ရှမ်းပြည်နယ်သတင်းများ

ရှမ်းပြည်နယ်ဗုဒ္ဓတက္ကသိုလ်ဝင်းအတွင်း သစ်ပင်စိုက်ပျိုး

တောင်ကြီး    ဇူလိုင်     -    ၁ 

127

ရှမ်းပြည်နယ်(တောင်ပိုင်း)၊ ဗုဒ္ဓတက္ကသိုလ် အောက်စဖို့ဒ်ဆရာတော်ပါမောက္ခ ဒေါက်တာအရှင်ဓမ္မသာမိ၏ လမ်းညွှန်မှု နှင့်အတူ ၂၀၂၀ ပြည့်နှစ်၊ ဇူလိုင်လ (၄)ရက်နေ့တွင် ကျရောက်မည့် ရှမ်းပြည်နယ်သစ်ပင်စိုက်ပျိုးရေးနေ့အကြိုကို ဇွန်(၃၀) ရက် ညနေ(၄)နာရီက ရှမ်းပြည်နယ်၊ တောင်ကြီးမြို့၊ ဗုဒ္ဓတက္ကသိုလ်ဝင်းအတွင်း သစ်ပင်များ စိုက်ပျိုးပေးကြကြောင်း သိရ သည်။ 

သစ်ပင်စိုက်ပျိုးပေးမှုတွင် ရှမ်းပြည်နယ်ဗုဒ္ဓတက္ကသိုလ်ဆရာတော် ဦးနန္ဒိယ( ပင်လုံ )၊ ရှမ်းပြည်နယ်အစိုးရအဖွဲ့ ပြည်နယ်သယံဇာတနှင့်သဘာဝပတ်ဝန်းကျင်ထိမ်းသိန်းရေးဝန်ကြီး ဒေါက်တာညီညီအောင်နှင့် ပြည်နယ်သစ်တောဦးစီး ဌာန၊ ပြည်နယ်ဦးစီးမှူး ဦးခင်မောင်ဝင်း(၁)၊ ခရိုင်/မြို့နယ်ဝန်ထမ်းများက ဗုဒ္ဓတက္ကသိုလ်ပရဝုဏ်အတွင်း လမ်းတစ်လျှောက် တွင် ထင်းရှူးပင်၊ ချယ်ရီပင်များ စိုက်ပျိုးပေးကြသည်။

 အဆိုပါဗုဒ္ဓတက္ကသိုလ်ဝင်းအတွင်း သစ်ပင်စိုက်ပျိုးပေးမှုတွင် သစ်ပင်များ ရှင်သန်ပေါက်ရောက်ရန်အတွက် ခက်ခဲ သော ကျောက်သားမြေပေါ်တွင် စက်၊ယန္တရားများ အကူအညီဖြင့် (၃)ပေပတ်လည် (၃)ပေအနက် မြေကျင်းများ တူးဖော်ပြီး မြေစာထည့်စိုက်ပျိုးခဲ့ကြောင်းနှင့် ထင်းရှူးသစ်မျိုး(၂၅၀)ပင်နှင့် ချယ်ရီ(၂၅၀)ပင်၊ စုစုပေါင်း ပျိုးပင် (၅၀၀) စိုက်ပျိုးပေးကြ ကြောင်း သိရှိရသည်။ 

မောင်မောင်သန်း(ပြန်/ဆက်) 

09250132943

လားရှိုးနည်းပညာတက္ကသိုလ်မှတီထွင်ထားသည့် ပိုးသတ်စက်နှင့်လားရှိုးကွန်ပျုတာတက္ကသိုလ်မှ တီထွင်ထားသည့် အလိုအလျောက်ဖွင့်/ပိတ်ပြုလုပ်နိုင်သည့်အမှိုက်ပုံးနှင့် ကုသရေး လုပ်ငန်းနှင့်ပတ်သက်သည့်ဆောင်ရွက်နိုင်မည့်Software များလွဲပြောင်းပေးအပ်ပွဲ

လားရှိုး ဇွန် - ၂၉

125

ရှမ်းပြည်နယ်(မြောက်ပိုင်း)၊ လားရှိုးမြို့လားရှိုးနည်းပညာတက္ကသိုလ်မှ တီထွင်ထားသည့် Disinfectiong Chamber(၃)ခု, Remotecontrol trolley(၃)ခု Remote control spray robot for COVID-19(၁)ခု, UVC+Ozone ပိုးသတ်စက်(၁)ခု၊ လားရှိုးကွန်ပျုတာတက္ကသိုလ်မှ တီထွင်ထားသည့် အလိုအလျောက်ဖွင့်/ ပိတ်ပြုလုပ်နိုင်သည့်အမှိုက်ပုံး(၈)ခုနှင့် ကုသရေးလုပ်ငန်းနှင့်ပတ်သက်သည့် ဆောင်ရွက်နိုင်မည့် Software များကို ရှမ်းပြည်နယ်အစိုးရအဖွဲ့သို့ လွှဲပြောင်းပေးအပ်ပွဲကို ဇွန်လ ၂၉ ရက်တွင် လားရှိုးမြို့၌ကျင်းပရာ ရှမ်းပြည်နယ် အစိုးရအဖွဲ့ ပြည်နယ်လူမှုရေးဝန်ကြီးမှ လက်ခံရယူပြီး ဂုဏ်ပြုမှတ်တမ်းလွှာများ ပြန်လည်ပေးအပ်ခဲ့ကြောင်း သိရသည်။

ထို့နောက် ပြည်နယ်လူမှုရေးဝန်ကြီးနှင့်တာဝန်ရှိသူများသည် သီပေါမြို့များရှိ ပြန်လည် ဖွင့်လှစ်မည့် အခြေခံပညာကျောင်းများအတွက် COVID-19 ရောဂါကာကွယ်ရေးပစ္စည်းများဖြစ်သော Mask ၊ Hand Gelနှင့် ပညာပေးရေးအထောက် အကူပြုပစ္စည်းများဖြစ်သော Hand Speaker ၊ COVID-19 ရောဂါနှင့်ပတ်သက်သည့် အသိပညာပေး Audio File များပါဝင်သော Memory Stick တို့ကို ထောက်ပံ့ပေးအပ်ရာ တာဝန်ရှိ ဆရာ/ဆရာမများက လက်ခံရခဲ့ကြောင်းသိရသည်။

အဖရ(ရှမ်း)

နိုင်ငံတော်၏အတိုင်ပင်ခံပုဂ္ဂိုလ်ဒေါ် အောင်ဆန်းစုကြည်(၇၅)နှစ်မြောက်မွေးနေ့အထိမ်းအမှတ် မိုးရာသီသစ်ပင်စိုက်ပျိုးပွဲတော်ကျင်းပ

ညောင်ရွှေ ဇွန်-၁၉

120

နိုင်ငံတော်၏အတိုင်ပင်ခံပုဂ္ဂိုလ်ဒေါ် အောင်ဆန်းစုကြည်(၇၅)နှစ်မြောက်မွေးနေ့အထိမ်းအမှတ် မိုးရာသီသစ်ပင်စိုက် ပွဲတော်ကိုဇွန်(၁၉)ရက်နံနက်(၉)နာရီခွဲကညောင်ရွှေမြို့နယ်၊ လံတောင် ကျေးရွာအုပ်စု၊ ထီရီးကျေးရွာလမ်းဘေးဝဲယာတွင် ကျင်းပသည်။ 

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်(၇၅)နှစ်မြောက် မွေးနေ့အထိမ်းအမှတ်နေ့တွင် ဗိုလ်မှူး အောင်လွင်ဦးစီးသောအဖွဲ့(၇)ဦးသည် အရှေ့ပိုင်းတိုင်းစစ်ဌာနချုပ်လေယာဥ်ကွင်းမှ ရဟတ်ယာဥ်ဖြင့် ညောင်ရွှေမြို့ရှိ ဟိုတယ်ဇုန်မော်တော်ယာဥ်ဆိုက်တွင် အင်းလေးကန်အရှေ့ဘက်ခြမ်းနှင့်အနောက်ဘက်ခြမ်းရှိ တောင်တန်းများပေါ်တွင် ရဟတ်ယာဥ်ဖြင့် သစ်စေ့မြေလုံးများကြဲချစိုက်ပျိုးပေးနိုင် ရန်မယ်ဇလီ၊ ဘောစကိုင်း၊ ယမနေ၊ ထင်းရှုး၊ မန်ဂျန်ရှား၊ ရေသင်းဝင်၊ ငုစပ်၊ ကုက္ကိုလ်၊ ယူကလစ်၊ ပျဥ်းမ၊ ယင်းမာ၊ ချယ်ရီ၊ ဇီး၊ သစ်စေ့မြေလုံးအိတ်အရေ အတွက်(၃)သိန်းတို့ကို လာရောက်သယ်ယူရာ ရှမ်းပြည်နယ်အစိုးရအဖွဲ့ပြည်နယ်ဝန်ကြီးချုပ်ဒေါက်တာလင်းထွဋ်၊ ပြည်နယ်ဝန်ကြီးများ၊ အင်း တိုင်းရင်းသားလူမျိုးရေးရာဝန်ကြီး၊ ပြည်သူ့လွှတ်တော်၊ ပြည်နယ်လွှတ်တော်ကိုယ် စားလှယ်များ၊ ဌာနဆိုင်ရာတာဝန် ရှိသူ များတိူ့မှကြည့်ရှု၍မှတ်တမ်းတင် ဓါတ်ပုံရိုက်ကူးကြသည်။

ဆက်လက်၍ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဒေါက်တာလင်းထွဋ်၊ ပြည်နယ်ဝန်ကြီးများ၊ အင်း တိုင်းရင်းသားလူမျိုးရေးရာဝန်ကြီး၊ ပြည်သူ့လွှတ်တော်၊ ပြည်နယ်လွှတ်တော် ကိုယ်စားလှယ်များနှင့်တာဝန်ရှိ သူတို့သည်ညောင်ရွှေမြို့နယ်၊ လံတောင်ကျေးရွာအုပ်စု၊ ထီရီးကျေးရွာလမ်းဘေးဝဲယာတွင်ကုက္ကိုလ်၊ မဟော်ဂနီ၊ ခါတော်မှီပင်တို့ကိုစိုက်ပျိုးပေးကြကြောင်း သိရသည်။

 နိုင်ငံတော်၏အတိုင်အပင်ခံပုဂ္ဂိုလ် ဒေါ်အောင်ဆန်းစုကြည်(၇၅)နှစ်မြောက်မွေးနေ့အထိမ်းအမှတ်နေ့တွင်ညောင်ရွှေ မြို့နယ်၊ လံတောင်ကျေးရွာအုပ်စု၊ ထီရီးကျေးရွာလမ်းဘေးဝဲယာ မှစ၍ လမ်းတစ်လျှောက်နှင့်ဖယ်ခုံ နယ်စပ်အထိ ကုက္ကိုလ်၊ မဟော်ဂနီ၊ ခါတော်မှီအပင်စုစုပေါင်း(၂၀၀၀)စိုက် ပျိုးပေးကြောင်းသိရှိရသည်။ 

မောင်မောင်သန်း(တောင်ကြီး)

 09250132943

COVID-19 ရောဂါကာကွယ်ရေးနှင့်ပညာပေးရေးအထောက် အကူပြု ပစ္စည်းများ ထောက်ပံ့ပေးအပ်

ရှမ်း(မြောက်) ဇွန် - ၂၉

124

ရှမ်းပြည်နယ်(မြောက်ပိုင်း)၊ နောင်ချို၊ ကျောက်မဲ၊ သီပေါမြို့များရှိ ပြန်လည်ဖွင့်လှစ်မည့် အခြေခံပညာကျောင်းများအတွက် ပြင်ဆင်ထားရှိမှုကို ရှမ်းပြည်နယ်အစိုးရအဖွဲ့ ပြည်နယ်လူမှုရေး ဝန်ကြီး ဒေါက်တာမျိုးထွန်း၊ ပြည်နယ်သယံဇာတနှင့် သဘာဝပတ်ဝန်းကျင်ထိန်းသိမ်း‌ရေးဝန်ကြီး ဒေါက်တာညီညီအောင်နှင့်တာဝန်ရှိသူတို့သည် ဇွန်လ ၂၇  ရက်နှင့် ၂၈ ရက်နေ့များတွင် သွားရောက် ကြည့်ရှုစစ်ဆေးပြီး လိုအပ်သည်များကို လမ်းညွှန်မှာကြားခဲ့ကြောင်းသိရသည်။

 ပြည်နယ်လူမှုရေးဝန်ကြီး၊ ပြည်နယ်သယံဇာတနှင့် သဘာဝပတ်ဝန်းကျင်ထိန်းသိမ်း‌ရေးဝန်ကြီး နှင့်တာဝန်ရှိသူတို့သည် နောင်ချို၊ ကျောက်မဲ၊ သီပေါမြို့များရှိ ပြန်လည်ဖွင့်လှစ်မည့် အခြေခံပညာကျောင်းများအတွက် COVID-19 ရောဂါကာကွယ်ရေးပစ္စည်းများဖြစ်သော Mask ၊ Hand Gelနှင့်ပညာပေးရေးအထောက် အကူပြုပစ္စည်းများဖြစ်သော Hand Speaker ၊ COVID-19 ရောဂါနှင့်ပတ်သက်သည့် အသိပညာပေး Audio File များပါဝင်သော Memory Stick တို့ကို ထောက်ပံ့ပေးအပ်ရာ တာဝန်ရှိ ဆရာ/ဆရာမများက လက်ခံရခဲ့ကြောင်းသိရသည်။

အဖရ(ရှမ်း)

ရှမ်းပြည်နယ်အတွင်း Coronavirus Disease 2019 (COVID-19)ကာကွယ်ထိန်းချုပ် ကုသရေးလုပ်ငန်းများတွင် အသုံးပြုရန်အတွက် ဆေးဖြန်းမော်တော်ယာဉ် လာရောက်လှူဒါန်း

တောင်ကြီး      ဇွန်  −   ၁၅

119

ရှမ်းပြည်နယ်အတွင်း Coronavirus Disease 2019 (COVID-19)ကာကွယ် ထိန်းချုပ် ကုသရေးလုပ်ငန်းများတွင် အသုံးပြုရန်အတွက် ပစ္စည်းများ လှူဒါန်းခြင်းကို ဇွန်လ ၁၅ ရက် နေ့လယ် ၁၂ နာရီက တောင်ကြီးမြို့၊ ရှမ်းပြည်နယ်အစိုးရ ရုံးရှေ့ ကွင်းပြင်တွင် ပြုလုပ်ခဲ့ကြောင်း သိရသည်။

အဆိုပါ လှူဒါန်းပွဲတွင် ပန်းဆေးပြည်သူ့စစ်ဌာနေအဖွဲ့မှ ရှမ်းပြည်နယ်အစိုးရအဖွဲ့သို့ Mask ( ၁၀၀၀ )ခု၊ PPE ကာကွယ်ရေးဝတ်စုံ (၁၀၀)စုံ၊ ဆရာဝန်သုံး ကာကွယ်ရေးမျက်မှန် (၁၀၀)လက်၊ ပိုးသတ်ဆေးရည် (၅)ဂါလံပုံး (၂၀)ပုံး၊ မီးသတ်ရေသယ်ဆေးဖြန်းမော်တော်ယာဉ်အမျိုးအစား Forland (၁)စီး ပေးအပ်လှူဒါန်းရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်နှင့် ပြည်နယ်ဝန်ကြီးများမှ လက်ခံရယူ၍ ပြည်နယ်လုံခြုံရေးနှင့်နယ်စပ်ရေးရာ ဝန်ကြီး ဗိုလ်မှူးကြီး လှဦးမှ COVID-19 ကာကွယ်ရေးအတွက် ဆေးဖြန်းအသုံးပြုနိုင်ရန် ပြည်နယ်မီးသတ်ဦးစီးဌာနသို့ မော်တော်ယာဉ် (၁)စီးနှင့် ပိုးသတ်ဆေးရည် (၂၀)ပုံးကို ပြန်လည်ပေးအပ်ခဲ့ရာ ပြည်နယ်မီးသတ်ဦးစီးမှူး ဦးတင်မင်းက လက်ခံရယူခဲ့ကြောင်း သိရှိရသည်။

မောင်မောင်သန်း(တောင်ကြီး)

၀၉-၂၅၀၁၃၂၉၄၃

COVID-19 ရောဂါကာကွယ်ရေး ကျန်းမာရေးအထောက်ကူပြုပစ္စည်းများ ထောက်ပံ့ပေးအပ်

တောင်ကြီး ဇွန် -၂၉

123

ရှမ်းပြည်နယ်အတွင်း အကောင်အထည်ဖော်ဆောင်ရွက်လျက်ရှိသော မြန်မာဆယ်မားအူးလ်အွန်ဒုံ စီမံကိန်း ကျေးရွာများအား COVID-19 ရောဂါကာကွယ်ရေး ကျန်းမာရေးအထောက်ကူပြုပစ္စည်းများ ထောက်ပံ့ပေးအပ်ပွဲကို ဇွန် ၂၉ ရက် နံနက် ၉ နာရီက စိုက်ပျိုးရေးဦးစီးဌာန ပြည်နယ်ဦးစီးမှူးရုံးအစည်းအဝေးခန်းမ၌ကျင်းပသည်။

ရှမ်းပြည်နယ်အစိုးရအဖွဲ့ ပြည်နယ်စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးစိုင်းလုံကျော်က မြန်မာဆယ်မားအူးလ်အွန်ဒုံ ကျေးရွာသစ်လှုပ်ရှားမှုစီမံကိန်းကို ရှမ်းပြည်နယ်တွင် တောင်ကြီးမြို့နယ်၌ လူရိုးတောင်၊ ဘုရားမဲ၊ ဘန်းကန်(ရွာမ)၊ ကျောက်စု၊ ညောင်စဉ်ကျေးရွာနှင့် ကလောမြို့နယ်တွင် လက်ပံပင်၊ နောင်လွယ်၊ ဥဿကံ၊ သာမိုင်းခမ်း၊ ပုန်းအင်းကျေးရွာ စုစုပေါင်းကျေးရွာ(၁၀)ရွာတွင် ၂၀၁၆ ခုနှစ်မှစ၍ အကောင်အထည်ဖော်ဆောင်ရွက်ခဲ့ခြင်းဖြစ်ကြောင်း၊ ယခုလက်ရှိတွင် ၂၀၁၉-၂၀၂၀ခု ဘဏ္ဍာရေးနှစ် ရှမ်းပြည်နယ်အစိုးရအဖွဲ့ ပြည်နယ်ရန်ပုံငွေ အထောက်အပံ့ဖြင့် ရပ်စောက်မြို့နယ် မြေနီကုန်းကျေးရွာတွင် ကျေးရွာသစ်လှုပ်ရှားမှုစီမံကိန်းကို စိုက်ပျိုးရေးဦးစီးဌာနက ပူးပေါင်းကူညီအကောင် အထည်ဖော်ဆောင်ရွက်နိုင်သည့်အတွက် ရှမ်းပြည်နယ်အတွင်း စုစုပေါင်းကျေးရွာ (၁၁)ရွာဆောင်ရွက်နိုင်ခဲ့ပြီဖြစ်ကြောင်း၊ ရှမ်းပြည်နယ်တွင် ကျေးရွာများ၏စံပြဖြစ်သော ကျေးရွာသစ်လှုပ်ရှားမှုစီမံကိန်းကျေးရွာများအား COVID-19 ရောဂါကာကွယ်ရေး ကျန်းမာရေးအထောက်ကူပြုပစ္စည်းများ ဖြစ်သည့် လက်ဆေးဘေစင်နှင့် ဆပ်ပြာ(၂၅)စုံ၊ Maskအခုရေ(၄၇၀၀)၊  Infrared Thermometer (၁၄)ခုတို့ကိုထောက်ပံ့ပေးအပ်မှာဖြစ်ပြီး၊ COVID-19 အန္တရာယ်မှကင်းဝေးစေရန် ကျန်းမာရေးနှင့်အားကစား ဝန်ကြီးဌာန၏လမ်းညွှန်ချက်များကို လိုက်နာနေထိုင်ကြရန်ပြောကြားသွားသည်။

ဆက်လက်၍ COVID-19 ရောဂါကာကွယ်ရေး ကျန်းမာရေးအထောက်ကူပြုပစ္စည်းများကို စီမံကိန်းကျေးရွာ(၁၁)ရွာနှင့် တောင်ကြီးမြို့နယ်၊ ကလောမြို့နယ်၊ ရပ်စောက်မြို့နယ် စိုက်ပျိုးရေးဦးစီးဌာနရုံး များသို့ ပြည်နယ်စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးစိုင်းလုံကျော်၊ ပြည်နယ်စီမံကိန်းဦးစီးမှူး၊ ကျေးလက်ဒေသ ဖွံ့ဖြိုးရေးဦးစီးမှူး၊ ပြည်နယ်စိုက်ပျိုးရေး ဦးစီးဌာနမှ ပြည်နယ်မှူး၊ ဒုပြည်နယ်မှူးနှင့် ခရိုင်ဦးစီးမှူးတို့မှ အသီးသီးပေးအပ်ကြရာ တာဝန်ရှိသူအသီးသီးက လက်ခံရယူပြီး စီမံကိန်းကျေးရွာများကိုယ်စား ကလောမြို့နယ်တွင် ဥဿကံကျေးရွာနေ ဦးအောင်နိုင်မိုးမှ ကျေးဇူးတင်စကားပြန်လည် ပြောကြားခဲ့ကြောင်းသိရသည်။

မောင်မောင်သန်း(ပြန်/ဆက်)

၀၉၂၅၀၁၃၂၉၄၃

ရှမ်းပြည်နယ်အတွင်း Coronavirus Disease 2019 (COVID-19)ကာကွယ်ထိန်းချုပ် ကုသရေးလုပ်ငန်းများတွင် အသုံးပြုရန်အတွက် ဆေးဖြန်းမော်တော်ယာဉ် လာရောက်လှူဒါန်း

တောင်ကြီး      ဇွန်  −   ၁၅

119

ရှမ်းပြည်နယ်အတွင်း Coronavirus Disease 2019 (COVID-19)ကာကွယ် ထိန်းချုပ် ကုသရေးလုပ်ငန်းများတွင် အသုံးပြုရန်အတွက် ပစ္စည်းများ လှူဒါန်းခြင်းကို ဇွန်လ ၁၅ ရက် နေ့လယ် ၁၂ နာရီက တောင်ကြီးမြို့၊ ရှမ်းပြည်နယ်အစိုးရ ရုံးရှေ့ ကွင်းပြင်တွင် ပြုလုပ်ခဲ့ကြောင်း သိရသည်။

အဆိုပါ လှူဒါန်းပွဲတွင် ပန်းဆေးပြည်သူ့စစ်ဌာနေအဖွဲ့မှ ရှမ်းပြည်နယ်အစိုးရအဖွဲ့သို့ Mask ( ၁၀၀၀ )ခု၊ PPE ကာကွယ်ရေးဝတ်စုံ (၁၀၀)စုံ၊ ဆရာဝန်သုံး ကာကွယ်ရေးမျက်မှန် (၁၀၀)လက်၊ ပိုးသတ်ဆေးရည် (၅)ဂါလံပုံး (၂၀)ပုံး၊ မီးသတ်ရေသယ်ဆေးဖြန်းမော်တော်ယာဉ်အမျိုးအစား Forland (၁)စီး ပေးအပ်လှူဒါန်းရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်နှင့် ပြည်နယ်ဝန်ကြီးများမှ လက်ခံရယူ၍ ပြည်နယ်လုံခြုံရေးနှင့်နယ်စပ်ရေးရာ ဝန်ကြီး ဗိုလ်မှူးကြီး လှဦးမှ COVID-19 ကာကွယ်ရေးအတွက် ဆေးဖြန်းအသုံးပြုနိုင်ရန် ပြည်နယ်မီးသတ်ဦးစီးဌာနသို့ မော်တော်ယာဉ် (၁)စီးနှင့် ပိုးသတ်ဆေးရည် (၂၀)ပုံးကို ပြန်လည်ပေးအပ်ခဲ့ရာ ပြည်နယ်မီးသတ်ဦးစီးမှူး ဦးတင်မင်းက လက်ခံရယူခဲ့ကြောင်း သိရှိရသည်။

မောင်မောင်သန်း(တောင်ကြီး)

၀၉-၂၅၀၁၃၂၉၄၃

ရှမ်းပြည်နယ်အစိုးရအဖွဲ့ရုံးတွင် တာဝန်ထမ်းဆောင်နေသောဝန်ထမ်းများအား စားနပ်ရိက္ခာ ထောက်ပံ့ပေးအပ်

တောင်ကြီး       ဇွန်  ၂၆

122

ရှမ်းပြည်နယ်အစိုးရအဖွဲ့ရုံးတွင် တာဝန်ထမ်းဆောင်နေသော အထွေထွေအုပ်ချုပ်ရေးဦးစီးဌာနမှ ဝန်ထမ်းများအား စားနပ်ရိက္ခာထောက်ပံ့ပေးအပ်ခြင်းကို ဇွန်လ (၂၆)ရက်၊ မွန်းလွဲ (၂)နာရီခွဲက တောင်ကြီးမြို့၊ ရှမ်းပြည်နယ်အထွေထွေအုပ်ချုပ်ရေးအစည်းအဝေးခန်းမ၌ ကျင်းပသည်။

ရှမ်းပြည်နယ်အစိုးရအဖွဲ့ ဒေါက်တာလင်းထွဋ်က ရှမ်းပြည်နယ်အစိုးရအဖွဲ့အနေဖြင့် တာဝန်ထမ်းဆောင် လာသည်မှာ ဒုတိယသက်တမ်းကာလတွင် နောက်ဆုံးအကြိမ်ရောက်ရှိလာပြီဖြစ်၍ ယနေ့တက်ရောက် လာသည့် ဝန်ထမ်းများမှ တက်ညီလက်ညီ၊ အောင်အောင်မြင်မြင်ဆောင်ရွက်ပေးကြသည့်အတွက် ကျေးဇူးတင် ကြောင်းကို ယနေ့အခမ်းအနားတွင် ပြောခွင့်ရသည့်အတွက် ဝမ်းမြောက်မိပါကြောင်း၊ ဝန်ထမ်းများ၏ အခက်အခဲများကိုလည်း နိုင်ငံတော်နှင့် ရှမ်းပြည်နယ်အစိုးရအဖွဲ့မှ ယခုလိုထောက်ပံ့ပေးသည့်အတွက် ဝမ်းသာ ပါကြောင်း၊ ဝန်ထမ်းများကလည်း ရှမ်းပြည်နယ်အစိုးရအဖွဲ့တွင် မိမိတို့အစိုးရအဖွဲ့သာမက နောင်လာမည့် အစိုးရအဖွဲ့များ တာဝန်ဆက်လက်ဆောင်ရွက်သည့် အချိန်များတွင်လည်း အစိုးရအဖွဲ့၏ အားထားရသော အဓိကမဏ္ဍိုင်ကြီးသဖွယ်၊ ယန္တရားကြီးသဖွယ်အဖြစ် ဆက်လက်ဆောင်ရွက်ပေးသွားကြရန် ပြောကြားသွား သည်။

ဆက်လက်၍ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်လမ်းပန်းဆက်သွယ်ရေးဝန်ကြီး ဦးခွန်ရဲထွေး၊ ပြည်နယ်သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီး ဒေါက်တာညီညီအောင်၊ ဗမာတိုင်းရင်းသားလူမျိုးရေးရာဝန်ကြီး ဒေါက်တာအောင်သန်းမောင်၊ ရှမ်းပြည်နယ်အစိုးရအဖွဲ့ အတွင်းရေးမှူး ဦးနေလင်းတို့မှ ဝန်ထမ်းများအား ဆန်၊ ဆီ၊ ကြက်ဥ တို့ကို ထောက်ပံ့ပေးအပ်ခဲ့ကြသည်။ 

အဆိုပါ ရှမ်းပြည်နယ်အစိုးရအဖွဲ့ရုံးတွင် တာဝန်ထမ်းဆောင်နေကြသော အထွေထွေအုပ်ချုပ်ရေး ဦးစီးဌာနဝန်ထမ်း (၁၇၄) ဦးတို့အား ဆန်၊ ဆီ၊ ကြက်ဥ ထောက်ပံ့ပေးအပ်သွားမည်ဖြစ်ကြောင်း သိရသည်။

မောင်မောင်သန်း(တောင်ကြီး)

၀၉-၂၅၀၁၃၂၉၄၃

ရှမ်းပြည်နယ်အတွင်း Coronavirus Disease 2019 (COVID-19)ကာကွယ်ထိန်းချုပ် ကုသရေးလုပ်ငန်းများတွင် အသုံးပြုရန်အတွက် အလှူငွေလှူဒါန်း

 

တောင်ကြီး ဇွန်    -      ၁၁

118

ရှမ်းပြည်နယ်အတွင်း Coronavirus Disease 2019 (COVID-19)ကာကွယ် ထိန်းချုပ် ကုသရေးလုပ်ငန်းများတွင် အလှူငွေများလှူဒါန်းခြင်းကို ဇွန်လ ၁၁ ရက် မွန်းလွဲ ၁ နာရီက တောင်ကြီးမြို့၊ ရှမ်းပြည်နယ်အစိုးရရုံး အစည်းအဝေးခန်းမ၌ ပြုလုပ်ခဲ့ကြောင်းသိရသည်။

အဆိုပါလှူဒါန်းပွဲတွင် Alliance for Microfinance in Myanmar  Ltd မှ ငွေကျပ် သိန်း(၂၀) ကို ပေးအပ်လှူဒါန်းရာ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်းမှ လက်ခံရယူ၍ ဂုဏ်ပြုမှတ်တမ်းလွှာ ပြန်လည် ပေးအပ်ခဲ့ကြောင်းသိရသည်။

 

 ခရိုင်(ပြန်/ဆက်)

၀၉၂၅၀၁၃၂၉၄၃

(၃၃)ကြိမ်မြောက်အပြည်ပြည်ဆိုင်ရာ မူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှု တိုက်ဖျက်ရေးနေ့တွင် ဖမ်းဆီးရမိ မူးယစ်ဆေးဝါးများအား တောင်ကြီးမြို့၌ မီးရှို့ဖျက်ဆီး

တောင်ကြီး       ဇွန်  ၂၆

121

(၃၃)ကြိမ်မြောက် အပြည်ပြည်ဆိုင်ရာ မူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှု တိုက်ဖျက်ရေးနေ့တွင် ဖမ်းဆီးရမိသည့်မူးယစ်ဆေးဝါးများ မီးရှို့ဖျက်ဆီးခြင်းကို ဇွန်(၂၆)ရက်၊ နံနက်(၁၀) နာရီက တောင်ကြီးမြို့၊ အဝေရာကုန်းသာယာ မီးပုံးပျံကွင်း၌ကျင်းပသည်။ 

 ရှမ်းပြည်နယ် မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများအန္တရာယ် တားဆီးကာကွယ် ရေးအဖွဲ့နာယက၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဒေါက်တာလင်းထွဋ်က (၃၃)ကြိမ် မြောက် အပြည်ပြည်ဆိုင်ရာမူးယစ်ဆေးဝါး အလွဲသုံးမှုနှင့် တရားမဝင်ရောင်းဝယ်မှု တိုက်ဖျက်ရေးနေ့ဖြစ်ပြီး ရှမ်းပြည်နယ်နှင့် ကယားပြည်နယ်တို့မှ ဖမ်းဆီး/သိမ်းဆည်း ရမိခဲ့သည့် မူးယစ်ဆေးဝါးများကို မီးရှို့ဖျက်ဆီးခြင်းဖြစ်ပါကြောင်း၊ ဖမ်းဆီး/သိမ်းဆည်း ရမိခဲ့သည့် ထုထည်ပမာဏများစွာသော မူးယစ်ဆေးဝါးများ၊ဓါတုပစ္စည်းများန

ှင့် ဆက်စပ်ပစ္စည်းများကို ရှမ်းပြည်နယ် တောင်ကြီးမြို့မှာသာမက မြန်မာတစ်နိုင်ငံလုံး အတိုင်းအတာ အနေဖြင့် ရန်ကုန်၊ မန္တလေးနှင့် ရှမ်းပြည်နယ်(မြောက်ပိုင်း) လားရှိုးမြို့တွင်လည်း ယနေ့မှာ တပြိုင်တည်း ဖျက်ဆီးသွားမှာဖြစ်ကြောင်း၊ ရှမ်းပြည်နယ်အတွင်း ဖျက်ဆီးခဲ့သည့် မူးယစ်ဆေးဝါးများနှင့် ဓါတုပစ္စည်းများကို နှစ်အလိုက်နှိုင်းယှဉ်ကြည့်ပါက ၂၀၁၈ ခုနှစ်တွင် အမေရိကန်ဒေါ်လာ(၁၀၉)သန်း၊ ၂၀၁၉ ခုနှစ်တွင် အမေရိကန်ဒေါ်လာ သန်း(၁၅၀)ကျော် တန်ဖိုးရှိသည့် မူးယစ်ဆေးဝါးများနှင့် ဓါတုပစ္စည်းများကို ဖျက်ဆီးနိုင်ခဲ့ပြီး ယနေ့ တောင်ကြီးမြို့တွင် မီးရှို့ဖျက်ဆီးမည့် မူးယစ်ဆေးဝါးများ၏ ကာလတန်ဖိုးမှာ အမေရိကန်ဒေါ်လာ (၂၃၂)သန်းကျော်၊ လားရှိုးမြို့မှာဖျက်ဆီးမည့် မူးယစ်ဆေးဝါးများ၏ ကာလတန်ဖိုးမှာ အမေရိကန်ဒေါ်လာ (၄၂၀)သန်းခန့်ဖြစ်ပြီး ကွတ်ခိုင်မြို့တွင် ကြိုတင်ဖျက်ဆီးခဲ့သည့် ဓါတုပစ္စည်းနှင့် ဆက်စပ်ပစ္စည်းများ၏ တန်ဖိုးမှာ အမေရိကန်ဒေါ်လာ (၂.၃)သန်းကျော်ဖြစ်ကြောင်း၊ ရှမ်းပြည်နယ်အတွင်း ယခင်နေ့က စုစုပေါင်းတန်ဖိုး အမေရိကန်ဒေါ်လာ သန်း(၁၅၀)တန်ဖိုးရှိ မူးယစ်ဆေးဝါးများ ဖျက်ဆီးနိုင်ခဲ့ပြီး ယခုနှစ် အမေရိကန်ဒေါ်လာ(၆၅၄)သန်းတန်ဖိုးရှိ မူးယစ်ဆေးဝါးများကို ဖျက်ဆီးမှာဖြစ်သည့် အတွက် ယခင်နေ့ထက် အမေရိကန်ဒေါ်လာ(၅၀၄)သန်း ပိုမိုဖျက်ဆီးနိုင်မှာဖြစ်ကြောင်း၊ ယခုနှစ်တွင် ရှမ်းပြည်နယ် တောင်ကြီး၊ လားရှိုး၊ ကွတ်ခိုင်နှင့် ရန်ကုန်၊ မန္တလေး အပါအဝင် တစ်နိုင်ငံလုံးအတိုင်းအတာအနေဖြင့် အမေရိကန်ဒေါ်လာသန်းပေါင်း (၈၃၉)သန်းကျော်တန်ဖိုးရှိ မူးယစ်ဆေးဝါးများ၊ အစပျိုးဓါတုပစ္စည်းများနှင့် ဆက်စပ်ပစ္စည်းများကို မီးရှို့ဖျက်ဆီးသွားမည်ဖြစ်ကြောင်း ပြောကြားသွားသည်။  

 

ဆက်လက်၍ အပြည်ပြည်ဆိုင်ရာ မူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှု တိုက်ဖျက်ရေးနေ့အထိမ်းအမှတ် အခမ်းအနားသို့ မြန်မာနိုင်ငံ မူးယစ်ဆေးဝါးနှင့်စိတ်ကိုပြောင်းလဲစေသော ဆေးဝါးများအန္တရာယ်တားဆီးကာကွယ်ရေးဗဟိုအဖွဲ့ဥက္ကဋ္ဌ ပြည်ထဲရေးဝန်ကြီးဌာန ပြည်ထောင်စုဝန်ကြီး  ဒုတိယဗိုလ်ချုပ်ကြီးစိုးထွဋ်ထံမှ ပေးပို့လာသောသဝဏ်လွှာအား ရှမ်းပြည်နယ်မူးယစ်ဆေးဝါးနှင့် စိတ်ကို ပြောင်းလဲစေသောဆေးဝါးများအန္တရာယ်တားဆီးကာကွယ်ရေးအဖွဲ့ဥက္ကဋ္ဌ ပြည်နယ်လုံခြုံရေးနှင့် နယ်စပ် ရေးရာဝန်ကြီး ဗိုလ်မှူးကြီးလှဦးမှ ဖတ်ကြားပြီး ရှမ်းပြည်နယ်မူးယစ်ဆေး ဝါးနှင့် စိတ်ကို ပြောင်းလဲ စေသော ဆေးဝါးများအန္တရာယ်တားဆီးကာကွယ်ရေးအဖွဲ့အတွင်းရေးမှူး ရှမ်းပြည်နယ် ရဲတပ်ဖွဲ့မှူး ရဲမှူးချုပ် တင်ကိုကိုမှ မူးယစ်ဆေးဝါးများ မီးရှို့ဖျက်ဆီးခြင်းနှင့်ပတ်သက်၍ ရှင်းလင်းတင်ပြကာ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်လွှတ်တော်ဥက္ကဋ္ဌ၊ ပြည်နယ်တရားလွှတ်တော်တရားသူကြီးချုပ်၊ အရှေ့ပိုင်းတိုင်းစစ်ဌာနချုပ်တိုင်းမှူး၊ မြန်မာနိုင်ငံ မူးယစ်ဆေးဝါးဆန့်ကျင်ရေးအသင်း (ရှမ်းပြည်နယ် တောင်ပိုင်းအသင်းခွဲ) ကမ္ဘောဇဘဏ် နာယက၊ ပြည်နယ်ဝန်ကြီးများ၊ တိုင်းရင်းသားလူမျိုးရေးရာ ဝန်ကြီးများ၊ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ဥက္ကဋ္ဌနှင့် တာဝန်ရှိသူများမှ မီးရှို့ဖျက်ဆီးမည့်       မူးယစ်ဆေးဝါးများ၊ ဓါတုပစ္စည်းများနှင့်ဆက်စပ်ပစ္စည်းများကို ကြည့်ရှုစစ်ဆေး၍ မူးယစ်ဆေးဝါးများအား တစ်ပြိုင်နက်စက်ခလုတ်နှိပ် မီးရှို့ဖျက်ဆီးပေးခဲ့ကြကြောင်း သိရသည်။ 

၂၀၂၀ပြည့်နှစ်တွင် ဖမ်းဆီးရမိသည့် မူးယစ်ဆေးဝါးများ၊ မူးယစ်ဆေးဝါးထုတ်လုပ်ရာတွင် အသုံးပြု သော ဓါတုပစ္စည်းများနှင့် ဆက်စပ်ပစ္စည်းများ ဖျက်ဆီးခြင်းကို ရန်ကုန်၊ မန္တလေး၊ တောင်ကြီး၊ လားရှိုးမြို့နှင့် ကွတ်ခိုင်မြို့ (၅)နေရာတွင် ပြုလုပ်ခဲ့ရာ ဘိန်း(၃၁၃၄)ကီလိုကျော်၊ ဘိန်းဖြူ(၁၀၉၂)ကီလိုကျော်၊ စိတ်ကြွရူးသွပ်ဆေးပြား(၃၀၈)သန်းခန့်၊ အိုက်စ်(၁၁၁၃၁)ကီလိုကျော်၊ ဆေးခြောက်(၈၀၉) ကီလိုကျော်နှင့် ကတ်တမင်း(၁၄၂၈)ကီလိုကျော် အပါအဝင် မူးယစ်ဆေးဝါးနှင့် ဓါတုပစ္စည်း (၁၁၃)မျိုး၊ စုစုပေါင်း တန်ဖိုးကျပ် (၁၂၁၇.၇၁၂)ဘီလီယံ (အမေရိကန်ဒေါ် ၈၃၉သန်းကျော်)နှင့် မူးယစ်ဆေးဝါးထုတ်လုပ်ရာတွင် အသုံးပြုသော ဆက်စပ်ပစ္စည်းအမျိုးပေါင်း(၅၀)တို့အား မီးရှို့ဖျက်ဆီးခဲ့ကြကြောင်း သိရသည်။

မောင်မောင်သန်း(တောင်ကြီး)

09- 250132943

ရှမ်းပြည်နယ်အတွင်း Coronavirus Disease 2019 (COVID-19)ကာကွယ်ထိန်းချုပ် ကုသရေးလုပ်ငန်းများတွင် အသုံးပြုရန်အတွက် အလှူငွေလှူဒါန်း

တောင်ကြီး ဇွန်    -      ၉

117

ရှမ်းပြည်နယ်အတွင်း Coronavirus Disease 2019 (COVID-19)ကာကွယ် ထိန်းချုပ် ကုသရေးလုပ်ငန်းများတွင် အလှူငွေများလှူဒါန်းခြင်းကို ဇွန်လ ၉ ရက် မွန်းလွဲ ၁ နာရီက တောင်ကြီးမြို့၊ ရှမ်းပြည်နယ်အစိုးရရုံး အစည်းအဝေးခန်းမ၌ ပြုလုပ်ခဲ့ကြောင်းသိရသည်။

အဆိုပါလှူဒါန်းပွဲတွင် Royal Goldern Power Co.Ltd မှ ငွေကျပ် သိန်း(၃၀) ကို ပေးအပ်လှူဒါန်းရာ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်းမှ လက်ခံရယူ၍ ရှမ်းပြည်နယ်အစိုးရအဖွဲ့ ပြည်နယ်လမ်းပန်းဆက်သွယ်ရေးဝန်ကြီး ဦးခွန်ရဲထွေးမှ ဂုဏ်ပြုမှတ်တမ်းလွှာ ပြန်လည် ပေးအပ်ခဲ့ကြောင်းသိရသည်။

 

မောင်မောင်သန်း(ပြန်/ဆက်)

၀၉၂၅၀၁၃၂၉၄၃

 

More Articles...

  1. ရှမ်းပြည်နယ် လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးကော်မတီလုပ်ငန်း ညှိနှိုင်း အစည်းအဝေး အမှတ်စဉ်(၃/၂၀၂၀)ကျင်းပ
  2. ရှမ်းပြည်နယ်အတွင်း Coronavirus Disease 2019 (COVID-19)ကာကွယ်ထိန်းချုပ် ကုသရေးလုပ်ငန်းများတွင် အသုံးပြုရန်အတွက် PPE ဝတ်စုံနှင့် Mask များလှူဒါန်း
  3. ကား၊ ဆိုင်ကယ်၊ ယာဉ်မောင်းလိုင်စင်များ သက်တမ်းတိုးနိုင်ပြီး အသစ်ဖြေဆိုမည့် ယာဉ်မောင်းလိုင်စင်များ ခေတ္တ ဆိုင်းငံ့ထားမည်
  4. ကမ္ဘာ့ပတ်ဝန်းကျင်ထိန်းသိမ်းရေးနေ့ အထိမ်းအမှတ် စိမ်းလန်းသန့်ရှင်းသော ကျောင်းများ ဂုဏ်ပြုဆု ချီးမြှင့်
  5. ရှမ်းပြည်နယ်အတွင်း Coronavirus Disease 2019 (COVID-19)ကာကွယ်ထိန်းချုပ် ကုသရေးလုပ်ငန်းများတွင် အသုံးပြုရန်အတွက် အလှူငွေလှူဒါန်း
  6. ရှမ်းပြည်နယ်အတွင်း Coronavirus Disease 2019 (COVID-19)ကာကွယ်ထိန်းချုပ် ကုသရေးလုပ်ငန်းများတွင် အသုံးပြုရန်အတွက် MPT ငွေဖြည့်ကဒ်များလှူဒါန်း
  7. ဓနုကိုယ်ပိုင်အုပ်ချုပ်ခွင့်ရဒေသရှိ ဓနုတိုင်းရင်းသားလူမျိုးများအား ဆန်၊ ဆီ၊ ဆား၊ ကုလားပဲ ရိက္ခာများ ထောက်ပံ့
  8. ဈေးပြိုင်လေလံကြော်ငြာအမှတ်(၂/၂၀၁၉-၂၀၂၀) ( ဒေသဖွံ့ဖြုးရေး) (သတ-ဖ) ကျွန်း/သစ်မာ(သစ်လုံး/တိုင်/ခွဲခြမ်း/သစ်ခွဲသား)များအား ဒေသဖွံ့ဖြိုးရေးသို့ ရောင်းချခြင်း
  9. ရှမ်းပြည်နယ်ဝန်ကြီးချုပ်၊ Covid-19 ရောဂါပိုး စစ်ဆေးနိုင်သည့်စက် တပ်ဆင်မည့်နေရာအား ကွင်းဆင်းကြည့်ရှု
  10. (၃၃)ကြိမ်မြောက် အပြည်ပြည်ဆိုင်ရာ မူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေးနေ့ အထိမ်းအမှတ် အခမ်းအနားကျင်းပနိုင်ရေး ပထမအကြိမ်လုပ်ငန်းညှိနှိုင်း

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

palaungရှမ်းပြည်နယ်(မြောက်ပိုင်း) နမ့်ဆန်၊ မန်တုံ၊ နမ့်ခမ်း၊ ကွမ်းလုံ၊ ကျောက်မဲ၊ သီပေါ၊ ကွတ်ခိုင်၊ သိန္နီ၊ မိုင်းရယ်မြို့နယ်များနှင့် ရှမ်းပြည်နယ်တောင်ပိုင်း မိုင်းကိုင်၊ နမ့်စန်၊ လဲချားမြို့နယ်များတွင် နေထိုင်ကြ သည်။

We have 109 guests and no members online