွဲ့မှ ထောက်ပံ့ငွေများပေးအပ်ခဲ့ကြောင်းသိရသည်။

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဒေါက်တာလင်းထွဋ်က ရှမ်းပြည်နယ်(မြောက်ပိုင်း) အတွင်းရှိကိုယ်အင်္ဂါမသန်စွမ်းသူ၊ ဉာဏ်ရည်မသန်စွမ်းသူနှင့် အကြားအာရုံမသန်စွမ်းသူ စုစုပေါင်း (၈၅၀၂)ဦး ရှိပါကြောင်း၊ လားရှိုးမြို့ပေါ်ရှိမသန်စွမ်းသူများကို တစ်ဦးလျှင်ထောက်ပံ့ပစ္စည်း(၅)မျိုး တန်ဖိုး (ကျပ်တစ်သောင်းခုနှစ်ထောင်)ကို ထောက်ပံ့ပေးသွားမည်ဖြစ်ကြောင်းပြောကြားသွားသည်။ 

ထို့နောက် လားရှိုးမြို့နယ်အတွင်းရှိ ကိုယ်အင်္ဂါမသန်စွမ်းပြည်သူ(၅)ဦး၊ ညာဏ်ရည်မသန်စွမ်းပြည်သူ (၅)ဦး၊ အမြင်အာရုံမသန်စွမ်းပြည်သူ(၅)ဦး၊ အကြားအာရုံမသန်စွမ်းပြည်သူ(၅)ဦးတို့အား ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်ဝန်ကြီးများနှင့်တာဝန်ရှိသူများက ဆန်၊ ဆီ၊ ဆား၊ ကုလားပဲ၊ ကြက်သွန်နီ တို့ကိုထောက်ပံ့ပေးအပ်ခဲ့ကြောင်းသိရသည်။ 

ဆက်လက်၍ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့်တာဝန်ရှိသူတို့သည် လားရှိုးမြို့ပြည်သူ့ ဆေးရုံသို့သွားရောက်ကာ ဆေးရုံတက်ရောက် ကုသနေသောလူနာများအား လှည့်လည်ကြည့်ရှု၍ ကြက်ခြေနီတပ်ဖွဲ့နှင့်လားရှိုးဆေးရုံရှိ ဝန်ထမ်းများအတွက် ရှမ်းပြည်နယ်အစိုးရအဖွဲ့မှအလှူငွေကျပ် သိန်း(၂၀)စီကို ပြည်နယ်ဝန်ကြီးချုပ်ဒေါက်တာလင်းထွဋ်က ပေးအပ်ရာတာဝန်ရှိသူတို့မှမှ လက်ခံရယူ ကြကြောင်းသိရှိရသည်။ 

မောင်မောင်သန်း(တောင်ကြီး) 

09250132943

 

စျေးပြိုင်လေလံကြေငြာအမှတ်-၄/၂၀၁၉-၂၀၂၀(‌ေုသဖွံ့ဖြိုး)(သတ-ဖ)သစ်မာများအား ဒေသဖွံ့ဖြိုးရေးသို့ရောင်းချခြင်း

စျေးပြိုင်လေလံကြေငြာအမှတ်-၄/၂၀၁၉-၂၀၂၀(‌ေုသဖွံ့ဖြိုး)(သတ-ဖ)သစ်မာများအား ဒေသဖွံ့ဖြိုးရေးသို့ရောင်းချခြင်း

CamScanner 09-02-2020 14.19.54 5

CamScanner 09-02-2020 14.19.54 6

CamScanner 09-02-2020 14.19.54 7

CamScanner 09-02-2020 14.19.54 8

CamScanner 09-02-2020 14.19.54 9

လားရှိုးတက္ကသိုလ်ပညာရိပ်သာပန္နက်တင်မင်္ဂလာကျင်းပ

လားရှိုး သြဂုတ်-၂၇

158

 ရှမ်းပြည်နယ်(မြောက်ပိုင်း)၊ လားရှိုးတက္ကသိုလ်ပညာရိပ်သာအဆောက်အဦ ပန္နက်တင်မင်္ဂလာ အခမ်းအနား တင်ခြင်းကိုသြဂုတ်(၂၇)ရက်နံနက်(၉)နာရီ ခွဲကအဆိုပါနေရာ၌ကျင်းပကြောင်းသိရသည်။

မြန်မာနိုင်ငံပညာရေးကဏ္ဍ တိုးတက်ရေးတွင် အဓိကကျသည့်ဆရာ၊ ဆရာမများနှင့် ပညာရေး ဝန်ထမ်းများ၏ နေထိုင်မှုအဆင့်အတန်းမြှင့်မားပြီး အဆင်ပြေချော့မွေစေရေးအတွက် လားရှိုးတက္ကသိုလ်၌ ပညာရိပ်သာအိမ်ရာစီမံကိန်းကို အကောင်အထည်ဖော်ဆောင်ရွက်သွားမှာဖြစ်ကြောင်း၊ အိမ်ရာစီမံကိန်းတွင် အဆင့်မြှင့်အိမ်ရာ အိပ်ခန်း(၂)ခန်းပါ(၈၀၀စတုရန်းပေ) ကျယ်ဝန်းပြီးလူနေအမ်ခန်းပေါင်း(၃၂)ခန်းကို ဆောက်လုပ်သွားမှာဖြစ်ကြောင်း၊ ရှမ်းပြည်နယ်(မြောက်ပိုင်း) လားရှိုးမြို့၌လားရှိုးတက္ကသိုလ်၊ လားရှိုး နည်းပညာတက္ကသိုလ်၊ လားရှိုးကွန်ပျူတာတက္ကသိုလ်နှင့် လားရှိုးပညာကောလိပ်တို့တွင် အိမ်ခန်းပေါင်း (၃၂)ခန်းစီကို တည်ဆောက်သွားမည်ဖြစ်ကြောင်း၊ စီမံကိန်းကြီးကိုအကောင်အထည်ဖော်ဆောင်ရွက်ရာတွင် ပြည်ထောင်စု အစိုးရအဖွဲ့၏ခွင့်ပြုချက်ဖြင့် ပညာရေးဝန်ကြီးဌာနကလုပ်ငန်းအပ်နှံသူ ဆောက်လုပ်ရေး ဝန်ကြီးဌာနမှလုပ်ငန်းကြီးကြပ်စီမံခန့်ခွဲသူ၊ Myanmar Imperial Vega Company Limited ကလုပ်ငန်း လက်ခံသူအနေဖြင့်ဆောက်ရွက်လုပ်ကိုင်သွားမည်ဖြစ်ကြောင်းသိရသည်။

ဆက်လက်၍မင်္ဂလာအချိန်ကျရောက်သောအခါ ရှမ်းပြည်နယ်ဝန်ကြီးချုပ် ဒေါက်တာလင်းထွဋ်၊ အရှေ့မြောက်တိုင်းစစ်ဌာနချုပ်တိုင်းမှူး၊ ပြည်နယ်ဝန်ကြီးများနှင့်တာဝန်ရှိသူများက သတ်မှတ်နေရာ အသီးသီး၌ နေရာယူကြပြီးပန္နက်တိုင်များ(၉)ချက်စီရိုက်ပေးပြီးအမွှေးနံသာရည်များပက်ဖြန်းပေးကြသည်။

ထို့နောက်ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့်တာဝန်ရှိသူတို့သည် လားရှိုးတက္ကသိုလ် အစည်းအဝေးခန်းမတွင် ပညာရိပ်သာတည်ဆောက်ရေးနှင့်ပတ်သက်၍ MIvကုမ္ပဏီဥက္ကဋ္ဌဦးမောင်ဝိတ်မှ ရှင်းလင်းတင်ပြမှုကိုကြည့်ရှု၍ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီးဒေါက်တာမျိုးထွန်းက လားရှိုးတက္ကသိုလ်ပညာရိပ်သာနှင့်စပ်လျဥ်း၍ ရှင်းလင်းပြောကြားပြီး ပြည်နယ်ဝန်ကြီးချုပ် ဒေါက်တာ လင်းထွဋ်က ကျေးဇူးတင်စကားပြန်လည်ပြောကြားကာ လားရှိုးတက္ကသိုလ်ဝင်းအတွင်း တည်ဆောက် နေသော(၃)ထပ်အဆောက်အဦအား လှည့်လည်ကြည့်ရှုခဲ့ကြောင်းသိရှိရသည်။

မောင်မောင်သန်း(တောင်ကြီး) 

09250132843

 

 

 

လေလံကြေငြာအမှတ်-၃/၂၀၁၉-၂၀၂၀(MSME)သာမန်/(သတ-ဖ)ကျွန်း/သစ်မာများအား သစ်အခြေခံအသေးစား၊ အငယ်စားနျင့် အလတ်စားစီးပွားရေးလုပ်ငန်းများသို့ရောင်းချခြင်း

လေလံကြေငြာအမှတ်-၃/၂၀၁၉-၂၀၂၀(MSME)သာမန်/(သတ-ဖ)ကျွန်း/သစ်မာများအား သစ်အခြေခံအသေးစား၊ အငယ်စားနျင့် အလတ်စားစီးပွားရေးလုပ်ငန်းများသို့ရောင်းချခြင်း

CamScanner 09-02-2020 14.19.54 1

CamScanner 09-02-2020 14.19.54 2

CamScanner 09-02-2020 14.19.54 3

CamScanner 09-02-2020 14.19.54 4

ရှမ်းပြည်နယ်(မြောက်ပိုင်း)အတွင်း Rs-Csမျိုးသန့်မျိုးစေ့ထုတ်စိုက်ပျိုး မည့်တောင်သူများအားဒုတိယအရစ် ထောက်ပံ့ငွေပေးအပ်

လားရှိုး သြဂုတ်   - ၂၆

157

GOVID-19 စီးပွားရေးကုစားမှုအစီအစဥ် CERP ဖြင့်ရှမ်းပြည်နယ်(မြောက်ပိုင်း)အတွင်း Rs-Csမျိုးသန့်မျိုးစေ့ ထုတ်စိုက်ပျိုးမည့်တောင်သူများအား ဒုတိယအရစ်ထောက်ပံငွေပေးအပ်ခြင်းကို သြဂုတ်(၂၆)ရက်နံနက်(၉) နာရီခွဲက လားရှိုးမြို့ ဟူးမွန်ကျေးရွာရှင်းလင်းဆောင်ခန်းမ၌ကျင်းပသည်။ 

ရှမ်းပြည်နယ်အစိုးရအဖွဲ့ပြည်နယ် ဝန်ကြီးချုပ်ဒေါက်တာလင်းထွဋ်က မြန်မာနိုင်ငံနှင့်တကွ ကမ္ဘာတဝှမ်း လုံးတွင် COVID-19 အသက်ရှုလမ်းကြောင်းဆိုင်ရာကပ်ရောဂါ ကူးစက်ပျံ့ပွားလျက်ရှိသည့်အတွက် သီးနှံစိုက်ပျိုး ထုတ်လုပ်မှုလုပ်ငန်းများ နှင့်တကွနိုင်ငံတော်ရဲ့စီးပွားရေး၊ ပညာရေး၊ လူမှုရေးကဏ္ဍအသီးသီးမှာထိခိုက်နစ်နာဆုံးရှုံးမှု များဖြစ်ပေါ်လျက်ရှိပါကြောင်း၊ COVID-19 စီးပွားရေးကုစားမှုအစီအစဥ် CERP- COVID-19 Economic Relife Plan ကိုကဏ္ဍအသီးသီးတွင် အကောင်အထည်ဖော်ဆောင်ရွက်ရန် ပြည်ထောင်စုအစိုးရမှ စီစဥ်ရေးဆွဲဆောင်ရွက်ခြင်း ဖြစ်ကြောင်း၊ ထိုကဲ့သို့ဆောင်ရွက်ရာတွင်တိုင်းဒေသကြီးနှင့် ပြည်နယ်အသီးသီးတွင်၂၀၁၉-၂၀၂၀ခုနှစ် မိုးစပါး ဧက(၁)သိန်း မျိုးသန့်ပွားများမျိုးစေ့ထုတ်လုပ်ခြင်းလုပ်ငန်း တစ်ခုအပါအဝင်ဖြစ်ပါကြောင်း၊ ရှမ်းပြည်တွင် ဆောင်ရွက်မည့် မိုးစပါးမျိုးစေ့ထုတ်ဧက(၄၃၁၈)ကို မြို့နယ်ပေါင်း(၅၀)၊ ကျေးရွာပေါင်း(၂၅၉)ရွာမှ တောင်သူ (၁၅၈၆)ဦးနှင့်ဆောင်ရွက်ရန်အတွက် နိုင်ငံတော်မှစုစုပေါင်း(၆၄၁.၄၀၄)သန်း ထောက်ပံပေးသွားမည်ဟု သိရှိရ ပါကြောင်း၊ ရှမ်းပြည်နယ်(မြောက်ပိုင်း)အနေဖြင့် မိုးစပါးဧက(၁၄၅၅)ကို မြို့နယ်ပေါင်း(၁၉)မြို့နယ်တွင် ကျေးရွာ အုပ်စု(၈၅)ခုတွင်တောင်သူ(၅၇၆)နှင့် ဆောင်ရွက်မှာဖြစ်ကြောင်းသိရှိရပြီး မျိုးစေ့ထုတ်ဧက(၁၄၅၅)အတွက် မျိုးစေ့ဖိုး၊ အပင်ပြုစုခြင်း၊ မျိုးကွဲပယ်ခြင်း၊ မျိုးစေ့သန့်စင်ခြင်းစသည့် လုပ်အားခများအတွက်စုစုပေါင်း (၂၁၆.၀၈၆၅) သန်းကိုနိုင်ငံတော်မှ(၂)ကြိမ်ခွဲ၍ ထောက်ပံပေးသွားမည်ဖြစ်ကြောင်း၊ ယနေ့ကျင်းပသည့်အခမ်းအနားတွင် ရှမ်းပြည်နယ် (မြောက်ပိုင်း)အတွင်းရှိ မိုးစပါးမျိုးစေ့ထုတ်(၆)ခရိုင်အတွက် ဒုတိယအကြိမ်အဖြစ်(၁)ဧကလျှင် ကျပ်(၆၅၀၀၀)နှုန်း ဖြင့်ငွေကျပ်(၉၄.၅၇၅)သန်းထောက်ပံ့ပေးသွားမှာဖြစ်ကြောင်း၊တောင်သူများအနေဖြင့် ယခုနိုင်ငံတော်မှပေးအပ်သော ထောက်ပံ့ငွေများကို မိုးစပါးမျိုးသန့်မျိုးစေ့ထုတ်လုပ်ခြင်းလုပ်ငန်းတွင် အလေအလွင့်မရှိအောင်အသုံးချ၍ ရည်မှန်းချက်ပန်းတိုင်ရောက်ရှိအောင် ဌာနမှဝန်ထမ်းများအနေဖြင့်လည်း စိုက်ပျိုးထုတ်လုပ်မှုအခြေအနေများကို မျက်ခြည်မပြတ်တောင်သူများနှင့်အတူ ပညာပေးကွင်းဆင်းဆောင်ရွက်ကြရန် မျိုးကွဲပယ်သည့် အချိန်များတွင်လည်း ကျွမ်းကျင်ပညာရှင်များနှင့်အတူတောင်သူများ အမြဲထိတွေ့နိုင်ရန်မှာကြားလိုကြောင်း၊ တောင်သူများအကျိုးအမြတ် ရရှိပြီးအခွင့်အရေးများကို ကာကွယ်စောင့်ရှောက်ပေးနိုင်ရန်အတွက် စပါးမျိုးစေ့အရည်အသွေး ပြည့်မီသော မျိုးသန့် မျိုးစေ့ထုတ်လုပ်ခြင်းလုပ်ငန်းအတွက် အရေးကြီးသည့်မျိုးကွဲပယ်ခြင်းလုပ်ငန်းအတွက် ထောက်ပံပေးအပ်ခြင်း အားဖြင့်စား နပ်ရိက္ခာဖူလုံရေးနှင့်ပို့ကုန်မြှင့်တင်နိုင်ရေး၊ရေရှည်တည်တံ့ခိုင်မြဲသော စိုက်ပျိုးရေးကဏ္ဍစဥ်ဆက်မပြတ် ဖွံဖြိုးတိုးတက်ရေးတို့အတွက်တောင် သူကြီးများနှင့်အတူစိုက်ပျိုးရေးဌာနဝန်ထမ်းများ၊ တာဝန်ရှိသူများအားလုံး တက်ကြွစွာဝိုင်းဝန်းဆောင်ရွက် ကြရန်ပြောကြားသွားသည်။

ဆက်လက်၍လားရှိုးခရိုင်၊ မိုးမိတ်ခရိုင်၊ ကျောက်မဲခရိုင်၊ လောက်ကိုင်ခရိုင်၊ မူဆယ်ခရိုင်၊ ဟိုပန်ခရိုင်တို့ရှိ မိုးစပါးမျိုးသန့်မျိုးစေ့ထုတ်စိုက်ပျိုးမည့် တောင်သူများအတွက် ထောက်ပံ့ငွေများကိုပြည်နယ်ဝန်ကြီးချုပ်ဒေါက်တာ လင်းထွဋ်၊ ပြည်နယ်ဝန်ကြီးများ၊ ဗမာတိုင်းရင်းသားလူမျိုးရေးရာဝန်ကြီး၊ ပြည်နယ်ဥပဒေချုပ်တို့မှအသီးသီးထောက်ပံ့ ပေးအပ်ခဲ့ကြပြီး၊ တောင်သူများကိုယ်စား ဆုံကွယ်ကျေးရွာမှဦးထွန်းလူက ကျေးဇူးတင်စကားပြောကြားကာ ဟူးမွန် မျိုးစေ့ထုတ်မိုးစပါးစိုက်ကွင်းတွင် ပထမအကြိမ်မျိုးကွဲပယ်ခြင်းနှင့် ပေါင်းနှုတ်ခြင်းကွင်းသရုပ်ပြမှုကိုကြည့်ရှုခဲ့ကြ ကြောင်းသိရှိရသည်။ 

မောင်မောင်သန်း(တောင်ကြီး) 09 250132943

ရှမ်းပြည်နယ် Corona Virus Disease 2019 (Covid-19) ထိန်ချုပ်ရေးနှင့် အရေးပေါ်တုံ့ပြန်ရေးကော်မတီ လုပ်ငန်းနှိုင်းအစည်းအဝေးကျင်းပ

တောင်ကြီး        စက်တင်ဘာ   -  ၁

162

ရှမ်းပြည်နယ် Corona Virus Disease 2019 (Covid-19) ထိန်ချုပ်ရေးနှင့် အရေးပေါ်တုံ့ပြန်ရေးကော်မတီ လုပ်ငန်းနှိုင်းအစည်းအဝေးကို စက်တင်ဘာ (၁) ရက်၊ နံနက် (၁၀) နာရီက တောင်ကြီးမြို့ ရှမ်းပြည်နယ်အစိုးရအဖွဲ့ရုံး အစည်းအဝေးခန်းမ၌ ကျင်းပသည်။

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ရှမ်းပြည်နယ် Corona Virus Disease 2019 (Covid-19) ထိန်ချုပ်ရေးနှင့်အရေးပေါ်တုံ့ပြန်ရေးကော်မတီဥက္ကဋ္ဌ ‌ဒေါက်တာလင်းထွဋ်က ၂၀၂၀ ပြည့်နှစ်၊ မတ်လ (၁၁) ရက်နေ့တွင် ကမ္ဘာ့ကျန်းမာရေးအဖွဲ့ ( World Health Organization – WHO )က တစ်ကမ္ဘာလုံး ကပ်ရောဂါ Pandemic အဖြစ် ထုတ်ပြန်ကြေညာထားသည့် Covid-19 ရောဂါသည် မြန်မာနိုင်ငံသို့ကူးစက်ရောက်ရှိလာခဲ့ပြီး ရှမ်းပြည်နယ်အတွင်း ကူးစက်ပြန့်ပွားမှု မရှိစေရေးအတွက် ရှမ်းပြည်နယ်အဆင့် ကာကွယ်၊ ထိန်းချုပ်၊ ကုသရေးကော်မတီကို ဖွဲ့စည်းတာဝန် ပေးအပ်ခဲ့ပြီး ကြိုတင်ကာကွယ်ရေးလုပ်ငန်းများ ဆောင်ရွက်ခဲ့ပါကြောင်း၊ နိုင်ငံတော်သမ္မတရုံး၏ ညွှန်ကြားချက်အရ ရှမ်းပြည်နယ် Corona Virus Disease 2019 (Covid-19) ထိန်ချုပ်ရေးနှင့် အရေးပေါ်တုံ့ပြန်ရေးကော်မတီကို ထပ်မံ ဖွဲ့စည်းခဲ့ပြီး လုပ်ငန်းကော်မတီ(၁၁)ခုမှ ကာကွယ်ရေးလုပ်ငန်းများကိုဆောင်ရွက်လျက်ရှိပါကြောင်း၊ (Covid-19) ရောဂါ ဖြစ်ပွားပါက ရောဂါကာကွယ်၊ ကုသရေးလုပ်ငန်းများ ဆောင်ရွက်နိုင်ရန်အတွက် ရှမ်းပြည်နယ်အတွင်း Designated Hospital ဆေးရုံ (၈) ခု ဖွင့်လှစ်ဆောင်ရွက်နေပြီး ရှမ်းပြည်နယ်အတွင်း (Covid-19) ရောဂါပိုး တွေ့ရှိသူ (၁၀) ဦးကို ကာကွယ်ကုသပေးခဲ့ရာ ပျောက်ကင်းခဲ့ပြီး ယခုအခါ case-652 လူနာကိုလည်း တောင်ကြီးမြို့၊ စဝ်စံထွန်းဆေးရုံတွင် စောင့်ကြည့်ကာကွယ်ကုသပေးလျက်ရှိပါကြောင်း ပြောကြားသည်။

 ရှမ်းပြည်နယ်အတွင်း လက်ရှိ (Covid-19) ရောဂါနှင့်ပတ်သက်၍ သံသယစောင့်ကြည့်လူနာများ (၃၂၀၉) ဦးကို Community Based Facility Quarantine Center များတွင်ထားရှိ၍ စောင့်ကြပ်ကြည့်ရှုနေပါကြောင်း၊ ရှမ်းပြည်နယ် အတွင်း နယ်စပ်ဝင်ထွက်ပေါက်များဖြစ်သည့် မိုင်းလား၊ မူဆယ်၊ လောက်ကိုင်(ချင်းရွှေဟော်)၊ တာချီလိပ် တံတားအမှတ် (၂)၊ တာချီလိပ်(လာအိုဝင်ပေါက်)၊ မူဆယ်(အခြားဝင်ပေါက်)တို့မှတစ်ဆင့်နေ့အလိုက် ပြန်လည်ဝင်ရောက်လာသူ ယနေ့ အထိ(၅၃၇၉၉)ဦးကိုလည်း သက်ဆိုင်ရာ တိုင်းဒေသကြီး/ ပြည်နယ်များသို့ ချိတ်ဆက်ပို့ဆောင်ပေးလျက်ရှိကြောင်း၊ ကချင်ပြည်နယ်လွယ်ဂျယ်၊ ကန်ပိုက်တီး၊ ကရင်ပြည်နယ်မြဝတီနယ်စပ်ဝင်ပေါက်များမှ ရှမ်းပြည်နယ်အတွင်းသို့ ပြန်လည်ဝင်ရောက်လာသော ပြည်ပပြန်ပြည်သူ(၁၄၉၇၄)ဦးကိုလည်း တောင်ကြီးခရိုင်၊ လွိုင်လင်ခရိုင်များရှိ Community Based Facility Quarantine Center များတွင် စောင့်ကြည့်ထားပြီး ကျန်းမာရေးနှင့်အားကစား ဝန်ကြီးဌာန၏ အစီအစဉ်များနှင့် အာခေါင်တို့ဖတ်နမူနာယူ၍ ရောဂါပိုးမတွေ့သူများကို ၎င်းတို့နေရာအသီးသီးသို့ ပြန်လည်ပို့ဆောင်ပေးလျက် ရှိပါကြောင်း၊ မြန်မာတစ်နိုင်ငံလုံး ရောဂါပိုးကူးစက်မှုမှာ ၂၀၂၀ ပြည့်နှစ် စက်တင်ဘာလ      (၁)ရက်နေ့ နံနက်(၈)နာရီအထိ ရောဂါပိုးကူးစက်သူ (၈၈၇)ဦးထိ ရှိလာခဲ့ပြီးဖြစ်သည့်အတွက် ရောဂါကာကွယ်၊ ထိန်းချုပ်တားဆီးနိုင်ရန် ရခိုင်ပြည်နယ်ရှိ Stay at Home သတ်မှတ်ထားသောဒေသနှင့် အခြား‌ဒေသမှ ရှမ်းပြည်နယ် အတွင်းသို့ ဝင်ရောက်လာသူများကို စိစစ်နိုင်ရန်အတွက် ကျန်းမာရေးနှင့် အားကစားဝန်ကြီးဌာန၏ ညွှန်ကြားချက်များ နှင့်အညီ စစ်ဆေးမှုများဆက်လက်ဆောင်ရွက်သွားရန် မှာကြားလိုကြောင်း ၎င်းကပြောကြားသည်။

ဆက်လက်၍ Corona Virus Disease 2019 (Covid-19) ထိန်ချုပ်ရေးနှင့် အရေးပေါ်တုံ့ပြန်ရေးကော်မတီ အဖွဲ့ဝင်များဖြစ်သည့် ပြည်နယ်ကုသရေးနှင့် ပြည်သူ့ကျန်းမာရေးဦးစီးဌာန၊ ပြည်နယ်စည်ပင်သာယာရေးဌာန၊ ခရိုင်/မြို့နယ်အထွေထွေအုပ်ချုပ်ရေးဦးစီးဌာန၊ ရှမ်းပြည်နယ်ရဲတပ်ဖွဲ့တို့မှ တာဝန်ရှိသူများနှင့် ရှမ်းပြည်နယ်အစိုးရအဖွဲ့ အတွင်းရေးမှူး၊ အရှေ့ပိုင်းတိုင်းစစ်ဌာနချုပ် ဒုတိယတိုင်းမှူးတို့မှ (Covid-19) ရောဂါ ကာကွယ်၊ ထိန်ချုပ်၊ ကုသရေးနှင့် ပတ်သက်၍ အသီးသီးဆွေးနွေးတင်ပြကြပြီး ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ရှမ်းပြည်နယ်အစိုးရအဖွဲ့ ပြည်နယ်လုံခြုံရေးနှင့်နယ်စပ်ရေးရာဝန်ကြီး ရှမ်းပြည်နယ် Corona Virus Disease 2019 (Covid-19) ထိန်ချုပ်ရေးနှင့် အရေးပေါ်တုံ့ပြန်ရေးကော်မတီအတွင်းရေးမှူး ဗိုလ်မှူးကြီးလှဦးတို့မှ ဆွေးနွေးတင်ပြ ကြပြီး ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ရှမ်းပြည်နယ် Corona Virus Disease 2019 (Covid-19) ထိန်ချုပ်ရေးနှင့် အရေးပေါ်တုံ့ပြန်ရေးကော်မတီဥက္ကဋ္ဌ ‌ဒေါက်တာလင်းထွဋ်က နိဂုံးချုပ်အမှာစကားပြောကြားကြောင်း သိရှိရသည်။

 

မောင်မောင်သန်း (တောင်ကြီး)

၀၉-၂၅၀၁၃၂၉၄၃

ဆွန်လုံ-ကုန်းသာလမ်းပေါ်တွင်ဒုဋ္ဌဝ တီမြစ်ကူးFly Ferryဖွင့်လှစ်

သီပေါ သြဂုတ်- ၂၅

156

  ရှမ်းပြည်နယ်(မြောက်ပိုင်း)သီပေါမြို့နယ်အတွင်းရှိ ကျေးလက်လမ်းဖွံ့ဖြိုးရေးဦးစီးဌာနမှ ဆောက်ရွက်လျက်ရှိသည့် ဆွန်လုံ-ကုန်းသာလမ်းပေါ်တွင် ဒုဋ္ဌဝတီမြစ်ကူး Fly Ferry ဖွင့်လှစ်ခြင်းကိုသြဂုတ်(၂၅)ရက် မွန်းလွဲ(၂)နာရီခွဲက သီပေါမြို့နယ်၊ ကုန်းသာ-ဆွန်လုံလမ်း ဒုဋ္ဌဝတီမြစ်ကမ်းဘေး၌ကျင်းပသည်။ 

ရှမ်းပြည်နယ်အစိုးရအဖွဲ့ပြည်နယ်ဝန်ကြီးချုပ်က မြန်မာနိုင်ငံတွင်လူဦးရေ၏ (၃၀)ရာခိုင်နှုန်းမှာမြို့ပြဒေသများတွင် နေထိုင်ကြပြီး(၇၀)ရာခိုင်နှုန်းသည် ကျေးလက်ဒေသတွင်နေထိုင်ကြကာ ရှမ်းပြည်နယ်အနေဖြင့် ကျေးလက်နေထိုင်သူသည် ရှမ်းပြည်နယ်တစ်ပြည်နယ်လုံး၏ (၇၆)ရာခိုင်နှုန်းထိရှိပါကြောင်း၊ ဒေသတစ်ခုလုံးဖွံ့ဖြိုးတိုးတက်ရန် အတွက်ဆောင်ရွက် ရာတွင်ကျေးလက်နေပြည်သူများ ဖွံ့ဖြိုးတိုးတက်ရေးသည် အလွန်အရေးကြီးပါကြောင်း၊ ရှမ်းပြည်နယ်အတွင်းကျေးလက် လမ်းဖွံ့ဖြိုးရေးဦးစီးဌာနမှ၂၀၁၉-၂၀၂၀ခုဘဏ္ဍာနှစ်အတွင်း ကွန်ကရစ်လမ်း(၅.၅)မိုင်၊ ကတ္တရာလမ်းမိုင် (၁၀၀)၊ ကျောက်လမ်း (၈၁)မိုင်နှင့်မြေသားလမ်း(၁၄၉)မိုင်၊ စုစုပေါင်း(၃၃၅)မိုင်နှင့် ကွန်ကရစ်တံတား(၃၇)စင်း၊ ဘေလီတံတား(၄)စင်း၊ Fly Ferry (၁)စင်းနှင့် Box Culvert(၁၅၈)စင်းတို့အား ဆောင်ရွက်ပေးနိုင်ခဲ့ကြောင်း၊ ယခုတည်ဆောက်ပြီးစီးသွားသည့် ရေစီးအားသုံး ကူးတို့ဖောင် Fly Ferry တည်ဆောက်ခြင်းနှင့် ပြည်ထောင်စုလမ်းမကြီးပေါ်ရှိ ကုန်းသာရွာသို့မြေသားလမ်း(၂မိုင်၂ဖာလုံ) ဖောက်လုပ်ခြင်းလုပ်ငန်းတို့ကို ဒေသဖွံ့ဖြိုးလာစေရေးရည်ရွယ်ပြီး ရှမ်းပြည်နယ်အစိုးရအဖွဲ့ဘဏ္ဍာရန်ပုံငွေမှ စုစုပေါင်းကျပ် (၁၅၉.၆၀)သန်းကျခံသုံးစွဲ တည်ဆောက်ပေးခဲ့တာဖြစ်ကြောင်း၊ ကျေးလက်လမ်းဖွံ့ ဖြိုးရေးဦးစီးဌာနကဆောက်ရွက်ပေးသည့် ဒုဝဋ္ဌတီမြစ်ကူး Fly Ferry နှင့် ဆွန်လုံ-ကုန်းသာကျေးလက်လမ်းကို အသုံးပြုပြီးပေါင်းကူးသွားလာခြင်းဖြင့် တိုင်းရင်းသား ညီအစ်ကိုမောင်နှမများ တစ်ဦးနှင့်တစ်ဦးထိတွေ့ဆက်ဆံမှု တိုးတက်များပြားလာကာ ပြည်ထောင်စုစိတ်ဓါတ်၊ တိုင်းရင်းသား စည်းလုံးညီညွှတ်ရေးစိတ်ဓါတ် ထွန်းကားလာတာနှင့်အမျှ နိုင်ငံတော်ကဦးစားပေးလုပ်ဆောင်နေသည့် အမျိုးသား ရင်ကြားစေ့ရေးနှင့် ပြည်တွင်းငြိမ်းချမ်းရေးလုပ်ငန်းစဥ်သည် အောင်မြင်မှုရလာမည်ဖြစ်သည့်အတွက် ယခုလိုလမ်းဖွင့်လှစ် နိုင်ခြင်းသည်ငြိမ်းချမ်းရေးကို တစ်ဖက်တစ်လမ်းကအထောက်အကူဖြစ်စေပါကြောင်း၊ ဒေသခံပြည်သူများကိုမှာကြားလိုသည်မှာ သက်ဆိုင်ရာဌာနကအကောင်အထည် ဖော်ဆောင်ရွက်ပေးခဲ့ပြီးဖြစ်သည့် Fly Ferry နှင့်ဆွန်လုံ-ကုန်းသာကျေးလက်လမ်းကို ရေရှည်တည်တံ့ခိုင်မြဲ အောင်နှင့်မပျက်စီးအောင်ဝိုင်းဝန်းထိန်းသိမ်းကြရန်တိုက်တွန်းပြောကြားသည်။

ဆက်လက်၍ပြည်နယ်ဝန်ကြီးချုပ် ဒေါက်တာလင်းထွဋ်က ရှမ်းပြည်နယ်အစိုးရအဖွဲ့မှအလှူငွေကျပ်သိန်း(၂၀)ကို သီပေါမြို့နယ်ရှမ်းစာပေယဥ်ကျေးမှုနှင့်အကအဖွဲ့သို့ပေးအပ်လှူဒါန်းရာ ပြည်နယ်လွှတ်တော်ကိုယ်စားလှယ် ဒေါ်နန်းစမ်းစမ်းအေးမှ လက်ခံရယူပေးကြောင်းသိရသည်။

ထို့နောက်ကျေးလက်လမ်းဖွံ့ဖြိုးရေးဦးစီးဌာန၊ ညွှန်ကြားရေးမှူးချုပ်ဦးဝဏ္ဏဇော်မှ Fly Ferry တည်ဆောက်ခြင်းနှင့် ပတ်သက်၍ရှင်းလင်းပြောကြားပြီးဒေသခံပြည်သူများကိုယ်စား ရှမ်းပြည်နယ်လွှတ်တော်ကိုယ်စားလှယ် ဒေါ်နန်းစမ်းစမ်းအေးမှ ကျေးဇူးတင်စကားပြောကြားကြောင်းသိရသည်။ 

ယင်းနောက်ကျေးလက်လမ်းဖွံ့ဖြိုးရေးဦးစီးဌာန ညွှန်ကြားရေးမှူးချုပ်ဦးဝဏ္ဏဇော်မှ ရှမ်းတိုင်းရင်းသားအက အဖွဲ့များကို ဂုဏ်ပြုငွေများချီမြှင့်ပြီး၊ ရှမ်းပြည်နယ်အစိုးရအဖွဲ့ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့်တာဝန်ရှိသူများအား ဖွင့်ပွဲအထိမ်းအမှတ် ပစ္စည်းများနေရာအရောက်ပေးအပ်ခဲ့ပြီး၊ ပြည်နယ်ဝန်ကြီးချုပ်ဒေါက်တာလင်းထွဋ်၊ ပြည်နယ်လုံခြုံရေးနှင့် နယ်စပ်ရေးရာဝန်ကြီးဗိုလ်မှူးကြီးလှဦး၊ ညွှန်ကြားရေးမှူးချုပ်ဦးဝဏ္ဏဇော်၊ ရှမ်းပြည်နယ်လွှတ်တော်ကိုယ်စားလှယ် ဒေါ်နန်းစမ်းစမ်းအေးနှင့်တာဝန်ရှိသူတစ်တို့က Fly-Ferry အားဖဲကြိုးဖြတ်ဖွင့်လှစ်ပေးပြီး Fly Ferry အား ဆွန်လုံကျေးရွာ ဘက်ကမ်းသို့စီးနင်းကြည့်ရှူကြကြောင်းသိရှိရသည်။

 မောင်မောင်သန်း(တောင်ကြီး)

 09250132943

 

More Articles...

  1. မဲဆန္ဒရှင်စာရင်းများ မှန်ကန်စေရေးနှင့်လုံခြုံစိတ်ချစွာမဲပေးနိုင်ရေးအတွက်ပြည်နယ်အုပ်ချုပ်ရေးမှူး ကွင်းဆင်းစစ်ဆေး
  2. တောင်ကြီးခရိုင်အတွင်းရှိ မိုးစပါးမျိုးစေ့ထုတ်လုပ်ငန်းအတွက် ထောက်ပံ့ငွေ ပေးအပ်
  3. ရှမ်းပြည်နယ်အစိုးရအဖွဲ့နှင့် ပြည်နယ်အဆင့်ဌာနဆိုင်ရာများ တွေ့ဆုံ
  4. မဲစာရင်းများ ပြည့်စုံမှန်ကန်ရေးနှင့် COVID-19 ရောဂါကာကွယ်ရေးအမိန့် ညွှန်ကြားချက်များနှင့်အညီ မဲပေးနိုင်ရေး အစီအမံများ ရှင်းလင်းဆွေးနွေး
  5. ဖယ်ခုံမြို့နယ်၊ ရီနွဲ့ကျေးရွာအုပ်စု ကျေးရွာ(၂၀)အား ရေပေးရေးလုပ်ငန်း ဆောင်ရွက်
  6. ရှမ်းပြည်နယ်အစိုးရအဖွဲ့၏ ပြည်သူ့အတွက် စတုတ္ထတစ်နှစ်တာကာလ ဆောင်ရွက်ချက်များနှင့်ပတ်သက်၍ သတင်းစာရှင်းလင်းပွဲကျင်းပ
  7. အခြေခံပညာမူလတန်းကျောင်းအား အခြေခံပညာမူလတန်းလွန်ကျောင်းသို့ အဆင့်တိုးမြှင့်ဖွင့်လှစ်
  8. ၂၀၂၀ ပြည့်နှစ်၊ ရှမ်းပြည်နယ် ပါတီစုံ ဒီမိုကရေစီ အထွေထွေရွေးကောက်ပွဲနှင့်စပ်လျဉ်း၍ လုပ်ငန်းစဉ်များ ရှင်းလင်းဆွေးနွေး
  9. ရှမ်းပြည်နယ်အစိုးရအဖွဲ့ရုံးတွင် တာဝန်ထမ်းဆောင်နေသောဝန်ထမ်းများအား ဒုတိယအကြိမ် စားနပ်ရိက္ခာ ထောက်ပံ့ပေးအပ်
  10. ရှမ်းပြည်နယ်အစိုးရအဖွဲ့က ကြီးမှူး၍ဝါဆိုသင်္ကန်း ဆက်ကပ်လှူဒါန်းပွဲကျင်းပ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

taung-yoeရှမ်းပြည်နယ်(တောင်ပိုင်း) တောင်ကြီး၊ ကလော(ဟဲဟိုး)၊ ရပ်စောက်နှင့် ညောင်ရွှေမြို့နယ်တို့တွင် အများဆုံး နေထိုင်ကြသည်။

We have 177 guests and no members online

Latest Updates